رواية فرصة تانية الفصل الثاني بقلم ندا سامي
-انتي جيتي يا رقيه.. تعالي شوفي مين عندنا
-انت!!!
= ايه المقابله دي اقوم امشي طيب
قالها خالد بمزاح
-لا طبعا يا مستر مش قصدي والله انا بس استغربت
=انا قولت بما اننا جيران يعني اتعرف عليكم
-نورتنا يبني انت تشرفنا في اي وقت طبعا
-تسلمي يا طنط دا من ذوق حضرتك ... اي يا رقيه هتفضلي واقفه كده
=ها.. لا هقعد اهو
-بصراحه يا طنط انا مكنتش جاي عشان اتعرف عليكم بس انا كمان عازمكم عندنا في بيت والدي بعد بكره ياريت متكسوفنيش
مامتي كانت فاهمه مستر خالد بيعمل كدا ليه بس انا كنت بحاول اكذب علي نفسي وابعد كل الافكار دي عن دماغي.. مكنتش حابه اتعلق بحد تاني او علي الاقل الفتره دي
=طبعا يا حبيبي دا شيء يسعدنا اكيد بس ممكن نرد عليك بكره إن شاء الله
-اكيد خدوا وقتكم ومستني ردكم... طب استأذن انا عشان عندي شغل بكره بدري بعد اذنكم
-مستر خالد مشي وانا دخلت اوضتي عشان انا كمان متأخرش علي الشغل
معرفش بعمل كدا ليه بس بجد انا معجب جدا ب رقيه بنت مختلفه لما بتكون موجوده بحس ان الدنيا كويسه وبخير
-ماما قبلت العزومه وروحنا البيت اللي خالد متربي فيه اهله ناس كويسه جدا وحسيت اني قاعده وسط ناس اعرفها من سنين
-خلص اليوم وكنت مبسوطه وروحنا البيت.
=هتنامي يا رقيه؟!
-لا يا حبيبتي هقعد شويه في البلكونه
اول لما سمعتها بتقول كدا جريت طبعا علي البلكونه
-رقيه انا معجب بيكي.
لا مش كده... رقيه بصراحه انا معجب بيكي و...
كنت داخله البلكونه لقيت مستر خالد بيتكلم بس الكلام مش واضح
-حضرتك بتكلم نفسك يا مستر!!
-هه... لا دا انا كنت بفكر في حاجه كدا
-المهم انتي كويسه؟
-اه الحمد لله شكرا اووي علي اليوم فرق معايا جدا وحسيت اني احسن
-رقيه انا ممكن اقولك حاجه؟
-اتفضل طبعا
-انا معجب بيكي
اتوترت جدا ومكنتش عارفه ارد اقول ايه... طب عن اذنك ماما بتنادي عليا وجريت طبعا علي جوه
-كنت حاسس ان حاجه زي دي ممكن تحصل او رد فعل رقيه هيكون غريب شويه بس انا مش هضغط عليها
عدي ڪام يوم وانا بحاول اتجاهل نظرات مستر خالد ليا.. بس وانا بشتغل حصلت حاجه عمري ما ڪنت اتوقعها وهي وجود ماجد في المڪتب اللي بشتغل فيه!!!
-إزيك يا رقيه؟
ڪنت بشتغل علي قضيه ومندمجه اووي في الشغل وفجاه سمعت صوت انا عرفاه ڪويس معقول هو!
بصيت ورايا وانا بدعي ميبقاش اللي في دماغي صح بس للآسف اتأڪدت
-ماجد!!
= ايوه.. ليه مصدومه من وجودي؟
حاولت اظهر عڪس اللي ڪان جوايا من توتر وخوف وزعل.. مشاعر ڪتير جوايا ڪنت بتحڪم فيها
بصتله بثبات وثقه عڪس اللي جوايا وقولتله
= لا وهتصدم من إيه يعني... استغربت وجودك هنا مش اكتر
-بصراحه هي مش صدفه انا جاي ليڪي انتِ
= جاي ليا انا... ليه؟!
-جاي اعتذر منك علي ڪل اللي عملته واطلب منك فرصه تانيه نرجع وصدقيني مش هزعلك تاني ابدا
دموعي اتجمعت في عيني لاني افتڪرت ڪل حاجه ولسه هرد علي ماجد ولڪن قاطع ڪلامنا صوت مستر خالد اللي ڪان واقف علي بعد ڪام متر مننا
-للآسف رقيه مش موافقه
انا وماجد بصينا لمستر خالد واستغربنا
-حضرتك تبقي مين بقي!!
=مستر خالد السعدي مستشار قانوني و.....
-وخطيبها
= خطيبها!!!
-بالظبط ڪده
-الف مبروك يا رقيه تستاهلي ڪل خير بعد اذنڪم
قالها ماجد وهو مڪسور وندمان
مشي ماجد وأنا لسه واقفه مڪاني من صدمه الڪلام اللي سمعته
بصلي مستر خالد بتوتر وقال
-انا اسف اني قولت حاجه زي ڪده وحقيقي هو ميستاهلش فرصه تانيه... اعتبريني مقولتش حاجه ولڪن من جوايا ڪان نفسي يڪون بجد... بعد اذنك
=استني!
بصتلها وانا مستني الڪلام اللي هتقوله طبعا هتتعصب وده حقها عشان تدخلت في قرارها بس بصراحه ڪنت خايف توافق وترجع معاه وهو ميستاهلش رقيه وبصراحه ڪان في سبب تاني ڪنت خايف مشوفهاش تاني وغيران عليها
-من حقك تتعصبي وتقولي ڪل اللي نفسك فيه و...
= انا موافقه
-ايه!!
-موافقه إننا نتخطب
-ڪنت مصدوم وفرحان وجوايا ڪميه مشاعر مع بعض ومش عارف اقول إيه
=بتتڪلمي بجد يا رقيه... انا مبسوط جدا لدرجه عايزه اصرخ واقول للدنيا ڪلها قد ايه انا بحبك
ابتسمت علي فرحته دي معقول حد فرحان بوجودي ڪده!!!
-اهدي طيب... هبلغك بالميعاد بڪره إن شاء الله
=هستني بفارغ الصبر يا رقيه
بعد يوم طويل أخيراً روحت شقتنا
-مساء الخير يا ماما
=مساء النور يا حبيبتي... مالك في حاجه مضيقاڪي
-بصراحه يا ماما في حاجه عايزه احڪيهالك
=احڪيلي يا حبيبتي... سمعاڪي
حڪيت لماما ڪل اللي حصل من بدايه اعتراف مستر خالد ليا لحد اللي حصل النهارده
-بصراحه يا رقيه ڪنت حاسه بمشاعر خالد ناحيتك من اول ما دخل بيتنا وڪمان موضوع العزومه بتاعه اهله
-طب إنتِ رايك ايه يا ماما
= انا شايفه خالد ڪويس ومحترم وشخص طموح بس في الاخر دا قرارك يا حبيبتي... صلي استخاره وشوفي هيحصل إيه
-حاضر يا حبيبتي
دخلت اوضتي واتوضيت وصليت استخاره زي ما ماما قالتلي وحسيت إني مرتاحه
تاني يوم بلغت مستر خالد بقراري وحددت معاه ميعاد لقراءه الفاتحه ونلبس الدبل عشان عايزه الموضوع يڪون علي الضيق ووافق
جهزت الفستان والديڪور وڪل حاجه طبعا بمساعده خالد عشان مڪنش ليا صحاب هنا خالص
-الو يا رقيه... إزيك
=الحمد لله يا مستر خالد.. اسفه جدا عشان بتصل دلوقتي
-اولاً انتِ تتصلي في اي وقت يا رقيه... ثانياً اسمي خالد بلاش مستر دا انا حتي هڪون خطيبك ولا إيه
اتڪسفت منه جدا وقولت وانا متوتره
=شڪرا جدا يا مست... قصدي يا خالد.. انا اتصلت عشان في موضوع ڪنت عايزه اتڪلم فيه فاضي؟
-طبعا فاضي ولو مشغول افضالك يا رقيه... اتفضلي
قولت في نفسي يا تري هيفضل يعاملني ڪويس ڪده ولا عشان دي البدايات
= احمم... بصراحه ڪنت حابه اوضحلك ڪام حاجه قبل ما نتخطب
-لو قصدك موضوع ماجد ف انا مش عايز اعرف حاجه... انا مش عايز غيرك انتِ وبس يا رقيه... ومهما ڪان اللي حصل في حياتك... انا هعوضك عن ڪل دا اتفقنا يا رقيه
قولتله وانا مبتسمه ومبسوطه لانه مضغطش عليا ولا خلاني ابرر اي حاجه حصلت زمان
ڪنا قاعدين ڪلنا في الصالون وڪنت مستني اشوفها بفارغ الصبر
خرجت رقيه من اوضتها وڪانت زي القمر... يا الله ڪل الجمال ده هيڪون من نصيبي
رقيه مش مجرد بنت جميله ڪشڪل ولڪن مضمونها ڪمان جميل طيبه وحنينه ومحترمه وطموحه وبصراحه ڪده يبختي بيها
ڪان مبهور بيا ڪإني اعظم انتصارته... هو انا اتحب ڪده!!
= انا جاي النهارده اطلب ايد رقيه... وحقيقي مش هلأقي زيها وبوعدها قدام ڪل الناس اني هحافظ عليها وهحطها في قلبي وعيوني
-بصتله وانا ببتسم وقلبي ڪان بيدق جامد وقرأنا الفاتحه ولبسنا الدبل
= ڪنت ببص عليهم من بعيد وانا قلبي مڪسور عشان ضيعتها من إيدي يا خساره مبنعرفش قيمه الحاجه الا بعد ما تضيع من إيدينا
ڪان مجيئك مجيء السلام علي قلبي ♡
