 |
اسكريبت حكاوينا صدفه الفصل الثاني بقلم اماني سيد
-احمم لا ابدا ابعتيلي بس اللوكيشن بتاعك وانا هجيلك
نص ساعه ولقيته قدامي اول اما شوفته جريت عليه زي الطفله الي كانت تايهه من باباها حط ايدي بين كفوفه وهو بيطمن ان انا كويسه لاول مره اخد بالي من مسكت ايده ليا وكأنه بيحميني من العالم كله وكأنه بيقولي بيها متخفيش انا هنا !
-متعيطيش انا هنا -انت فعلا هنا-
-كنت خايفه متلاقنيش
-وانا امتى سبتك تضيعي مني .
فضلت ساكته وبصاله هو امتى فعلا سابني ؟
اومال ايه بقى سبني يا مالك .. انا هعرف اروح لوحدي يا مالك وننينينيني دي كلها
نسيت كل حاجه وفضلت اضحك عليه وهو بيقلدني
-جعانه
-اوي
-نروح اسكندريه
-ياريت
-مافيش ثقافه الاعتراض ابدا
-هو اسكندريه والاكل في اعتراض برضو يلا ياجدع يلا
٤ ساعات وكنا على شط اسكندريه وصوت من بعيد بس واضح كان صوت الست وهي بتقول
|كنت بشتاقلك وانا وانت هنا..بيني وبينك خطوتين..شوف بقينا ازاي وفين..| بصتله ولقيت في عينه نفس النظره بس شوفتها بشكل مختلف لاول مره .. قلب دق و مشاعري اتلخبطت ... بصيت على أيدي لما مسكها وبكل حنية الدنيا قالي
-قلبك مش ناوي يحن .. امشيلي خطوه واحده وهمشيلك بلاد والله ..
قرب اكتر وصوت عبدالحليم ظهر مع قربه وهو بيقول |ابعتلي سلام .. قول اي كلام من قلبك او من ورا قلبك| فضلت ساكته مش عارفه اقوله ايه
اشرحله مشاعري ازاي .. ساب ايدي وبعد
-معقوله قلبك مدقش ليا مره واحده انا تعبت من المعافره لوحدي .. ماهو لو في حد في حياتك كنت هلاقي سبب .. طب انا في ايه متحبش .. فيا عيب هغيره بس اديني امل .
فضلت ساكته سرحانه في عيونه كنت عاوزه اقوله امل ايه وانا قلبي مابيطمنش الا في وجودك بس كنت خايفه اجرحه لو قلبي محبهوش زي ماهو يستاهل ... قام وهو بيقول .
-انا اسف لو ضغط عليكِ ... بس اوعدك من انهارده هحترم رغبتك
الموج علي وعلي معاه صوت ام كلثوم اكتر
|طالت ليالي الالم و اتفرقوا الاحباب ..|
طول الطريق كنا ساكتين محدش فينا اتكلم كل واحد فينا مشغول في افكاره لحد اما خدت قرار ان هبدا انا بالكلام
-مالك انا..
-انزلي احنا وصلنا
بصيت وكنا فعلا قدام العماره
-طب وانت
-هلف شويا بالعربيه
من ساعتها ومعملته اتغيرت مبقتش اشوفه مبقاش يحكيلي تفاصيله تلفوني مرنش برقمه مجتيليش رساله كل يوم -عملتي ايه في يومك انهارده -
وابدا احكي كل حاجه بتفاصيل من غير مايمل نفس الاهتمام والنظره وتعبيره الي بتتغير حسب كل كلمه اكتشفت ان حياتي من غيره ناقصه وملهاش طعم .
كنا قاعدين على الفطار وكالعاده ساكت
-اعملك شاي
-لا شكرا
-انا نازل
-مش هتاخد ليلى معاك يابني
بصلته بكل ترجي انه يقول اه بس هو مابصش حتى
-اظن انها هتروح مع ملك
قررت مروحش الكليه فضلت اتمشي معرفش راحه فين .. انا اه كنت عاوزه اعتمد على نفسي بس .. بس وهو جمبي هنا ماسك ايدي
روحت على الكورنيش وقعدت لحد اما الجو ليل وقررت ارجع ... فتحت الباب لقيته في وشي كان قلقان بصلي وزعق
-كنتي فين وتليفونك مقفول ليه
انتي عارفه احنا كنا عاملين ازاي عشانك ..
بصلته ودموعي بتحارب عشان تنزل يعني ياربي سايبني ومش مهتم وكمان بيزعقلي ... قطعت كلامه وانا بزعق وصوتي بيعلى في كل كلمه
-انت ملكش اي حق تزعقلي انت مش قررت تمشي خلاص مهتم ليه
-وانا قررت امشي ليه .. مش عشان انفذ الي انتِ عوزاه ... بقالي سنين بحاول عشانك انتِ عملتي ايه
-بس قررت تمشي لما حبيتك لما قلبي دق عشانك
مافكرتش انا هعمل ايه من غيرك ...بس معاك حق انا فعلا عملت ايه .
سبته ودخلت البلكونه عشان اعرف اتنفس واهدى
-انا اسف .. بس انا كنت قلقان عليكي ومش عارف اوصلك
-تلفوني فصل شحن ومخدتش بالي من الوقت
بس خلاص والله ماهكلمه لو قال ايه انا يزعقلي كده ويكسر ب قلبي الحيوان عديم المشاعر
-ليلي
روح ليلى والله خلاص هسامحه لاجل .. يالهوي ايه الضحكه القمر دي .. بصتله من غير ما اتكلم عشان ابين ان لسه مقموصه وكده
قرب مني وعيونه فيها نظره جديده عليا
-طب انتي قولتي حاجه هناك كده
-مين
-انتِ
-مالي
بصلي بعصبيه وقالي بنفاذ صبر
-ليلي
-خلاص ياجدع مالك خلقك بقي ضيق كده ليه
فاكر اول رساله بعتهالي فيها اعتراف .. كانت بتقول ايه ؟
-بحبك .. تتجوزيني ؟
-موافقه
-ايه
-ايه؟
-قولتي ايه
-اعملك شاي ؟!
ضحك وضحكت الدنيا معاه وجه صوت الست من بلكونة جارتنا الي جنبنا |وقابلتك انت لقيتك بتغير كل حياتي معرفش ازاي حبيتك معرفش ازاي ياحياتي|
