رواية مهجت روحي الفصل الثالث بقلم جمانه السعيدي
جمال....بدت مريم ادور زوجه مناسبه السيد حسين
وكل يوم تفرغ نفسه وتطلع تسئل
خلت خبر يم الحفافه الي بلمنطقه ويم كم وحده تعرفهن
بس الله يساعدها
شلون ادور زوجه الزوجه يكولون الزوج كلش عزيز واذا حنيين وطيب مثل سيد حسين
يكون اعز حتى من اهله عليه اني اعرف الي تحب زوجه
ماتقبل اي وحده تقرب علي
شلون هي تروح تخطبله بنفسه
المهم وصفوله وحده موضفه ومنفصله
اخذت امي وراحت عليهم بس من سئلته عرفت هي باقيه ويااا زوجه خمس سنوات بدون اطفال وبعدين منفصله عنه
خافت تنعاد نفس مصيبته وسيد حسين يزوج الثانيه ومايصير عندا اطفال
رجعت احتارت مره ثانيه وين تلكه زوجه مناسبه
جمانه السعيدي
بعد اسبوع وصفوله وحده منفصله وعدها ولد
اخذت امي وراحت تشوفه
تكول اول ماشافتنا كعدت وخلت رجل على رجل
وبدت تحقق ويانا
...هو شيشتغل وانتم كلكم يصرف عليكم
وشمخلص دراسه وانتي تأشر على مريم راح تعيشين وياي بنفس البيت
اخر شي طالبه تسكن بيت وحدها هي وابنه وجيب امه تسكن وياها
كلامه ماعجب لا مريم ولا امي
هم رجعت ضايجه حيل
ثالث وحدا بنيه جبيره ومامزوجه بس تكول عدها طكت خبال وحجيه مامتوازن ابد
مريم.... يااا سيد حسين شخصيه وكله تحلف بي هاي زوجته
هم رجعت وماحصلت كلشي
جمال...اني كلما ترجع وماتحصل شي ادعي يارب كون ماتلكه وحدا تقبل تزوج سيد حسين
المهم كلما بوصفوله وحدا تروح وماتعجبه
وصفوله وحدا منفصله قبل سنه وعدها طفله زغيره
تكول دخلت البيت كله وصخ والريحه مطيبه وطلعت عليه
الدشداشه ملثكه والشعر يمكن صار اسبوع مامشط
وبتها لازمه ذياله ووصخه وتلعب النفس
مريم..بس شفته طفرت يمه اكول ليش زوجه منفصل عنه
يمه تلعب النفس شني هاي الوصاخه
جمانه السعيدي
جمال...بس مابطلت ادور وتسئل تريد وحدا حلوه ومعدله
تستاهل سيد حسين وكون بت اصول واهله يتعاتبون عليه
رجعت سمعت اكو وحده ام صالون ومنفصله وعدها ٣ اطفال كلهم ولد
راحت عليه وفتحت الموضوع وياها
جان ترد عليه ...اي اقبل ازوجه بس مااريد اطفال كافي عليه ذوله مشيبين كلبي ابوهم انسجن وعافهم عليه
مريم....يااا بعد عليمن مزوجته حتى يصرف على جهالج
بعدين مريم عرفت هاي البنيه بس زوجه انسجن راسا طلبت الطلاك وطلكت منه
طبعا سيد حسين كال كافي شنو النهار كله تفترين
شتكول علينا الناس
اني بطلت مااريد ازوج
بس هي ماستسلمت ابد
بقت تسئل ودور على وحده مناسبه تخطبه السيد حسين
جمانه السعيدي
الحد ما وصفوله وحدا ارمله زوجه مستشهد وعايفه حامل
راحت تشوفه دكت الباب بس محد فتحله بقت ادك
منا لمن طلعت وحدا من الجوارين
مريم....مساء الخير عيوني
...اهلا وسهلا
...ووين بيت ابو ناهي
...مااعرف ولله تعاي تفضلي خل اجيبلج مي
مريم....كلت خل ادخل بحجت المي واسئله عليهم
دخلت البيت كلش حلووو ومرتب ونضيف والريحه تخبل
والبنيه الي كالت تفضلي عبالك غزاله
جسمه رشيق وعيونه حلوه وشعرها يخبل
مريم....انتي شسمج عيوني
غفران...اني اسمي غفران
مريم....اريد اسئلج على بيت ابو ناهي هم عدهم بنات
غفران...لا بناتهم كلهن مزوجات
مريم...هم عدهم وحدا ارمله منفصله
غفران...اي خطيه بتهم هاي الزغيره ارمله مالحكت تتهنى بزواجه بعد اربع اشهر جابو زوجه شهيد من حرب الموصل
وخلو بغرفته والبنيه صارت بيه حاله نفسيه
ماكدرت تتحمل الصدمه
جابت بنيه وامه حايره بته شكد اخذوها الدكاتره
تتحسن فتره وترجع مثل قبل
مريم....هاااا زين
غفران...انت رايده شي منهم
مريم....لا هيج شغله مو ضروريه انتي وحدج بلبيت ماجاي اشوف احد وياج
غفران...لا اني عايشه ويااا امي وبنتي واخواني ساكنيين بلبيت الي بصفنا
امي ومهجه طلعن للسوك هسه على جيه
مريم... بنتج اسمه مهجه
غفران...اي
مريم....ولو فضول مني بس ليش عايشه ويااا امج
غفران....زوجي توفه بحادث سياره صار خمس سنوات
ورجعت اعيش ويااا امي
مريم...ولو دوختج اني بس منيين تصرفون
غفران...امي عدها راتب وخواني ابدمامقصرين ويانا دائما يشوفون طلباتنه واني هم عندي راتب رعايه
جمانه السعيدي
مريم....ياربي ولا واحد مرتاح بهاي الدنيا
غفران...مكتيلي شرايده من بيت ابو ناهي
مريم...عوفينا من ببت ابو ناهي انتم بيتمن
غفران...لا ترا موطبيعيه كميت الاسئله الي جاي تسئليه
مريم.... ولله اعرف اني جاي اللح عليج هواي
بس انتي مبينه بت اصول
غفران.. ..احنا بيت ابو محمد عطيه
مريم....تشرفنا بيكم عيوني انتي شكد عمرج
غفران....ولله بديت اخاف منج ليش تسئلين هلكد
مريم...اني راح احجيلج الحقيقه لان انتي دخلتي كلبي
اني مزوجه وعيالي ساده حالتنا الماديه كلش زينه
بس ربج ماراد يصير عدنا اطفال
واني صار فتره ادور الزوجي على مره
اني صح ماجايه عليج بس ياسبحان الله صرتي بطريقي
وكلش عجبتني
اريد اخطبج الزوجي
غفران....انتي تحجين صدك لو تشاقين
مريم...احجي صدك مااتشاقه ابد
غفران...ووين اكو وحده تخطب الزوجه
مريم....اني اخطبله لان هو يستاهل احن وأطيب كلب بلدنيا يستاهل يصير اب
غفران...نزلت حواجبي اكيد انتي صار بعقلج شي
مريم...ليش لان جاي اخطبله
احسن ماهو يروح يخطب ويجيبلي وحده مدري شنو ماشنو اني اخطبله واختار وحده بت اصول
تساعدني نعمر بيتنا ونكون اسره سعيده
غفران...هم ماقتنعت ابد انت شنو من زوجه ماعندج احساس شلون تفرطين بزوجج
تعرفين اذا ازوج وصار عندا اطفال راح ينشغل عنج
ويجوز ينساج
مريم....ولله كلبي ارتاحلج بس سيد حسين يحبني
ومستحيل يتغير عليه ابد
غفران ....هذا حجي وبعدين يصير غير حجي تردين نصيحتي عوفي هاي الفكره ولا تفرطين بزوجج ابد
مريم...هااا شكلتي
غفران....لا انتي اكيد مو صاحيه ابد
مريم....لا ولله صاحيه وبكامل قواي العقليه هم
اني اكون انانيه اذا افكر بنفسي وبس
غفران....لو السبب منه هم تعوفينه وتزوجين غيره
مريم...بعمري مراح اعوفه ابد بس المره تختلف المره تكدر تصبر وتتحمل اكثر من الرجال
بعدين الطفل يحمل اسم ابو
واني مااقبل سيد حسين يموت ويختفي اسمه من الوجود
ولله شنووو خاف يزوج ويتغير عليه
باعي الإنسان الي يحب من صدك مستحيل تغيره الضروف
اذا هو يحبني من صدك راح يبقى متمسك بيه
واذا مايحبني خلي يبتعد ويكون سعيد بحياته
اعتبر زواجه اختبار المشاعره
اذا تمسك بيه يعني يحبني صدك
واذا عافني الله وياااا
غفران...لا اني مستحيل ازوج واحد وعلى ذمته زوجه
اكيد راح تدعي عليه
مريم....لا تخافين اني وياج مراح نسكن سوا كل وحدا بيت
ونتقاسم اليالي بما يرضي الله ليله اللج وليله اليه
غفران....روحي شوفي غيري اني حبيتج ومستحيل اخذ زوجج منج
مريم....الله عليج وافقي وخلي كلبي يرتاح
هنا انفتحت الباب ودخلت ام غفران وبته يمه بته حلوه بشكل مو معقول اجنن هي مو طويله
ايجوز طوله ١٥٩ بس شني عيونه تخبل كبار ولونهن عجيب والكصيبه واصله النص ضهرها
وخدودها ورديات
مريم...هاي بنتج
غفران...اي هاي بنتي مهجه
