رواية أحببتك مرتين الفصل الثالث بقلم رزان عزالدين
-لأن ده اللي كان المفروض يحصل من بدري يازين!!
لفيت وشي ببطء ليها وانا مصدوم ومش مصدق اي حاجة بتحصل
-هو انتِ...هو انتِ اللي...
دموعها بدأت تنزل:
-اه، انا يازين!
خالتي انفجرت فيها:
-انتِ اتجننتي ياحووور؟!!
حور صرخت بجنون:
-بطلي تقوليلي اني اتجننت!!
ده اللي هو كان يستحقه علشان هو السبب في كل حاجة وهو اللي...
فجأة صفعة قوية جدا نزلت علي وش حور من خالتي، حسيت بيها من كتر ما هي قوية
كل ده كان بيحصل وانا والظباط مصدومين
بس اتقدموا وشدوني من كتفي وانا نظري متعلق في حورية ومصدوم، مش مصدق ان البنت الوحيدة اللي حبيتها في حياتي ممكن تعمل كده...
ـــــــــــــــــــــــــــــــــــــــــــــ
"اللهم صل وسلم وبارك على سيدنا محمد"
خدوا زين وخرجوا وانا كل ده لسه مافوقتش من القلم اللي ماما اديتهولي
-انتِ بتضربيني عشان ده؟!
-اه، عشان اللي انتِ بتقولي عليه ده لولاه بعد ربنا كان زماننا بنعيط علي قبرك دلوقتي!!
بصيتلها بعدم فهم، فكملت:
-زين خرّجنا واكلنا برا، وحضرتك قعدتي علي سور الكورنيش وهو قعد يقولك لأ، لأ ياحور
وانت مخك تعبان من ساعة ما ولدتك وعملتي اللي في دماغك، دماغك؟ بمعني اصح عملتي اللي في الجزمة اللي في راسك
كنا بناكل ايس كريم ومبسوطين لغاية ما واحد جيه زقك و وقعتي وراسك اتخطبت في السور، عارفة ايه اللي حصل؟
زين نط وراكي منغير مايفكر ثانية وهو اللي انقذك
وهو اللي وقف قصاد ابن عمك اللي انتِ فرحانة بيه ده لما اتحـ*رش بيكِ.
في اللحظة دي حسيت ان دماغي هتفرقع، مسكتها بين ايديا وقعدت اصرخ من شدة الوجع لغاية ما الدنيا اسودت حوليا...
ـــــــــــــــــــــــــــــــــــــــــــــ
"لا حول ولا قوة الا بالله"
-حور انتِ كويسة؟!
فتحت عيني ببطء:
-ماما...
-انا اهو ياحبيبتي استني انادي للدكتو...
قاطعتها:
-ماما انا افتكرت، افتكرت كل حاجة
بعدين عيني وسعت وصرخت:
-زين!! زين فين!!
-اهدي ياحور
ماما نادت الدكتور وجيه اداني مهدئ ونمت، قضيت تلت ايام كاملة في المستشفى باكل وبنام بس، طبعا ده كان مأثر عليا وخلاني تعبانة جدا.
روحنا البيت بعد ما بقيت كويسة وعشت يومين من حياتي كلهم عياط
بستغل اي فرصة عشان اعيط
في اليوم التالت كنت قاعدة في اوضتي بصلي وبعيط وخلصت، يادوب هخلع الازدال لقيت الباب بيخبط
قومت ومسحت دموعي، فتحت الباب...زين!!
فضلت بصاله ومتنحه، نظرته ليا كانت مختلفة عن كل مرة، نظره مفهمتهاش
لكن اللي فهمته ان زين عمره ماهيشوفني زي الأول...
-انا عايز خالتي
جيه صوت ماما وهي خارجة من المطبخ
-زيييين!!
وجريت عليه حضنته
-حمد الله علي سلامتك ياحبيبي خرجت امتي
-الله يسلمك
خرجت اول امبارح بس كنت قاعد عند صاحبي
-طب عملوا ايه في التحقيقات؟!
اتنهد بعدين قال:
-الاسكرينات كلها فيك والمكالمات معمولة بالـAI
وقبضوا علي محمود عشان هو اللي كان مدبر كل حاجة بدافع الغيرة
-ده عيل*** اصلا
الحمدلله انك طلعت ياحبيبي
اتكلمت اخيرا بعد فوقت من صدمتي:
-زين انا أسـ...
قاطع كلامي وكمل وهو باصص لماما:
-انا جيت اودعك عشان مسافر بالليل ومعتقدش اني هرجع مصر تاني، وهبعتلكوا فلوس كل شهر
الجملة نزلت عليا زي الصاعقة
لساني اتجمد اكتر
يعني ايه مش هيرجع مصر
-ليه كده يازين مش هتر...
مقدرتش استحمل اكتر من كده واغمي عليا...
ـــــــــــــــــــــــــــــــــــــــــــــ
"استغفر الله العظيم و اتوب اليه"
حجزت تذكرة سفر لإيطاليا
وروحت عشان ابلغ خالتي
اتعمدت اني اتجاهل حور عشان مش ناقص...
اول ما قولت خبر اني هسافر، خالتي لسة هترد راحت حور وقعت
اكيد مش هتفرجع عليها يعني فنزلت جنبها وحاولت افوقها في حين ان خالتي جريت تجيب ماية نفوقها بيها
منكرش اني كنت قلقان شوية
شويتين يعني
ممكن تلاتة...ماشي بصراحة كنت قلقان جدا
حاولت انا وخالتي نفوقها بالماية بس مفاقتش فشيلتها بين ايديا ودخلتها اوضتها، وطلبنا دكتور
جيه وكشف عليها
-اتعرضت لصدمة قوية كانت هي السبب ان يغمي عليها
شوية وهتصحي
طب دلوقتي هي ايه اللي ممكن يدايقها في اني اسافر
ثانية...الذاكره رجعتلها؟!
-خالتي!
-ايه خضيتني
-هي حور الذاكرة رجعتلها؟!
-اه
اتصدمت
-من امتي؟؟
-من اليوم اللي اتقبض عليك فيه
فضلت ساكت
ورغبتي اني اسافر زادت عشان مش هقدر علي المواجهه اللي ممكن تحصل
-زين
-نعم
-انت عارف ان عمها أيمن (ابو محمود) مش هيحلها لو حصلي حاجة واكيد هينتقم عشان ابنه
-بعد الشر عليكِ ياخالتو
اه عارف
-انت هتكون مسافر ومش هيبقالها حد
-...
-انا بس طالبة منك اني لو حصلي حاجة تبقي جنبها
انتهدت:
-حاضر
الهم اللي علي قلبي زاد
شيلت هم مستقبلها كمان وهعتمل ايه مع عمها
دخلت اوضتها، بصيت لوشها الجميل لآخر مرة، اتنهدت وقولت
"اللهم إني استودعتك من أحببت و أنت الذي لا تضيع ودائعه"
وقومت
ودعت خالتي وخدت لبسي وروحت لبيت آسر
-ها يازوز جاهز؟
مرديتش عليه، فحط ايده علي كتفي وقال:
-متقلقش عليها يازين
هتبقي كويسة...
-كنت عايز اقولها حاجات كتير
كان نفسي هي اللي تكون هتسافر معايا مش انت
زقني وقال بضيق مصطنع:
-طب مش قدامي حتي، يلا ياجحش انت مبيطمرش فيك اصلا
ضحكت علي طريقته وحطيت الشنطة في العربية واتجهنا للمطار...
ــــــــــــــــــــــــــــــــــــــــــــــــ
"لا حول ولا قوه الا بالله"
عدي بعد سفر زين 4 سنين
4 سنين من ذل واهانة مش طبيعيين من عمي أيمن
باقي اعمامي وعماتي اتعرضوله كتير بس دايما محدش بيعرف يوقفه عند حده، انا فرحانه انهم منسيونيش، بس الوحيد اللي بجد كان نفسي يبقي جنبي في الوقت ده مكنتش اعرف عنه حاجة...
ماما اتوفـ*ت من سنة
والحقيقة مش عايزة افتكر اي تفاصيل لليوم ده
عدت ايام واسابيع وسنين
وعدي 6 سنين علي سفر زين
وسنتين علي مـ*وت ماما
-حور!
-نعم ياعمي
-في عريس متقدملك وانا موافق
-بس...
قاطعني:
-مافيش بس، جاي كمان ساعتين اجهزي
-تمام
اصل مش هعرف اعترض عشان هو عجل وبضربه واحده هيطبقني
غسلت المواعين وخدت دش عشان اجهز
هتسألوني مفضلتش قاعدة في بيتي ليه، اصل الفلاح وقطيعه من الخرفان -اقصد عمي واولاده- خدوا البيت وباعوه فاضطريت اعيش معاهم
العريس جيه وانا جهزت
خرجت وكان...محمود؟!!
-اهلا اهلا يابنت عمي
-انت طلعت امتي؟!
-تعالي اقعدي ياعروسه
قعدت من سكات عشان عمي ميجلدنيش
-عاملة ايه ياحبيبتي
-قولتلك ميت مرة متقوليش ياحبيبتي ياعجل
جز علي سنانه:
-احترمي نفسك عشان مضربكيش
-ماتفكك من شكل الستات ده
-شغل ستات!
-اومال اصل مافيش راجل بيضرب ست ياحودة
مسك ساعد ايدي جامد وضغط عليه، كان واجعني اوي، وبعدين قال بعصبية شديدة:
-عيدي اللي قولتيه تاني
-مالك ياض احمريت وبتطلع دخان كده ليه، حاسب لتتحرق
افتكرت الموقف اللي حصل مع زين قبل ما افقد الذاكرة وافتكرت التهزيق اللي اتهزقته
طب زين هزقني...
محمود ممكن يعمل ايه؟
ساب ايدي وبص لعمي:
-انا عايز اعمل شبكة وفرح في وقت واحد
-اللي انت عايزه ياحودة، عندك مانع ياعروسة؟
-ا...
-لأ، يبقي علي بركة الله اسبوع كده كل حاجة تجهز ونشوف القاعة وتبقي مراتك
طبعا محدش كان همه رأيي
عدي اسبوع اتقل من محمود وجيه يوم الفرح
وجبت فستان مش منفوش اوي عشان لو عرفت اهرب
-مبروك ياعروسة
-...
-شكلك تحفة
-...
-مش هتقوليلي حاجه؟
-لأ عشان لو اتكلمت هشتمك انت واجدادك السبعة
جز علي سنانه:
-وربنا لعيشك في جحيـ*م ياحور
-عادي عايشة فيه بقالي 6 سنين
خرجنا مع بعض ودخلنا القاعة
اول مكان روحناله كانت الطربيزة بتاعة المأذون
عدي وقت، وقت طويل
والمأذون قال:
-بارك الله لكما وبارك عليـ....
فجأة باب القاعة اتكسر بدخول موتوسيكلين وعربية كبيرة
نزلوا كلهم وجريوا ناحيتنا وكانوا مغطيين وشهم
اللي كانوا علي الموتوسكل بهدلوا عمي ومحمود
واللي كانوا في العربية واحد منهم...شالني؟؟
والتاني كان بيأمن له الطريق لي، دخلني العربية بالعافية وشاور لباقي صحابة، بعدين حرك العربية وطار برا القاعة
-انت مين وعايز مني اييه؟؟
-...
-ماتنطق!
-....
دققت النظر فيه شوية، كان لابس ماسك اسود ولبسه كله اسود وكاب اسود
-انت شبه المجرم اللي بيبقي في كونان
صاحبه ضحك فراح بصله وضربه، وكملنا الطريق في سكوت تام
اصل معنديش مشكلة يموتوني او يحبسوني المهم مبقاش مع محمود
بعد طريق طويل اوي وصلنا فيلا
اللي شالني نزل وفتحلي الباب، بعدين مدلي ايده عشان انزل
-اوعا شغل الابطال
اول ماقولتها راح شد ايده ومشي:
-لأ استني بالله مش عارفة انزل من الفستاااان
رجع تاني وسندني لغاية ما وصلنا للفيلا، صاحبه اللي كان معاه قالي:
-الاوضة اللي فوق علي الشمال بتاعتك، هتلاقي فيها لبسك
طلعت فعلا وغيرت
لاقيت ازدال واللبس تاني كله بناطيل وتشيرتات او هوديز
فلبست الازدال
نزلت وانا ببص حواليا
الفيلا تحفة حرفيا
جيت عند اخر سلمة وكنت هقع علشان سرحت بص في حد مسك دراعي، بصيت علي وشه...
ايه الجنان ده؟!
سيبت ايده ورجعت لورا وانا مصدومة
فضل باصصلي وهو مبتسم
بعدين حط ايده في جيوب السويت بانتس بتاعه وقالي بصوت هادي:
-وحشتيني...
لسه زي ماهو، متغيرش وكأنه مكبرش، فضلت ارجع لورا بصدمة وكنت بعيده بمسافة كبيرة عنه
انا اكيد بحلم!!
مستحيل يكون قدامي!!
اتكعبلت في الازدال من ورا و وقعت، هو جري عليا وقعد جنبي علي ركبته وقال بقلق:
-انتِ كويسة؟!
قولت بصوت مهزوز وعيني مليانة دموع:
-ز...زين..
ــــــــــــــــــــــــــــــــــــــــــــــــ
"اللهم صل وسلم وبارك على سيدنا محمد"
انهارت عياط وانا مش عارف اعمل ايه
لا عارف المسها ولا أهديها ولا اعمل اي حاجة
وانا محتار ومش عارف اهبب ايه لقيتها اترمت في حضني
اتجمدت مكاني
اعمل ايييييييهه!!
دفنت راسها في كتفي وحاوطت رقبتي بايديها
كنت حاسس بدموعها علي كتفي
قررت اني هتقل
اومال الرجالة لازم تتقل انتوا فاكرين ايه!
ــــــــــــــــــــــــــــــــــــــــــــــــ
"لا اله الا الله وحده لا شريك له"
حضنته وبادلني الحضن وفضل ماسك فيا كأنه ماصدق
ماكنتش مستوعبة اي حاجه من كتر العياط، كنت بكرر جملة واحده:
-انا...انا اسفة يازين بس...بس سيبتني معاهم لييه!
-اهدي ياحور انا معاكِ أهو
-انا اسفة...بس سيبتني معاهم ليه عذبوني..!!
-انا معاكِ أهو ووالله هجيبلك حقك منهم بس اهدي عشان خاطري
معرفش قعدت اعيط قد ايه بس هي فترة طويلة
فضل حاضني لغاية ما هديت ونمت
ــــــــــــــــــــــــــــــــــــــــــــــــ
"استغفر الله العظيم و اتوب اليه"
راسها تقلت علي كتفي فعرفت انها نامت، شيلتها براحه عشان مصحيهاش وطلعتها اوضتها
حطيتها علي السرير وفضلت باصصلها
لسة قمر زي ما هي
ملامحها البريئة ماختفتش
خرجت من الاوضة واتصلت بآسر:
-الو
-ايه يازوز
-عملت اللي قولتلك عليه
-ايوا وجايين في الطريق اهو
-قدامك قد ايه؟
-يعني ممكن ساعة كده او ساعة ونص
-ماشي يا صاحبي
-عملت معاها ايه؟
-قعدت تعيط ونامت
-امم، الفرح امتي بقا ع كده؟
-تصحي بس وهجيب المأذون
ضحك وقال:
-ماشي ياعم مبروك، هقفل بقا عشان عايز استمتع بالطريق
-ماشي سلام
وقفلت
عدي ساعة وتلت ولقيت آسر جاي هو ومحمد وزياد وجايبين معاهم أيمن ومحمود
-اهلا اهلا بالعجووول
قال محمود بترجي و وشه كله وارم ومليان كدمات:
-بالله عليك سيبني يازين انا اسف
-ده انت ليك عرض خاص اسكت خالص
قال ايمن اللي وشه كان وارم هو كمان:
-يازين يا ابني انا زي ابوك
-وربنا لو ابويا زيك كنت هستعر منه
زياد ومحمد وآسر ضحكوا بعدين سألت زياد:
-المأذون جاي امتي؟
-وقت ماتحب هيبقي هنا
-ماشي
فضلنا قاعدين حوالي ساعة بنهزر او ناكل ومحمود وايمن مربوطين علي كراسي
كنت مستني حور تصحي عشان نكتب الكتاب وبعدين نشوف موضوع محمود وايمن دول
وفعلا حور صحيت واول ما نزلت اتخضت، شاورت لزياد عشان يكلم المأذون وبعدين بصيت لحور وقولتلها:
-حقك هييجي تالت ومتلت ياغزال
قربت مني وهمست بخوف واضح:
-مشيهم يازين مش عايزة اشوفهم...
-مش همشيهم غير وهم علي حافة المـ*وت
-يازين...
قاطعتها:
-يلا بقا فرفشي عشان المأذون جاي
-مأذون ايه؟
-هو انا ماقولتلكيش!
يقطعني
احنا هنتجوز
-تمـ...ايه!!!
-هنتجوز
-انت بتهزر؟
-اكتر مرة اتكلم جد فيها عموما
-وانت ايه اللي مخليك واثق اني هوافق؟
-عشان بتحبيني
-محصلش
-لأ حصل
-حتي لو بحبك انت هتتجوزني ليه وانت مش بتحبني؟!
اوعي تكون...
ضحكت علي غبائها وقولت:
-هتجوزك عشان اغطي علي الفضيحة اصل انتِ حضنتيني
قاطعنا زياد وهو بيقول:
-المأذون اهو
عدت اسعد دقايق في حياتي
اخيرا حور هتبقي ليا..
وطبعا خلينا ايمن يقعد مع المأذون وهو تحت التهديد -ايمن وكيل حور-
كنت قاعد علي اعصابي لغاية ما المأذون قال:
-بارك الله لكما وبارك عليكما وجمع بينكما في خير
قومت من مكاني وقبل ما حور تستوعب اي حاجة شديتها لحضني!
حور بقت مراتي!
حلمي اتحقق!
فضلت حاضنها مده معرفش قد ايه بس طولت
بعدين بعدت عنها وبصيتلها، قولتلها بحنان:
-اخيرا بقيتي ليا!
بقيتي بتاعتي ياغزال!
بصتلي وقالت وهي بتعيط:
-انا اسفة...انا اسفة يازين علي اللي عملته بس ماكنتش فاكرة حاجة!!
مسحت دموعها وقولتلها:
-متتأسفيش انتِ مالكيش ذنب في اي حاجة، ياريت متفتحيش الموضوع ده تاني
هزت راسها وانا حضنتها تاني
حمحم محمد وقال:
-طب بالنسبة للأتنين دول يا سي روميو!!
افتكرت محمود وايمن فبعدت عن حور وبصيتلهم بتفكير، بعدين بصيت لحور وقولتلها:
-تحبي تتفرجي عليهم ولا تطلعي؟
-اطلع...
شاورت ليهم براسي انهم يكملوا ضرب وطلعت مع حور
قعدت علي السرير وكان باين انها مش مرتاحه فخلعت الطرحه
فضلت باصصلها وانا مبهور بشعرها
اسود بيبرز بشرتها وكيرلي طويل
قعدت جنبها ومسكت ايدها بوستها، بعدين قولتلها:
-متفكريش فيهم ياغزال، احنا هنبدأ صفحة جديدة نضيفة
فجأة حور قعدت تضحك، بصيتلها باستغراب فقالت:
-فاكر لما كنت فاقدة الذاكره وهتجنن عشان اعرف بتقولي غزال ليه؟
ضحكت وقولتلها:
-ايوا
-انت مقولتليش ليه ساعتها؟
-مش عارف بس كنت عايزك تفتكري انتِ
@فلاش باك
"حور عندها 10 سنين وزين 15 قدام التلفزيون"
-يازين الله بص الغزلان دي شكلهم تحفة
-فعلا
-كان نفسي ابقي غزال
-ايه؟
-كان نفسي ابقي غزال والناس تقولي ياغزال ياغزال
زين ضحك عليها وقال:
-وماله نقولك ياغزال ياغزال
@باك
-بالمناسبة، انت عرفت منين اني هتجوز؟
-متابع كل اخبارك من ساعة ما سافرت، اصلي عندي جواسيس
-تقصد مين؟
-عمك محمد ومراته
ــــــــــــــــــــــــــــــــــــــــــــــــ
"لا حول ولا قوه الا بالله'
-يوووووووهه
-في ايه ياولا
-ياطنط بالله عليكِ افهميني، بقولك كتبنا الكتاب
-بيتكلم عن ايه؟
-ياااالهواااي
ضحكت علي زين وبعدين قولت لطنط سوسن:
-ياطنط اتجوزنا يعني
شهقت وحطت ايدها علي قلبها:
-يامصيبتي! اتجاوزتوا ايه!!
-ياطنط اتجوزنا مش اتجاوزنا
قال عمي محمد بنفاذ صبر:
-بقولك ايه ياسوسن، مش لازم تفهمي دلوقتي عشان انتِ مبتفهميش اصلا
بعدين بصلنا وقال:
-هنيجي الفرح ان شاء الله وانا هتصرف معاها
-كده ياحما بتاخدني علي قد عقلي؟
-اه
-ماشي ياحما والله ماهعمل عشا النهاردة
-عساس ان انتِ بتعملي
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
