رواية هدية الشيخ هشام الفصل السابع والعشرون 27 بقلم التميمية

(لا ويطالب بالعشرة شيخنه..هي ياعشرة غير بوست خد وليلة وحدة بس ههههههههههه)

صاح بصوته الرجولي...لحظة لحظة..انتي تزوجتي..لا ماصدك..هيج هانت عليج العشرة بسرعة وتزوجتي...

التفتت وبعيونها لمعة دموع..وياريت ماشايف هالعيون رجعت حركت روح جبل جان..جبل وهسة اجت الريح الوحيدة الي تهزه...

ابن عمها:منو حضرتك وشنو تحاجيها بصفتك منو

هشام رفع راسه بثقة:انه ابو الطفل الي بيدك

الشاب:اعتذر اخويه بس انه ابن عمها وزوج اختها

هشام تحم حم:شبيهم الجهال..ليش مانطيتيني خبر اخذهم انه للمستشفى

حوراء دارت وجهه عنه بدون رد وراحت..ولحكتها اية..وبالكوة حوراء حابسة الدموع بعيونها...

ابن عمها:انته الشيخ هشام..حياك الله شيخ انه اعتذر ماعرفك بس سامع عنك

هشام:اي يابه الشيخ هشام.. والله يحيك..انطيني عزام بويه...

نطاه ابنه وهشام بوسه ونطاه اله..والولد راح بعد ما كله عن اذنك ياشيخ...وراح اخذهم للبيت وحوراء طول الطريق لازمة عبراتها وتحس باي لحظة تتسرب النافورة من عيونها...

روحها اشتعلت نار شوفته مو وقتها ابد وهي جانت متماسكة ولازمة كلبها لا يحن ويسامحه...

هشام من شافها وهو كلبه احترك حرك..وحتى الطريق يريد يركز بي مو كادر ويكول..ليش هالصدفة تمنيتها وهسة ندمت..كلبي فحم لشوفتها...

كلبي يريدها ويصرخ يعشكها ومشتااااق..اوووف بويه لا انه الرضيت بالحال ولاكلبي متهني..ولا راضي ينسه الصار وبالخير الها متمني...

الحزن واكف وكفة مستقرة بصفي..ويكلي اكتفيت لو بعد تريد سطرات من جفي...

يابت الشيخ حركتي روحي وكلبي بشوفتج..اذا جنت صابر شوي هسة ذرت صبر ماظلت بعقلي...

راحت البيت ودخلت للغرفة بعد مانطت جهالها لأمها واختها..وقفلت الباب على نفسها وظلت تبجي بحركة...

زمزم:شبيها اختج ولج اية

اية:صادفنه الشيخ هشام هناك بالمستشفى وعباله حوراء متزوجة وعاتبها

اختها الي توه زوجها مودي حوراء:وخير ياطير شكو حتى لو متزوجة مو هو مارادها شعلي هو..بكيفها تزوج تطلك تريد تعيش حياتنا 

زمزم:اخخخخ والله الصوج من ابوج..جم مرة طلبوها وماقبل..اريده يحترك كلبه مثل ما حارك كلبها والله هل مرة يا انه ياسالفة زواج حويره..الا ازوجها لأبن اخوي وخلي يحجي الشيخ

اية:يمه شبيج بتج المخبلة مستحيل تقبل تحبه لزوجها

زمزم:اكلي تبن انتي من يحجون الكبار المزعطه تسكت..منين اجه زوجها مو طلكها بعد شيريد

اية:يمه انه شكو اكلتيني بكشوري..وترا الرجال عاتبها ماحط سيف على ركبتها..وهي خوش سفهته هههههه شميت العطاب من الشيخ يطلع بشكل نظرات ندم

اختها:وانتي شعرفج بكل هاي ولج انتي ام لسان..ام علوم لسانج يكنس ويرش وتحجين حجي اكبر منج

اية:ههههه غير اريد اصير دكتورة علم النفس..فوديتني وهيج اصير دكتورة نفسية مشهورة..اول ما اعالج حور المعقدة هههههههه واسويلها عملية قطع للغدد الدمعية ههههههه

زمزم:امشي ولي من خلقتي وروحي لغرفتج

اية:اهئ اهئ غير حورو المعقدة قفلت الباب على نفسها بيها بعد ماتفتحها لورى العشه

زمزم:والله بطرانة اختج..انه بيوم الي تزوج ابوج كعدت اتحنه وياهم واضحك واسولف

اية حركت حواجبها:ماما علينه انه ماذكر بس بيبي تكول امج كامت تريد تحرك روحها كبال ابوج..واخذتي كف حنين من بابا الحباب هههههههه

زمزم نزعت حذاء رزان وشمرته بوجهه اية:جلبه بت الجلاب انتي وبيبيتج الخبيثة..تضحكين عليه هو منو زوجه غيرها

اية:اهئ اهئ هسة اني وين اروح تشتت منا انكتلت وذيج قافلة الباب..اروح لغرفة الزعاطيط احسن الي..ودارت وجهها..الا اسوي بيكم مقلب معدل ياويلكم.....

وراحت اية دكت الباب ومافتحته حوراء...وهي باجية لمن غافية...وعلى العشه افتقدها ابوها ماشافها...

كال وين حوراء كلتله امها نايمة من المغرب حتى صلاة ماصلت...كال شبيها...اية رادت تجفص وتكول شفنه الشيخ هشام بس امها خزرتها وسكتت...

كلوله مابيها شي تعبانة من الجهال مرضه كلش...وبعد العشه دكت الباب عليها اية كلتلها شني ماتردين جهالج ذابتهم براسي..خلفتكم ونسيتكم...

حوراء فتحت الباب وعيونها مورمة من البجي:خير شتردين 

اية:سلامتج بس اخذ جهالي واروح ابات بالحوش الليلة

حوراء:عابت هالوجه جنت نايمة..ومايطيح نصج لو تحملتيهم شوي 

اية:عمي احبهم واتحمل ساعة ساعتين مو عشرين ساعة..اريد ادرس شوي

حوراء لزمت ايد رزان وليان وبيد اية عزام..ودخلت الغرفة....

اما شيخنه اويلي من مساع يسحن ويداوي بروحه..وخمسة الاف فكرة اجته..وكاعد بديوانه ولازم مبايله كل شوي يطلع الرقم يريد يتصل ويتراجع...

اخر شي ملت روحه وفاض بي الشوك كلش وهم صار باله ويه الجهال شافهم مرضه شكلهم...اتصل عليها وكلبه يدك حيل يريد يسمع صوتها صار سنة ونص ماسامعه..ومساع ماحجت وياه ولا شي...

حوراء سمعت تلفونها يدك وهي تبدل ليان..اما عزام ورزان نايمين..بس جابتهم اية نامو بعد مانطتهم ادويتهم وجانو طول اليوم يوكحون بس هاليومين مرضه...

راحت للتلفون وشافت اسمه منور بالشاشة كاتبة عليه شيخي..كلبها ظل يدك حييل..وماكدرت تفتحه وتسمع صوته ماتريد...

وضاجت تكول اكيد يريد يسأل عن الجهال بس كل مرة يراسل مو يتصل..ليش اليوم متصل..وطنشت ودك مرتين وتلاثة وماترد...

دزلها رسالة..سلام عليكم بويه ليش ماتردين..الجهال شلونهم وليش ماكتيلي مرضه واخذهم طبيب...

قرت وماردت وتحس كلبها يحترك شوك وماتريد تضعف وتدري بنفسها ضعيفة وبسرعة تستسلم من يوصل الموضوع يم هشام..تعشكه مو بيدها...

دزلها رسالة ثانية..شني بويه ليش ماتردين..الجهال اريد اشوفهم...

ماكدرت اطنش وكلمة بويه توتر اعصابها..دزتله رسالة..الجهال مابيهم شي زينين شوية صخونه...

هشام:اهااا..فتحي كامرة اشوفهم ظلي بالي يمهم 

حوراء:نايمين هسة

هشام:ميخالف اشوفهم وهمه نايمين

حوراء:مطفية الضوى

هشام:اي كومي شعلي بس اشوفهم

حوراء:مابيه حيل اكوم وهسة يفزون

هشام:اي يكون احسن خلي يكعدون حتى املي عيوني بيهم

حوراء:شسالفة ياشيخ اخذهم من يصيرون زينين وهذا هو

ليان تعارك امها عالتلفون وتريد تاخذه..وسجلت بصمة قصيرة بدون قصد وهي تكول ماما ماما....

وبسرعة وصلتله وسمعها...وهي مسحتها بس عكبيش سمعها..😂😂

هشام:ترا الجذب حرام وعيب يابه..هاي كاعدين الجهال

حوراء انحرجت:ما مجذبه وهاي ليان بس توها كعدت

هشام:اهااا..زين ليش مساع ماكتيلي مرضه..وموديهم رجال مايحل عليج ورايحة وياه

حوراء:زوج اختي ترا وابن عمي ومو بحدي وياي اختي

هشام:ولو المفروض امج وياكم وانتم بنات بحدكم حتى لو نسيبج وابن عمج زحمة من العالم

حوراء اول مرة تصير شجاعة:شهل الحجي ياشيخ..ترا مايحقلك اتحاسبني بصفتك منو يعني

هشام:ابو جهالج انه لا تنسين

حوراء:اي الجهال الي تشوفهم مرة بالأسبوع وخليتهم براسي ومسؤليتهم تحملتها بحدي..ولااا الحلوة جاي تحاسبني اليوم واطالب بالعشرة..ترا مابينه غير الجهال وانته الكلت هل الحجي نسيت

هشام كتب هالكلام وطالع من كلبه:لج بويه وحق سابع سمه لربي مشتاقلج ولصوتج وطولج..اليوم حركتيها لروحي بتسفيهج الي..وظنيت مزوجة عقل راح من راسي حتى جهالي ماسألت عنهم....

من قرت هالكلام وظلت تنزل ودموعها وتردد انه هم شيخي..مشتاقتلك وعقلي طار من شفتك واحتركت روحي مليون مرة....

آية طبعا كاعدة ومو منتبه الها حوراء تقرا الدردشة وياها....

اية:قهري ولج حركي كلبه

حوراء بدموعها:بسم الله الرحمن الرحيم..شجابج يمي

اية:تهي بهي صارلي ساعة وراج واقرا الي تحجونه هههههه..ولج حور اذا انتي بيج خير صدك حركي كلبه للشيخ..متشوفينه هايم بحبج..والدليل من شاف وليد ويانه عباله مزوجة والله حسيته احترك...خلي يحترك.. اشوي شوي على نار عالية وشعوطي..خلي يعرف شسوة بيج وياكل من نارج شوي

حوراء مسحت دموعها:سشالفة مجرمة شوي وكلي ولج مايهون عليه والله اقهره

اية:امداج طبج مرض لعد توسلي بي خل يرجعج وبراس بصل مايقدرج

حوراء:ساعات اشك انتي بال 16 سنة 

اية بثقة:حبي عقلي اكبر من عمرج..وتحرك حواجبها..

حوراء تشجعت: اي اريد احرك اعصابه شوي واضوكه من نفس الكاس الي ضوكني اياها

اية صفكت:عفية اختي عفية..كتبيله شي يبدي طبختنه على نار هادية..بعد يمج سطري شوي حجي حتى لو جذب..المهم شي يقهره..خوب ماعلمج بعد

حوراء:يالله بكل الأحوال مليوصة وطاح حظي بحياتي كلها خل امشي وراج..وان شاء الله ما انضرب بوري من كرامته 

اية:ولج ياكرامة مساع سحل كلبه سحل يمج..كتبيله يالله هسة راح نام هههههه

حورا تشجعت ولاول مرة تصير قوية وكتبت:مو انته كلت تزوجي وعيشي حياتج وانسيني وهاي انه نسيتك وزواج مايحقلك تمنعني اتزوج ماتزوج شي ييخصني وانته طلعت من حياتي ومن كلبي نهائياً

هشام قرا هالرسالة واشتعل نار بوده يطلع لحور من الرسالة ويربطها بحبل لو سلاسل حديد ويمه ماتروح لا منا ولا منا...

هشام كتبلها:اي الله يهنيج..زين ماسويتي هو هذا المطلوب تنسيني وتعيشين حياتج..ومبروك مقدما للزواج..بس لو ازوجتي الجهال يرجعون يمي ماريد جهالي يربون عد رجال غريب

حوراء بجت من رده وزادت الجرعة:اي ليش لا بعدني بشبابي اتزوج..وجهالي ماتخلى عنهم خاف عبالك مثلك وابيعهم برخيص..تعبت بيهم لا انته الجنت موجود وربيتهم وياي حتى هسة تجي اطالب بيهم

هشام انقهر كلش من حجيها:هسة ماناقشج بهالموضوع عود لو ازوجتي النه حجي ثاني...

وهشام سد مبايله:وحق الله مايرهملج احد بعدي..حور هسة انتي الي شعلتي هالنار بداخلي..محد ياخذج ويطخج فرد مخلوق غيري....

حوراء ببجي:مو كتلج ماراح يهمه هو مايحبني..هشام اعرفه شخصيته قوية وميتنازل بسهولة عن موقفه..ولو يحبني ماتخلى عني بسهولة وجهاله الي سنين محروم من جاهل

اية:ولج والكعبة تلكي مشتعل شعل ويطفي بروحه كوة هسة..والله ماجنت اشوف هشام عدل من جنتي ماخذته..بس اليوم شفت نظراته الج وصفنته بوجهج..وعيونه تصرخ يحبج يحبج

حوراء:وانتي شعرفج ولج بهالسوالف يمته كبرتي اشو انه كلشي ماكو حتى بوقت الدوره ماجنت اعرف شلون حرام الرجال يجي للمره

اية:انتي مطفية من الرئيسي حبيبتي انه مو فاهية..بيبي علمتني سوالف ههههههه اكبر من عمري

حوراء:والكعبة بيبي مخربتج كلش كلش..يالله كومي خمدي عوفيني..وخل انوم ليان احسن الي وانخمد..راح اظل طول حياتي اتمنه حبه

اية:ههههاي نامي لعد وحلمي بشيخج شوشو..ان ما اجه باجر ياخذ الجهال..بعد كلشي ماحجي واعتزل الفلسفة... وبحجة ياخذهم يجي يطفي كلبه المحترك بهواكم اوووي عيني

حوراء:وشيستفاد من جيته لو اجه ياخذهم قابل راح يشوفني

اية:لا بس هيج يطفي ناره بوجوده بنفس المكان

حوراء:هلو هلو خبرة ولج..بس لا تحبين مصخمة منو هذا

اية:هو مو حب اعجاب ههههه ولو تنطين ماكلج..خليج بشيخج شعليج بيه انتي

حوراء:اي حبي بس لا يطلع واحد من ولد عمامج..عوع كلهم زبالة..واولهم عباس وقومه

اية:لا حبي مو من اهلنه..يمه فديته يخبل..هو من اهل رجلج بس ماكلج

حوراء:عزززااا بعينج..ومنو هذا ومنو يكول ابوي ينطيج اله

اية:بابا ينطي ويفرح همين..هو ابن عم زوجج ابن حازم..مرة جيت عدكم وطلعت وجان هناك بالحوش مادري..والله يجنن فديته

حوراء لزمتها:صخام بوجهج وشعرفج بي هذا ابن حازم انه مشايفته غير مرة وحدة يجي يم كرار..شعندج وياه ايوو ابوي يموتج والكعبة ومايرحمج..شفتي نسمة شصار الها اهلها كلها تبرت منها وجانو راح يكتلونها

اية:على كيفج بابا خل اشرحلج..هو انه عرفته من رقية سألت على الشاب الطويل الشفته.. وسولفتلي عنه..وعدها الانستا مالته اخذته وسويتله متابعة وردها الي واحاجي بالتعليقات لا اكثر يعني كدام الوطن العربي كله وماعندي شي وياه..بس سوالفه حلوة دوم يتفاعل بمنشوراتي

حوراء:هلو هلو وماخذه الانستا مالته وتحاجينه..وحتى لو التعليقات والله لو يعرفون اخوانج لو ابوي يكطعونج ويشمروج للجلاب

اية:والله ماعندي شي وياه هيج صداقة..وانه مو احبه احبه انما تعجبني شخصيته..والصراحة شكله هم حلو هههههه

حوراء:اي واذا تعلقتي بي منو يطلبج اله..تظلين تنتظرينه يحس بيج بعد جم سنة طويلات

اية:اتصدكين مرات يشاقه ويكلي جايج خطابه..هواي يحشش هههههه فدييييييته لو اندل بيته..والله عمو حازم يجيب صاكين..مثل شيخنه شوشو شلون كمرات جاب يمه فديتهم

حوراء بحزن:والله شكولج يا اختي بعدين تنصدمين صدمة حياتج..خايفة تحبي وتتعلقين بي..مثل حظي الأغبر..وتلكينه مايحس بيج ولا يدري بوجودج

اية:انه مو مثلج حوراء..انتي هواي طيبة وفقيرة..وعلى نياتج..الدنيا ماظلمتج بس انتي ماتعرفين تتصرفين

حوراء بحسرة:آه آه آه لو تدرين شكد الدنيا ظلمتني.جان ماكلتي هل الحجي..يالله خل نام اعيش بالأحلام احسن من الواقع 

اية:حوري والحسين الشيخ هشام يحبج..وان ما اجه ندمان يتوسل بابوي يرجعج فلا اكون اية بت زمزم وشيخ حسين

حوراء:مستحيل ماصدك هشام يجي ويحاول يرجعني..اصلاً يمكن بابا مستحيل يقبل هذاك اليوم امي كالت حجاية هيج مجرد حجي عصب شسوة وكال لا تجيبون طاري هالموضوع

اية:هسة خل يجي عود الله كريم..ابوي يعزه للشيخ هشام ولو مايعزه مانطاج هدية اله..الله كريم الله يهدي الج....يالله جاوو قفلت كلش...

نامت اية وحوراء بقت تفكر بهشام وليان نايمة يمها..ورزان وعزام وراها واحد بصف الخ..ظلت تذكر من شافته مساع..فرفح كلبها بشوفته...

وهسة تحس بالغربة بهالغرفة ومابيها اي حياة..مشتاقه لحضنه..ولأبتسامته الي تخربط دكات كلبها..مشتاقه لدفو حنيته وايدينه من يلزم وجهها....

اما شيخنه نفس تفكيرها وكاعد مايكدر ينام..وكل شوي يعيد قراءة رسالتها..ويكول هاي مو حور..جذابه هي تحبني ومانستني...

هذام بقهر يحاجي نفسه:زين انه ليش هيج صرت اناني مو اتخليت عنها وخليت تربي جهالي بحدها شتوقع هسة تبقه تحبني وتسامحني بسهولة..ليش هيج انقهرت من كالت اتزوج ونسيتك..انه ردتها تعيش حياتها..كام وهو يحترك..ياللهي شكلي مو كد كلمتي جاي احترك بناااااار نااااار..ماكدر اشوفها تزوج.....يوم ثاني صدك كالت ايووو وراح هشام من الصبح ياخذ الجهال..والحجية راحت وياه..وانتظر بره شكثر وهو يتأمل البيت ويتخيل تطلع هي تجيب الجهال ويضحك على تخيله هذا....

جاي اتجهز ملابس الجهال واشياءهم لان همه وكحين ويلعوسون نفسهم كل شوي..وحظرت دواهم وكلت لام هشام جم مرة ياخذونه...

بداخلها تأملت بخير انو حجي ايو صدك صار واجه عالجهال..وكالت شكله الشيخ الشي البعيد عن ايده صار اله قيمه....

اخذ الجهال وبقو يمه طول اليوم وشكد يفرحون بيهم من يجون عدهم..وكرار يكل لنسمة نسومة خل نسوينله جاهل صار بخاطري....

نسمة تكله لا فدوة شغير رايك..مابيه حيل جاهل وتعب وحمل ودراسة خل نخلص ونسويلنه جاهل...

كلها كرار ماعليه بيج دخل براسي جاهل..يجون اخواني ويرحون واشتاقلهم..كلها اذا الله راد حسبي حساب الشهر الجاي انتي حامل وهي تكله لا فدوة حبيبي....

هههههههههه خطية نسوم اجاج الشلعان الكلب..وانته شيخنه راح تصير جد😃 هههههههه....

رقية طالعة اليوم ويه مخلد ورايحين يشترون جم شغلة من السوك..بعد ما يخلصون جم شغلة بالنفوس..همه عقدو محكمة قبل ايام...

وهسة كاعدين بمطعم سويه...

رقية:مخلد تعبت خل نرجع البيت ونكمل كعدتنه وسوالفنه بالبيت

مخلد:وحق الله مارجع للبيت هسة..مو مصدك قبل الشيخ اخذج بحدنه وطلعنه..هدور اروح البيت حتى الضابط كرار يكعد على راسي

رقية:هههههه والله صاير يلج خبيث شسويله متكلي..يحبني يخاف عليه

مخلد:مو كاعدة يم ضبع وراح يفترسج..ويقلد عليها..يخاف عليه..هسة كون اطلع الضيم بيج بكتله بنص الناس

رقية:ههههه ولك تفضحنه..اتحمله لمن نزوج انه وانته بعد حلالك الك ويمك دوم

مخلد:شيحمله علمى نخلص..هو متهني بمرته وانه اجي يم مرتي بس اباوع..رقية خل نفض السالفة ونزوج قبل لا نخلص دراسة

رقية:والله هذا رأي هشام هم يكول مو حلوة كدام الناس اطول خطبتكم

مخلد ابتسم:يعني جاي يكول مخلد تعال اخذها..مستعجل اخذ اخته وافلشها اله تفلش

رقية:يمه انكلب الاخ سمع زواج..هو ما قصده هيج ومو مستعجل تاخذني بس يكول الناس تحجي وتكول الخطبة الطويلة مو حلوة

مخلد:والله صدك..اختي بقت مخطوبة خمس سنوات وبالآخر فصخو الخطوبة..بحجة هو جاي يدرس بالخارج..وهم الناس ماتكعد راحة وتحجي عالمخطوبين والمتزوجين والعزوبية..يعني بكل الأحوال محد فاك نفسه من حجي الناس

رقية:شعلينه بحجي الناس..مخلد ماكدر زواج وعرس وهوسة وهم دراسة والله ماترهم عدل يقل الالتزام والاهتمام وتصير ضغوط..هاي صديقتي مزوجة وتدرس وحامل ولعبان نفس حالتها

مخلد:شسالفة ماخليج تصيرين حامل من اول ليلة انتظر فد شهرين تلاثة هههههه

رقية:والله احلف..شهرين تلاثة

مخلد:عود ليش اضوجن من الحمل من وكت هو هاي غريزة بكل بنية تصيرلها بعد الزواج

رقية:والله اموت عالجهال واتمناهم اليوم قبل باجر بس على الي اشوفه بصديقتي وحتى رادو يطلكون بسبب الاهمال...مستحيل اجيب طفل قبل لا اتخرج

مخلد:الله كريم..بس سالفة الزواج هاي انحطت براسي وماريد نأجل

بعد..ندرس بالبيت مالنه سويه..ولمن نخلص كلية اندبر حالنه بشغلة نصرف منها..هو بس احنه الثنين

رقية:الله كريم نتناقش مرة ثانية..وناخذ راي هشام اخوي..وبلكي نتخرج ونتعين.....

مخلد رجع رقية البيت وراح لبيتهم....

مرت جم يوم...هشام كله يريد يراسلها لحور ويتراجع مايريد يسمع حجي منها يقهره ولا يريد يقهرها...

بس من يريد ياخذ الجهال يرسللها رسالة جهزي الجهال اجي اخذهم...

وبهذاك اليوم صدك باسم قنع اهله يرحون يخطبوله حوراء....وهي ماتعرف شتحس وبيت خالها اجو يخطبوها...

وظلت تفكر تقهره لهشام بموافقتها..ورسخت الفكرة براسها..وكالت اي اي اقبل بي وخلي يحترك كلبه...وفكرت هيج ماحسبت حساب للعواقب...

ورقية بيومها راسلتها لحوراء...وكلتلها اليوم اجو يخطبوني بيت خالي...وكلتلها شنو رايج انتي وكلتلها راح اوافق...

ابن خالي ماينعاب..وبالرغم مطلكه وعندي جهال يريد يخطبني...من كلت لرقية هذيج المرة خطبها ابن عمها ورفضه ابوها مانقهرت كالت رفضه...

بس هسة انقهرت كلش على هشام..تدري بي يحبها وعدها امل يرجعون بيوم تتصلح الامور ولخاطر الجهال...

وراحت لهشام كلتله..حور خطبتها اليوم وراح تزوج ابن خالها...هشام عقله طار سمع زواج..وحوراء..ويكول لا اجه اليوم الي ماريده يجي...

وظل بناره ويكول ساعة الله يوفقها وساعة يكول لا ماتصير لواحد غيري...اتصل عليها وحرك التلفون ماترد....

وهي خايفة تشوف اسمه عالجهاز وماترد..وكالت خلي يحترك شوي..شيخي اتحمل نتيجة عملك بيه....

وفعلاً وافقت حوراء على باسم ابن خالها وبكلبها خوف

.وشافت انو القرار مامنه رجعه لو عقد عليها..بس كل تفكيرها بس تقهره لهشام ومافكرت بأي جانب هسة...

و بعد يومين يفكر الشيخ حسين..وافق بعد اصرار من زمزم انو هو خوش ولد زوجها احسن ما هيج باقية...

همه حددو موعد للعقد بعد موافقة ابوها..ويردون يكطعون مهر وبعد فترة يزوجون...

واجه يوم العقد..وحوراء توترت وخايفة وتكول شسوي انه ليش قبلت راح اصير لغير شيخي..لا لا مستحيل لازم اتراجع..وتكول لا هذا الصح...هو مايريدني...

وتمسكت اكثر بقرارها بعد ماشافت رسالة هشام..كاتبلها حور ماتزوجين هذا الشاب...

وهي راحت حطت حطب عالنار ودزتله..وليش ماتزوجه شنو بي..انه قابلة مالك علاقة بيه..على الأقل ماراح يتركني بنص الطريق ويتحجج بعمره....

كلش عصب من ردها وكتبلها... وحق هذول الثلاثة العندج اليوم اشوف منو ياخذ حرمة الشيخ هشام..انه جايج هسة واشوف شلون راح يتم هالزواج...

حوراء تورطت وخافت شسوت...

حوراء:ولج اية لحكي هشام جاي هسة ويريد يخرب العقد

اية:عزززااا..انتي غبية كتلج الي تسوينه غباء وراح تحركين الأخضر واليابس..هسة ابوي شراح يكول...بس وناسة راح يسوي عليج هههههه ولج حويره مادريت هيج يحبج خخخمخخ

حوراء بخوف:شوف هاي ياربي صدك غبية انه..مافكرت بشي غير اقهره واخلي يندم..هسة راح تصير سالفة جبيرة..اويلي بابا...............

الفصل الثامن والعشرون من هنا 

شكرا لزيارتكم عالم روايات سكيرهوم