رواية هدية الشيخ هشام الفصل الثلاثون 30 بقلم التميمية

حوراء لبست الفستان من جديد ماشافه عليها هشام..وكفت تباوع لنفسها وفتحت القراصة من شعرها ونفتح مبروم يخبل عليها...

ودخل شيخنه غرفته..وابتسم بحب لعشكه الي كباله..وهي كذلك..ونست كل هذا العالم بشوفته...اقترب منها...

هشام سحب نفس وشم عطرها:شكثر مشتاااق لبت كلبي..الله العالم شكثر منتظر هاللحظة ونكون انه وياج وجه لوجه..حلالي وبغرفتي

حوراء ابتسمت ونست كل توتر:والله العالم شكثر مشتاقه لشيخي ولأبسامته ولعطره الي يدخل جوى كلبي

هشام ابتسم:فدوة ونذر عيناي بويه..وحط شفته على خدها وطبع بوسه خفيفة..واتجه لشفتها ببوسه خفيفة...

وخر عنها وعضت شفتها بخجل..وعلى

هالحركة خلته يرجع لشفتها ببوسة قوية..وايده بشعرها...

نست نفسها بهالبوسة وضربات كلبها تتعاله للشخص الي كبالها ومو مصدكه هو يمها وشفته تلامس شفتها...

وخر عنها ودار وجهه وهو يبتسم:اليوم جان متعب حيل..اخذلي حمام وانام....

ومنتظر ردة فعلها وهو ناوي يجننها الليلة على مقبلها هذا مال الخطوبة..وحركة كلبه...ويريد يدخل الحمام...

حوراء ضاجت دار وجهه:شيخي شرايك بيه

هشام التفت وسوى نفسه مو فاهم:على شنو حبي

حوراء رفعت اطراف الفستان:بالفستان والشعر والمكياج

هشام ابتسم:ماعرف هالسوالف بس طالعة تخبلين حبي

حوراء ضاجت من بروده:شكرا شيخي ذوقك...

دخل الحمام واخذله حمام وطلع عاري الصدر..وباوعلها نايمة عالسرير ولابسة بدلة بيضة دانتيل...وباوع لجهاله نايمين...كلبه دك بكل عشك لهذول الاربعة...

راح باس جهاله واحد واحد وهي تراقب...يريد يغورها..يكل لرزان وليان..بناتي عشكي...

حوراء:الله يحفظهم الك..

اتجه للسرير وانسدح واحد وجهه عالثاني...

هشام:بعدج تخافين من الظلمة

حوراء منتظرة يشبكها:ليش شيخي

هشام:اريد اطفي التيب لمبة مزعج ضواها

حوراء بحب حطت ايدها بلحيته:وياك صرت كلشي ماخاف...قبل ماتكمل باسها من جديد وايده تتلمسها بلهفة وحب...

وهو يبوسها بكل لهفة ويحس هسة ماراح يسيطر على نفسه وهو ناوي يخبلها الليلة على هالمقلب التعبان...

وخر عنها ودار وجهه عنها وطفه تيب اللمبة..وكلها راح انام تبقين كاعدة لو تنامين...

حوراء ضاجت انطاها ظهره:لا شكو كاعدة وانته نايم

هشام لزم ضحكته:اي هم صحيح..يالله تصبحين على خير نظر عيني

حوراء كامت:اروح ابدل اللابسته لعد..وتنظره بس يلتفت عليها وميخليها تكوم..بس جلطها بعدم تحركه..وهو خربان ضحك عليها بكلبه ولازم الضحك...

حوراء بدلت ولبست تراك لأن داير وجهه عنها..وظلت تحوس وتتكلب...

هشام حس بيها لان ناطيها ظهره:شبيج بويه

حوراء:مابيه شي سلامتك مو جايني نوم من زمان منايمة على هالجورباية

هشام:لا تتحركين بويه اريد انام..وينتظرها تجي تشبكه...

حوراء كامت كعدت:شيخي 

هشام التفت:عيناي بويه

حوراء دك كلبها حيل:تسلم عيناك..شكد احب هالكلمة منك..تحسسني بحبك الي

هشام:شنو ردتي بويه

حوراء:امممم ماكو شي بس ردتك تلتفت عليه شيخي ههههه

هشام ضحك:وشيصير لو اجيتي شبكتيني..ليش بعدج تستحين مني

حوراء بخجل:اي اشبكك شعندي غيرك شيخي عيوني انته...واقتربت وشبكته وجهه بوجهه..وكلبها يدك حيل وهي تشم عطره...

حطت ايدها بصدره:شيخي ماشوف وجهك ظلمة وهالشي يوجع كلبي..ماتعرف شكثر مشتاقه لهل الوجه وصاحبه

هشام مد ايده وشعل تيب لمبة:صايرين نغرد هههههه..شنو الحب صار يطلع من حوريتي

حوراء:فدوة الك حوريتك..اي كبرت ماعدت الزعطوطة ذيج

هشام ضحك:وبعدها ذيج الباردة الي بس انه ابوسها هههههه

حوراء غطت عيونها:لااااء شيخي راحت ذيج

هشام ضحك:بالله خلينه نجرب..وشم خدها ونزل لركبتها شمها..وضربات كلبه تتسارع...وكلبها اسرع...

وصار يبوسها بهدوء وشوي صارت البوسات بلهفة وعشك..واتجه لشفايفها يبوسهن بعطش...وهو مايكدر يسيطر على مشاعره...

وهو ناوي يستمتع ببطأ بحبيبة كلبه..مشتاقلها ولا مرة جرب شعوره وياها...

هي مرة ومايذكر حتى انو هو استمتع بيها مجرد اخذها حتى يبين براءتها...بس مايذكر الشعور الي حس بي...

هل مرة مختلف كلشي حبيبته جواه وهو تقبل الصار كله..ونساه ويريد يبدي صفحة جديدة وياها...

هي ذايبة بي وبعشكه..وهو يتفنن ببوساته بيها...جان يكعد عزام وصاح ماما وظل يبجي...

هشام:هلا بعد ابوك لو مأجلها شوي..وكام عنها وراح لأبنه شاله..وهي لبست التشيرت مال التراك...

هشام:حبيب بابا شتريد

عزام ببجي:ماما..ماما

هشام:اي هاي هي ماما ما اكلتها بعدني حتى ماكلت بسم الله هههههههه

حوراء ضحكت وكامت تاخذه:اويلي على كلبك شيخي

رزان وليان كعدو همين وظلو يبجون..

حوراء عضت شفتها:هلاووو اليوم للصبح شيخي

هشام ابتسم:اي نتحمل للصبح..حبايب كلبي همه..وشال رزان وليان وشعل الضوى..

واخذوهم للسرير يمهم..وحطهم يمه..ويبوس بيهم بحب الا شوي ياكلهم وحوراء حتى ضاجت وحست بغيرة...

هشام لاحظها كل شوي تباوعلهم وتسحب البنات منه وتكله كافي بوس شصار هاي....

خررب ضحك عليها وعلى غيرتها..ويكلها انتي تغارين من رسل وتغارين من بناتج هم ويضحك...وهي تكول لا ماغار شيخي...

هشام وهو يمه جهالهم سحب نفسه وهمس الها:كلي الج حلالج بويه..وخر عنها وغمز الها...

وهي دوروها وين ساحت وماعت بعشك الشيخ..وهي تكول بكلبها شيخي شعلت كلبي شعل..ياويلي يعني الليلة انه بحضنك وللصبح...

وهي تتخيل شراح يصير..وتخجل وتغير الأفكار..وبقو جهالهم كاعدين للفجر خبلو امهم كل شوي يردون شي...

وابوهم ولا كأنه كطعو عليه ليلته ويه حبيبته...بالعكس فرحان بوجودهم يمه كلهم..ويكول حوريتي يمي طول العمر...

واول وتالي اختلي بيها ويصير بينانته كلشي..وكل شوي يخبلها بحركاته..لو بوسه لو همسة..وهي تتخورد بين ايديه...

آخر شي بعد ماكدرت تقاوم النعسة..وغفت والجهال يهوسون على راس ابوهم وهو يضحك ويلاعبهم...لمن تعبو....

واحد غفى مجفي على صدر امه والبنات وحدة غفت بينهم والثانية على ايد ابوها...ابتسم بحب الهم...وكام شالهم واحد واحد...

وحوراء تكورت وهي نايمة..راحلها وحط وجهه على وجهها ويزعجها بلحيته..وشوي كام يبوسها...بخشمها وعيونها وخدودها...

حوراء بأنزعاج وهي مغمضة:ايووو ولج وخري اريد انام

هشام ضحك:لا هاي واكفة..اية عدها لحية وتبوس بيج من مساع ماكو حركة هههههه..ورجعلها ويزعجها ببوساته...

حوراء فزت وتلتفت للهدوء:نامو الوكحين

هشام:وانتي قبلهم نمتي هههههه وصارلي ساعة اكلج حوريتي حسي بشيخج الي عفتي ونمتي

حوراء عضت شفتها بأبتسامة:اعتذر شيخي..عيوني

هشام وجهه بوجهها ويريد يحرجها:اي حوريتي وين جنه

حوراء عضت شفتها بخجل:جنه راح انطفي الضوى وانام انه وياك والصبح الله كريم

حركتها هاي جاي تاخذ عقله...

هشام وكصته بكصتها:لا حبي جواب خطأ ههههه

حوراء بخجل:كلي ملكك شيخ.....وماكملت اخذها لحضنه ورجع يبوسها بكل شغف...

بعده توه بادي واندك الباب...

هشام:ياستار منو حلمان بيه من الفجر

حوراء:خاف الحجية بيها شي لو عمي

هشام غطاها باللحاف وكام فتح الباب...كرار:اسف بويه ازعجتك..اريد سويجك..سيارتي من البارحة ماتشتغل ماعرف شجاها

هشام:ليش وين رايح هسة حتى ما مأذن بعده..شني خوب ماصاير شي

كرار:لا ماكو شي بس نسمة طول الليل مانامت مريضة صخونة ماعرف شنو..اريد اخذها للطوارئ

هشام:سلامتها..وراح جابله سويجه وانطاه اله..كله اجي وياكم..كرار كله شسالفة بويه ارتاح مايحتاج...وراح كرار...

حوراء:خير شبيهم كرار ونسمة

هشام:مرته مريضه وسيارته ماتشتغل..خلصت من المزعطة اجاني الجبير هههههه..وراحلها..اشوف منو بعد يذكرني من الفجر...

حوراء عضت شفتها:هسة تجيك رسل هنوب وتريد تنام يمك مو تكول جانت تعوف رقية وتجيك 

هشام ضحك:لا تكمل هنوبه..اشوف تعاي بكليبي....واخذ شفتها حييل يبوسها يريد يرجع الواهس الكطعه كرار😂😂...

واتجه لركبتها وطبع بوساته وآثار ملكيته عليها وهي مستسلمة لحبها ومشاعر كلبها......

وهي بين ايدين حبيبها..حظنته حييل وهو همين..ويشم بشعرها وبعده مامبتعد عنها.....

وابتعد..وهي كامت بسرعة على حيلها..وراحت بسرعة للحمام وهي خجلانة منه وهو يضحك عليها....

دخلت الحمام ولزمت وجهها شاعل نار من العشك البيها والخجل من الي صار..وهاي اول ذكرى حلوة الها ويه شيخها...

ابتسمت وهي تشوف اثار حبه عليها..وكل اثر تحط ايدها عليه وتكول احبك شيخي....

وغسلت ومستحية تطلع..وتشجعت وطلعت بمنشفة..وشافته منسدح..ومن طلعت يراقبها بعيونه العاشكتها..راحت لبست بخجل البدله البسته اول مرة...بيضة وتجي دانتيل يجنن شكلها...

كلها تعاي بحضني..وراحت بلا تردد وشبكها وبقو شوي يسولفون سويه واذن..سبحو وصلو وبعد ماكدر يقاوم النعاس هشام ونام...وهي همين..ونامت وهي بحضنه...

صارت ب8 الصبح..وكعد هشام وكام بدل وهي فزت على صوت تغسيله بالحمام..وكامت صبحت عليه..شكلتله البصمات وهو يراقب وجهها بكل عشك...

هشام:رجعي نامي بويه..مانمتي عدل..وباس خدها وشماه وبووسها بشفتها بخفة..انه طالع عندي سالفة احلها

حوراء ضاجت:من الصبح رايح..والله مشتاقتلك ماشبعت شوف منك

هشام باس جبينها:يعمري انه مشتاقلج بكد رحمة ربي وللجهال همين..يالله بعدين ارجع اريد اشوف ابتسامة ماشي....

باست خده وطلع خابر حازم يجيله لأن سيارته عد كرار...وهي رجعت تحاول تنام ماتكدر..وراح وخذه كلبها وياه..وكلما تذكر الفجر والي صار يكزبر جسمها عشك...

وتحس بشعور حلوو ماينوصف..اخيراً نسو كل الماضي الراح وابتدو عمر جديد سوية...كامت مليانه طاقة ايجابية..بدلت ورتبت نفسها...

وطلعت تشوف نسمة شبيها البارحة..وراحت بعدهم ماراجعين..خابرتها..كلتلها مابيه شي شوي احسن وننتظر يبدي الدوام علمود التحاليل...

وشوي كعدو الجهال وظلو يوكحون همه وجهال عزام..والولد يشيلونهم ومتونسين على جهال عمهم..ولد عزام اقصد متونسين بيهم..

ورسل تغار من البنات وتبجي كلما اجن يمها حتى لو ماسولها شي تبجي تكول ملحو سعلي...(ملخو شعري)

ورقية تدري بيها مجرد غيره..وهمه فاقدين ابوهم وامهم وينكسر خاطرهم عليهم..ولأن متعودة على دلال هشام الها وهسة اجن البنات ينافسنها...

حتى على كرار تغار رسل من تشوفه يشيلهم تبجي..من جانو يجيبونهم هنا..بالرغم هي كبرت...

للظهر حوراء ماشافت هشام رجع وضاجت اشتاقتله كلش..وكامت تساعد رقية بشغل البيت..وكرار واجه جاب نسمة توه يالله طلعوها...وطلع عدها تايفوئيد خطية...

والعصر يالله اجه هشام..دخل شافهم كاعدين كلهم ويشربون جاي(شاي)..دخل وسلم..وشاف جهاله وجهال اخوه يلعبون سويه...

شافته حوراء ابتسمتله بشوق..وهو صاح لرسل..اجتي ركض لحضنه..اجن رزان وليان همين بحضنه..وصار مدافع ورفس وبجي...😂😂

وهو خربان ضحك عليهم يتعاركون عليه البنات..اما عزام مو مقلد احد وجاي يلعب بألعابه...(شخصية😂)

صبتله حوراء جاي..وكعدت تراقبه وكل حركاته مثل قبل بكل هيام وعشك...وتذكر رومنسيته وحبه الفجر..بوجها يشعل نار الخجل...

لاحظها تباوعله..واشرلها بوجهه بمعنى شنوو وابتسم الها..وهي عضت شفتها ببتسامه ودارت وجهها...وهو يكلها بكلبه..هاي الحركة موتتلي كلبي..تحركين بكلب الشيخ الا ياخذ فصل كلبه منج....هذا كلب الشيخ مو شويه...

وراح اليوم بين نظرات الصمت بين هشام وحوريته وبين لعب الجهال وفرحة كلبه بيهم..وكل البيت فرحانين بيه...

بالليل اجه الشيخ حسين يشوفهم اشتاقلهم كلش..وجايب اية وياه هي جلبت بي..اشتاقت لحوراء وهم للجهال...وبقت يم البنات ضحك وسوالف...

ومن رادو يرحون بالباب طلعت حوراء وره ابوها واية..وهشام وياها وجهالهم..اما كرار مو موجود طالع لجماعته يسون سيارته...

اية حرجت حوراء وتكل لهشام حوراء كضتها بجي صارلها سنة ونص بس تبجي عليك..وابوها يسكت بيها ماكو فايده ههههه وحوراء تتوعدها...وهشام يباوع لحوراء ويبتسم...

وبعد ماراحو..راحت لبست وكشخت لشيخها وتعطرت...لبست فستان قصير لون بنفسجي..لأن الجهال كاعدين..وفتحت شعرها الي مموج من الله...

يخبل عليها شعرها من تفتحه تصير غير شكل..حطت مكياج خفيف..والجهال يلعبون عالجورباية ويركضون نوب يتعاركون شلعو كلبها علمى خلصت ترتيب نفسها...

راحت الهم وتريد تركدهم يمها مايركدون..اخر شي كالت ماحبكم..زعلانة..تلاثتهم اجوها وهي تضحك عليهم..وتبوسهم....

بدخلة هشام وابتسم الهم..ومد ايدينه الهم وراحلهم بوسهم كلهم واخر شي حوريته..وكلها انه اليوم اخذ فصل كلبي وهي تضحك وتكله فصل شنو شيخي...

هشام:فصل الحركات الي تحرك كلبي..وكل شوي مسويتلي حركة وكلبي العاشك مايتحمل

حوراء بضحك:اي شيخي تدلل انه حاظرة للفصل الي تريده

هشام:هو فصل مو جبير..شوية بوسات للشيخ و....

ماكمل حوراء حطت ايدها على وجهها وكالت شيخي كافي فهمت...ضحك وباس خدها...

ورزان وليان سوو نفسه وباسو خدها ويصيحن بوس بابا بوس...ضحك بصوت وبوسهن...ويكلهن فضحونه ذوله ماكدر ابوسج كدامهن...

وبقو يلعبون لمن تعبو وابوهم متونس عليهم..ونامو كالعادة يغفون سوية من الحركة والوكاحة وحتى لو للصبح يكعدون من وقت الصبح يفزون...

اخذوهم لفراشهم..وبقو وحدهم..وهشام راح يمها بسكوت ويباوع لوجهها ويبتسم..

حوراء تسوي حركات بعيونها:شنووو شيخي

هشام:شوفي هاي الحركات الي تحرك كلبي الا افصلج..ولزم وجهها وطبع بوسته بشفتها بلهفة وهيام.....

(وهكذا تتحول حور الى خردة فصول🙈...

وانتم 😏شبيكم لازمين الباب امشو روحو منا😁 لايفصلكم الشيخ هههههههه 🤺🤺🚶‍♀️🚶‍♀️🚶‍♀️🚶‍♀️🤺🏃‍♀️🏃‍♀️🏃‍♀️🏃‍♀️)

اي ورجعو ابطالنه احلى عشاك والله..مرت ايام كلش حلوة وشكد حلو حبهم..وصحيح تصير مشاكل وبعض المناقشات بسبب اختلاف العمر...بس هذا ابد مو حاجز للسعادة....

ماكتلكم ايمان تحسنت حالها شوي مو كلش مثل قبل بس احسن صارت هادئة..وجابوها للبيت يم جهالها..هشام فصلها من عنده وبرضاتها اكيد...

وكلها الج كامل حريتج..وهي كالت اريد ابقه يم جهالي بس ماريد شي..وهي ماعادت مثل قبل تغيرت صايرة قليلة الكلام ومو مثل خباثتها قبل...

وساعات تجيها تتخربط وتصير مخبلة وتبجي وتعوف الجهال وتذكر بحجيها عزام واخوها وامها وابوها يعني تخربط بأشياء وتكول خيط وخيط...وحالتها بتحسن للأفضل...

وحاليا بخير وعايشة ويه جهالها ومدلله هي وجهالها.. طلبها رجال وخوش رجال..هشام ما مانع بس كلها الجهال يمي يبقون هي ماقبلت كالت ماريد اتزوج...

خلاها براحتها..وكرار ونسمة احلى ثنين واحلى عشاق..يوم ماتكدر بدونه ولا هو..وراح يجيهم عنون بالطريق وفرحانين بي حييل...

وحتى هشام كلش فرح بحفيده الاول..حوراء تكله راح تصير جدو..يضحك ويكلها ليش مقهورة انتي...

تكله لا بالعكس فديتك احلى جد شيخي..وهو يكلها خاف مقهورة راح اصير جد..تكله شيخي لا تكبرها..ترا بأعتبار انه هم راح اصير. بيبي وتضحك....والشيخ يكلها احلى بيبي والله...

ونجي لمخلد ورقية فديتهم...طبعاً حضرو لعرسهم ومتحمسين ثنينهم واليوم الزفة...

رقية مو كلش متوترة عادي تكول اعرف وافتهم مو صغيرة... بس لابد كل بنية تتوتر بيوم عرسها من ناحية كلشي مو بس الي راح يصير بالغرفة لا اكو هواي شغلات تستدعي التوتر...

رقية بالصالون خلصت وطالعة تجنن احلى عروس..خواتها ثنين وياها واخت مخلد...وبعدين اجن نسمة وحوري جابهم كرار...

التوأم الثلاثي صار عمرهم سنتين ويخبلون سوية شلون حلوين..وهسة يم ابوهم ماخذهم وياه وحور راحت لرقية هي ونسمة...رقية:نسموو انتي مو حامل عوبه ليش اجيتي

نسمة:شلون اعوف رقاوي حبيبي لوحدها..وبعدين انه بالشهر الرابع مو بالأول ماعليه شي

رقية:لا تبلينه ويه كرير بعده ماصار ويصيح ابني ابني..اباوعلج يصيح لا تكومينها ابني لا يطيح هههههههه ادري لاصكينة بعلج ماي

نسمة خربت ضحك:اي والله اموتني خوب بالكلية جالطني يجيبني منا ويوديني منا

حوراء:خطية كرار يخاف عليج وعلى ابنه..يحب الجهال هو

نسمة:اي والله كله كلبي على جاهل..واحنه طب تعرفون صعب والله بس شسويله يريد طفل هسة

رقية:وهسة شنو ندمانين..انطوني اياه ههههههه

حوراء:انتي انجبي بعد مخلد يسويلج واحد ههههههه

رقية:ههههههه اي ولكم الليلة متحلف بيه مخلدو وين اشرد..تعالن علمني عفية

حوراء:يمه مننننجججج تعلميني

رقية ضحكت:اي لعد مثلج قابل انتي ونسمو العوبه..انه مستعدة ههههههههه

نسمة:اي رقو الليلة يحمسوج حمس..مثل ما انحمست انه..حور مادري بيها خخخخ شلون الحمسة مالتها

(المتابعين يدرون 😁😁😁)

حوراء: عابت طبعاً بس انه فقيرة وعلى نياتي انتن ثنينجن مو هينات..بيوم العرس جنت عبالك ماخذيني للأعدام

رقية:الله عليج مو حلو هالأعدام هههههههههههههه

حوراء:تتتتففف على وجهج عابت..يالله خلصي راح يجي كرار

رقية:خالصة انه..وينه كرار

نسمة:هسة اخابرله....ولفو رقية ببرنص البدلة والبنات جمعن اشياءهن....واجه كرار عليهم....

بيت مخلد..فرحان والأبتسامة ماتفاركه..كاشخ الاسمراني بالقاط الرصاصي..وطالع حلو وسيم وشخصية....

رقية غيرت هواي شغلات بي..جان مختلف..هسة صار انسان ثاني معدل وعاف البنات ويحبها حيل..حتى صلاة صار يصلي...

واليوم اخيراً راح يخلص من كرار وسوالفه التعبانة وياه ههههههههه...خابرله كله لا تلفي ماعدنه بنات للزواج..مخلد كله غصبن على خشمك ههههههههه....

اجي اخذها من بين عيونك وتبلع لسانك وتسكت..ورقية تصير ويه كرير تكول اي اي احميني كرير...

واجو ياخذونها اشو صارت صدك كرار حزن..راح تروح بعد يداحر ويامن ويعاركمن..مرته مو مثل رقية ربت وياه رقية...وجانت اله الاخت والعمة بنفس الوقت...

اخذوها وهي ظلت تبجي وابوها ودعها بدموعه وامها كذلك والبنات نسمة وحوراء سوها مناحة عليها....واية تكل لحوراء ونسمة ولكم شمالكم وين رايحة هسة بس تدخل لغرفته تنساكم منو انتم...

وحوراء تكفخها هي ونسمه ويكلولها انجبي ام لسان...

وكرار من جامة السيارة وكف يمها ويكلها..في امان الله رقيو احبج..وهي بجت اكثر...

واخذوها وراحو...وللتصوير...وبعدها للقاعة سوو عرسهم بقاعة...ورقية صارت متوترة هسة صدك...

وخلص العرس هوسة بهوسة وركص البنات وحتى المزعطة...واجه وقت الزفة اخذو رقية بالسيارة..وراح للبيت وهناك سولهم زفة وركصو....

دخلو سويه للغرفة...

رقية وكفت بنص الغرفة متوترة..وهو راح وكف كبالها ورفع الطرحة وشاف ملاكه بقمة جمالها اليوم..وهي وكصرها لابسة كعب...

مخلد:اووويلي حبيبي طالع يخبل الليلة..اليوم للصبح انه وياه..واراوي حبيبي حبي الحقيقي...دولتي مو بس حبيبي..مبروك حياتي رقوشتي

رقية بخجل:مبروك عليك

مخلد:حبيبتي مستعدة

رقية سوت نفسها مو فاهمة:ليش استعد وين رايحين

مخلد:امداه لحضي..صارلي ساعة اغازل يحظي..ولك هاي عينك كرير..صارلي شكثر ادرس بيها وتكلي وين رايحين

رقية ضحكت بخفة:لا صدك وين رايحين ليش استعد

مخلد غمز الها:مستعجلة تعرفين وين رايحين..اي حبي تدللين..حتى انه مستعجل...ونزع سترته وفتح دكم القميص...

ورقية تضحك وتكله والله اخبص الدنيا مخلد خليكعاقل مو هيج بهداوة...وهو يكلها كلهن كاتبهن بالدفتر ومجمعهن الج والليلة اطلعن كلهن....

ولزمها وشلع طرحتها وشمرها بعيد...واتجهت ايده لسحاب الفستان وهي تكله على كيفك شبيك مستعجل...ماهتم وقبل لا تعبر ساعة عالزفة رقية صارت زوجته هههههههه....وهيج بدت حياتهم سوية واحلى ثنين...ومرت ايام حلوة ومره وبيها عبر وبيها دروس..وبيها اجتهادات...

خل نشوف عشاقنه😍

ماخذها باحضانها ومتمسك بيها حييل ونايم...فتح عيونه على صوت هالثلاثة جاي يلعبون...

عزام:ماتييي ماتييي..ويصيح حييل..ماتي..

رزان:ماااامااااا ماتي..ماتي

ليان تبجي:ماتييي ماتييي...

ويتعاركون على لعبة محشوة كطن على شكل سلحفاة خضرة...وهذا يكول مالتي وذاك يكول مالتي...

باوعلهم على الاساس منومتهم امهم..وهي هم كامت وشافهم يتعاركون على اللعبة ضحكو عليهم...

حوراء:هاي مو عساس نامو

هشام:انا ادري شعرفني بجهالج..هههههه منو ماخذلهم هاللعبة

حوراء:ههههه انته جبتها الهم..وجبت لكل واحد وحدة مختلفة..بس يتعاركون على الخضرة

هشام:لو ادري هيج جان جبتلهم حقيقية ههههه

حوراء..كامت الهم وخذت اللعبة وظلو يبجون عليها ويصيحون ماتي ماتي....

وهشام رجع يحاول ينام مايكدر وخلوهم كاعدين للفجر....

اخر شي لبس دشداشته..وكال شني بويه عندي حل فصل باجر...رايح للديوان انام...وطلع...وراح هناك...

حوراء صغرت عيونها:تعوفنه خوش..امشو نروح يم بابا..وخذتهم وطلعو وراحو وراه للديوان...

توه مغمض وفتح عيونها واكفين على راسه...حوراء ضحكت...وهو ضحك وفتح ايدينه الهم اربعتهم......

حوراء:بعد روحي جدو

هشام:هههههه هنوب جدو

حوراء بعشك:واحلى جدو حبيبي شيخي احبك للأبد والله

هشام:وانه اعشكج...عينااي انتي بويه..انتي وفلذات كبدي............

واحلى عشاق حوري وشيخنه وجهالهم احلى زعاطيط...وبعد فترة طلعت حامل حوري وهم تؤم بس ثنين هل مرة....ومافك نفسه هشام من كرار كله خمسة صارو يابه خمسة...

وهشام يضحك ويكله شكو انه غير الله سواهم الي خمسة...

ولدت نسمة وجابت ولد يجنن ويشبه كرار ويشبه جده يخبل اشكراني...

وآية عافت هذا ابن حازم..هي اصلاً ماصار بينهم شي بس سوالف بالتعليقات...وعافت هالسالفة وملتهية بدارستها...

اما حوراء ماكملت دراستها ومكتفية بحياتها ويه شيخها وعشك كلبها الأول والأخير وابو جهاله...طبعا عصبت على هشام على التؤم الثاني ههههههه

ويكلها شنو السالفة اشو انتي وكرار كليتو كلبي وهو رزق من الله...

وايمان عايشة وياهم...وبعد فترة ولادة نسمة ابوها مرض كلش وكال قبل لا اموت جيبولي نسمة اشوفها...وبس سمعت راحتله بدون تردد...

وبالبداية اخوانها هم شايلين عليها بس شافو ابوهم سامحها همه هم سامحوها...بس ابد مارجعت مثل اول وكلما تروح هناك تحس بغربة بيتهم بدون امها💔.............

انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم

شكرا لزيارتكم عالم روايات سكيرهوم