رواية انا والغريب الفصل الثلاثون بقلم هبه حمزة
لا السيف يفعل بي ما انت فاعله
ولا لقاء عدوى مثل لقياك ولو بات
سهم في كبدي ما نال مني مانالته عيناك...............♡
●●●●●●○○●●●●●○○●●●●●●●●●●●○○●●●●●●●○○●●●●●●●●●●○○●●
بعد مرور سنة كاملة.......
منار.........اليوم اول يوم دوام الي بكلية الطب ...كدرت احقق حلمي
بس مو وحدي داومت لااا.....
بعد فترة من ضهور النتائج واحتفالنا تبين اني حامل ...
ياسر طلب مني اداوم واني ردت اترك هاي السنة لكن هوة رفض جانت حياتنا حلوة وخالية من المشاكل...
مر علة حملي خمس اشهر...
.. ورحنة نسوي سونر طلعت حامل بتؤم نصدمنا وجانت صدمتنا كلش قوية بحيث...
كضينة الطريق كلةة صافنين ....
يمكن رب العالمين راد يعوضنو عن الطفل الراح ...
من رجعنة كعد ياسر وحاط ايدة علة راسةة وضايج حيل
تقربت منة وكلت ....
منار".....ياسر الله يخليك كلي ليش كلما تسمع حامل تضوج ....اذا انتة متحبني كلي والله اعوفك واعيش حياتي....
ياسر"...اسكتي منار لتحجين بكيفج
منار"....لعد فهمنيييي لييشش ...! ؟
ياسر"....لتصيحين هواي اسباب خلتني مو اضوج وإنما اشيل هم
منار".....ايييي فهمني شنو هنةة!
ياسر"....مثل عمرج بعدج صغيرة مو مال توم رحمج هم ميتحمل افتهميي ترة اني ما اخاطر بحياتج
اهم شي انتيي وبس والباقي طزز...
منار"....ايي بس لو اكو خطر جان كالت الدكتورة
ياسر".....منار باعي اني مو قصدي اخوفج بس هوااايييةةة سامع يموتن بالولادة ومن ضمنهم امي
جابتني وماتت.....
لذاك اخاف عليج من هذة السبب شسوي بالطفل اني اهم شي انتي وبسس...عندي
منار......تقربت منة وحضنتة ضليت هوايي حاضنتة بعدين ابتعدت وكلت..
....الكاتبة الله يصير تفاءل بالخير تجده خليهة يم الله ولتشيل هم
ياسر"....والنعم بالله
منار"....... حرمات بس كلة من وراك مخليتني اسأل الدكتورة شنو بية ولد لو بنية
ياسر .... ههههه قصدج ولد لو بنات
منار".... اي والله نسيت بس شكد حلو لو يطلعون ولد وبنية
وو
ياسر".....الله كريم
منار"....يلاا ياسر كوم خل نبشر بيبي بحملي اكيد راح تفرح....
كمنة اني ويا ورحنة لبيبي بيتنة قريب عليهة لأن ياسر اشترة بيت بنفس المنطقة. ..
دخلنة سوة وبكيت بيبي نايمة كعدتهة
....بيبي محضريلج مفاجأة تعاي شوفيهة
خطية كامت مصدومة عبالهة اكو شي خطير. ...
طلعنة للصالة وحضنتهة وكلت
..... اني حامل بتوم
بيبي".....كوولي والله
......ههههه والله العضيم
من فرحتهة حضنتني و كامت تبجي
وكوة سكتناها اني وياسر...........
اليوم مرن 4 اشهر ...........
دخلت شهر التاسع....
وكلما نروح للدكتورة تكول مبين جنس الاطفال لان علة مقعدهم كاعدين ....
ياسر كال
.....خليهة يم آلله بعد منروح لاي دكتورة
وفعلا بعد مرحنة ابد....
اليوم اول يوم دوام بكلية الطب رحنة اني وياسر لكن من طلعت من البيت عندي الألم ابطني يروح
ويجي بس مهتميت الة....
اول مدخلنة لزمت ايد ياسر وصحت
....ياسر بطني....
ياسر ".....شكو شبييج!؟
جنت لازمة بطني وابجي
منار"..... يمكن راح اجيب ...
ياسر".....ولج بعد وكت بعدج مو بداية التاسع وين اكوو هسةة ولادة
منار"....ما اعرف ما اعرررف بس بطنننييي تاذيني اخذني للبيت
لزمني ياسر ويهدي بيةة بس الالم جان قوي وبي وميزيد
...طلعنة من الكلية للمستشفى.....
عود اليوم اول يوم دوام الي حتى متهنيت بي....
بعد فحصوصات وتحاليل طلعت عندي ولادة مبكرة حولونة علة العمليات ....
اول مدخلت الغرفة حسيت نفس جمدت باردة حيل كعدت بس ارجف ....
رادو يضربوني البنج بجيت ...
كالت الدكتورة اية لحد الآن اذكرهة (افلا بذكر الله تطمان القلوب)
.....اذكري الله ولتخافين
جان هذا كلامهم وبعدها فقدت .....
كعدت بعد فترة طويلة علة اصوات بيبي وياسر
تقرب مني ياسر وباسني براسي وكال
..... مبروك نشالله يتربون بعزج ..
واجتي بيبي هم باركتلي بس اني اهز براسي فقط ما اكدر اجاوب
منار".....وينهم
بيبي".... بالخدج حالتهم شوية مو زينة لأن جبتيهم بداية التاسع
منار".....شنو شبيهم...!
بيبي"....ما بيهم نشالله ماكو شي
منار ....مرن 3 ايام واني مشايفتهم لحد ما كالو لازم الام تجي تشوف الأطفال وترضعهم
رحنة اني وياسر وجنت كوة امشي وهوة لازم ايدي دخلنة لقسم الاطفال....
شفتهم جابو ثنين اطفال.... ناعمين حيل
سألت ياسر...
منار".....ياسر ولد لو بنات ذولة؟
ياسر"...بنية وولد
منار"....اخذت واحد منهم وحضنتة سبحان الله حسيت بشعور غريب لاول مرة
.....زين هاي بنيةة لو ولد...؟
ياسر"....البيدج بنيةة وذاكة ولد
منار".....ياسر فدوة شوفهة تخبل
ياسر"....ههههه أي حلووة
منار".....بستهة ورضعتها وبعدين اخذوهة وجابو الولد
هم حضنتة وبسته وكال ياسر...
......هسة صرنة فريقين البنات وحد والولد وحد
منار".....هههههه اي والله صدك شسميتهم ؟
ياسر".....اسماءهم متشابهة باعي سميت الولد انور والبنية نور
منار"....حلوات الاسامي
ياسر "....اي حلوات غير اني اختاريتهن.
منار بقو الاطفال اسبوع بالمستشفى وبعدها طلعنة كلنا سوى لأن اني رفضت اطلع وهمة يبقون فضلينة كلنة سوة
بعد مرور ثلاث سنوات ............
منار.........مرت كل هل سنوات بلمح البصر الايام والساعات والاشهر تركض وكلشي ممفتهمنة منهة
اليوم قرر ياسر يسوي حفلة عيد ميلاد الأطفال بمناسبة صار عمرهم 3 سنوات
نور بنتي حيل هادءة ومتاذي ابد بس يممماااا من انور مشيب كلبي
لسانة اطول منةة ودائما يكتل ب نور
جنت كاعدة دا ادرس ودخلت نور تبجي انور كاتلهة طلعت اله ولكيتة كاعد بحضن ياسر ويضحك بشماته
تقربت وجريتة من ياسر بس ياسر رجع جرة مني واني عطت
منار".....،اطينننيياااا ياسسررر ترة هواييي متحملةة عليييةة
ياسر".....دروحي روحي انتي وبتج السبع يطلع دم هية مابيهة خير مثل امهةةة
ولج نورة لو بيج حض تعاي كتلي اخوج لتضلين ساكتة ....
منار".....لاااا اني أخذ حقهة منة
انور"......مامة تبجيج مو هيةة تبانةةةة والله|ماما شبيج مو هية جبانة والله|
منار".....انجب ولك كلة من ورة ابوك مددلك زيادة ...
ياسر".......اه لا والله متكولين انتي الي مدللة بتج وصارت فاهيةة ياهوة الطخهة كامت تبجي
دشوفي ابني انور اسد والله طالع علة ابوك
انور".....اني اعبك بابة ما اعب هايةة ام ندارة |اني احبك بابة ما احب هاية ام نضارة|
يقصد منار لان تلبس نضارة من تدرس....
منار"..... ولك انور شنو ما الزمك قابل... وعفتهم ورحت
واخذت نور وطبيت بالغرفة بدلتلهة وحضرنة ملابس الحفلة ورة شوية طب أنور هو وياسر
تقرب مني وباسني بخدي وكال
.....اسف مامة اعبج اني بابة يدول|آسف مامة احبج اني بابة يكول|
منار".....من كال هيج خربت من الضحك عود هوة ياسر معلمة يكول هيج
وختمهة بابة يكول .... صدك لو كالو اطفال
شفت ياسر ضرب كصتةة وكال
......غبببييي
منار".....ههههه عليمن يطلع
ياسر".....انجبي لج طالع عليج قابل اني الخلفتهم لو انتي؟
منار"....اثنينة مشتركين بهاي العمليةة
ياسر".....اي عيني ثنينة شنو رايج نسوي عمليةة خاصةة جديدة
منار".....لا لااا يعيوني
ياسر".....هههه كوموا يلااا مضل وكت للحفلة
منار"......بدلت الهم وحضرنة الكيكة وعصاير ياسر سواهة حفلة تجنن بالحديقة هوة زين البيت بالنشرات
تريبة كلش حلو .....
بعد مكملنة تبديل وتحضيرات
بدو يجون الخطار.....
ياسر عازم اصدقاءة هوايية همة ونسوانهم وجهال
البيت صار عبارة عن روضة لان حتة اصدقاء نور وانور الي بالروضة جابوهم
واني صرت مرحلة رابعة بس دا اتعب هوااي عود خلصانة من نور وانور بالروضة لو يم بيبي اعوفهم
وياسر بعده يدرسني .....
رغم المواد صعبةة لكن هوة يدرسهن وبعدها يفهمني رغم دوامة بس معافني ابد خصوصا بفترة الامتحانات
فززني صوت ياسر من يكول
......منااار بسرعةةة جيبي سجينة
رحت جبتهة واطيتهة الة كصو الكيك وبدت الحفلة وخطية قد فرحو بالهدايا كلهم جابو الهم
بعد فترة من صفنتي عليهم واني ارجع ذكرياتي القديمة حضني ياسر وكال
....الحلو وين صافن
منار".....هههه لا مصافنة بس دا اباوع
ياسر"....اهااا يلاا تعاي خل ناخذ صور جماعية
منار".....فعلا اخذنه صور جماعية اني وياسر ونور وبيبي ....
من خلصنة تقرب مني ياسر وهمس قريب علة اذني
........احبج
ضحكت وكتله
....مو بكدي..
وهناا تنتهي قصتي رغم جانت مليانة حزن بالنسبة الي لكن الله عوضني ...
ورغم نولد ياسر بدون اهل عاش حياتة واستمر...
واني مثلةة هم نولدت بدون أهل وتيتمنة ثنينه من احنة وصغار لكن عشنةة واستمرت حياتنة
هاي الدنيا متوكف علة احد ....
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
