رواية عروس منحوسه الفصل الثاني بقلم جمانه السعيدي
امنيه....كل يوم يمر عليه اكون حزينه اكثر من اليوم الي قبله
الحد ما بطلت اطلع او التقي بااي احد
عزلت نفسي بلبيت حتى مااسمع كلام يغث من احد
بس امي شلون راح تسكت
مادامني مكابلتها تحجي عليه
حتى امي كرهتها ماشايفه هيج ام ابد
تحب بس نفسها وراحتها وبس
اني مومهم اضوج ازعل اضرب راسي بلحايط
حتى زوجها هم نفسها دائما يعريني ويكول عانس
الحد ما صار عمري ٣٠ سنه
واني بمكاني ماتحركت
صرت اكثر عزله عن الناس مااطلع ابد
ولا التقي بااي احد حابسه نفسي بلبيت
احاول اخلص شغلي ادخل غرفتي واكعد واسكت
جمانه السعيدي
إلى أن اجا اليوم الي صارت بي معجزه بحياتي
بعد ماصار عمري ٣٠ سنه ويااست من شغله الزواج
الي مثل عمري صعب تجيها فرصة زواج زينه
كيف واني عازله نفسي ومااطلع
اندكت الباب بنيه شابه
دخلتها امي لان اني كمت مااطلع حتى الباب ماافتحه
مااريد اشوف اي بشر لان تعقدت
البنيه بنفس عمري تقريبا وشايله طفل باايدها
...شلونج خاله
.امي...... اهلا وسهلا
...خاله سمعت عدكم بنيه
.امي....اي خاله
...اني جايه اشوفها من فتره ادور الحماي على مره
وناس أنطوني عنوانكم
.امي...اي عدنا بنيه تفضلي وصلتي هله بيج
اكعدي تفضلي هسه اخليها تجي
امنيه اني عندي ملابس اغسلهن بلحمام وامي اجتني
امي...ولج كومي بنيه تخبل تكول اني جايه اشوف بنتج
امنيه....تشوفني ليش
امي...جايه تخطبج بدلي بسرعه وتعاي وراي
وجيبي وياج ماي
امنيه....ماكنت مصدكه لان اني شبه فقدت الأمل معقوله
راح ازوج اكيد هسه من تعرف عمري تبطل
امشي واحجي وياا نفسي بدلت ملابسي ومشطت شعري
وطلعت عليها
امنيه....مساء الخير
...هلو عيوني مساء النور ماشاء الله
امنيه....بقيت كاعده ومدنكه
...عيوني اني حماي دزني اخذ الموافقه المبدئيه
حماي عمره ٣٢ ولسه مامزوج حالف مايزوج اله يكون نفسه هو يشتغل خير من الله
كل هاي الفتره يشتغل حتى يكون نفسه
وهسه من كمل بيته واثثه قرر يزوج
صار فتره ادور على عروسه وإنشاء الله راح يكون القبول عدكم
امي...اي اني بتي معدله طبخه يخبل شايله البيت شيل
....بس هو يجي يشوفها بلأول وهو يقرر اني بس اجيت اشوف رائيكم واشوف البنيه
امي...اي يجي يشوفها هله بي
امنيه....من كالت يشوفها اني ايست كلت مستحيل يقبل بيه النوب عنده بيت معقوله اني يكعد حضي
وازوج واحد عنده بيت وحده
البنيه طلعت بس اني مافرحانه بلعكس خايفه
اتحدد الموعد بعد يومين
امي راحت اشترتلي ثوب جديد بس مو كلش غالي على كد الحال واجت بت جيرانه حفت وجهي ورتبته
اجا الموعد الي كلنا منتضرينا
اندكت الباب البنيه نفسها وياها ولد شاب
الله يستر علي طول وجسم وشكل وهيبه وعطره
ترس البيت
دخل وكعد وياا زوج امي
جمانه السعيدي
اني كنت متحضره للقاء بس خايفه
دخلت امي واني دخلت وياها سلمت وكعدت بصف امي
بقيت مدنكه لان اني شفته من دخل من شباك المطبخ
وماعندي امل واحد بالميه يقبل بيه مبين شخصيه وحلو
صح اني ما ناقصني شي بس ناقصني يكون عندي ثقه بنفسي اكثر
هاي الثقه فقدتها بسبب كلام الناس عليه
بس ليش يقبل بيه مبين ما ناقصه شي
خل اكعد واشوف النتيجه شنو
كعدو يسولفون هو وزوج امي
العريس...اني يشرفني ازوج بتكم شوفو شنو طلباتكم واني حاضر
امنيه من سمعت هذا الكلام اجا كلبي يوكف
يالله يعني عجبته هذا كلامه دليل هو نعجب بيه
امي وكفت واشرتلي كومي
بس اني رجليه مايشيلني ما مصدكه
بلكوه وكفت وطلعت
زوج امي ماحب يشرط علي يريد هاي الزواجه ترهم شلون مجان يريد يخلص مني
اتفقو ٥ حاضر و٥ غايب
مصطفى....باجر ادزلكم المهر وبلخميس نعقد
امنيه ماكنت مصدكه هذا الحلو الكشخه ايجنن
قبل بيه اني بعد هذا العمر راح ازوج واستقر
راح اطلع من هذا البيت واشوف الدنيا
راح اخلص من لقب عانس ومنحوسه واصير مزوجه
حالي حال البنات يالله شكد كريم
ثاني يوم مصطفى دز النا خمسه مليون حتى اجهز نفسي
زوج امي اخذ مليون
نعيم....اني اليه مليون صار شكد اصرف عليها
المفروض اني اخذ اكثر بس اكول خطيه
امنيه...يم بكلبك انشاء الله انت شصارف عليه اكلي كله بذنجان وبتيته الله لا يوفقك
ثاني يوم اخذتني امي اشتريت ذهب ٢٥٠٠ مليون
وملابس ٥٠٠ والباقي مكياج واجرت بدله وحجزت صالون
للمهر جمانه السعيدي
اجا اليوم الي راح أعقد بي
لبست بدله حمره طويله كانت البدله مستوره
تسريحه بسيطه ومكياج وحفافه طلعت غير وحده
امي عزمت كل اقاربنا كل الي جانن يضحكن عليه
كل وحده عيرتني وكالت عانس
اجا مصطفى..وجاب وياا اخو وكم واحد مشيه
اجا للشيخ عقدلي
بعدين عقدله جابته زوجت اخو ودخلته على النسوات
كان لابس قاط رصاصي وقميص ابيض وحالق طالع يخبل
تقدم سلم على النسوان واجا كعد بصفي
باوع عليه وعلى وجها ابتسامه ساحره وكال مبروك
امنيه....اباوع علي وما مصدكه الله يبارك بيك
لبسني الذهب وباسني براسي وخدي
قرب عليه وكال اذا الفلوس ماكفن ادزلج اكثر
اشتري اي شي يعجبك
ابتسمت وسكتت
اشرلي قربي
قربت علي جان يكول انتي شكد طالعه حلوه
امنيه...ياربي حرارتي ارتفعت هذا اذا يحاجيني بعد كلمتين
اموت من الفرح
انت وبن جنت الخاطر الله
طلع مصطفي وهنا استلمني اقصد النسوان اقاربي
....وين لكيتي وين جنتي ضامته
...حلو وغني بهد شتردين
.. كل هذا الوكت ساكته ولمن حجت جابت العيد
....هذا من يامكان طلعتي
امنيه.. حسد عيني عينك مكابلاتني ويحسدني
بس الله يستر من عيونهن
ثاني يوم اجاني جايبلي تليفون واني كل عمري ما لازمه تليفون
كعد وبدا يعلمي علي
مصطفى....اذا احتاجيتي شي بس طلعي اسمي واتصلي عليه
امنيه...الله يحفظك اليه
مصطفى....ياربي شنو هلرقه والهدوء وين جنتي قبل
امنيه.. منتضرتك
مصطفى....لو تعرفين شكد شفت بنات بس ولا وحده عجبتني بس انتي مجرد مااشفتج
كلت اي هي هاي هي هاي الي ادور عليها
امنيه...شنو عجبك بيه
مصطفى.. الصراحه اول شي جذبني اللج خجلج
شلون دخلتي تمشين بهدوء كعدتي مدنكه
احلى شي بيج الحياء والبراءه
انت طبيعيه مو متصنعه
امنيه.. هذا الحجي الحلو كله عليه
مصطفى.. لو اعرف اكتب شعر جان كتبتلج
امنيه....كلامك احلى من الشعر
مصطفى....اذا جهزت كلشي اني حاهز بس منتضر تكملين حتى نزوج
امنيه...بس اكمل كم شغله ويصير خير
كل يوم انتضر يمته يتصل عليه احس نفسي انتقلت من هذا العالم ودخلت بلجنه جمانه السعيدي
اسعد ايام حياتي كانت هلي الايام
ماتندمت على كلشي مر عليه لان عرفت اني كنت منتضرته
مابين الخطبه والزواج عشر ايام بس
عشر ايام وتحدد يوم زواجنا انا وياااا
راح ننجمع بيت واحد واخيرا اجا الفرج من رب العالمين
رجع دزلي فلوس حتى ااجر بدلة العرس
واحجز صالون
بيوم العرس طلعت هواي احلى من يوم المهر
سعيده بمصطفى سعيده بحياتي الجايه
معقوله هذا الإنسان راح يكون من نصيبي
من كملت من الصالون اتصلت علي
اجا اخذني بسيارته
الببته اني وامي وزوجت اخو بس
هو امه متوفيه وماعنده بس هذا الاخ الوحيد
وصلت البيتي البيت صح زغير بس حلو مرتب
الاثاث نازك
كلشي بي حلو
قرب عليه وكال هاا عجبج البيت
امنيه....اي حلو
مصطفى...ببتج حبيبتي
تعشت الناس وطلعت بقينا بس احنا بلبيت
ليله من أجمل ليالي عمري
هاي اليله اعتبره اول ليله بحياتي
اني قبل لا أعرف مصطفى ماكنت عايشه
واليوم اول يوم بحياتي
