رواية بين الخيانة والحب الفصل الرابع بقلم ساره علام
ابتسمت ابتسامة صغيرة، عيني فيها دمعة محبوسة لكنها المرة دي دمعة فرحة.
مسكت الكوباية، وشربت رشفة بسيطة وأنا بحاول أستجمع شجاعتي المرة دي إني أتكلم.
ـ أنا من زمان مش شايفة غيرك موجود يا فارس
إنت بس اللي كنت قدامي طول الوقت.. حتى وانت بعيد كنت دايمًا جوايا
لما كنت بزعل كنت بفكر فيك وأتخيل وانت بتطبطب عليا وتقولي "متزعليش أنا هنا"
لما بفرح كنت أتخيلك وانت فرحان ليا أكتر مني.
إنت كنت دايمًا معايا.. وأنا مكنتش عايزة غيرك.
كان باين على وشه صدمة وسعادة ومشاعر كتير ملخبطة، ضحك بعد فترة وهو بيحاول يفهم الكلام.
ـ ليلى، إنتي قصدك..
قاطعته:
ـ ليلى بتحبك من زمان أوي.
رد بسعادة وعيون بتلمع:
ـ وكنتي ساكتة كل دا ليه؟، كان عاجبك وأنا هتجنن وأسمع منك اي كلمة وأعرف مشاعرك ناحيتي!.
رفعت اكتافي لفوق ورديت بشقاوة خلته يضحك بصوت عالي:
ـ كنت باخد حق السنين والأيام اللي كنت بحبك فيها في السر وانت مش شايفني!.
ـ عمري ما كنت مش شايفك يا ليلى،
انتي كنتي في قلبي طول الوقت.. بس مكنش ينفع أتكلم قبل ما أعرف حقيقية موضوع مريم.
كمل وهو بيمسك إيدي بحنية:
ـ دلوقتي بس أقدر أرتاح أنا وقلبي
إنتي معانا وهنفضل سوا، صح يا ليلى؟.
ضغطت على إيده وأنا بقوله بحُب وعيون بتلمع:
ـ صح يا عيون ليلى،
طمن قلبك إني هبقى معاه للأبد.
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
