 |
رواية حب جاسر لثريا الفصل الثالث بقلم ليلي مصطفي
"انا عمري منسيتِك"
______________________________
_ ثريا بقهر : من قبل حته متسافر كنت كل يوم في عذاب من اول إجبارِي ان اقابل العريس و اجباري علي الخطوبه و المعامله الزفت الي كانوا بيعملوني بيها ،
والعذاب الحقيقي بدأ من اول ما مشيت ، كنت بحاول كل شويه اهرب ،.... يعني ها افضل عشان اي ها؟... اب وام انانيين شايفين بنتهم سلعه عايزين يقبضوا منها تمن عالي....... ، الشخص الي كنت بحبه مشي وسابني ، افضل معاهم ليه قولي ليه ؟؟؟
بس للاسف معرفتش كل ماكنت بحاول اهرب يمسكني ......و يضربني لحد ما اجيب دم من كل حته .....و افضل رأده في السرير بالأسبوع، حتي مش بصعب عليهم يودوني اي مستشفى ،كانوا..كانوا..
معرفتش اكمل كلامي عشان وقعت علي الارض ماسكه رقبتي مش قادره اخد نفسي ، جاتلي نوبه والي بقت ملازماني من سنتين ، لما كنت كل يوم بعيط من الي بيجرالي ،
نوبه ضيق تنفس ، عيني حمره زي الدم مفيش هوا راضي يدخل جسمي ، قلبي من كتر دقاته سامعه في ودني ، وكمان الطرحه وفستان الفرح مكنوش مساعدين ،
_ثريا ثريا فوقي مالك جرالك اي
اول ما شوفتها واقعه علي الارض قدامي وماسكه رقبتها ، اتجمدت من الصدمه اول مره اشوف ثريا بالشكل ده ، علي طول قويه و عمرها مكانت ضعيفه ،
قلبي وجعني عليها وعيني من غير ما احس دمعت، اخدتها فحضني و اقعدت أهديها و فكتلها الطرحه بتاعتها ، فضلت اهدي فيها لحد ما نامت في حضني واحنا في نص بيتنا بعد ما حكت معانتهَ والي كنت فاكرها خلصت للأسف ده مكنش حقيقه .
شلتها بين ايديا وطلعتها فوق في الاوضه بتاعتها ، وحطتها علي السرير بتاعها ، فضلت قاعد جمبها بتأمل ملامحها الي أتحرمت منها ٣ سنين ، ٣ سنين كاملين وانا بعيد عنها ، بعيد عن اهلي واخواتي ، متغرب عشانها هي بس .
_صحيت من النوم لقيت نفسي في اوضه غريبه عليا ، فجأه أحداث امبارح كلها جت في عقلي بتفكرني بذكريات كتيرر ، كنت بحاول اثبت لنفسي انها مأثرتش فيا ، بس جيه جاسر و بينلي ان الي كنت فيه ده عباره عن قنبله موقوته وجيه وقت انفجارها .
دخلت الحمام و لبست هدوم لقيتها في الدولاب الي في الاوضه ونزلت ، ملقتش حد غير الخدم ، وملقتش جاسر ،
مسألتش عليه و حتي مكنتش عايزه اقالبه بسبب مواجهِ امبارح ، استنذفت طاقتي ، ومش قادره اسمع ولا اتكلم .
---
عدا اسبوع مشوفتش فيه ثريا ولا حتي رجعت البيت ، كان لازم اسيبها شويه وقت تستوعب الأحداث الي حصلت و تجمع أفكارها و ذاتها عشان نعرف نتكلم و نواجه بعض ، والنهارده راجع عشان تسمعني واسمعها وافهِمها.
_ نزلت الصبح ولقيت جاسر قاعد في الصالون، تجاهلته و دخلت المطبخ عشان افطر ، وانا خارجه بعد ما خلصت لقيته في وشي
_ جاسر بهدوء :احنا لازم نتكلم
مردش عليه ، خادني من ايدي و طلعنا الاوضه و قعدني قدامه علي الكنبه .
_ جاسر بقهر و غضب : بعد مشوفتك ماسكه ايده نفسي اتقطع حسيت روحي انفصلت عن جسمي كنت فاكر نفسي بتخيل او ان ده مش حقيقي بس للاسف اتخطبتي لغيري ،... كملت وعيني ابتدت تدمع .....
كنت عايز اهجم عليه اضربه اموته تحت ايدي و اصرخ فيه واقوله دي بتاعتي ليه بتاخدها مني دي حقي ،
بس فوقت لنفسي وقولت اروحله أعمل كده بصفتي اي ، معايا فلوس عشان أقف في وش ابوكي، ولو ابوكي وافق ها اعيشك فين ؟ ولو عملت كده ها اسوء سمعتك وها يتقال عليكي كلام وحش ،
روحي انسحبت مني بعد ما كانت فيها امل ، كنت ها ابعت امي ليكي تقولك اني هسافر و تخطبك من ابوكي وتقولوا اني ها ابعتلك فلوس من هناك ،
بس لما شوفت ابوكي سبق و خطبك عجلت بمعاد السفر ، و مكنتش هقدر اقعد في مكان وعارف انك ممكن تتجوزيه في اي وقت
، هجرت هجره غير شرعيه لاسبانيا ، اول ٦ شهور كنت بشتغل في اي حاجه وكل حاجه كنت بجمع فلوس عشان أجر مكان انام فيه ، اصل هههه اصل كنت بنام في الشارع .... قولتها بوجع وانا بضحك بسخريه
، بعد ما كملت سنه كنت جمعت مبلغ كويس واتعرفت علي واحد فاتح شركه صغيره وشاركته بكل الفلوس الي معايا ، الحمد الله الشغل مشي كويس و عرفت انوا ليه شغل في مصر كمان و ليه شركه كبيره ، فطلبت منه انوا يخلي حد من رجالته يعطل الجوازه عن طريق انو يخرب شغل خطيبك كل شويه والحمد الله كان فعلا بيخرب و بيقع في ازمات كتير
، شهر ورا شهر و الشغل بيكبر و الفلوس بتزيد و فتحت شركه و بقت تكسب كويس ، عرفت ان فرحك خلاص اتحدد ، حجزت طياره وجمعت رجاله وجيت علي القاعه الي فيها الفرح ، طول الطريق كنت خايف تكتبوا الكتاب وملحقيش .....، مرعوب من فكره انك هتكوني لغيري..... بعد كل الي عملتوا عشان اوصلك...... ، قعدت ادعي ربنا انك متكونيش لغيري والحقك،
ربنا استجاب لدعُايه ووصلت قبل ما تتجوزيه، و اتجوزتك وانتي دلوقتي مراتي !!!
"كيتيم فارقه الامل وظن انه لم يعود ،وكرضيع جائع وليس لأمه وجود ، اتيتك حتي تعيدين الأمل لليتيم ، وتصبحي ام للرضيع ، فلا تغلقي ابوابك في وجهي ، عليّ استكين و استريح ، فقد جوبت بقاع الأرض جميعها حتي اصل لكي ، فا احتضنيني حتي تنجلي النجوم "
خلص كلامه وهو ماسك ايدي ومتبت فيها كأني ها اختفي ، ومع كل كلمه هو كان بيقولها دموعه كانت بتنزل و تقطيعه في الكلام بيزيد ، دموعي نزلت علي نزول دموعه مستحملتش اشوفه بيبكي ، وفي نفس الوقت مش قادره اسامح مش قادره الي عيشته مكنش قليل ،
_ مش عارفه الي عيشته مكنش قليل يا جاسر انت مش عارف حاجه
علي الاقل انت كنت هناك و اهلك في ضهرك و صحابك هناك انت مكنتش لوحدك .... انا كنت وحيده اهلي بيكرهوني صحبتي الوحيده بعدت عني ، حتي...حتي مامتك الي كنت فاكرها تعويض من ربنا ليا سابتني لوحدي .....
كانوا بيسمعوا صراخي يا جاسر ومحدش بيجي يطبطب عليا كنت بموت كل ليله من العياط والضرب دول ساعات عشان يأدبوني كانوا بيمنعوني من الاكل والشرب ، أنا اتعذبت اوي اوي
_ بس يا حبيبي اهدي اهدي حققك عليا والله هخدلك حقك بس اهدي يا روحي .
كانت بتتكلم وانا قلبي بيتقطع عليا ، ازاي قدروا يعملوا فيها كده ازاي، مع اخر كلامها نفسها بدأ يتقطع ، خدتها في حضني وقعدت أهديها لحد ما هديت في حضني ونفسها انتظم ، طلعت من حضني وانا اتكلمت و قولتلها
_ ازاي امي و رضوي سابوكي انا كنت موصيهم عليكي وكنت كل ما اكلمهم يقولولي كويسه وبنشوفها و بنقعد معاها وأهلها مبقوش معاها زي الاول ،ازاي ؟؟
_ انت اول ممشيت مامتك ورضوي جم عندي وقالولي اني بياعه و واحده بتجري ورا الفلوس ، واني كنت بضحك عليكوا واول ما جي الي معاه فلوس جريت عليه و سبتك ،
وقالولي انهم مش عايزين يعرفوني تاني وهايقولولك اني بعتك ومبقتش عايزاك و نسيتك وهتجوز الي احسن منك و حلال فيا الي أهلي بيعملوا فيا ،
انا فكرتك نسيتني يا جاسر و خصوصا ان مكنتش حتي بتسأل عليا او بتبعت اي حاجه تبين انك لسه فاكرني ومكرهتنيش.
_ انا عمري مانسيتك يا ثريا انتي روحي ، أنا سافرت عشانك انتي بس مش عشان حاجه تانيه وحقك وعد مني هيجيلك و قريب قريب اوي يا حبيبتي
قطع كلامي خبط علي الباب و بيبلغني ان ابو ثريا تحت .
بصيت لجاسر بمعني اي الي جاب بابا هنا ، متكلمش خد أيدي ونزلنا
_اي الي جابك هنا مش خدت الي انت عايزه
_ ابو ثريا بغضب : خدت اي!!! الشيك مش راضي يتصرف
_جاسر بتفاجئ مصطنع : اي ده هو انت متعرفش
ابو ثريا بجنون :اعرف اي
جاسر بخبث : اصل الشيك ده مفروض ثريا هي الي تصرفه اصل مهرها ومن حقها، مش عيب عليك تاخد حق بنتك
_ابو ثريا بحقاره: حقها اي ده حقي ، أنا قبلت انك تتجوزها عشان دفعت تمنها ، اصل صراحه شوفتك دفعت ازيد من الي قبلك فقولت استفيد
هجم جاسر عليه بغضب و لكمه في وشه
_ ثريا بخوف :جاسر عشان خاطري خلاص، جاسر متضيعش نفسك عشان واحد زي ده
قام جاسر من علي ابو ثريا و هو بينهج
_ جاسر غضب :اخرج برا بيتي وإياك سامع إياك اشوفك بتقرب منها
_ابو ثريا بحقد : كان عندي حق أرفضك لما امك جت تخطبها ليك، كنت واحد فقير شحات محلتكش حاجه بس دلوقتي معاك ومعاك كتير وهتشوف انا هعمل اي
جاسر بخبث وهدوء : جرب تقرب منها وفيديوهاتك هتبقي عند الحكومه بكره الصبح ،
ابو ثريا بتوتر : فديوهات اي انت بتتكلم عن أي اصلا!!
_ جاسر بخبث وهو بيقرب منه : فيديوهات المخدرات و الدعاره واظن انت عارف الباقي ، شايف الباب الي هناك ده اول متخرج منه تنسي انك ليك بنت اسمها ثريا تنسي انك تعرفها اصلا ... تشوفها تمشي من الشارع التاني فاهم
جري ابو ثريا من غير ما يرد علي جاسر وخرج من البيت
لف جاسر للرياض لقاها واقفه مصدومه ودماغها و اقفه عند جمله امك خطبتك ليها
_جاسر بقلق : ثريا انتي كويسه
_ثريا بتوهان: ازاي ؟امتي ؟ امتي امك خطبتني ليك امتي ؟ وازاي انا معرفش ؟
_ جاسر بحيره و رجاء : انا برضوا مستغرب امي مقلتش حاجه زي كده قدامي خالص ، بصي انا عارف انك شايله منها بس دي امي وفي حاجات كتير متأكد اني انا وانتي منعرفاش، أي رايك تطلعي تنامي و بكره نروحلها
_ثريا بتوهان: ماشي ، تصبح .. علي خير
طلعت نمت انا وثريا وجيه الصبح فطرنا و روحنا لأمي
_ اخت جاسر بفرحه :جاسر انت جيت امتي ، ماما ، الحقي جاسر جيه
_ام جاسر بدموع ولهفه : جاسر !!! حبيبي....حبيبي نورت يا نور عيني ، كده ٣ سنين من غير ما اشوفك يا حبيبي
وشها قلب اول ماشفت ثريا ورا جاسر
_ ام جاسر بغضب و حزن مخفي : اي الي جابك هنا ؟ بتعمل اي البت دي هنا يا جاسر
_ جاسر برجاء : ماما ممكن نخش نتكلم جوا ، لو سمحتي
وسعت الطريق عشان يدخلوا جوا وقعدت معاهم
ام جاسر ببرود: اي الي جابها هنا يا جاسر
جاسر بلوم : كنت بتضحكي عليا يا ماما وبتقوليلي انك علي تواصل معاها و بتزوريها.....ليه يا ماما ليه انتي مش عارفه معامله ابوها وامها كانت ازاي ..... هانت عليكي تسبيها بعد ما كنتي ليها ام.....
وانتي يا رضوي هانت عليكي ، سبتيها وانتي عارفه انها ملهاش غيرك انتي و أمي ليه ؟؟؟؟
_ ام جاسر بحزن : انت فاكر اني قدرت علي اني اسيبها لوحدها ، بش غصب عني كنت موجوعه وانا شايفه ابني بيتعذب و ساب البلد وهج قلبي كان موجوع عليك ، وخصوصا بعد ما خطبتها من ابوها و بعدها بأسبوع لقيت خطوبتها علي حد تاني
قاطعتها ثريا بدموع: والله يا ماما مكنتش اعرف ، ابويا مقالش ليه ، انتي فاكره لو جاسر جي خطبني كنت وافقت علي غيره والله ابدا حتي لو حصل اي ، كنت هرضا و هبقا معاه ، لما لقيتك انتي ورضوي وجاسر بعدتوا عني انقهرت حسيت اني وحيده ويتيمه، انتي ظلمتيني
_قامت ام جاسر وحضنت ثريا بلهفه : حقك علي عيني يا نور عيني ، سامحيني يا بنتي سامحيني حقك عليا
_ جاسر بهزار وغيره : مكفايا أحضان بقا ، راعوا انها مراتي ، بغير ...
_ثريا ببرود مزيف : انا مسمحتكش اصلا وسع كده
_جاسر بجنون: ما اي يا عنيا ، وسعي كده يا ماما
شال جاسر ثريا و نزل بيها علي العربيه ودخلها فيها
_ ثريا بأنزعاج : وسع انت شايلني كده ليه و موديني علي فين
_ جاسر بحماس : اسكتي بقا ، ورايحين فين بقا مفاجأه
ثريا : مش عايزه اروح معاك في حته،ومش مروحه معاك البيت كمان وديني عند ماما
_ جاسر بغضب ممازح : هتسكتي ولا ارميكي مالعربيه
سكتت ثريا بخوف و بصت من الشباك
_________________________________
الطريق مكنش طويل ، كانت بصه من الشباك و سرحانه بتفكر تسامح جاسر ولا لا ، خدلها حقها ورد كرامتها قدام باباها و اتغرب و اتعذب عشانها و صالحها علي اعز الناس عندها،
قطع حبل افكار ثريا فتح جاسر للباب بتاعها ، بصت حواليها لقت نفسها عند البحر كان المنظر روعه ساعت الغروب و مفيش حد
والأجواء تحفه ،
_ جاسر:اقلعي الشوذ عشان الرمله
قلعته بهدوء و مسكته بأديها و اتمشوا جمب بعض في الرمله ، وقف جاسر قدامها
_جاسر فجأه : انا بحبك
_ثريا بغرور: عارفه ومين انت عشان متحبنيش، اناقه، شياكه ، خفه دم عايز اي تاني
_ جاسر بغيظ : يا بت يا بت كملي معايا اللحظه
_ثريا بغرور مازح وهي بتديلوا ضهرها : امممم .....نو
ملقتش رد من جاسر لفت عشان تشوفه لقيتوا راكع علي الارض قدامها في أيده علبه فيها خاتم اقل ما يقال عنه خيال
_ جاسر برومانسيه : عارف انك اتعذبتي كتير و عنيتي كتير ، ....تسمحيلي اعوضك عن كل ده و تبقي مراتي حبيبتي بفرح جديد و فستان جديد وبدايه جديده ، .....واثبتلك حب جاسر لثريا .
_ ثريا بتمد أديها بغرور : اممم ... هعطف عليك واوافق
_ جاسر بمزاح : ده انتي واقعه يا بت .... وقلدها بمزاح "انتي فاكره لو جاسر جي خطبني كنت وافقت علي غيره والله ابدا حتي لو حصل اي ، كنت هرضا و هبقا معاه"
_ثريا بغيظ : بتتريق عليا يا جاسر ، ماشي ... شوف بقا هتتجوز مين
_ جاسر بتسبيل و معاكسه: هو انا اقدر يا عيون جاسر ، ده احنا نتمني نطول الرضا
_ ثريا بدلال : متكسفنيش بقا يا جسوري
_ جاسر بمشاكسه قلب جسورك انتي
اول مخلص كلامه ضحكوا مع بعض ومسك أيدها و اتمشوا تاني
جاسر بهدوء : بحبك يا ثريا
ثريا بابتسامه: وانا بعشقك يا جاسر
" النهايه"
