رواية معشوقه الضابط علي الفصل الثالث والعشرون بقلم ارسلان جاف
داده بعد بين يوم ويوم اذا الكه تفاعل ازركم بهديه
ﻣﺴﺎﺀ ﺍﻟﺨﻴﺮ
ﻣﺴﺎﺀ ﺍﻟﻮﺭﺩ
ﻣﺴﺎﺀ ﺍﻟﻄﻴﺒﻪ
ﻣﺴﺎﺀ ﺍﻟﺘﻔﺎﺋﻞ
ﻣﺴﺎﺀ ﺍﻟﻤﺤﺒﻪ
ﻣﺴﺎﺀ ﻳﻌﻮّﺩ ﻛﻞ ﻏﺎﺋﺐ
ﻣﺴﺎﺀ ﻳﺸﻔﻲ ﻛﻞ ﻣﺮﻳﺾ
ﻣﺴﺎﺀ ﻳﻔﺮﺡ ﻛﻞ ﻣﻬﻤﻮﻡ
ﻣﺴﺎﺀ ﻳﻌﻄﻲ ﻛﻞ ﻣﺤﺮﻭﻡ
ﻣﺴﺎﺀ ﻳﻤﺤﻲ ﺃﻻﻡ
ﻣﺴﺎﺀ ﻳﺮﺳﻢ ﺃﺣﻼﻡ
ﻣﺴﺎﺀ ﻳﺠﻤﻌﻨﻲ ﻭ ﺍﻳﺎﻛﻢ ﻟﻜﻞ ﺧﻴﺮ ﻭ ﺻﻼﺡ ღღ
🌹🌹🌹🌹🌹🌹🌹🌹🌹
ﻋﻠﻲ ... ﻛﻌﺪﺕ ﻣﻦ ﺍﻟﻨﻮﻡ ﺣﻀﻨﺘﻨﻲ ﻛﻠﻪ ﻗﻮﺗﻬﺎ ﻭﻟﺞ ﻣﺎ ﺍﻃﻴﺮ ﻳﻼ ﺍﻛﻌﺪﻱ ﻣﺎ ﺿﻞ ﻭﻛﺖ ﺧﺮﺏ ﺳﺎﻋﻪ ﻳﻼ ﺭﺍﺡ ﺍﺭﻭﺡ ﺍﻛﻌﺪﻱ ﺗﻨﺒﻞ ﺣﻀﺮﻳﻠﻲ ﻣﻼﺑﺴﻲ
ﻫﻨﺎﺱ .. ﺍﻭﻓﻔﻒ ﻧﻌﺴﺎﻧﻪ ﻫﺴﻪ ﻛﻌﺪﺕ ﺭﻭﺡ ﻫﺴﻪ ﺍﺣﻀﺮﻫﻦ ﻛﻌﺪﺕ ﺣﻀﺮﺕ ﻣﻼﺑﺲ ﺭﺗﺒﺖ ﺍﻟﻐﺮﻓﻪ ﺑﺪﻝ ﻭﻃﻠﻊ
ﻋﻠﻲ ... ﻳﻼ ﺣﺒﻲ ﺧﻠﺼﻲ ﻭﺍﻧﺰﻟﻲ ﻣﻮ ﺗﺮﺟﻌﻴﻦ ﺗﻨﺎﻣﻴﻦ
ﻫﻨﺎﺱ .. ﻫﻬﻬﻬﻪ ﻻ ﺷﻌﻨﺪﻱ ﺍﻧﺎﻡ ﻣﺎﺷﻲ ﺭﺣﺖ ﺳﺒﺤﺖ ﺑﺪﻟﺖ ﻧﺰﻟﺖ ﺗﺮﻳﻜﺖ . ﻭﻋﻠﻲ ﺭﺍﺡ ﻋﻠﻰ ﺟﺪﻱ ﺷﻐﻞ ﻭﺗﻮﺟﻴﺐ ﺍﻧﻲ ﺍﺟﻦ ﺍﻟﻨﺴﻮﺍﻥ ﺣﺮﺕ ﺍﺑﺎﻭﺱ ﺧﺪﻭﺩﻱ ﺍﺗﻜﻄﻌﺖ ﻭﺍﻟﻨﺎﺱ ﺭﺍﻳﺤﻪ ﺟﺎﻳﻪ ﺧﺎﺑﺮﺕ ﻧﻮﺭ
ﻧﻮﺭ ... ﻫﻼ ﺣﺐ ﺗﺠﻴﻦ ﺍﻟﺼﺎﻟﻮﻥ
ﻫﻨﺎﺱ ... ﻣﺎ ﺍﺩﺭﻱ ﻭﺍﻟﻠﻪ ﻣﻦ ﻭﺭﻩ ﺳﺖ ﻫﺒﻪ ﺍﻟﺒﻴﺖ ﻫﻮﺳﻪ ﻣﺎ ﺍﻋﺮﻑ ﺍﺷﻮﻑ ﻋﻠﻲ ﻭﺍﺭﺩﻟﺞ ﺧﺒﺮ
ﻧﻮﺭ ... ﻣﺎﺷﻲ ﻋﻴﻨﻲ ﺍﻛﻠﺞ ﺣﺎﻭﻟﻲ ﺍﻟﻴﻮﻡ ﺗﻀﻠﻴﻦ ﻳﻤﻨﺎ ﻻﻥ ﺍﻣﻲ ﺑﺲ ﺗﺒﺠﻲ ﻋﻠﻰ ﻓﺮﺍﻛﻜﻢ
ﻫﻨﺎﺱ ... ﻋﻴﻨﻲ ﻋﻴﻮﻧﺞ ﻳﻤﻪ ﻣﺎﺷﻲ ﺍﺷﻮﻑ ﻋﻠﻲ ﻫﺒﻪ ﺷﻠﻮﻧﻬﺎ ﺭﺍﺣﺖ ﻟﻠﺼﺎﻟﻮﻥ ﻟﻮ ﺑﻌﺪ
ﻧﻮﺭ ... ﺃﻟﺤﻤﺪ ﺍﻟﻠﻪ ﻻ ﺯﻳﻨﻪ ﻫﺴﻪ ﺭﺍﺡ ﻧﺮﻭﺡ ﻳﺠﻮﻥ ﻳﺎﺧﺬﻭﻧﻬﺎ ﺍﺭَﻭﺡ ﻭﻳﺎﻫﺎ ﻫﺪﻯ ﺧﺎﻟﺪ ﺃﻓﻨﺪﻱ ﻣﺎ ﻳﻘﺒﻞ ﺑﻌﺪ ﻣﺎ ﺻﺎﺭﺕ ﻣﻠﻜﻪ ﻳﺘﺤﻜﻢ ﻋﺎﺑﺖ ﻫﻴﺞ ﻧﺴﺎﻳﺐ
ﻫﻨﺎﺱ ... ﻫﻬﻬﻬﻪ ﻫﺎﻱ ﻋﻠﻴﻤﻦ ﻭﻟﺞ َﺷﺒﻴﻬﻢ ﻧﺴﺎﻳﺐ ﺣﻴﻮﺍﻧﻪ ﻳﻼ ﺣﺒﻴﺒﻲ ﺑﺎﻱ ﻋﺘﺪﻱ ﻛﻮﻣﻪ ﺷﻐﻞ ﺭﻗﻴﻪ ﻭﺍﻟﺒﻨﺎﺕ ﺍﺟﻮ
ﻧﻮﺭ ... ﻋﻮﺫﻩ ﻭﺟﻪ ﺃﻟﺒﻮﻣﻪ ﻫﺎﻱ ﺭﻗﻴﻪ ﺯﻳﻦ ﺗﺴﻮﻳﻦ ﻣﺎ ﺗﻜﻮﻟﻴﻦ ﻋﻤﻪ ﻭﺟﻪ ﺍﻟﻨﻌﺎﻝ
ﻫﻨﺎﺱ ... ﺧﺮﺏ ﺑﻴﻮﻣﺞ ﻻ ﻳﺴﻤﻌﺞ ﻋﻠﻲ ﺍﺳﻜﺘﻲ ﻭﻟﺞ ﻋﻴﺐ ﺗﻀﻞ ﺍﻣﻪ ﻭﻻﺯﻡ ﺍﺣﺘﺮﻣﻬﺎ ﻳﻼ ﺍﻡ ﻟﺴﺎﻥ ﻋﻠﻰ ﻛﻮﻟﻪ ﻋﻠﻲ ﺳﺒﻊ ﺟﻄﻼﺕ
ﻧﻮﺭ ... ﻳﻼ ﻭﻟﻲ ﻟﺨﺎﻃﺮ ﺍﻟﻠﻪ ﻫﺬﺍ ﺭﺟﻠﺞ ﻣﻨﻴﻦ ﺍﺟﻴﺐ ﻫﻴﺞ ﻣﺼﻄﻠﺤﺎﺕ ﻫﻬﻬﻬﻪ ﺑﺎﻱ ﺳﺪﻳﺖ ﺍﻟﺨﻂ ﺭﺣﺖ ﺑﺪﻟﺖ ﻣﺎﻣﺎ ﻫﻨﺎﺱ ﻛﺎﻟﺖ ﺍﻛﻮﻝ ﻟﻌﻠﻲ ﻭﺍﺷﻮﻑ
ﻓﺎﻃﻤﻪ ... ﺑﺮﺍﺣﺘﻪ ﻳﻤﻪ ﺭﺑﻲ ﻳﺴﻌﺪﻫﻢ ﺿﻠﺖ ﻫﺪﺍﻭﻱ ﺑﺲ ﺗﺰﻭﺝ ﻫﺒﻪ ﻳﺠﻲ ﻳﺨﻄﺒﻬﺎ ﻭﺭﺑﻲ ﻳﻔﺮﺣﻨﻲ ﺑﻴﻜﻢ ﺗﻀﻞ ﻧﻮﺭﻳﻪ
ﻧﻮﺭ ... ﻓﺪﻳﺘﺞ ﺍﺿﻞ ﺍﺧﺪﻣﺞ ﻣﺎ ﺍﺗﺰﻭﺝ ﻳﻼ ﻣﺎ ﺍﺣﺐ ﻣﺸﺎﻫﺪ ﺣﺰﻳﻨﻪ . ﺭﺍﻳﺤﻪ ﺍﺑﺪﻝ
ﻫﺪﻯ ... ﻫﻬﻬﻬﻪ ﺍﻟﻠﻪ ﻳﺎﺧﺬﺝ ﺷﻨﻮ ﻋﺪﻧﺎ ﻣﺴﻠﺴﻞ ﺑﺪﻟﻲ ﺭﻭﺣﻲ ﺷﻮﻓﻲ ﻫﺒﻪ ﺗﺮﺍ ﻣﺎ ﺿﻞ ﻭﻛﺖ
ﻫﻨﺎﺱ . ﺭﺣﺖ ﺧﺎﺑﺮﺕ ﻋﻠﻰ ﺣﺒﻴﺒﻲ ﺧﺎﺑﺮﻧﻲ ﻋﻠﻤﻮﺩ ﺍﻟﺼﺎﻟﻮﻥ ﺍﺭﻭﺡ ﻭﻳﺎﻫﻢ
ﻋﻠﻲ ... ﻫﺎﺍ ﺣﺒﻴﺒﻲ ﺍﻧﻲ ﺍﻭﺩﻳﺞ ﺍﺧﻠﺺ ﻭﺍﺟﻲ ﺁﺧﺬﺝ ﻳﻼ ﺑﺎﻱ
ﻫﻨﺎﺱ ... ﻣﺎﺷﻲ ﺣﺒﻴﺒﻲ ﺳﺪﻳﺖ ﺍﻟﺨﻂ ﺍﺟﺖ ﺭﻗﻴﻪ ﻭﺍﻟﺒﻨﺎﺕ ﻛﺎﺷﺨﺎﺕ ﺍﺟﺖ ﺭﻳﻨﺎﺩ
ﺭﻳﻨﺎﺩ .. ﻫﻼ ﻣﺮﺕ ﺍﺧﻮﻳﻪ ﺷﺪﻋﻮﻩ ﻋﻴﻨﻲ ﺍﺳﺄﻟﻲ ﺧﺎﺑﺮﻱ ﻟﻮ ﺑﺲ ﺗﺎﺧﺬﻳﻦ ﺍﺧﻮﻳﻪ ﻣﺎ ﺗﺴﺄﻟﻴﻦ ﻋﻠﻰ ﺍﻟﺒﺎﻗﻲ
ﻫﻨﺎﺱ . َﻫﻼ ﺣﺒﻴﺒﺘﻲ ﻻ ﻭﺍﻟﻠﻪ ﺑﺲ ﺗﻌﺮﻓﻴﻦ ﺍﻣﺞ ﻭﺍﻟﺤﺠﻲ ﻣﺎﻟﺘﻪ ﻣﺎ ﺃﻛﺪﺭ ﺍﺟﻲ ﺑﻞ ﺍﻟﻌﻜﺲ ﻭﺍﻟﻠﻪ ﺷﻠﻮﻧﺞ ﺑﺎﻥ ﺷﻠﻮﻧﺞ
ﻟﻴﺎﻥ .. ﻭﺍﻧﻲ ﻭﻟﺞ ﺣﻘﻴﺮﻩ ﺻﺪﻙ ﻣﺘﻐﻴﺮﻩ ﻭﻫﻨﺎﺱ ﺍﻟﻲ ﻋﺮﻓﻨﺎﻫﺎ ﺑﺲ ﺣﻠﻴﺎﻧﻪ
ﻫﻨﺎﺱ .. ﺃﺷﻜﺪ ﻣﻜﺮﻭﻩ ﻟﻴﺶ ﺍﺗﻐﻴﺮ ﻋﻮﺩ ﻋﻴﻮﻧﺞ ﺍﻟﺤﻠﻮﻩ
ﺑﺎﻥ ... ﻣﺎ ﺗﻌﺮﻓﻴﻬﺎ ﺣﺠﻴﻬﺎ ﺳﻤﺎﻧﻲ ﻫﻬﻬﻪ ﺗﺮﺍ ﻣﺎ ﺗﻘﺼﺪ ﻫﺎﻱ ﺗﻌﺎﻟﻮ ﻧﺴﺎﻋﺪﻫﻢ ﻫﺴﻪ ﺟﺪﻳﺘﻲ ﺗﻌﻴﻂ ﺑﻴﻨﺎ
ﻫﻨﺎﺱ . ﺍﻱ ﻭﺍﻟﻠﻪ ﺷﻐﻞ ﺍﻫﻮﺍﻳﻪ ﺗﻌﺎﻟﻮﻭ
ﻧﻬﻮﺭ ... ﻫﻤﺰﻳﻦ ﻭﻟﺠﻦ ﺍﻧﺘﻮﻭ ﺗﺘﺰﻭﺟﻮﻥ ﻭﺍﺣﻨﺎ ﻣﺒﺘﻠﻴﻦ ﺑﻴﺖ ﺍﻟﺠﺒﻴﺮ ﻇﻬﺮﻱ ﺍﻧﻘﺴﻢ ﻗﺴﻤﻴﻦ ﻳﻼ ﻗﻨﺎﺩﺭﺭ ﺗﻌﺎﻟﻮ ﺍﺷﺘﻐﻠﻮﺍ ﺻﺪﻙ ﺍﻋﺮﻓﻜﻢ ﻋﻼ ﻳﻤﻜﻦ ﻧﺎﺳﻴﻦ ﺷﻜﻠﻬﺎ
ﺭﻳﻨﺎﺩ ... ﻋﻤﻪ ﻣﺎ ﺗﺒﻄﻞ ﺍﻟﻔﺎﺿﻬﺎ ﻫﺎﻱ ﻫﻬﻬﻪ ﺍﺟﻴﺖ ﻳﻼ ﺑﻨﺎﺕ ﻫﻼ ﺣﻴﺎﺗﻲ ﺍﻧﻲ ﺍﺗﺬﻛﺮﻫﺎ ﻣﺮﻩ ﺍﺟﻴﺘﻲ ﻣﻮ
ﻋﻼ ... ﺍﻱ ﻣﻦ ﺯﻣﺎﻥ ﻣﺎ ﺟﺎﻳﻪ ﻫﻼ ﺑﻴﻜﻢ
ﻟﻴﺎﻥ ... ﻫﻼ ﺑﻴﺞ ﺣﻴﺎﺗﻲ ﺗﺸﺮﻓﺖ ﺑﻴﺞ
ﻫﻨﺎﺱ . ﺻﺎﺭﺕ ﻋﺰﻳﻤﻪ ﺍﻟﻐﺪﺍ ﺍﻳﺪﻳﻪ ﺍﺗﻜﻄﻌﺖ ﻣﻦ ﺍﻟﻐﺴﻞ ﻭﺍﻟﺘﻨﻀﻴﻒ ﺍﻧﻲ ﻭﺍﻟﺒﻨﺎﺕ
ﻋﻼ ﻫﻢ ﺧﻮﺵ ﺑﻨﻴﻪ ﻛﻤﻠﺖ ﺧﺎﺑﺮﺗﻪ ﻫﺎﺍﺍ ﺣﻴﺎﺗﻲ ﺧﻠﺼﺖ
ﻋﻠﻲ ... ﺍﺻﻌﺪﻱ ﺗﻌﺎﻟﻲ ﺣﻀﺮﻱ ﻣﻼﺑﺲ
ﻫﻨﺎﺱ ... ﻣﺎﺷﻲ ﻋﻴﻨﻲ ﺻﻌﺪﺕ ﻟﻜﻴﺘﻪ ﻭﺍﻛﻒ ﺣﻀﻨﻲ
ﻋﻠﻲ ... ﻭﻟﻲ ﻣﺸﺘﺎﻗﺘﻠﺞ ﺗﻌﺒﺘﻲ ﻣﻮ
ﻫﻨﺎﺱ .. ﻭﺍﻧﻲ ﻫﻢ ﺣﺒﻴﺒﻲ ﺍﻱ ﻭﺍﻟﻠﻪ ﺍﺗﻐﺪﻳﺖ ﺣﻴﺎﺗﻲ
ﻋﻠﻲ . ﺍﻱ ﺣﺒﻴﺒﺘﻲ ﺍﺗﻐﺪﻳﺖ ﺩﻙ ﺗﻠﻔﻮﻧﻲ ﺍﻟﻮ ﻫﻼ ﺳﻬﺎﻡ
ﺳﻬﺎﻡ .. ﺍﻣﻨﻴﺘﻲ ﺗﻜﻮﻝ ﺣﺒﻴﺒﺘﻲ
ﻋﻠﻲ .. ﻟﻴﺶ ﻳﻌﻨﻲ
ﺳﻬﺎﻡ .. ﺍﻟﻤﻬﻢ ﺍﻧﺖ ﻭﻳﻦ
ﻋﻠﻲ .. ﺑﻴﺖ ﺟﺪﻱ ﻳﻌﻨﻲ ﻭﻳﻦ
ﺳﻬﺎﻡ . ﻳﻌﻨﻲ ﻳﻢ ﻫﻨﺎﺱ
ﻋﻠﻲ . ﻟﻴﺶ ﻫﻴﻪ ﻣﺮﺗﻲ ﺷﻜﻮ
ﺳﻬﺎﻡ . ﻣﻜﻀﻴﻪ ﺍﺣﺠﺖ ﺑﻴﺖ ﺟﺪﻙ ﻣﻜﻀﻴﻬﺎ ﻳﻤﻬﺎ
ﻫﻨﺎﺱ . ﺍﻟﻌﺐ ﺑﻠﺤﻴﺘﻪ ﻭﺍﺑﻮﺱ ﺑﺮﻛﺒﺘﻪ ﻫﻮ ﻳﺤﺠﻲ ﻣﺎ ﺣﺒﻴﺘﻪ ﺍﻋﻮﻓﻪ ﺍﻟﻬﺎ ﻫﻮ ﻳﺤﺠﻲ ﻣﺘﻌﺼﺐ
ﻋﻠﻲ .. ﺍﻧﺠﺒﻲ ﻋﺎﺩ ﻃﻮﺧﺘﻴﻬﺎ
ﺳﻬﺎﻡ .. ﺩﻳﻼ ﻋﺎﺩ ﺳﺪﻳﺖ ﺍﻟﺨﻂ ﺻﺮﺕ ﻧﺎﺭ
ﻋﻠﻲ .. ﻭﺟﻌﻊ ﺍﻧﻲ ﺍﻋﻠﻤﺞ
ﻫﻨﺎﺱ .. ﻋﻮﻓﻬﺎ ﺣﺒﻴﺒﻲ ﺗﻌﺎﻝ ﺣﻀﻨﺘﻪ ﺍﺧﺬﻧﻲ ﻟﻠﺴﺮﻳﺮ ﻳﺒﻮﺱ ﺑﻠﻬﻔﻪ ﻧﻤﺖ ﻉ ﺻﺪﺭﻩ ﻛﺎﻝ
ﻋﻠﻲ ... ﻫﻮ ﺍﻟﻲ ﻳﺮﻭﺡ ﻳﺒﺪﻝ ﻳﺘﺄﺧﺮ ﺳﺎﻋﻪ ﻫﺴﻪ ﺟﺪﻱ ﻳﺤﺮﻛﻬﺎ ﻋﻠﻴﻪ
ﻫﻨﺎﺱ .. ﻭﺷﻮﺭﺍﻧﻬﺎ
ﻋﻠﻲ .. ﻻ ﻳﺎﺑﻪ ﻫﻮ ﺍﻧﻲ ﻣﻔﻀﻮﺡ
ﺣﻲ ﻋﻠﻰ ﺍﻟﺼﻼﻩ ﻣﻌﺮﻭﻑ ﻳﻢ ﻣﺮﺗﻲ
ﻫﻨﺎﺱ ... ﺍﻋﺸﻘﻚ
ﻋﻠﻲ .. ﺍﻣﻮﺕ ﺑﻴﺞ
ﺍﻟﺠﺪ ... ﻳﻮﻝ ﻛﺮﺍﺭ ﻣﺎ ﺗﺸﻮﻓﻠﻲ ﻋﻠﻴﻮﻱ ﻭﻳﻦ ﺭﺍﺡ ﻳﺒﺪﻝ ﻭﻣﺎ ﺍﺟﻪ ﺑﺲ ﺍﺷﻮﻓﻪ ﺍﺥ
ﻛﺮﺍﺭ .... ﻳﻤﻌﻮﺩ ﻣﺎ ﺗﺸﻮﻓﻪ ﻭﻳﻦ ﻭﻳﻦ ﻏﻂ ﻫﺬﺍ ﻛﻮﻣﻪ ﺷﻐﻞ ﻛﺎﻝ ﺍﺑﺪﻝ ﻭﺍﺟﻲ ﻫﺎﻱ ﺟﻤﺎﻋﺘﻪ ﺍﺟﻮ ﻋﻠﻴﻪ
ﻣﻬﻴﻤﻦ .. َﺍﺷﻜﺪ ﺧﺒﻴﺚ ﺍﻧﺖ ﻭﺣﺎﺭﻭﻛﻪ ﺍﺩﺭﻱ ﺑﻴﻚ ﻣﻮ ﺗﺪﺭﻱ ﺻﻌﺪ ﻓﻮﻙ ﻣﻨﻌﻮﻝ
ﺳﻴﻒ ... ﻫﻬﻬﻬﻬﻬﻬﻪ ﺑﺪﻣﻪ ﺍﻟﺨﺒﺎﺛﻪ ﻛﻮﻟﻪ ﺧﻞ ﻳﻨﺰﻝ ﺟﻤﺎﻋﺘﻪ ﺍﺟﻮ ﺗﺮﺍ ﺍﻧﻲ ﻫﻢ ﺍﺧﺒﺚ ﻭﺟﺪﻱ ﻫﻢ ﻳﺮﻳﺪﻫﺎ ﻣﻦ ﺍﻟﻠﻪ
ﻛﺎﻇﻢ ... ﻭﻻ ﻳﻬﻤﻚ ﺻﺎﺣﺒﻲ ﻫﺴﻪ ﺍﺧﺎﺑﺮﻩ ﺻﺪﻙ ﻫﻮ ﻭﻳﻦ
ﻣﻬﻴﻤﻦ ... ﺻﺪﻙ ﻫﻮ ﻭﻳﻦ ﺑﻬﺎﻳﻤﻢ ﺣﻴﻮﺍﻧﺎﺕ ﺧﻞ ﻳﺠﻲ ﻛﻠﻜﻢ ﺍﺧﻠﻲ ﻳﺴﻮﻳﻜﻢ ﻋﺸﺎ ﻣﺸﻮﻳﺎﺕ ﻟﻠﺨﻄﺎﺭﺍﻟﺠﺪ ... ﻭﺍﻧﺖ ﺍﻭﻟﻬﻢ ﻳﻮﻝ ﺷﻮﻓﻠﻲ ﻋﻠﻴﻮﻱ ﻭﻳﻦ ﺭﺍﺡ ﻻ ﺗﺼﻴﺮ ﻣﺤﺎﻣﻲ ﻳﻼ
ﻣﻬﻴﻤﻦ . ﻫﺎﺍﺍ ﻳﺎﺑﻪ ﺭﺣﺖ ﻋﺰﺍﺍ ﻣﻨﻴﻦ ﻃﻠﻊ ﻣﻮ ﺭﺍﺡ ﻻﻣﻀﻴﻒ ﻫﻬﻬﻪ ﻭﺍﻟﻠﻪ ﻳﺎﺑﻪ ﺧﺎﺑﺮﺗﻪ ﻭﻟﻚ ﻭﻳﻦ ﺍﻧﺖ ﺍﺑﻮﻳﻪ ﺣﺮﻙ ﺍﻟﺪﻧﻴﺎ ﻋﻠﻴﻚ
ﻛﺮﺍﺭ ... ﻳﻼ ﻧﺮﻭﺡ ﻧﺎﺧﺬ ﻋﺮﻳﺴﻨﺎ ﻧﺠﻬﺰﻩ ﻭﻫﺬﻭﻝ ﺧﻠﻴﻬﻢ ﻳﻼ ﻛﺎﻇﻢ ﺳﻴﻒ ﺍﻣﺸﻮ
ﻋﻠﻲ ... ﺃﻟﻮﻭ ﻫﺎﺍﺍ ﺍﺟﻴﺖ ﺍﺳﺘﺮ ﻋﻠﻴﻪ ﻳﻤﻌﻮﺩ ﺍﺩﺭﻱ ﺟﺪﻱ ﻭﺍﻋﺮﻓﻪ ﺟﺎﻱ ﺳﺪﻳﺖ ﺍﻟﺨﻂ ﺣﻀﺮﻱ ﻣﻼﺑﺲ ﺣﺘﻪ ﺍﺳﺒﺢ ﻣﺎ ﺿﻞ ﻭﻛﺖ
ﻫﻨﺎﺱ . . ﻳﻼ ﺣﺒﻴﺒﻲ ﺭﺣﺖ ﺣﻀﺮﺕ ﻣﻼﺑﺴﻪ ﻫﻮ ﻃﺐ ﺳﺒﺢ ﻭﻃﻠﻊ ﺧﻠﻴﺖ ﺭﺍﺳﻲ ﺑﺮﻛﺒﺘﻪ
ﻋﻠﻲ .. . ﻫﺴﻪ ﻣﺎ ﺍﺭﻭﺡ ﻛﻠﺒﻲ ﻣﺎ ﻳﻨﻄﻨﻲ ﺍﻋﻮﻓﺞ
ﻫﻨﺎﺱ . ﻻ ﺣﺒﻴﺒﻲ .. ﺍﻟﻨﺎﺱ ﺗﻨﺘﻀﺮﻙ ﺭﻭﺡ ﻭﺍﻧﻲ ﺍﺳﺒﺢ ﺣﺘﻪ ﺗﺮﺟﻊ ﺗﻮﺻﻠﻨﻲ ﺍﻟﺼﺎﻟﻮﻥ
ﻋﻠﻲ ... ﻣﻼﺑﺴﺞ ﻣﺎﺟﻦ
ﻫﻨﺎﺱ . ﻻ ﺍﻧﺖ ﻣﺤﻀﺮ ﻣﻼﺑﺴﻲ
ﻋﻠﻲ . ﺍﻱ ﻫﺴﻪ ﺍﺧﺎﺑﺮﻩ ﺍﺷﻮﻑ ﻟﻴﺶ ﻣﺪﺯﻭﻫﻦ
ﻫﻨﺎﺱ . ﻣﺎﺷﻲ ﺑﺴﺖ ﻋﻴﻮﻧﻪ ﻭﺭﺣﺖ ﺳﺒﺤﺖ ﻃﻠﻌﺖ ﻣﺎﻟﻜﻴﺘﻪ ﻧﺸﻔﺖ ﺷﻌﺮﻱ ﺍﺟﺎ ﺟﺎﻳﺐ ﺍﻟﻤﻼﺑﺲ ﻓﺴﺘﺎﻥ ﻭﺭﺩﻱ ﻃﻮﻳﻞ ﻣﻔﺘﻮﺡ ﻣﻦ ﺍﻟﻨﺺ ﺟﻮﺍﻩ ﺑﻨﻄﺮﻭﻥ ﻭﺑﻮﺕ ﺍﺳﻮﺩ ﻭﺷﺎﻝ ﺍﺳﻮﺩ ﻭﺟﻨﻄﻪ ﻳﺠﻨﻨﻦ
ﻋﻠﻲ .. ﻫﺎ ﺣﺒﻴﺒﻲ ﻋﺠﺒﺞ
ﻫﻨﺎﺱ .. ﺍﻱ ﺣﺒﻴﺒﻲ ﺷﻜﺮﺍ
ﻋﻠﻲ . ﻻ ﺗﻌﻴﺪﻧﻬﺎ ﻣﺎ ﻳﺤﺘﺎﺝ ﺷﻜﺮ ﺗﺪﺩﻟﻴﻦ ﺑﺴﺖ ﺭﺍﺳﻬﺎﺍ ﻭﻃﻠﻌﺖ
ﺳﻬﺎﻡ ... ﺍﺟﻪ ﻓﺎﺭﺱ ﺍﺧﺬﻧﻲ ﺭﺣﺖ ﻭﻳﻪ ﻫﺒﻪ ﻭﺍﺧﺘﻬﺎ ﻧﻮﺭ ﻃﺒﻌﺎ ﻫﻨﺎﺱ ﻣﺎ ﺍﺟﺖ ﻟﻴﺶ ﺗﺠﻲ ﺍﻟﻴﻮﻡ ﻋﻠﻲ ﻳﻤﻬﺎ ﺣﻘﻴﺮﻩ ﺳﻮﻳﺖ ﺗﺴﺮﻳﺤﻪ ﻭﻣﻜﻴﺎﺝ ﺣﻠﻮ ﻭﻧﺎﺯﻙ ﺑﺪﻟﺖ ﻫﺒﻪ ﻃﻠﻌﺖ ﺗﺠﻨﻦ
ﻫﺒﻪ ... ﺳﻮﻳﺖ ﺗﺴﺮﻳﺤﻪ ﻭﻣﻜﻴﺎﺝ ﺣﻠﻮ ﻟﺒﺴﺖ ﺍﻟﺒﺪﻟﻪ ﺳﻬﺎﻡ ﺟﺎﻧﺖ ﻛﻠﺶ ﺣﺒﺎﺑﻪ ﻭﻳﺎﻧﺎ ﺭﻏﻢ ﻫﻨﺎﺱ ﺗﺘﺨﺒﻞ ﻣﻨﻬﺎ ﺑﺲ ﺍﺣﺲ ﻋﻠﻲ ﻫﺎﻣﻠﻬﺎ ﺍﺑﺪ ﻣﺎ ﻳﺘﺼﻞ ﻋﻠﻴﻬﺎ
ﻧﻮﺭ .... ﺧﺎﺑﺮﺗﻨﻲ ﻫﻨﺎﺱ ﻫﺴﻪ ﺗﺠﻲ ﺑﺲ ﺗﺒﺪﻝ ﻻﻥ ﻳﻤﻬﻢ ﻧﺎﺱ
ﻫﺒﻪ .. َﻣﺎﺷﻲ ﻓﺎﺭﺱ ﻣﺎ ﻳﺤﺠﻲ ﺍﺑﺪ ﺍﺣﺴﻪ ﻓﺮﺣﺎﻥ ﺑﺲ ﻣﺎ ﻣﺸﺎﺭﻛﻨﻲ ﻓﺮﺣﺘﻪ ﺧﺎﺑﺮﺗﻪ ﺍﻟﻮ ﻫﺎ ﻋﻴﻮﻧﻲ ﻭﻳﻦ ﺍﻧﺖ
ﻫﺒﻪ .. َﻣﺎﺷﻲ ﻓﺎﺭﺱ ﻣﺎ ﻳﺤﺠﻲ ﺍﺑﺪ ﺍﺣﺴﻪ ﻓﺮﺣﺎﻥ ﺑﺲ ﻣﺎ ﻣﺸﺎﺭﻛﻨﻲ ﻓﺮﺣﺘﻪ ﺧﺎﺑﺮﺗﻪ ﺍﻟﻮ ﻫﺎ ﻋﻴﻮﻧﻲ ﻭﻳﻦ ﺍﻧﺖ
ﻓﺎﺭﺱ . ﺣﺒﻴﺒﻲ ﺍﺳﻒ ﺍﺩﺭﻱ ﺑﻴﺞ ﺿﺎﻳﺠﻪ ﺑﺲ ﺟﻨﺖ ﻣﻘﻬﻮﺭ ﻋﻠﻰ ﺟﻬﺎﻟﻲ ﺍﺷﻮﻳﻪ ﺭﻫﻒ ﺭﺍﺣﺖ ﻭﺗﻌﺮﻓﻴﻦ ﻧﺴﻮﺍﻥ ﻏﻴﺮﻭ ﺭﺃﻳﻬﺎ ﻣﺎ ﺗﺮﻳﺪ ﺗﺮﺟﻊ ﻭﺿﺠﺖ .
ﻫﺒﻪ .. َﻫﺎﺍ ﻻ ﻋﺎﺩﻱ ﺣﺒﻲ ﻋﻠﻰ ﺭﺍﺣﺘﻚ ﺍﻫﻢ ﺷﻲ ﺳﻌﺎﺩﺗﻚ ﻋﻨﺪﻱ ﺭﺣﺖ ﻟﻠﺤﻼﻕ ﻟﻮ ﺑﻌﺪﻙ
ﻓﺎﺭﺱ .. ﻋﻴﻮﻧﻲ ﺍﻧﺘﻲ ﻻ ﻫﺴﻪ ﺍﺭﻭﺡ ﺍﻧﺘﻈﺮ ﻭﻟﺪ ﻋﻤﻲ ﻭﻋﻤﻲ ﻛﺮﺍﺭ ﻳﺒﺪﻟﻮﻥ ﻭﺍﺭﻭﺡ ﺷﻠﻮﻧﻪ ﻓﺮﺣﺎﻧﻪ ﻳﺒﻌﺪ ﺭﻭﺣﻲ
ﻫﺒﻪ ... ﻓﺪﻭﻩ ﻟﺮﻭﺣﻚ ﺍﻱ ﻭﺍﻟﻠﻪ ﺣﺒﻴﺒﻲ ﺭﺑﻲ ﻳﺪﻳﻤﻬﺎ ﻋﻠﻴﻨﺎ
ﻓﺎﺭﺱ .. ﺍﻣﻴﻦ ﻳﺎﺭﺏ ﻳﻼ ﺣﺒﻴﺒﻲ ﺍﺟﻮ ﺭﺍﺡ ﺍﺭﻭﺡ ﺍﺧﺬﻱ ﺭﺍﺣﺘﺞ ﺣﻴﺎﺗﻲ
ﻫﺒﻪ .. ﺍﻟﻠﻪ ﻭﻳﺎﻙ ﺣﺒﻴﺒﻲ
ﻫﻨﺎﺱ . ﻳﺎﻟﻠﻪ ﺷﻜﺪ ﺣﻠﻮ ﻻﺑﺲ ﻋﺮﺑﻲ ﺷﻤﺎﻍ ﻭﺩﺷﺪﺍﺷﻪ ﺑﺪﻟﺖ ﺧﺎﺑﺮﺗﻪ ﻛﺎﻝ ﺩﻗﻴﻘﺘﻴﻦ ﻭﻧﺰﻟﻲ ﻧﺰﻟﺖ . ﺷﻔﺘﻪ ﻭﺍﻛﻒ ﺻﺎﺣﻨﻲ ﻛﺘﻠﻪ ﺷﻠﻮﻥ ﺑﻨﺎﺕ ﺣﻠﻮﺍﺕ ﻟﻴﺶ ﺗﺒﺎﻭﻉ ﻏﺮﺕ ﻋﻠﻴﻪ
ﻋﻠﻲ .. ﻗﺎﺑﻞ ﺣﺮﺍﻡ
ﻫﻨﺎﺱ . . ﻣﺘﺰﻭﺝ ﺍﺛﻨﻴﻦ ﻣﺎ ﻳﻜﻔﻲ
ﻋﻠﻲ . .. ﻻﻳﺎﺑﻪ ﻫﻮ ﺍﻧﺖ ﺍﻟﺮﻭﺡ ﻣﺎﻟﺘﻲ ﻋﻴﻮﻧﻲ ﻣﺎ ﺷﺎﻓﺖ ﺑَﺲ ﺍﻧﺘﻲ
ﻫﻨﺎﺱ .... ﺍﻣﻮﺕ ﺑﻴﻚ ﺍﺧﺬﻧﻲ ﻟﻠﺼﺎﻟﻮﻥ ﻭﺍﻟﺒﻨﺎﺕ ﻣﻦ ﻧﺰﻟﺖ ﻣﺎ ﺷﻔﺘﻬﻢ ﻳﻤﻜﻦ ﺭﺍﻳﺤﻴﻦ ﻟﻠﺼﺎﻟﻮﻥ ﻳﻼ ﺣﺒﻴﺒﻲ ﺍﻣﺤﺢ ﺑﺴﺘﻪ ﻣﻦ ﺧﺪﻩ
ﻋﻠﻲ ... ﺍﻟﻠﻪ ﻭﻳﺎﺝ ﻛﻠﻴﺒﻲ ﻧﺰﻟﺖ ﺭﺟﻌﺖ ﻟﻠﺒﻴﺖ
ﻫﻨﺎﺱ .. َﻫﻠﻮﻭ ﺷﻠﻮﻧﻜﻢ ﻫﺒﺎﻭﻱ ﺣﻴﺎﺗﻲ ﺍﺳﻔﻪ ﺍﺗﺎﺧﺮﺕ ﻋﻠﻴﺞ ﺑﺲ ﻭﺍﻟﻠﻪ ﺷﻐﻞ ﻛﻮﻣﻪ
ﺳﻬﺎﻡ ... ﻫﻮ ﻫﺬﺍ ﺷﻐﻞ ﺍﻟﺨﺪﻡ ﺣﺘﻰ ﻣﺎ ﻋﺪﻫﻢ ﻭﻗﺖ ﻳﻌﺘﻨﻮﻥ ﺑﻨﻔﺴﻬﻢ
ﻫﻨﺎﺱ ... ﺳﻜﺘﺖ ﻛﻮﻩ ﻣﺎ ﺭﺩﺕ ﺍﺳﻮﻱ ﻣﺸﻜﻠﻪ ﻟﺨﺎﻃﺮ ﻫﺒﻪ
ﻫﺒﻪ .. ﻓﺪﻭﻩ ﻟﻜﻠﺒﺞ ﺭﻭﺣﻲ ﺍﻧﺘﻲ ﻋﺎﺩﻱ ﺍﺩﺭﻱ ﺑﻴﺞ ﻭﺍﻟﻠﻪ ﻛﺎﻟﺖ ﻧﻮﺭ ﻻ ﺗﺰﻋﻠﻴﻦ ﻟﺨﺎﻃﺮﻱ
ﻫﻨﺎﺱ .. ﻵ ﺣﺒﻴﺒﺘﻲ ﻛﻠﺸﻲ ﺍﺗﺤﻤﻠﺖ ﺍﻧﻲ ﻣﺘﻌﻮﺩﻩ ﻋﺎﺩﻱ ﺗﺨﺒﻠﻴﻦ ﻃﺎﻟﻌﻪ ﻭﻟﺞ ﻧﻮﺭ ﺷﻨﻮ ﻫﻞ ﺟﻤﺎﻝ ﻋﻠﻰ ﻓﻜﺮﻩ ﺗﺴﺮﻳﺤﻪ ﻣﺤﻠﻮﻩ
ﻧﻮﺭ ... ﺻﺪﻙ ﻋﻮﺫﻩ ﻟﻴﺶ ﻫﺴﻪ ﺍﻏﻴﺮﻫﺎ ﺍﺫﺍ ﺿﻞ ﻭﻗﺖ ﺑﺲ ﻭﺍﻟﻠﻪ ﻋﺠﺒﺘﻨﻲ
ﺳﻬﺎﻡ . ﺑﻞ ﺍﻟﻌﻜﺲ ﻭﻳﻦ ﺍﻛﻮ ﺫﻭﻕ ﺣﻠﻮﻩ ﻻ ﺗﻐﻴﺮﻫﺎ ﻻ ﻋﻠﻴﺞ
ﻫﻨﺎﺱ . َﺍﻟﻠﻬﻢ ﺻﺒﺮﺝ ﻳﺎﺭﺭﻭﺡ ﺍﻭﻓﻒ ﻛﻤﺖ ﻣﻜﻴﺠﺖ ﻭﻟﺒﺴﺖ ﻣﻼﺑﺴﻲ ﺳﻬﺎﻡ ﺗﺒﺎﻭﻉ ﻣﻦ ﻓﻮﻙ ﻟﻴﺠﻮﻩ ﺍﻧﻲ ﻭﻻﺍﺑﺎﻟﻲ ﺍﺗﺼﻞ ﻋﻠﻲ ﻫﺎ ﺣﺒﻴﺒﻲ ﺷﻠﻮﻧﻚ
ﻋﻠﻲ . ﺑﺨﻴﺮ ﻳﻌﻤﺮﻱ
ﻫﻨﺎﺱ .. ﺷﺘﺴﻮﻱ
ﻋﻠﻲ . ﻛﺎﻋﺪ ﺑﺎﻟﺪﻳﻮﺍﻥ ﻣﻬﻴﻤﻦ ﻳﺠﻬﺰ ﺍﻟﺴﻴﺎﺭﻩ ﻭﻓﺎﺭﺱ ﺭﺍﺡ ﻳﺤﻠﻖ ﻭﻳﻪ ﻭﻭﻟﺪ ﻭﺍﻧﻲ ﻣﺤﺸﻮﻝ ﻳﻢ ﺍﻟﺰﻟﻢ ﺍﻧﺖ ﺷﺴﻮﻳﺘﻲ
ﻫﻨﺎﺱ .. ﻛﻤﻠﺖ ﺑﻘﻪ ﺑﺲ ﻫﺒﻪ ﻭﻫﺎﻳﻪ
ﻋﻠﻲ . ﺣﺘﻪ ﺍﺟﻲ ﺍﺧﺬﺝ
ﻫﻨﺎﺱ .. ﻟﻴﺶ ﻏﻴﺮ ﻧﻜﻤﻞ ﻳﻼ ﻣﺎ ﺃﻛﺪﺭ ﺍﻋﻮﻓﻬﺎ
ﻋﻠﻲ . ﻻ ﻭﺍﻟﻠﻪ ﺑﻜﻴﻔﺞ ﻭﺍﻧﻲ ﻣﻼﺑﺴﻲ
ﻫﻨﺎﺱ . ﻣﺎﺷﻲ ﻳﺎ ﺭﻭﺣﻲ ﺳﺪﻳﺘﻪ ﻭﺍﺿﺤﻚ
ﻋﻠﻲ . ﺑﺎﻱ ﻳﻜﻠﺒﻲ
ﻧﻮﺭ ... ﺷﻬﻞ ﺍﻟﻀﺤﻚ ﺭﺑﻲ ﺩﻭﻡ ﺍﻟﻀﺤﻜﻪ
ﺳﻬﺎﻡ . ﻗﻠﻪ ﺍﺩﺏ ﺍﺣﺠﻲ ﻭﻳﻪ ﺷﻨﻮ ﺩﺍﻋﻲ ﻏﺮﺍﻣﻴﺎﺕ ﺍﺳﺘﺤﻲ ﻋﻴﺐ ﻫﺎﻱ ﺍﺧﺘﺞ ﻣﺎ ﻣﺘﺰﻭﺟﻪ ﻟﻮ ﻣﺎ ﺗﻌﺮﻓﻴﻦ ﺃﺻﻮﻝ
ﻫﻨﺎﺱ . ﻗﺎﺑﻞ ﺑﺎﻳﻜﻪ ﺭﺟﻠﻲ ﻫﻮ ﻭﺍﻧﺘﻲ ﻣﻨﻮ ﻻﺯﻣﺞ ﻣﺎ ﺗﺘﻐﺰﻟﻴﻦ ﺑﻲ ﻭﺗﺤﺠﻴﻦ ﻭﻳﺎﻩ ﻟﻮ ﻫﻮ ﻣﺎﻳﻨﻄﻴﺞ ﻋﻴﻦ ﻭﻟﻮ ﻫﻮ ﻓﺪﻳﺘﻪ ﻭﻣﺎﻳﺤﺠﻲ ﺍﻟﻜﻼﻡ ﺣﻠﻮ ﺑﺲ ﺍﻟﻲ ﺍﻧﻲ
ﻫﺒﻪ ... ﻫﻨﺎﺱ ﻓﺪﻭﻩ ﺍﺩﺭﻱ ﺭﺍﺡ ﺗﺼﻴﺮ ﻣﻦ ﺍﻟﺸﻌﺮ ﻫﻨﺎﺱ ﻛﺎﻓﻲ ﻏﻀﺐ ﻟﺴﺎﻧﺞ ﻫﻬﻬﻪ ﻫﺎﻱ ﺷﺒﻴﻬﺎ ﺍﻟﻴﻮﻡ
ﺳﻬﺎﻡ ..... ﺷﻨﻮ ﺍﺻﻼ ﻟﻮ ﻳﺤﺒﺞ ﺻﺪﻙ ﻣﺎ ﺍﻫﺎﻧﺞ ﻛﺪﺍﻡ ﺍﻫﻠﻪ ﻭﺗﺰﻭﺟﺞ ﺑﺎﺍﻟﺴﺮ ﻟﻮ ﻳﺤﺒﺞ ﺻﺪﻙ ﻭﻣﺎ ﻳﺴﺘﻨﻜﻒ ﻣﻨﺞ ﺧﺪﺍﻣﻪ ﻣﺎ ﺧﻠﻪ ﺯﻭﺍﺟﻜﻢ ﻣﺨﻔﻲ
ﻫﻨﺎﺱ .. ﺍﺣﺠﻲ ﻣﻨﺎ ﻟﺒﺎﺟﺮ ﺍﻟﻤﻬﻢ ﻫﺴﻪ ﺍﻧﻲ ﻣﺮﺗﻪ ﻋﻠﻰ ﺳﻨﻪ ﺍﻟﻠﻪ ﻭﺭﺳﻮﻟﻪ ﻭﻛﺪﺍﻡ ﺍﻟﻨﺎﺱ ﻭﺟﻨﻪ ﺍﻟﺸﻴﺦ ﺑﻌﺪ
ﺳﻬﺎﻡ . ﺧﻠﻔﻠﻪ ﻋﻠﻰ ﺟﺪﻱ ﻟﻔﺎﺟﺞ ﻭﺳﻮﺍﺝ ﺟﻨﻪ ﻭﻣﻦ ﺍﻭﺩﺍﻡ ﻳﺎ ﺧﺪﺍﻣﻪ
ﻫﻨﺎﺱ .. ﻫﻬﻬﻪ ﺿﺤﻜﺘﻴﻨﻲ ﺷﻮﻑ ﻣﻦ ﻳﺤﺠﻲ
ﺳﺪﻳﻬﺎ ﻳﻤﻌﻮﺩﻩ ﻻ ﺗﺨﻠﻴﻨﻲ ﺍﺣﺠﻲ ﺍﻧﻲ ﺍﺩﺍﻣﻲ ﻏﺼﺐ ﻋﻨﺞ ﺍﻓﺘﻬﻤﺘﻲ
ﻧﻮﺭ ... ﻫﻨﺎﺱ ﺳﻬﺎﻡ ﻓﺪﻭﻩ ﻛﺎﺍﻓﻲ ﻋﻴﺐ ﻓﻀﺤﺘﻮﻧﺎ ﺍﺧﺎﺑﺮ ﻋﻠﻲ ﻭﺍﻟﻠﻪ
ﺳﻬﺎﻡ .. ﻓﻬﻤﻲ ﺍﺧﺘﺞ ﻗﻠﻴﻠﻪ ﺍﺩﺏ
ﻫﻨﺎﺱ .. ﻫﻬﻬﻬﻪ ﺍﻧﻲ ﺍﻧﺘﻲ ﺍﻟﻲ ﺑﻠﻪ ﺗﺮﺑﻴﻪ
ﺳﻬﺎﻡ .. ﻫﻮ ﺍﻧﺘﻲ ﺍﻟﻲ ﺑﻠﻲ ﺗﺮﺑﻴﻪ ﺍﻧﺘﻲ ﺗﺮﺑﻴﻪ ﺷﺎﺭﻉ
ﻫﻨﺎﺱ . ﺍﺧﻼﻗﺞ ﺣﺒﻲ ﻣﻨﺰﻝ ﻟﻤﺴﺘﻮﺍﺝ ﺍﻟﺤﻤﺪ ﻟﻠﻪ ﻭﻧﻌﻢ ﺍﻟﺘﺮﺑﻴﻪ
ﻫﺒﻪ .. َ ﺍﻧﻘﻬﺮﺕ ﻛﻠﺶ ﻣﻦ ﻛﻼﻣﻬﺎ ﺗﻌﻴﺮ ﺍﺧﺘﻲ ﺑﺎﺟﺮ ﻫﻢ ﺗﻌﻴﺮﻧﻲ ﺍﺷﻜﺪ ﻧﺎﺱ ﺷﺎﻳﻔﻪ ﻧﻔﺴﻬﺎ ﻫﻨﺎﺱ ﺗﺤﺠﻲ ﺑﺲ ﻛﻮﻣﻪ ﺍﺣﺴﻬﺎ ﺗﺮﻳﺪ ﺗﺒﺠﻲ ﻣﻦ ﺗﺤﺠﻲ ﺍﺧﺘﻨﻜﺘﺖ ﻣﻮ ﻛﺪﻫﺎ ﺍﺷﻮﺭﻃﺞ ﻭﺍﺷﻮﺭﻃﻨﻲ ﻭﻳﻪ ﻫﻴﺞ ﻧﺎﺱ ﻣﺎ ﺗﻌﺮﻑ ﺑﺲ ﻧﻔﺴﻬﺎ ﻫﺬﺍ ﺣﺐ ﺍﻟﻤﺴﺘﻮﻳﺎﺕ ﺩﻣﺎﺭ ﺷﺎﻣﻞ
ﻧﻮﺭ .. ﻋﻠﻰ ﻛﻴﻔﺠﻦ ﻋﺮﺱ ﺳﻬﺎﻡ ﻛﺎﺍﻓﻲ ﺍﻫﻮﺍﻳﻪ ﺗﺠﺎﻭﺯﺗﻲ ﺳﻜﺘﺖ ﺳﻬﺎﻡ ﺑﺲ ﻫﻨﺎﺱ ﻛﻮﻩ ﺍﺧﺘﻨﻜﺖ ﻫﻨﺎﺱ
ﻫﻨﺎﺱ .. َﻋﻮﻓﻮﻧﻲ ﻧﻮﺭ ﺭﻭﺣﻲ ﻋﻠﻰ ﻫﺒﻪ ﺧﺎﻑ ﺗﻨﻘﻬﺮ ﻣﺎ ﺑﻴﻪ ﺷﻲ ﻫﺴﻪ ﺍﺭﻭﺡ ﺍﻧﻲ ﺍﺳﻔﻪ
ﻧﻮﺭ .. ﻋﻠﻰ ﺷﻨﻮ ﺍﺳﻔﻪ ﺍﻭﻓﻔﻒ ﻋﻠﻰ ﺣﻈﺞ ﻣﺎﺷﻲ ﻋﻴﻨﻲ
ﻫﻨﺎﺱ ... ﺍﻧﻘﻬﺮﺕ ﻣﻦ ﻛﻼﻣﻬﺎ ﺍﻇﻬﺮ ﻧﻔﺴﻲ ﻗﻮﻳﻪ ﻫﺎﻧﺘﻨﻲ ﻭﻫﺎﻧﺖ ﺍﺧﻮﺍﺗﻲ ﺍﻭﻓﻒ ﻫﺬﺍ ﺍﻟﺤﺐ ﺩﻣﺮﻧﻲ ﻭﺩﻣﺮ ﻋﺎﺋﻠﺘﻲ ﺣﺘﻰ ﻭﺍﻫﺲ ﻣﺎ ﺿﻠﻲ ﺑﺲ ﺍﻧﻲ ﺍﻋﻠﻤﺞ ﺳﻬﻴﻤﻪ ﻋﺒﺎﻟﺞ ﺍﺳﺘﺘﻠﻢ ﺍﻭﻛﻔﻴﻠﻲ ﺧﺎﺑﺮﺕ ﻋﻠﻲ .. ﺍﻟﻮ ﺣﺒﻴﺒﻲ ﺍﻧﺖ ﻭﻳﻦ ﺗﻌﺎﻝ ﺍﺧﺬﻧﻲ ﻫﺴﻪ
ﻋﻠﻲ ... ﺷﺒﻴﺞ ﺣﻴﺎﺗﻲ ﺻﻮﺗﺞ ﻣﺎ ﻋﺠﺒﻨﻲ
ﻫﻨﺎﺱ . َ .. ﻵ ﺣﺐ ﻣﺎ ﺑﻴﻪ ﺷﻲ ﺍﻧﺘﻈﺮﻙ ﻻ ﺗﺄﺧﺮ
ﻫﻨﺎﺱ . َ .. ﻵ ﺣﺐ ﻣﺎ ﺑﻴﻪ ﺷﻲ ﺍﻧﺘﻈﺮﻙ ﻻ ﺗﺄﺧﺮ
ﻋﻠﻲ ... ﻣﺎﺷﻲ ﻋﺸﺮ ﺩﻗﺎﻳﻖ ﻭﺍﺟﻲ
ﻫﻨﺎﺱ . ﻣﺎﺷﻲ ﺣﺒﻴﺒﻲ
ﺳﻬﺎﻡ .. ﻫﻬﻬﻪ ﺭﺍﺡ ﺗﺸﻜﻴﻠﻪ ﺑﺲ ﺍﻧﻲ ﺍﻋﻠﻤﺞ
ﻫﻨﺎﺱ . ﻣﺎﺍﺷﻐﻞ ﺑﺎﻟﻪ ﺑﻬﻴﺞ ﺍﻣﻮﺭ ﺗﺎﻓﻪ ﻭﺍﺿﻮﺝ ﺣﺒﻴﺒﻲ
ﺳﻬﺎﻡ .. ﻫﺎﺍﺍﺍ ﺍﻟﻠﻪ ﺍﻟﻠﻠﻪ ﺍﺷﻜﺪ ﻳﺤﺒﺞ ﺿﺤﻜﺘﻨﻲ
ﻫﻨﺎﺱ .... ﺿﻠﻴﺖ ﺍﺗﺼﻞ ﻋﻠﻴﻪ ﻫﺎﺍ ﺣﺒﻴﺒﻲ
ﻋﻠﻲ ... ﺍﺟﻴﺖ ﺣﺒﻴﺒﺘﻲ ﺍﻃﻠﻌﻲ ﻭﺍﻛﻒ ﺍﻧﺘﻈﺮﺝ
ﻫﻨﺎﺱ ... ﻳﻼ ﺣﺒﻲ ﻫﺒﻪ ﺍﻧﻲ ﺭﺍﻳﺤﻪ ﻟﻠﺒﻴﺖ ﺍﻭﻙ ﻧﺘﺨﺎﺑﺮ ﻋﻮﺩ
ﻫﺒﻪ .. ﺭﻭﺣﻲ ﺍﻟﻠﻪ ﻭﻳﺎﺝ ﺑﺮﺍﺣﺘﺞ
ﻫﻨﺎﺱ ... ﻧﻮﺭ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ ﺑﺎﻱ
ﻧﻮﺭ ... ﺭﻭﺣﻲ ﺍﺣﺴﻦ ﻣﺎ ﺗﺼﻴﺮ ﻣﺸﻜﻠﻪ ﻳﺪﻙ ﻫﻮﺭﻥ ﺳﻴﺎﺭﻩ ﺭﻭﻳﺤﻠﻪ
ﺳﻬﺎﻡ .. ﻭﺍﻧﻘﻬﺮﺕ ﺍﺷﻜﺪ ﺣﻘﻴﺮﻩ ﺑﺎﻭﻋﺖ ﻋﻠﻴﻬﻢ ﻃﻠﻌﺖ ﻛﺮﺹ ﺧﺪﻫﺎ ﺍﺷﻜﺪ ﺣﻘﻴﺮﻩ ﻟﻌﺪ ﻭﺗﺤﺒﻬﺎ ﻣﻠﻌﺒﻪ
ﻫﻨﺎﺱ ... ﻃﻠﻌﺖ ﻫﻴﻪ ﺷﺎﻓﺘﻨﻲ ﺻﻌﺪﺕ ﺍﻟﺴﻴﺎﺭﻩ ﻛﺮﺹ ﺧﺪﻱ
ﻋﻠﻲ ... ﺷﺒﻴﺞ ﺣﻴﺎﺗﻲ
ﻫﻨﺎﺱ ... ﺳﻼﻣﺘﻚ ﺑﺲ ﺿﺠﺖ
ﻋﻠﻲ . ﻣﻨﻮ ﺍﺗﺠﺮﺍ ﻳﻀﻮﺝ ﻣﺮﺗﻲ
ﻫﻨﺎﺱ . ﻻﺗﺸﺘﻐﻞ ﺑﺎﻟﻚ ﺍﺷﺘﺎﻗﻴﺘﻠﻚ
ﻋﻠﻲ .. ﻓﺪﻳﺘﺞ ﻭﺍﻧﻲ ﺃﻛﺜﺮ ﻻ ﺗﻀﻮﺟﻴﻦ ﺣﻴﺎﺗﻲ
ﻫﻨﺎﺱ ... ﻵ ﻟﻴﺶ ﺍﺿﻮﺝ ﻭﺍﻧﺖ ﻣﻮﺟﻮﺩ ﻳﻤﻲ ﻫﺬﺍ ﻳﻜﻔﻴﻨﻲ ﺭﺣﻨﻪ ﻟﻠﺒﻴﺖ ﺣﻀﺮﺕ ﻣﻼﺑﺴﻪ ﺻﺎﺭﺕ 4 ﺑﺪﻝ ﻃﻠﻊ ﻳﺨﺒﻞ ﻓﺪﻳﺘﻚ
ﻋﻠﻲ ... ﻳﻼ ﺭﺍﺡ ﺍﻧﺮﻭﺡ ﻟﻠﻘﺎﻋﻪ ﻣﻬﻴﻤﻦ ﻣﺎﺧﺬ ﺍﻟﺒﻨﺎﺕ ﻭﺭﺍﻳﺢ ﺿﻠﻴﺖ ﺍﻧﻲ ﻭﻳﺎﺝ
ﻫﻨﺎﺱ ... ﻣﺎﺷﻲ ﺣﺒﻴﺒﻲ ﻫﺴﻪ ﺧﻠﺼﺖ ﺍﺗﺼﻞ ﺗﻠﻔﻮﻧﻪ ﺍﻛﻴﺪ ﺍﻟﺤﻴﻪ ﺍﺳﻤﻊ ﻳﺤﺠﻲ ﻭﻳﺎﻫﺎ
ﻋﻠﻲ ... ﺍﻟﻮﻭ ﻫﺎﺍ ﺳﻬﺎﻡ
ﺳﻬﺎﻡ .. ﺭﺍﺣﺖ ﺑﻨﻔﺴﻲ ﻳﻮﻡ ﺗﻜﻮﻟﻲ ﺣﺒﻴﺒﺘﻲ ﻭﻳﻦ ﺍﻧﺖ ﺗﻌﺎﻝ ﺍﺧﺬﻧﻲ ﺃﺭﻳﺪﻙ ﺍﻧﺖ ﺗﺠﻲ ﺗﺎﺧﺬﻧﻲ ﻟﻠﻘﺎﻋﻪ
ﻋﻠﻲ ... ﺍﻧﻲ ﺑﻞ ﺍﻟﺒﻴﺖ ﺍﺗﺄﺧﺮ ﻋﻨﺪﻱ ﺷﻐﻞ ﺭﻭﺣﻲ ﻭﻳﺎﻫﻢ
ﺳﻬﺎﻡ ... ﻣﺎﺷﻲ ﺑﺎﻱ ﺳﺪﻳﺖ ﺍﻟﺨﻂ ﺍﻧﻘﻬﺮﺕ ﺍﻛﻴﺪ ﻳﻤﻬﺎ ﻭﻳﺤﺬﺏ ﻳﻜﻮﻝ ﻋﻨﺪﻱ ﺷﻐﻞ ﻣﺨﺎﺩﻉ
ﻫﻨﺎﺱ ... ﻃﻠﻌﻨﺎ ﺍﻧﻲ ﻭﻳﺎﻩ ﻻﺯﻡ ﺍﻳﺪﻱ ﻭﻳﻀﺤﻚ ﺍﺣﺲ ﺭﻭﺣﻲ ﻓﺮﺣﺎﻧﻪ ﻻﻥ ﻫﻮ ﺯﻭﺟﻲ ﻭﺣﺒﻴﺒﻲ ﻭﻋﺸﻘﻲ ﻟﺸﺨﺼﻴﺘﻪ ﺍﺣﺒﻚ ﻳﺎ ﺣﻀﺮﻩ ﺍﻟﻀﺎﺑﻂ
ﻋﻠﻲ ... ﻓﺪﻳﺖ ﺍﺷﻜﺪ ﺣﻠﻮﻩ ﻣﻦ ﺣﻠﻜﺞ ﺗﻄﻠﻊ ﺍﻣﻮﺕ ﻋﻠﻴﺞ ﻣﺤﻠﻠﻪ ﻓﺮﺣﺎﻧﻪ ﺣﺒﻲ
ﻫﻨﺎﺱ ... ﺍﺗﻘﺮﺏ ﻋﻠﻴﻪ ﻳﻤﺴﺢ ﺑﻮﺟﻬﻲ ﻭﻳﺤﺠﻲ ﺍﻱ ﻛﻠﺶ ﻓﺮﺣﺎﻧﻪ ﻋﻠﻲ ﺍﻭﻋﺪﻧﻲ ﻣﺎ ﺗﺘﺨﻠﻰ ﻋﻨﻲ ﻣﺎ ﺍﺭﻳﺪﻙ ﺗﺘﺒﻌﺪ ﻋﻨﻲ
ﻋﻠﻲ ... ﻣﻦ ﺍﻟﻤﻮﺕ ﻳﺎﺧﺬﻧﻲ ﻫﺬﺍﻙ ﺍﻟﻮﻗﺖ ﻣﻮ ﺑﻴﺪﻱ ﺳﻜﺘﺘﺖ ﻛﺎﻣﺖ ﺗﺒﺠﻲ
ﻫﻨﺎﺱ .. ﺍﺳﻢ ﻋﻠﻴﻚ ﺣﺒﻴﺒﻲ ﻻ ﻫﻴﺞ ﺗﻜﻮﻝ ﻳﻮﻣﻲ ﻗﺒﻞ ﻳﻮﻣﻚ ﺣﻀﻨﺘﻪ ﻟﻠﻤﻮﺕ ﻣﺎ ﺍﻋﻮﻓﻚ
ﻋﻠﻲ ... ﺣﺒﻴﺒﺘﻲ ﻳﻼ ﺍﻣﺸﻲ ﻧﺮﻭﺡ ﻻﺯﻣﺖ ﺍﻳﺪﻫﺎ ﻭﻃﻠﻌﻨﺎ ﺍﻟﻘﺎﻋﻪ ﻛﻠﻬﻢ ﻣﻮﺟﻮﺩﻳﻦ ﺍﻫﻨﺎﻙ
ﻫﻨﺎﺱ ... ﺭﺣﻨﻪ ﻟﻠﻘﺎﻋﻪ ﺍﻧﻲ ﻭﻳﺎﻩ ﻭﺍﻟﻜﻞ ﻳﺒﺎﻭﻉ ﺷﻠﻮﻥ ﺛﻨﺎﺋﻲ ﻳﺠﻨﻨﻦ ﺳﻬﺎﻡ ﻣﺼﺪﻭﻣﻪ ﻛﻌﺪﻧﻪ ﺍﻧﻲ ﻭﻳﺎﻩ ﻧﺤﺠﻲ ﻭﻧﺴﻮﻟﻒ ﻭﻧﺸﺎﻗﻲ ﻭﻧﺎﺧﺬ ﺻﻮﺭ ﻋﻠﻲ ﻳﻤﻮﺕ ﻋﻠﻴﻪ ﺻﺎﺭﺕ ﺍﻟﺼﻮﺭ ﻭﻳﻪ ﺍﻟﻌﺮﺳﺎﻥ ﺍﺧﺬﺗﻪ ﺳﻬﺎﻡ ﻫﻢ ﺣﺸﺮﺕ ﺭﻭﺣﻬﺎ ﻛﺼﻮ ﺍﻟﻜﻴﻜﻪ ﻭﺭﻛﺼﻪ ﺍﻟﻌﺮﺳﺎﻥ
ﻓﺎﺭﺱ ... ﻓﺮﺣﺎﻧﻪ ﺣﻴﺎﺗﻲ ﺍﺳﻒ ﻋﻠﻰ ﻛﻞ ﺩﻣﻌﻪ ﻧﺰﻟﺖ ﺑﺴﺒﺒﻲ
ﻫﺒﻪ ... ﻋﻴﻮﻧﻲ ﺍﻧﺖ ﻛﻠﺶ ﻓﺮﺣﺎﻧﻪ ﺭﺑﻲ ﻳﺤﻔﻈﻚ ﺍﻟﻲ ﻳﻼ ﻳﺼﺤﻮﻧﻪ ﻧﻜﺺ ﺍﻟﻜﻴﻜﻪ ﻭﻧﺮﻛﺺ
ﻓﺎﺭﺱ ... ﻣﺎﺷﻲ ﺣﺒﻴﺒﻲ ﺗﻌﺎﻟﻲ ﻧﺰﻟﻨﺎ ﺍﻧﻲ ﻭﻳﺎﻫﺎ ﻻﺯﻣﺖ ﺍﻳﺪﻫﺎ ﻗﻄﻌﻨﺎ ﺍﻟﻜﻴﻜﻪ ﻭﺍﻛﻠﻨﺎ ﺍﻟﻜﻞ ﻳﺼﻔﻚ ﻭﻓﺮﺣﺎﻧﻴﻦ ﺷﻐﻠﻮ ﺍﻏﻨﻴﻪ ﻋﻠﻰ ﺑﺎﻟﻲ ﺣﺒﻴﺒﻲ ﻭﺭﻛﺼﻨﺎ ﺍﻧﻲ ﻭﻳﺎﻫﺎ
ﻋﻠﻲ . .. ﻳﺮﻛﺼﻮﻥ ﻫﻮ ﻭﻳﺎﻫﺎ ﺍﺿﻮﻳﻪ ﺧﻔﻴﻔﻪ ﺑﺎﻭﻋﺖ ﻋﻠﻰ ﻫﻨﺎﺱ ﺩﻣﻮﻋﻬﺎ ﺗﺠﺮﻱ ﻳﻤﻜﻦ ﺟﺎﻧﺖ ﺗﺘﻤﻨﻰ ﻫﺬﺍ ﺍﻟﺸﻲ ﻭﺣﺮﻣﺘﻬﺎ ﻣﻦ ﻛﻠﺸﻲ ﺍﻥ ﺷﺎﺀ ﺍﻟﻠﻪ ﺭﺑﻲ ﻣﺎ ﺍﻗﺼﺮ ﻭﻳﺎﻩ ﺻﺎﻓﻦ ﻭﺍﺟﺖ ﺣﻀﻨﺘﻨﻲ ﻭﻟﺞ ﺭﻋﺒﺘﻨﻲ ﺷﺠﺎﺑﺞ
ﻫﻨﺎﺱ ... ﺍﺟﻴﺖ ﺍﻧﻲ ﺭَﻭﺣﻚ ﺷﺒﻴﻚ ﺻﺎﻓﻦ ﺗﺪﺭﻱ ﻳﺨﺒﻠﻮﻥ ﻻﻳﻜﻴﻦ ﻟﺒﻌﺾ ﺭﺑﻲ ﻳﺴﻌﺪﻫﻢ
ﻋﻠﻲ ... ﺍﻱ ﻛﻠﺶ ﺻﺎﻓﻦ ﻋﻠﻴﻬﻢ ﻫﻨﺎﺱ ﻓﺪﻭﻩ ﻻﺳﻤﺞ
ﻫﻨﺎﺱ ... ﻋﻴﻮﻥ ﻫﻨﺎﺱ ﺍﺩﺭﻱ ﺑﺸﻨﻮ ﺗﻔﻜﺮ ﺑﺲ ﺻﺪﻙ ﻣﺎ ﻳﻬﻤﻨﻲ ﺑﺲ ﺍﻧﺖ ﺑﺲ ﺍﻧﺖ
ﻋﻠﻲ ... ﺍﺣﺒﺞ ﺣﻀﻨﺘﻬﺎ ﻗﻮﻱ ﻭﻻﺯﻣﺖ ﺍﻳﺪﻫﺎ ﺗﺪﺭﻳﻦ ﺗﻌﺒﺖ ﺑﺤﺒﻲ ﻭﻳﺎﺝ ﺍﺭﻳﺪﺝ ﺩﻭﻡ ﻭﻳﺎﻱ
ﻫﻨﺎﺱ ... ﻟﻠﻤﻮﺕ ﺍﺑﻘﻰ ﻭﻳﺎﻙ ﻭﺟﻬﻮﻭ ﺍﺿﻮﻳﻪ ﻋﻠﻴﻨﺎ ﻛﻠﻬﻢ ﻳﻀﺤﻜﻮﻥ ﺍﻭﻟﻬﻢ ﺟﺪﻱ ﻋﻴﻮﻥ ﺳﻬﺎﻡ ﻋﻠﻴﻨﺎ ﺍﻣﻲ ﺗﺒﺠﻲ ﻭﺗﻀﺤﻚ ﺣﻴﺎﺗﻲ ﺍﺑﺘﻌﺪ ﻋﻴﺐ ﻭﺧﺮﺕ ﻫﻮ ﺿﺤﻚ ﺑﺲ ﺑﻘﻰ ﻻﺯﻡ ﺍﻳﺪﻱ ﺍﻛﻠﻨﺎ ﻛﻴﻚ ﺭﻛﺺ ﺍﻟﺸﺒﺎﺏ ﻛﻠﻬﻢ ﻋﻠﻲ ﺍﺷﻮﻳﻪ ﺣﺴﻴﺘﻪ ﺿﺎﻳﺞ ﻣﺎ ﺍﻋﺮﻑ ﺷﺒﻲ . ﺧﻠﺺ ﺍﻟﻌﺮﺱ ﺍﻟﻜﻞ ﺭﺍﺡ ﻟﺒﻴﺘﻪ ﺿﻠﻴﺖ ﺍﻧﻲ ﻭﻋﻠﻲ ﺭﺣﻨﻪ ﻟﻠﺒﻴﺖ ﺳﻬﺎﻡ ﺭﺍﺣﺖ ﻭﻳﻪ ﺳﻴﻒ ﻋﻠﻲ ﺍﺟﺎ ﻟﺒﻴﺖ ﺟﺪﻱ ﺣﺠﻪ ﻳﻮﺻﻠﻨﻲ ﻭﺻﻠﻨﻪ ﺩﻛﺖ ﺳﻬﺎﻡ
ﻋﻠﻲ ... ﻣﺎﺷﻲ ﻫﺴﻪ ﺍﺟﻲ ﺳﺪﻳﺖ ﺍﻟﺨﻂ ﻳﻼ ﺣﺒﻲ ﺍﻧﺰﻟﻲ
ﻫﻨﺎﺱ ... ﺗﻜﻠﻢ ﻭﻳﺎﻩ ﺑﺎﺱ ﺧﺪﻱ
ﻋﻠﻲ ... ﻳﻼ ﺗﺼﺒﺤﻴﻦ ﻋﻠﻰ ﺧﻴﺮ ﺣﻴﺎﺗﻲ
ﻫﻨﺎﺱ .. ﻭﺍﻧﺖ ﻣﻦ ﺍﻫﻠﻪ ﻧﺰﻟﻨﻲ ﺷﻐﻞ ﺍﻟﺴﻴﺎﺭﻩ ﻭﻃﻠﻊ ﺍﻧﻘﻬﺮﺕ ﺻﻌﺪﺕ ﺿﻠﻴﺖ ﺍﻓﻜﺮ ﻫﺴﻪ ﻭﺻﻞ ﻻ ﻳﻤﻪ ﺣﻀﻨﻪ ﺍﻭﻑ ﺍﺷﻜﺪ ﺣﻘﻴﺮﻩ
ﻫﺒﻪ ... ﻭﺻﻠﻨﺎ ﺍﻟﻔﻨﺪﻕ ﺍﻧﻲ ﻭﻳﺎﻩ ﺍﺣﺴﻪ ﺍﻣﺎﻧﻲ ﻓﺘﺢ ﺍﻟﺒﺎﺏ ﺩﺧﻠﻨﺎ ﺣﻠﻮ ﻛﻠﺶ ﻛﻌﺪﺕ ﻫﻮ ﻳﻔﺘﺮ ﺧﺎﻳﻔﻪ ﻣﻨﻪ ﺍﺭﺟﻒ ﺍﺟﻪ ﺍﺗﻘﺮﺏ
ﻓﺎﺭﺱ ... ﺍﺩﺭﻱ ﺗﺨﺎﻓﻴﻦ ﻣﻨﻲ ﻭﺣﻘﺞ ﻭﺷﺎﻳﻒ ﺍﻟﺨﻮﻑ ﺑﻌﻴﻮﻧﺞ ﻭﺍﻳﺪﺝ ﺗﺮﺟﻒ ﺍﺳﻒ ﺣﺒﻴﺒﻲ ﻭﻋﺪ ﺍﺧﻠﻴﺞ ﻣﻠﻜﻪ ﻗﻠﺒﻲ ﺗﻌﺎﻟﻲ ﺑﺤﻀﻨﻲ ﻭﻻ ﺗﺨﺎﻓﻴﻦ
ﻫﺒﻪ ... ﺟﺮﻧﻲ ﻟﺤﻀﻨﻪ ﺧﻔﺖ ﺑﻌﺪﻳﻦ ﺣﺴﻴﺖ ﺑﻞ ﺍﻣﺎﻥ ﻛﻼﻣﻪ ﺍﻟﺤﻠﻮ ﻭﻳﺎﻱ ﺍﺣﺒﻚ ﻭﺍﻟﻤﻮﺕ ﺍﺑﻘﻰ ﺍﺣﺒﻚ ﺭﺣﺖ ﺑﺪﻟﺖ ﻭﻟﻜﻴﺘﻪ ﻧﺎﻳﻢ ﻋﻠﻰ ﺟﺮﺑﺎﻳﻪ ﻓﺘﺢ ﺍﻳﺪﻳﻪ ﺭﺣﺖ ﺭﻛﺾ ﻧﻤﺖ ﺑﺤﻀﻨﻪ ﺟﺎﻥ ﺣﻨﻴﻦ ﻛﻠﺶ ﻭﻳﺎﻱ ﻭﻟﻄﻴﻒ ﻧﻤﻨﺎ ﺳﻮﻩ ﻭﻧﺴﻴﺖ ﻛﻠﺸﻲ ﺻﺎﺭ ﺑﺤﻴﺎﺗﻲ ﺻﺮﺕ ﺯﻭﺟﺘﻪ ﺑﺤﻼﻝ ﺍﻟﻒ ﺍﻟﺤﻤﺪ ﻟﻠﻪ .....
ﻫﻨﺎﺱ ... ﻣﺎ ﻛﺪﺭﺕ ﺿﻠﻴﺖ ﻧﺰﻟﺖ ﻋﻠﻰ ﻧﻬﻮﺭ ﻭﺳﺎﺭﻩ ﻟﻜﻴﺘﻬﻢ ﻛﺎﻋﺪﻳﻦ ﻫﻠﻮ ﺷﻠﻮﻧﻜﻢ
ﻧﻬﻮﺭ .. َﻫﻼﻭﺍﺕ ﺧﻴﺮﺝ ﺍﺩﺭﻱ ﻫﻬﻬﻪ
ﺳﺎﺭﻩ ... ﻫﻼ ﺣﻴﺎﺗﻲ ﺷﺒﻴﺞ ﻭﻳﺎﻫﺎ ﺧﻞ ﺗﺤﺠﻲ ﺑﻞ ﺍﺍﻭﻝ ﺍﺣﺠﻲ ﺣﺒﻴﺒﺘﻲ
ﻫﻨﺎﺱ ... ﺣﺠﻴﺖ ﻭﻳﺎﻩ ﻋﺮﻓﺘﻨﻲ ﺿﺎﻳﺠﻪ
ﻧﻬﻮﺭ ... ﺍﻭﻛﻔﻲ ﺭﺍﺡ ﺍﺣﻠﻬﺎ ﺧﻞ ﺍﺧﺎﺑﺮﻩ ﺍﻛﻠﻪ ﺭﺟﻠﻬﺎ ﺍﻟﺘﻮﺕ ﻭﻣﻬﻴﻤﻦ ﺑﻌﺪﻩ ﻣﺎﺭﺍﺟﻊ
ﺳﺎﺭﻩ ... ﻫﻬﻬﻬﻪ ﺧﻄﻴﻪ ﺗﺨﺒﻠﻮ ﺗﺎﺍﻟﻲ ﻟﻴﻞ ﺳﻮ ﺍﻟﻲ ﻳﻌﺠﺒﻜﻢ ﺑﺲ ﺳﻬﺎﻡ ﺧﻄﻴﻪ ﺍﺷﻜﺪ ﺧﺒﻴﺜﻪ ﺗﻬﻮﺭ ﺍﻧﻲ ﻧﺎﻳﻤﻪ ﻋﻮﺩ ﻣﻦ ﺗﺼﻴﺮ ﺭﺟﻠﺞ ﺯﻳﻨﻪ ﻛﻮﻟﻴﻠﻲ
ﻧﻬﻮﺭ ... ﺍﻱ ﻧﺎﻣﻲ ﻻﻋﻠﻴﺞ ﺍﻥ ﺷﺎﺀ ﺍﻟﻠﻪ ﺣﻴﺎﺗﻲ ﺑﺲ ﻳﺠﻲ ﻫﻨﺎﺱ ﺗﺼﻴﺮ ﺯﻳﻨﻪ ﻫﻬﻬﻪ
ﻫﻨﺎﺱ ... ﻫﻬﻬﻬﻪ ﻛﻴﻔﺞ ﺍﻟﻤﻬﻢ ﺍﻟﻴﻮﻡ ﺍﺭﻳﺪﻩ
ﻧﻬﻮﺭ .. ﺗﺪﻟﻠﻴﻦ ﺍﺗﺼﻠﺖ ﺍﻟﻮ ﻋﻠﻲ
ﻋﻠﻲ .. ﺭﺣﺖ ﻟﻠﺒﻴﺖ ﺻﻌﺪﺕ ﺷﻔﺖ ﺳﻬﺎﻡ ﺗﺒﺪﻝ ﻣﺎﺣﺠﻴﺖ ﻭﻳﺎﻫﺎ ﺍﺟﺖ ﺣﻀﻨﺘﻨﺘﻲ ﺍﻋﺘﺬﺭﺕ ﻣﻨﻲ ﺗﻤﺪﺩﺕ ﻣﺎﺣﺠﻴﺖ ﺇﺟﺖ ﻧﺎﻣﺖ ﻋﻠﻰ ﺻﺪﺭﻱ ﻟﻌﺒﺖ ﺑﺸﻌﺮﻫﺎﺍ
ﺳﻬﺎﻡ ... ﺷﺒﻴﻚ ﺣﻴﺎﺗﻲ ﺿﺎﻳﺞ ﻣﺸﺘﺎﻗﺘﻠﻚ
ﻋﻠﻲ ... ﻣﺎ ﺿﺎﻳﺞ ﻟﻴﺶ ﺍﺿﻮﺝ ﺷﻮ ﻭﺧﺮﻱ ﺍﺷﻮﻳﻪ ﺗﻠﻔﻮﻧﻲ ﻳﺘﺼﻞ ﻫﺎﻱ ﺍﻧﻬﺎﺭ ﻫﻼ ﺷﻜﻮ ﺷﺼﺎﻳﺮ ﺧﻮﻣﺎ ﺣﻠﻤﺎﻧﻪ ﺑﻴﻪ ﻣﺘﺼﻠﻪ ﻫﺴﻪ
ﻧﻬﻮﺭ .. ﻻ ﻳﻤﻌﻮﺩ ﻋﻠﻰ ﻛﻴﻔﻚ ﺑﺲ ﻫﻨﺎﺱ ﺍﻟﺘﻮﺕ ﺭﺟﻠﻬﺎ ﻭﺗﺒﺠﻲ ﺑﺲ ﻻ ﺍﻧﻜﺴﺮﺕ ﻭﻣﻬﻴﻤﻦ ﻣﻮ ﻫﻨﺎ ﺑﻌﺪ ﻣﺎﺭﺍﺟﻊ ﺩﺍﻳﺢ ﺑﺮﺍ
ﺳﺎﺭﻩ ... ﻫﻬﻬﻬﻬﻬﻪ ﻣﺘﺖ ﺿﺤﻚ ﺧﺮﺏ ﺑﻴﻮﻣﺠﻦ ﺷﺎﺭﻛﻲ ﺑﺠﺮﻳﻤﻪ ﺷﺎﺭﻛﻲ ﻫﻬﻬﻪ
ﻧﻬﻮﺭ ... ﻭﺟﻊ ﺍﺷﺶ ﺷﺒﻴﻚ ﺳﻜﺘﺖ ﺗﺠﻲ ﻟﻮ ﻻ ﺧﻄﻴﻪ
ﻋﻠﻲ .. ﻳﻤﺞ ﺍﻧﻄﻴﻨﻴﺎﻫﺎ
ﻫﻨﺎﺱ .. ﻣﺘﺘﺖ ﺿﺤﻚ ﻋﻠﻴﻬﺎ ﻛﺎﻝ ﺍﻧﻄﻴﻨﻴﺎﻫﺎ ﺷﻠﻮﻥ ﻋﺰﺍ ﻳﻌﺮﻓﻨﻲ ﺑﺴﺮﻋﻪ ﻣﺎ ﺍﺣﺠﻲ
ﻧﻬﻮﺭ .... ﻻ ﻣﺘﻜﺪﺭ ﺗﺤﺠﻲ ﺗﺘﻮﺟﻊ
ﻋﻠﻲ . .. ﻣﺎﺷﻲ ﻣﺴﺎﻓﻪ ﺍﻟﻄﺮﻳﻖ ﻭﺍﺟﻲ ﺑﺎﻱ
ﺳﻬﺎﻡ ... ﺧﻴﺮﺭ ﺷﻜﻮ ﺷﺒﻴﻬﺎ ﻋﻤﺘﻲ ﺍﻧﻬﺎﺭ
ﻋﻠﻲ ... ﻫﻨﺎﺱ ﺭﺟﻠﻬﺎ ﻣﻠﺘﻮﻳﻪ ﺑﺲ ﻻ ﻣﻜﺴﻮﺭﻩ
ﺳﻬﺎﻡ .... ﺩﺭﻭﺏ ﻛﻠﻬﻦ ﻋﻨﺪﻱ
ﻋﻠﻲ .. ﻭﺟﻊ ﻻ ﺗﺤﺠﻴﻦ ﻋﻠﻴﻬﺎ ﺷﻨﻮ ﻗﺼﺪﺝ
ﺳﻬﺎﻡ . ﺍﻱ ﻭﺟﻊ ﺍﻟﻲ ﻭﻧﺒﻲ ﺟﺬﺑﻪ ﻭﺍﻧﺖ ﻣﺎ ﺻﺪﻛﺘﺖ ﺭﻭﺣﻠﻬﺎ ﺍﻭﻭﻱ ﺍﻧﺎﻡ ﺍﺣﺴﻦ ﻭﺭﺍﻳﻪ ﺩﻭﺍﻡ
ﻋﻠﻲ .. ﺍﻱ ﻧﺎﻣﻲ ﻳﻼ ﺑﺎﻱ ﻃﻠﻌﺖ ﺭﺣﺖ ﺍﻟﺒﻴﺖ ﻓﺘﺤﺖ ﺍﻟﺒﺎﺏ ﺻﻌﺪﺕ ﻓﻮﻙ ﻓﺘﺤﺖ ﺍﻟﺒﺎﺏ ﺗﺸﻜﻠﺖ ﺑﺮﻛﺒﺘﻲ
ﻋﻠﻲ .. ﺷﺒﻴﺢ ﻳﻌﻤﺮﻱ
ﻋﻠﻲ .. ﺷﺒﻴﺢ ﻳﻌﻤﺮﻱ ﺧﻮﻓﺘﻨﻲ ﺷﻠﻮﻥ ﺗﻤﺸﻴﻦ ﻋﻠﻴﻬﺎ
ﻫﻨﺎﺱ . ﺍﻟﻌﺎﻓﻴﻪ ﻳﻤﻚ ﺣﺒﻴﺒﻲ ﻣﺎﻛﻮ ﺷﻲ ﺳﻼﻣﺘﻚ ﺑﺲ ﺭﺩﺗﻚ
ﻋﻠﻲ . ﺍﻭﻳﻠﻲ ﺍﻟﻐﻴﺮﻩ ﻭﻟﺞ ﻣﺎ ﻳﻨﻜﺪﺭﻟﺞ ﺗﻌﺎﻟﻲ ﺣﻀﻨﺘﻬﺎ ﺍﺧﺬﺗﻬﺎ ﻟﺴﺮﻳﺮ ﻧﺎﻳﻤﻪ ﺑﺮﻛﺒﺘﻲ ﻭﻧﻤﺖ ﻭﻫﻴﻪ ﺑﺤﻀﻨﻲ ﺍﻟﻌﺐ ﺑﺸﻌﺮﻩ ﻭﻫﻤﺲ ﺑﺎﺫﻧﻬﺎ ﺍﺣﺒﺞ
ﻫﻨﺎﺱ .. ﺍﻣﻮﺕ ﻋﻠﻴﺔ ﻋﻠﻲ ﺗﺮﻳﺪ ﻃﻔﻞ
ﻋﻠﻲ .. ﺍﻱ ﺣﺒﻴﺒﺘﻲ
ﻫﻨﺎﺱ .. ﻟﻮ ﺿﺎﻝ ﻃﻔﻠﻨﻪ
ﻋﻠﻲ .. ﻗﺴﻤﻪ ﻫﻨﺎﺱ ﺍﺷﺘﺎﻗﻴﺖ ﻟﺒﻴﺘﻨﺎ
ﻫﻨﺎﺱ . ﻭﺍﻧﻲ ﻫﻢ ﻭﺍﻟﻠﻪ ﻧﻤﻨﻪ ﻋﻠﻰ ﺍﻧﻔﺎﺱ ﺑﻌﺾ ﻛﻌﺪﺕ ﺍﻟﺼﺒﺢ ﻋﻠﻲ ﻳﺨﺎﺑﺮ ﻭﻣﻨﺪﻣﺞ ﺑﻞ ﻣﺨﺎﺑﺮﻩ
ﺻﺒﺎﺡ ﺍﻟﺨﻴﺮ
ﻋﻠﻲ . ﺻﺒﺎﺡ ﺍﻟﻨﻮﺭ ﺣﻀﺮﻱ ﻣﻼﺑﺴﻲ ﺭﺍﺡ ﺍﻟﺘﺤﻖ
ﻫﻨﺎﺱ . ﺻﺪﻙ ﻭﺍﻟﻠﻪ
ﻋﻠﻲ . ﺍﻱ ﻳﻜﻠﺒﻲ ﺭﺍﺡ ﺍﺩﺧﻞ ﺍﺳﺒﺢ
ﻫﻨﺎﺱ . ﻏﺼﻪ ﺑﺼﺪﺭﻱ ﻣﺎﻣﺘﻌﻮﺩﻩ ﺍﻭﻑ ﺭﺣﺖ ﺑﺪﻭﻥ ﻭﺍﻫﺲ ﺍﺣﻀﺮ ﻃﻠﻊ ﻣﻦ ﺍﻟﺤﻤﺎﻡ ﺣﻀﻨﻲ ﻭﺍﻧﻲ ﺍﺑﺠﻲ
ﻋﻠﻲ ... ﻳﻌﻤﺮﻱ ﺍﻧﺘﻲ ﻻ ﺗﻀﻮﺟﻴﻦ ﻭﻋﺪ ﻣﺮﺍﺡ ﺗﺤﺴﻴﻦ ﻣﺎ ﺃﻃﻮﻝ ﻣﺜﻞ ﻛﻞ ﻣﺮﻩ
ﻫﻨﺎﺱ ... ﺷﻜﻢ ﻳﻮﻡ ﺣﻴﺎﺗﻲ
ﻋﻠﻲ . ﻣﺎﺍﺩﺭﻱ ﺑﺲ ﻣﺮﺍﺡ ﺗﺤﺴﻴﻦ ﻳﻼ ﻛﻤﻠﺘﻲ
ﻫﻨﺎﺱ ... ﺍﻱ ﺣﺎﺿﺮﺍﺕ ﻟﺒﺲ ﻣﻼﺑﺴﻪ ﻋﺴﺎﺱ ﻳﻀﺤﻜﻨﻲ
ﻋﻠﻲ .. َﺷﺒﻴﺞ ﻳﺮﻭﺣﻲ ﻣﺜﻞ ﺍﻟﻄﻔﻠﻪ ﺗﻌﺎﻟﻲ ﻧﺼﻮﺭ ﺍﻧﻲ ﻭﻳﺎﺝ
ﻫﻨﺎﺱ .. ﺍﺧﺬﻧﻲ ﺑﺤﻀﻨﻪ ﻳﺼﻮﺭ ﻭﻳﺒﻮﺱ ﻭﻳﺴﻮﻱ ﻣﻘﻄﻊ ﻓﻴﺪﻳﻮ ﻭﺍﻧﻲ ﺍﻧﻜﺰ ﻻ ﻥ ﻣﻜﻔﺸﻪ ﻣﻦ ﺍﻟﺼﺒﺢ ﺍﻭﻭﻩ
ﻋﻠﻲ ... ﻓﺪﻳﺘﺞ ﺗﺨﺒﻠﻴﻦ ﻭﺍﻟﻠﻪ ﺍﺭﻭﺡ ﺍﻭﺩﻉ ﺍﻫﻠﻲ ﺗﻌﺎﻟﻲ ﻛﺎﺍﻓﻲ ﻋﺎﺩ ﻻﺗﺠﺒﻴﻦ ﺷﺤﺠﻲ ﺍﻧﻲ
ﻫﻨﺎﺱ .. ﺣﻀﻨﺘﻪ ﺍﺑﺠﻲ ﻫﻮ ﻳﺰﻛﺤﺢ ﺑﻴﻪ ﻻﻥ ﺍﺑﺠﻲ ﻭﻃﻠﻊ ﻭﺍﺑﺎﻭﻉ ﻋﻠﻴﻪ ﺭﻭﺣﻲ ﺭﺍﺣﺖ ﻭﻳﺎﻩ ﻛﻌﺪﺕ ﺑﺠﻴﺖ ﻭﺭﺣﺖ ﺳﺒﺤﺖ ﻭﻏﺴﻠﺖ ﺍﻟﻤﻼﺑﺲ ﻧﻀﻔﺖ ﺍﻟﻐﺮﻓﻪ ﻭﺭﺗﺒﺘﻬﺎ ﻭﻧﺰﻟﺖ ﻳﻤﻬﻢ
ﻋﻠﻲ .... ﻧﺰﻟﺖ ﻭﺩﻋﺖ ﺟﺪﻱ ﻳﻼ ﺟﺪﻱ ﺍﺭﻭﺡ ﻟﺪﻭﺍﻡ ﺍﻧﻲ ﻣﻬﻴﻤﻦ
ﺍﻟﺠﺪ ... ﺍﻟﻠﻪ ﻭﻳﺎﻛﻢ ﺍﺑﻨﻲ ﻣﺤﺮﻭﺳﻴﻦ ﻣﻮ ﻋﺒﺎﻟﻲ ﺍﺟﺎﺯﻩ ﻗﺼﻴﺮﻩ ﺟﺎﻧﺖ
ﻣﻬﻴﻤﻦ .. ﻳﺎ ﻗﺼﻴﺮﻩ ﺑﺎﺑﺎ ﺧﻠﺼﺖ ﻣﻦ ﻭﺭﻩ ﻓﺎﺭﺱ ﺍﺗﺎﺧﺮﻧﺎ ﻫﻢ ﻳﻼ ﻋﻀﻴﺪﻱ ﺍﻣﺸﻲ
ﻋﻠﻲ ... ﻳﻼ ﺟﺪﻩ ﺍﺩﻋﻴﻠﻨﺎ ﻣﺎ ﺍﻭﺻﻴﺞ ﻋﺎﻯ ﻫﻨﺎﺱ ﻣﺜﻞ ﺍﻟﻄﻔﻠﻪ ﺍﻟﻠﻪ ﺷﺎﻫﺪ ﻋﻔﺘﻬﺎ ﺗﺒﺠﻲ
ﺍﻟﺤﺠﻴﻪ .. ﺍﻟﻠﻪ ﻭﻳﺎﻛﻢ ﻳﻤﻪ ﻻﺗﺨﺎﻑ ﺍﻭﻳﻠﻲ ﺣﻤﺎﻣﻪ ﻣﺎﻟﺘﻚ ﻣﺎﻛﻮ ﻭﺣﺪﻩ ﺗﺤﺒﻚ ﺑﻜﺪﻫﺎ ﺑﻌﻴﻮﻧﻲ
ﻋﻠﻲ ... ﺗﺴﻠﻢ ﻋﻴﻮﻧﺞ ﺍﻟﻐﺎﻟﻴﻪ ﻳﻼ ﻣﻊ ﺍﻟﺴﻼﻣﻪ ﻃﻠﻌﻨﺎ
ﺍﻧﻲ ﻟﺒﻴﺖ ﺍﻫﻠﻲ ﺃﻭﺩﻉ ﺍﻣﻲ ﻭﺍﺧﻮﺍﺗﻲ ﺍﺩﺭﻱ ﺍﻣﻲ ﺗﻀﻮﺝ ﻫﺎﺍ ﻭﻳﻦ ﺗﺮﻭﺡ
ﻣﻬﻴﻤﻦ ... ﺍﺭﻭﺡ ﻋﻠﻰ ﻛﺒﺪ ﻣﺎﻟﺘﻲ ﺍﺷﻮﻓﻬﺎ ﻭﺍﺟﻲ ﻣﻦ ﺗﺨﻠﺺ ﺧﺎﺑﺮﻧﻲ ﻣﺎﺷﻲ
ﻋﻠﻲ .. َﻫﻬﻬﻪ ﺍﻭﻳﻠﻲ ﻣﻨﻚ ﺭﻭﺡ ﻣﺎﺷﻲ ﻧﺘﺨﺎﺑﺮ
ﻫﻨﺎﺱ ... ﻧﺰﻟﺖ ﻧﻬﻮﺭ ﺗﻘﺮﺍ ﻭﺳﺎﺭﻩ ﺑﺎﻟﺠﺎﻣﻌﻪ ﻭﻛﺮﺍﺭ ﻛﺎﻋﺪ ﺑﺎﻟﺪﻳﻮﺍﻥ ﻣﻬﻴﻤﻦ ﻣﻠﺘﺤﻖ ﻭﻳﻪ ﻋﻠﻲ ﺍﻟﺤﺠﻴﻪ ﺑﻞ ﺍﻟﻤﻄﺒﺦ ﺗﺴﻮﻱ ﺍﻛﻞ ﻛﻌﺪﺕ ﺧﺎﺑﺮﺕ ﻧﻮﺭ
ﺍ
ﻧﻮﺭ .. ﻫﻼ ﺧﻴﺘﻲ ﺷﻠﻮﻧﺞ
ﻫﻨﺎﺱ . ﺑﺨﻴﺮ ﺍﻧﺖ ﺷﻠﻮﻧﺞ
ﻧﻮﺭ . ﻣﺎﺷﻴﻪ ﺿﻮﺟﻪ ﺑﻠﻴﺎﺝ ﺭﺟﻌﺖ ﻟﻠﻜﺘﺐ ﺗﻌﺒﺖ ﺷﺒﻴﺞ ﺻﻮﺗﺞ ﻣﺨﻨﻮﻙ
ﻫﻨﺎﺱ . ﻣﺎ ﺑﻴﻪ ﺷﻲ ﺍﺭﻳﺪ ﻃﻠﻌﻲ ﻣﻌﺪﻝ ﺭﻓﻌﻲ ﺭﺍﺳﻲ ﻭﻋﺪ ﺑﺲ ﺍﻃﻠﻌﻴﻦ 90 ﻭﻋﺪ ﺍﻟﺞ ﺗﻠﻔﻮﻥ ﺍﻝ . ﺑﺎﻟﺞ ﻭﻣﻼﺑﺲ ﺍﻟﻲ ﺑﺎﻟﺞ
ﻧﻮﺭ .. ﺍﻥ ﺷﺎﺀ ﺍﻟﻠﺔ ﻳﺎﺭﺏ
ﻫﻨﺎﺱ .. ﻧﻮﺭ ﺳﻬﺎﻡ ﺷﻠﻮﻧﻬﺎ ﻭﻳﺎﺝ
ﻧﻮﺭ .. ﺯﻳﻨﻪ ﺣﺒﺎﺑﻪ ﺑﺲ ﻃﺒﻜﺎﺕ ﻣﻦ ﺗﺴﻤﻊ ﺍﺳﻤﺞ ﺳﻬﺎﻡ ﻣﺎﻟﻬﺎ ﺫﻧﺐ
ﻫﻨﺎﺱ . ﻟﻌﺪ ﺍﻧﻲ ﺷﻨﻮ ﺫﻧﺒﻲ
ﻧﻮﺭ . ﻭﺍﻟﻠﻪ ﻣﺎﺍﺩﺭﻱ ﻫﺒﻪ ﺍﻟﻴﻮﻡ ﺷﻠﻮﻧﻪ
ﻫﻨﺎﺱ . ﻣﺎﺩﺭﻱ ﺍﺳﺘﺤﻴﺖ ﺍﺧﺎﺑﺮﻫﺎ ﻋﻠﻲ ﻛﺎﻝ ﻣﺎﺧﺬﻫﺎ ﻟﻔﻨﺪﻕ
ﻧﻮﺭ . ﻧﻴﺎﻟﻬﺎ
ﻫﻨﺎﺱ . ﻭﺟﻊ ﺳﺨﻴﻔﻪ ﺷﻨﻮ ﺗﺮﺩﻳﻦ ﺭﺟﺎﻝ
ﻧﻮﺭ .. ﻻ ﻋﻠﻰ ﻓﻨﺪﻕ ﻳﻮﻟﻲ ﻟﻮ ﺗﻀﻞ ﺣﻴﺎﺗﻲ ﻣﺘﻌﻠﻘﻪ ﺑﺮﺟﺎﻝ ﻫﻢ ﺍﻣﻮﺕ ﻭﻣﺎﺧﻠﻲ ﺣﻴﺎﺗﻲ ﺑﻴﺪ ﺭﺟﺎﻝ ﻳﺘﺤﻜﻢ ﺑﻴﻪ
ﻫﻨﺎﺱ . ﺷﻨﻮ ﺳﺎﻟﻔﻪ ﻧﻮﺭ
ﻧﻮﺭ .. ﻫﺬﺍ ﻛﻼﻣﻲ ﻣﺎﻏﻴﺮﻩ ﻭﻣﺎﺍﺣﺐ ﺍﺣﺪ ﻳﻐﻴﺮ ﻣﻮﺍﻗﻒ ﻛﻠﺒﻲ ﻳﻜﻮﻡ ﻳﻮﺟﻌﻨﻲ ﻣﺎﺗﺤﻤﻞ
ﻫﻨﺎﺱ . . ﻓﺪﻳﺘﺞ ﺣﺒﻴﺒﺘﻲ
ﻧﻮﺭ . ﺍﺭﻭﺡ ﺍﻗﺮﺍ
ﻫﻨﺎﺱ . ﻛﻴﻔﺞ ﺍﺣﺒﺞ
ﻧﻮﺭ . ﻭﺍﻧﻲ ﻫﻢ ﻳﻜﻠﺒﻲ
ﻫﻨﺎﺱ ... ﺳﺪﻳﺖ ﺍﻟﺨﻂ ﻭﺧﺎﺑﺮﻧﻲ ﻋﻠﻲ ﺍﻟﻮ ﻫﺎ ﺣﺒﻴﺒﻲ
ﻋﻠﻲ . ﻫﻼ ﻳﻜﻠﺒﻲ
ﻫﻨﺎﺱ . ﻭﺻﻠﺖ
ﻋﻠﻲ . ﻻ ﻭﺍﻟﻠﻪ ﺑﻌﺪ ﻣﻦ ﺍﻭﺻﻞ ﺍﺧﺎﺑﺮﺝ ﺑﻌﺪﺝ ﺿﺎﻳﺠﻪ
ﻫﻨﺎﺱ ... ﺍﻧﻲ ﻣﻦ ﺩﻭﻧﻚ ﻣﺎ ﺃﻛﺪﺭ ﺍﻋﻴﺶ ﺍﻓﺘﻬﻤﺖ ﺍﻣﻮﺕ ﻭﺭﺍﻙ
ﻋﻠﻲ ... ﻳﺮﻭﺣﻲ ﻻﺗﺨﺎﻓﻴﻦ ﻋﻠﻴﻪ ﻳﻼ ﺣﺒﻲ ﻣﻦ ﺍﻭﺻﻞ ﻧﺘﺨﺎﺑﺮ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ
ﻫﻨﺎﺱ .. ﻣﺎﺷﻲ ﺣﺒﻴﺒﻲ ﺗﻮﺻﻞ ﺑﺎﻟﺴﻼﻣﺔ ﺳﺪ ﺍﻟﺨﻂ ﺭﺣﺖ ﺳﺎﻋﺪﺕ ﺍﻟﺤﺠﻴﻪ ﺑﻞ ﺍﻟﻄﺒﺦ ﺑﺎﻟﻲ ﻳﻤﻪ
ﺍﻟﺤﺠﻴﻪ . َﻳﻤﻪ ﻻﺗﻀﻠﻴﻦ ﺗﻔﻜﺮﻳﻦ ﻭﺑﺎﻟﺞ ﻣﺸﻐﻮﻝ ﺍﺗﻌﻮﺩﻱ ﻋﻠﻰ ﻓﺮﺍﻛﻪ ﻫﺴﻪ ﺯﻳﻦ ﻣﺮﺍﺕ ﻳﻀﻞ ﺃﺷﻬﺮ ﻳﻼ ﻳﻨﺰﻝ
ﻫﻨﺎﺱ .. ﺷﻠﻮﻥ ﻳﻌﻨﻲ ﺑﺲ ﻫﻮ ﻛﺎﻝ ﻣﺎ ﺃﻃﻮﻝ ﻣﻌﻘﻮﻟﻪ ﻳﻄﻮﻝ ﺷﻬﺮ ﻻ ﺣﺠﻴﻪ ﻓﺪﻭﻩ ﻏﻴﺮ ﺍﻣﻮﺕ
ﻧﻬﻮﺭ ... ﻳﻤﺎﺍ ﻳﻤﺎﺍ ﺍﻟﺤﺐ ﻳﻤﺎﺍ ﺍﻫﻨﺎ ﺍﻟﺤﺐ ﻋﻤﻲ ﺍﻱ ﻭﺍﻟﻠﻪ ﻣﺮﺍﺕ ﺷﻬﺮ ﻳﻼ ﻳﻨﺰﻝ ﺗﻀﻠﻴﻦ ﻫﻴﺞ ﺍﺗﻌﻮﺩﻱ ﻗﻮﻱ ﻛﻠﺒﺞ
ﺍﻟﺤﺠﻴﻪ .. ﺷﻜﻠﺞ ﺗﺤﺒﻲ ﺭﺑﻲ ﻳﺴﻌﺪﻛﻢ ﻭﻳﺤﻔﻈﻪ ﺍﻟﺞ ﻻﺗﺨﺎﻓﻴﻦ ﻣﺎ ﺗﺤﺴﻴﻦ ﺍﻻ ﺟﺎﻱ ﺍﻳﺎﻡ ﺗﺮﻛﺾ ﻭﺍﻛﻮ ﺗﻠﻔﻮﻥ ﺗﺴﻤﻌﻴﻦ ﺻﻮﺗﻪ
ﻫﻨﺎﺱ ... ﺃﻣﻴﻦ ﻳﺎﺭﺏ ﺍﺟﻪ ﻭﻗﺖ ﺍﻟﻐﺪﺍ ﺻﺒﻴﻨﺎ ﺍﻟﻐﺪﺍ ﺍﻧﻲ ﻭﻧﻬﻮﺭ ﻭﺍﺟﺖ ﺳﺎﺭﻩ ﻭﻛﺮﺍﺭ ﻭﺍﻟﺤﺠﻲ ﻭﺍﻟﺤﺠﻴﻪ ﻭﻛﻤﻨﺎ ﻧﺘﻐﺪﺍ ﺍﺗﺬﻛﺮﺗﻪ ﻛﻮﻩ ﺍﻛﻞ ﺑﻜﻠﺸﻲ ﻳﺠﻲ ﻋﻠﻰ ﺑﺎﻟﻲ ﺍﺣﺒﻪ ﺍﻛﺜﺮ ﻣﻦ ﺭﻭﺣﻲ ﺍﻟﻨﻔﺲ ﻣﺎﻟﺘﻲ ﻫﺬﺍ ﻋﺸﻘﻲ ﻻﻣﻮﺕ ﺍﺑﻘﻰ ﺍﺣﺒﻪ .........
شكرا لزيارتكم عالم روايات سكيرهوم
