رواية إبن عمي دمر حياتي الفصل الثالث بقلم جمانه السعيدي
زينب بقه احمد يتهرب مني وكطع الجيه البيتنا نهائيا
حتى من انزل الهم للبيت
اسمع صوته جوا
واتعمد احجي بصوت عالي حتى يسمعني
بس ابد مايطلع ولا اشوفه
واذا شفته بلصدفه يتهرب مني
مره اتعمدت انتضره يطلع اريد اشوف شني قصته
بقيت انتضر بلباب لمن طلع وشافني
نفخ حيل وكال استغفر الله
زينب احمد شبيك ليش جاي تتهرب مني
احمد شنو اتهرب منج
زينب كل أفعالك تكول هيج
احمد انتي بطرانه اني ذابح نفسي ادور شغل حتى اكدر اجمع مهرج ونتزوج
وانتي ترديني اكابلج واكعد
اذا كعدت كبالج منيين اجيب فلوس المهر وابوي يحاسبني على الفلس
زينب بس يوميه خمس دقايق تكفي اشوفك واطمن عليك
احمد شنو تطمنيني عليه شبي اني قابل وتطمنيين عليه
بطلي هاي السوالف التعبانه
وبعد لاتنتضريني ابد
اذا تريدين نزوج ابد لاتجين يمي ولا تشغليني
خليني ماصدكت لكيت شغل
جمانه السعيدي
زينب صحيح لكيت شغل
احمد اهوووو اي هو شنو تحقيق
زينب واني هسه شكلت قابل شنو الي صار ماتتحملي كلمه
احمد خلصتي كلام يله ارجعي للبيت
واني من افرغ اجي اشوفج
زينب رجعت واني بين مث
مصدكه ومامصدكه
بس مابيدي شي ابد
خلصت هاي السنه ونجحت للخامس
بيومه جنت كلش فرحانه واريده يسمع خبر نجاحي
نزلت الهم للبيت
وطلعتلي عمتي منزله حواجبه هااا خير
زينب احجي بصوت عالي اني نجحت عمه
...اي علخير
هو طلع وشافني واني كلت نجحت والحمد لله
حتى يسمعني على بالي ماسمع
هو راسا طلع من البيت وحتى مبروك ماكووو
ولا سلم عليه وكنما مايشوفني بعينه
حسيت نفسي فشلت حيل
رجعت للبيت وحتى فرحتي راحت مني
بليل اريد انام ماكووو
افكر شنو الي غيره عليه
كان بليوم الواحد يجيني اربع مرات وخمسه
وكل شويه احبج واموت عليج
وما يفوت فرصه اله يقربلي ويبوسني
اني صوجي ليش سلمته نفسي اني اكيد نزلت من عينه
لا بس هو كال احبج وما اعوفج
اني عرضه مامعقوله يدك بيه هيج دكه ويعوفني
بهاي السنه اقصد صف خامس اعدادي
عمي فاتح بابا بموضوع بيع البيت يريد يبيع البيت ويشتري كاع زراعيه جبيره
يبني بيه بيت جبير حتى يزوج احمد لان البيت مايكفيهم
اني صحيح ضجت على بيتنا ومنطقتنا
بس فرحت اكيد يريدون يخطبوني
اي يزوجون احمد
اكيد اني العروسه
روحي امتلت امل من جديد ورجعت افكر بلارتباط
جمانه السعيدي
يعني حسبت كم شهر واصير زوجته
اكيد هو فاتح ابو بلموضوع
عمي يجوز وافق عليه وين يلكون وحده مثلي زوجه الابنهم
عمي كان خال عينه على كاع بس منتضر ينباع البيت ويشتريه
وابوي بدا يدور على ببت على كد فلوسنه
بس حصته ماتكفي نشتري بيه بيت
امي قررت تسحب قرض على راتبه ونكمل الفلوس
واخيرا لكينا ببت يتوالم ويه وضعنا المادي
البيت زغير بس مرتب وبناء حديث وطابقين
علما لكينا بيت ونباع ببتنا اني خلصت صف خامس
عمي هنا كعد ايجار بين مايبني بيته ويكمل
وصلت الامتحانات اخير السنه واخذنا شهر عطله
علمود ندرس زين
تعرفون صف سادس صعب
انتقلو بيت عمي للبيت الجديد
طبعا مو كلش بعيد تقريبا ربع ساعه بلسياره ونوصل الهم
اني شديت حيلي واقرا ليل نهار
كل همي اطلع من السادس لان يجوز سنة الأخ عروسه
بيت عمي
وما اعتقد عمي واحمد راح يقبلون اكمل دراستي
على الاقل عندي شهادة صف سادس
رحنا نبارك الأهم على البيت الجديد
كلش حلو وجبير وبي بستان يخبل
زوجت عمي من كعدنا لمن كمنا تسولف
اريد ازوج احمد
البيت جبير واني تعبت وحدي ما اكدر على خدمتهم
اريد بت حلال تساعدني
مااريد موضفه ولا طالبه
اريد بنيه حبابه تساعدني بلشغل
احمد بعد كبر ويستحق زواج
عمره ٢٥ سنه كل اصدقائه ازوجو
اني اسمعه ومبتسمه واكول اكيد تقصدني بكلامه
ايجوز جاي تلمح الامي
حتى اني كمت شلت الصينيه والماي من كد الحماس الي اجاني
وغسلتهن ورجعتهن المكانهن
اكول اي خل تشوف شغلي حتى تتمسك بيه
شكد غبيه جنت وماعندي عقل براسي
رجعنا للبيت واني طايره من الفرح
كل شويه اريد اكول الامي
ماما ترا ام احمد تقصدني بكلامه
وبعدين ابطل اكول عيب خليه تجي من عدهم
احسن اني لازم اصير ثكيله اكثر
جمانه السعيدي
بلضبط امتحنت اربع امتحانات
واجانا اتصال من ببت عمي
عمي اتصل على بابا اريد امشي على ناس خطبنا منهم مره الاحمد
واربدك تجي وياي
بلبدايه اني ماسمعت غير بابا يبارك العمي بلتليفون
كنت متوقعه شي ثاني
بس بابا بس سد التليفون
صاح على مامه حضري قاطي الرصاصي لان بليل نروح مشيه
بيت اخوي يردون يخطبون الاحمد
ماما ردت علي منيين العروسه بلخير
بابا ناس أقارب امه يكول احمد يحب البنيه ووهو الي رشحه الاهله
يكول اهله خوش ناس وبنيه حلوه ومثقفه
زينب اني جنت واكفه ولازم كتابي بايدي
حسيت صفحة كلبي تشنجت من سمعت هذا الكلام
والنفس ضاع عليه
احس نفسي اختنكت
بين مصدكه ومامصدكه الكلام الي سمعته
صارت الدنيا ضلمه بعيوني
وما اكدر احجي صفحة كلبي حيل توجعني والتشنج
زاد عليه
وما حسيت غير وكعت من طولي
ما اسمع غير صوت امي تصيح يمه بنتي يمه بنتي
شببج يمه حاجيني
اجا بابا وشألني بحضنه وركض بيه
وبعد ما حسيت غير اني بلمستشفى ومعلكلي مغذي
فتحت عيوني امي شافتني وكالت اسم الله
يمه زينب حاجيني حبيبتي
كله هذا بسبب الدراسه النهار كله ذابحه نفسج
انعل ابو الدراسه الي اضيعج من ايدي
ماكدرت احجي اي شي بس دموعي نزلن
شلون احمد راح بخطب وعافني
اني شراح اسوي بنفسي
هاي المصيبه شلون اكدر احله
بس ابجي وامي تمسح بدموعي وتكول
لاتبجين فدوه السنه خليه تولي عيدي السنه الجديده
واذا تردين تبطلين ميخالف
فدوه يمه لاتروحين من ايدي
ما اكدر اسكت عقلي مايقبل يتقبل هاي الغكره
شلون احمد يرتبط بوحده غيري
اني شنو الي سويته ليش تغير عليه
لان سلمته نفسي كرهني
بس اني احبه وكنت واثقه منه لمن سلمته نفسي
كمت ابجي بصوت عالي
بابا راح جاب الدكتور
جمانه السعيدي
امي ...دكتور هي طالبة صف سادس وتعرف السادس صعب
وهي جاي تضغط على نفسه بلقرايه حيل
دكتور فدوه احجي وياها وكله عادي حتلو ترسب
اهم شي صحته
الدكتور انتي صدك تبجين من السادس شنو السادس نمونه
واذا رسبتي شنو اخر العالم
الناس عدها أعلى الشهايد وكاعده بدون تعيين
عادي عيدي سنه الاخ وراح تكون المواد سهله عليج لان دارسته قبل
وانتي مبينه شجاعه وراح تتخطين هاي الشغله بسهوله
