 |
رواية جحيم ابن عمى الفصل السادس والعشرون بقلم ماهي عاطف
يبدأ يوم جديد على ابطالنا استيقظ زياد وجد ندى تخرج من الحمام ظل ينظر اليها بحب شديد تمنى ان تصبح زوجته شرعاً وقانوناً ولكن تذكر انه تزوجها بدون إرادتها زفر بضيق لحظت ذلك ندى وهى تمشط شعرها تطلعت عليه من المرأة
ثم قالت له......: صباح الخير يازياد مالك
زياد....:صباح النور مفيش حاجه
ندى.....:لا فى احكيلى مالك مش انا مراتك
زياد بسخرية.....:والله مراتى بأمارة ايه
تجاهلت ندى حديثه ثم قالت.....:ايوة مراتك والا انت شايف ايه
زياد.....:طب كويس انك عارفة انى جوزك وليا حقوق عندك وانتى منعانى
علمت ندى ماذا يقصد ثم قالت بعصبيه....:حقوق ايه انت هتستعبط كسر حُقك قال حقوقك قال انت ناسى احنا اتجوزنا ازاى وناسي كمان ان انت اتجوزتنى غصب عنى بقولك ايه انت كل مرة بتفتح معايا نفس الموضوع وتقول نفس الكلام انا بصراحه اتخنقت كل يوم زعيق وخناق وبعدين تعالى هنا نسيت اتكلم معاك امبارح انت زعقت لأخويا لية انت .....
قاطعها زياد بعصبيه......:نعععععععم عايزانى اشوفه وهو بيحضنك واقف اتفرج عليكى لييييه يا روح امك متجوزة قفص جوافة
ندى....:اووووووف انا اتخنقت والكلام مبقاش ينفع معاك بعد اذنك
لم تنتظر إجابته بل غادرت الى اسفل....بينما قال زياد......:ياربي هو ايه اللي بيحصل دا دايما كل حاجه بتيجى عكس مااكون عايز
ثم زفر بضيق ودلف الى الحمام
♕♕♕♕♕♕♕♕♕♕
هبطت ندى الى اسفل وجدت الجميع جالس يتناول الإفطار ثم قالت....:صباح الخير
الجميع.....:صباح النور
ثم جلست تتناول طعامها فى صمت قطع هذا الصمت
سهام......:اُمال فين جوزك يا ندى
جاءت ندى لتتحدث قاطعها صوت من خلفها
زياد....:انا اهو يا ماما صباح الخير
الجميع.....:صباح النور
وجدوا مى وحمزة يركضوا نحو زياد احتضنهم ثم ذهبوا الى ندى واحتضنُها
زياد.....:بعد اذنكم انا رايح الشركة
احمد.....:مش هتفطر
نظر زياد الى ندى ثم قال.....:مليش نفس نفسي مسدودة
ثم غادر الى الشركة... بينما ندى لم تتناول شئ ثم قالت.....: بعد اذنكم هطلع البس علشان اروح الشركة
نورا....: مش هتأكلى انتى مكلتيش حاجه
ندى....: مليش نفس
ثم صعدت الى غرفتها لترتدى ملابسها المكونة من بنطلون اسود وبلوزة سوداء وحقيبة بيچ وتركت العنان لشعرها وارتديت نظارتها 👇
وغادرت الى اسفل ركبت سيارتها وغادرت الى الشركة
فى الداخل
نورا.....:هو فى ايه
سهام.....:مش عارفه شكلهم متخانقين
محمد....:ربنا يهديهم
الجميع.....:يارب
نغم.....:انا رايحة الجامعة مراد اتصل بيا
محمد.....:ماشي ياحببتي ولما تيجى عدى عليا فى الشركة علشان هايز اتكلم معاكي انتى ومراد فى موضوع
نغم بإستغراب....:ليه يا بابا فى حاجه
محمد.....:لا مفيش بس عايز اقولكم حاجه
نغم....:اوك بعد اذنكم
غادرت نغم القصر وجدت مراد ينتظرها بالخارج
مراد.....:صباح الخير يا حببتى
نغم....:صباح النور يا روحى
مراد.....:يلابينا
نغم....:يلا،، بقولك ايه يا متجيش تاخدنى انا هروح لوحدي
مراد بإستغراب....:لية
نغم....:اصل بابا قالى انه عايزنى اعدى عليه فى الشركه علشان عايزنى انا وانت
مراد.....:خلاص مفيش مشكله هاجى اخدك
نغم....:لا متتعبش نفسك
مراد.....:لا مفيش تعب متمشيش غير لما اجيلك
نغم بقلة حيلة....:اوك
ثم ركبوا وغادروا الى الجامعه
♕♕♕♕♕♕♕♕♕
دلف زياد الى الشركة كان عصبي بشدة جميعهم خائفون منه فلون عينه اصبح اكثر حمراء دلف الى مكتبه قام بالإتصال على تالين لكى تأتى له ركضت مسرعة اليه فوجهه لا يبشر بالخير أبداً طرقت الباب بيد مرتجفة ثم قال بصوت عالي.....:ادخل
دلفت تالين ثم قالت....:نعم يا فندم
زياد....:عايزك تجمعيلى كل الملفات اللى معاكى واللى مع مدام ندى
تالين.....:ح حاضر يا فندم بس مينفعش ادخل مكتب مدام ندى وهى مش موجوده
زياد....:تالين روحى انتى
تالين....:حاضر بعد اذنك
ثم غادرت الى مكتبها وتنفست بعمق....بينما فى الداخل قال زياد بعدما هدى قليلاً...:فى ايه مالك خليك قوى فين زياد بتاع زمان اللى البنات كلها بتترمى تحت رجله ماشي يا ندى
ثم التقط هاتفه وقام بالإتصال على شخص
♕♕♕♕♕♕♕♕
دلفت ندى الى الشركة وجدت الجميع منشغلاً فهذه المرة الاولى التى تراهم يعملوا فيها بِجد لم تعاير الأمر اي إهتمام ودلفت الى مكتبها وجدت زياد يتصل بها زفرت بضيق ثم قالت....:نعم
زياد....:تعالى حالاً عايزك
ندى ببرود....:عندى شغل مش فاضيه
زياد....:خمس دقايق لو ملقتكيش قدامى هجيلك انا
ندى.....:تعالى انت اصل رجلى وجعانى
ثم اغلقت الهاتف وجلست تتابع عملها وهى تضحك بشدة....بينما زياد حاول تماسك اعصابه كى لا يذهب ليقتلها ثم قال.....:حلو اوى لعب القط والفأر دا ماشي انتى اللى بدأتى يا ندى استحملى بقا
ثم ذهب الى مكتبها ولم يطرق الباب فهو يريد ان يتسبب فى إنزعجها
ندى بحدة.....:هو مش فى زفت مبتخبطش لية
زياد ببرود....:سورى بس انا مش محتاج انى استأذن
ندى....:دا ليه انشاالله
زياد.....:انتى ناسية انى جوزك وكل حاجه تخصك تخصنى ومن حقى ادخل واخرج من غير ما استأذن
ندى....:عايز ايه
زياد.....:عايز كل الملفات اللى عندك علشان اشتغل عليهم
ندى بسخريه....:وانشالله انا اشتغل فى اي لما انت تاخدهم كلهم
زياد......:مش مشكلتى هبعت تالين علشان تاخدهم ومش عايز رغى كتير
ندى بإستفزاز.....: مش عارفه اشكرك ازاى بجد اصلى خارجة كمان شويه والشغل كتير اوى
زياد.....: رايحة فين
ندى....: والله شيء ميخصكش اروح واجى زى مانا عايزة
زياد بإستفزاز.....: والله انا اعرف ان الوحدة المحترمه لما بتروح مكان بتقول لجوزها اما....
قاطعته ندى بعصبيه.....: قصدك ايه قصدك انى مش محترمه
زياد.....: انا مقولتش كدة الا اذا قولتيلى انتى رايحه فين
ندى.....: ومش هقولك يا زياد هسيبك تعرف لوحدك بعد اذنك
ثم غادرت راكضة من مكتبها بينما كور زياد يده وقال.....: عنيدة طول عمرك صبرنى يارب انا بجد اتخنقت من تصرفتها دى بس بردو هعرف بطرقتى انتى رايحة فين
ثم غادر الى مكتبه عازماً على فعل شئ
♕♕♕♕♕♕♕♕♕
عند نغم انهت محاضراتها وجاء مراد ليصطحبها الى الشركة دلفت الى الشركة وهى ممسكة بيده الى مكتب والدها طرقت الباب واذن لها بالدخول
محمد.....:ازيكم يا حبايبي
مراد ونغم.....:الحمدلله
محمد.....:اقوا عايز اتكلم معاكم
جلسوا ثم قال محمد وهو ينظر الى مراد....:يلا احكولى كدة عايزين تخلوا الفرح الاسبوع الجاي ليه ومش عايز حد يكذب
مراد....:مفيش سبب والله احنا اتفقنا والقرار قرر حضرتك فى النهاية
محمد.....:امممم خلاص ادام اتفقتوا الفرح هيكون الاسبوع الجاي الف مبروك يا ولاد
نغم ومراد....:الله يبارك فيك
نغم....:انا همشي انا بقا سلام يا بابا
محمد....:سلام يا حببتى
مراد.....:استنى هوصلك
نغم.....:اوك
ثم غادروا الى قصر العراقى بينما ابتسم محمد لحبهم لبعضهم ثم جلس يتابع عمله
