رواية سراج السادة الفصل الثامن والعشرون بقلم غسق ادريس
" ملاك "
رفعت جميلة ايديها تصرخ وتضرب على وجهه التفتت على السيد وصرخت بي
_جميلة:: سيدددد عبد الرؤف الزممم حفيدتك ام الزلم هايييي حفيدتك ورجلي عدهممممم علاقةة ياناسس تسمعوني علوية السادة والسيد يتواعدون ب ليلللل
انفزع الكل بكلام جميلة وحالة شاهيناز وشلون جميلة تضرب ب شاهيناز وتبجي
ركضنا على جميلة نبعدها عن شاهيناز الي جانت ساكتة بدون رد فعل بس دموعها يصبن على خدها
دفعت عمتي جميلة بقوة عن شاهيناز
تصيح بيها تبعدها عن شاهيناز
_جهاد:: لجججج جميلة لاتستعجلين على موتج
_جميلة:: يمةةة انهدم بيتي هاي ثاني مرةةة ينهدم بيتي مرة بسبب جهاد وحقدها وهسة بسبب شاهيناز ياناسسسسس ولكم شتردون مني
استغربت كلام جميلة مافاهمة قصدها
حاوطن العلويات جميلة يسكتنها وهية تصرخ وادك على وجهه
سحبت شاهيناز من جوا جميلة اصيح بيها وهية ساكته بس تبجي
باوعت جميلة على السيد وحجت
_جميلة:: سيد عبد الرؤف اجيتككك مرة وشكيت الك من بنتك كتلك راح تهدم بيتي سويتلي حل لا. هسة اكلك حفيدتك تتواعد ويا رجليييي تسويلي حل لو لا
_فقار:: شهل حجي ام عماد عيب عليج من تحجين شي فكري بي قبل لاتحجين شاهيناز انظف من هيج
صاحت جميلة تباوع لفقار تضحك وتبجي بنفس الوقت
_جميلة:: سيد شفتهم بعيوني ب الحديقة كاعدين وحدهم اريدك هسة تجاوبني بنية بليل ويا رجال الساعة ب ٢ ونص ب ليل شيسسون وكلها نايمة
صاحت عمتي بيها ايديها ترجف من العصبية
_جهاد:: وياي شاهيناز جانت كاعدة وياي مو وحدهم
_جادح:: سيد جذب ماكو هيج شي اممم عمادددد تحب تبالغ بس
_جميلة:: انييي ابالغغغغغ لك جادح بعيوني شفتك
باوعلها وصاح صاك على سنونة بعصبية
_جادح:: حمدي الله وشكري تربينة مانمد ايدينا على نسوان
_جميلة:: ليششش عيني فوك سوايتك تريد اطكني
صاح السيد موجة كلامة لجميلة
_عبد الرؤف:: صوتج ام عماد وهذا الكلام غير مقبول منج حفيدتي مربيها على ايدي اعرفها ماتوصل للغلط والحرام ولاتفكر بي
باوع السيد على شاهيناز وحجة
_عبد الرؤف:: احجي بابا شاهيناز
رفعت شاهيناز راسها باوعت لسيد وحجت بهدوء
_شاهيناز:: ماسويت شي سيد وماجنا وحدنا ب الحديقة عمتي ويانا
_سجاد:: انتِ مو نايمة شسوين ب الحديقة؟
_شاهيناز:: كعدت ويا عمتي ب الحديقة
صاحت جميلة مجذبة شاهيناز
_جميلة:: جذابة دخلت عليهم وحدهم ب الحديقة جهاد احلفج ب ابنج عون جنتي يمهم من اجيت لو وحدهم
باوعت عمتي على جميلة وادرت تباوع للسيد
_جهاد:: صح بس جنت احجي ويا اسراء يعني اني جنت يمهم كاعدة بس من اتصلت اسراء بعدت عنهم
_جميلة:: ها سيددد شحجيتت اني؟؟
باوع السيد على شاهيناز وحجة بعصبية
_عبد الرؤف :: شاهيناز!!!
_شاهيناز:: سيد بس عمتي كامت كمت وراها ماطولت
اجه سجاد ب اتجاه شاهيناز سحبها من ايدها يريد يطلع من البيت وكف السيد كدامه وحجة موجه الكلام لشاهيناز
_عبد الرؤف:: وجودكم سوا ووحدكم اكبر غلط ليش تصيرين سبب بخراب علاقة ثنين بسبب سوء فهم وغلطة منج
باوعت شاهيناز لسيد مصدومة منة طلع سجاد من البيت ماخذ ب ايد اختة
باوع السيد للكل وحجة بعصبية
_عبد الرؤف:: تعبت من مشاكلكم انا من يمتى بيت السادة طالع صوت نسائهم بليل من يمتى واحد يشمر ويقذف ب الثاني
الكل سكت ماحجة شي دخل السيد للمصلا والكل خلفة
باوعت لجميلة تباوع لجادح وتغمز اله
كوا جان مسيطر على نفسة وماكتلها حتى عمتي تريد تفترس جميلة والعلوية لباب لازمتها.....
" قس "
صدمتي واني اشوف شهاب ابن خالي يحاول يتقرب من اختي وهيه مستسلمة اله حتى ماحاولت تبعدة جانت رايدة هذا القرب
اخذها بحضنه وقربها اله اكثر وهيه مغمضة عيونها
دفعت الباب ودخلت عليهم ثنينهم فزو على دخلتي مصدومين يباوعلي
باوعتلهم احس نار مشتعله بداخلي
_قس:: ها ادبسسزية
_قبس:: قس!!
باوعتلها اريد افترسها
باوعت لشهاب حاضن كف ايددها وضغط علية يباوعلي بخزرة
مشيت ب اتجاه قبس اريد اخذها واطلع من الغرفة
توني الزمها وسحبها شهاب ضامها بضهره
باوعتلة بعصبية وصحت بي بصوت ناصي ماريد واحد يسمع وتصير مصيبة فوك راس اختي
_قس:: لك خرا جيبها لاتخليني افضحك واخزيك هسه
_شهاب:: ليش تفضحيني مسوي شي غلط؟
ضحكت اباوعله بصدمة
_قس:: لا شمسوي بس خاتل ب اختي ب الغرفة مامسوي شي
_شهاب:: قس لو طلعت حجاية وحدة صدكي اندم..
ماخليتة يكمل كلامه
جبتة براشدي على وجهه. شهكت قبس مصدومة ايديها على حلكها تباوع لشهاب الي ضل ساكت مصدوم يباوعلي
_قس:: انعل ابوك لا ابو اليطلع وراك ولك ابن الزمال فوك شينك كوا عينك فوك صخام وجهك تهدد!!!!
باوعت لقبس وسحبت ايديها بقوه
صاحت متوجعه تباوعلي بترجي
_قبس:: قس اسمعيني
_قس:: اشش
اخذت ايديها وطلعت من الغرفة جسمي يرجف مصدومة ب اختي وبسواد وجهه وشلون هيج بايعة روحهااا!!!
دخلت لغرفتنا شمرت قبس كدامي وسديت الباب
اباوعلها عيوني مدمعة وشفايفي يرجفن
بجت هية تباوع لخواتي النايمات وامي وتباوعلي بتوسل
_قس:: لججج ليششش ليش هيج؟؟؟؟
_قبس:: صوتج عليج الله قس لايسمعن
_قس:: تخافين منهن بس ماتخافين من الله ولج تبيعن روحج والمن؟ ل شهاب!!!!!
ركضت وخلت ايدها على حلكي ترجف
دارت تباوع الهن ودارت علية
حجت بهمس.
_قبس:: قس يحبني والله يريد يخطبني
بعدتها ماكملت كلامها وجبتها براشدي على وجههه لزمتها من شعرها طاحت ب الكاع تبجي واني فوكها اضرب عليها
على صوت بجيها وصراخها فزت امي من النوم تباوعلنه مصدومة
ركضت علينة مافاهمة شي تفاكك بيني وبين قبس
دفعتني من قبس وصاحت بية
_فردوس:: ولججج عوفيهاااا عوفي اختج
ابتعدت عنها اباوع لقبس ايديها على وجهه تبجي خاتلة ورا امي
باوعتلي امي وصاحت بية
_فردوس:: قسسس تسودتني!!!!
_قس:: بتج برب/وك
درت اباوع على خواتي كعدن يباوعلنه مستغربات مايدرن شصاير حسن وزهره هم كعدو
كلهم بفراشهم يباوعون النا
باوعت القبس بخزرة
ومشيت لفراشي انام
رفعت الغطة وكعدت اعدل المخدة باوعتلي امي وهزت راسها ب اسف
دارت تباوع لقبس
_فردوس:: شمسوية؟
دنكت قبس راسها وماحجت شي
خليت راسي على المخدة وحجيت
_قس:: طفن الضوة يلا نريد انام
حجيتها وغمضت عيوني
عقلي داخل بدوامة لو واحد عرف والله مايفكوها تصير علج بحكلهم واخواني و عمامي لو عرفو ؟
اخخ قبس شسويتي اني شكيت بيها من كلنا رفضنا الجية لهنا بس هية اصرت تجي هسة عرفت سبب اصرارها !!!
غمضت عيوني ونمت بعد تفكير طويل ماعرف شسوي احجي لو اسكت ؟ اذا احجي تنفضح واذا اسكت تتمادة واني اعرف قبس طينتها شنو
يعني اني بين خيارين لو افضح اختي لو اسكت على غلطها
كعدت اليوم الثاني على صياح وعركة علي وزهراء رفعت راسي وباوعتلهم
_قس:: اذا اكوم هسة اخبزكم خبز
دفع علي زهراء وطيحها ب الارض
بجت زهراء بقوة ايديها على عيونها تبجي وعلي طلع يركض من الغرفة
استغفرت وكمت من مكاني مشيت ب اتجاها صغيرة عمرها ثلاث سنوات شلتها من الارض باوعتلي تبجي
ابتسمت بوجهه وبستها بخدها
_قس:: بت فركاسة حلوة انتِ
خلت راسها على صدري تبجي دكيت على ظهرها اضحك واسكت بيها. لبست شالي وطلعت من الغرفة شايلة زهراء
مريت على غرفة شهاب باوعت اشوف اكو واحد موجود لو لا
مشيت ب اتجاه الغرفة فتحت الباب شفت شهاب نايم على بطنة الغرفة
غميتة وطلعت من الغرفة اسب بي تذكرت الي صار البارحه
نزلت الدرج باوعت قادسية وخاجية كاعدات ب الصالة يحجن وسحر تعزل ب الصالة
صبحت عليهن ردن باوعتلي خاجية وحجت
_خاجية:: دخلي للمطبخ ريوكج ب الثلاجة
نزلت زهراء من حضني ومشيت للمطبخ
_قس:: فركاسة فركاسة وير ارو يو. ام الجهال
دخلت للمطبخ شفتها كاعدة تنظف ب الخضرة وقبس يمها كاعدة
باوعت لقبس بخزرة وهية نزلت راسها خايفة
باوعتلي امي وصاحت
_فرودس:: ولج ماتستحين شنو فركاسة
_قس:: جاي ادلعج اسمج ثكيل
سكتت ترزل بية فتحت باب الثلاجة طلعت الكيمر خليتة على المجمدة اخذت قوري الجاي وخليتة على الطباخ احمي
دخلت زهره للمطبخ تلفوني بيدها تركض ب اتجاهي خليت التلفون على اذنها وحجت
_زهره:: ددداا الووو
ابتسمت اباوعلها مكزكزة عليها اخذت التلفون منها وبستها بخدها
باوعت لامي تباوع النا مبتسمة غلست على نظراتها
فتحت التلفون مكالمة من نضال
اتصلت عليها وفتحت اسبيكر
اجاني صوتها تصيح وترزل
_نضال:: ولج صخام مو اتصل عليج
_قس:: نضلوووولةةةةة مشتاقتلج موت موت
_نضال:: شلونج خواتج شلونهن
فتحت الها كامرة صارت على قبس وامي
حجت نضال تصيح
_نضال:: اييي خذتجن فردوس تكرب عليجن مووو
رفعت امي راسها بعصبية من سمعت نضال
صاحت تسمع نضال
_فردوس:: اكرب عليهن ولا اخلي الغريبة تكرب عليهن سنيننن
_نضال:: ولج ام السمج منو كارب عليهن مو عفتيهن ورحتي للكطان والسمتي ام الشانك
خليت ايدي على حلكي مصدومة اضحك
شمرت امي السجينة من ايدها ووكفت
_فردوس:: لج نضال الخايسة عليمن ام السمج
_نضال:: عليج فردوس بت خاجية
كتمت المكالمة ماخليت نضال تسمع
صاحت امي
_فردوس:: لج اني نضاالل هسه كمتي تشمرين وقبل تفترين وراي ادورين مرضاي
فتحت الكتم وحجيت بصدمة
_قس:: يمة شهل حجي شنو تسويها وتسوين امها ساطية عيب نضال اكبر منج
باوعتلي امي ب استغراب
ونضال نزلت انواع الفشاير
_نضال:: لججج بت خاجية ال "" "" انتِ تسويني على الاقل ماعفت جهالي ورجلي وطفرت للزلم
_فردوس:: شبيججج مقهورة لان ضليتي محمد يصكع بيج
سديت الاسبيكر وخليتة على اذني اسمع لكلام نضال
_نضال:: احسن من ماعوف بزري ورجلي واطلك مرتين
كتمت المكالمة من نضال وحجيت بصدمة
_قس:: لا نضال عيب شنو امي ام الزلم
فتحت الكتم وفتحت سبيكر على غلط امي
_فردوس:: ام الزلم ولا ام السحورة
_قس:: يمعودات شبيجن كولن يالله
حجت نضال بحركة كلب
_نضال:: ام السحورة احسن من مايكللولي تفتر ب الشوارع ورا ابو السمج
_قس:: لاهيج هواي نضال
_فردوس:: ولجججج نضال ال "" ""
_نضال:: ولجج فرودس "" "" ""
جنت مبتسمة اسمع لغلطهن وحدة تصعد والثانية تكبس ختمت نضال كلامها وكالت
_نضال:: البنات اخذهن منج فردوس
_فردوس:: ههههههههي ولج تحلمين تشوفيهن بعد
_نضال:: لعد اخليهن عندج تعلميهن شلون يصيدن زلم
سدت نضال الاتصال واني ضحكت اباوع لامي محروك كلبها فحطانه من العرك
_قس:: شجاجن يمعودات عود انتن الكبار
_فردوس:: انجبي انتِ اذا شفتج تحجين وياها يا قس اكسر التلفون فوك راسج
باوعتلها صفح اهز ايدي
تريكت وطلعت من المطبخ كعدت ب الصالة اكلب بالتلفون
مر الوقت
سمعت صوت شهاب يحجي ويا امه ويدخل للصالة
شمرت التلفون على القنفة اباوعلة دخل للصالة
من شافني كاعدة
باوعلي وغمز
_شهاب:: شلونها بت عمتي الحلوة
خزرته لعبانة نفسي منة
جنت كاعدة عيوني على شهاب خازرتة. راح يصعد الدرج واني على كعدتي كلبي محروك من جوا
مستحيل اسكت اذا ماندمك اني مو قس
كمت من مكاني دخلت لغرفة خاجية شفتها كاعدة تسبح وامي كاعدة تمشط بشعر زهراء دخلت للغرفة وكعدت مكابلتهن
افكر شنو اسوي اريد ارجع الضربة لشهاب حتى اتوبة واسويلة جرة اذن
فزيت على صوت رن تلفون خاجية جانت قصيدة باسم الكربلائي " دنيا مابيها بس هم وغدر دنيا "
كمت من مكاني اخذت التلفون من على الميز باوعت مكتوب " الكربلائي "
باوعت لخاجية وحجيت
_قس:: باسم الكربلائي يتصل عليج
_خاجية:: ياااا شعندة يتصل منين جاب رقمي
باوعتلي امي وحجت بخزرة
_فردوس:: منين اجة باسم الكربلائي يتصل على امي
_خاجية:: وشبيها امج مايتصل عليها باسم الكربلائي
_قس:: يلا جاوبيها ليش مايتصل عليها باسم الكربلائي؟
باوعت امي لخاجية وحجت
_فردوس:: يمةة اقصد قس تجذب مو باسم يتصل عليج
_قس:: وين اعرف اني اذا هية نغمتها دنيا مابيها بس هم وغدر ومكتوب الكربلائي يعني باسم الكربلائي
فتحت خاجية ايدها تأشرلي اجيب الها التلفون
_خاجية:؛ ولج هذا حازم اخو سعاد جيبي
انطيتها التلفون وطلعت من الغرفة
صار كدامي ياس ابن خالي واكف على الدرج عيونة ب تلفونة شافني وغمز
عوجت حلكي وغميتة
_قس:: عابت لهل خلقة
_ياس:: ها شبيج مانعجب
هزيت ايدي ومشيت اصعد للغرفة. وكف كدامي مانعني اصعد
باوعلي وضحك
_ياس:: شبيج تنافخين
_قس:: وخر ياس ترا مالي خلك
_ياس:: ليش مالج خلك ست قس
_قس:: بيتكم يخنك وضايجة كلش
خلة ايده بجيبة وباوعلي
_ياس:: تجين اطلعج؟
_قس:: وين؟
_ياس:: نفتر ب الشارع. عصر الجو حلو
صفنت اباوع من اجيت لهاي الساعة ماطلعت من البيت واني صدك ضايجة ومختنكة
باوعتلة ورفعت حاجبي
_قس:: خاف تريد تخطفني
سمعت صوت امي جاي من وراي
_فردوس:: والله اخاف منج ماخاف عليج اخاف انتِ تخطفي مو هوا
باوعتلها ضايجة باوعت لياس وحجيت
_قس:: خليني البس عباية واجيك
صعدت الدرج اريد ادخل للغرفة
اتصنمت بمكاني مصدومة واني اشوف قبس تطلع من غرفة شهاب تضحك
من باوعتلي كلبت عيونها بعدم اهتمام ومشت للغرفة
دخلت خلفها للغرفة اباوعلها كعدت على الفراش فتحت التلفون تكلب مامهتمة تضحك
صكيت على سنوني بعصبية اخذت العباية ونزلت شفت ياس كاعد على القنفة يحجي ويا امي صحت بي ومشيت بعصبية
_قس:: امشيي يلاااااا
كام من مكانة يمشي وراي صاحت امي بي
_فردوس:: دربالك على رويحتك عمةةةة
طلع ياس يضحك باوعلي خزرتة
ابتسم ومشه واني امشي خلفة طلعنا للشارع نمشي الجهال يلعبون ب الشارع طوبة باوعتلهم مبتسمة
باوعت لياس يباوع للجهال ويشرب جكارة
التفت يباوعلي
حجة يكسر الصمت
_ياس:: مرتاحة ببيت جدج؟
_قس:: اي مرتاحة احسن من كعدتي ببيت عمي
_ياس:: ليش شبيهم؟
دنكت راسي وتحسرت
حجيت بقهر
_قس:: من جنت ببيت عمي ماشايفة الراحة ابد لا اني ولاخواتي نركض ب البيت 24 ساعة عمي ومرت عمي يكربون فوك روسنا
_ياس:: ليش خوانج وين؟
_قس:: المشكله ب اخواني مايحجون حتى لاعمي يطلعهم ويطردهم من البيت لهذا يسكتون على اذيتنا
باوعلي وحجة ب استغراب مندهش
_ياس:: يكولون زينين بيت عمج؟
_قس:: لاتاخذ الحجي من اليكولون تدري شنو اتمنى
_ياس:: شنو؟
باوعتلة وحجيت
_قس:: اتمنى امي ماترجعنا لبيت عمي تعبنا سنين مو شوي ماشفنا الراحة من يوم عافتنا امي وابوي مات
دنك راسة مقهور وحزين
واني مقهورة وحزينة اكثر منة. باوعتلة وحجيت ب استغراب
_قس:: ياس عادي اسألك سؤال؟
_ياس:: سألي
_قس:: انت تحب شهاب؟
_ياس:: اي احبة اعز ولد عمي شهاب
رفعت حواجبي وهزيت راسي بأسف
حجة ب استغراب
_ياس:: شبيج؟
_قس:: هااا لا لا ماكو شي بس انقهرت
_ياس:: من شنو
باوعتلة وحجيت بقهر
_قس:: حسيتك تشبهني هم هيج امشي ورا حنية كلبي مادري ب نية غيري وحقدهم
_ياس:: مافهمت شقصدج
اتحسرت وحجيت
_قس:: اني هيج جنت حيل احب ابتهال بت عمي محمد واعزها ومعتبرتها اخت مو بت عمي بس بعدين افففف
تحسرت ساكتة
باوعلي وحجة
_ياس:: كملي ليش سكتي؟
_قس:: شكمل يمعود طلعت تنافق ب الوجه مراية وب الظهر سلاية تحجي وتطعن بية واني الفطيرة اركض وراها واحبحب بيها
باوعلي وحجة ب استغرب
_ياس:: زين ليش اشبهج مافهمت؟
_قس:: مو انت هم فطير وتمشي ورا طيبة كلبك
_ياس:: شلون يعني؟؟
_قس:: ماكو شي يمعود غلس
اصر علي رادني احجي واني رافضة
صاح يباوعلي
_ياس :: احجي قسس خليني افهم
_قس:: مو احجي واطلع منافقة واريد اخرب يمعود اسكت
_ياس:: منافقة شنوو يمعودة لاتعبيني احجي خل افهم
باوعتلة وحجيت
_قس:: ما اريد تصير مشكلة بسببي وتخرب علاقتكم خليني ساكتة
_ياس:: وداعة امي ماحجي شي لاحد ولا اجيت طاريج
هزيت راسي ب لا وسكتت
سكت هوا ينافخ
رجعت حجيت بدون ماباوعلة
_قس :: انصدمت ب الي سمعتة عنك حتى خفت منك واني خواتي مانحب نحتك بيك بعد الي سمعناة عنك بس اني مامستوعبة تصرفاتك الي جاي تظهرها عكس الي عرفتها عنك
_ياس:: شنوو الي سمعتي عني قس احجي!!!
_قس:: شهاب اول يوم اجيناة حذرنا نتقرب منك
_ياس:: ليش!!!!
مسحت على وجهي بتردد اباوعلة
هز راسة يشجعني احجي
اتحسرت وحجيت
_قس:: كال ياس متحرش وممكن يأذيجن ويتسبب بمشاكل الجن لان ماضية وحاضرة ومستقبلة كلة تحرش وانسان مو زين صاحب تفكير سوداوي لهذا اني وخواتي نبذناك اول ماشفناك تذكر؟ خفنه منك وصدكنا كلام شهاب بس تصرفاتك هسة احسك حباب عكس الي نكال عنك
اباوع لياس نكلب حالة كلاب صار يصك على سنونة يسد ب ايدة ويفتحها
كملت كلامي وحجيت بحزن
_قس:: انت احسن منة على الاقل ماحجيت عليه بظهره عكس شهاب
وكف ياس واشرلي براسة
_ياس::امشي خل نرجع
_ قس:: ها وين بعد وكت
_ياس:: امشييي قس
رجع بخطواتنا للبيت واني احش براسة واحلفة مايذكر ولايجيب اسمي تعرفون ماريد ارجع لنضال تصكع بية وتكرب علية
دفع ياس الباب ودخل للبيت دخلت خلفة
دخل للصالة امي وخاجية ب الصالة
صعد الدرج يركض يصيح ب اسم شهاب
باوعتلي امي وحجت ب استغراب
_فردوس:: شبي؟
_قس:: ماعرف شبي شهاب اتصل عليه واحنا جاي نمشي كلي خل نرجع
سكتت امي مامهتمة
صعدت خلف ياس اركض شفت باب غرفة شهاب مفتوح صوت قبس تصيح من داخل الغرفة
دخلت للغرفة اباوع ياس نايم فوك شهاب يضرب بية وشهاب مافاهم شي يصيح شبيك يحاول يدافع عن نفسة باوعت لقبس واكفة فوكهم تبعد ياس عن شهاب
رفع ياس روحة باوع لقبس دفعها بقوة من كتفها
شهاب من شاف ياس دفع قبس تخبل دفع ياس ونام علية صار الدور على ياس ينضرب
باوعتلهم مبتسمة ومرتاحة لان شهاب انضرب ولازال ينضرب من قبل ياس
انصدمت من شفت ياس طلع من ايدة سجينة صغيرة (حربة) فكها وباوع لشهاب بحقد
ركض على شهاب يريد يدجة
من شفتهم انصدمت مرعوبة بيهم صرخت قبس تضرب على وجهه دفعتني وركضت تنزل الهم تصيحهم
صاح شهاب متأذي من ضربة ياس ايدة على عينة
رفع ايدة الدم مالي وجهه
صحت بياس
_قس:: ياسسسس لاااا
ما اهتم ياس ورجع على شهاب يريد يكمل علية ب السجينة
دفع شهاب ياس بقوة
دخلو خوالي ونسوان خوالي يركضون للغرفة ركضو على شهاب وياس يفاككون بينهم
واني بمكاني واكفة اباوع لشهاب شلون الدم ينزل من عينة ماردت توصل لهل مرحلة ردت يتأذى بس مو هيج !!
بعدو خوالي ياس عن شهاب يضربون بية وهوا يريد يتهجم مرة ثانية عن شهاب
شهاب بقى واكف يباوع لياس مصدوم بي ومافاهم سبب تهجمه علية
اخذو شهاب للمستشفى وياس طلعو من البيت
كعدت ب الغرفة اكل ب اظفري خايفة لاياس يحجي شي وتطيح براسي عمي اني فقيرة ماكتلة جر سجينة على ابن عمك !!
سمعت هوستهم وصياحهم جاي من جوا بقيت كاعدة بمكاني ماطلعت من الغرفة ماريد يوصلني طشارهم شعلية بيهم
انفتح باب الغرفة دخلت قادسية باوعتلي وحجت بعصبية
_قادسية:: ولج انتِ شمسويةةةة
_قس:: يمةة شكو شمسوية؟
_قادسية:: تعاي نزلي يصيحوج
بلعت ريكي بخوف
نزلت امشي خلف قادسية اعض شفايفي بتوتر
شفتهم كلهم ملتمين ب الصالة يباوعلي بعصبية وخزرة
باوعتلي خاجية وحجت بأسف تهز راسها
_خاجية:: يمة قس صدك الي سمعناة
_قس:: شنو الي سمعتو؟
_ياس:: كتلكم قسسس مادخلها!!!!
صاحت سعاد ب ياس تسكتة
باوعتلي وحجت بعصبية
_سعاد:: اختج قبس تكول قس هية سبب المشكلة والي صار بين شهاب وياس !!!
باوعت لقبس مصدومة منها
جانت واكفة خلف امي تباوعلي بخزرة
انصدمت منها اختي اختي باعتني......!!!!!
" شاهيناز "
عيوني ماوكفت دموع بكل مرة اتذكر الي صار ابجي بقهر وانكسار
كلش ما استاهل الي صار وياي كلش ما استاهل الموقف الي انحطيت بي
مسحت دموعي اتحسر تذكرت الي صار وياي
جنت متمددة ب الغرفة البنات نايمات بس اني مايجيني النوم
التلفون بيدي اكلب ب الوتساب اشوف حالات الوتساب
شفت عمتي ناشرة حالة قبل 8 دقائق
دخلت على الحالة جانت صورة قديمة لكاروك عون
مدموج بقصيدة باسم الكربلائي على صوت
" انظر مهد مابي ضوة خالي ويهز بيه الهوا "
كتبت لعمتي رسالة
_: ها عمة كاعدة؟
بعدني ماطلعت من المحادثة وصارت الرسالة خط ازرك يعني فتحت الرسالة
كتبت عمتي
_جهاد :: اي كاعدة ب الحديقة
_شاهيناز :: لعد اجيج لان مايجيني نوم
_جهاد :: تعاي
طفيت التلفون وشمرتة على الفراش لبست ربطتي وطلعت من الغرفة
نزلت جوا كلها نايمة محد كاعد الصالة فارغة
مشيت ب اتجاه المطبخ شفت باب المطبخ مفتوح
مشيت للحديقة
شفت عمتي كاعدة على الكرسي وجادح كدامها كاعد
مشيت ب اتجاهم مبتسمة
باوعتلي عمتي وابتسمت التفت جادح باوعلي ساكت
_شاهيناز:: شلونكم
_جهاد:: هلا شاهيناز جيبي هذاك الكرسي وتعاي
_جادح:: كعدي هنا
حجاها وكام من كرسية
باوعتلة واشرتلة بلا
_شاهيناز:: لا سيد اكعد هذا الكرسي هسة اجيبة
كام من الكرسي واشرلي اكعد على كرسية
وهوا راح يجيب كرسي ثاني
اخذت الكرسي قربتة لكرسي عمتي وكعدت
جاب جادح الكرسي وكعد علية
اتحسر وحجة ويا عمتي
_جادح:: تعبت جهاد تعبت هواي
_جهاد:: اصبر شسوي لعد خلي ابنك يصير زين وبعدين الله كريم
_جادح:: ماكدر اصبر احس روحي مختنك
سكتت عمتي وجادح سكت
باوعتلهم ثنينهم ساكتين
هز جادح رجلة وحجة
_جادح :: اريد ارجع لبغداد
_جهاد :: جادح خلي عماد يرتاح اكثر وبعدين بكيفك تصرف
هز راسة ب اي ساكت
جان تلفون عمتي بيدها رن التلفون رفعت عمتي التلفون مكتوب اسراء
رفعت عمتي الخط وكامت
_جهاد:: ها اسراء شلونج....
مشت عمتي بنهاية الحديقة تمشي وتحجي ويا اسراء
بقيت اني وجادح كاعدين ثنينة ساكتين
رفع جادح راسة وحجة
_جادح:: جهاد تكول ترجعين اطبقين
_شاهيناز:: اي احسن من كعدتي ب البيت
هز راسة ب اي وكال
_جادح:: احسن
سكتت وهوا سكت هم
شفت عمتي تطلع من الحديقة باوعتلها ب استغراب وين راحت جانت تحجي ويا اسراء ومندمجه ب السوالف
كمت من مكاني اطلع من الحديقة
مشيت توني اريد اطلع ودخلت جميلة دفعتني من كتفي بقوة
رجعت للخلف مصدومة مابدر مني موقف لان حركتها جانت غير متوقعة
سمعت صوت خطوات جادح من خلفي
ضحكت جميلة تهز ايديها
_جميلة:: ضوجتكم بجيتي مو؟
صكيت على سنوني بعصبية دنكت راسي اريد اطلع رجعت دفعتني مرة ثانية بس هل مرة رجعت للخلف مرتطمة بحضن جادح
صرخت جميلة تباوع النا
_جميلة:: اي عفية نسل رسول الله السادة والعلويات المؤدبينننن
سحبت نفسي من حضن جادح مصدومة
باوعت لجميلة وحجيت بصياح
_شاهيناز:: لج انتِ ماتستحين على نفسج شنو هل تصرفاتتتت.
_جميلة:: ليش ست شاهيناز عليمن مو اني وياج لاعبيها سوااا
باوعت لجادح بعصبية وصحت بية
_شاهيناز:: احجي ويا مرتككككك ابو عماد !!!!
سحب جادح جميلة من ايديها صاك على سنونه
_جادح:: كفيني شرج جميلة كفينيييي شرج
_جميلة:: ليش عيني ابو عماد شسويت واكفك شري هاي كلة لان كطعت امسيتك انت والعلوية الشريفة العفيفة شاهيناز
صحت بيها كوا مسيطرة على اعصابي
_شاهيناز:: اشرف منج اني وخري من وجهي يلااااا
_جميلة:: وينننن رايحة عيني وينننننن بعد وكتت
_شاهيناز:: لججج صوتج نصي
ضحكت تغمزلي
_جميلة:: تخافين لا واحد يسمع بس ماتخافين من تتختلين انتِ والزلم ب الحدايق
_جادح:: لججججج كافي
حجاها ودفعها بقوة من صدرها
مانع نفسة يمد ايده عليها
ضحكت وهزت ايديها
_جميلة:: كلهااا ابو عماد كلها شلون تحبها وتريدها علويتككك شاهيناز
باوعت لجادح مصدومة بكلام جميلة
_شاهيناز:: شنوو ابو عماد؟؟
_جميلة:: اويي هسة تسوين روحج ماتدرين شي خطية فقيرة كلش لعد بنص اليالي من تتختلين بزلمة متزوج وعندة ولد ما استحيتي على نفسج
صاح جادح بيها
_جادح:: وجودج بحياتي مؤقت جميلة
_جميلة:: وتاخذها موو
_جادح:: اي اخذها
صفكت ايد ب ايد وحجت
_جميلة:: طايح ابو عمادد
_جادح:: اي طايح احبها واريدها على سنة الله ورسولة واريدها ب الحلال . تسمعين علوية؟؟؟
صحت وبعدت عنهم طالعه من الحديقة جسمي يرجف من العصبية دمعت عيوني شلون نحطيت بهيج موقف
طلعت من المطبخ صارت عمتي كدامي جاية للمطبخ التلفون بيدها
مشيت ب اتجاها اريد احجي وياها
صرخت مسحوبة ربطتي من الخلف خليت ايدي على شعري مصدومة
صرخت ايدي على شعري باوعت جادح دار وجهه يصيح بجميلة وهية تصرخ
دفعتها عمتي عني بقوة خليت الربطة على شعري ابجي طلع الكل تحت صرخات جميلة واتهامها الباطل الي
اول مارجعت لبيتنا صاح اخوي سجاد بية بعصبية
_سجاد:: بعددد روحةة لبيت السيد ماكووو مفهوم!!!
_منتظر:: صعدي لغرفتج شاهيناز
_شاهيناز:: بابا اسمعني فدوة والله هاي جذابة اني مالي ذنب بكل الي صار!..
كعد ابوي على القنفة يمسح بوجهه وامي واكفة ترزل بية
باوعلي سجاد وحجة
_سجاد:: حلوة بحقج كل الي صار؟؟؟
_شاهيناز:: اتهمتني باطللل
_سجاد:: فوككككك شاهيناز وجهج ماريد اشوفههه يلا
صعدت لغرفتي ابجي وادك على وجهي
رفعت راسي وحجيت بحركة كلب
_شاهيناز:: حسبي الله ونعم الوكيل بيج يا جميلة
سكتت ابجي ماريد ادعي عليها عدها ابن ماريد اسود كلبي اهلي ماعلموني على الحقد والكره
كعدت على الجرباية ابجي بحركة نضرات اهلي الي اخخ مانساها مانسى شلون الكل يباوعلي
نمت بمكاني اشهك كلبي محروك حرك حقدت وكرهت جادح حملتة ذنب كل الي صار بية
بسببة كل الي صار ما اسامحك يا جادح عمري كلة ماراح اسامحك
كعدت الصبح على صوت سجاد اخوي
رفعت راسي شفتة واكف بباب الغرفة يباوعلي
دنكت راسي وبجيت مهضومة منه
اجة ب اتجاهي اخذني بحضنة يمسح على راسي
حجيت مقهورة
_شاهيناز :: توكف وياهم ضدي سجاد
_سجاد:: اوكف ضدد الدنيا كلها علمودج اخيتي انتِ وعزيزتي بس مو هينة ابد مو هينة اشوفهم يتهموج هيج ويطعنون بيج شلون اراضها على نفسي
قوست حلكي وهزيت راسي ب اي
_شاهيناز:: ما اريد اروح هناك بعد ما اريد اشوف احد
_سجاد:: براحتج. بس لاتزعلين مني شهودة خاف زعلتج
هزيت راسي ب لا وحضنته
_شاهيناز:: ما ازعل عليك اخوي انت اعرف بيك انقهرت حقك واني اسفة خليتك انت وابوي بهيج موقف
باسني براسي وكام سحبني من ايدي
_سجاد:: كومي يلا اكلي
_شاهيناز:: ماريد ب العافية ما اشتهي
_منتظر:: مو بكيفج ماتردين يلا كومي الاكل لايبرد
باوعت لابوي دخل للغرفة يباوعلي مبتسم
دنكت راسي وبجيت
اجة ب اتجاهي حضني وباسني براسي
تصالحت ويا اهلي حسيت ب الراحة لان اهلي تفهمو الي صار وماقلبو ضدي
بليل سمعت صوت السيد يدخل للصالة
باوعت السيد والعلوية زهراء
سلمت عليهم شايلة بخاطري من السيد
باوعلي السيد وابتسم بحزن عيونة مدمعه
_عبد الرؤف :: البارحه مانمت افكر بيج وشلون طلعتي من البيت مقهورة مني وتبجين
_شاهيناز:: لا سيد عادي ماصار شي مو زعلانة اني
حضني يمسح على ظهري
_عبد الرؤف :: اسف بنيتي الي صار مايليق الج ولا جنتي تستاهلين الكلام الي سمعتي
_شاهيناز:: لاتعتذر سيد انت ماغلطان
ما اكتفى السيد بقى يبوس راسي ويعتذر الي الحزن والندم بعيونة
حجت العلوية زهراء تباوعلي
_زهراء:: يمة البنيات كلهن مقهورات وزعلانات لزعلج وباجر يرجعون لبيتهم ماتجين تسلمين عليهن
باوعت لامي وابوي جانو راضين ومامنعو حتى سجاد اخوي جان موافق
هزيت راسي ب اي وحجيت
_شاهيناز:: اي علوية اسلم عليهن قبل لايرحن
_عبد الرؤف:: يلا لعد امشي اخذج بيدي اكلهم حفيدتي شاهيناز رضت عنه
ابتسمت وصعدت البس عباتي حتى اروح ويا السيد للبيت اودع البنات
" عاتكة "
جنا ملتمات ب الغرفة البنات يحضرن بجنطهن راح يرجعون لبيتهم جنت مقهورة على الي صار بشاهيناز ولان البنات راح يرجعن واني تعودت عليهن وعلى وجودهن
انفتح باب الغرفة دخلت حوراء للغرفة تضحك
_حوراء:: ولجن شاهيناز السيد جابها واجه
_ملاك:: صدكك؟؟؟؟
طفرنا كلنا خارج الغرفة نركض فرحانات شاهيناز اجت يعني السيد طيب بخاطرها
نزلت الدرج اضحك واني اشوف السيد حاضن شاهيناز يبوس براسها
ركضنا كلنا عليها فرحانات بيها وبجيتها
باوعنا السيد وحجة
_عبد الرؤف:: تصالحنة انا وشاهيناز مو صح؟
_شاهيناز:: اي سيد صح
باسها السيد من راسها فرحان
توا السيد يطلع من الصالة ودخل فقار وجادح للصالة
باوع جادح لشاهيناز ورجع يباوع لسيد
_جادح:: سيد خلص اتفاقنا
_عبد الرؤف:: يا اتفاق؟
_جادح:: اريد اطلك جميلة
خزر السيد جادح وحجة
_عبد الرؤف:: كافي جادح
_جادح:: لا ماكو كافي انا كتلك وانت وافقت وكدام الكل وهسة انا اكلك ماريدها وهيا جاي تسبب الي وللكل مشاكل
طلع الكل على صوت جادح وصياح السيد
صاح السيد معز بجادح
_معز :: اي ومن تطلك استاذ جادح ابنك وانت منو الكم؟
_جادح :: شنو منو النا هاي سنوات عايشين طبيعي هسا شنو الي تغير؟
_عبد المقتدر :: ابني احنا رجعنا ام عماد على ذمتك حتى تستقر وترجع تبلش حياتك من جديد!!
دنك جادح راسة بعصبية
رفع راسة وحجة
_جادح:: اتزوج غيرها
_عبد الرؤف:: اذا قصدك حفيدة العاشور ف انا حجيت وياهم من اول يوم رجعت ام عماد على ذمتك وسديت الموضوع
_جادح:: لا مو حفيدة العاشور
_معز:: لعد منو؟
حجة جادح
_جادح:: العلوية شاهيناز انا طالبها منك سيد كدام الكل
انصدم الكل بكلام جادح باوعت لشاهيناز تباوع لجادح بخزرة
قبل لايحجي السيد اجانا صوت جميلة من الخلف تصيح
_جميلة:: موووو حجيت وكلت رجلي كاتل روحة على شاهيناز محد صدكني طلعتوني اكره واحقد شفتت هسة شفتتت سيدد يريدها متمسك بيها
_لباب:: ولج اصعدلج هسة اكسر رجليج تكسر لعبتي رواحتنااا
نزلت جميلة الدرج تركض
بنزلتها دخل عمي منتظر وسجاد ومرت عمي وعمتي خلفهم هية والولد
صاحت جميلة بعالي صوتها
_جميلة:: جاوبني جادح ليش هيج متمسك ب شاهيناز ليش تريدها ومتعلق بيها هيج. عدكم شي سواا مووو
_عبد الرؤف:: كافي ام عماد حدج لهنا ما اسمح الج تطعنين بحفيدتي.!
باوعت جميلة لسيد وحجت ب استهزاء
_جميلة:: لعد ماتشوف حفيدتك ام الزلم
طفر جادح عليها يريد يضربها وكف الكل بوجهه مانعني يتقرب الها
صاح جادح يباوع لجميلة
_جادح:: جميلة انتِ ط...
_عبد الرؤف:: اذا طلكتها تطلع من البيت وماتشوفني وجهك بعد
دار جادح على السيد مصدوم
_جادح:: سيدد!!!
_عبد الرؤف:: اي وتحلم انطيك حفيدتي انا حاجز شاهيناز لفقا يعني لاتخلي عندك امل
صار فقار وجادح واحد يباوع بوجه الثاني مصدومين
والكل مصدوم من كلام السيد
باوع فقار لسيد وحجة
_فقار:: سيد من يمتى هذا الحجي؟
_عبد الرؤف:: من اليوم
_جادح:: انا اريدها شنووو حاجزها لفقار؟؟؟؟
باوع السيد لجادح وحجة
_عبد الرؤف:: مثل ماسمعت وبفرحة الزهره خطبتهم
_فقار:: سيددد انا ماراضي
_عبد الرؤف:: ليش اكو احسن من بت عمك وانتم رابين سوا يعني ماشوف اكو داعي للرفض
دنك فقار راسة يمسح على وجهه
باوع للسيد وحجة
_فقار:: وهذا سبب رفضي سيد انا اعتبر شاهيناز اختي شلون هيج تقرر سيد
_عبد الرؤف:: لعد وشاهيناز؟
صاح جادح
_جادح:: اناااا اناااا اخذ العلوية شاهيناز!!!
_عبد الرؤف:: ماكووو ماتاخذهاااا شاهيناز لفقار ماكو الك بنيه عدنااا.
حجة فقار من مكانة يباوع للسيد
_فقار:: سيد انا حاجي وياكم على العلوية ملاك وطلبتها من ابوها وجدها بعد ليش هل القرارات؟
_عبد الرؤف:: ليش سيد فقار قراراتي ماتعجبك؟
نزل فقار راسة ورجع رفع راسة يباوع للسيد
_فقار:: سيد شاهيناز بت عمي واعتبرها اختي ليش تخليني وتخليها وتخلي جادح بموقف غير مرضي انت هيج جاي تخرب سيد انا حاجي وياك وطالب منك العلوية ملاك ليش تكسر ب الكل سيد ؟
باوعت لملاك مصدومة فقار رايد ملاك؟؟
باوعتلي ورفعت اكتافها بماعرف
حجة جادح يباوع لسيد
_جادح:: سيد!
_عبد الرؤف:: كتلك العندي فقار وشاهيناز
دك فقار على راسه يصيح
_فقار:: لاتخبلوني انا شعلية شايليني وتفترون بية
_عبد الرؤف:: من الاخير فقار هذا الكلام العندي
_فقار:: اذا مو العلوية ملاك ماتزوج واطلع من البيت
_جهاد:: فقاررر!
دخلت عمتي للصالة خازرة فقار باوع جادح لعمتي وحجة
_جادح:: انا حاجي ويا جهاد من قبل
_سهام:: ابو عماد يعني عيب ترا كدام مرتك وتخطب وهيج مصر على العلوية شاهيناز اذا بينكم شي احجو احسن من هل دوخة
الكل خزر سهام هاي من طلعت انوب
عضتلها العلوية لباب شفة عود بعدين حسابج
الكل التفت على صوت شاهيناز من صاحت
_شاهيناز:: عيب عليكم من اني واكفة وواحد يشمرني على الثاني سيد انت من تدري فقار يريد ملاك شلون تحجي هيج؟
_عبد الرؤف:: انا مااريد جادح؟؟
_شاهيناز:: ولا اني اريدة ابو عماد عيب عليك تعرضني لهيج موقف وتخليني مستحية كدام اهلي والكل وتخليني اسمع حجاية من اليسوا والمايسوا
حجتها واشرت على وجميلة بقصد مايسون
حجة جادح
_جادح:: علوية انا طالبج من قبل
_سجاد:: شكد لحيت جادح عيب عليك
حجاها سجاد ودفع جادح خازرة
التفت سجاد على شاهيناز وصاح بيها
_سجاد:: عندج شي وياااا؟؟؟؟
_شاهيناز:: سجاد؟
دخل عمي منتظر لصالة باوع لشاهيناز وصاح بيها
_منتظر:: عندج شي ويا جادح ماتحجين
_جادح:: كافي منتظر عيب عليكم تشكون ببتكم
_شاهيناز:: كله بسببكك انتتتت انت السبب
صاحت شاهيناز تباوع لجادح تبجي
صرخت بوجهه بقوة ورفعت ايديها بوجهه كدام الكل
_شاهيناز:: تحلم جادح اوافق واقبل بيك
_جهاد:: شاهيناز كافي!!
دارت شاهيناز على عمتي تبجي باوعت للسيد وحجت بتعب
_شاهيناز:: سيد اني موافقة اخذ فقار
باوع فقار لشاهيناز مصدوم خلت شاهيناز ايديها على راسها وصرخت تبجي
_شاهيناز:: ما اريد احد ما اريددد احد
طلعت من البيت تركض واهلها طلعو خلفها
صاحت عمتي بجادح واشرت على باب البيت
_جهاد:: اطلع من البيت جادح مالك مكان هنا بسببك انت ومرتك كل الي صار
_جادح:: جهاد لاتصيرين وياهم علي
صاحت عمتي بجهاد ناهية الكلام
_جهاد:: اطلع جادح اخذ مرتك وطلعو وجودكم غلط بينا مرتك انسانة مامحترمة نفسها وغيورة وكلبها اسود ماترهم تكعد ويانا ليش يا ابن عمي نتخارب ويصير الحقد حاجز بينة
سكتت جادح مأيد كلام عمتي
طلعو بيومها جادح وجميلة ورنا كفاية من البيت
الي صار جان صدمة الي واذية لشاهيناز
محد جان متوقع ومستوعب الي صار
" معراج "
جنا ب السيارة راجعين للبيت فقار يسوق والسيد عبد الرؤف كدام وانا وغل ورا صاعدين نحجي ويا السيد علمود جادح
مر اسبوع والسيد زعلان من جادح شكد حاول جادح ويا السيد وحاول يرضه بس السيد جان رافض حتى يسمع اله
باوع فقار لسيد وحجة
_فقار :: سيد انت تحب جادح ليش هسة صرت قاسي ويا
_غل:: سيد مو لان جادح اخوي وادافع اله واحاول ابرر افعالة بس جادح مابدر منة موقف مو زين هوا طلب منك العلوية شاهيناز وجان صريح وياك كدام الكل ليش هيج تكسر بخاطرة سيد؟
التفت السيد على غل عاكد حواجبة بعصبية
_عبد الرؤف :: وخاطر حفيديتي الي انكسر؟
_معراج :: سيد كلشي ينحل ب التفاهم بس موقفك ويا جادح ماجان منصف
التفت يباوع كدام وحجة
_عبد الرؤف :: انا اعرف الانصاف وين
سكتنا كلنا ماكو امل السيد شاد ويا جادح وصعب يرضا ويقتنع بعد كل الي صار
كمل فقار طريقة واحنا ساكتين نباوع للشارع
صاح فقار من مكانة التفتنا كلنا نباوع مشواق وجادح بنص الشارع ومجموعة زلم يتعاركون سوا
وكف فقار السيارة ونزل يركض
فتحت باب الفقار وركضت عليهم اباوع لمشواق اخوي راسة يصب دم وثنين دايرين علية يتعاركون ويا
ركضنا كلنا عليهم بدون مانفهم شصاير
فقار جر ثنين من تعلاكة ملابسهم وانا ركضت احامي لاخوي مشواق
صارت هوسة بنص الشارع واحد يطك ب الثاني جادح ضخم وصاحب جسم لعب بيهم لعب وفقار بظهره مو اقل منه
غل نايم على واحد بنص التراب
حتى السيد جان يعارك ويانا
محد فاتح بينة لو طب بنصنا
الي جنا نتعارك وياهم ثنين منهم شايلين سجاجين بيدهم يهمشون بيها
اباوع واحد ركض على السيد يريد يدفعة وكفو جادح وفقار بوجهه مانعي
جرة جادح من ملابسة وجابة بوكسي على وجهه
صارت هوسة واجن دراجات ثلاثة كل دراجة بيها ثنين نزلو وركضو علينة يتعاركون
كلها جانت تباوع بدون تدخل
انجريت من ورا بقوة بحيث سمعت صوت قميصي ينشك التفتت اباوع
اجتني ضربة قوية على وجهي انكسرت النظارة بوجهي وحسيت ب الكزاز يجرح خدودي
انسحب الي ضربني من الخلف بقوة باوعت ل دلهب
سحبة وجابة نفس الضربة على وجهه
شفت جزام وياهم ثالث ماعرفة ودلهب
دخلو بنصنا فروهم فر
دلهب ماجان عندة تفاهم يركع ثنين ثنين
وجزام مو اقل منة
اباوع لثالثهم يشبة دلهب بس الفرق عندة شعر ودلهب لا اباوعلة الجكارة بحلكة ويعارك
خلاني مصدوم من سحب الولد طكة ووكف يدخن والولد بيدة سحب نفس من الجكارة ورجع يدخن طبيعي
فقار وجادح واحد بظهر الثاني يشيلون ويشمرون ودلهب محاوطهم
الي جنا نعارك وياهم مو ثنين ولا تلاثة لا
وانا اعارك حسبتهم يطلعون 11 واحد وعدهم سجاجين واحنا بدون نعارك بيدينا
صار صوت سيارات النجدة باوعت السيد شايل السبحة ويشمر بوجههم
ادخلو الشرطة وصارو يفكون بينه
اجو يجرونا بس من عرفو جزام ضابط دكو تحية الة وسبحو ذولاك لسيارتهم
فرغت الساحة وكلها اطشرت
صار واحد يباوع بوجة الثاني
التفت جادح على مشواق خازرة
_جادح:: انت شنو سالفتك اريد افهم
_مشواق:: ماحاجي شي كتلهم السلام عليكم بس
باوع فقار لمشواق وحجة ب استغراب
_فقار:: رايح تسلم عليهم نفسهم الي تعاركنا وياهم رحت تسلم عليهم؟؟؟
_مشواق:: السلام لله والرسول امر بي
صفنا كلنا نباوع على مشواق الي جان يمسح ب الدم من وجهه
باوع غل لمشواق وحجة
_غل:: تعاركتو لان سلمت عليهم؟
_مشواق:: لا انا شفتهم واكفين ب الفرع كتلهم السلام عليكم شلونك اتمنى ندمتو على الي صار قبل وانا باري الذمة الكم. هما عبالهم استهزء بيهم التمو يعاركوني
بقينة كلنا على صفنتنا خازرين مشواق على سالفتة
اشر دلهب على مشواق وحجة
_دلهب :: شايف واحد يجذب طاقة الثراء لنفسه. بس ماشايف واحد يجذب الكتل وادك لنفسة
باوع مشواق لدلهب ماراضي واحنا نباوعلة مخنزرين
ضحك الي ويا دلهب وجزام يباوع لمشواق
_:: سيد موقفك حلو ومو الكل يسوي بس اكو ناس حثالة مايجوز تستخدم وياهم الاحترام لان مو كلها نفسك
_مشواق:: الغلط مني صح مشكور على فزعتكم
حجاها وتسالم ويا الولد دك دلهب على ضهره يضحك
_دلهب:: يمعودين انا عايفك العركة ومركز ويا عمامة السيد لاتطيح
ابتسم السيد يتسالم ويا الولد ويتشكرهم على موقفهم وفزعتهم
التفت دلهب على الي ويا وحجة
_دلهب :: هذا راصد اخوي
تحاضنا ويا راصد نتشكرة على وكفتة ويانا
باوع مشواق لراصد وحجة
_مشواق:: انت هم دفان؟
ضحك راصد وهز راسة بلا
_راصد:: لا هاي شغلة دلهب
كمل كلامة وكال
_راصد :: انا اشتغل ب المغيسل اغسل الموتة
اختفت ابتسامتنا صافنين براصد وهوا على ابتسامتة
باوع النا جزام وغمض عيونة يأشر على دلهب وراصد
_جزام :: والام تلطم على الميت
_فقار :: العائلة كلها توصل الميت للاخرة
ضحكنا واحد يباوع بوجه الثاني مستغربين اعمالهم صح الشغل مو عيب بس دفان ومغسل موتة؟ الموضوع غريب
باوع فقار للولد وحجة ب استغراب
_فقار:: صدك منين طلعتو انتو
_دلهب:: مو كتلك شميت ريحة السادة ادك ب الكلب
_جزام:: تركص ب الكلب مو بس ادك
_راصد:: تلطم وتنوح
عكد فقار حواجبة وحجة
_فقار:: لاصدك شلون دريتو
_جزام:: رايحين نوصل دلهب للمكبرة وشفناكم
كمز دلهب من مكانة مستوعب
_دلهب:: لاااا اتأخرت على الدفنة
_جزام:: لا صدك امشي يمعود امشي كلشي ولا الميت
توادعنا وياهم صعدو ب السيارة وطلعو
صاح فقار يباوع لجادح
_فقار:: لك هاي ايدك تنزف دم
_جادح:: اي لاحتني السجينة
رفع ملابسة يباوع للجرح جان عميق والدم يصب بكثرة حجو الولد ويا ياخذو للمستشفى رفض
_جادح:: هسة اروح للبيت اشدها مابيها شي
_غل:: تحتاج خياط يمعود
_جادح:: لا ماكو داعي
لحو الولد على جادح بس جان مصر مايروح للمستشفى
حجة السيد يباوعلي ضايج
_عبد الرؤف:: امشي خيط ايدك معراج الجرح عميق
_معراج:: هاا
_جادح:: ماروح فقار خلي دمي يخلص واموت احسن حتى ترتاح
_فقار::شنووو
باوعلي السيد وصاح بية بقوة
_عبد الرؤف:: كتلك روح معراج انا ضايج منك لاتزيد ضوجتي جرحك عميق ودمك راح يخلص
_جادح:: ليش هسة تخاف علية فقار من كسرت بخاطري كدام الكل عادي مو
حجاها ومشة باوعنا وصاح
_جادح:: يلا مع السلامه
مشة جادح ب اتجاه سيارتة والسيد التفت يباوعلة ضايج
التفت السيد علينة وزمخ بينة
_عبد الرؤف:: اذا ماراح للمستشفى وخيط ايده لاتجون للبيت
حجاها السيد ومشة للشارع صرنا واحد يباوع بوجة الثاني مصدومين احنا ليش ننطرد من البيت
التفت السيد علينة وصاح بعصبية
_عبد الرؤف:: انتم مستهترين ومراهقين هم
حجاها ومشة
باوعنا فقار وحجة يضحك
_فقار:: يلا هاي ولاغيرها
_غل:: يلا هاي ولايكلك تعال اعقد واخطب
_فقار:: مو اكلك هاي ولاغيرها
ضحكنا كلنا واكفين ب الشارع السيد اخذ سيارة فقار ومشة للبيت تاركنا بنص الشارع مانعرف شلون نقنع جادح وشنو الحل ويا السيد وجادح
" مهجان "
( الماضي )
سافرنا اني وعمتي لايران بطلب من السيد واصراره الشديد على السفر
باوعت لعمتي بحزن تمسح بدموعها صافنة تباوع للمطار ب حزن وانكسار مامستوعبة السيد سوا هيج
واجبرها تسافر وتعوف ثار ابنها ووترك خلفها ذكريات تحمل عطر عون
تركت عمتي عائلتها بدون ماتعرف السبب
ليش هية تغربت وليش السيد قرر يبعدها عن ثار ابنها محد جان يعرف السبب الحقيقي خلف رفض السيد
رفعت راسي على صوت مرأة تكرر ب اسم عمتي
باوعت جانت اجت ب اتجاهنا مرة منقبة مامبين منها حتى عيونها لابسة بوشية
يمشي وياها سيد معمم مدنك راسة
باوعتلها عمتي ومشت ب اتجاها
اخذت عمتي وحضنتها وعمتي انفجرت ب البجي ماكدرت تسيطر على دموعها
_جهاد:: عمةة ابنيييي
_لباب:: ياروح عمتج طير ب الجنة ابنج
وكف السيد كدام عمتي مدنك راسه سلم عليها وهية ردت علية تمسح ادموعها
_جهاد:: هلا خوية عمران
_عمران:: شلونج ام عون البقية بحياتج خاتمة الاحزان
هزت عمتي راسها ساكتة
سلمو علية وحضنتي العلوية لباب ترحب بينة
طلعنا من المطار امشي خلف عمتي الي جانت تمشي ب انكسار وحزن
العلوية لباب ماخذة ايد عمتي تمسح عليها وتصبرها بكلامات هادئة
اشرلنا السيد عمران على السيارة وحجة
_عمران:: منا علويات
مشينة ب اتجاه السيارة انفتح باب السيارة نزل منها شخص طويل صاحب ملامح حادة
ابتسم بوجه عمتي وتقدم يرحب بيها
بدون مايباوعلي سلم علية ورحب بية هزيت راسي ساكتة
حجت العلوية لباب تأشر على السيارة
_لباب:: يلا يمة يلا امشونا يلا مشواق يمة
صعدنا ب السيارة وطلع بينة مشواق للبيت
جنت صاعدة بصف عمتي ايدي ب ايدها
وهية صافنة على الطريق
باوعت لطريق ماعرف شنو ضامتلي الايام مكان جديد ناس جديدة حياة جديدة
وصلنة للبيت نزلنه والولد نزلو الجنط من السيارة
باوعت للبيت جبير توقعت اولاد العلوية لباب كلهم عايشين بهذا البيت
استغربت من كالت العلوية لباب
_لباب :: البيت بيتجن يمة اخذن راحتجن ولاتتعقدن محد موجود بس اني وانتن واسراء
صعدتنا العلوية لباب فوك اخذت عمتي غرفة واني اخذت غرفة وحدي انصدمت البيت كلش جبير ليش العلوية لباب عايشة وحدها اولادها وين؟ اعرف عدها حفيدات وينهن؟
نمت وكعدت وعمتي بعدها على نومتها ماكعدت
نزلت جوا شفت العلوية لباب ب المطبخ تطبخ من كعدت هلت بية تسولف وتضحك تسحب الخجل مني والتوتر
باوعتلها وحجيت ب استغراب
_مهجان:: علوية انتِ مو عندج اولاد ثلاثة
_لباب:: اي عمران ومشواق ومعراج
_مهجان:: لعد وينهم ليش ماعايشين هنا؟
باوعتلي وحجت
_لباب:: عمران طالع بيت وحدة عيني ست سهام تتضايق البيت يخنكها تريد بيت وحدها طلعتها بيت وحدها مشواق ومعراج عزلتهم ببيت وحدهم ورا بيتنا هذا
حجتها واشرتلي على باب مربوط ب المطبخ مثل الي عدنا ببيت السيد عبد الرؤف بس احنا حديقة
_لباب :: بيت وحدهم مطبخهم حمامهم غرفهم وحد مايجون هنا نادراً يجون حتى طبخهم هما يطبخون لرواحتهم واني واسراء هنا وحدنا نروح للحوزات نطي دروس ونجي
باوعتلها وحجيت ب استغراب
_مهجان:: ماتحسين ب الوحدة؟
_لباب:: لا ماحس ب الوحدة ب العكس احس ب الراحة مرتاحة منهم
ضحكت اباوعلها عكدت حواجبي وحجيت
_مهجان:: لعد العلوية اسراء وين؟
_لباب:: هسة تجي من الحوزة
هزيت راسي وسكتت
اجت اسراء بيومها هية وعمتي مانامن للفجر عمتي تحجي وتشكي لاسراء وهية تسمع الها
مر اسبوع بدينا نتأقلم ويا الجو وعمتي بدت تدرس ب الحوزة واني بديت ادرس واتعلم الغة الايرانية
بهذا الاسبوع مرتين بس التقيت ب حفيدات العلوية لباب جانن هادئات وحبابات نوعاً ما
بس مشكلتي جانت ويا سهام جانت تشمر ب الحجي وماعاجبها العجب سكتت عنها مامهتمة الها هية تجي ساعتين وترجع لبيتها البيت يصفى الي بس لان عمتي واسراء والعلوية لباب يطلعن
بيوم من الايام دخلت للمطبخ احجي ويا شاهيناز وهية تنقلي الاخبار الي جاي تصير ب النجف
فتحت باب الثلاجة وضحكت اسمع لرزالة العلوية زهراء وشلون رزلت البنات لان اتغيبن عن الحوزة
سديت الاتصال من شاهيناز وكعدت اطبخ
سمعت صوت طرقات باب بيت السادة
ركضت البس ربطتي ورجعت للمطبخ حجيت
_مهجان:: منووو؟
_مشواق:: انا علوية
مشيت افتح الباب بس مستحية لان وحدي ب البيت
فتحت الباب باوعت لمشواق منزل راسة سلم بدون مايباوعلي رديت السلام وابتعدت عن الباب
حجة واكف ب الباب
_مشواق:: خلص الغاز عدنا بس اطبخ التمن بغازكم
ابتسمت كاتمة ضحكتي
_مهجان:: عادي سيد براحتك غازكم هذا مو غازنا البيت بيتكم
مشة ب اتجاه الطباخ وحجة يضحك
_مشواق:: امي لو موجوده ماتقبل اطبخ الى ادفع فلوس
_مهجان:: هاي ليش؟
_مشواق:: اي تكول ماكو شي بلاش
ابتسمت ايدي على حلكي
كعد يطبخ التمن على الغاز واني كاعدة بمكاني
التفتت يغسل ب الجدر حجة بدون مايباوعلي
_مشواق :: طابخين تمن انتم؟
_مهجان:: لاتوني اطبخ عود
_مشواق:: يلا هذا تمن هواي سويت اخذ صحن واخذي الباقي
_مهجان:: تمام عدكم مرك لو انطيكم
ابتسمت وحك حاجبة
_مشواق:: لا انا اريد منكم
_مهجان:: العلوية لباب طابخة مركة بتيتة هسة اصبلك
هز راسة ب اي وطلع من المطبخ كمت حميت المرك حتى تصير حارة هدرت التمن وكعدت بمكاني
من كملت المرك صبيت الهم صحن وعزلتة على صفحة
اجة اخذ المرك وصب تمن وطلع صبيتلي اكل وكعدت اكل تمنة طيب مو معجن حبة حبة مدهن اني ماعرف اطبخة هيج
اجن العلويات والعلوية لباب من درت مشواق محمي اكل عدنا رادت تهد علية لزمتها اضحك
_مهجان:: علوية طبخ النا جدر تمن مو بلاش
_لباب:: هااا صدك
_مهجان:: اي باعي جدر شكبرة خلينة نستغلهم ب الطبخ بعد خوش تمن
صفنت العلوية لباب تباوعلي
غمزتلي وحجت
_لباب:: نخليهم يسوون عشة عدنا بس شرط يطبخونا وياهم
ضحكت اهز راسي ب اي
وهيج مرت الايام ب ايران والسنوات بدت تمشي......
" قدس"
كلشي صار بشاهيناز ماجانت تستحقة ولا جانت تستاهل الاذية الي حصلتها
ا
لكل جان يشوف تمسك جادح بشاهيناز جان واضح الحب بعيون جادح
بس هوا ماعرف يتصرف وخربط كلشي
ب استعجالة
ثاني يوم طلعنة من البيت
عمتي جهاد اني وعاتكة وملاك ناخذ شاهيناز ويانا ملاك حبت تزور قبل لاترجع لبيتهم
وعمتي اخذتنا وياها
طلعت شاهيناز من بيتهم سلمت علينة ببرود جانت تعبانة كوا عليها جاية بس عمتي اصرت عليها تجي حتى تغير جو وتنسى الي صار
مشينا واني افكر واعيد الي صار وياي البارحه براسي ما اعرف الي صار حقيقية لو خيال
بس اني متأكدة الي صار جان حقيقي
بليل انطفت الكهرباء جنا اني وعاتكة وحميدة ب المطبخ صعدنا فوك محد عدها تلفونها كلنا ناسياته ب الغرف
صعدنا الدرج حميدة وعاتكة كدامي واني خلفهن اسمع صوتهن بس ماشوفهن رغم هذا احس بيهن يمشن كدامي
حسيت بشخص رابع يمشي ويانا انضرب ضهري بصدر شخص جان اكو دفوو غريب ومرعب
جنت متأكدة هذا الدفو مو للبنات لان هنا كدامي واني امشي خلفهن
صعدنا الدرج واني ابلع ريكي ايدي يرجفن اكو شخص يمشي خلفي بس ماعرف منو
مشينة ب اتجاه غرفة البنات حسيت ب ايد تنحط على ركبتي طفرت من مكاني كدام البنات مرعوبة
دخلت الغرفة ملاك فاتحة فلاش تلفونها
اخذت تلفونها اضوي محد موجود بس عاتكة وحميدة لعد منو جان يمشي خلفي قبل شوي؟
دفو صدرة يضرب براسي حسيت ب الدفو بكد ماجان قرب علية جنت مضمومة بحضنة
ماكدرت انام من الخوف وقتها الافكار تجيبني وتوديني يمتى اتخلص من الي جاي يصير بية يمتى !!!
رفعت راسي على ضحك شخص باوعت عاكدة حواجبي هذا دلهب صديق الولد جان واكف كدامنا عبور الشارع يسولف ويا شخص ثاني ويضحك
مشينة نريد نعبر الشارع صاحت عمتي بينة تحذرنا من السيارات
جانت عاتكة تمشي وخلفها شاهيناز
صاحت شاهيناز بعاتكة دافعتها من كتفها بدون قصد
_شاهيناز:: عاتكة عباتييييي
التفتت عاتكة على شاهيناز من قوة الضربة بسرعة رهيبة وغير ملحوضة
اجت سيارة سريعة بدفعة شاهيناز والتفات عاتكة
صرخت مفزوعة من مكاني اباوع لسيارة شلون اخذت عاتكة شامرتها على غير جهه.....!!!
