رواية قطط حبنا الفصل الثالث بقلم سلسبيل احمد
- ليلي.. ليلي انا معاكي فوقي
=...............
- ليلي انا جمبك
دموعي نزلت بسرعه اول ما بدأت استوعب وهوا فضل يطبطب عليا
= اهدي.. يا ليلي اهدي عشان كده غلط على صحتك انتي ضغطك وطي خالص
- هي ماتت يا يونس ماتت موشو ماتت بجد مشيت؟
فضل يطبطب عليها كتير وهي بتعيط بأنهيار وهوا حزين جدا عليها
________________________
" بعد يومين "
** طق طق طق **
- يونس؟
= انتي قاعده لوحدك وانا مش هعرف ادخل اتفضلي اللبسي بقي و انزلي
كانت هتعترض ولكن قاطعها: معندكيش اوبشن ترفضي يلا مستنيكي تحت..
ليلي دخلت تلبس اي حاجه بتعب ونزلت
- اوديكي حتة معينه؟
= مش قادره اروح في حتة
- طب اركبي
" و بعد ما وصلوا كافيه بتحبه وطلب ليها مولتن كيك "
- وبعدين بقي يا ست ليلي
= يونس انا مقدره انك بتحاول تساعدني لكن عمرك ما هتحس بيا دي مكنتش مجرد قطه بربيها دي كبرت معايا و كانت زي البيبي زي بنتي مش مجرد حيو**ا*ن
- ولو قولتلك اني عارف احساسك!
عيونها دمعت: مش هصدق مش هتعرفه الا لو جربت
= جربت يا ليلي
بصتله بستغراب وهي بتاخد منه المنديل عشان تمسح دموعها
- امسكي شوفي
خدت منه الفون بتاعه الى كان فاتحه علي فيديو لي مع قطه حلوة اوي لونها ابيض في رمادي وعندها شعر كتير
- دي قطتك!! كان عندك قطه!
= ايوة
- وحصل اية ؟؟؟
= بابا قالي مفيش رجالة بتربي قطط وخدها اداها لبنت عمتي وبعدها بيومين ما**تت كنت بلوم نفسي عشان سمعت كلامه وسبتها لكن فنفس الوقت بسبب شغلي فالشرطة مكنش عندي وقت كافي ليها من وقتها حرمت اربي اي حاجه وجتلي عقدة
- انا اسفة
= وانا اسف عشان موشو
- انا مش عايزة ميشو متعرفش حد عايز قطط؟؟
= ليه بس!
- انا كنت جيباه عشانها و بعدين قبل ما تموت كان عمال ينونو بصوت عالي كأنهم بيتخانقوا معرفش دايقها ليه!
= ينونو بصوت عالي من غير سبب
- ايوه و عمال يبصلي و يبصلها وكانها هيهجم على حد فينا اتهبل
= ليلي هو كده كان عارف!!
- عارف اية؟
= انها هتمو**ت هو اكيد كان بيحاول يقولك او ينبهك لما عمل كده مكنوش بيتخانقوا
- انت متأكد! ازاي!
= صدقيني متأكد ومينفهش تسبيه كده ممكن يموت من الحسره عليها و من شدة الزعل
- خلاص يا يونس هخليه
" وبعد تلت ايام بالظبط ليلي اتحسنت شوية وصحيت على خبط جامد اوي عالباب "
- مييييين !!!
= يونس
- انت بترزع كده ليه !!!
لبست بسرعه وفتحت لاقيته شايل بوكس كبير و بوكس صغير اوي لونه بنفسجي لفت انتباهه عشان ده لونها المفضل
= يونس اية البوكس ده ؟
- انهي واحد ؟
= الكبير
- فيه اية قولي ؟
لسه هتتكلم سمعت صوت بينونو
- دي قطة ! انت اشتريت قطة!
= دي ليكي
مد ايده بالبوكس الى لونه بنفسجي وقالها تفتحه
فتحته لقت علبة جواه فيها خاتم: اية ده!!
- القطه اسمها بيلا هنجوزها لميشو و الخاتم ده عشان هتجوزك انتي.. موافقه.؟!
= انا!!! انت.. انت بتهزر !
يونس بجديه: انا بحبك
- ايه!!
يونس بهدوء: ب ح ب ك بحبك يا ليلي
ليلي صرخت بفرحه: وانا كمان
يونس ابتسم بفرحه وضحك على جنانها: وانتى اية؟
- بحب بيلا
يونس كشر وهي فضلت تضحك: متزعلش بحبك انت.
= دي شكلها فيها قطط صغيرين و كبار
- يعني اية؟
= يعني قطط صغيرين بتوع بيلا و ميشو
- والكبار؟
= الى هنجبهم انا وانتي بقا..♥️
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
