 |
رواية دار الايتام الجزء الثاني (ما بين الحلم والحقيقة) الفصل السابع والعشرون بقلم اميرة اسامة
ابتدا الصبح يطلع وكل واحد فيهم في دنيا تانيه مع اللي بيحبه..
تمارا...من داخل حضن جاسر ..
جاسررر
جاسر....ايه ياحبيبي
تمارا...هو احنا هنفضل هنا مش هنخرج بقي
شال جاسر السيجاره ونفخ الدخان بعيد
جاسر...ايه زهقتي مني بسرعه كده
تمارا...زهقت؟؟انا لو عليا عايزه افضل معاك علي طول بس مش عيزاهم يقلقوا
جاسر...هيقلقوا ليه ماهما عارفين انك معايا انتي زهقتي انا عارف🤨
تمارا...بضحك والله ابدا بس بصراحه انا محروجه من ليل وادم ونوح اوي
جاسر...ده علي اساس مش كل واحد فيهم واقع ولا ايه
تمارا...حتي لو بس احنا بقالنا كتير اوي مع بعض
جاسر...حاضر يا حبيبي يلا بينا
تمارا...يلا
خرج جاسر وتمارا مع بعض وهو ماشي شابك ايده في ايدها
........
اما عند ليل وعشق فاكان ليل اعد بيشرب سيجاره وواخد عشق في حضنه وكف ايده علي راسها بحنيه. وهي رايحه فالنوم وفي عالم تاني حضن ليل والبحر وصوت الموج والهوا..❣️
مكانش ليل عايز يصحيها ولا كان عايز يرجعها الشاليه كان عايزها في حضنه وبس
لمح ليل جاسر وتمارا خارجين وجاسر بيبتسمله وبيغمزله
مكانش ليل عارف يتصرف عشان مش حابب عشق تتحرج ولا هاين عليه يصحيها ويخرجها من حضنه
جاسر....اعدتي تقولي نخرج نخرج اهو كل واحد فيهم مع نفسه
تمارا...بقولك ايه
جاسر...يانعم
تمارا...تعالي نمشي عالشاليه مش عايزه تضايق ولا تتحرج
جاسر...مع اني عايز ارخم علي ليل بس ماشي عشان خاطر عشق بس
تمارا...بضحك رخم اوي
جاسر...اوي😂
.......
ليل...عشق حبيبي اصحي يلا
عشق..فتحت عينها وخرجت من حضنه
عشق....ايه ده انا نمت ازاي
ليل...حضني نيمك
ابتسمت عشق بأحراج
ليل...دخلي شعرك جوه جاسر جاي مع تمارا هناك
عشق....ايه ده هما شافوني وانا نايمه
ليل...لا يا حبيبي هما جايين بيتكلموا مش واخدين بالهم انا صحيتك علي طول
عشق....تمام
قرب جاسر وتمارا منهم لما لمحوا عشق صحيت
جاسر....صباح الفل
ليل... صباح النور يا خويا
اعد جاسر جمبهم هو وتمارا
تمارا...ايه فين الباقي
ليل...والله ماعارف انا خدت عشق نتمشي عالبحر وهما قالوا هيروحوا يكملوا سهرتهم وميرنا فالشاليه مرضيتش تخرج
عشق...عامله ايه الوقت
تمارا...تمام
جاسر....يعني ينفع تسأليها عامله ايه وانا معاها خلاص صالحتني طبعا هي تقدر تستغني عني😉😉
تمارا...قصدك ايه يعني🤨
ليل...بقول ايه انت وهي مش عايز بعد كده لعب عيال وانتي ياتمارا بالذات الواد بيحبك وانا اول مره اشوفه كده ياريت مفيش اي حاجه تبوظ اللي بينكم بعد كده
مفهوم
جاسر....انا تمام هي بس تبطل عصبيتها والجنان بتاعها
تمارا...حاضر ياليل
ليل....بأذن الله اول ما نرجع هنظبط كل حاجه الايام الجايه دي هنخلص موضوع ادم وزهره وانت وتمارا وان شاء الله نطمن علي حاج محمد ونفرح بنوح ونور
عشق...يارب يقوم بالسلامه
تمارا...وحشني اوي
عشق...انا كمان وحشني بجد
ليل....وحشنا كلنا الراجل الطيب ده و حاسس انه قريب هيقوم بألف خير
جاسر...يارب يشفيه
ليل...المهم ان شاء الله كل حاجه هتتظبط اليومين الجايين دول وهنخلص منكم كلكم عشان افضي لنفسي بقي
جاسر...بيحاول يرخم عليه ايوه هتعمل ايه بقي 🙄
ليل....ملكش فيهجاسر...الله ماليش فيه ايه بس يعني انت حامل همنا كلنا لازم نشوفلك عروسه
كتمت تمارا ضحكتها انا عشق فا كانت بتبص بعيد عنهم عشان تضيع احراجها.
ليل...متقلقش العروسه عندي
جاسر....ايه ده بجد طب هي مين
ليل...انت عايز تضرب صح
جاسر..بضحك انا ليه طيب تصدق انا غلطان وعموما بردو عشان بحبك عروستك عندي
ليل...ايه اشتغلت خاطبه
جاسر...عشانك اشتغل اي حاجه
تمارا....علي فكره انا عارفه العروسه😂😂😂
ليل...تصدقوا بالله ان انتو الاتنين لايقين علي بعض حقيقي نفس الرخامه
تمارا...بضحك طب وانا مالي
جاسر...رخمين عشان خايفين علي مصلحتك ولا ايه يا عشق
جم فالوقت ده زهره وادم ونوح ونور
نوح...ياصباح الفل بتعملوا ايه
جاسر...تعالوا اعدوا وهشهدكم علي ليل
ليل...ليلت امك شكلها مش فايته
جاسر...بضحك يا ابني انت حاطتني في دماغك ليه بس انا قلبي عليك
ادم...في ايه
جاسر...احضرنا ياادم انت عاقل
ادم...اعد قول يا اخويا
اعدوا الاربعه معاهم عالرمل
جاسر..بص يا سيدي ليل بيقول البومين الجايبن دول اول ما ننزل هنخلص موضوعك انت وزهره وانا وتمارا ونور ونوح ان شاء الله بس نطمن علي حاج محمد
ادم...حلو فين المشكله
جاسر...المشكله اني بقوله عندي ليك عروسه هو زعلان
ادم...وزعلان ليه يا ليل ايه ناوي تعيش كده
ليل...لا ياسيدي مش ناوي بس اطلعوا انتوا منها بس
نوح...انا كمان عندي ليك عروسه قمر علي فكره
ليل...ده واضح ان العيله كلها بقت خاطبه عموما ارتاحوا انا عندي العروسه اخلص منكم وهتجوزها
نوح...وهو بيغمزله طب قول اول حرف
ليل...بضحك والله العظيم انا ما عايز اضرب حد فيكم
عشق...قامت وقفت عشان تخلص من الاحراج اللي هي فيه ...احنا اتأخرنا علي
ميرنا مش هنقوم ولا ايه
نوح...الله ده في هروب😂😂😂
ليل...وهو باصصله بغيظ😡
نوح...انت هتتحول ولا ايه ياليل انا طيب والله😂😂😂
عشق...اهرب ليه انا مش بهرب ههرب ليه اصلا🙄 انا بس عايزه اروح اشوف ميرنا بقالنا كتير سايبنها
مسكها ليل من كف ايدها اوي وبصلها حست عشق ان بالتوتر والارتباك اكتر من لمسته ليها ادامهم
ليل...اعدي ياعشق
عشق...ايوه بس
ليل...اعدي بس
اعدت عشق وسحبت ايدها منه براحه وشها اتحول للون الاحمر
ليل....بقول ايه فككم من الهبل ده بقي خلينا فالمهم الساعه الوقت 6ومحدش فينا نام واظن بكره احنا هنمشي علي المغرب ان شاء الله يعني انهرده اخر يوم لينا
فا زي الشاطرين كده تقوموا الوقت تلحقوا تناموا شويه الساعه 12الضهر كده ننزل عالبحر وبليل نخرج ونسهر براحتنا وابقوا ارجعوا ناموا بكره طبعا مفيش نزول بحر عشان مفيش وقت وعشان نقدر نسوق يادوب نتغدي ونبتدي نتحركو
جاسر...تمام خلونا نلحق ننام شويه عشان انا فاصل فعلا
ادم...ماشي يلا بينا
قام الكل اتحركوا
مشيت عشق جمب ليل وهي مضايقه
بصلها ليل.
ليل...🤨🤨حبيبي مبوز ليه
عشق...ابدا مفيش
ليل...عليا انا انتي مضايقه من الرخمين دول صح
عشق...مش مضايقه بس اتحرجت بجد
ليل...ليه يا حبيبي بس هو في حد ليه حاجه عندنا وبعدين هو احنا بنعمل حاجه غلط احنا بنحب بعض زي ما هما بيحبوا بعض
عشق...ايوه بس هما قالوا ده ادامنا لاكن احنا لا
ليل...يعني انتي مشكلت اننا مش قولنا خلاص يا ستي استني انادي عليهم واقولهم
مسكت عشق ايده بسرعه ليل بطل جنان والنبي
ضحك ليل...طيب خلاص جبانه اوي.
بعد مده بسيطه دخل كل واحد فيهم عالشاليه
كانت ميرنا نايمه
تمارا...دي نامت
عشق...سيبوها نايمه متصحوهاش
صحيت ميرنا ...ايه ده انتوا رجعتوا
نور...لا لسه انتي بتحلمي
ميرنا...بابتسامه بس يارخمه..بتعملوا ايه كل ده وصيعتوا فين
زهره...مفيش كل واحد فينا اعد في مكان انتي نمتي امته
ميرنا...انا لسه نايمه من شويه صغيره
تمارا...وايه اللي مصحيكي يا اختي كل ده لوحدك
ميرنا...بفرحه كنت بكلم هادي لسه قافل معايا من شويه
تمارا...ايوه يا عم يعني كنتي بتصيعي زينا فالتليفون
ميرنا...كده بصيع
تمارا...ايوه تمشي تحت بند الصياعه بردو
ميرنا...بضحك ماشي نمشيها
نور...ايه في جديد
ميرنا...مفيش اعد يتكلم معايا كتير ويحكيلي عن كل حاجه في حياته وقاللي انه مش بيكلمني عشان يضغط عليا بس انا وحشته فاحب يكلمني
زهره...وانتي قولتيله ايه
ميرنا...ولا حاجه كنت بسمعه وبتكلم معاه بس بردو مش قولتله اي حاجه انا حاسه بيها من ناحيته
زهره...كويس
ميرنا...هو رايح بكره القاهره عنده شغل وهيأعد اسبوع وقاللي انه هيعدي علي جاسر وليل عشان يخلص معاهم شغل
تمارا...اشطا يبقي انتي راجعه معانا بكره وش
ميرنا...ايه ده انتوا راجعين بكره
تمارا...اه يا خساره الاجازه خلصت
ميرنا...انا مش عارفه هرجع امته اصلا كده هتسيبوني يا رخمين
زهره...طيب ما ترجعي معانا هتأعدي تعملي ايه هنا لوحدك وبعدين عشان تشوفي الموز و تتكلموا مع بعض
ميرنا...بتفكير مش عارفه انا اصلا مش مظبطه اي حاجه عن رجوع القاهره عموما هشوف الصبح اي فندق فاضي يارب الاقي فيه مكان فاضي
تمارا...وفندق ليه انتي هتيجي معانا طبعا
ميرنا...لا طبعا مش هينفع مش كفايه اعدت معاكم هنا
زهره...انتي يا بنتي عبيطه ماحنا اعدين لوحدنا
ميرنا... انتوا بتقولوا اعدين في شقه ليل وبصراحه انا هتحرج منه جدا
نور...مالكيش دعوه انتي واحنا هنخلي ليل يقولهالك بنفسه
عشق...بطلي عبط يا ميرنا انتي خلاص معانا
ميرنا...طيب خلاص خليني بردو بكره وان شاء الله بعد بكره هاجي انا كده كده هرجع طيران
تمارا...بت بلا طيران بلا زفت متجبليش سيره الطيران ده خالص هترجعي معايا انا وجاسر فالعربيه
ميرنا...طيب هشوف سيبوني بس اظبطها كده مع نفسي الاول
تمارا...احنا خلصنا كلام خلاص وبعدين دي عشق هانم قالتهالك بنفسها دي الجو بتاع الموز يعني اللي هتقول عليه هيتنفز
عشق...بنرفزه تمارا بلاش رخامه بقي
ميرنا...ايه ده مالها عشق عملتبلها ايه يابت انتي مالك يا عشق من ساعندت ما جيتي وانتي شكلك مضايق
عشق...مفيش
تمارا...بت يا عشق مالك نتي اضايقتي ولا ايه
نور...شكلها اضايقت من هزارهم
ميرنا...ايه ده في ايه انا مش فاهمه
تمارا...ابدا الشباب اعدوا يرخموا علي ليل وان عندهم عروسه ليه وهو قال ملكوش دعوه انا عندي عروسه وفضلوا يرخموا عليه ويقولوا عارفينها هي اتحرجت وشكلها اضايق بسبب كده
عشق...تمارا انا كنت في نص هدومي وانتي عارفه انش بت تر من الطريقه دي وانتي كمان دخلتي معاهم وفضلتي تستظرفي
تمارا...والله ما قصدت يا عشق وبعدين احنا عارفين كل حاجه
عشق...مش مهم انتوا المهم هما
تمارا...طب ماهما اصلا عارفين كل حاجه يا عشق وانتي شايفه انهم بيخبوا حاجه عن بعض وبعدين دي مش حاجه سر يعني ايه المشكله انكم بتحبوا بعض
ميرنا...متكبريش الموضوع يا عشق عادي ده هزار وبعدين الحب مفيهوش كسوف او احراج انتوا مش بتعملوا اي حاجه غلط
عشق...عارفه بس انا اتوترت وبعدين انا وعشق مش قايلين ده بطريقه صريحه
زهره...عشق عادي مفيش حاجه بجد كبري دماغك هما كانوا بيهزروا
عشق...خلاص مفيش حاجه حصل خير انا هروح انام شويه
تمارا...عشق زعلانه مني
عشق...لا ياتمارا حصل خير
تمارا...تبقي زعلانه
عشق.. لا والله مفيش حاجه خلاص
ميرنا...هو انا ممكن أسالكم سؤال لو مش حابين تجاوبوا براحتكم
تمارا...قولي
عشق...قولي ياميرنا
ميرنا....هي مين حنان اللي كنتوا بتتكلموا عنها ودار ايه اللي انتي قولتي عليها امبارح يا تمارا وقتل ايه اللي هايدي متورطه فيه انا سمعت حجات كتير بس مفهمتش منها اي حاجه بصوا انا مش بتدخل والله بس فضول مش اكتر مش حابين بيس طبعا ومش مضايقه والله
عشق...مش سر ولا حاجه يا ميرنا دي حكايه طويله بس
تمارا...وانا افضل اننا نحكيهالك لما نرجع القاهره هتبقي معانا اهو نلاقي حاجه نتكلم فيها
ميرنا...طيب اشطا موافقه
تمارا...انا هقوم اغير وارجع انام شويه
ميرنا...وانا هكمل نوم
عشق...يلا تصبحوا علي خير
نور...احنا بقينا الصبح خلاص
عشق...بابتسامه اهو اي حاجه المهم اننا ننام
عدت كذا ساعه
صحيوا كلهم فطروا وابتدو يجهزوا وبعد شويه عدوا عليهم الشباب وراحوا مع بعض البحر طول الوقت كانت عشق مش مظبوطه حاول ليل معاها كتير لحد ما فكت خالص نزلوا كلهم البحر قضوا مع بعض وقت طويل بين هزار وضحك ولعب فالميه وتحديات بين الشباب والبنات الجو بينهم كان يجنن
خلص يومهم وودعوا البحر وراحوا جهزوا وخرجوا تاني اتغدوا مع بعض وبعد كده خدهم ليل علي مكان في اعده عربي في جو خيالي وسط السما والبحر والهوا كانت الاعده والجو العام يجنن
نور...بقول ايه ما تيجوا نلعب
نوح...اه يلا نقوم نجري ورا بعض
تمارا...ايه ده الله يلا
مسكها جاسر من ايدها هو ايه اللي يلا اعدي ياهبله بض لنوح وانت يا اهبل منها هو ايه اللي يلا نقوم نجري ورا بعض
نوح...😂😂😂انال نعمل ايه طيب مش بتقول نلعب
جاسر...منك لله بوظت هيبه عيله السيوفي
ليل....لا والتانيه بتقوم مستعده
تمارا...بضحك طب والله هتبقي لعبه حلوه😂😂😂
جاسر...بصلها 🤨🤨اعدي يا ماما عشان مزعلكيش
تمارا.. وانا قولت حاجه نوح هو اللي بيقول🙄
نوح...بضحك بعتيني كده قوام
تمارا...مش شايف بصته 😒
نوح...شرس هاا😂😂😂
تمارا...بضحك اوي😂😂🤭
نور...ياجدعان في ايه كل ده عشان قولت نلعب وبعديه انا اقصد يعني نلعب بالازازه دي ونلفها ونسأل بعض
ادم...حلو انا موافق
زهره...وانا كمان
ميرنا..وانا طبعا
تمارا...انا كمان يلا بقي
جاسر...ما تشوفوا لعبه تانيه
تمارا...ليه مش عايز تتسأل 🤨🤨هي اللعبه دي اللي هنلعبها بقي
نوح....اشرب يا معلم
جاسر...وانا قولت حاجه هلعب طبعا
تمارا...ايوه كده
نور...طيب عشق وليل موافقين
ليل...معنديش مشكله يلا موافقه ياعشق
عشق....ماشي بس ياريت أساله ينفع يتجاوب عليها
نور...خليها علي الله 😂😂
عشق...ربنا يستر🙄
ليل...بصوت واطي ايه خايفه🤨
عشق..انا لا هخاف من ايه🙄
ليل...امال ايه انتي مخبيه حاجه ولا ايه
عشق..لا خالص
ليل...ماشي هنشوف😡
ضحكت عشق غصب عنها وحطت أيدها علي بوئها🤭
ابتسم ليل علي ضحكتها الجميله
ادم...طب ايه ماوكفاياكو رغي وكل واحد ماسك ودن التاني ما تخلصوا
ميرنا...يلا بقي صحيح
نوح...بقول ايه انا عارف اللعبه دي بس اول مره العبها اعمل ايه بقي
نور...ولا اي حاجه احنا هنلف الازازه اللي هتيجي عليه ضهر الازازه هيجاوب عالسؤال اللي هيسأله اللي جه عليه وش الازازه
فهمت كده
نوح ..اشطا يلا انا جاهز
جاسر...نوح خف هااا
نوح...بضحك ده انتوا هتتقطعوا بقول ايه اي سؤال هسأله هتجاوبوا عليه واللي مش اد اللعب من الوقت يخرج
جاسر...في سره يا ابن الجزمه
نوح...برطم بالملام مش سامعك بس حاسس انك بتشتمني😂😂😂
جاسر...بضحك هقتلك وربنا😂😂
نوح...ادعي متجيش تحت ايدي
جاسر...هو مفيش حل غير اني اعد جمبك عشان الازازه متجيش عليا ولا عليك😂😂😂
تمارا...طب ابقي قوم من جمبي
نوح....جالك الموت😂😂😂😂
نور...يلا بقي هبدأ
نوح...يلا لفه حلوه كده بقي ها😂😂
نور...طب بقولك ايه ما تلفها انت لفه جامده كده
نوح...ياسلام عز الطلب😂😂
جاسر...ماكنتي لفتيها انتي يا اختي😂😂😂
نور....متقلقش مش هتيجي
تمارا...يارب تيجي عشان اشوفك قلقان من ايه🤨
جاسر...بزمتك اقلق وانتي جمبي🙄
نوح...بضحك ده انت قلقان عشان جمبها😂😂😂😂
جاسر...ماتسكت الواد ده ياليل وربنا هضربه
ليل....وانت خايف من ايه اوي كده صحيح
جاسر...حتي انت يا كبير😂منكم لله
لف نوح الازازه جامد فضلت تدور لحد ما وقفت
علي زهره وليل
ليل...يسأل و زهره...تجاوب
نور....ليل اسأل زهره
ليل....بصوا انا معنديش مشكله اني العب ولا حتي اني اتسأل سؤال محرج او رخم زي نوح كده
ضحكوا كلهم 😂😂
ليل...بس عندي مشكله اني مش بعرف أسأل خصوصا بنات يعني
زهره...انا معنديش اي مشكله في اي سؤال اللي يجي في بالك أسأله
ليل....تمام..سرح ليل شويه عشان يفكر
نور...بقول ايه كل واحد فيكم اللي يجي في باله سؤال يسأله من غير ما يقول ينفع او لا يعني اللعبه دي بتعرفنا علي بعض اكتر وتخلينا نعرف شخصيات بعض والاعده دي مش بتتكرر كتير
ميرنا...صح والكل يبقي اد اللعب
نوح...هو ده الكلام ما تخلص يا عم ليل
ليل...طيب تمام انا جه في بالي سؤال
زهره...اسأل ربنا يستر🙈
ليل...بصي ياستي من غير إحراج كده تجاوبي
زهره...اممم ماشي
ليل...كنتي متوقعه ان ادم يطلب ايدك احنا كلنا بجد والله اتفاجئنا مع اننا كنا عارفين انه معجب بيكي بس متخيلناش انه ياخد الخطوه دي عالاقل الوقت او حتي من قبل ما يعرف حد فينا انتي بقي توقعتي وايه هو احساسك وقتها
ابتسم ادم واستني اجابتها اما البقاي بقوا يصقفوا
نوح...ايوا بقي ياليل هي دي الاسئله😂😂😂
عشق...لليل حرام عليك😂
ليل...مش قالت اسأل اي سؤال😂
زهره...خدت نفس وسط احراجها وضربات قلبها..ماشي انا هجاوب
ليل...يلا سامعينك
زهره....بصراحه مكنتش متوقعه خالص خصوصا اني بحس ان ادم مع نفسه ومش قصدي بس بحس انه اهدي واحد فيكم وبعدين بحس انه بياخد وقت فالتفكير وده لاظته لما اشتغلت معاه والاهم من كل ده انه مش بيبان عليه اي حاجه غير بصعوبه..
اما بقي عن احساسي اكيد اتوترت واتلغبطت وحسيت لثواني كده ان عقلي وقف مش عارفه اقوله ايه ولا ارد اقول ايه
ليل...طيب انتي وافقتي عشان بتبادليه نفس الشعور ولا ايه
زهره...بضحك واحراج هي اللعبه دي مش سؤال واحد 🙈
ليل...طيب تمام هنخليها السؤال الجاي
لف نوح الازازه وقفت علي عشق وزهره
ليل...بضحك عشق متسأليش غير سؤالي خليها تجاوب هي باين عليها مرزقه انهرده😂
عشق....ماشي جاوبي يا ستي علي سؤاله
زهره...ليه كده يا عشق ده انا بحبك🙈
نوح...يلا جاوبي مفيش هروب
زهره...طيب هو السؤال كان ايه معلش
عشق....وافقتي عشان بتبادليه نفس الشعور ولا عشان ايه؟
سكتت زهره وهي بتضحك ومحرجه وادم باصصلها وهو بيشرب سيجارته مبتسم ومش بيتكلم
زهره....اكيد مش عشان اي حاجه غير اني موافقه واكيد مش هوافق غير وانا حاسه بأي حاجه من ناحيته
نوح...ماشيه معاك يا عم ادددم
جاسر....اوعي الجامد😉
زهره...لف بقي يلا
مسك نوح الازازه عشان يلفها
أبتسم ادم لزهره وهو بيغمزلها😉
ضحكت زهره وبعدت وشها عنه بسرعه
لف نوح الازازه وقفت عليه هو وعشق
نوح يسأل عشق
نوح...الله الله الله تعاليلي
عشق...نوح افتكر ان هي هتلف تاني وممكن انا أسألك🙈
ضحك عليهم الجميع
وابتسم ليل ليها بحب
نوح...بصي هبقي طيب معاكي اول سؤال بس بس بعد كده مفيش طيبه
عشق...ماشي..شكرا يا استاذ نوح🙄
ليل...جبانه😂😂
نوح ..بصي ياعشق لو عندك فرصه لجريمه واحده تعمليها بشرط ان مش هتتعاقبي عليها بالقانون هتكون ايه🤨
عشق...اممم ايه السؤال ده🙄
نوح .جامد صح انا اصلا يابنتي جامد اللعبه دي اتعملت عشاني😂😂😂
عشق...بص انا بطبعي مش شخص عدواني مش بشكر في نفسي بس فكره الجريمه والانتقام دي مش بتاعتي خالص وبعدين انا عن نفسي لو في اي شخص هيوصلني لدرجه الانتقام او اني اعمل فيه جريمه بيتهيألي هأعد مع نفسي شويه واكيد فكره اني اخاف من القانون دي بعيده عني تماما لاني ديما بعمل حساب لربنا قبل اي حد فالعالم فا ميتهيأليش اني ممكن اعمل كده ابدا
نوح...طيب ممكن سؤال كمان ولا مينفعش
تمارا...لا هو سؤال الدور الجاي خلاص
عشق...طيب خليه يسأل معلش
نوح...انتي بتقولي انك مش ممكن تعملي كده مش يمكن ده عشان مفيش حد أذاكي يعني انتي مش فالموقف عشان تحكمي
عشق...بالعكس يانوح لو عالاذيه فانا من يوم ماجيت الدنيا وانا بتأذي واولهم من امي وابويا يعني اكتر شخصين المفروض يكونوا بيادموا بأيدهم الحب مش الاذي وبعد كده غيرهم كتير زي حنان مثلا وصدقني يا نوح لو ادامي فرصه اني ارتكب جريمه فالناس دي عشان ارتاح عالاقل مش هعملها وهديهم ضهري وامشي وهسيبهم لانتقام ربنا اظن حقي وقتها هيرجع اكتر مانا كان ممكن اجيبه
ابتسم نوح بحزن عندك حق
لف بسرعه الازازه عشان يغير مودها
وقفت الازازه علي ليل وميرنا
ميرنا تسأل ليل
نوح...سرال صعب يا ميرنا هاا😂
ميرنا....استني بس افكر
بص انا بسرق منكم شكل الاسئله بس لحد ما الاقي اسئله جامد قولي حكمه بتأمن بيها في حياتك
ليل....بصي هو في كتير بس من الحكم بحبها اوي
...إذا لم تؤمن بقيمه نفسك فلم يؤمن بك احد..
زهره...حلوه اوي
نوح....طب يلا وادي لفه جامده
وقفت الازازه
ميرنا... تسأل عشق.
ميرنا....امممم عشق انتي......
وسكت الجميع بعد السؤال🙄
