رواية لست خائنه الفصل الثامن والعشرون 28 بقلم انين الليل

سلام 

انا من شفت رضوى هزت ايدها حسيت بيها شكد شايله عليه اجيت من جهة عطاء وكتلها 

::عطاوي يمعوده عود نريدج واسطة خير انوب انتي ترديلج واسطه على مود بعض الناس يرضون عليج 

جا انا شلون بيه ماكووغيرك ابو حسين انت خويي

علي /:يواشك سلام بعد عدي وياك هواي شغلات وطلابه شكبرها 

دنگت رگبتي ::عمي حاضر بلي تريده بس كون الجماعه يديرون بالهم علينه

شفت رضوى ابتسمت هي وعطاءصعدت بالسياره وعلي هم لحكني ورحنا البيت خالتي

علي // 

عطاء قبل لا نوصل كالتلي بس بهدوء وخجل 

علي اذا تسمح مرلي على جيرانه اريد اجيب اخواني (وحسيت تريد تبجي )-

لان شفتها بالجامه برطمت انا درت عليها //لا تبجين عطاء همه شنو ذنبهم لو ابوج كل ذنبه حب مرته بس

هي طلعت خاينه 

صارت تبجي وتشهك رضوى حضنتها وكلتلها 

رضوى =اسكتي عطاء ياروحي هذا الصار مايطلع يبقى بيناتنا اخوانج 

جهال فواز بس كدام الناس اولاد صاحب لا تبجين حبيبتي 

هي زادت بالبجي رضوى كلتلها =اطلبيله الرحمه والغفران يجوز الله يستجاب الدعائج

اهنا سلام اتصل جاوبته 

:هاسلام 

::انتم وين رحتو 

:هسه نجي 

ونزلت عطاء جابت جود وانمار وبس شافو رضوى حضنوها وهي هم حضنتهم الصدك انا انكسر خاطري عليهم 

شنو ذنبهم اطفال لو ابو عطاء المسكين الي عباله زوجته انسانه شريفه 

وصلنه البيت ام بهاء وشفت سيارة سلام دكينا الجرس وفتح بهاء الباب 

سلمنا ودخلنا للديوان ام بهاء من شافت رضوى حضنتها وصارت 

تبجي وهي تكول //هله خاله هلا بيج 

رضوى حضنت ام بهاء وهي تبجي ام بهاء كلتلها //عليمن تبجين صاحب الله ما يخيب وصبيحه وبتها 

وسهير صاحبن الشيطان والله نصرج عليهن 

رضوى جاوبت =الحمد لله خاله الحمد لله 

اجه بهاء وجاب عصير وماي علي كله //ابو كرار اريد استكان جاي 

بهاء راح وجاب ترمز جاي ام بهاء باوعت الرضوى وكالتلها //كومي صبي جاي الاخوج ورجلج 

هي صارت تصب جاي وقدمت العلي وبهاء بس ما قدمت السلام خلته كدامه ع الطبله هو اخذه وهو ساكت اهنا 

سلام طلع نقاله شاف شكد مكالمات من طاهر لان هو مخلي صامت اتصل طاهر سلام جاوبه فتح الحاكيه

::الو هلا ابو صلاح 

طاهرر/:هلا عمي اكلك اديان تكول رحت انت وام صلاح وكوثرتشوفون بيت شو الهسه ما رجعتو 

سلام متفاجئ ::ها عمي الهسه ما اجن شعجب انا عفتهن بالمطعم وطلعت لان 

مرتك وبتك اتعاركن وياي وبتك طلبت الطلاك وانا عمي بصراحه

بعد ما اتحمل باقرب فرصه ادز ورقة الطلاك ومثل 

ما دخلنه بخيير نطلع بخيير  

طاهر بعصبيه // انت شتحجي 

سلام ::هذا السمعته عمي بعد لو توزنها ذهب ما اريدها ومن هسه اكلك 

عمي لو انت تشتري حصتي لو انا اشتري بيتك ما نعيش سووا 

خابر مرتك وشوفها شتكول فيمان الله

بهاي الاثناء سلام خابر يوسف كله 

::ها يوسف شسويت 

كلي/: كل الخير وساعتين وهمه يمكم 

:: بشرفك عرفت طريقهم 

يوسف // مجرد ما رحتو قرن بكل شي وهم صورتهن 

::او ويه الحبايب شسويت 

يوسف /:مثل ما وصيتنا هديناهن وهدينا الجلاب عليهن هنه صارن مثل المخبلات يركضن واحنا وراهن لمن 

ما نسيناهن حليب امهن 

سلام ::عفيه يوسف ما اعرف شلون اجازيك وحقك يوصلك 

يوسف /:سلام حقي وصلني من فواز الله يرحمه ما قصر وياي وانطاني راس مال وصرت اشتغل بشرف 

سلام باستهزاء ::خايب ياشرف والعصابه الوياك 

يوسف /:وداعتك لا نبوك ولا نسلب ولا ننهب بس نخدم امثالك وتشوفهم كلهم يشتغلون وبعرق جبينهم 

سلام ::كثر الله خيرك وخيرهم وما انسالك هل الخدمه طول عمري 

يوسف /:تدلل انت والوياك 

::سالم ان شالله من تجيب ذوله السكط خابرني 

يوسف /:تدلل سلام الف خدمه مثل هالخدمه 

::مشكور يوسف بس اذا تعزني صدك ادزلك بيد عزوز هديه الك والصحبانك 

يوسف //اگله حقي وصلني 

سلام ::واذا الخاطري 

يوسف //خاطرك على راسي وهديتك مقبوله 

   :: تسلم ياسبع الله وياك 

سلام باوعلي وكلي ::شناوي تسوي من يلزموهم جماعةيوسف 

علي //كل شي ما اسوي اسلمهم للشرطه 

سلام طفر من مكانه وكلي ::انت شتحجي 

انا جاوبته بكل برود /؛مثل ما سمعت واحد اتعدى على بت عمي بمساعدة بت خالها الي هي مرتك اخذت حقها

 والقانون ياخذ حق رضوى لان مو بس انا ابن عمها وما اريد الحجايه تطلع محد يرحم وراح تتاول وموحلوة

 لا بحقك ولا بحق رضوى ويصير الكل يريد حقه من هذا النذل ما اكتله بس اخلي بي عاهه يفكر الف مره كبل

 لا يسوي اي شي واذبه سجن اما هذا الي يبيع اناما عندي شي ويا الحكومه هي الي تحاسبه بس ما اخلي يطلع 

لان الي يلزمه واحد واصل يعرف شلون ما يخليله اي منفذ قانوني 

سلام ::ها تحجي صدك 

علي //افه عليك من نحجي تدري بينا 

اهنا ام بهاءتدخلت /:والله يمه علي لو رضوى عدها سبع خوان ما يسوون نص السويته ولج رضوى صدك من كلتي 

اريده اخو وسند 

سلام اتقرب مني وكلي ::ابو حسين انا غلطت بحقك انت تروح البيتكم بكربلا وانا اجيب عمامي وخوالي واطيح 

عليك وحاضر بلي تريده

انا جاوبته بنفس البرود //والله سلام هاي المصيبه كلها ولا واحد من اهلي واخواني عرفو 

بيها لان حسيت من اول لحظه هاي لعبه قذره بس الي عرف وياي

بس زوج بت عمتي ابو غياث وهوانسان فاهم ماره بي هيج اشياء لكن مو معناتها

انا مطيح حقي لا انا اريد حقي منك مربع سلام انت هواااي مطلوب لي

سلام ::وانا حاضر ابو حسين ركبتي كدامك بس كبلها اريدك تكمل معروفك وياي  

علي رفع حواجبه //ايي بالله سلام شتريد 

سلام اشر الخالته تاخذ رضوى وعطاء ويطلعن من الديوان هي كالتلهن //خاله ام كرار تريد تشوفجن امشن نسلم 

عليها وتالي نرجع 

وراحت ام بهاء والبنات وبقيت انا وسلام وبهاء راد يطلع هو كله 

سلام ::ابو كرار وين رايح دظل عاد صيرلي واسطه 

بهاء /:والله سلام انا ما اكدر اصيرلك واسطه لان انت غلطان 

سلام ::ادري غلطان ومعترف بغلطي ومستعد اسوي الي تريده مني ياعلي 

اجت ام بهاء ودخلت //ها يمه علاوي كول شتريد من سلام تره هو حاضر 

علي //خاله ليش انا ادري ابن اختج شيريد يالله انا اريد منه 

ام بهاء /:اكلك سلام شعدك ويه علي احجي 

بهاء /:حجيه سلام يريد يرجع مرته 

ام بهاء /:صدك سلام تريد ترد رضوى 

سلام ::اي خاله مرتي واريدها 

ام بهاء هزت ايدها وكالت /:والله ياسليم لو انا منها ما ارد اله اشلع كلبك 

سلام ::خاله جاانا ردتج عون انوب صرتي ضدي  

ام بهاء /:خايب ياعون من ماتت اختي وابوك رضوى ما شافت يوم حلو شتذكر منك 

سلام ::خاله انتي مو تدرين بالصار 

ام بهاء /:اي ادري وكلت ما طول شفت بعينك مرتك شريفه انته راح تصير ذكي وتتصرف اندري بيك 

مرتك يمك وهنه لعبن بيها جوله ما كدرت تحافظ عليها 

سلام ::خاله شنو ما كدرت احافظ عليها بس هنه لعبن لعبه خبيثه مو بعينج شفتي السحر انا خفت عليها 

ام بهاء /:ياريت ياخاله ساحراتها ومخبلاتها ولا سون السونه 

بهاء/:يمه على كيفج ويه سلام تره الصار بي مو قليل 

ام بهاء /:والصار بالمسكينه مو جا انذبحت لو ما الله سبحانه سخرالها ابن عمها 

سلام ::وانا والله ما انسى فضلك ياعلي بس اريد مرتي 

كبل لا يجاوب علي انفتح الباب ودخلت رضوى وراها عطاء وكالت =بس مرتك ما تريدك 

علي //هاسلام خو سمعتها باذنك تكلك ما اريدك -وغمزت السلام - مو تگولون ابن عمها مشجعها ع 

الطلاق ومثل ما اتفقنابالمكتب الطفل اول ما يصير ادزه الك احنا هم ما نريد نتحمل مسؤولية جاهل ما ندري 

يتمرض ينخطف يصير بي شي ورضوى زغيره اول وتالي راح تتزوج 

سلام افتهم المغزى وكال ::اي علي هذا هو نبقى على اتفاقنا ما طول رضوى ما تريد ترجع بزري الي

رضوى تريد تحجي اتصل يوسف بسلام رد علي وكله جايينك 

باوعلي سلام وكفنا وكلي ::ياالله وطلعنا انا وسلام ويانه بهاء ورحنا بسيارة بهاء المسدس عد سلام كتله 

انطيني ايا وخابرت نقيب ياسين الي كلي ابو غياث مفهمه وصلنه لكيناهم موجودين كتله وين ابو المقطع 

يوسف اشرلي على واحد باوعلي وحچه وهو خايف 

- - والله مالي شغل هذا جابني وانطاني فلوس والعنوان وما سويت

شي الي صورتنا كالت احضنها بس اصلا من حضنتها هي تكلي سلام

تلعب نفسي والبنيه تصور انا شمدريني 

وبس كملت تصوير انطتني فلوس وكالت ما اشوف وجهك 

انا لزمته وسحيته وكفته وكتله //ليش انت ما عندك عرض اخت بت مره ما تخاف واحد يسوي وياهن هيج بس 

انت عار والعار ما عنده غيره 

لزمت المسدس ورميته برجله بحيث عوقته صوبته بالعظم واجو الشرطه والقوا القبض عليهم لان لكو عدهم مجموعه 

من الحبوب وهاي جانت خطة يوسف يشتري منهم ورجعنا انا وسلام وبهاء بالطريق اتصل عليه طاهر انا رديت علي 

::ها ابو صلاح 

طاهر راسا حاجاني //اكلك سلام عمي شو هاي كوثر تكول ما اريد سلام وهنه مخبوصات

وصبيحه تكلي لا تجي اذا ما تبيع البيت عمي شبيهن 

جاوبته بنتر ::وانا شمدريني شوف شمفينات عمي من الاخير انت على عيني وعلى راسي بس بتك

بعد ما اريدها ومثل ما كتلك خط طلاكها باجر يمك 

طاهر /:والله ياسلام ما اعرف شكلك انا مليت من صبيحه وبتها 

::والله عمي ما اعرف انت ادرى بعايلتك

وسديت التلفون ما خليته يحچي ورجعنا البيت خالتي ودخلنه لكيت خالتي بالطرمه

واكفه بهاء كلها //ها يمه شو اهنا 

- يمه تخبلن من البجي وخاف صار بيهم شي 

بهاء بضحك //ها كامن يبجن 

-اي هاي تكول على ابن عمي علي وهاي تكول على ابن عمي سلام

وضحكنا ودخلنه ويه ام بهاء للديوانيه هنه رايحات جوه يم مرت بهاء

كعدنا ام بهاء سالت //هايمه شسويتو 

بهاء/؛يمه كل شي انتهى ان شالله على خير 

-ان شالله الله لا ينطي الي جان السبب ودوهن سلام ومرته 

سلام جاوب ::ان شالله الله لايوفقهم بس شلون تفكير يهودي تفكير صبيحه وبتها 

انا جاوبت /:ولو هي بت عمك بس تفكير كوثر اضرب من صبيحه 

ام بهاء /:جا كوثر تطلبها امها وخالاتها معروفات بهيج سوالف لكن سبحان الله خوالها خوش ناس 

سلام ::والله خاله ما اتصور صبيحه عدها اخوان طببين 

ام بهاء /:لايمه اخوها حجي عبد خوش رجال بس هي فد وحده عوبه

وعايقه حسبي الله عليها جا انكتلت البنيه من وراهن 

بهاء /: يمه اكلبي صفحه 

سلام ::اي خاله اكلبي صفحه(وباوعلي )ابو حسين كبل لانروح انت باوعتلي وغمزت وكلت الطفل بس 

يصير الك شنو 

علي /:ادري بيك سلام تحب رضوى والصار غصبن عليك وهي هم تحبك بس بعدهي مجروحه انا ما الومها لان

الصاربيها مو شويه 

سلام ::وانا حاضر الكل شي بس فهمني 

علي //البارحه كتلها سلام يسلم عليج هي كلتلي بعد ما اريده ولا احبه 

واريد اتطلك منه انا من جنت اروح للمصحه الطبيب يكلي كل شويه 

وكالت اريد سلام ليش ما يجي اشوفه سلام بي شي عرفت رضوى

تحبك ولا يمكن تبعد عنك لا وبعد كتلها سلام يكول انا اتعلمت على

نسوان اثنين وبس اطلك رضوى يجوز اخذ عطاء هي بالبداية كالت اي اعرفه ابو النسوان وبعدين كالت لا 

عطاء تشوف سلام اخو الها بس اويلي لو تشوف من صعدت عطاء ويانه بالسياره ودهه تذبها من الجامه 

وضحكنا ام بهاء كالت /:والله ننطيها العذر 

سلام ::والله خاله انا شتريد رضوى اسوي بس كون تسامحني خاله روحي احجي وياها واقنعيها 

ام بهاء //رايحه خاله رايحه وداعتكم طلع عظم بلساني على مود ترجع 

اووف منك انوب اختي سمتك سلام لو مسميتك حرب ضيم احسن

راحت ام بهاء واجت وهي تكول //ما قبلت تكول يطلكني 

سلام ::خاله حجيتي وياها 

ام بهاء //اكله متت اقنع خو عطاء ما عوزها تحب ايدها بس هي ابد 

سلام كعد وخله ايده على وجهه وهذا طاهر كل شويه وخابر هو خلا صامت 

اجت ام بهاء وكلتله /:-خاله بعد هي ما تريدك ولو من طلعتو من ساعه صارت تبجي وفرفحت تكول على علي

 بس ادري بيها عليك يمه انت ظلمتها ولازم تتحمل اصبر عليها 

هو بقى ساكت انا كتلهم//والي يخلي رضوى ترجع السلام 

هوفز من مكانه وكلي ::علي شتريد انطيك 

هزيت راسي وگتله //بالله ما تستحي شنو شتطيني 

سلام ::يمعود انت بس اامر 

جاوبته //هو انا عندي طلب زغير يمك سواء رجعت رضوى او لا 

::كول علاوي ادلل

حجيت بخجل //والله ياجماعه مو عبالكم استغل الفرصه بس هي اجت بوكتها سلام انا ما طول خالتي ام بهاء موجوده

وبهاء اعتبرهم اهلي وهاي بس ذبة حجايه

سلام ::كول علي ما يردك الا لسانك

  :يشرفني اخطب بت عمك عطاءءطبعا انا اجيب اهلي واخطبها

من ابوها بس اريدك تمهدلي الطريق ويه عمك وانتي خاله ام

 بهاء هم اريدج تاخذين راي البنيه

سلام ::والله علي ما نلكى احسن منك البتنا انت الي وكفت وكفه عمرنا كله ما ننساها والنه الشرف اناسب واحد 

باخلاقك بس نريد منك تنطينه وكت لان انت تعرف بالظروف 

هزيت راسي //انا الاعرف انا اريد اعرف رايها 

ام بهاء /:صار يمه هسه اروح واخذءرايها 

علي //لا خاله مو هسه خلي نكمل شغلة سلام وانتم شكول ايدوني

وهسه اسمعني سلام 

وصار علي يحجي ويفهم بسلام وكال لام بهاء//بلا زحمه عليج ام بهاء صيحي رضوى ومن تجي انتي احجي 

وياها كدامنا 

وراحت ام بهاء ورجعت هي ورضوى ام بهاء حجت وكالت //رضوى يمه رجلج وشاريج وشتطلبين هو حاضر 

رضوى =خاله كل شي ما اريد منه يطلكني وكل واحد يروح الحال سبيله 

ام بهاء /:يمه تره موبس انتي تدولبتي هو اضعاف وانتي هم غلطتي من سكتي وما كلتيله على سهير 

رضوى سكتت ودنكت 

انا بس شفتها كتلها //ياالله رضوى خل نروح

هي كالت /؛ياالله 

وقبل ما نطلع ام بهاء كالت /:يمه رضوى فكري هذا رجلج شاريج وكل واحد يغلط وهو هم تعب وشبع ضيم وهو 

ما يدري بيج وين ما وين 

رضوى =لا خاله طريقنا مسدود 

ام بهاء //ليش خاله صلوات هسه يجيكم طفل يفرحكم ويعوضكم عن كل شي 

رضوى =لا خاله ما ارجع لو شيصير 

علي //بعد سمعتوها اعذرونا ياجماعه خويه سلام باجر الصبح امر عليك ونتمم الاجراءات صار معلوم 

سلام وگف وكال :: انا اعترف ياجماعه غلطت وردت اصلح غلطتي لكن رضوى ما قبلت بعد هذا هو علاوي مثل 

ما تريد بس على اتفاقنا الطفل بيوم الي يصير اخذه 

علي //اكيد على اتفاقنا احنا هم ما نتحمل مسؤولية طفل ان شالله بس يصير انا بايدي اجيبه واجي وهذا بهاء

وامه شهود بس يصير بساعته اجيبه الج ام بهاء وانتي انطي الابن اختج 

رضوى بقت تباوع العلي تريد تحجي 

سلام ::من رخصتك علي اريد احجي ويه رضوى على انفراد 

علي //وليش على انفراد كدامنا اتصور ماكو اسرار بيناتكم 

سلام ::وانا اتصور يا استاذ علي رضوى هسه تخصني اكثر منك 

علي بنتر //شنو قصدك 

سلام بعصبيه ::قصدي صحيح انت ابن عمها بس هي بعدهي زوجتي شرعا 

لو انا غلطان وانا ما عندي شي وياها مجرد دقيقتين تلاثه 

علي //اكلك سلام اشو تزمخ 

سلام ::علي تعرف هي زوجتي واصلا مو صحيح تروح وياك لكن الظروف فرضت علينه هذا الشي 

رضوى =علي عوفنا خلي اشوفه شيريد 

طلعنا انا وبهاء وامه وبقى سلام يم رضوى

////////////////////////////////////////////////////

سلام 

انا من طلبت من علي وخالتي وبهاء يطلعون بناءا على تعليمات علي لان بصراحه انا كلش خجلان 

من رضوى 

ولان عرفو بيها بريئه وانا ظلمتها مثل ما غيري ظلموها ياجماعهرلحد يلومني اي واحد بمكاني يسوي اكثر 

من الي سويته ومن عرفت ابراءتها سويت المستحيل على مود ابهذل واذل كوثر وامها لكن هي اصرت 

ع الطلاك من طلعوا هي بقت واگفه انا باوعت الها 

::رضوى ليش واكفه اكعدي 

هي جاوبت =مرتاحه هيج 

::ها براحتج 

رضوى =اتفضل اسمعك بس ياريت بسرعه 

::حاضر بامرج اريد اكلج انا اسف واتمنى تقبلين اعتذاري وانا حاضر الكل شي تامرين 

رضوى =هو طلب واحد وياريت تنفذه اريدك تطلكني

::صار وتدللين (واتقربت يمها وطلعت المسدس وخليته بايدها وكلت)

هاج رضوى ارميني عوقيني موتيني وبعدين اطلبي الطلاك 

هي رادت تحجي انا خليت ايدي على شفايفها وكلت 

::ولج خبالو احبج واموت عليج ولج انا ما غلطت انتي الغلطتي لمن رحتي السهير او واجهتيها ابحدج 

رضوى =هسه انا غلطانه وانت خطيه فقير 

هزيت راسي ::طبعا غلطانه تعرفين كلش زين الي تسوي هيج تسوي اكثر 

رضوى =وانت صدكتهن بدون ما تسمعني 

::وج اي واحد مكاني عنده غيره ويحب مرته يسوي اكثر انا جا رميتج لو ما علي لزمني  

رضوى =بس انا ما احبك 

::ادري بيج لكن اطلب منج تبقين الخاطر علي 

رضوى باستغراب =ليش شبي علي ؟

::علي خطب عطاء وطلب مني احاجي عمي صاحب 

رضوى =ها مو سمعت تريد تخطبها العطاء 

::وانتي ليش ضايجه تغارين عليه مو 

رضوى رفعت عوجت حلگها وهزت ايدها =ليش اغار عليك انت ما تعنيلي اي شي 

::ادري مبين عليج بس هسه اذا طلكتج علي مستحيل يتزوج عطاء 

رضوى =وليش لا 

::لان يا خبالو شلون ننطي العلي مره واحنه تونا مطلكين بت عمه ما يصيرفكري بيها

رضوى =هاي عدك ما يصير انا احاجي خالي 

::وتتصورين اذا صاحب قبل طاهر يقبل صدكي هذني الحيايه يخلن صلاح ينهي عليها انتي فكري بيها رضوى 

رضوى باوعتلي =وهسه شلون 

انا اكلج شلون (واتقربت يمها جانت واكفه منتجيه ع الحايط اجيت يمها وحصرتها واتقربت يمها هي تباوعلي انا 

ظليت اتنفس وهي حسيت بدكات كلبها اتسارعت انا حضنتها يمكن دخلتها بين ضلوعي حضنتها حيل ما تحملت 

صرت ابجي وانا ابوس بركبتها بخدها هي ساكته بعدين كتلها )

::رضوى احبج موتيني كبل لاتكولين طلكني 

هي ما جاوبت انا اخذتها من ايدها وكعدتها ع القنفه وظليت واكف اباوع الها هي كالت 

=زين انا ما راح هسه اطالبك بالطلاك بس مجرد ما عطاء تصير من نصيب علي ويعقدون انت اتطلكني 

::صار الي تردينه علي يستاهل الواحد يضحي على موده 

وكعدت يمها ع القنفه هي باوعتلي وكالت =مو هم يالله تصيحهم عيب هسه شيكولون 

::شيكولون مثلا زوج وزوجته منو اله عدنا شي

رضوى =زوج وزوجته كدامهم بس بيناتنا لا 

::هم تدللين شعدي غيرج 

رضوى بابتسامه حاولت تخفيها =دروح صيحهم 

  :: صار والف صار خادم 

 وقبل ما اوكف بستها بخدها هي باوعتلي انا لزمت اذني هي ضحكت وطلعت لكيتهم متانينه بالحديقه 

واجو بهاء كال /:هاا شصفت المحادثات 

سلام ::علي خويه هذا هو بت عمك قبلت على ما اتمم خطبة عطاء وتعقد احنا نتطلك 

علي /:اي بس لازم بالبدايه تعلن زواجك 

سلام ::هو منو الما يعرف بس عمي طاهر واعلنه اليوم لان رضوى راح ترجع وياي 

رضوى =وين ارجع 

::ترجعين البيتج وياي 

رضوى بخوف =لا ما ارجع 

::شلون نقنع صاحب اذا انتي ما موجوده وهذني ما ندري شيحجن شيسوون 

ام بهاء/:تحجي صدك وره المصيبه السويتها بيهن هم بعد يحجن 

::اي والله خاله كل شي اتوقع 

ام بهاء /:خاله سلام خلي رضوى يمنا اهنا هالشكم يووم عل ما تخلص مشاكلك 

::خاله ما عندي اي مشاكل 

رضوى =اي سلام خليني على ما يشيل خالي طاهر وارجع 

اتقربت يمها وكلت ::يدلل الحلو شعدي غيرج 

هي ابتسمت وانا رحت واخذت عطاء هي واخوانها يم بيت خالها تبقى يم بيبيتها وراحت وياي خالتي ام بهاء  

لان مو حلوة تبقى بالبيت بس هي وياي  

من وصل سلام عطاء كلها ::عطاء ظلي متواصله ويه رضوى ع الواتساب 

عطاءءبخبث /:وليش سلام 

::لان عدها شغله مهمه وياج 

عطاء عوجت حلكها /:اذا هيج مي خالف 

ونزلت عطاء ونزلت وياها خالتي بعدين اجووخوالها كلولي اتفضل انا اعتذرت كتلهم تعبان ورجعت وصلت خالتي 

البيتها وكتلها ::هسه خاله لو جايه ويه رضوى للبيت 

ام بهاء //اثكل شويه ودير بالك زين كافي الصار بيكم 

ونزلت خالتي وانا رحت للبيت 

دخلت ما لكيت احد جنت اتمنى رضوى جايه اقلها اصعد فوك الغرفتها القديمه لان ما اريد ادخل الغرفه 

بيها شي يذكرني بكوثر وما اريد ادخل الغرفة فواز انا اتمددت بالصاله والنقال بيدي شفت رضوى متصله 

ودخلت عل رقم عطاء شفتها متصله عرفت هنا جاي يسولفن انا ظليت اراسل برضوى وهي ما تجاوبني كتبت  

هلا حبي 

روحي انتي خبالو مستاحش الخبله 

اموت عليج 

يمه فدوه الحبيبتي المخبله بعد شكم شهر تصير تمشي جنها بطه

يمته اشوفج هيج 

رضاوي شنو رايج اجي عليح واجيبج للبيت 

ولج مشتاق راح اموت 

اي ظلي لا تجاوبييين على كولةامي الله يرحمها 

يمووووي عالعياره 

بعدين كتلها /:رضوى احبج والله احبج واموت عليج

هي ما جاوبتني بس عرفت بيها قرت الرسايل نمت ع القنفه لمن ما الصبح اجه عمي طاهر وكعدني 

- - ليش نايم بالصاله مو بغرفتك 

انا ما حاوبته كمت غسلت وجهي واجيت كعدت هو كلي //عمي سلام فهمني شصار بيناتكم 

جاوبته بنتر ::اكلك عمي انا مو كتلك اسال مرتك وبتك وبصراحه انا عمي مليت لهنا وتعذرني 

طاهر /:انحسدتو حتى هي تكول اريد اتطلك وهاي صبيحه تكول بعد ما ابقى بذاك البيت لو ادري اتطلكني 

عمي سلام عليك الله كلي شصاير 

::عمي ليش ما تسالهن 

طاهر //سالت وهنه وحده تكول اتطلك لا احرك روحي والثانيه تگول ما ابقى بذاك البيت لو ادري

تطلگني فهمني شصاير 

::مثل ما كتلك ما صاير شي بس الظاهر كوثر تريد تمشي كلامها لذلك سووتلي صيحه بالمطعم وانوب اله 

تطلكني وانا عمي رحت للسيد وكال بس تنطي وكاله الابوها الاخوها اطلكها 

طاهر /:بكيفك عمي خو احنا بعد ما نجبرك 

رن تلفون عمي وجاوب جان اخو صبيحه 

طاهر /:هلا حجي 

والله ما ادري 

ها يمكم وهي شافته وقبلت زين هسه اجي واشوفه 

انا ما سالته بس هو كلي //هذا اخو ام صلاح يكول شفنا بيت اجار مؤقت على ما تلكولكم بيت 

::وانت عمي شتكول 

طاهر /:والله ياعمي الظاهر ما النه كعده سووا من راحو ابوك وامك تخربطت كل امورنا والله ما ادري 

::شوف ابو صلاح شكد يوصل البيت انا اشتري لان بعد ما يصير النه نكعد سووا 

طاهر /:يصير خير 

وطلع عمي وانا اباوعله وانا مقهور ودي اكله طلك صبيحه بس بعدين اتذكر صلاح واخوانه واكول خطيه 

كتبت الصبيحه ع الواتساب ::شوفي والله لو ما اخاف على اسم ابوي بگبره وخطيه ولدج الطليان يمشون 

والناس تاشر عليهم چان دزيت المقطع الاخوانج والطاهر والاولادج لان ادري بيج حذفتي بس انا يوميه ادزه 

الج بالليل بالنهار بنص الليل

طلعت الصبح للمحل وبقيت ويه العمال للعصر رحت للبيت واخذت عشا وياي جاي اكل اجه عمي صاحب لكاني 

ابحدي سال وين مرتك وعطاء وين سهير 

كتله:: ما ادري عمي هاي جيتي من الشغل 

هو صعد ليفوك شويه ونزل كلي //عمي راح اجيب سهير 

::اي براحتك رووح 

وراح عمي ما اتاخر اجه بس مبين علي ضايج انا سالته 

::ها عمي جا وين ام انمار 

صاحب //والله عمي سهير ما طلعت طلعولي اخوتها وكلولي 

سهير اتطلكها وهي متنازله عن كل شي 

باوعتله باستغراب :: ها وليش 

- - ما ادري خابرت عطاء كلتلي عافت الجهال وراحت الاهلها 

::وليش تريد تتطلك 

- - كل شي ما افتهمت تكول عايشه بالضيم لا بيت لافلوس 

انا باستغراب ::ها هيج الحجي 

- - شفت عمي (وهو يعض بايده كتله )

::عمي خابرلي سهير 

هو باوعلي باستغراب انا كتله 

::عمي انطيني رقمها خلي اخابرها من نقالي اشوفها شتريد 

هو انطاني الرقم انا اتصلت هي ردت 

الو 

الو ام انمار انا سلام وهذا عمي صاحب يمي كولي شتردين بالضبط 

هي جاوبت بارتباك //انا 

قاطعتها كتلها ::هاج هذا عمي وياج 

هو حجى وياها //سوسو حبيبتي شبيهم ناجي وماجد 

سهير //ما بيهم شي ليش 

صاحب //يكولون سهير تريد تتطلك ومتنازله عن كل شي 

سهير //اي صاحب انا بعد ما اريد اعيش وياك كافي مليت الفقر وبس اباوع واتحسر 

صاحب /:ها هيج صار الحجي 

سهير //اي صاحب طلكني وكل شي ما اريد منك 

صاحب نفخ وهز ايده //طبعا ما تردين شي جا فلوس البيت الي لغفهن ناجي وهسه ما ترديني 

سهير /:صاحب انا مليت اريد اشوف حياتي 

وسدت التلفون هو شفته شلون مقهور بس ما يعرف شيسوي انا رجعت اتصلت بيها هي ردت وهي تزمخ 

عبالها صاحب //ها صاحب شكو بعد افتهم ما اريدك 

انا جاوبتها :: على كيفج لا تزمخين وصاحب يدري بيج ما تردينه وباجر يطلكج من الصبح بس اسمعيني سهير 

فلوس عمي مالات البيت يجنا شلون ما اعرف لا اجي اكلب عاليها واطيها 

سهير بخوف //وانا منين اجيبهن سلام 

::والله ما اعرف تجيبيهن من اخوج الي باكهن وانتي تعرفين بي الج تلث تيام يجن الفلوس وعمي يطلكج تماام 

هو هم بعد ما يريد بباوع الجهرة وحده مثلج 

شفت عمي ما قابل على كلامي انا كتله ::ابو انمار اذا رجعت الفلوس لازم تطلكها لان هي مو امينه على فلوسك 

شلون اتامنها على بيتك واذا ما رجعتهن انا اشتريلها بيت واسجله باسمها الي اريده منك ما تتصل لا بيها 

ولا باهلها هالتلث تيام هاي تماام عمي 

هو سكت وضاج لان ادري بي شكد يحبها الهاي الخاينه ثاني يوم راح جاب عطاء والجهال وره تلث تيام شفت

 عمي طاهر جاب عمال وشال غراضه وهنه الحقيرات ولا وصلن وعمي صاحب راد يفتهم انا كتله 

::ما ادري بس الطلاك صاير موده لان كوثر هم تريد تتطلك 

واجه عمي طاهر كلي //عمي بتي وكلتني على مود تطلكها العصر امرلك ونخلص كل شي

انا ما حجيت وفعلا العصر رحت صدقت طلاگها وبوجهي البيت خالتي ورجعت رضوى وياي هي 

ما كعدت بصفي كعدت وره انا الفرحه ما سايعتني رجعنا لكيت عمي صاحب منتظرني هو شاف رضوى 

وهو حضنها باوعلي كلي 

- - هاي هي اعلن زواجك ما طول افتكيت من بت صبيحه 

::اي عمي ان شالله 

  اخذ الجهال وصعد فوك انا كتلها ::وين تحبين تكعدبن 

هي باوعتلي وكالت =اروح الغرفتي وانت شوفلك مكان 

انا هزيت راسي الها وكتلها ::بكيفج فاتحتي عطاء 

=اي وهي موافقه 

::بيها الخير 

باوعتلي وسالت =اكلك سهير شسوت 

::الخطه ماشيه بس شوفي الخالج خطيه صفنه تاخذه وصفنه تجيبه 

=اي يحبها وهي ما تستاهله مثل هوايه ناس 😛😛😛

   حكيت خدي وهي صعدت ويه عطاء بعد ان نزل عمي اخذن الجهال وصعدن وعافتني انا وعمي نمنه بالصاله

ثاني يوم الصبح كعدت عطاء سوت ريوك وكعدنا 

تريكنا وبقينا نسولف قبل لا اطلع للشغل ورن تلفوني انا جاوبت 

::الو نعم 

-الو السلام عليكم 

::عليكم السلام منو 

-انا ناجي اخووام انمار 

انا بتهكم /:والنعم منك هلا بيك 

-سلام عدنا شغله وياك يمته فارغ نمرلك للبيت 

::باي وكت تشرفون 

-هسه اذا نمر عادي 

::اي البيت بيتكم 

انا كت العمي جايينا اخوان سهير وطلبت من البنات يحضرن جاي وماي

واجو وتلكيناهم شربو الجاي ناجي شايل علاكه وخلاها كدامي وكال //سلام هاي فلوس ابو انمار او تكدر تكول

نصها لان هاي التجاره ربح وخساره وانت سيد العارفين 

باوعتله وگلت ::اي بس مو هلكد الخساره وع العموم هاي هي خسران النص ما خسران 

ناجي باوع العمي صاحب //ابو انمار انت اخ وعزيز بس اختي ما الها خبزه وياك 

صاحب بقهره /:ليش اشو مدللها 

ناجي /:والله ندري بس هي تكول اذا ارجع تدورون عليه وما تلكوني 

عمي صاحب راد يحجي انا ما خليته /:شنو يعني تشرد لا عمي خلو بتكم عدكم احنا ما نتحمل مسؤوليتها

صاحب وكف على حيله /:اسمع ناجي المره الكالت بس ارجع تدورون عليه وما تلكوني هاي ما تصلحلي مره 

هسه اذا جانت هي ما تريدني مره انا ما اريدها الف مره وما دام جهالي يمي هاي هي يجيها خط طلاكها 

روح حضر جنسيتها والشهاده واليوم اطلكها طلاك لا رجعه في

بعد مرور اسبوعين 

اجه علي وجاب اهله وخطبو عطاء وعقدو ورضوى دزت عليه وكالت السيد الي يعقدالهم يطلكني انا كتلها 

   :: صار حضري اوراقج 

ورحت يمهم عطاء ما سوت حفله بس لبسها حلقه وعقد واجه كعد يمها 

وانا رحت يم رضوى كالت =يالله صيح للسيد 

حاچيتها ابرود :... رضوى ياسيد ؟

=العقد العلي خلي يطلكنا

   :: راااح السيد من زمان بعدين مو تشوفينها واكفه نعقد العلي وبنفس الوكت نتطلك عاد انطي مجال عيب 

شتكول الناس بعدين الف سيد ما يطلكج 

باوعتلي وتخزر بيه =وليش شنو بكيفك 

::لاحبي بكييف الشرع الحامل الى ان توضع بعدين تتطلك 

= ماكو هيج شي هاي انت اتفرح بروحك ويكون بعلمك اطلك منك لو شنو تسوي اتطلك وعينك تشوف 

عضيت على شفتي :: محلوه بت الذين هسه مال واحد ايشيلج ويدخل للغرفه بويه ويعلمج شلون تتطلگين وعيني اتشوف 

هيه باستهزاء = يعني شتسوي 

هو انا بس ادخلج للغرفه تلث تيام ما افتح الباب

هي سكتت ودخلت الغرفة فواز وطلعت بيدها علبه وفتحتها كدام ام بهاء الي ما صبرت وبجت 

وكالت رضوى العطاء =هاج عطوه هذا حقج 

هي شافتها سالتها باستغراب //شنو هاي رضوى 

=ذهب عمه وسيله الله يرحمها كالت الج 

عطاء دمعت عيونها وگالت //لا رضوى هذا الذهب مو الي 

ام بهاء /:لا يمه هذا الذهب خلا الج مرحوم فواز امن رضوى علي وكلها امي رادت الذهب نص الج 

ونص العطاء 

عطاء هزت راسها // ما اگدر اخذه 

= هو من امج الي ربتج وهاي وصية ميت اخذي عطاء لا تقهريهم بگبرهم (رضوى بچت) 

   وعطاء الدمعه بطرف عينها اما علي جانت فرحته ما توازيها فرحه انا من شفت هيج لزمت رضوى 

وحبيتها براسها وشاورتها ::وداعتج اكتل نفسي وما اعوفج شلون اعوفلي وحده مثلج امينه وشريفه 

هي تبيع عليه ثكل رجعت كتلها ::وداعت هذا البطنج ما اعوفج 

هي ضحكت وكالت =شكد لزكه شكد مكروه 

::ادري واحبج وما اعوفج انتي كلتيها لزكه 

بقوا اهل علي باتو الزلم بالديوان والنسوان يم عطاءءورضوى وام بهاء وعمتي عليه ورقيه وعمتي قسيمه بالصاله

 ثاني يوم الصبح تريكو راحو اهل علي وهو بقى وانا رحت يم رضوى للمطبخ كلتلي 

=ها ما تطلع للشغل 

كتلها ::اكو عريس يطلع للشغل 

رضوى =شوف هذا مصدك نفسه 

جانن كلهن مجتمعات بالصاله ويسولفن وعمي صاحب رغم مبين علي الحزن بس كاعد يسولف هي دايره 

وجهه تغسل بالمواعين انا كمت وشلت رضوى وهي تكلي =سلام نزلني لا اذب روحي 

انا شاورتها ::علواه تشمرين روحج واطيح فوكج محد يوخرني 

=ايا ما تستحي 

واخذتها للصاله وخالتي ام بهاء هلهلت وعمتي عليه بس تضحك هي وعطاء ورقيه وقسيمه متعجبات اما عمي 

صاحب يكول //حظوظ سلام وين ما يدور يحوي 

نزلتها وكتلها ::رضوى انتي مرتي وتاج راسي وانتي روحي 

هي ضحكت عمي كال //ولك سلام شو ما تستحي 

:: انت محترك كلبك صاحب 

عطاء /:يا سلام ابوي باجر ازوجه هوةبس اياشر 

وظلينه كاعدين بعدين الكل راح حتى صاحب وعطاء صعدت فوك وبقينا انا ورضوى دخلنا الغرفة فواز 

لان فواز جان يشوف نفسه اخوها وهي تشوفه اخ الها الله يرحمه وكالتلي

=سلام اريد انطي عبادات الفواز واندزله حجه وعمره ونخمس فلوسه 

::ها اها وتريدني اعوفها مشعولة الصفحه 

=ليش هيج تحجي 

=ولج تفكرين الكل شي بس الي ما تفكرين 

::سلام فواز اخوي وغلط وما حصل شي لازم نفكرانسويله شي يفيده وهي فلوسه وانت احق بيهن بس انا لازم

اسويله شي يفيده 

::وانا مثلج فكرت فلوس فواز حقج وشتردين سووي 

=ان شالله وراح اشتري بيت واسجله باسم انمار وجود ولازم تدير بالك عليهم مثل ما تدير بالك على جهالك 

::صار 

=ونزوج خالي صاحب يكعد بالبيت الي نشتري للجهال لان راح اخلي الجهال كبال عيني 

::هو هذا الي انا مقرر اسوي لان فواز كبل لايموت كلي 

رضوى باستغراب =شكلك

::كلي اتزوج رضوى رضوى شريفه ودير بالك على جهالي 

صرت ابجي واجت يمي رضوى حضنتني وكالت =لاتبجي سلام كافي تعبنا خلي نرتاح ونبدي من جديد 

باوعتلها ::مو تردين تتطلكين 

رضوى =عياره على كولة عمه وسيله الله يرحمها 

حضنتها وصارت بس انفاسنا هي التحجي بقينه ما نعرف شگد ساكتين وبعدها رجعنا الحبنا واشتياقنا 

الحمد لله والشكر رجعنا مثل قبل واكثر 

عمي صاحب تزوج مره تقرببا عمرها 37 من طرف خالتي ام بهاء وسكن بالبيت الي اشترينا الجهال فواز وصار 

يشتغل وبجمع فلوس على مود يشتري بيت اله والزوجته وجود وانمار يمه لكن گبال عينه وصار عدنا ولد 

وبيومها الفرحه ما وسعتني وگلولي سمي لكن انا ما قبلت اله رضوى هي الي تسمي وسمته فواز 

ومن سمعت باسمه صرت اشهگ وابچي وبعده بسنتين صار ولد ثاني واهنا رضوى طلبت مني انا اسمي 

وسميته وفاء (تره وفاء مو بس اسم بنيه حتى للولد ) 

اما سهير بس خلصت عدتها اتزوجت بغير محافظه وابد ما سالت على جهالها وعمي تقريبا نساها 

عطاء تزوجت علي وسكنو ابيت طاهر وهي حامل 

رضوى راحت الام عادل وهدتها حجه على حسابها لان ام عادل طيبه ومن نسوان گبل وتستاهل كل خير 

هي وابنها الي لازال بالمزرعه والحمد لله صارن اكثر من وحده وكلهن خليتله حصه بيهن طبعا بمجهوده وتعبه

ما عرفت او ما حبيت اعرف اي شي عن بيت طاهر صارت علاقتنا فاتره وما احاول اسمع اي شي عنهم 

بس الي عرفته كوثر صار عدها انهيار عصبي

 وتتعالج وصبيحه زوجت ولدها والجناين لعبن بيها جوله او هي لعبت بيهن الله اعلم 

هاي قصتنا اتمنى تعجبكم هي مو قصه غريبه ولا ما صايره لا جاي تصير اكثر واكثر بهاي الدوامه الي عايشينها 

انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم

شكرا لزيارتكم عالم روايات سكيرهوم