رواية المتشردة والغيور الفصل السابع والعشرون بقلم مرج البحر
ﺭﻳﺎ ....... ﺗﻤﺪﺩﺕ ﻭﺣﻤﺰﺓ ﻃﻠﻊ ﻳﻢ ﺍﻟﻌﺎﻟﻢ ﻻﻥ ﺍﻟﺒﻴﺖ ﺑﻌﺪﻩ ﻳﻌﺞ ﻭﻳﻈﺞ ﺑﺎﻟﻌﺎﻟﻢ ﻋﻤﺘﻲ ﺍﻧﻄﺘﻨﻲ ﻋﻼﺝ ﻭﻇﻠﺖ ﺗﺴﻮﻟﻒ ﺍﻟﻬﻦ ﺷﻠﻮﻥ ﻃﺮﺣﺖ ﻭﺷﻠﻮﻥ ﺗﺨﺮﺑﻄﺖ ﻭﺷﻨﻮ ﺻﺎﺭ ﺑﺎﻟﻤﺴﺘﺸﻔﻰ ﻭﺳﻮﺍﻟﻒ ﻫﻮﺍﻱ ﻭﺍﻧﻲ ﺻﺎﻓﻨﺔ ﺑﻴﻬﻦ ﻭﻣﺎﺍﻋﺮﻑ ﺷﻠﻮﻥ ﻏﻔﻴﺖ ﻣﺎﺣﺴﻴﺖ ﺍﻻ ﻋﻠﻰ ﺍﻳﺪ ﺗﻤﺴﺢ ﻋﻠﻰ ﺭﺍﺳﻲ ﻓﺘﺤﺖ ﻋﻴﻮﻧﻲ ﺣﻤﺰﺓ ﻳﻤﻲ ﻣﺘﻤﺪﺩ ﻭﻋﻤﺘﻲ ﻭﻋﻤﻲ ﻓﺎﺭﺷﻴﻦ ﻭﻣﺘﻤﺪﺩﻳﻦ
ﻳﻌﻨﻲ ﺍﻧﻲ ﺻﺎﻳﺮﺓ ﻓﻮﻙ ﺭﺍﺳﻬﻢ ﻭﻫﻢ ﺭﺍﺳﻬﻢ ﺍﻟﻲ ﻭﺭﺟﻠﻴﻬﻢ ﻟﻠﺒﺎﺏ ﺣﻤﺰﺓ ﻫﻤﺴﻠﻲ ﻭﺻﻮﺗﻪ ﻣﺒﺨﻮﺡ ﻣﻦ ﻛﺜﺮ ﻣﺎﻋﻴﻂ ﻛﺎﻝ
ﺣﻤﺰﺓ ....... ﺣﺒﻴﺒﻲ ﺗﺒﻘﻴﻦ ﻫﻨﺎ ﻟﻮ ﺗﺼﻌﺪﻳﻦ ﻓﻮﻙ
ﺭﻳﺎ ....... ﻻ ﺍﺧﺬﻧﻲ ﻓﻮﻙ ﺍﺣﺴﻦ
ﺻﻌﺪﺕ ﻋﻤﻲ ﻭﻋﻤﺘﻲ ﻣﺎﻗﺒﻠﻮ ﺑﺲ ﺣﻤﺰﺓ ﻛﺎﻝ ﻫﻲ ﺗﺮﻳﺪ ﺗﺼﻌﺪ
ﻭﺻﺪﻙ ﻣﺎﻣﺎﺧﺬﺓ ﺭﺍﺣﺘﻲ ﻻﻥ ﻧﺎﻳﻤﺔ ﺑﺤﺠﺎﺑﻲ ﻭﺩﺷﺪﺍﺷﺘﻲ ﺗﻀﺎﻳﻘﺖ ﻣﻨﻬﺎ ﺻﻌﺪﺕ ﺑﺪﻟﺖ ﻭﺫﺑﻴﺖ ﺣﺠﺎﺑﻲ ﻋﺒﺎﻟﻚ ﺷﻠﻮﻥ ﺍﻟﻤﺼﺨﻨﺔ ﺟﺴﻤﻲ ﻛﻠﻪ ﻳﻮﺟﻌﻨﻲ ﺗﻤﺪﺩﺕ ﻋﻠﻰ ﺍﻟﺠﺮﺑﺎﻳﺔ ﺍﺟﺔ ﺣﻤﺰﺓ ﻳﻤﻲ ﺗﻤﺪﺩ ﻛﻮﺗﻠﻪ ﺣﻤﺰﺓ ﺟﺴﻤﻲ ﻛﻠﻪ ﻳﻮﺟﻌﻨﻲ
ﺣﻤﺰﺓ ......... ﺍﻳﻴﻲ ﺣﺒﻴﺒﺘﻲ ﻣﻦ ﻓﻘﺮ ﺍﻟﺪﻡ ﻭﻫﻢ ﻧﺰﻓﺘﻲ ﻫﻮﺍﻱ ﺩﻡ
ﺭﻳﺎ ........ ﻋﻔﺘﻪ ﻳﺤﺠﻲ ﻭﻏﻔﻴﺖ ﺍﺻﻼ ﻣﺎﺍﺩﺭﻱ ﻟﻴﺶ ﺳﺄﻟﺘﻪ ﺍﺣﺲ ﻧﻔﺴﻲ ﻣﻴﺘﻪ ﻫﺬﺍ ﺍﻟﻌﻼﺝ ﻛﻠﻪ ﻣﻨﻮﻡ ﻭﻣﻬﺪﺋﺎﺕ ﻛﻌﺪﺕ ﺍﻟﺼﺒﺢ ﺏ 8 ﺣﻤﺰﺓ ﻧﺎﻳﻢ ﻭﻣﺒﻴﻦ ﺗﻌﺒﺎﻥ ﻣﻦ ﻫﻮﺳﺔ ﺍﻟﺒﺎﺭﺣﺔ ﻛﻤﺖ ﺑﺪﻟﺖ ﻭﻃﻠﻌﺖ ﻧﺰﻟﺖ ﺟﻮﺓ ﻋﻤﺘﻲ ﻛﺎﻋﺪﺓ ﺗﺘﺮﻳﻚ ﻫﻲ ﻭﺯﻫﺮﺍﺀ ﻭﺭﻭﺍﻥ ﻭﺍﻟﺒﻴﺖ ﻫﺪﻭﺀ ﺻﺒﺤﺖ ﻋﻠﻴﻬﻦ ﻭﺭﺣﺖ ﻏﺴﻠﺖ ﻋﻤﺘﻲ ﺻﺎﺣﺘﻨﻲ ﻛﺎﻟﺖ
ﺍﻡ ﻣﺤﻤﺪ ....... ﺗﻌﺎﻱ ﻳﻤﺔ ﺗﻌﺎﻱ ﺍﻛﻠﻴﻠﺞ ﻟﻜﻤﺔ ﺍﻧﺘﻲ ﻣﻦ ﺭﻳﻮﻙ ﺍﻟﺒﺎﺭﺣﺔ ﺗﻌﺎﻱ ﺗﺮﻳﻜﻲ ﺣﺘﻰ ﺗﺎﺧﺬﻳﻦ ﻋﻼﺟﺞ
ﺭﻳﺎ ........ ﻋﻤﺔ ﻣﺎﺍﺭﻳﺪ ﺍﺧﺬ ﻫﺬﺍ ﺍﻟﻌﻼﺝ ﻛﻠﻪ ﺑﻲ ﻣﻨﻮﻡ
ﺍﻡ ﻣﺤﻤﺪ ....... ﻳﺎ ﻳﻤﺔ ﻻﺯﻡ ﺗﺎﺧﺬﻳﻨﻪ ﺟﺎ ﺷﻠﻮﻥ ﻏﻴﺮ ﺣﺘﻰ ﺗﺼﻴﺮﻳﻦ ﺯﻳﻨﺔ
ﺭﻳﺎ ........ ﻛﻌﺪﺕ ﺗﺮﻳﻜﺖ ﻭﻳﺎﻫﻦ ﻭﻛﻤﻨﺎ ﻟﻠﺸﻐﻞ ﻛﻞ ﻭﺣﺪﺓ ﺳﻮﺗﻠﻬﺎ ﺷﻐﻠﺔ ﺷﻮﻳﺔ ﻭﺳﻤﻌﻨﺎ ﻋﻴﻄﺔ ﺯﻫﺮﺍﺀ ﻣﻦ ﺍﻟﺤﻤﺎﻡ ﻛﻠﻨﺎ ﺭﻛﻀﻨﺎ ﺍﻟﻬﺎ ﺷﻔﻨﺎﻫﺎ ﺗﺒﭽﻲ ﻋﻤﺘﻲ ﻛﺎﻟﺘﻠﻬﺎ
ﺍﻡ ﻣﺤﻤﺪ ....... ﻫﺎﺍﺍ ﻭﻟﺞ ﺷﺒﻴﺞ
ﺯﻫﺮﺍﺀ ....... ﻳﻤﺔ ﺍﺣﺘﺮﻛﺖ ﺑﺎﻟﻤﺎﻱ ﺍﻟﺤﺎﺭ
ﺭﻳﺎ ........ ﺷﻔﻨﺎ ﺍﻳﺪ ﺯﻫﺮﺍﺀ ﺣﻤﻤﻤﻤﻤﺮﺓ ﻋﻤﺘﻲ ﺍﺧﺬﺗﻬﺎ ﻭﻃﻠﻌﺖ ﻣﻦ ﺍﻟﺤﻤﺎﻡ ﻭﺍﻧﻲ ﻛﻤﻠﺖ ﻏﺴﻞ ﻣﻼﺑﺲ ﺍﺳﻤﻊ ﻋﻤﺘﻲ ﺗﺪﻙ ﻭﺗﻠﻄﻢ ﻭﺗﻜﻮﻝ
ﺍﻡ ﻣﺤﻤﺪ ........ ﻣﻨﻴﻦ ﺗﺠﻴﻨﻲ ﺍﻟﻤﺼﺎﻳﺐ ﻭﺍﻧﺪﻫﺮﺗﻮ ﺷﻨﻮ ﺳﺎﻟﻔﺘﻜﻢ ﻭﺍﺣﺪ ﻳﻜﻮﻡ ﻭﻭﺍﺣﺪ ﻳﻄﻴﺢ ﺩﺧﻴﻠﺞ ﻳﺎﻓﺎﻃﻤﺔ ﺍﻟﺰﻫﺮﺍﺀ
ﺭﻳﺎ ......... ﻛﻤﻠﺖ ﻣﻼﺑﺲ ﻭﺻﻌﺪﺕ ﺍﺷﺮ ﻛﻤﻠﺖ ﺷﺮ ﻣﻼﺑﺲ ﻧﺰﻟﺖ ﻟﻐﺮﻓﺘﻲ ﺭﺗﺒﺘﻬﺎ ﻛﻌﺪ ﺟﻤﺰﺓ ﺭﺣﺖ ﻳﻤﺔ ﻛﻮﺗﻠﻪ ﺻﺢ ﺍﻟﻨﻮﻡ ﺣﺒﻴﺒﻲ ﻫﻮ ﺍﺷﺮﻟﻲ ﺑﺮﺍﺳﻪ ﺍﺭﻭﺡ ﻳﻤﻪ ﺭﺣﺖ ﻫﻮ ﺣﻈﻨﻨﻲ ﻭﺑﺎﺳﻨﻲ ﺑﺨﺪﻱ ﻛﺎﻝ
ﺣﻤﺰﺓ ....... ﺷﻠﻮﻥ ﺻﺮﺗﻲ
ﺭﻳﺎ ......... ﺍﻟﺤﻤﺪﻟﻠﻪ ﺻﺮﺕ ﺍﺣﺴﻦ ﻳﺎﻟﻠﻪ ﻛﻮﻡ ﺍﺷﺒﺢ ﻭﺻﺤﺼﺢ ﺣﺘﻰ ﺍﺳﻮﻳﻠﻚ ﺭﻳﻮﻙ
ﻫﻮ ﻫﺰ ﺭﺍﺳﻪ ﻭﻇﻞ ﺻﺎﻓﻦ ﻛﻤﺖ ﺍﻧﻲ ﺭﺣﺖ ﺟﻬﺰﺗﻠﻪ ﺍﻟﺤﻤﺎﻡ ﺣﺘﻰ ﻳﺴﺒﺢ ﻭﻧﺰﻟﺖ ﺳﻮﻳﺖ ﺭﻳﻮﻙ ﺍﺣﺐ ﺍﻟﺸﻐﻞ ﻭﺍﻟﻠﻪ ﺍﺣﺲ ﻧﻔﺴﻲ ﻫﺴﺔ ﻋﺎﻳﺸﺔ ﻗﺒﻞ ﺟﻨﺖ ﺿﺎﺭﺑﺔ ﺍﻟﺪﻧﻴﺎ ﻣﺎﺍﺣﺲ ﺑﺸﻲ ﻭﺍﻧﻲ ﺍﻇﻮﺝ ﻣﻦ ﻫﻴﺞ ﺷﻲ ﺍﺣﺐ ﺍﺣﺲ ﺑﺎﻟﻤﺴﺆﻭﻟﻴﺔ ﺍﺣﺐ ﺍﺷﺘﻐﻞ ﺍﺣﺐ ﺍﻓﻜﺮ ﺍﺣﺐ ﺍﺗﻌﺐ ﻋﻠﻰ ﺍﻟﺸﻲ ﻫﻬﻬﻬﻪ ﻫﺴﺔ ﺗﻀﺤﻜﻮﻥ ﻋﻠﻰ ﻃﺒﻌﻲ ﺑﺲ ﺷﺴﻮﻱ ﻫﺬﺍ ﻃﺒﻊ ﺣﺘﻰ ﻛﻤﺖ ﻛﻠﺸﻲ ﻳﻜﻮﻟﻮﻟﻴﺎ ﺍﻧﻔﺬﻩ
ﻧﺰﻝ ﺣﻤﺰﺓ ﺳﺒﺤﺎﻥ ﺧﻠﻴﺘﻠﻪ ﺻﻴﻨﻴﺔ ﺍﻟﺮﻳﻮﻙ ﻭﺻﻌﺪﺕ ﺍﺳﺒﺢ ﺳﺒﺤﺖ ﻭﺭﺗﺒﺖ ﻧﻔﺴﻲ ﻭﺟﻬﻲ ﺍﺻﻔﺮ ﻋﺒﺎﻟﻚ ﻣﻴﺘﻪ ﺧﻠﻴﺖ ﻣﻜﻴﺎﺝ ﻭﺧﻠﻴﺖ ﻋﻄﺮ ﻋﻨﺪﻱ ﺩﺷﺪﺍﺷﺔ ﻧﻮﺭ ﺧﻴﻄﺘﻬﺎ ﻭﻣﺎﻛﻔﺘﻠﻬﺎ ﺍﺧﺬﺗﻬﺎ ﻣﻨﻬﺎ ﻟﻮﻧﻬﺎ ﺍﺣﻤﺮ ﻭﺑﻴﻬﺎ ﺍﺳﻮﺩ ﻟﺒﺴﺖ ﺷﺎﻝ ﺍﺣﻤﺮ ﻭﺧﻠﻴﺖ ﻣﻜﻴﺎﺝ ﻭﻧﺰﻟﺖ ﺣﻤﺰﺓ ﺷﺎﻓﻨﻲ ﺍﺑﺘﺴﻤﻠﻲ ﻭﻛﺎﻝ
ﺣﻤﺰﺓ ........ ﺍﻳﻴﻲ ﻫﺴﺔ ﺍﻛﺪﺭ ﺍﻛﻮﻟﺞ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﺞ ﺗﻌﺎﻱ ﺗﺮﻳﻜﻲ ﻭﻳﺎﻱ
ﺭﻳﺎ ......... ﺭﻏﻢ ﻣﺎﺍﺷﺘﻬﻲ ﺑﺲ ﺭﺣﺖ ﻛﻌﺪﺕ ﻛﺪﺍﻣﻪ ﻫﻮ ﻳﺎﻛﻞ ﻭﻣﻦ ﻳﺮﻓﻊ ﺭﺍﺳﻪ ﻳﺒﺎﻭﻋﻠﻲ ﻭﻳﺒﺘﺴﻤﻠﻲ ﻭﺍﺫﺍ ﻳﻄﻠﻌﻦ ﺍﻟﺒﻨﺎﺕ ﻳﺪﺯﻟﻲ ﺑﻮﺳﺔ ﺑﺎﻟﻬﻮﺍﺀ ﻛﻤﻞ ﻫﻮ ﺭﻳﻮﻙ ﻭﺗﻤﺪﺩ ﻳﻜﻨﻚ ﺑﺘﻠﻔﻮﻧﻪ ﻭﺍﻧﻲ ﺭﺣﺖ ﻏﺴﻠﺖ ﺍﻟﻤﻮﺍﻋﻴﻦ ﻭﺍﺳﺎﻋﻆ ﺭﻭﺍﻥ ﺑﺎﻟﻄﺒﺦ ﺷﻮﻱ ﻭﺩﺧﻞ ﻣﺤﻤﺪ ﻭﺍﺣﻤﺪ ﻭﻋﻤﻲ ﺑﺎﻭﻋﺖ ﺍﻟﺴﺎﻋﺔ ﺏ 11 ﻣﻮ ﻣﻦ ﻋﻮﺍﻳﺪﻫﻢ ﻳﺠﻮﻥ ﻫﻴﺞ ﻭﻗﺖ
ﺩﺧﻠﻮ ﻟﻠﻬﻮﻝ ﺍﺣﻤﺪ ﺿﺎﻳﺞ ﻭﻋﻤﻲ ﻳﺨﺎﺑﺮ ﻭﻣﺤﻤﺪ ﻳﺨﺎﺑﺮ ﺍﺣﻨﺔ ﻧﺮﻳﺪ ﻧﻔﺘﻬﻢ ﻣﺎﻛﻮ ﺣﻤﺰﺓ ﺳﺎﻝ ﺍﺣﻤﺪ ﻛﺎﻝ
ﺣﻤﺰﺓ ........ ﻭﻟﻚ ﺷﺼﺎﻳﺮ ﺷﺒﻴﻜﻢ
ﺍﺣﻤﺪ ........ ﻣﺤﻤﺪ ﺩﻋﻢ ﺳﻴﺎﺭﺓ ﻭﺻﺎﺣﺐ ﺍﻟﺴﻴﺎﺭﺓ ﻛﺎﻳﻢ ﻣﺎﻛﺎﻋﺪ
ﺭﻳﺎ ........ ﺍﺣﻤﺪ ﺑﺲ ﻛﺎﻝ ﻫﻴﺞ ﻋﻤﺘﻲ ﺫﺑﺖ ﺣﺠﺎﺑﻬﺎ ﻭﻛﺎﻣﺖ ﺗﺪﻙ ﻭﺗﻤﻠﺶ ﺗﺸﻌﺮﻫﺎ ﻭﺗﻜﻮﻝ
ﺍﻡ ﻣﺤﻤﺪ ....... ﻭﻟﻜﻢ ﺭﺍﺣﺤﺢ ﺍﻣﻮﻭﻭﺕ ﻭﻟﻜﻢ ﺷﺠﺎﻛﻢ ﺷﺒﻴﻜﻢ ﻭﺍﺣﺪ ﻳﻜﻮﻡ ﻭﻭﺍﺣﺪ ﻳﻄﻴﺢ ﺯﻋﻢ ﻳﻤﻮﺕ ﻭﺍﺣﺪ ﻣﻨﻜﻢ ﺩﺧﻴﻠﻚ ﺭﺑﻲ ﻣﺎﺗﻜﻮﻟﻮﻟﻲ ﺷﺼﺎﻳﺮ ﻣﺮﺓ ﺍﻟﺒﻨﺖ ﺫﺑﺘﻠﻬﺎ ﻓﺮﺥ ﻭﻣﺮﻩ ﻫﺬﺍ ﺗﻌﺎﺭﻙ ﻭﻣﺮﺓ ﻫﺎﻱ ﺍﺣﺘﺮﻛﺖ ﻭﺍﺟﻴﺖ ﺍﻧﺖ ﺩﺍﻋﻤﻠﻚ ﺳﻴﺎﺭﺓ ﺭﺑﻲ ﺩﺧﻴﻠﻚ ﻣﺎﺗﻜﻮﻟﻮﻟﻲ ﺷﺠﺎﻧﺔ ﻣﺎﺍﻛﻌﺪ ﻫﺴﺔ ﺗﺎﺧﺬﻭﻧﻲ ﻻﺑﻮ ﻓﺎﺿﻞ ﺍﺭﻳﺪ ﺍﺩﺧﻞ ﻋﻨﺪﻩ ﺷﻜﺎﻳﺔ ﺧﺎﻟﺔ ﺷﻨﺘﻈﺮ ﻟﻤﻦ ﻳﺮﻭﺡ ﻭﺍﺣﺪ ﻣﻨﻜﻢ ﺍﻟﺪﻭﺭ ﻻﺣﻤﺪ ﺑﻌﺪ
ﺣﻤﺰﺓ ......... ﻳﻤﺔ ﺭﺣﻤﺔ ﻟﻠﻜﻌﺒﺔ ﺧﻠﻴﻨﺎ ﻧﻔﺘﻬﻢ
ﺭﻳﺎ ........ ﺧﻄﻴﺔ ﻋﻤﺘﻲ ﻓﺮﻓﺤﺖ ﺻﺪﻙ ﻣﺎﺍﺩﺭﻱ ﺷﺒﻴﻨﺎ ﺍﻧﻜﻠﺒﻨﺎ ﻓﺪ ﻣﺮﺓ ﻋﻤﺘﻲ ﻇﻠﺖ ﺗﺒﭽﻲ ﺍﻟﺮﺟﺎﻝ ﺍﻟﺪﺍﻋﻢ ﺳﻴﺎﺭﺗﻪ ﻣﺤﻤﺪ ﻣﻌﺎﻧﺪ ﺍﻻ ﻧﻜﺪﻛﻢ ﻛﻌﺪﺓ ﻋﺸﺎﻳﺮ ﻛﺎﻟﻪ ﺍﻧﻲ ﻣﺎﻣﺘﻘﺼﺪ ﺻﺎﺭﺕ ﺑﺎﻟﻐﻠﻂ ﻭﺿﺮﺑﺖ ﺳﻴﺎﺭﺗﻚ ﻭﺑﻄﻼﻉ ﺍﻟﺮﻭﺡ ﻗﺒﻠﻮ ﻳﻔﻀﻮﻫﺎ ﺑﺲ ﻣﺤﻤﺪ ﻳﺼﻠﺢ ﺳﻴﺎﺭﺓ ﺍﻟﺮﺟﺎﻝ ﻭﺣﻤﺰﺓ ﺑﻌﺪﻫﺎ ﺷﻐﻠﺘﻪ ﻣﺎﻓﻀﺖ ﺍﻟﻨﺎﺱ ﺍﻧﻄﻴﻨﺎﻫﻢ ﻋﻄﻮﺓ ﻭﺑﻌﺪ ﻣﺎﻛﺎﻋﺪﻳﻦ ﻋﻤﺘﻲ ﻇﻠﺖ ﻟﻠﻴﻞ ﺗﺒﭽﻲ ﻭﺑﺪﻭﻥ ﻏﺪﺍﺀ ﻭﺑﺪﻭﻥ ﻋﺸﺎﺀ ﻭﺍﻟﻈﻐﻂ ﺻﺎﻋﺪ
ﻛﺎﻣﺖ ﺟﺎﺑﺖ ﺗﺮﺑﺔ ﻭﺧﻠﺘﻬﺎ ﺑﻤﺎﻱ ﻭﺭﺷﺖ ﺍﻟﺒﻴﺖ ﻛﻠﻪ ﻭﺗﻘﺮﺍ ﺍﻳﺎﺕ ﻗﺮﺃﻧﻴﺔ ﻋﻠﻰ ﺍﻟﻤﺎﻱ ﻭﺫﺑﺘﻪ ﺑﻌﺘﺒﺔ ﺍﻟﺒﺎﺏ ﺻﺎﻇﻒ ﻳﻮﻡ ﺛﻼﺛﺎﺀ ﻇﻠﺖ ﻋﻤﺘﻲ ﻣﻌﺎﻧﺪﺓ ﺍﻻ ﺗﺎﺧﺬﻭﻧﻲ ﻟﻠﻌﺒﺎﺱ ﺍﺑﻮ ﻓﺎﺿﻞ ﺏ 10 ﺑﺎﻟﻠﻴﻞ ﺟﻨﻨﺎ ﻛﺎﻋﺪﻳﻦ ﻭﺑﺎﺭﺩﺓ ﺷﻬﺮ ﺍﻟﻮﺍﺣﺪ ﻧﻬﺎﻳﺘﻪ ﺯﻫﺮﺍﺀ ﺗﺪﺍﻭﻡ ﺑﺎﻟﺠﺎﻣﻌﺔ ﻭﻋﻨﺪﻫﺎ ﺍﻣﺘﺤﺎﻧﺎﺕ ﻃﺒﻌﺎ ﺷﻜﺪ ﻟﺤﻴﺖ ﻋﻠﻰ ﺣﻤﺰﺓ ﺍﻛﻤﻞ ﺍﺑﺪ ﻣﺎﻗﺒﻞ ﺍﻟﻤﻬﻢ ﻛﺎﻋﺪﻳﻦ ﻭﻋﻤﺘﻲ ﻣﺸﻐﻠﺔ ﻧﻌﺎﻭﻱ ﺑﺘﻠﻔﻮﻥ ﺯﻫﺮﺍﺀ ﻭﺗﺒﭽﻲ ﻭﺍﻟﻮﻟﺪ ﻛﻞ ﻭﺍﺣﺪ ﻻﺯﻡ ﺗﻠﻔﻮﻧﻪ ﻭﻋﻤﻲ ﻳﺒﺎﻭﻉ ﺍﺧﺒﺎﺭ ﻭﺍﺣﻨﺔ ﻛﻞ ﻭﺣﺪﺓ ﺗﺎﺑﻮﻉ ﻭﻱ ﺯﻭﺟﻬﺎ ﻋﻨﺪﻧﺎ ﺗﻠﻔﻮﻧﺎﺕ ﺑﺲ ﺍﺣﻠﻰ ﺍﺫﺍ ﺑﺎﻭﻋﻨﺎ ﻭﻳﺎﻫﻢ ﻧﺘﻮﻧﺲ ﺍﻛﺜﺮ ﻭﻧﺸﻮﻑ ﺷﻴﻌﻠﻘﻮﻥ
ﻭﺯﻫﺮﺍﺀ ﺗﺘﻮﺳﻞ ﺑﻌﻤﺘﻲ ﺗﺮﻳﺪ ﺍﻟﺘﻠﻔﻮﻥ ﺗﺤﺠﻲ ﻭﻱ ﺻﺪﻳﻘﺎﺗﻬﺎ ﻋﻤﺘﻲ ﻣﺎﺗﻘﺒﻞ ﺗﻜﻮﻟﻠﻬﺎ ﺧﻠﻴﻨﺎ ﻧﺴﻤﻊ ﻋﻤﻲ ﻇﺎﺝ ﻛﺎﻟﻠﻬﺎ
ﺍﺑﻮ ﻣﺤﻤﺪ ....... ﺷﺒﻴﺞ ﺣﺠﻴﺔ ﻛﻮﻟﻲ ﻳﺎﻟﻠﻪ ﻏﻴﺮ ﻫﺎﻟﻜﺎﻋﺪﻳﻦ ﻛﺪﺍﻣﺞ ﻭﻣﺎﺑﻴﻬﻢ ﺷﻲ ﻫﺴﺔ ﺷﻤﺎﻟﺞ ﻣﻦ ﺍﻟﺼﺒﺢ ﻟﻬﺴﺔ ﺑﺲ ﺗﺒﭽﻴﻦ ﻫﺎﻱ ﻭﺍﺣﺪ ﻋﻨﻮﺩﻱ ﻭﺣﻠﻴﻨﺎﻫﺎ ﻭﻳﺎ ﻛﺎﻓﻲ ﺑﺠﻲ
ﺍﻡ ﻣﺤﻤﺪ ....... ﺍﻳﻲ ﺗﺮﻳﺪﻧﻲ ﺍﻛﻌﺪ ﻭﺍﺳﻜﺖ ﻟﻤﻦ ﻳﺼﻴﺮ ﺑﻮﺍﺣﺪ ﻣﻨﻬﻢ ﺷﻲ
ﺍﺑﻮ ﻣﺤﻤﺪ ....... ﻫﺴﺔ ﺍﻧﺘﻲ ﺷﺘﺮﺩﻳﻦ ﺷﻨﺴﻮﻳﻠﺞ
ﺍﻡ ﻣﺤﻤﺪ ........ ﺗﺎﺧﺬﻭﻧﻲ ﻻﺑﻮ ﻓﺎﺿﻞ ﻫﻮ ﻳﺤﻞ ﻣﺸﻜﻠﺘﻲ ﺑﻌﺪ ﺍﻟﻠﻪ
ﺣﻤﺰﺓ ......... ﻳﻤﺔ ﻭﻧﻌﻢ ﺑﺎﻟﻠﻪ ﻭﺍﻟﻨﻌﻢ ﻣﻦ ﺍﺑﻮ ﻓﺎﺿﻞ ﻋﻠﻴﺔ ﻣﻦ ﺑﺎﺟﺮ ﺍﺧﺬﺝ ﻟﻜﺮﺑﻼﺀ
ﺍﺑﻮ ﻣﺤﻤﺪ ........ ﻻ ﺍﻧﻲ ﻣﻔﻜﺮﻟﻬﺎ ﺍﻥ ﺷﺎﺀ ﺍﻟﻠﻪ ﺗﺨﻠﺺ ﺍﻣﺘﺤﺎﻧﺎﺕ ﺯﻫﺮﺍﺀ ﻭﻧﺮﻭﺡ ﻟﻜﺮﺑﻼﺀ ﻧﺰﻭﺭ ﺻﺎﺭ ﻫﻮﺍﻱ ﻣﺎﺯﺍﻳﺮﻳﻦ
ﺭﻳﺎ ....... ﻛﻤﻨﺎ ﻛﻞ ﻭﺍﺣﺪ ﻟﻐﺮﻓﺘﻪ ﺿﺎﻳﺠﻴﻦ ﺩﺧﻞ ﺣﻤﺰﺓ ﺑﺪﻝ ﻭﺗﻤﺪﺩ ﻭﺍﻧﻲ ﺭﺣﺖ ﺑﺪﻟﺖ ﺩﺭﺕ ﻭﺟﻲ ﻋﻠﻴﺔ ﺷﻔﺘﻪ ﻳﺒﺎﻭﻋﻠﻲ ﺑﻄﺮﻑ ﻋﻴﻨﻪ ﻛﻮﺗﻠﻪ ﻟﻴﺶ ﺗﺒﺎﻭﻉ
ﺣﻤﺰﺓ ........ ﻟﻴﺶ ﻳﺎﺑﺔ ﺣﺮﺍﻡ؟؟
ﺭﻳﺎ ......... ﻻ ﺑﺲ ﻻﺗﺒﺎﻭﻉ ﻋﻴﺐ ﺍﻧﻲ ﺍﺳﺘﺤﻲ
ﺣﻤﺰﺓ ......... ﻫﻬﻬﻬﻬﻬﻬﻬﻬﻬﻬﻬﻪ ﺧﺮﺓ ﺑﻐﻴﺮﺗﺞ ﻋﻴﺐ ﺍﺑﺎﻭﻋﻠﺞ ﻣﻮ ﻋﻴﺐ ﺀﺀﺀﺀﺀ
ﺭﻳﺎ ........ ﺣﻤﺰﺯﺯﺯﺯﺯﺯﺯﺓ ﻳﺒﻮﻭﻭﻭﻭ ﻻﺗﺤﺠﻲ ﻫﻴﺞ ﻭﺍﻟﻠﻪ ﺍﺳﺘﺤﻲ
ﺣﻤﺰﺓ ........ ﺗﻌﺎﻱ ﻭﻟﺞ ﺗﻌﺎﻱ ﺍﻡ ﺍﻟﻤﺴﺘﺤﺔ
ﺭﻳﺎ ......... ﺭﺣﺖ ﻭﺗﻤﺪﺩﺕ ﺑﺼﻔﻪ ﻭﻇﻠﻴﻨﺎ ﻧﺴﻮﻟﻒ ﻟﻤﻦ ﻏﻔﻴﻨﺎ ﻭﻫﻮ ﺭﺍﺳﻪ ﻋﻠﻰ ﺗﺎﺝ ﺍﻟﺠﺮﺑﺎﻳﺔ ﻭﺍﻧﻲ ﺭﺍﺳﻲ ﻋﻠﻰ ﺍﻳﺪﻩ ﻟﻠﺼﻼﺓ ﻫﻮ ﻛﻌﺪ ﻃﺒﻌﺎ ﺗﻠﻔﻮﻧﻪ ﻳﺄﺫﻥ ﻭﻫﻮ ﻳﺨﻠﻲ ﻳﻢ ﺭﺍﺳﻪ ﻫﻴﺞ ﻳﻜﻌﺪ ﻟﻠﺼﻼﺓ ﻋﺎﺩ ﻛﻌﺪ ﺭﻛﺒﺘﻪ ﺗﻮﺟﻌﻪ ﺳﺤﺐ ﺍﻳﺪﻩ ﻣﻦ ﺭﺍﺳﻲ ﻛﻌﺪﺕ ﺷﻔﺘﻪ ﻳﻔﺮﻙ ﺑﺮﮔﺒﺘﻪ ﻛﻮﺗﻠﻪ ﺻﺒﺎﺡ ﺍﻟﺨﻴﺮ ﺣﺒﻴﺒﻲ
ﺣﻤﺰﺓ ........ ﺻﺒﺎﺡ ﺍﻟﻨﻮﺭ
ﺭﻳﺎ ....... ﺷﺒﻴﻬﺎ ﺭﮔﺒﺘﻚ
ﺣﻤﺰﺓ ....... ﺗﻮﺟﻌﻨﻲ ﻇﻠﻴﺖ ﻧﺎﻳﻢ ﻭﺭﺍﺳﻲ ﻋﻠﻰ ﺗﺎﺝ ﺍﻟﺠﺮﺑﺎﻳﺔ ﻭﻣﺘﻜﺴﺮ ﺑﺎﻟﻨﻮﻣﺔ
ﺭﻳﺎ ........ ﺭﺍﺡ ﺣﻤﺰﺓ ﻳﺼﻠﻲ ﻭﺍﻧﻲ ﺟﺒﺖ ﻋﺼﺎﺭﺓ ﻣﺎﻝ ﺍﻋﺼﺎﺏ ﻣﻦ ﺍﻟﺜﻼﺟﺔ ﺍﻟﺠﻮﺓ ﻳﻤﻤﻤﺔ ﺍﻟﺠﻮ ﺑﺎﺭﺩ ﺻﻌﺪﺕ ﺷﻔﺘﺔ ﻣﺘﻤﺪﺩ ﻭﻳﺪﻟﻚ ﺑﺮﮔﺒﺘﻪ ﺷﺎﻓﻨﻲ ﻛﺎﻝ
ﺣﻤﺰﺓ ........ ﻭﻳﻦ ﭼﻨﺘﻲ
ﺭﻳﺎ ......... ﻧﺰﻟﺖ ﺟﺒﺖ ﻋﺼﺎﺭﺓ ﻣﺎﻝ ﺍﻋﺼﺎﺏ ﺧﻞ ﺍﺩﻟﻜﻠﻚ ﺭﮔﺒﺘﻚ ﺣﺘﻰ ﺗﺮﺗﺎﺡ
ﺭﺣﺖ ﻫﻮ ﻧﺎﻡ ﻋﻠﻰ ﻭﺟﻬﻪ ﻭﺍﻧﻲ ﺧﻠﻴﺘﻠﻪ ﺍﻟﻌﺼﺎﺭﺓ ﻭﻇﻠﻴﺖ ﺍﺩﻟﻜﻠﻪ ﻫﻮ ﺍﻭﻝ ﺷﻲ ﺣﺮﻛﺘﻪ ﺑﺲ ﺑﻌﺪﻳﻦ ﺍﺭﺗﺎﺡ ﻭﻏﻔﺔ ﻭﺍﻧﻲ ﺍﺩﻟﻚ ﻧﻌﺴﺖ ﺧﻠﻴﺖ ﺭﺍﺳﻲ ﻋﻠﻰ ﻇﻬﺮﻩ ﻭﺍﺗﻐﻄﻴﺖ ﻭﻧﻤﺖ
ﻣﺮﺕ ﺍﻻﻳﺎﻡ ﺗﺤﺴﻨﺖ ﺍﻟﺤﻤﺪﻟﻠﻪ ﺳﻮﻭ ﻛﻌﺪﺓ ﻋﻠﻤﻮﺩ ﺣﻤﺰﺓ ﻭﺭﺍﺩﻭ ﻳﻔﺼﻠﻮﻫﻢ ﺑﺲ ﻋﻤﻮ ﻣﻄﻴﺢ ﺣﻈﻬﻢ ﺑﺎﻟﺪﻳﻮﺍﻥ ﻭﻛﺎﻳﻞ ﻣﺎﺍﺭﻳﺪ ﺍﺩﺧﻞ ﻟﺒﻴﺘﻲ ﻓﻠﻮﺱ ﺣﺮﺍﻡ ﻭﻫﻢ ﻇﺎﻟﻴﻦ ﺑﺲ ﻣﺪﻧﻜﻴﻦ ﻓﻀﻮ ﺍﻟﺴﺎﻟﻔﺔ ﻭﺧﻠﺼﻨﺎ ﺍﺟﺔ ﺷﻬﺮ ﺍﻟﺜﺎﻧﻲ ﻭﺍﺟﺖ ﻋﻄﻠﺔ ﻧﺼﻒ ﺍﻟﺴﻨﺔ ﻋﻤﺘﻲ ﺑﻌﺪﻫﺎ ﺗﻠﺢ ﻋﻠﻰ ﺍﻟﺰﻳﺎﺭﺓ ﺧﺎﻣﺲ ﻳﻮﻡ ﺑﺎﻟﺸﻬﺮ ﺍﻟﺜﺎﻧﻲ ﻣﻦ ﺍﻟﺼﺒﺢ ﻋﻤﺘﻲ ﺗﻠﺢ ﺗﺮﻳﺪ ﺯﻳﺎﺭﺓ ﺻﺎﺩﻑ ﻳﻮﻡ ﺧﻤﻴﺲ ﻋﻤﻲ ﻛﺎﻝ
ﺍﺑﻮ ﻣﺤﻤﺪ ....... ﺍﻣﻜﻢ ﺗﻈﻞ ﺗﻠﺢ ﻣﻨﺎ ﻟﻤﻦ ﺗﺮﻭﺡ ﺷﻮﻓﻮﻟﻨﺎ ﺳﻴﺎﺭﺓ ﻭﺑﺎﺟﺮ ﺟﻬﺰﻭ ﻧﻔﺴﻜﻢ ﺑﺤﻴﻞ ﺍﻟﻠﻪ ﻧﺮﻭﺡ ﻟﻜﺮﺑﻼﺀ
ﺭﻳﺎ ....... ﻋﻤﺘﻲ ﺳﻤﻌﺖ ﻫﻴﺞ ﻟﻮ ﺻﺎﺭ ﺑﻴﻬﺎ ﻛﻞ ﺍﻟﺤﻴﻞ ﻟﺒﺴﺖ ﻋﺒﺎﻳﺘﻬﺎ ﻭﺭﻛﻀﺖ ﻟﻠﺴﻮﻙ ﺟﺎﺑﺖ ﺩﺟﺎﺟﺘﻴﻦ ﻭﺟﺎﺑﺖ ﻣﺴﻮﺍﻙ ﻭﺍﺟﺖ ﻛﺎﻟﺖ
ﺍﻡ ﻣﺤﻤﺪ .......... ﺍﻟﻴﻮﻡ ﻧﺴﻮﻱ ﺛﻮﺍﺏ ﻻﺑﻮ ﻓﺎﺿﻞ ﻫﺎﻱ ﺩﺟﺎﺟﺘﻴﻦ ﺳﻮﻥ ﺑﺮﻳﺎﻧﻲ ﻭﺩﺟﺎﺝ ﻭﺍﺣﻤﺪ ﺧﺎﺑﺮﺗﻪ ﻳﺠﻴﺐ ﺳﻤﺞ ﺷﻮﻱ ﺯﻫﻴﺮﺓ ﺧﺎﺑﺮﻭ ﺍﺑﻮﺝ ﻳﻌﺰﻡ ﺳﺠﺎﺩ ﻭﻳﺠﻴﺐ ﻧﻮﺭﺓ ﻭﻳﺎ
ﺭﻳﺎ ........ ﻋﻠﻰ ﻫﻤﺔ ﻋﻤﺘﻲ ﺍﺣﻨﺔ ﻫﻢ ﻫﻤﻴﻨﺎ ﻛﻤﻨﺎ ﻧﺸﺘﻐﻞ ﻭﻧﺮﻭﺡ ﻫﻴﺞ ﻭﻧﺮﺟﻊ ﻫﻴﺞ ﻃﺒﺨﻨﺎ ﺍﻟﺒﺮﻳﺎﻧﻲ ﻭﺍﻟﺪﺟﺎﺝ ﺍﻧﻲ ﻭﺍﻛﻔﺔ ﻳﻢ ﺭﻭﺍﻥ ﺍﺗﻌﻠﻢ ﺷﻠﻮﻥ ﻳﻄﺒﺨﻦ ﻻﻥ ﻟﺤﺪ ﺍﻻﻥ ﻣﺎﻃﺎﺑﺨﺘﻠﻬﻢ ﻛﻠﻪ ﻟﻮ ﻋﻤﺘﻲ ﻟﻮ ﺭﻭﺍﻥ
ﻭﺍﻧﻲ ﮔﻠﻴﺖ ﺍﻟﺪﺟﺎﺝ ﻭﺍﻟﻌﺎﻟﻢ ﻛﻠﻬﺎ ﻋﺮﻓﺖ ﺍﻟﻴﻮﻡ ﺟﺎﻱ ﻧﮕﻠﻲ ﻣﻦ ﻋﻴﺎﻃﻲ ﻫﻬﻬﻬﻪ ﻋﻤﺘﻲ ﻛﻌﺪﺗﻨﺎ ﺑﺎﻟﺘﺮﻙ ﻧﻜﻠﻲ ﺣﺘﻰ ﻻﻳﺼﻴﺮ ﺩﻫﻦ ﺑﺎﻟﻤﻄﺒﺦ ﻛﻤﻠﻨﺎ ﺍﻟﻐﺪﺍﺀ ﺍﺟﺖ ﻧﻮﺭ ﻭﺧﻄﻴﺔ ﺑﻄﻨﻬﺎ ﺟﺒﻴﺮﺓ ﻫﻲ ﺑﻌﺮﺳﻨﺎ ﺣﺎﻣﻞ ﻭﻫﺴﺔ ﺍﻟﻬﺎ 6 ﺷﻬﻮﺭ ﻫﻢ ﻣﺎﻗﺒﻠﺖ ﺗﻜﻌﺪ ﺍﻻ ﺗﺴﻮﻱ ﺍﻟﺰﻻﻃﺔ ﻭﺯﻫﺮﺍﺀ ﺗﻜﻤﺰ ﻫﻴﺞ ﻭﻫﻴﺞ ﺗﻤﺴﺢ ﺍﻟﺒﻴﺖ ﻭﺍﻟﺠﻬﺎﻝ ﻳﻔﻮﺗﻮﻥ ﺭﺟﻠﻴﻬﻢ ﻧﻀﻴﻔﺔ ﺑﺲ ﻫﻲ ﺗﻈﻞ ﺗﻌﻴﻂ ﺗﺮﻳﺪﻩ ﻳﺒﻘﻰ ﻧﻀﻴﻒ ﻟﺒﺎﺟﺮ
ﺻﻌﺪﺕ ﺑﺴﺮﻋﺔ ﺳﺒﺤﺖ ﻭﺑﺪﻟﺖ ﻗﺒﻞ ﻻﻳﺠﻲ ﺣﻤﺰﺓ ﻭﻳﺸﻮﻓﻨﻲ ﺑﺮﻳﺤﺔ ﺍﻟﻤﻄﺒﺦ ﺍﻟﺠﻮ ﺑﺎﺭﺩ ﻃﻠﻌﺖ ﺍﺭﺟﻒ ﻟﻠﻐﺮﻓﺔ ﻭﺍﻟﺪﺧﺎﻥ ﻳﻄﻠﻊ ﻣﻦ ﺷﻌﺮﻱ ﻣﺎﻝ ﺍﻟﻤﺎﻱ ﺍﻟﺤﺎﺭ ﺩﺧﻠﺖ ﺷﻔﺖ ﺣﻤﺰﺓ ﻳﺒﺪﻝ ﻛﻮﺗﻠﻪ ﺍﺟﻴﺖ ﺣﺒﻴﺒﻲ
ﺣﻤﺰﺓ .......... ﻻ ﺑﺲ ﺍﻃﺒﻚ ﺍﻟﺴﻴﺎﺭﺓ ﻭﺍﺟﻲ ﻫﻬﻬﻬﻬﻬﻪ
ﺭﻳﺎ ......... ﺭﺣﺖ ﺑﺼﻔﻪ ﻭﺿﺮﺑﺘﻪ ﻋﻠﻰ ﺯﻧﺪﻩ ﺧﻔﻴﻒ ﻛﻮﺗﻠﻪ ﺷﻮﻛﺖ ﺗﺒﻄﻞ ﻫﺎﻱ ﺍﻟﺴﻮﺍﻟﻒ
ﺣﻤﺰﺓ .......... ﻣﻦ ﺗﻨﻄﻴﻨﻲ ﺑﻮﺳﺔ
ﺭﻳﺎ ........ ﺩﺭﻭﺡ ﺍﺳﺒﺢ ﺭﻭﺡ ﺣﻠﻮﺓ ﺳﻮﺍﻟﻔﻚ ﻻﺗﺒﻄﻠﻬﺎ
ﺣﻤﺰﺓ ......... ﻭﺍﻟﻠﻪ ﻣﺎﺍﺑﻄﻞ ﺳﻮﺍﻟﻔﻲ ﻭﺗﻨﻄﻴﻨﻲ ﺑﻮﺳﺔ ﺗﻌﺎﻱ ﻳﺎﻟﻠﻪ
ﺭﻳﺎ ........ ﺭﺩﺕ ﺍﻧﻬﺰﻡ ﻫﻮ ﻟﺰﻡ ﺍﻳﺪﻱ ﻛﻮﺓ ﻟﺤﻚ ﻋﻠﻴﺔ ﻭﺳﺤﺒﻨﻲ ﻭﺍﻧﻲ ﺍﺿﺤﻚ ﻭﻣﺨﻠﻴﺔ ﺍﻳﺪﻱ ﻋﻠﻰ ﺣﻠﻜﻲ ﻫﻮ ﻛﺎﻝ
ﺣﻤﺰﺓ ........ ﻭﺧﺮﻱ ﺍﻳﺪﺝ
ﺭﻳﺎ ........ ﺍﺿﺤﻚ ﻭﺍﻫﺰﻟﻪ ﺑﺮﺍﺳﻲ ﻳﻌﻨﻲ ﻻ
ﺣﻤﺰﺓ ........ ﺍﻧﺘﻲ ﺟﺒﺘﻴﻌﺎ ﻟﻨﻔﺴﺞ
ﺭﻳﺎ ......... ﺷﻤﺮﻧﻲ ﻋﻠﻰ ﺍﻟﺠﺮﺑﺎﻳﺔ ﻭﻇﻞ ﻳﺪﻏﺪﻍ ﺑﺒﻄﻨﻲ ﻭﺍﻧﻲ ﻣﻴﺘﻪ ﻣﻦ ﺍﻟﻀﺤﻚ ﺍﻟﺰﻡ ﺍﻳﺪﻩ ﺑﺲ ﻣﺪﺭﻱ ﺷﻠﻮﻥ ﻳﻔﻠﺘﻬﺎ ﻳﻤﺔ ﺑﻄﻨﻲ ﻭﺟﻌﺘﻨﻲ ﻣﻦ ﺍﻟﻀﺤﻚ ﻛﻮﺗﻠﻪ ﻛﺎﺍﺍﺍﻓﻲ ﻫﻬﻪ ﻛﺎﻓﻲ ﺍﻟﻠﻪ ﻋﻠﻴﻚ ﻛﺎﻓﻲ
ﻫﻮ ﺑﺴﺮﻋﺔ ﺑﺎﺳﻨﻲ ﺑﺪﺃ ﻳﺘﺠﺮﺃ ﺩﻓﻌﺖ ﺍﻳﺪﻩ ﻭﻭﺧﺮﺗﻪ ﻛﻮﺗﻠﻪ ﻛﺎﻓﻲ ﻳﻤﻌﻮﺩ ﻋﻴﺐ ﻣﻨﻬﻢ ﺍﺳﺒﺢ ﺭﺍﺡ ﻳﺄﺫﻥ ﻭﺍﺗﺼﺐ ﻏﺪﺍﺀ
ﺣﻤﺰﺓ ......... ﻣﻀﻤﻮﻣﺘﻠﺞ ﺗﺮﺓ ﻭﺗﺪﺭﻳﻦ ﺑﻴﺔ ﻣﻦ ﺍﺿﻢ
ﺭﻳﺎ ........ ﻳﻤﺔ ﺍﺫﺍ ﻛﺎﻝ ﻣﻀﻤﻮﻣﺘﻠﺞ ﻳﻌﻨﻲ ﻳﺎﺧﺬ ﺣﻘﻪ ﻣﺮﺑﻊ ﻫﻬﻬﻬﻬﻬﻬﻬﻪ ﻛﻮﺗﻠﻪ ﺗﺨﻮﻑ ﺿﻤﺎﺗﻚ ﻫﻮ ﺿﺤﻚ ﻏﻤﺰﻟﻲ ﻭﺭﺍﺡ ﺍﻧﻲ ﺧﻠﻴﺖ ﻣﻼﺑﺴﻪ ﻋﻠﻰ ﺍﻟﭽﺮﺑﺎﻳﺔ ﻭﻧﺰﻟﺖ ﺟﻮﺓ ﻳﻢ ﺍﻟﺒﻨﺎﺕ ﺍﺫﻥ ﺍﻻﺫﺍﻥ ﺻﻠﻴﻨﺎ ﻭﺻﺒﻴﻨﺎ ﻏﺪﺍﺀ
ﺍﻟﻮﻟﺪ ﺗﻐﺪﻭ ﻭﺣﺪﻫﻢ ﻭﺍﺣﻨﺔ ﻭﺣﺪﻧﺎ ﻛﻌﺪﻧﺎ ﺑﻐﺮﻓﺔ ﻋﻤﺘﻲ ﻭﺫﺑﻴﻨﺎ ﺍﻟﺤﺠﺎﺑﺎﺕ ﻭﻧﺎﻛﻞ ﻭﻧﺴﻮﻟﻒ ﻭﻧﻀﺤﻚ ﺑﺎﻻﺧﺺ ﺳﻮﺍﻟﻒ ﻋﻠﻰ ﺍﻟﻌﺮﻛﺔ ﺯﻫﺮﺍﺀ ﻛﺎﻟﺖ
ﺯﻫﺮﺍﺀ .......... ﻫﻬﻬﻬﻬﻬﻬﻬﻬﺎﺍﺍﻟﻲ ﻧﻮﺭ ﻓﺎﺗﺘﺞ ﺭﻳﺎ ﻣﺎﺷﻔﺘﻴﻬﺎ ﺻﺎﺭﺕ ﻋﻮﺩ ﺑﻄﻠﺔ ﻭﻋﺒﺎﻟﻬﺎ ﺍﺣﻨﺔ ﻛﺎﻋﺪﻳﻦ ﺑﻤﺴﻠﺴﻞ ﺳﻮﺭﻱ ﺭﻛﻀﺖ ﻟﺤﻤﺰﺓ ﻭﺗﻜﻮﻟﻪ ﻋﻔﻴﺔ ﻻﺗﺮﻣﻲ ﻋﺒﺎﻟﻬﺎ ﺭﺍﺡ ﻳﺴﻤﻌﻬﺎ ﺷﻮ ﺣﻤﺰﺓ ﺷﻤﺮﻫﺎ ﺑﺎﻟﻜﺎﻉ ﻭﺍﻟﻌﺎﻟﻢ ﻋﺎﻓﺖ ﺣﻤﺰﺓ ﻭﺍﺟﻮ ﻟﺮﻳﺎ ﻛﻠﻬﺎ ﺗﺼﻴﺢ ﺍﻟﻠﻪ ﺍﻟﻠﻪ ﺧﺎﻳﺒﺔ ﻋﺰﻫﺎ ﺑﺲ ﺗﻜﻮﻝ ﺍﺑﻦ ﻋﻤﻤﻤﻤﻴﻴﻲ ﻭﻳﻦ ﺭﺍﻳﺢ ﺗﻌﺎ ﻟﻬﻮﻭﻭﻭﻥ
ﺭﻳﺎ ......... ﻫﻬﻬﻬﻬﻬﻪ ﻭﺟﻊ ﺍﻟﻮﺟﻌﺞ ﻟﻌﺪ ﺗﺮﻳﺪﻳﻨﻲ ﺍﻛﻌﺪ ﻭﺍﺳﻜﺖ ﻭﻫﻮ ﻻﺯﻡ ﺳﻼﺡ ﻭﻳﺮﻳﺪ ﻳﻘﺘﻞ ﺍﻟﻮﻟﺪ
ﺯﻫﺮﺍﺀ ......... ﺧﺎﻳﺒﺔ ﺯﻟﻢ ﻣﺸﻮﺭﺑﺔ ﻣﺎﻛﺪﺭﻭﻟﺔ ﺍﻧﺘﻲ ﺗﻜﺪﺭﻳﻠﺔ ﺍﻡ ﻳﻘﺘﻞ
ﺭﻭﺍﻥ .......... ﺧﺎﻳﺒﺔ ﺍﻟﺼﻴﺤﺔ ﻛﺎﺑﺔ ﻭﺍﻟﻌﺎﻟﻢ ﻣﺘﻤﺎﻟﺨﺔ ﻭﻋﻠﻮﺵ ﺍﺟﺎﻧﻲ ﻭﻳﻌﻴﻂ ﻣﺎﻣﺎ ﺑﺘﻴﺘﺔ ﻣﺎﻣﺎ ﺑﺘﻴﺘﺔ
ﺯﻫﺮﺍﺀ ........ ﺍﺳﻜﺘﻲ ﺍﺳﻜﺘﻲ ﺭﻭﺍﻥ ﺟﻬﺎﻟﺞ ﺩﻭﻡ ﻣﺴﻮﻳﻠﻨﺎ ﻣﺼﻴﺒﺔ ﻭﻣﺨﻠﻴﻦ ﺍﻟﻌﺎﻟﻢ ﺗﻀﺤﻚ ﺟﺎ ﻧﺴﻴﺘﻲ ﺑﻌﺮﺱ ﻣﺼﻄﻔﻰ ﺍﺑﻦ ﻋﻤﻲ ﻫﺎﺷﻢ ﺧﺎﻳﺒﺔ ﺭﻳﺎ ﺯﻓﻮ ﻣﺼﻄﻔﻰ ﻟﻐﺮﻓﺘﻪ ﻫﻮ ﻭﺍﻟﻌﺮﻭﺱ ﻭﺳﺪﻭ ﺍﻟﺒﺎﺏ ﻭﺍﺣﻨﺔ ﻧﺮﻳﺪ ﻧﺮﺟﻊ ﻧﺪﻭﺭ ﻋﻠﻰ ﻋﻠﻮﺵ ﻣﺎﻛﻮ ﺍﺟﺎﻧﺔ ﻣﺼﻄﻔﻰ ﻣﺸﻌﻮﻁ ﻭﺷﺎﻳﻠﻪ ﻣﻦ ﻣﻼﺑﺴﻪ ﻭﻫﺬﺍ ﻛﺎﻋﺪ ﻳﺎﻛﻞ ﺑﺎﻟﺤﻤﺮﺓ ﻭﻣﻜﺴﺮ ﻧﺺ ﺍﻟﺤﻤﺮ ﻭﺍﻟﻌﺮﻭﺱ ﻇﺎﻟﺔ ﺗﻠﻄﻢ ﻭﻫﺬﺍ ﺣﻠﻜﺔ ﻣﺎﻳﻨﺸﺎﻑ ﻣﻦ ﺍﻟﺤﻤﺮ ﺷﻠﻮﻥ ﺯﺭﻙ ﻟﻠﻐﺮﻓﺔ ﻣﺤﺪ ﻳﺪﺭﻱ
ﻧﻮﺭ ........ ﺧﺎﻳﺒﺔ ﺍﺳﻜﺘﻲ ﺍﺳﻜﺘﻲ ﺟﺎ ﻧﺴﻴﺘﻲ ﻋﻤﻠﺘﻨﺎ ﺑﻌﺮﺱ ﻛﺮﺍﺭ ﻣﻦ ﺧﻠﻴﻨﺎ ﻛﺮﺍﺭ ﻳﻄﺐ ﻟﻐﺮﻓﺘﻪ ﻧﺺ ﺳﺎﻋﺔ ﻫﻴﺞ ﻭﺧﻠﻴﻨﺎ ﻃﻜﺎﻛﺔ ﺟﻮﺓ ﺍﻟﺒﺎﺏ ﻭﻓﻠﺘﻨﺎ ﻫﺎﻱ ﻋﻤﻠﺔ ﺭﻗﻴﺔ ﺍﺧﺖ ﻛﺮﺍﺭ ﻛﺎﻟﺖ ﺍﻻ ﺍﻫﺠﺠﺔ ﺑﻌﺮﺳﻪ ﻭﺻﺪﻙ ﻃﻠﻊ ﻛﺮﺍﺭ ﻓﺎﻳﺮ ﻭﻟﻜﻢ ﻳﺎﻫﻮ ﺍﻟﺸﻤﺮ ﻃﻜﺎﻛﺔ ﺑﺎﻟﻐﺮﻓﺔ ﻭﺭﻳﺤﺔ ﺍﻟﺸﻌﻮﺍﻁ ﻣﺎﻝ ﺍﻟﻐﺮﻓﺔ ﻟﻠﺴﺘﺎﺭ
ﺭﻳﺎ ....... ﻫﻤﺰﻳﻦ ﻋﺮﺳﻨﺎ ﺑﻌﻴﺪ ﻋﻨﻜﻢ ﺟﺎﻥ ﺳﻮﻳﺘﻮﻟﻨﺎ ﻓﻠﻢ
ﺯﻫﺮﺍﺀ ........ ﺍﻳﻴﻲ ﺷﻜﺪ ﺿﺠﻨﺎ ﻭﻋﻠﻲ ﻣﻮ ﺟﻦ ﻋﻨﺪﻧﺎ ﻋﺮﺱ ﻛﻠﻬﺎ ﻛﺎﻋﺪﺓ ﻭﺳﺎﻛﺘﺔ ﻭﺍﺣﻨﺔ ﺟﻨﻨﺎ ﺑﻜﻞ ﻋﺮﺱ ﺍﺣﻨﺔ ﺑﺎﻟﻤﻘﺪﻣﺔ ﻭﻧﺴﻮﻳﻠﻨﺎ ﺑﻠﻮﺓ ﺑﺎﻟﻌﺮﻳﺲ
ﺭﻳﺎ ....... ﺑﺎﻭﻋﺖ ﻟﺮﻭﺍﻥ ﻣﻴﺘﺔ ﻣﻦ ﺍﻟﻀﺤﻚ ﻭﺗﻮﻛﻞ ﺑﺄﺑﻨﻬﺎ ﺣﺴﻮﻧﻲ ﻛﻮﻟﺘﻠﻬﻦ ﻭﺭﻭﺍﻥ ﻭﻣﺤﻤﺪ ﻫﻦ ﻃﻜﻨﻬﺎ ﺿﺤﻜﺔ ﻭﻏﺼﻦ ﻣﻦ ﺍﻟﻀﺤﻚ ﺣﺘﻰ ﻋﻤﺘﻲ ﺿﺤﻜﺖ ﺍﻧﻲ ﺿﺤﻜﺖ ﻋﻠﻰ ﺿﺤﻜﻬﻦ ﻛﻮﻟﺘﻠﻬﻦ ﻫﺎﺍﺍﺍ ﺷﻨﻮ ﺷﻤﺴﻮﻳﻦ ﺑﻴﻬﻢ
ﺯﻫﺮﺍﺀ ﻏﺎﺻﺔ ﺑﺎﻟﻀﺤﻚ ﻭﺗﺄﺷﺮ ﻋﻠﻰ ﻧﻔﺴﻬﺎ ﻭﺗﻀﺤﻚ ﻧﻮﺭ ﻛﺎﻟﺖ
ﻧﻮﺭ ......... ﻭﻟﺞ ﺳﻮﻳﻨﺎﻟﻨﺎ ﻓﻠﻢ ﻋﻠﻴﻬﻢ ﺣﺮﻛﻨﺎ ﺣﺮﻙ ﺯﻫﺮﺍﺀ ﺟﺎﻥ ﻋﻤﺮﻫﺎ 13 ﺳﻨﺔ ﻭﺗﻮﻫﺎ ﺟﺎﻳﺘﻬﺎ ﺍﻟﺸﻬﺮﻳﺔ ﻭﻫﺎﻱ ﺍﻭﻝ ﻣﺮﺓ ﺗﻨﺰﻝ ﻋﻠﻴﻬﺎ ﻭﻛﺎﻣﺖ ﺑﻄﻨﻬﺎ ﺗﻮﺟﻌﻬﺎ ﺍﻣﻲ ﻛﺎﻟﺘﻠﻬﺎ ﻋﻮﻓﻲ ﺍﻟﻌﺮﺱ ﻭﺍﺻﻌﺪﻱ ﻓﻮﻙ ﻭﻟﺰﻣﻨﺎﻫﺎ ﺍﻧﻲ ﻭﺭﻗﻴﺔ ﺑﻨﺖ ﻋﻤﻲ ﺭﻳﺴﺎﻥ ﻭﺍﺳﻤﺎﺀ ﺑﻨﺖ ﻋﻤﻮ ﺻﺎﻟﺢ ﻭﻓﺮﺷﻨﺎﻟﻬﺎ ﺑﻐﺮﻓﺔ ﻣﺤﻤﺪ ﻭﺭﺍﺀ ﺍﻟﺠﺮﺑﺎﻳﺔ ﺣﺘﻰ ﻻﺗﻨﺸﺎﻑ ﻭﺯﻓﻴﻨﺎ ﻣﺤﻤﺪ ﻭﺭﻭﺍﻥ ﻭﺭﻛﺺ ﻭﻫﺎﻱ ﺍﻟﻐﻤﺔ ﻛﻠﺸﻲ ﻣﺎﺗﻌﺮﻑ ﻋﺒﺎﻟﻬﺎ ﺍﻟﻌﺮﻳﺲ ﻳﻨﺎﻡ ﺑﺎﻻﺳﺘﻘﺒﺎﻝ ﻣﻮ ﻳﻢ ﺯﻭﺟﺘﻪ ﻛﻠﺸﻲ ﻣﺎﺗﻔﺘﻬﻢ ﻇﻠﺖ ﻧﺎﻳﻤﺔ ﺣﻠﺘﻠﻬﺎ ﺍﻟﻨﻮﻣﺔ
ﺩﺧﻠﻮ ﻣﺤﻤﺪ ﻭﺭﻭﺍﻥ ﻭﻋﻮﺩ ﻣﺤﻤﺪ ﺻﺎﻳﺮ ﺭﻭﻣﺎﻧﺴﻲ ﻭﻳﺒﻮﺱ ﺑﺎﻻﺧﺖ ﻭﻳﻜﻮﻟﻠﻬﺎ ﺗﺮﻭﺣﻠﺞ ﻓﺪﻭﺓ ﻋﺸﻴﺮﺗﻲ ﻭﻫﺎﻱ ﻃﺎﻟﻌﺘﻠﻬﻢ ﻣﻦ ﻭﺭﺍﺀ ﺍﻟﺠﺮﺑﺎﻳﺔ ﻛﺎﻳﻠﺘﻠﻪ ﺍﺫﺍ ﻣﺎﻛﻮﻟﺖ ﻻﺑﻮﻱ ﻳﺒﻮﺱ ﺑﺎﻟﺒﻨﺖ ﻭﻳﻜﻮﻟﻠﻬﺎ ﺗﺮﻭﺣﻠﺞ ﻓﺪﻭﺓ ﻋﺸﻴﺮﺗﻲ ﻭﻣﺤﻤﺪ ﻣﺤﺘﺎﺭ ﺷﻴﺴﻮﻱ ﻭﻫﺎﻱ ﺍﻟﻔﺎﻫﻴﺔ ﺷﺎﻳﻔﺔ ﺧﻠﻘﺔ ﺯﻫﺮﺍﺀ ﺍﻟﻜﻮﺷﺔ ﺷﻜﺒﺮﻫﺎ ﻭﺍﻟﻮﺟﻪ ﺍﺻﻔﺮ ﻭﺟﻨﻬﺎ ﻛﺼﺒﺔ ﻇﺎﻟﺔ ﺗﺼﻴﺢ ﺟﻨﻲ ﺟﻨﻲ ﺑﺎﻟﻌﺒﺎﺱ ﻟﻠﺼﺒﺢ ﻧﻐﻔﺔ ﻭﻧﻔﺰ ﻧﻀﺤﻚ ﻋﻠﻴﻬﻢ
ﺯﻫﺮﺍﺀ ....... ﺧﺎﻳﺒﺔ ﺍﻟﺤﻠﻮﺓ ﻃﻠﻌﺖ ﻣﻦ ﺍﻟﻐﺮﻓﺔ ﻛﻮﺷﺘﻲ ﺷﻜﺒﺮﻫﺎ ﻭﭼﻨﻲ ﺟﻨﻴﺔ ﻭﺍﻟﻜﺎﻫﻢ ﻛﻠﻬﻢ ﺑﺎﻟﺒﺎﺏ ﻫﺬﻳﺞ ﺗﺼﺮﺥ ﺟﻮﺓ ﻭﺍﻧﻲ ﺍﺑﭽﻲ ﻭﺍﺷﺘﻜﻲ ﻻﺑﻮﻱ ﻫﺴﺔ ﺧﻠﻴﻨﻲ ﺍﺷﺘﻜﻲ ﻣﺎﺍﺩﺭﻱ ﺷﺒﻴﺔ ﺍﺑﭽﻲ ﻭﺳﻮﻟﻔﺘﻠﻬﻢ ﻛﻠﺸﻲ ﺻﺎﺭ ﺑﺎﻟﻐﺮﻓﺔ ﻭﻋﻤﻲ ﻫﺎﺷﻢ ﺻﺎﺭ ﻋﺼﺒﻲ ﻭﺻﺎﺡ ﻋﻠﻴﻨﺎ ﻛﻠﻨﺎ ﺳﻜﺘﻨﺎ ﻫﻮ ﺩﺍﺭ ﻭﺟﻬﻪ ﻭﻃﻜﻬﺎ ﺿﺤﻜﺔ ﻣﺎﺗﺤﻤﻞ ﻭﺍﺣﻨﺔ ﻛﻠﻨﺎ ﺻﺎﺭ ﺻﻮﺕ ﺍﻟﻀﺤﻚ ﻣﺎﻟﺔ ﻭﺍﻟﻲ
ﺭﻳﺎ ......... ﻫﻦ ﻳﺴﻮﻟﻔﻦ ﻭﺍﻧﻲ ﺩﻣﻮﻋﻲ ﺗﺼﺐ ﻣﻦ ﻛﺜﺮ ﺍﻟﻀﺤﻚ ﺧﻮ ﻛﻠﺸﻲ ﻣﺎﺍﻛﻠﻨﺎ ﺑﺲ ﻧﻀﺤﻚ ﺑﻌﺪﻧﺎ ﻧﻀﺤﻚ ﻭﺯﻋﻞ ﻋﻠﻮﺵ ﻭﺷﺎﻝ ﻃﺎﺳﺔ ﺍﻟﻤﺮﻙ ﻭﺷﻤﺮﻫﺎ ﻓﻮﻙ ﺭﺍﺱ ﺷﻤﻮﺳﺔ ﺍﺧﺘﻪ ﻳﺎﺑﺔ ﻧﺮﻳﺪ ﻧﺴﻜﺖ ﻣﺎﻛﻮ ﺭﻭﺍﻥ ﻏﺼﺖ ﻭﻃﻠﻌﺖ ﺗﺮﻛﺾ ﻭﺍﻧﻲ ﺗﻤﺪﺩﺕ ﻭﻻﺯﻣﺔ ﺑﻄﻨﻲ ﻭﻧﻮﺭ ﺗﺼﻴﺢ
ﻧﻮﺭ ....... ﻫﻬﻬﻬﻬﻬﻬﻬﻬﻬﻪ ﻭﻟﺠﻦ ﺭﺍﺍﺍﺍﺍﺡ ﺍﺟﻴﻴﻴﺐ ﻫﻬﻬﻬﻬﻬﻬﻪ
ﺭﻳﺎ ........ ﻋﻤﺘﻲ ﻏﺼﺖ ﻣﻦ ﺍﻟﻀﺤﻚ ﻭﺍﻟﻠﻪ ﺿﺤﻜﻨﺎ ﺑﻴﻮﻣﻬﺎ ﺿﺤﻚ ﻣﺎﺻﺎﻳﺮ ﻛﻤﻨﺎ ﻏﺴﻠﻨﺎ ﻣﻮﺍﻋﻴﻦ ﻭﺍﺣﻨﺔ ﺑﻌﺪﻧﺎ ﻧﻀﺤﻚ ﻭﺳﻮﻳﻨﺎ ﭼﺎﻱ ﺍﺟﺔ ﺣﻤﺰﺓ ﺷﺎﻓﻨﺎ ﻧﻀﺤﻚ ﻛﺎﻝ
ﺣﻤﺰﺓ ......... ﺑﺴﺠﻦ ﺗﻤﻀﺤﻚ ﺍﻟﭽﺎﻱ ﻭﻳﻦ
ﺯﻫﺮﺍﺀ ........ ﻻ ﻋﺒﺎﻟﻜﻢ ﻓﻠﺘﺘﻮ ﺑﻴﻬﺎ ﺑﻴﺖ ﺣﻤﺰﺓﺍﺳﻮﻳﻠﻜﻢ ﺑﻠﻮﺓ ﻟﻮ ﺗﺸﻴﺒﻮﻥ ﺑﺲ ﺑﻌﺪﻧﻲ ﻣﺎﻣﻔﻜﺮﺓ
ﺣﻤﺰﺓ .......... ﺯﻫﻴﺮﺓ ﺧﻠﻲ ﺑﻼﻭﻳﻴﺞ ﺑﻴﻌﺪ ﻋﻠﻴﻨﺎ
ﺭﻳﺎ ........ ﺭﺣﺖ ﺣﻈﻨﺖ ﻛﺘﻔﻪ ﻛﻮﻟﺘﻠﻬﺎ ﺣﺒﻴﺒﻲ ﻳﻤﻲ ﻣﺎﺍﺧﺎﻑ ﻣﻦ ﺑﻼﻭﻳﻴﺞ
ﻧﻮﺭ ......... ﺧﻔﻲ ﻋﻠﻴﻨﺎ ﺍﻡ ﺣﺒﻴﺒﻲ ﻫﻮ ﺣﺒﻴﺒﺞ ﺟﺎﻥ ﻣﻮﻛﻒ ﺍﻟﻌﺎﻟﻢ ﺗﻚ ﺭﺟﻞ ﻏﻴﺮ ﻣﺮﺓ ﺳﻮﺍﻟﻪ ﺳﺎﻟﻔﺔ ﺧﻠﺔ ﻋﻤﻲ ﺻﺎﻟﺢ ﻳﻤﺸﻲ ﺣﺎﻓﻲ ﻭﻳﺘﺤﻠﻔﻠﺔ ﺑﺲ ﻛﻮﻥ ﻳﻠﺰﻣﻪ
ﺭﻳﺎ ......... ﺣﻤﺰﺓ ﺿﺤﻚ ﻭﺍﺧﺬ ﺍﻟﭽﺎﻱ ﻭﺭﺍﺡ ﻭﺍﺣﻨﺔ ﻛﻤﻠﻨﺎ ﻛﻌﺪﺗﻨﺎ ﻭﺳﻮﺍﻟﻒ ﻭﺿﺤﻚ ﻋﺠﻨﻨﻨﺎ ﻛﻠﻴﺠﺔ ﺣﺘﻰ ﻧﺎﺧﺬ ﻛﻠﻴﺠﺔ ﻭﻳﺎﻧﺎ ﻭﺭﻭﺍﻥ ﺳﻮﺕ ﻛﻴﻚ ﻭﻛﻌﺪﻧﺎ ﻧﺴﻮﻱ ﺑﺎﻟﻜﻠﻴﺠﺔ ﺻﺪﻙ ﺗﻮﻧﺴﻨﺎ ﺑﻴﻮﻣﻬﺎ ﻟﻠﻴﻞ ﺻﻌﺪﺕ ﻟﻐﺮﻓﺘﻲ ﺑﺪﻟﺖ ﻭﺧﻠﻴﺖ ﻣﻜﻴﺎﺝ ﻭﺟﺎﻱ ﺍﻣﺸﻂ ﺑﺸﻌﺮﻱ ﻭﺩﺧﻞ ﺣﻤﺰﺓ ﺑﺲ ﺷﺎﻓﻨﻲ ﺻﻮﻓﺮ ﻭﻛﺎﻝ
ﺣﻤﺰﺓ ........ ﻫﻼﻭﻭﻭﻭ ﺗﺬﻛﺮﺕ ﺍﻧﻲ ﺍﻃﻠﺒﺞ
ﺭﻳﺎ ........ ﻫﻬﻬﻬﻬﻬﻬﻪ ﻟﻴﺶ ﺍﻧﺖ ﻳﺎﻳﻮﻡ ﻣﺎﺗﻄﻠﺒﻨﻲ ﻫﻮ ﺍﺟﺔ ﻭﺣﻈﻨﻨﻲ ﻭﻇﻞ ﻳﺒﻮﺱ ﺑﺮﻛﺒﺘﻲ ﻭﻳﺘﻐﺰﻝ ﻭﻭﻭﻭﻭﻭﻭ ﺗﺄﺧﺮﻧﺎ ﻳﺎﻟﻠﻪ ﻧﻤﻨﺎ ﻛﻌﺪﻧﺎ ﺑﺼﻼﺓ ﺍﻟﺼﺒﺢ ﻋﻤﺘﻲ ﺗﺪﻙ ﺑﺎﻟﺒﺎﺏ ﺗﻜﻌﺪﻧﺎ ﻛﻤﻨﺎ ﺳﺒﺤﻨﺎ ﻭﺻﻠﻴﻨﺎ ﻭﺟﻬﺰﻧﺎ ﻧﻔﺴﻨﺎ ﺣﻤﺰﺓ ﻓﺎﺕ ﺷﺎﻓﻨﻲ ﻻﺑﺴﺔ ﺑﻨﻄﺮﻭﻥ ﻫﻮ ﻣﺎﻗﺒﻞ ﻭﻛﺎﻝ
ﺣﻤﺰﺓ .......................
