 |
رواية دار الايتام الجزء الثاني (ما بين الحلم والحقيقة) الفصل الخامس والعشرون بقلم اميرة اسامة
عشق...يا صباح الفل اخيرا صحيتي
ميرنا...صباح النور ياعشق معلش جيت مشيتك من الاوضه
عشق...قولي جيتي انقذتيني اصل العيال دي خوافه وانا بصراحه مش بحب انام معاهم نومهم زفت
ميرنا....ده كان في حرب😂😂
عشق....هتقوليلي مانا عارفه بس صحيح ايه اللي صحاكي بدري كده انا قولت مش هتصحي بعد الرغي اللي كنت بترغوه ده
ميرنا...احنا تقريبا نايمين من 3ساعات بس
عشق....والله انا قولت هيحطوا راسهم عالمخده هيطيرو لاننا جينا من السفر منمناش اصلا ونزلنا البحر وبعدين سهرنا اليوم كان متعب بس دول من الاخر كده مش بيحسوا 😂
ميرنا...هو انتي بتعملي ايه
عشق...بحضرلكم الفطار وقولت اروح اتوضي عشان اصلي ركعتين الصبح واصحيكم تفطروا
ميرنا...بأعجاب انتي بتصلي ياعشق
عشق...ايوه الحمد لله
ميرنا....يا بختك
عشق...ويابختي ليه الحمام هناك اهو روحي اتوضي وتعالي صلي مفيش حد مانعك
ميرنا...مفيش حد مانعني فعلا بس للاسف مش عارفه اواظب عالصلاه خالص مع اني كنت بصلي والله بس بقالي فتره كنت بصلي واقطع وبعدين اقطعت خالص
عشق...شوفي ايه السبب اللي خلاكي تبعدي عن ربنا وحاولي تمنعيه فورا الصلاه جميل اوي يا ميرنا كفايه انك بتلاقي حد تتكلمي معاه وانتي مرتاحه وانتي متأكده انه مش هيطلع سرك مش هيفضحك مش هيقولك غلط وعيب مش هينظر عليكي مش هينتقدك والوحيد اللي هتلجئيله وانتي جواكي مشاكل اد الجبال ومش هيمل من سماعك ابدا الوحيد اللي مش بعد ما يسمعك هيقولك معلش بالعكس ده هيقف معاكي ويحللك مشاكلك وهتحسي براحه غير طبيعيه بعد ما تحكي وتطلعي اللي جواكي
ميرنا...كلامك حلو اوي يا عشق بتفكريني بمامي الله يرحمها كنت ببقي مبسوطه وانا بسمعها وبسمع نصايحها ليا
عشق...ربنا يرحمها كل ما تفتكريها ادعيلها يا ميرنا هي في مكان احسن كتير الوقت
ميرنا....بدعيلها والله ربنا يرحمها يارب
عشق...يارب
طلعت ميرنا سيجاره
عشق...انتي بتدخني يا ميرنا
ميرنا...اه تقريبا من ساعت ما مامي اتوفت لو هتضايقي اقفلها
عشق...لا خالص يا ميرنا براحتك بس عالاقل نفطر الاول مينفعش تصحي تشربي كده
ميرنا...حاضر يا ستي بقولك ايه انا هروح اصحيهم
عشق...وانا هروح اصلي لحد ما يصحوا
ميرنا...تمام
بعد فتره بسيطه كان البنات صحيوا وفطروا مع بعض وخلصوا وفضلوا اعدين يضحكوا ويهزروا مع بعض
تمارا....عشق هو انتي مكلمتيش ليل
عشق.. لا ليه
تمارا...مفيش بس الضهر هيأذن خلاص ومحدش فيهم اتكلم ولا قالوا هنروح البحر ولا لا
نور...يمكن نايمين
عشق...اكيد نايمين هو زيكم ده اليوم امبارح يهد الحيل
تمارا...امال ليل امبارح اعد يقول احنا مش جاببن ننام وفتحلنا مضر
ميرنا...اهو ليل ده انا مستغرباه جدا
عشق...اشمعني
ميرنا...يعني انا بقالي كتير اوي مشفتوش واخر مره شوفته كان متغير وجد زياده عن اللزوم وعلي طول متعصب لاكن لما شوفته امبارح حسيت انه رجع زي الاول
تمارا...البركه في ايد ناس🙄
عشق...بصتلها بغيظ واحراج وسكتت
ميرنا...بأبتسامه اه مانا لاحظت😉
ميرنا...والله يا ميرنا شكلك بتلقطيها وهي طايره وشكلي كده انا وانتي هنبقي صحاب😂😂
ميرنا....لا انا فالحجات دي اعجبك اوي
عشق...بتحاول تعمل مش فاهمه تقصدوا ايه
ميرنا....عامله فيها بريئه😉
تمارا....بصت لعشق انا مليش دعوه هي اللي بتقول
ميرنا...اقصدك انتي طبعا 😁
عشق...انا لا خالص ليه بتقولي كده
ميرنا...لا تتوهي ماشي انما تكدبي عيني مسمحش ابدا تقللي من قدراتي😂😂😂
عشق....علي فكره انتي رخمه زي تمارا😔
ميرنا....😂😂😂طب انا بتكلم صح ولا لا
عشق...لا
ميرنا...هو ايه اللي لا يا بنتي بقولك حسيت بتغيير ليل ده عينه مابتنزلش من عليكي ده كان هيفجرني لما كنت بعاكس في لون عينك وبعدين انتي هتستعبطي مانتي كمان عينك باين عليها
تمارا...هي كده العيون فضاحه🤭🤭🤭🤭
عشق...طب بلاش انتي هااا
ميرنا...لا دي انا قفشاها من يوم ما شوفتها اول مره وكانت هتفجرني برده لما كنت برقص مع جاسر
تمارا...ايه ده انا لا محصلش🙄
ميرنا...يابنتي عيب بقولك انا بلمحها وهي طايره. علي فكره جاسر بيحبك اوي
تمارا....بلهفه بجد والنبي
عشق...بضحك اهي اعترفت من اول قلم😂😂😂
تمارا....🙄🙄🙄🙄
ميرنا....والله باين في عينه وتصرفاته جدا وبعدين انا اعرفهم اكتر منكم علي فكره وعارفه كل واحد طباعه عامله ازاي وحقيقي اكتر اتنين واضح عليهم جاسر وليل
تمارا...اشمعني
ميرنا...لا مش هقول غير لما تعترفوا😒
تمارا....ياستي انا بعترف اهو ايوه بحبه قولي يلا
ميرنا...ماكان من الاول😒😒
تمارا...حقك عليا انتي صح قولي بقي
ميرنا...مش قبل ما عشق تعترف🙄
عشق....انا انا
تمارا...وعشق بتحبه انتي لسه هتعلقي وربنا بتحبه
عشق...عيله رخمه😡
ميرنا...بضحك ماشي بصي بقي بالنسبه لجاسر...يمكن انا عارفه انه كان بيحب هايدي اوي بس بصراحه اللي بشوفه في عينه من ناحيتك مش زي هايدي خالص ويمكن اللي اعرفه ان الكل مبيطقش هايدي لاكن هو كان شايف غير كده لاكن الوقت انا واثقه انه بقي رأيه من رأينا.
تمارا...بجد
ميرنا...والله العظيم..اما بقي ليل كان مرتبط ببنت اسمها ميرنا ويمكن كان في اختلاف كان الكل بيحبها إلا أدم الوحيد اللي كان مبيحبهاش ابدا وبصراحه انا مكنتش بستظرفها بس مشوفتهاش غير مرتين تقريبا فا ماكنش ليا كلام معاها وطول الوقت طبعا كنت مسافره فا مليش علاقه بيها وطبعا وقتها لو كان مين قال لليل حاجه عنها كان فجره لاكن بعد فتره سابو بعض رجعوا تاني وبعدها سابها ليل تاني ومن بعدها اتغير حرفيا بقي وحش الكل بيخاف منه ليل تقريبا مكانش بيضحك ولا حتي يبتسم
بس ليل اللي شوفته امبارح غير خالص لمعه عينه لعشق تبين انه فعلا بيحبها.
تمارا....انتي صح علي فكره
نور...طب وانا🙄
ميرنا...انتي واقعه مع نوح وباين عليكي بس اعترفلك بحاجه ومتقوليش اني قولتلك
نور....والله ما هقول
ميرنا...انا اخر مره شوفت فيها نوح كان من اربع سنين كان جاي شغل في لندن واتقابلنا وخرجنا كذا مره مع بعض وسألته اذا كان مرتبط قالي لا وقالي انه بيحبك طبعا انا اول مره اشوفك يا نور بس يمكن كنت اعرفك من كلامه عنك بس اللي واضح مت كلام نوح انه بيحبك من الطفوله تقريبا نوح يبان بيحب الضحك والهزار وملوش فالجد ابدا بس يمكن الحاجه الجد في حياته هو انتي يا نور
نور....بفرحه وعيون فيها دموع انا كمان بحبه اوي يا ميرنا وعرفت شعور نوح من ناحيتي متأخر يمكن لو قولتلك امبارح بس مش هتصدقيني قاللي كل حاجه انا كمان بحبه اوي وعمري ما شوفت راجل في حياتي غيره
ميرنا...الله الله ايوه كده اعترفوا...اما بقي بالنسبه للانسه زهره واضح ان في اعجاب مشترك بينها هي وادم بس تقريبا مصارحوش بعض لسه
زهره...خو انتب دارسه علم نفس ولا ايه🤨🙈
ميرنا...بضحك لا والله ابدا بس ديما اللي بره الحكايه بيبقي شايفها اوضح
تمارا....طب وانتي بقي يا ميرنا مفيش حاجه كده ولا كده اقولك علي حاجه انا لما شوفتك مكنتش طيقاكي بجد بس لما اعدت معاكي امبارح وشوفتك علي طبيعتك اكتر حبيتك
ميرنا...مانا قولتلك كان باين عليكي جدا😒😒
عشق...طب ايه مردتيش علي سؤال تمارا
ميرنا...بصي انا كنت مرتبطه بولد بس كان في لندن وكان هيسلم عشاني بس بصراحه كل طباعه مكانتش شبهي وبعدين لما اعدت مع نفسي وفكرت صح لاقيت اننا مش هننفع مع بعض ابدا خصوصا حكايه انه هيسلم عشاني دي كانت قلقاني اصل بصراحه مينفعش انه يغير ديانته عشان بس بيحبني ان ماكانتش تيجي منه هو وعشان نفسه يبقي ملهاش لازمه
عشق...براڤو عليكي يا ميرنا فعلا انتي صح.
ميرنا....بس لما جيت مصر في حاجه كده حصلت
عشق...حاجه ايه
ميرنا...هقولكم بس جاسر ميعرفش يا تمارا
تمارا...طبعا من غير ما تقولي
ميرنا...طبعا يا تمارا انتي عارفه هادي صح
تمارا...امممم🙄
هايدي...بصي لما انتوا رجعتوا انا طبعا كملت والوقت اللي كنت فيه هناك قابلته بالصدفه تاني يوم اعدنا مع بعض وقضينا اليوم سوا وخد رقم موبايلي بعد كده بقي يكلمني ونخرج طول الكام يوم اللي كنت فيهم هناك كنت ديما معاه عرفني حجات كتير اوي عنه وانا حكيتله حجات كتير عن حياتي تقدري تقولي عرفنا بعض ومن وقتها هو كل شويه بيكلمني ويمكن سبب من اسباب اني اتخانقت مع صحابي واحده منهم تقريبا كانت مضايقه اني بكلمه وكانت غيرانه مني لانها حاولت تلفت نظره بكذا طريقه بس هو قفلها في وشها انا والله مكانش في دماغي هادي فالاول يمكن كنت بكلمه عادي حساه طيب لذيذ محترم عادي يعني بس طريقتها ضايقتني واتخانقنا مع بعض وطول الاجازه كنت مقضياها مع هادي لحد ما حسيت اني مشدوده ليه لو مكلمنيش بحس لني مش علي بعضي لما بيكلمني ببقي طايره من الفرح لحد اول امبارح اعترفلي انه معجب بيا وانه حابب اننا نرتبط بس دي كل الحكايه عشان كده حاسه اني متلغبطه ومش عارفه اخد اي قرار في حياتي ارجع ولا اعد اعمل شغل ولا اشتغل مع حد مش عارفه مبفكرش غير فيه وبس
تمارا....طب وانتي قولتيله ايه
لما قالك كده
ميرنا....قولتله يديني وقت افكر مش عارفه يا تمارا متلغبطه يمكن ده السبب اللي جابني هنا قولتله اني محتاجه ابعد عشان اعرف افكر وهو احترم قراري وسابني براحتي ومن ساعت ما جيت بيطمن بس عليا عالواتس
تمارا...طب بصي بقي هتسمعي نصيحتي
ميرنا....ياريت
تمارا...هادي مايتسابش يا ميرنا الراجل ده محترم جدا ومؤدب بجد وحد كده راقي جدا مش عارفه هو قالك انه كان متجوز ولا لا
ميرنا...قالي
تمارا...بصي يا ميرنا صعب اوي انك تلاقي راجل مخلص هادي كان بيحب مراته وكانوا مع بعض سنين لحد ما اتجوزها بس هي ماتت بعد شهر من جوازهم ومن وقتها وهو اعد بس علي ذكراها وصعب تلاقي راجل ياعد بعد وفاه مراته خصوصا لو في نفس سن هادي صغير وشاب وماشاء الله رجل اعمال كبير يعني بيشوف بنات كل ثانيه ومعني انه يقولك انه معجب بيكي يبقي شاف فيكي اللي مشافهوش في غيرك
ميرنا....بس يمكن ده اللي مخوفني مش انه متجوز انه كان بيحبها اوي كده خايفه يقارني بيها خايفه لو وافقت يطلع كان بيحاول يلاقي مراته فيا
تمارا...ميرنا هادي مراته متوفيه بقالها كتير يعني لو كان بيحاول يهرب كان اتجوز من زمان والف واحده تتمناه بس هو قفل علي قلبه فتره لحد ما يخرج من حزنه ممكن كنتي تخافي لو هو حاول يرتبط بعدها فتره صغيره ساعتها كنت هبقي معاكي واقولك بلاش لانه كان هيبقي بيحلول ينسي واحده بواحده تانيه
عشق...تمارا عندها حق يا ميرنا وبعدين واضح من كلامك انك اتعلقتي بيه
ميرنا...انا فعلا اتعلقت بيه وحاسه اني حبيته مسمعتش صوته بقالي يومين وهتجنن معرفش ايه اللي حصلي
تمارا...حبتيه يا ميرنا ادي لنفسك فرصه وفكري صح متضيعيهوش من ايدك بجد
ميرنا...انتي عرفتي ازاي صحيح كل ده
تمارا...سكتت شويه باحراج بصراحه بسببك انتي
ميرنا...انا😳ليه
تمارا...هادي حس اني مضايقه منك لما قمتوا ترقصوا مع بعض وقاللي اني بحب جاسر وهو بيحبني ونصحني اننا منكابرش اننا نعترف لبعض عشان العمر بيعدي وحكالي بقي اللي حصله بس دي كل الحكايه
عشق...فكري يا ميرنا لنا يمكن معرفهوش ومعرفش اي حاجه من اللي تمارا بتقولها غير الوقت بس شكله حد محترم
ميرنا...جدا والله وراجل بجد
زهره...طيب ولما هو فيه كل ده وانتي حبتيه ما تقوليله موافقه وتخلصي
ميرنا....هعمل كده بس مش الوقت عشان برستيچي وعشان ميحسش اني مدلوقه عليه
نور....ياستي برستيچ ايه وزفت ايه انا نوح اول ما قاللي رديت عليه في ساعتها هي دي فيها تفكير
عشق...لا يا نور ميرنا بتتكلم صح انتي وضعك مختلف انتي بتحبيه من وانتي صغيره واتفاجئتي ان هو كمان بيحبك من نفس الفتره تقريبا لاكن هي اول مره تعرفه حتي لو اتكلمت معاه بس الوقت اللي اعدوه مع بعض مش كافي لازم تاخد وقتها لانها خطوه مهمه في حياتها
ميرنا...صح يا عشق ده نفس تفكيري
عشق...ان شاء الله ربنا يقربه منك اكتر لو كويس ويستاهلك ويبعده عنك لو وحش
ميرنا...يارب
رن..موبايل عشق فالاحظه دي كان ليل اللي قالها انهم يجهزوا عشان هيعدوا عليهم
قاموا البنات يلبسوا وبعد فتره
خلصوا..
تمارا...يا خربيتك ابه ده انتي هتخرجي بمنظرك ده
ميرنا...وهي بتبص علي نفسها بتأمل ايه وحش🙄
تمارا...وحش ايه ده مسخره
ميرنا....ده مسخره ده محترم شويه قولت البسه عشان شكلي ميبقاش وحش ادامكم وانا خارجه كده وانتوا محجبين
نور....لا صراحه محترم😂😂😂
عشق....سيبوها براحتها هي مش محجبه واكيد هي متعوده
ميرنا...ايوه انتب صح عشق دي حبيبتي بجد 🤔
عشق...ابوه بس تتلمي وتحاولي تجيبي حاجه تغطي جسمك ده شويه😡
ميرنا....😳😳😳يا هربيت القلبان
تمارا....😂😂😂😂دي عشق يا بنتي امال انتي فاكره ايه بعد فتره بسيطه عدوا عليهم الشباب
جاسر...ايه اللي انتي لبسته ده يابت🤨
ميرنا...قمر مش كده
جاسر...قمر بالستر وكمل بصوت واطي بس مسموع بزمتك مش مكسوفه من نفسك وانتي خارجه كده معاهم😒
ميرنا...لا طبعا مكسوفه بس حاولت اختار اكتر حاجه محترمه عندي🙄
جاسر...دي اكتر حاجه محترمه
ميرنا....اه والله
جاسر...طب يلا يا ختي ادامي
خرجوا كلهم مع بعض راحوا ناحيه اليخت
عشق...كل ده نوم
ليل...لا والله انا صاحي من شويه بس جاسر خرج هو وادم عشان يظبطوا خروجه بليل ويتفقوا علي كل حاجه مرضتش اكلمك عشان محدش فيهم يتكلم ويعرف انهم صحيوا
عشق...فهمت ماشي
ليل...عامله ايه
عشق...بخير
ليل...المصيبه دي عملت معاكم ايه
عشق...بابتسامه ميرنا لا والله دي لذيذه خالص وانا حبيتها اوي
ليل...هي طيبه اوي فعلا
فضل ليل وعشق يتكلموا مع بعض
اما بالنسبه لتمارا وزهره نسيوا خالص عيد ميلادهم من كتر ما هما كانوا مبسوطين بالسفر والجو العام
قضوا اليوم كله فالبحر بين هزار وضحك ولعب وجري ورا بعض كان الجو بينهم جميل ومع غروب الشمس كانوا طلعوا من البحر وراحوا عالشاليهات وابتدوا يجهزوا.
عشق....بقول ايه يا بنات ماتيجوا نلبس كلنا فساتين زي بعض
تمارا...اشطا انا اصلا كنت بفكر البس فستان
ميرنا...وانا موافقه بس بقول ايه ما بلاش انا معاكم انا بصراحه مسترخمه فكره اني ابقي عزول وسطكم دي اوي
عشق...عزول ايه انتي عبيطه يا بنتي لا طبعا
تمارا...بقولك ايه انا البحر هدني ومش قادره اناهد يلا اخلصي😡
ميرنا...ياساتر يارب طيب خلاص
لبسوا البنات وخلصوا
ميرنا...بقولكم ايه احما هنفضل مستنين كده تعالوا يلا نروحلهم
عشق...ايوه بس هما بيعدوا علينا هتبقي رخمه لو روحنالهم احنا
ميرنا...بت بقولك ايه فكي كده شويه ومتبقيش عامله زي الانسان الالي خليكي جريئه شويه مش لازم هما اللي يبدأوا كل حاجه يلا نروح
تمارا...انتي صح يلا يا بت يا ميرنا
عشق...علي هواكب ميرنا الوقت عشان مجنونه زيك
تمارا...بصراحه اه😂😂😂
عشق...طب يلا يا اختي انتي وهي
خرجوا البنات راحوا عالشاليه فتحلهم نوح
نوح...ابه الحلاوه دي كلها وجايبن بنفسكم لا كده كتير
ميرنا...إتلهي هما فين
نوح...اتلهي🙄 جوا يا اختي ادخلوا
دخلت ميرنا ودخلت وراها تمارا ونور وزهره
نوح...هتفضلي واقفه كده
عشق...خليني هنا الجو حلو
نوح...طيب استني ادخل اجيبهم واجي
وقفت عشق بره باحراج وهي سرحانه في امواج البحر وهي بتخبط في بعض بشكل يثير الفضول من هذا العالم الغريب
ما أروع البحر حين يطل عليه العشاق، وما أشد ظلمته حين تطل منه الذكريات وتنكسر على ضفافه الأحلام.
ليل...القمر بتاعي واقف بره ليه
عشق...بابتسامه ليل
ليل...مدخلتيش ليه
عشق...معرفتش انا مكنتش هاجب اصلا بس ميرنا وتمارا صمموا نجيلكم وبصراحه اتحرجت ادخل
ليل....عارف...المهم ايه الجمال ده
عشق...بابتسامه علي فكره انت بكاش اوي
ليل...اناااا ليه بس انتي مبتبصيش في مرايه ولا ايه
عشق...ببص
ليل...وبتشوفي ايه
عشق....بشوف نفسي
ليل...طب بزمتك مش قمر
عشق....طب بس بقي عشان خارجين اهم
ليل...حاضر
ادم...ما يلا بقي عايز اكل
جاسر...علي طول همك علي بطنك كده
ادم...يا ابني انت من ساعت ما رجعنا وانت بتطفح انا مكلتش😡
جاسر...بتبصلي فاللقمه اللي باكلها
ادم...اه انا ببصلك فاللقمه اللي بتاكلها😒
ليل...افضلوا واقفين واتخانقوا ما تخلصوا يلا
نوح...يلا قبل ما يتحول😂
عدت فتره مش كبيره كانوا اتعشوا مع بعض وغيروا المكان
ووصلوا لكافيه عالبحر يجنن كله بلالين وورد وشكله مبهج لدرجه خلت البنات كانوا طايرين وحاسين انهم بيحلموا
بصت عشق لليل وهي مبتسمه
ليل...مبسوطه
عشق...اوي ياليل المكان يجنن وهما هيتبسطوا بجد
ليل...اي خدمه انتي بس شاوري
عشق...ربنا يخليك ليا 😍
ليل...ويخليكي ليا ياحبيبي❣️
تمارا...الله المكان حلو اوي
جاسر...عجبك
تمارا...اوي انا مبسوطه اوي
جاسر ..ولسه هتتبسطي اكتر عشان محضرلك مفجأه
تمارا...مفجأه عشاني انا
جاسر....ايوه
تمارا...بفرحه ايه هي
جاسر...هتعرفي الوقت
دخلوا مع بعض وكان في تربيزه كبيره متحضرالهم
اعدو كلهم والشباب بيتكلموا مع بعض بطريقه مريبه وكل شويه جاسر او ادم يقوموا يكلموا حد من الويترات ويأعدوا.
ميرنا...لعشق والبنات هو في ايه انا ليه حاسه ان في حاجه
نور...وانا في حاجه مريبه بتتم من ورا ضهرنا🙄
زهره...انا كمان حاسه بس بصراحه المكان يجنن اوي😍
ميرنا المكان يهبل فعلا وعايز يتاخد فيه كام صوره ماتيجوا نتصور مع بعض
زهره...يلا
تمارا...يلا
قاموا البنات مع بعض فضلوا يتصوروا وياخدو صور مع بعض وفي وسط ما هما بياخدو سلفي جري نوح دخل بسرعه فالصوره كلهم ضحكوا واتلقطت احلي صوره ليهم مع بعض وبعد ما خلصوا رجعوا تاني اعدو عالتربيزه
تمارا ..بت يا عشق هو في ايه
عشق...وانا اعرف منين
ميرنا...سوكتك ده مش مريحني شكلها عارفه حاجه🙄
عشق...هو انا سبتكم لحظه مانا جايه معاكم اهو
زهره...طيب يمكن في مشكله اصل كل شويه يقوموا ويرجعوا
تمارا...لا جاسر بيقولي محضرلك مفجأه
زهره...ايه ده بجد مفجأه ايه
تمارا...مرضيش يقولي
ميرنا...شكله هيخطبك يا جميل
تمارا...😳😳ايه ده بجد🙄
عشق...بجد ايه انتي كمان يا هبله انتي اهمدوا شويه الوقت تعرفوا
ليل...بتتوشوشو علي ايه🤨
عشق...بضحك احنا ابدا مفيش
ليل...لا والله بعد الضحكه دي اكيد فيه
تمارا...بص تقولنا انتوا بتتوشوشوا مع بعض في ايه هنقولك احنا كمان
ليل...امممم اعتبر دي مساومه
تمارا...يعني
ليل...بتساومي ليل السيوفي🤨🤨 مبروك عليكي الرفد😒
تمارا...يخربيت اللي يهزر معاك انت صدقت 😁😁
ليل...ايوه كده اظبطي
جه ادم وجاسر ونوح اعدوا
جاسر...سحب منديل مسح وشه. ايه الاخبار بتتكلموا في ايه
تمارا..ولا حاجه انتوا بتروحوا فين
جاسر...ولا حاجه كنا بنحاول نظبط اعده تانيه بس خلاص هنا كويس ولا ايه
تمارا...ماحنا اعدين كويس اه
نوح...ايه وقفتوا تصوير ليه😂
نور...عشان متنطش في صورنا بعد كده😂😂
ادم...لزهره بهدوء.المكان عجبك
زهره...جميل اوي ماشاء الله
ادم...طيب الحمد لله علي فكره انا نزلت الصبح انا وجاسر قبل مانروح البحر حجزناه مخصوص عشان نسهر فيه
زهره...وده ليه
ادم...يغني عادي تغيير المهم انه عجبك
زهره...عجبني اوي
فضلوا يتكلموا ويهزروا مع بعض
وفجأه. فضل جاسر وادم يتكلموا مع بعض ويدخل معاهم فالحوار ليل ونوح والبنات بيحاولوا يعرفوا حاجه مش عارفين
وفجأه الانوار اتقفلت مكانش منور غير شاشات موبيلات بسيطه والسجاره اللي في ايد ليل ونوح وجاسر وبعض الشباب الموجوده
تمارا...ايه ده النور قطع
جاسر...مش عارف
نور...في ايه
ليل...اكيد في حاجه عطلت وهيظبطوها
وفجأه
ظهر نورمن بعيد وفضل يقرب وأشتغل موسيقي العيد ميلاد وابتدت انوار بسيطه تتفتح والشموع تظهر في قلب الكيك وصواريخ تضرب في السما بانوار تجنن البنات كانوا باصين بزهول مش فاهمين اي حاجه ابتدا كل اللي فالمكان يعملوا صياح بصوت عالي ويصفروا ويصقفوا
لحد ما قرب الويترات بالتورته عند التربيزه كانت تورته كبيره مكتوب عليها اسم زهره وتمارا قام الشباب وقفوا والبنات وكل ده تمارا وزهره مش فاهمين حاجه
جاسر...كل سنه وانتي طيبه يا احلي حاجه في حياتي
تمارا....بدموع ايه ده عيد ميلادي انت ازاي عملت كل ده
جاسر...انا عشانك اعمل اي حاجه
تمارا...كل ده عشاني 🥺
جاسر...لو كان في حاجه اقدر اعملها اكتر من كده كنت عملت
تمارا...انا بحبك اوي يا جاسر ده احلي عيد ميلاد في حياتي
جاسر...وانا بعشقك يا قلب جاسر
.....
ادم...كل سنه وانتي طيبه يا زهره
زهره...بفرحه..وانت طيب يا ادم
ادم...ايه مالك
زهره...مش عارفه متلغبطه ومحروجه جدا بجد انتوا عملتوا كل ده ازاي واصلا ازاي عرفتوا عيد ميلادنا
ادم...لا ده سر😉😉
زهره...بجد شكرا يا ادم
ادم...شكرا ايه بس يا عبيطه انتي دي حاجه بسيطه
زهره...كل ده وبسيطه بجد انا فرحانه اوي🥺🥺
ادم...طب ايه الدموع دي بزمتك ده وقتها
فضلت تنزل دموع زهره ورا بعض
ادم...في ايه يا عبيطه انتي
عشق...كل سنه وانتي طيبه يا زهورتي بلاش نكد بقي
زهره...وانتي طيبه يا عشق
عشق...هي كده يا لدم تفرح او تزعل دموعها سبقاها
ادم...طب خلاص هرجع التورته يا ستي
زهره..بضحك لا خلاص مش هعيط
نور...كل سنه وانتوا طيبين يا بنات حضنتهم نور
ميرنا...مش قولتلكم في حاجه مش مظبوطه طلع عيد ميلادكم كل سنه وانتوا طيبين يا بنات
نوح...كل سنه وانتوا طيبي بزمتكم في حد ينسي عيد ميلاده
تمارا...وانتوا طيبين والله بجد انا حقيقي نسيته خالص
زهره...انا كمان والله ما افتكرته اصلا
ليل...بصوا بقي من الاول كده جاسر كان متفق معايا هو وادم نعملكم مفجأه من قبل ما نسافر واتفقنا نظبط السفر علي عيد ميلادكم وامبارح غشق طلبت مني اننا نعملكم مفجأه وعرفتها اننا اصلا محضرينهاومن الاول
ميرنا...ياسوسه يعني انتي كنتي عارفه
نور...كده يا عشق مقولتليش ينفع كده انا مش جبتلهم هديه
عشق...لو كنت قولتلك كان هيبان عليكي انتي مبيتبلش في بوئك فوله اصلل وكنتي هتبوظي المفجأه
تمارا...هديه ايه يا عبيطه كفايه انكم معانا
زهره...فعلا يا نور وجودكم ده احلي هديه احنا اصلا اول مره يتعملنا عيد ميلاد اصلا
عشق...طيب بالمناسبه دي بقي لنا جبتلكم هديه بس من قبل ما نسافر طلعت عشق علبتين من شنطتها كان فيهم سلالسل متعلق فيهم دلايه شبه المسله مكتوبه عليها عباره بالخط العربي؛؛
؛؛تحقق
؛؛حلمي
؛؛الجميل
؛؛بكم
تمارا وزهره في نفس واحد ايه ده الله تجنن
ليل...ايه حكايتك مع الاحلام
عشق...بضحك مش عارفه🙈
طلع ادم من جيبه هديه زهره كانت عباره عن سلسله في دلايه علي شكل قلب وفالوسط مكتوب i love you
زهره...اول ما شافتها قلبها دق🥺
جميله اوي
ادم...بابتسامه كل سنه وانتي طيبه يا زهره
زهره...وانت طيب يا ادم بجد شكرا اوي
ادم...طلع لتمارا علبه فيها احدث ساعه تاتش من ماركه عالميه
كل سنه وانتي طيبه يا تمارا ويارب السنه الجايه لسانك يقصر شويه
تمارا...بضحك وانت طيب يا ادم بجد ميرسي والله انا هعيط
جاسر...انا بقي ادوني فرصتي
ادم...ادخل يا عم
طلع جاسر علبه لزهره فيها نفس الساعه اللي جت لتمارا مل سنه وانتي طيبه يا زهره
زهره...الله هنبقي توأم في دي كمان ميرسي يا جاسر بجد
جاسر..علي ايه يا زهره بس .ودي بقي هديتي لشبح الحته😉😉
تمارا...باحراج ووش احمر🙈🙈🙈
طلع جاسر علبه قطيفه شيك جدا فيها خاتم يجنن مصنوع من الدهب الابيض
فضلت تمارا متنحه لشكل الخاتم
جاسر...كل سنه وانتي طيبه يا اطول لسان شوفته في حياتي
تمارا...وانت طيب يا جاسر بجد ميرسي
نوح...علي فكره مش نافع معاكي ميرسي انتي تغزيه علي طول
تما ا...بضحك علي فكره هزعلك😂🙈🙈🙈
نوح....ودي بقي هديتي ليكي انتي وتمارا انا معرفتش اجبلكم ايه فا جبتلكم احدث ايفون نزل السوق اي خدمه😉😉😉
زهره.. ايه ده الله 😍😍
تمارا...لا كده كتير والله😍😍🙈🙈🙈
ليل....انا بقي معرفتش اجيب ايه خالص فا قررت الهديه تكون مختلفه وتبقي كاش واجيب من الاخر وتجيبوا انتوا اللي تحبوه بنفسكم كل سنه وانتوا طيبين...اداهم كل واحده فيهم ظرف في مبلغ محترم
تمارا...لا بجد والله كده كتير انا حاسه اني بحلم
عشق...ماقولنا بلاش احلام بقي😂😂
زهره...شكرا بجد ياليل وشكرا ليكم كلكم علي المفجأه الحلوه دي وعلي الهدايا وكفايه بجد انكم افتكرتونا وفرحتونا اوي كده
ليل...انتوا تستاهلوا كل خير يازهره
ميرنا ..انا بقي هجبلكم حتت هديه تضرب كل هدياهم دي اتقلوا عليا😍😍
تمارا...حبيبتي يا ميرنا والله كفايه انك موجوده معانا
نور...وانا كمان هجباكم هديه احلي من بتاعت البت عشق الرخمه دي 😔😔
عشق...خلاص بقي يا بومه مانتي لو لسانك في بوئك كنت اتفقت معاكي بس انتي فتانه😂😂
نور....ده انا سر😒😒
عشق...اوييي😂😂😂
نوح...بضحك فضحانا كده علي طول
نور...والله بتكدب وبتتل عليا😒😒وبعدين انت تسكت خالص ومتكلمنيش مانت كمان عارف ومش قولتلي
نوح...مانا خفت من لسانك بردو😂😂😂😂😂
نور...كلكم رخمين اصلا😔😔
ليل...طب ايه مش هتقطعوا التورته اللي هتبوظ جمبنا دي
تمارا ...يلا
قطعوا التورته مع بعض بمساعده الويترات وكلوا منها مع بعض الفرحه كانت باينه عليهم كلهم
ادم....يا جماعه معلش انا عايز اقول حاجه ياريت تسمعوني
تمارا...ايه مفجأه تاني
ادم...يعني بس محدش يعرفها ولا متفق عليها مع حد والله بس حبيت اقولها الوقت
جاسر...ايه عيد ميلادك بكره
ادم...بضحك كمان نسيت عيد ميلادي انت ليلتك سوده
جاسر...مش لما افتكر عيد ميلادي انا الاول😂
نوح...طب ايه قول
ادم...بصوا انا اللي هقوله ممكن كلكم تستغربوه بس انا قررت اني اقول اللي الجوايا والوقت بالذات
ادم....زهره تقبلي تتجوزيني
صدمه نزلت علي البنات وخصوصا زهره😳😳😳😳اللي اتلغبطت وفضلت بصاله من غير ولا كلمه
جاسر....ايوه بقييي
نوح ..طب وربنا كنت حاسس
ليل...ايه يازهره سكتي ليه
فضلت زهره ساكته ومش عارفه تقول اي حاجه وكأن لسانها اتلجم
بصت للبنات اللي فضلوا يهزوا راسهم بالموافقه وابتسامتهم ماليه وشوشوهم بفرحه
ادم....قولتي ايه يازهره
هزت زهره كتفها بعدم معرفه وابتسامه بسيطه ماليها الاحراج والتوتر
عشق...قولي يازهره مالك ساكته ليه
بصت زهره لادم وابتسمت وهزت راسها بالموافقه وهي حاسه ان خلاص هيغم عليها
صفر الشباب وفضلت ميرنا وتمارا ونور يصيحوا من الفرحه
عشق...مبروك يازهره
الشاب مبرووووك
ادم....ابتسم لزهره بفرحه...
اتنهد براحه...بصوا انا يمكن عايز اعمل كده من فتره بس قررت اني اتاكد من مشاعري اكتر والحقيقه كل يوم كنت بحس ان زهره هي اللي ينفع تكمل معايا حياتي كنت حاسس انها هتوافق بس بردو كنت قلقان ترفض وقررت اني اقول وانا وحظي بدل ما انا اعد اسال نفسي ياتري هتوافق ولا هترفض...بس طبعا بما انها وافقت فا كل حاجه هنتكلم فيها بعد ما نرجع وهتقدم لزهره رسمي
ليل...رغم اني كنت حاسس انك هتقول كده بس متوقعتش انك تعملها بسرعه كده
ادم...يعني استغليت الموقف تقريبا😉
ليل....مبروك يا صاحبي مبروك يازهره وبص لادم اظن انت لو لفيت علي بنات مصر مش هتلاقي زي زهره
زهره...باحراج شكرا ياليل
جاسر...بقول ايه الواد ده مش اجدع مني وبصراحه بقي يمكن يكون شجعني
جاسر....وهو بيشاور علي تمارا من الاخر كده انا بحب البت دي وهي كمان بتحبني😉😉😉 واللي معطلني علي الخطوه دي هو ليل بس بصراحه انا مش قادر اصبر بقي واول ما نرجع القاهره لازم اخلص حوار هايدي وزي ما تيجي تيجي وهتقدم لتمارا رسمي موافقه ولا لا🤨🤨
ضحكوا ملهم علي جاسر وفضلوا يباركلهم هما كمان بفرحه
ليل...معندكش تفاهم انت ها
جاسر...بقولك ايه انا خلاص جبت اخري وصابر عشانك
نوح...جاسر قطع عرف وسيح دم😂😂😂
جاسر....كفايه بقي استنيت كتير
تمارا...بصوت واطي انت مجنون صح
جاسر...بصوت عالي مجنون عشان بحبك🤨
تمارا...بس اسكت🙈🙈🙈
اشتغلت موسيقي هاديه
نوح...بقول ايه بالمناسبه الحلوه دي نقوم نرقص بقي
جاسر...يلا بينا
نوح...لميرنا وانتي اعدي هنا لوحدك او اقولك صورينا😂😂😂
ميرنا...بس كده ده انا ههريكم تصوير
نوح...يلا يانور
نور...هزت راسها بفرحه يلا
مد جاسر ايده لتمارا يلا
تمارا...مسكت ايده وقامت
وقام ادم مع زهره
اما ليل مداش فرصه لعشق مسك كف أيدها وقام وخدها وراه علي مكان الرقص
واول ما وقف شدها ليه وحط ايده علي وسطها وسط زهولها
ليل...حطي ايدك علي كتفي
عشق...باحراج وابتسامه ايه ده لا
ليل...حطي ايدك علي كتفي بدل ما احضنك واشيلك والف بيكي😉
عشق...بضحك ليل بطل جنان وسيبني والنبي
ليل...والله العظيم هنفذ وحالا
حطت عشق ايدها بسرعه علي كتفه
ليل...بأبتسامه ايوه كده 🤨
عشق....بحب مجنون
ليل...وانا بحب واحده علمتني ازاي اكون مجنون معاها هي وبس😉
عشق...بحبك❣️
ليل...وانا بحبك اوي❣️
فضلوا يرقصوا وميرنا تصورهم وهي مبسوطه عشانهم من قلبها الكل كان مبسوط وفرحان خصوصا زهره اللي حاسه انها مش واقفه عالارض
ولكن مش ديما الفرحه بتدوم اوقات بتحصل حجات تعكر صفو فرحتنا
وفي عز ما هما مبسوطين اتفاجئوا باللي حصل🙄🙄🙄🙄
