رواية بنات نعمة الجزء الثاني (الدرويش) الفصل الثالث
الساعة 2 بالليل نعمة من كتر التعب كانت نايمة
في أوضتها الضلمة حست بحركة جمبها فتحت عنيها وبدأت
تتقلب على جمبها بصت لقيت عيون صفية منصوبة عليها
بنظراتها المرعب وضحكتها ال تخوف وفي إيديها لمبة يد
نعمة .. مين!!
صفية .. هاهاها خفتي يانعمة
نعمة .. عايزة ايه ياصفية!!
صفية .. عايزة أقبض روحك يانعمة
نعمة .. طب ومستنية ايه ياصفية
صفية .. مستنية لما أحرق قلبك على بناتك قدامك
نعمة .. وبناتي عملولك إيه ياصفية ! إن كنتي محروقة مني
أنا قدامك أهو أعملى ال انتي عايزاه
صفية .. موتك لوحده مش كفاية يانعمة ، إستعدي للجاي
عشان ال جاي عقلك مش هيستوعبه
نعمة .. واضح إن عداوتك معايا مش بسبب ال عمله معاكي
مرسي وألا المفروض كان هو بطل فيلم الرعب ال عملتيه ده
صفية .. طول عمرك مغرورة وشايفة نفسك ، حتى الناس ال
حواليكي بتعرفي تضحكي عليهم بكلمتينك الحلوين وتخليهم
يحبوكي
نعمة .. حب الناس دي نعمة وموهبة ومبتجيش بالعافية
واضح إن الحقد مالي قلبك من ناحيتي بس شوفي يابنت
الناس ،انا عارفة كرهك ليا بسبب صابر وعارفة إنك كنتي
بتحبيه ، وعارفة إنه حرق قلبك لما سابك واتجوزني بس
صدقيني أنا لو شفت أي ذرة حب ليكي جوة قلب صابر
كنت سبته
صفية .. انتي كدابة ، صابر قالي إنه بيحبني وكان واعدني
بالجواز بس لولا بيت المغازية حكموا عليه يتجوزك
نعمة .. صابر كداب ، بيت المغازي عمرهم ما كان في ود بينهم
وبين أهلى وصابر هو ال غصب على بيت المغازي عشان
يتجوزني ، وعالعموم ياستي هو سابك ودمر حياتك
واتجوزني ودمر حياتي وسابني ببناتي وهج يبقا إحنا الأتنين
في الهوا سوا ، وأنتي خدمتي في بيت المغازي وعارفاهم
إنهم مبيحبوش غير نفسهم وكل ال دخل بيتهم حياته
اتبهدلت
صفية .. كفياكي كدب عاد ، كل ال انا أعرفه إنك سرقتي
حياتي مني وأستكرتي عليا صابر وخدتيه مني وفوق دا كله
إنك شفتي مرسي المغازي وهو بيغتصبني وقولتي مشوفتش
وحسابك معايا تقيل قوي يانعمة
___________
في بيت نعمة
هدي .. الو
الدرويش .. رصاصتك لسه وجعها مبردش في كتفي
هدي .. الدرويش!؟
الدرويش .. ايوة الدرويش ال هياخد روحك وروح أمك
هدي .. هه ما ياخدش الروح غير ال خالقها ، قولي أمي فين
الدرويش .. ههههههههه حلوة جرائتك دي
هدي .. قصر في الكلام وقول طلباتك ايه ؟
الدرويش .. فؤاد ابن مرسي
هدي .. ماله فؤاد؟!!
الدرويش .. تسلميلي فؤاد أسلمك أمك
هدي .. ههههه أسكت مش أنا قتلت فؤاد بس مش مشكلة
هبعتك عنده قريب
الدرويش .. شكلك نايمة علي ودانك يابنت نعمة ، فؤاد جثته
إختفت وفي إحتمال يكون عايش
هدي .. أنت بتقول إيه ؟!!!!
الدرويش .. بقول ال سمعتيه ، فؤاد عايش ومطلوب منك
تجيبيه وتسلميه ليا وأنا أسلمك أمك
هدي .. الو .. الو ..
تغريد .. رايحة فين ياهدي !!؟
ناصر .. طب لحظة جاي معاكي
( فعلا ناصر راح مع هدي لمكان جثت فؤاد )
ناصر .. انتي متأكدة من كلام الدرويش
هدي .. ماهو أكيد يعني مش هيشيل الجثة ويساومني عليها
ناصر .. امال مين ال ممكن يعمل كده
هدي .. مش عارفة , ايه دا !!
ناصر .. بتبصي على إيه !!
هدي .. مكان جزمة الشخص ال خد جثة فؤاد
ناصر .. أه فعلا بس دي هنعمل بيها ايه !
هدى .. مقاس جزمته 46
ناصر .. نعم !!مش فاهم !!
هدى .. 46 دي حاجة مميزة
ناصر .. بس ده طرف خيط ضعيف !
هدي .. مقدميش غيره
ناصر .. ده معناه انك بتشكي في الناس ال حواليكي !؟
هدي .. انا أصلا مبثقش في حد !
_________
في القاهرة
سمية كانت في الورشة وفجأة لقيت نفسها حالتها مش
مستقرة وصحتها في تدهور ففكرت تروح لدكتور وتطمن
على نفسها وهناك كان ينتظرها خبر كالصاعقة عندما أخبرها
الدكتور أنها حامل
الدكتور .. مبروك يامدام انتي حامل
سمية .. حامل !! أنت بتخرف تقول إيه !!!
الدكتور .. نعم !!
سمية .. أنت متأكد من الكلام ده !؟
الدكتور .. في إيه يامدام مالك !!!؟
سمية .. هه! مفيش مفيش
وهنا بقا سمية حست إنها بقت في ورطة ! وكانت بتكلم
نفسها وتقول ( معقول !! معقول انا حامل من ناصر !!!!
يااااربي طب أنا هعمل ايه في المصيبة دي دلوقتي ! دا انا
أبويا لو عرف هيطب ساكت ، طب والناس هتقول عليا إيه
وال في بطني جبته منين !!! مفيش حل غير إن ناصر يرجع
ويتجوزني اووووووفففف أعمل إيه ياربي
________
في بيت المغازي
توحيد .. حمدالله عالسلامة ياولدي
صابر .. الله يسلمك ياأمي أزيكم
نظيمة .. زي ما أنت شايف ، بيت المغازي فاضي وشجرته
فروعها بتتكسر واحد ورا التاني
صابر .. مرسي غرك المركب يانظيمة
توحيد .. معادش له لازمة العتاب ياولدي
نظيمة .. مين كان يقول هيبة المغازي تضيع ، ال كان أسمه
بس يهز بلاد ، بس لايمكن نسمح بكده ،من بكرة ياصابر
تفتح وكالة المغازي ودورك إنك ترجع هيبة بيت المغازي
أقولك انا كمان هنزل معاك
_______
خطوة ورا خطوة ودبت الرجل مسمعة في المكان
وباب اوضة شكلها غريب اتفتح
وواحد قاعد على كرسي في أخر الأوضة مدينا ضهره
بيطقطق بولاعته ودخان سيجارته كالسحاب ،كانت أولى
كلماته .........
