رواية بنات نعمة الجزء الثاني (الدرويش) الفصل السابع والعشرون والثامن والعشرون
نعمة .. خلاص خلصتي كلامك يابنتي ؟
سمية .. ايوة ياست نعمة
نعمة .. طيب ممكن تسمعوني من غير ما حد يقاطعني ؟
الشيخ مسعد .. اتفضلي ياست نعمة ،ال هتحكمي بيه هو ال
هيتنفذ
نعمة .. كتر خيرك ياسمية يابنتي جيتي حطيتي النقط على
الحروف حتى ولو كانت ريهام مش هترجع لناصر يبقا على
الأقل منعتي عداوة كانت هتفضل العمر كله ما بين ريهام
وابن عمها
بس من ناحية رجوع ريهام لناصر فالموضوع ده منتهي
يابنتي ، انتي زي بنت من بناتي وانا عمري ما أرضي إنك
تتعذبي كل ليلة وانت عارفة إن جوزك نايم في فرشة واحدة
تاني وخصوصا لو كان بيحبها
سمية .. يعني إيه ياست نعمة !!؟
نعمة .. يعني أرجعي يابنتي ربي إبنك في وسطيكم انتي
وناصر ومتقلقيش يابنتي ناصر مع الوقت والعشرة هيحبك
وهينسا ريهام
الشيخ مسعد .. طب وريهام بنتك !!؟
نعمة .. انا عمري ما ابني سعادة بنتي على حساب حد تاني
ياشيخ مسعد
الشيخ مسعد .. ممكن ريهام ترجع وسمية برضو تكمل معاه
واظن الدين بيقول مثني وثلاث ورباع
نعمة .. وإن خفتم الا تعدلو فواحدة او ما ملكت ايمانكم ،
أضمن لي العدل ياشيخ مسعد !؟؟
الشيخ مسعد .. بصراحة مقدرش اضمنلك العدل ياست نعمة!
نعمة .. يبقا خلاص خلينا نعمل المضمون ونبعد عن ال مش
مضمون ، وأفتكر كلام سيدنا عمر رضي الله عنه لما قالك ،
( إعتزل ما يؤذيك )
الشيخ مسعد .. استحالة تكوني متعلمتيش كلامك بيقول
إنك خريجت حاجة جامدة
نعمة .. هههه خريجة عليف البهايم وفرشة خضار في السوق😄
سمية .. طب ممكن كلمتين على إنفراد ياريهام ؟
ريهام .. انا!!
الشيخ مسعد .. طب لحد ماتخلصو هروح انا أصلي في
الجامع عشان نتوكل على الله بدري
نعمة .. والله مايحصل أبدا تيجو وتسافرو بنفس اليوم
كيف !! طب على الأقل خافو على الواد الصغير عليكم خير
بعد 3 ايام يكون جسمكم ارتاح من المشوار
الشيخ مسعد .. بس..
نعمة .. بدون قطع حديتك ياعم الشيخ الكلام خلصان
الشيخ مسعد .. خلاص ال تشوفيه ياست نعمة الحق انا الصلاة
سمية .. كويس إن ابوي مشي وكده هقدر أتكلم قدامك ياست نعمة
نعمة .. كلمتين ايه ال مش عايزة ابوكي يعرفهم يابنتي !!؟
سمية .. كلامك ياست نعمة خلاني اشوف إني لازم أقول
السر ال خبيته عن أبويا وناصر
نعمة .. سر !!؟ سر ايه ؟!!
سمية .. انا أيامي في الدنيا قليلة ومعدودة الدكتور قالي إني
مش هعيش أكتر من 6 شهور مر منهم لحد دلوقتي شهرين
وبصراحة مفيش حد أتطمن على إبني معاه غير ريهام 😰
نعمة .. ياساتر يارب لاحول ولاقوة الا بالله😥
ريهام .. ايه 😥!!
سمية .. الحمد لله ال عيشته مش قليل وراضية بقسمتي
ونصيبي بس كل ال بطلبه منكم إن أبني بعد ما أموت ترعاه
ست بنت أصول واظن اني لو لفيت الدنيا دي كلها مش
هلاقي في حنيتكم وطيبتكم
نعمة .. قلبي معاكي يابنتي 😥
سمية .. ربنا يحفظك ياست نعمة ،ها قولتي ايه ياست نعمة ؟!
نعمة .. والله يابنتي العقل طار والقلب احتار ولأول مرة مش
عارفة اخد قرار ، عالعموم ريهام معاكي يابنتي اتكلمو مع
بعض والقرار دلوقتي بقا في إيديها
_______________
في بيت المغازي
عثمان .. اهو ابراهيم جه قول لأمك متقفلش دماغها ياابراهيم
كوثر .. قلتلك هنسافر يعني هنسافر احنا خلاص مبقاش لينا عيشة هنا
عثمان .. طب والورث ؟!
كوثر .. حقنا في الورث هناخده يعني هناخده
عثمان .. هناخده ازاي وانتي عايزانا نمشي ونسيب الجمل بما
حمل بعد كل ال وصلناله!!؟
كوثر .. أبوك مش هيهون عليه إنكم تبعدو ولما ييجي عشان
يرجعلنا هحطله شرط الورث مقابل الرجوع وأظن إنه عنده
أنتم بالدنيا وما فيها
ابراهيم .. يعني هتستغلينا عشان تجيبي الورث !؟
سلوي .. لا ياماما دا كده ممكن بابا يقتل حد عشان الورث !!
كوثر .. المفروض ان الورث من حقكم وإن المفروض هو
ابوكم ومكلف يجيبه بأي طريقة
ابراهيم .. انتي كده بتحكمي عليه بالموت !
كوثر .. ويعني احنا كده عايشين! ابوكم عمره ما فكر فيكم
كل همه اخواته وبناته لو راجل غيره كان حارب على الورث
بإيديه واسنانه بس ابوكم راجل على الورق وبس
صابر .. ههههههه
كوثر .. صابر 😳
صابر .. شوفتي بقا ، سبحان الله ربنا ساقني لحد هنا في
اللحظة دي لأجل ما أسمع كلامك الزفر ده
ابراهيم .. إهدا ياأبوي وخلينا نتفاهم ونحاول نوصل لحل
صابر .. متقلقش ياأبني الحل موجود
عثمان .. ايه الحل يابابا ؟!
صابر .. الحل إن أمكم طالق
ابراهيم ..😳 ليه كده يابابا !؟
كوثر .. طلقتني ياصابر !!
صابر .. لحظة واحدة انتي طالق طالق طالق ، كده يبقا
بالتلاتة روحي بقا دوري على راجل يكون قتال قتلة وعنده
شخصية وبيعرف يحارب
كوثر .. 😳
صابر .. ال عايز منكم يسافر معاها يتفضل وال عايز يفضل
معايا يامرحبا ، ها ياعثمان ؟
عثمان .. انا لا يمكن اسيب امي كفاية إن ابويا مات انا هسافر
صابر .. ههه كمان اعتبرتني مت مش غريبة عليك ياابن
كوثر ، وانتي ياإبراهيم ؟!
ابراهيم .. انا مكاني هنا يابابا وسط الست نعمة وبناتها ال
هما أخواتي
كوثر .. مبدهاش ، ومين قالك ياإبراهيم إن بنات نعمة يبقوا
إخواتك ، في سر لازم تعرفه
ابراهيم .. اني ابن طليقك وإنك غصبتي على ابويا عشان
يكتبني على أسمه ههههه
كوثر .. عرفت منين😳
ابراهيم .. مش مهم عرفت منين المهم إني عرفت إنك ... ولا
بلاش في النهاية انتي للأسف أمي
سلوي .. غريبة يابابا مسألتنيش
صابر .. معروفة يابنتي البنت ملهاش غير أمها
سلوى .. وأبوها كمان يابابا ، انا هقعد معاك
كوثر .. انت فاكر إنك كده هدمت حياتي لا متفرحش ياصابر
أنا هرجع تاني ويوم ما هرجع مش هتكون انت موجود
___________
نروح بقا عند هدى وفؤاد
تليفون هدي رن
هدى .. الو ؟
الدرويش .. ايه ياحلوة وصلتي لحد فين😄
هدى .. انت؟!
الدرويش .. ايوة انا هو مش من حقي اتطمن على بنت عمي
وبضاعتي في نفس الوقت ولا ايه
هدى .. بضاعتك ؟!!!
الدرويش .. أيوة ياحلوة بضاعتي ام مليون جنيه
هدى .. بضاعتك إزاي !؟ هي مش بضاعة المعلم عبدالقادر السوداني !!؟
الدرويش .. ههههه اه ما أنا نسيت أقولك إن المعلم عبدالقادر
ده كوبري عشان أجيب رقبتك تحت يدي عالهادي😂😂😂
هدى .. ها!!!؟ يعني ايه ؟!!!
الدرويش .. يعني وصل الأمانة ابو مليون في يدي دلوقيت
تسلميني البضاعة أسلمك وصل الأمانة ، تيجي بالسلامة ياااا
ياحلوة 😂😂😂
( خلصت المكالمة )
فؤاد .. في ايه ياهدى !!؟
هدى .. انا كده دلوقتي فهمت كل حاجة
فؤاد .. فهمتي ايه !!
هدي .. الدرويش هو ال ورا كل حاجة الصفقة ام مليون
وحرق البضاعة ااااااه أنا انتهيت 😥
فؤاد .. الدرويش 😡
هدى .. خلصت الحكاية خلاص يافؤاد ، الدرويش لعبها صح
وبكده هياخد المحلات والبيت اااااااه دي امي كانت تروح فيها😟
فؤاد .. اهدى ياهدي وخلينا نفكر بالراحة
هدى .. الدرويش كان غيته البيت والمحلات عشان يسيطر
على كل حاجة تخص نسل المغازي الله يحرق ابو اليوم ال
خلى جدي المغازي😰
فؤاد .. خلينا بس نوصل وهناك يحلها ربنا
______
في بيت المغازي
توحيد .. خربت بيتك ياصابر
صابر .. انا بحمي بيتي وولادي ياامي
نظيمة .. انا سمعت انك كنت عند نعمة
صابر .. وفيها ايه يانظيمة
نظيمة .. فيها كتير ياصابر لما تبقا عند نعمة وتيجي تطلق
مراتك وتمشيها من البيت يبقا الموضوع فيه إنة ياصابر
صابر .. بطلى ظنك الأسود في نعمة وبناتها
نظيمة .. انت ال بتتساق بكيف كيف ومزاج مزاج نعمة
صابر .. اخرسي ( وضربها بالقلم )
نظيمة .. انت بتضربني ياصابر😳 وعشان مين عشان نعمة!!
صابر .. نعمة انضف منك وعمرها ما حرضتني عليكم زي ما
بتعملى واعملي حسابك مش هقبل بأي كلمة تاني في حق
نعمة سمعتي ولا أسمعك تاني 😡 وكمان حطي في بالك
نعمة وبناتها هياخدو في الورث بعد ما أرجعه 😡
ومن غير سلام 😡
نظيمة .. طييب والله لأوريك ياصابر وهدفعك تمن القلم ده
غالي وغالي أوي
___________
في وكالة الدرويش
الدرويش قاعد والواد سالم دخل عليه وقاله الست نظيمة عايزاك
الدرويش .. نظيمة !!!!! قولها تدخل!
نظيمة .. ازيك يادرويش
الدرويش .. ياترى جاية في خير ولا في شر !؟
نظيمة .. خير كل خير
الدرويش .. عايزة ايه ؟!!
نظيمة .. هتنازلك على حقي في بيت المغازي وهدخل فيه رسمي
الدرويش .. ايه !!!!! وايه المقابل !!؟
نظيمة .. اسمعني مليح وطرطق ودانك ليا
الدرويش .. قولي ال عندك !
_______
في بيت نعمة
نعمة .. الو .. ايوة يارياض انا جاهزة
رياض .. طب هنتقابل ازاي !
نعمة .. انا هعدي عليك بره البلد
فعلا نعمة خدت السواق بالعربية وخرجت بالليل واتقابلت
على رياض وراحو مع بعض على المزرعة المهجورة
وهناك نعمة خلت السواق يستنى بره ورياض يزقها بالكرسي
بتاعها لداخل الڤيلا وبعد ما دخلوا نعمة برقت بعنيها من
المفاجئة الصادمة ال شافتها
رياض .. عايزك تشوفي وتملي عينك كويس ،
هو ده سر المزرعة المهجورة !
