رواية علي ذمة اخوين الفصل الثاني بقلم جمانه السعيدي
طبعا من سقط النضام وقبل زواجي اخوي الجبير يلح على اهلي يطلعون ورا للسويد
واهلي جانو رافضين وبشده
امي ماتقبل تكول بس اطلع من العراق اموت
مااتحمل ابد
بس الأوضاع بعد السقوط بدت تتدهور
اغتيالات على خطف
وشكو واحد عنده مشكله قديمه واي اي احد بدا يدور ثارات
جمانه السعيدي
الحد مافديوم
انخطف واحد ابن صديق بابا
ورغم اهله دفعو فديه بس ماسلم منهم
قتلو وشمرو باب اهله
هاي الحادثه صارت ورا زواجي
هنا اهلي قررو يصفون كلشي بالعراق ويطلعون للخارج
يردون يسلمون على أكرم اخوي الزغير
اني من سمعت الخبر كلش ضجت شنو يسافرون ويرحون خارج العراق
واني شلون بيه
ليش ماقررو هذا القرار قبل زواجي حتى اروح وياهم
شلون يسافرون ويعوفوني
جمانه السعيدي
بدت حالتي النفسيه تدهور
من ناحيه زوجي هاملني وملتهي بشغله ومن ناحيه ثانيه قرار اهلي يسافرون ويعوفوني
تمرضت حيل وماليه خلك الاي شي
ليث حماي دكيت الباب نجلاء ماما تكول اليوم مانزلت شكووو خيرج
نجلاء مابيه شي شويه تعبانه
ليث سلامتج اخذج للطبيب
نجلاء تسلم من يجي غيث ياخذني
ليث براحتج
بليل من اجا غيث
غيث شكووو شصاير انتي تعبانه
نجلاء اهي اهي اهلي راح يسافرون ويعوفوني
غيث ليش تبجين خليهم يسافرون الأوضاع بالعراق مااطمن ابد
وماعدهم هنا بس أكرم خليهم يسافرون
بعدين بلخارج احسن الهم
نجلاء واني شلون بيه
غيث وانتي شنو ناقصج مثلا عايشه ومستقره والحمد لله
يعني اذا صار شي على ابوج لو اخوج راح ترتاحين
نجلاء يااا اسم الله عليهم
غيث خلاص خليهم يشوفون مستقبلهم هناك واذا ماعجبهم الوضع يرجعون
بلكت اوضاع العراق تستقر ويرجعون
نجلاء مااكدر افاركهم ابد
غيث بس بلبدايه بعدين تتعودين على هذا الغياب
نجلاء اتصدك لو هذا القرار قبل زواجي جان ماازوجت ابد
غيث ليش هيج تكولين حبيبتي انتي
نجلاء احجي صدك
غيث واهون عليج اني صدكيني راح انسيج اهلج وناسج كلهم
نجلاء اي جي ملتهي بشغلك شكال الشغل وشكال العمل
غيث بس خل كم شهر يعبرن حتى اخذج ورا اهلج
للخارج بعد شتريدين مو يدلل الحلوووو
رجع غيث انشغل عني حيل
واني احس نفسي مريضه وتعبانه كنت متوقعه من حالتي النفسيه او لان اهلي راح يسافرون
وبيوم اتخربطت كلش
اتصلت على غيث حتى يجي ياخذني للعياده
نجلاء الو غيث اني كلش تعبانه مااعرف شبيه
غيث يعني شبيج
نجلاء تعبانه حيل وراسي يوجعني اريد اروح اسوي تحليل
غيث مابيج شي لان ضايجه
نجلاء لا مو مثل كل يوم اليوم تعبانه حيل
غيث اني كلش مشغول راح اتصل على ليث ياخذج
نجلاء سنو ليث ياخذني انت زوجي لو ليث
غيث بعصبيه هاي شبيج مو اكول مشغول
ليث ياخذج لا تعبيني خلي الدلال على غير يوم
نجلاء يا دلال اكول تعبانه يكوول دلال سديت التليفون وقررت مااروح هذا شبي ليش هيج تغير عليه
هاي اهلي بعدهم هنا وهيج يتصرف وياي لو اهلي سافرو شلون
جمانه السعيدي
شويه وصعد ليث
ليث نجوله وينج يله كملتي نروح للعياده
نجلاء مااروح بطلت
ليث ليش ماترحين
نجلاء كمت ابجي من القهر قهر غيث و اهلي
ليث هااا ليش تبجين اني راح ادخل
فتحت الباب ولكيته كاعده على ااجربايه وتبجي
ليث ليش تبجين الهلدرجه متوجعه
نجلاء يعني مريضه واريده ياخذني للعياده يكول مشغول
شنو مشغول
لعد اني المن مزوجه
ليث اني اخذج عوفي مالج شغل بي
نجلاء اهي اهي والنوب اهلي يردون يعوفوني بله اذا ضوجني غيث وزعلني المن اروح والمن اشتكي
ليث ..اني موجود اني بس يجي احجي علي ولا بهمج
بشرفج كومي بدلي
ولله اله اونس ونسه ماله مثيل عوفي غيث مالج شغل بي
راح انزل انتضرج جوه
نجلاء استحيت من ليث بدلت ونزلت
خالتي ام غيث هااا خاله شنو يوجعج اروح وياج
نجلاء لا مابيه شي هسه اسوي تحليل وارجع
رحنا اني وليث اول شي سويت كم تحليل حتى ادخل للدكتوره تشوفهن وتعرف شنو المشكله
وبقينا بلعياده ننتضر اني وليث
راح ليث جابلي عصير وكام يسولف ويحشش يحاول يضحكني حتى اغير جو شويه
شاف عجوز جايه للعياده ولازمه ضهره وكوه تمشي
ليث هااا حجيه لا تسوين تحليل ولا تعبين اني اكلج
مبرووووك انتي حامل
اني العصير طلع من خشمي
ليث حجيه اكيد هذا الطفل الاول مبينه تعبانه حيل
الحجيه طلعت لوتيه اكثر منه
...اي يمه هذا اول حمل وحيل متعبني
بقه يحشش هو ياها ويضحكون
بعدين طلع التحليل وطلعت حامل
ليث الف مبروك واخيرا اني راح اصير عم
همزبن طلع شي من غيث بي خير
نجلاء الله يبارك بيك اخذت التحليل ورحت دكتوره نسائيه كتبتلي شويه فيتامبنات ومقويات
ونطتني موعد
#جمانه السعيدي
طلعنا من العياده صمم ليث يعشيني على حسابه بهاي المناسبه طلبت كص وببسي
كلش تغيرت نفسيتي من هاي الطلعه وفرحت اكثر شي بخبر الحمل
نجلاء اوكف خل اخذ كيكه واريد نفاخ اريد افاجئ غيث ولو مايستاهل
ليث اعرف محل كيك يخبل
اشتريت كيكه ونفاخات
ورجعنا بشرنا عمي وعمتي بهذا الخبر الحلوووو
واتصلت على اهلي كتلهم
امي كامت تهلهل وتوصي بيه ديري بالج على نفسج
صعدت غيرت الفرشه ورتبت غرفتي ولبست ثوب يخبل
ومكياج وعطر وبقيت انتضره
اتأخر حيل اكو طلبيه جايه للمخازن وبيه نقص ورايح يجيك عليه
لان اي شي نقص هو المسول عنه
نزلت جوه اروح وارجع لان اتأخر عليه
عود اني ماردت اخابره
حتى المفاجئه ماتخرب
جمانه السعيدي
ليث بس شفت نجلاء مبدله وتروح وترجع وغيث اتاخر
كلش ضجت عليه
اتصلت بي
ليث وينك يمعود ليش اتاخرت
غيث عندي شغل ساعه يله ارجع
ليث هاي المسكينه محضرتلك مفاجئه وتنتضرك
غيث اي غير اخلص شغلي قابل اعوفه على النص
ليث حاول تخلص بسرعه
نجلاء تعبت من الانتضار وضجت حيل
صعدت نزعت الثوب ولبست تراك ولميت شعري
ونزلت النفاخات
نزلت جوه كتلهم تعالو ناكل الكيكه لان غيث مبين ماورا جيه ابد
قطعته ووزعته عليهم والباقي خليته بلثلاجه
ليث شكد ضجت على نجلاء مسكينه مزوجه ومامزوجه
غيث دوم مشغول عنه
واهله يردون يسافرون
وهذا الاحساس حيل مخوفه
نجلاء ضميت باقي الكيكه بلثلاجه وصعدت فوك الغرفتي بس شنو بركان يغلي بداخلي
اذا احلى لحظات حياتي مااكدر اشاركه وياااا
بعد عليمن محسوب عليه زوج
المشكله ماكدرت انام لان كلش ضايجه
غيث رجعت لكيت الكل نايم بس ليث طلع من غرفته
ليث ليش اتاخرت
غيث ولله تعبان هسه يله خلصت
ليث خطيه نجلاء محضرتلك مفاجئه وبقت تنتظرك وانت ماكوووو
غيث شنو هاي المفاجئه غششني
ليث مبروك راح تصير اب
غيث الله عليك نجلاء حامل
ليث ولو اني حركت المفاجئه يمعود بدلت وحضرت كيكه
وانت ماكوووو
غيث اني هسه اصالحه
جمانه السعيدي
نجلاء سمعته فتح باب الغرفه وسويت نفسي نايمه
غيث دخلت لكيت نجلاء نايمه
بدلت اجيت يمه
غيث حبيبتي روحي كلبي مبروك والف مبروك
اكيد راح تكونين أجمل ام بلدنيا كله
نجلاء ماحجيت اي شي
غيث اعرف الحلو زعلان عليه بس ولله ما كدرت ارجع من وكت
الطلبيه جايه بيه نقص حتى العمال بقو وياي الهسه
النقص هواي كان لازم اجرده
اني راح اعوضج واعزمج بااحلا مكان
نجلاء مايهمني تعزمني بااحلا مكان المهم انت تكون موجود قريب مني
اني جاي احس بوحده مو طبيعيه لان انت ماموجود
غيث اوعدج راح افرغ نفسي اللج
مبروك والف مبروك ياروحي انتي
نجلاء الله يبارك بيك
