رواية بنات نعمة الجزء الثاني (الدرويش) الفصل الثلاثون والاخير
بعد كام يوم
في محل نعمة
الدرويش .. ازيك ياست هدى
هدى .. 😡
الدرويش .. ها قولتي ايه في الموضوع ال قلتلك ؟
هدى .. بصت بعنيها شافت الكبير واقف مراقب الموقف بره
المحل ، فكان ردها للدرويش ( موافقة )
الدرويش .. بجد 😍 كنت عارف إنك عاقلة وهتعملي الصح
خلاص يبقا خير البر عاجله الفرح هيبقا يوم الخميس
هدى .. الخميس !!
الدرويش .. ايوة ،اصلي مستعجل على الحلو شويتين 😂
_____________
في بيت نعمة
سمية ..انا قولت لناصر يجي ياريهام
ريهام .. ليه اكده انا لسه موافقتش
سمية .. عارفة ان الموضوع صعب وإنك مترددة بس خليني
أفكرك إن ال باقيلي على الدنيا أيام وزي ما فهمتك انا مش
هبقا متطمنة على إبني غير وهو معاكي
ريهام .. القرار صعب ياسمية مش بالسهولة دي
سمية .. أرجوكي إعتبريها وصية ميت ياريهام 🥺
ريهام .. بس ياحبيبتي متقوليش كده 🥺 وبعدين ياستي
ربنا يخلف ظنك وتعيشي وتربي إبنك
سمية .. انا عارفة إنك لسه بتحبيه وخصوصا بعد ما
أكتشفتي برائته وشهامته وانتي كمان معششة في قلبه يبقا
ملوش لازمة العناد ياريهام ، ريحي قلبي ربنا يريح قلبك
ريهام .. ال فيه الخير يقدمه ربنا
____________بقلم #احمدحسن
في وكالة الدرويش
نظيمة .. كده ياسيدي التنازل تم
الدرويش .. ياسالم ، هات حاجة ساقعة هنا لعمتي نظيمة
ياواد دي الغالية
نظيمة .. تسلم ياولد أخوي ، قولي هتشتري نصيب الواد فؤاد
إمتا ؟
الدرويش .. ها ! قريب إن شاء الله بس اصبري عشان
مياخدش الفلوس ويحل بيها مشكلة هدى ويبقا كده
معملناش حاجة مش كده برضو ولا ايه
نظيمة .. معلوم برضك تصدق إني معجبة بدماغك الزين دي
الدرويش .. العرق يمد لسابع جد مش كده برضو ولا ايه 😂
نظيمة .. 😂😂
_______
في بيت نعمة
هدي .. الدرويش جاني وحدد ميعاد الفرح الخميس الجاي
نعمة .. ااااه يادماغي مش عارفة أفكر ومش قادرة أستوعب
ال بيحصل انا هقوم اصلي ركعتين
فؤاد .. ليه وافقتي انتي اتخبلتي في نفوخك ولا ايه 😡
هدى .. مفيش في إيدي حل تاني
فؤاد .. بالبساطة دي ! ايه القرف والرخص ال أنتي فيه ده😡
هدى .. حاسب على كلامك انا مش رخيصة أنا قليلة الحيلة
😡😡
فؤاد .. لا رخيصة لما تقومي ترمي نفسك جارية لكلب زي ده
تبقي رخيصة😡
هدي .. إخرس 😡 وبعدين مين أنت عشان تكلمني إكده 😡
😡 انت نسيت نفسك ولا إيه عاد 😡 وبعدين يعني هو مين
السبب في ال أنا فيه ؟! مين ال قتل جوزي وخلاني أبقا
مرمطون لكلاب السكك إكده ؟! مين السبب قولي مين السبب 🥺
فؤاد .. من ناحية جوزك هي في النهاية أعمار والموت واحد
يابنت عمي وقتلي ليه كان مجرد سبب لأجل مايقابل ربه ال
كتبله السبب ده وهو لسه في بطن أمه أنا فعلا غلطت
وصلحت غلطتي يوم ماجبت كفني وجيت لحد بابك وانا
مسلم رقبتي تحت سكينك لأجل ما تبرد نارك ، ومن ناحية أنا
مين عشان أكلمك خليني أقولك إني على الأقل إبن عمك ،
انتي صدقتي في كلمة واحدة بس هي اني نسيت نفسي 🥺
انا فعلا نسيت نفسي يوم ماحبيتك
هدى .. حبيتني !!
فؤاد .. هي دي الغلطة الوحيدة ال معملتهاش بكيفي يابنت
عمي ، عارف اني مش في حساباتك وإني عمري ماكنت هبقا
في حساباتك ،كان كفاية عليا إني أشوفك كل يوم قدام عيني
حتي لو مش هنتجوز وبصراحة من يوم ماحبيتك عمري
مافكرت إني أصارحك لأجل اني متحرمش من شوفتك ولا
صورتك تتغير جوايا من ردت فعلك
هدى .. 😳
فؤاد .. عارف إن الحب ما بينا مخالف لكل قواعد الطبيعة
وعارف انك عمرك ماهتحبي واحد قتلك جوزك وحرمك منه
بس صدقيني زي ما قولتلك أنا غصب عني حبيتك
انتي الحاجة الوحيدة ال اتفرضت عليا وال بيحصل معايا
دلوقتي عمري ما كنت اتمناه لألد أعدائي ، سامحيني ياهدي
سامحيني على جريمة حبي ليكي ال مكانتش مفروض
تحصل
_____________ بقلم #احمدحسن
في اليوم التالي
صابر .. صباح الخير
نعمة .. صباح النور مالك صاحي بدري قوي إكده
صابر .. عارف إنكم بتصحوا بدري فقولت الحق أفطر معاكم
ريهام .. صباح الخير ( وماسكة ضهرها )
سمية .. صباح النور 😅😅
نعمة .. مالك بتضحكي على ايه ضحكينا معاكي
سلوى .. بتضحك عشان ريهام نامت جنبي وانا من عادتي
بتقلب وانا نايمة فايعني خبطت ريهام بوكسين على شلودين😅
ريهام .. طول الليل وانا حاسة إني في حلبة مصارعة 😅
( الباب خبط )
نعمة .. افتحي الباب ياريهام
فعلا ريهام فتحت الباب لقيت ناصر في وشها😳
ناصر .. ازيك ياريهام
ريهام .. من الصدمة طلعت تجري على أوضتها
دخل ناصر سلم على الجميع وقعد معاهم
__________ بقلم #احمدحسن
في محل نعمة
هدي قاعدة في المحل وفاجئة دخل عليها سالم صبي وكالة
الدرويش !
هدي .. خير ياغراب عايز ايه !
سالم .. جايلك في موضوع مهم ياست ياهدي
هدي .. في ايه انطق
سالم .. الست نظيمة
هدي .. مالها ؟!!
سالم .. إتنازلت عن نصيبها في البيت للدرويش
هدي .. ايه !!!!!!!؟
سالم .. ايوه والله زي ما بقولك أكده
هدى .. وايه كمان ؟!
سالم .. مفهمها إنه هيشتري نصيب فؤاد في البيت ويكتبه
بأسمها بس خلاها تتنازل هي الأول عشان قال أيه يضمن إنها
مش هتلعب بيه
هدي .. هو فؤاد التاني عايز يبيع نصيبه !!!😳
سالم .. هو انتي متعرفيش إنه عايز يبيع نصيبه في الورث
عشان يحل مشكلتك مع الدرويش !!
هدي .. امسك دول القرشين دول انت تستاهل اكتر من كده
بس اسمعني زين حسك عينك حد يعرف أي كلمة من
الكلام ال أنت قولته دلوقتي ولما ييجي الدرويش قوله إني
بعتله عايزاه في موضوع
سالم .. حاضر ياست الكل
وبالفعل بعد شوية جه الدرويش على محل نعمة
الدرويش .. ازيك ياست العرايس
هدي .. أهلا
الدرويش .. انا مصدقتش نفسي والله لما قالولي إنك عايزاني
هدى .. كنت ليا عندك طلب بخصوص الجواز
الدرويش .. اطلبي ال أنتي عايزاه ان شالله حتى لبن
العصفور وانا عليا السمع والطاعة ياجميل 😅😅
هدي .. كنت عايزة بعد ما نتجوز نسكن في بيت المغازي
الدرويش .. بيت المغازي ؟!!😳
هدى .. ايه ؟! مش قدها ولا ايه ؟!!
الدرويش .. لا مش الفكرة بس يعني اشمعنا بيت المغازي!!
هدى .. انت عارف ان البيت ده اتحرمت من إني أدخله عمري
كله وبما إن ليك نصيب في ورث أبوك بصراحة يعني كنت
بدور على حاجة مستحيلة أطلبها منك عشان لما تعملها ممكن
وقتها يكون ليك مكان في قلبي
الدرويش .. ياسلام اعتبري بيت المغازي من دلوقتي تحت
رجلك 😍😍😍😍😍
هدى .. طب ايه رأيك نروح مع بعض دلوقتي وبالمرة اسلم
على جدتي وعمتي نظيمة
الدرويش .. دلوقتي !!! طب بصي خليها لبكرة وربك يسهل
هدي .. بكرة ايه بس !! انت ناسي إن فرحنا بعد بكرة ، وانا
بكرة هبقا مشغولة عشان اجهز نفسي للفرح
الدرويش .. يابوووووي اول ما بسمع كلمة الفرح منك روحي
بتهفهف إكده😍😍 خلاص ياستي يلا بينا 😅
_________
في بيت المغازي
توحيد .. ايه الدربكة ال تحت دي !!
نظيمة .. مش عارفة هقوم اشوف
الدرويش .. ياأهل الله ياللي هنا
نظيمة .. اهلا اهلا بواد أخوي ازيك ياغالي
الدرويش .. ادخلي واقفة عندك بره ليه
نظيمة .. مين هدي 😡!!! ايه ال جابك هنا !!
هدى .. جاية مع عريسي عشان اشوف البيت ال هعيش فيه
وبالمرة اسلم عليكي 😊
نظيمة .. بيت ايه ال تعيشي فيه !! انتي اتخبلتي في مخك
ولا أيه 😡😡😡
هدي .. رد عليها ياعريس يمكن مسمعتميش كويس
الدرويش .. ايوة ياعمتي هدى هتعيش معايا في البيت هنا
نظيمة .. انت بتقول ايه !!! انتم اتجننتوا ولا ايه !!!!
هدي .. اخص عليكي ياعمتي دا بدل ما تفرحي اني هعملك ونس 😅
نظيمة .. إمشي اتطلعي بره انتي وهو امشوووووا😡😡😡
الدرويش .. لمي لسانك يانظيمة احسن يمين بالله ارميكي بره
نظيمة .. ترمي مين بره ياخسيس ياواااااطي
الدرويش .. انتي ناسية إنك بعتيلي حقك في البيت دا غير
نصيبي من ابوي يعني انا ليا في البيت ده كتير وكتير قوي
كمان إحمدي ربنا إني صابر عليكي وسايبك تعيشي فيه
توحيد .. قلبي ااااااه
نظيمة .. اميييييييييييي
بعد الخبر ال كان زي الصاعقة على نفوخ توحيد ونظيمة
أصيبت توحيد بجلطة
أما نظيمة ففقدت عقلها أتجننت وتم تحويلها على مستشفى
المجانين وده كان مصير توحيد ونظيمة
___________
نرجع لبيت نعمة
ناصر .. ليه عملتي كده ياسمية !؟
سمية .. أرجوك متناقشنيش وسيبني مكملة بدماغي انا مرتاحة كده
ناصر .. طب وليه ما بلغتنيش بحالتك المرضية
سمية .. مكانش ينفع أشيلك همي اكتر من كده واقولك اني
هعيش فترة قصيرة ، المهم دلوقتي أدخل لريهام إتكلم معاها
ناصر .. بس ،،
سمية .. مفيش بس وبعدين أنا عرفتها على كل حاجة وهي
بقت بتحبك يمكن اكتر من الاول
ناصر .. هتحبني ازاي بس بعد ما سبتها يوم فرحها
سمية .. انت عملت عمل إنساني محدش يعمله غير إن كان
راجل بجد ، والست مننا ياناصر تحب إن جوزها يكون راجل
والموقف ال أنت عملته يخليها تحس بالأمان معاك اكتر من
الأول ، الراجل ال خاف على واحدة وأنقذها رغم إنه كان
ممكن يسيبها وما يبوظش حياته عشانها أي واحدة تتمناه
والحنية ال عاملتني بيها حتى بعد ما أنقذتني أي واحدة
تتمنى ربعها وهي تعيش سعيدة باقي عمرها
انت ضحيت عشاني وحسستني بالأمان ووقفت جنبي
وأحتويتي وإهتميت بيا وعملت كل حاجة رغم إنك
محبتنيش مابالك بقا بال حبيتها ، التضحية والأمان
والأحتواء والأهتمام كل الحاجات دي معظم الستات
مفتقداها والراجل ال يتوفر فيه الحاجات دي ياناصر تبقى
ست هبلة ال تفرط فيه ، روح لريهام ياناصر كلمها وأجبر
بخاطرها دي بتحبك اوي ياناصر
_____
فعلا ناصر راح لريهام
ناصر .. عارف ياريهام أني ال عملته كان قاسي عليكي قوي
بس ربنا يعلم أني غصب عني وإنك طول الوقت في بالي
عارف أني ظلمتك وقسيت عليكي وأنك ليكي حق متبصيش
في وشي بس عارف كمان إن قلبك كبير وإنك هتسامحي
والله ياريهام إني أتعذبت في كل لحظة كنت بعيد عنك فيها
بس متقلقيش ياريهام هعوضك عن كل لحظة بكيتك فيها
عارف أن كل دمعة نزلت من عينك مش هتعوضها سنين فرح
بس إن شاء الله اوعدك إن الفرح والسعادة مش هتفارق قلبك
طول ما فيا الروح ، سامحيني ياقلبي سامحيني
ريهام .. أنا قلبي في عز ما كان مكسور عمره ما طاوعني إني
أدعي عليك بالشر عايزه بعد ما أكتشف برائتك يزعلك
ويرفض يسامح 😥
ناصر .. إن شالله يارب أموت قبل ما أفكر أكسره تاني
ريهام .. بعد الشر عليك متقولشي كده تاني
ناصر .. أنا عمري ما بطلت أحبك رغم البعد عشان قلبك الطيب ده ♥️
ريهام .. قلبي طول عمرك ساكن فيه وعمرك ماخرجت منه ولو لحظة
ناصر .. شالها ولف بيها وهو بيقول بصوت عالي بحببببببك
_____________
الفرح
وصل الدرويش الفرح وقعد جنب هدى في الكوشة ال كانت
متوترة وهي مش عارفة إيه ال هيحصل
في لحظة كده توقف الفرح ووقف الدرويش مذهول اما هدى
فبدت عليها علامات الإرتياح والطمأنينة بعد دخول الكبير
الفرح وطلوعه على المسرح ، مشي ناحيته الدرويش وقاله
اهلا اهلا أخيرا ظهرت دا انا مستني أشوفك من زمان ياراجل
فجأة دخل واحد تاني طلع على المسرح برضو لابس لبس
الكبير أصبحت الناس مذهولة أكتر الدرويش بص ليهم
بغرابة وفجأة دخل شوية من كل جانب في الفرح وكلهم
وقفوا حوالين الدرويش !!!!
الدرويش واقف مش عارف يعمل إيه من اللخبطة اللي
بتحصل
_______
نعمة كانت قاعدة جنب بنتها هدى وبدأت تسترجع الكلام ال
حصل في الڤيلا وقت ما راحت مع رياض
ال حصل في الڤيلا كالتالي
نعمة .. إيه ده !!! الكبير!؟
رياض .. اقعدي ياست نعمة وأنتي هتفهمي كل حاجة
نعمة .. أفهم أيه !! وأنت إيه علاقتك بالكبير !!
الكبير .. إزيك ياست نعمة
نعمة .. انا عايزة أفهم كل حاجة دلوقتي
الكبير .. هفهمك كل حاجة بس اهدى وأهم حاجة ال
هتسمعيه وتشوفيه مفيش مخلوق يعرف بيه غير في الوقت
المناسب ، تمام ؟
نعمة .. تمام
رياض .. تعالى ياكبير
نعمة إتفاجئت لما لقيت عددهم كبير
نعمة .. أنا مش فاهمة حاجة !!؟
رياض .. الكبير ياستي مش شخص واحد
نعمة .. يعني ايه !!؟
رياض .. الكبير مجموعة مع بعض ودلوقتي هيكشفوا وشهم
عشان تعرفيهم
نعمة .. صابر !!
نعمة .. الدكتور !!
نعمة .. ومين الشخص الأخير ال لسه مكشفش وشه ده !!؟
رياض .. ده المفاجئة ، بعد إذنك إكشف وشك
الشخص قام وقف ورفع الماسك من على وشه
نعمة .. مين !!!!!! إبراهيم 😳
إبراهيم .. ايوا ياست نعمة انا سليم وبمشي على رجلي عادي😅😅😅
نعمة .. انا مش مصدقة ال انا شايفاه😄
رياض .. الفضل يرجع لربنا ثم الدكتور هو صاحب الفكرة
نعمة .. عشان كده كنت كل ما أسمع صوت حد منكم واحس
إني عرفته كان بيدخل حد غيره في المرة ال بعدها عشان
يتوهني 😅
الدكتور .. انا عرضت عليهم الفكرة وهما وافقو وفي اليوم ال
جه فيه رياض هنا كنا متفقين إني اجيب هدى هنا كأننا
بنراقبه ونحاول نزرع في مخها إن الكبير رياض لأننا عارفين
إن الدرويش كان مراقبنا فهو كمان اقتنع إن الكبير رياض
وبكده نشتت تفكيرهم عشان نقدر نكمل شغلنا لأن هدى كانت
ذكية جدا وبتدور على أي طرف خيط
نعمة .. طب وخطف فؤاد !!
الدكتور .. ابراهيم ال خطفه بعد ما هدي ضربته بالرصاص
وكان ناوي ياخد بتاره منه بس إحنا قعدنا معاه وأقنعناه إننا
نعالجه ونكسبه في صفنا وطبعا الفضل يرجع لصابر هو ال
قدر يقنع ابراهيم وبالفعل فؤاد عارف كل حاجة وانضم لينا
وسبب غيابه دلوقتي هو وجوده مع هدي وفي موضوع كده
هنحكيلك عليه بتاع سفرهم وال كنا متوقعين يحصل معاهم
وبالفعل حصل ( فعلا حكى لنعمة على كل حاجة حصلت مع
فؤاد وهدي عشان كده هي اتعاملت مع الموضوع من غير ما تتفاجئ)
نعمة .. طب وأنتم ناويين علي ايه
صابر .. مبدئيا وافقي على أي قرار ياخده الدرويش ضدكم
مهما كان القرار
نعمة .. تمام
ابراهيم .. متقلقيش نهاية الدرويش قربت بس اهم حاجة
اوعي تقولي لحد على اي حاجة عشان شغلنا مايروحش هدر
نعمة .. إتطمنوا ، ربنا معاكم
______
نرجع بقا من رحلة السرحان بتاعت الست نعمة ونشوف أيه
ال هيحصل
بالفعل الجميع رفع الماسكات من وجوههم والدرويش ضحك
ضحكة كبيرة بسخرية 😂😂😂😂
وفاجئة كده الضحكة إختفت من على وشه لما كلهم طلعوا
اسلحتهم ووجوها ناحيته
بس في نفس اللحظة دخل واحد من دراويش الشوارع
الحقيقين وضرب الدرويش بسكينة في قلبه وفضل يتنطط
ويضحك جنب جثته اما الدرويش وهو بيطلع في الروح قال
( الدرويش الحقيقي قتل الدرويش المزيف )
ودي كانت نهاية الدرويش
________
بعد فترة
هدى اتجوزت فؤاد وعاشت حياة سعيدة
رياض وتغريد رجعوا لبعض
ناصر اتجوز ريهام وعاشت ريهام مع سمية في بيت واحد
واكتشف ناصر وريهام إن حكاية موت سمية بعد فترة قصيرة
كانت لعبة منها عشان تجمع بين ناصر وحبيبته ريهام والتلاتة
عاشوا مع بعض حياة سعيدة
نعمة رجعت لبيت المغازي من جديد بس المرة دي رجعت
وهي زوجة صابر ، اييييوة صابر رجع نعمة ولم الشمل بعد
وكمان ربنا شفاها وعاشوا حياة سعيدة بعد سنين عجاف
وكالة المغازي ومحلات نعمة انضموا لبعض وبقوا من أكبر تجار مصر
اما نعمة فتركت الشغل وعملت مائدة طعام لوجه الله وكل
يوم كانت بتجمع ناسنا من الشوارع وتأكلهم
ثواني ثواني ، الواد ال قتل الدرويش قاعد على المائدة
بيبص لواحدة من ال بيضربوا الودع ؟!!!!
ايه ده !!! الواد طلع عثمان !!! والست طلعت كوثر 😳😳😳
تمت بحمد الله
