رواية خائنه الفصل الرابع بقلم جمانه السعيدي
نيران...بديت اراجع علمود الاطفال
امي تاخذني وياس ما مقصر وياي شكد اطلب فلوس
ينطيني
بس يريد طفل اسم طفل بلبيت
يحس نفسه كبر وبعد ما بقى وكت لازم يحصل طفل
حتلو طفل واحد
كل التحاليل أكدت اني ماعندي شي
سليمه ١٠٠/١٠٠
الدكتوره أكدت اني رحمي نشط وما محتاجه اي نوع من العلاج
الدكتوره....انتي كلشي تمام وما محتاجه علاج
بلعكس رحمج كلش نشط
انصحج لا تاخذين اي علاج بس زوجج خل يجي
نسويله مجموعة تحاليل
اذا عنده مشكله راح نحلها
وإنشاء الله خير
طبعا هو ماجان موجود جان طالع اجره يجيبون رمان من كلر
طلع الساعه تسعه بليل وليل كله يسوق
من وصلو نزل نام بلمكتب ساعتين علمود يحملون
الرمان وكعدو رجع يسوق مره ثانيه
اكو سيطره وكفتهم ساعه
لان ازدحام
كلش تعبان ونعسان بس فكره يمي
كل ساعه يتصل حتى يطمن عليه
يعرف اني راح اروح للدكتوره اليوم
ياس... هااا ناري حبيبي كملتي
نيران...اي كملت الدكتوره أكدت ماعندي شي الدكتوره تكول الرحم نشط وماكو مانع للحمل
وطلبت تجي انت تسوي تحاليل
ياس....سهله بس ارجع اروح خير انشاء الله
محتاجه شي
نيران...لا مامحتاجه شي سلامتك
رجع بليل كلش تعبان بس اكل لكمه بعدني احجي وياا على الدكتوره
التفت لكيته غافي
كلش جاي يتعب بلشغل غطيته وطلعت برا
اكلب بلتليفون
لمن نعست ودخلت نمت
جمانه السعيدي
يوم الجمعه اجته اجره رفضها علمود التحاليل
راح كمل كل التحاليل
الدكتور اكد وضعه نفسه الحيامل كلش ضعيفه
وشبه معدومه انطا مجموعة مقويات
بس الامل ضعيف
يصير عده تحسن لا عمره ولا وضعه يسمح تتنشط
الحيامل بجسمه
بس هو عنده امل بدا ياخذ العلاج
طبعا اني اخليله العلاج بجيبه
ووقت الي ياخذ العلاج اتصل علي اذكره حتى لا ينسى
مو بس هو يريد اطفال
اني هم اريد اصير ام
العمر يجري والصراحه الوحده كتلتني
طول النهار افتر بلبيت وحدي اريد حس بلبيت وياي
٣ اشهر فاتن ورجع ياس كرر العلاج وهو منتضر رحمة الله
نيران.......كل شهر انتضر
بفارغ الصبر
واحلم بنهاية الشهر اطلع حامل
بس بدون فايده
من طالت المده بدا يحس ماكو امل
العلاج كلش قوي علي جاي يتعب منه
حتى جسمه انفخ بسبب العلاج
وكام مايكدر يركز بلسياقه خاصه وهو كله شغله بليل
بعد ماكرر العلاج مرتين وتعب منه عافه
جمانه السعيدي
بدا يتهرب من البيت ومن عتابي ونظراتي الحزينه
ابد ما يفوت اجره تجي كل يوم يروح اجره ماكو استراحه
يريد ينهزم من البيت
من يجي ميت تعب راسا ينام
اكعد الصبح ماالكا
حياتي صارت روتينيه وممله الي انام بي أصبح بي
حتى ماالحك اتعارك وياا من يجي
لان يجي تعبان ومن احجي مايرد عليه
يبقى ساكت واني يكتلني القهر
يخليني احجي واسكت مايرد عليه حتى لا انقهر اكثر
بس اني سكوته يموتني بلزايد
بيوم جان عنده اجره والدنيا بارده كعد شغل السياره ماشتغلت المحرك من البرد ما يشتغل
لان هو شغلته ما تتحمل التاجيل
لازم يطلعون من الصبح انحرج من الولد الي مااجره
اتصل على سايق ثاني ياخذه هاي الاجره
لان سيارته ما تشتغل
نيران...كعدت الصبح لكيته يحاول يصلح السياره
حضرت الريوك
نيران. تعال نتريك
ياس...اي اجيت
دخل غسل وكعد يتريك واني ماده البوز شبر
نيران...يعني لوما السياره عاطله مجان شفتك اليوم
ياس...شتردين
نيران...اريد حل حياتنا روتينيه ومكرره اني تعبت
من الكعده وحدي طول النهار
اريد حل
ياس...شنو الحل برائيج اعوف شغلي واكعد كبالج
نيران...اشتغل بس مو هيج كل يوم اني هم اليه حق عليك تعقدت من البيت
ياس...اني ما منعتج من الطلعه
نيران...اريد طفل اريد اصير ام حالي حال البنات
ياس...واني شبيدي كدامج اخذت علاج أشكال بدون فايده
حتى الكلى من هاي الجهه اليمنى توجعني من يوم اخذت علاج لليوم
نيران...عوف هذا الدكتور خل نروح الدكتور ثاني
الطب اطور مو معقول نبقى هيج
ياس...صار اني راح ادور واسئل عن طبيب ثاني
لا تتخيلين اني ساكت اني اصلا ازوجت علمود الاطفال
اني مستعد ادفع كلشي املكه بس يصير عدنا طفل واحد
اعرف انتي جاي اضوجين
بس اني مابيدي شي
نيران...تعبت ياس على الاقل ابقى يمي
راح اموت من الوحده صارت عندي كئابه
ياس...مو المشكله هاي شغلتنا مايرادلها واحد يرفض
لان يروح منا الشغل
كل جماعه لازمين سايق يروح وياهم
اذا عفت جماعتي يشوفون غيري هو هذا شغلنا هيج
نيران...يعني ماكو فايده راح تبقى عايفني كل الوقت وحدي
وترجع متأخر وتعبان كبل تنام
ياس....اني راح احاول كد مااكدر ارضيج حبيبتي انتي
بلكت رب العالمين يلتفت علينا ويصير عدنا طفل
نيران...كل مره ادخل وياا بنقاش اطلع خسرانه
ماكو حل لازم اصبر واتحمل
هاي حياته من زمان وباب رزقه ومستحيل يعوف كلشي
بيوم وليله علمودي
بديت احاول اتكيف وياا هذا الوضع
مابيدي حل مستحيل انفصل وارجع الاهلي
ياس زين ومدللني ومنطيني حريتي ويحبني
بس هذا وضع عمله
لازم اصبر وانتضر بلكت تفرج عليه
فات سنه على زواجنا وماصار حمل ابد
اتاكدت ياس ماله علاج ومستحيل احمل لان الدكتوره
من فحصتني اتعجبت عليه
كالت انتي من الهوا تحبلين ماشايفه هيج مره ابد
رحمج ماشاء الله كلش نشط
جمانه السعيدي
بعد سنه من زواجي
اجتني غصون تسلم عليه
غصون... اجيت اسلم عليج احنا راح ننتقل المركز المحافظه
زوجي لكه شغل هناك وصار فتره يدور سكن
قبل يومين لكينا سكن مناسب وراح ننتقل
نيران...لا عفيه لا تعوفيني تعودت عليج وعلى الجهال
غصون...اني هم اتعودت عليج ياس محظوظ نسوانه
وحده احسن من وحده
نيران....شلون بيه فدوه ياس عايفني وانتي هم تردين تعوفيني
غصون...شبيدي قابل هاي ضروف زوجي ولازم اكون ويااا
مااكدر اعوفه يروح ويرجع كل يوم
اخاف علي من الطريق بعد احنا هنا دافعين ايجار وهناك هم ندفع ايجار
على الاقل ننجمع بمكان واحد احسن
راح اشتاقلج
نيران...اتصلي عليه نحجي بلتليفون اطمن على اخبارج
ولو مو مثل هنا وجه بوجه ونحجي سوا كل يوم
غصون... خاف مااشوف ياس سلمينا علي ولله عشرتكم طيبه صار هنا خمس سنوات
عبالك كاعده يم اهلي
نيران....انتم الناس الطيبه ماكو مثلكم
كلش ضجت هلمره فعلا حسيت نفسي وحيده
من رجع ياس وشافني
ياس. هاا خير
نيران...غصون شالت
ياس...خير انشاء الله وليش انتي ضايجه
نيران.. مو جانت امونستني كلما اضوج افتح الشباك ونكعد نسولف اني وياها
نطبخ ونتبادل الاكل مرات نطلع للسوك سوا
كم مره رحنا للصالون اني وياها
ياس.. هسه يخلون ناس بمكانها وهم سوي علاقه وياهم
نيران....منو يكول يطلعون مثلها
ياس....نشيلهم منا لمن ينزلون ناس انتي ترتاحيلهم
بس لا اضوجين حبيبتي
نيران...حتى بهاي تحشش مو اني ضايجه
ياس....تعاي نفتر بلسياره ونتعشى برا
نيران...اي خل اطلع لان روحي طلعت من كعدت البيت
شكرا لزيارتكم عالم روايات سكيرهوم
