رواية الزين الفصل الثاني بقلم منه محمد
_ ايه ده في إيه! !
~فيه إنك نسيتي أصلك وعديمة الرباية، جايالي مع واحد غريب وخلتيه ينزلك على أول الشارع كأني نايم على ودني
_والله لا يا عمي صدقني لا مش كده
~اششش مسمعش حسك
_ببكاء: طب والله مش كده اسمعني بس
خرج وقفل الباب بالمفتاح
والدتها: رحمه يا رحمه أنت عملتي إيه يا بنتي.
_حراام عليكم خليه يخرجني هو فاهم الموضوع غلط
~ ابعدي يا أم رحمه عن الباب وسيبيها هي لازم تتربي وهتتجوز غصب عنها
_ بصراخ:لاا لاااا مستحيل
~لكن الحلو أنك تمشيلي على حل شعرك! صح؟؟ تمام أنا هتصرف
مشي وسابها محبوسة وهددهم أن حد يفتحلها أو حتى يجي جنب الباب
____________
&ممكن أفهم في إيه وأنتوا مين!
~أنا اللي فاكرني نايم على ودني وبتستغل بنت أخويا
&بنت أخوك! أنا مش فاهم
~رحمه اللى جايبها ونزلتها على أول الشارع بتاعها كأني كده مش هعرف، أنت رزقك أن حد من عيالي لمحكم
& لا لا حضرتك فاهم غلط خالص أنا مش بيني وبين رحمه حاجة
~بعصبيه: وأنا أهبل مفروض أصدقك
_ يا فندم اسمعني ه. . . . .
~قولت مسمعش حسك أنت مش قدام غير حل من اتنين يا تتق•تل مكانك يا إما هتكتب عليها النهاردة
_ نعم! بقول لحضرتك أنا مش بيني وبينها حاجة
~أنا مش عايز اسمع غير اختيارك هسيبك ١٠ دقايق بس وارجع تختار يا تند•فن هنا يا تطلع من هنا على المأذون
_ بعياط هستيري :يا ماما ارجوكي ده مديري في الشغل فهميهم بالله يا ماما اتكلمي
# اششش مسمعش حسك ده احنا حايشين عمك عنك بالعافية
_ يا مراات عمي حرام اللي بتعملوه اتقوا الله من ساعة ما بابا مات وأنتوا مبهدليني حرااام يا عالم، مبتتكلميش لي يا ماما حرام اتكلمي ودافعي عني
فاجأة الباب اترزع وكلهم اتنفضوا
~هو أنا مقولتش محدش يجي ناحيتها
# ما هوو ...هوو. . . أصل هي صعبت على أمها تفضل جعانة
~ قومي انجري البسي أي زفت وتعالي
والدتها بخضه: هتاخدوها على فين
~ متتكلميش خاالص ما أنت لو عرفتي تربي مكنش زمانا كده
_ قطع لسانك متقولش على ٱمي كده
فاجأة فاقت على حتة قلم
~صوتك لو علي تاني هتزعلي ٥ دقايق تكوني لابسة وخارجة علشان كتب الكتاب
_لا لاا قولت لاااا هو عافية
كان هيضربها بس أمها ردت بسرعة: خلاص خلاص أنا هجيبها
خرج وسابهم
_بصدمة:لى كده يا أمي لى، إزاي تسيبيني كده!
•أنت عارفة أننا مش قدهم
_يعني هتسيبيني كده هتسيبييني!
•غصب عني سامحيني احنا منقدرش نقف قصادهم
"حسيت الدنيا اسودت في وشي تقريبا مكنتش حاسه بحاجة لحد ما خرجوني واتفاجأت ب زين قاعد، أنا فكرت في الأول هيكون الشخص اللي عمي عايز يشاركه بس انصدمت من هيئة زين وهو كمان كان باين على ملامحه الصدمة من هيئتي والهزلان اللي أنا فيه "
"بارك الله لكما وبارك عليكما وجمع بينكما في خير"
& دلوقتي أقدر أخدها وأمشي؟
~اتفضل
"بصيت ليهم بحزن حتى مودعتش أمي لأنها سابتني كده سابتني ليهم، خرجت مع زين اللي ركب العربية وأول ما بعد عن البيت وقف "
& بصلي بصدمة: أنت كويسة؟! فيك حاجة!
_ بصتله وأنا لسه بنفس ملامح الصدمة وهزيت راسي ب لا
& على فكرة أنا مش هضايقك مش تخافي
_اكتفيت ب بابتسامة خفيفة
وصلنا البيت ودخلت وصراحه بهرني زوقه في اختيار الألوان والديكور كان تحفة
&اقعدي براحتك في أي مكان واختاري الأوضة اللي تحبي تقعدي فيها
هزيت راسي بموافقة
&أنت أكلتي؟
_لا
&أخدتي دواكي؟
_لا
مسح على وشه بنفاذ صبر: طب اقعدي هطلب أكل بسرعة علشان تاخدي دواكي وترتاحي شوية
_معلش دبستك معايا
لمحته وهو بسبتسم :مش يمكن تكون أحلى تدبيسه
ابتسم وميلت وأنا حاضنة المخدة وبفتكر في ذكرياتي المؤلمة
فوقت من شرودي على صوت الجرس قومت أفتح ظنًا مني أنه الأكل
° أنت مين وبتعملي إيه هنا؟
_وقفت مصدومة وأنا معرفش مين دي وأقول إيه
° زعقت بصوت أعلى : ردددي عليا أنتِ ميين
خرج زين على الصوت : في إيه يا رحم. . .
فاجأة بصيت ليه لقيته واقف مصدوم هو كمان وبيبصلي. . . . .
° مين دي يا زين!
& بتنهيده: دي مراتي
° بصدمة: يا نهاري مرااتك مراااتك يا زين من وراااياا
& يا ماما وطي صوتك أرجوكي وتعالي هفهمك
"أنا واقفة وسطهم مصدومة دي مامته! ، طب وهي تفكر فيا إزاي دلوقتي؟ "
دخلها وبدأ يحكي اللي حصل وكنت خايفة من رد فعلها
° يعيني يا بنتي تعالي يا حبيبتي متخافيش ربنا ينتقم منهم
_ حقكم عليا دبستكم
° اخدتني في حضنها: متقوليش كده اعتبريني أختك الكبيرة مش مامتك علشان أنا لسه صغيرة
قالتها بضحك وأنا ضحكت
& أيوة يا زوزو يا صغنن ، نشوفلك عريس يعني؟
°بس يا ولا هو في حد بعد أبوك ربنا يرحمه حبيبي ده
&ربنا يرحمه يا حبيبتي ، قومي يلا ادخلى على الأوضة ريحي شوية
° طيب وأنتِ يا رحمه قومي يا بنتي ارتاحي شوية ولو احتاجتي اي حاجة تعليلي
_تسلميلي
_______
& اممم مش عارف أقولك إيه والله اتفاجأت إنها جت
_عادي ولا يهمك
&كنت هنام في أوضة وأنتِ أوضة، عامة دلوقتي مفيش مشكلة أنا هنام على الكنبة وأنتِ نامي على السرير
_ . . . . .
& إيه أطلع أنام برة!
_ . . . . . . .
& أنام في الشارع ولا إيييييه!
_ضحكت على ريأكشنه: لا عادي أي حاجة
عدلنا نومتنا وكان صعبان عليا الصراحة بس أكيد مش هنام أنا على الكنبة يعني I am just girl معروفة يعني
_أستاذ زين أنت نمت!
& أستاذ ! !
_احم احم
&زين اسمي زين
_طيب.. بالنسبة للاجتماع اللي فات ده
&اه خلاص بقى ربنا يعوض علينا
_أنا آسفة بجد والله
&هتفضلي تتأسفي كتير!
_معلش والله أنا فعلا حاسه بالذنب
&كلمة كمان وهاجي أنام على السرير دلوقتي
_ لا لا خلاص
____________
"بعد أسبوع "
_رايحة فين يا ماما
°هرجع بقى أنا لبيتي كنت بطمن على زين كل فترة، دلوقتي أنا هبقى مطمنه علطول أن أنت معاه
_ابتسمت وحضنتها حقيقي هي حد طيب أوي وكأنها كانت عوض ليا، كانت معايا طول الأسبوع وحاولت تخرجني من مود الإكتئاب ونتكلم ونطبخ وحقيقي حاسه إني هفتقدها أوي
_ زين أنت رجعت
&اه الحمدلله ميت من الجوع
_حاضر هحط الأكل، ماما مشيت
&اه قالتلى
_حاسه إني هفتقدها أوي ، حقيقي شخص طيب وجميل ولذيذ أوي معرفش لو مش هي كنت هبدأ أتعامل إزاي وأحاول أنسى. . .
"وقفت كلام لما لمحته حاطط إيده على خده ومبتسم "
_إيه ده!
& إيه
_ مبتسم كده لى
_بلاش ابتسم لمراتي يعني!
" ثانية هو بياكل بعقلي حلاوة ولا أنا بتهيألي! ، أشعر بأن أنا شايفة خدودي وهي قلبت طمطماية"
______
مرت الأيام وبدأت أتعود على وجوده معايا، لطيف وهادي ومتفهم جدًا وبيصالحني بشوكولاته و. . .
فاجأة سمعت رزع على الباب، هو رزع حرفيا مش خبط
_أيوة أيوة
&أنت مستنية حد يا رحمه
_رديت بخوف: لا لا خالص
فتح
_عمي!
~إيه يا رحمه شكلك نسيتي أهلك
_ نن. . نورت يا عمي
زين لما لقاني بدأت أتوتر مسك إيدي وشدد عليها كأنه بيطمني
&خير في حاجة يا حج!
~جاي أزور بنت أخويا
&تنور بس مش بالعادة يعني أكيد في سبب
~هههه شكلك ذكي صحيح، في حاجة تخص رحمه وأنا عايزها لوحدها
_أنا!
&اتفضل اتكلم
~بقولك عايزاها لوحدها
&وأنا جوزها، اتفضل اتكلم
لما زين رفض يمشي عمي بصلي بصة مليانة شر وتوعد بس أنا شددت على إيد زين
_اتفضل يا عمي
طلع ورق
~اتفضلي امضي هنا.
_إيه ده
~ورق يخص والدك الله يرحمه ومحتاجين امضتك ضروري
زين أخد الورق وقرأه
&بس هي مش هتمضي
_لى يا زين!
~علشان ده ورق تدخلى شراكه بورثك في مشروع
_مشروع!
~مشروع هيبقى كويس يعني يا رحمه وأهو نشغل الأرض
_بس أنا مش عايزة أشغلها ولا عايزة أشارك حد
~بدأ صوته يعلى: إزاي يعني مش عايزة تشاركي حد
&ياريت تراعي أن حضرتك في بيتي، وأيوة هي مش عايزة تشارك أول لما تحب تشارك هنبلغ حضرتك
~أنت قد كلامك يا رحمه
هزيت راسي بموافقة خرج متعصب وهو بيدينا تهديد و وعيد
_زين أنا خايفة يعمل حاجة
&ملكيش دعوة أنا عارفة هناخد خطوة معاه إزاي متخافيش.
ابتسمت : شكرا
رد بتريقة عليا: العفو يا أستاذة رحمه
ضحكت : مفيش أكل بقى اتفضل شوف هتاكل منين
&أنا بقول أروح لأمي أجيبها واشتكيلها منك
_ماما طيبة وهتقف معايا
&بس أنا ابنها
_وأنا بنتها
& اششش أنت جاية تاخدي مكاني ولا إيه
_مسمحلكش تعلي صوتك.
&شكلك محتاجة علقة
_شاورت بصباعي :والله اشتكي لماما
& يا بنتي دي أمي أنا
°أنتوا بتعملوا إيه
بصوت واحد: ماما!
_شوفتي ابنك بيخانق فيا إزاي
°مزعلها لى
&ماما أنا اللي ابنك مش هي
° اشش متزعلش بنتي تاني أنت فاهم
طلعت لساني بغيظ ليه وأنا بحضنها
& أنا اللي جبته لنفسي أنا السبب، أنا اللي دبست نفسي
_ أحلى تدبيسه، تنكر! أنكر
&ضحك : لا وأنت الصادقة أحلى تدبيسة فعلا
"أنا المعتادة علي الرفض دومًا أقولها الآن بقلب مطمئن وبروح راضية. قبلت بك صديقًا لقلبي رفيقًا لدربي أنيسًا لروحي وشريكًا لي لبقية حياتي"♥
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
