رواية علي ذمة اخوين الفصل الرابع بقلم جمانه السعيدي
طلع غيث البغداد اتصلت علي كال وصلت
الحد الضهر كال خلصت شغلي وراح ارجع
من بعدها بساعتين اتصلت ومايرد رجعت اتصلت ومايرد
نزلت جوه
نجلاء ليث جاي اتصل على غيث ومايرد
ليث هسه اني اتصل
بقه ليث يتصل واني اتصل
عمي وخالتي شافونا مخبوصين اني وليث
عمي شكوووو شصاير
ليث ماصاير شي بس غيث مجاي يرد
بقينا نتصل وماكوووو
لليل واحنا نتصل ومايرد ابد
انخبص البيت خبص بهاي الفتره كانت بغداد خطره كلش
وهواي ناس راحت ومارجعت بعد
الي انخطف والي نقتل
جمانه السعيدي
هذا الشي الي كان مخوفنا وكلما يمر الوقت خوفنا يزيد اكثر واكثر
ليث كام يتصل باصدقائه وكل معارفهم
بس بدون فايده
عمي طلع يسئل هم اكو ناس طلعت البغداد اليوم ورجعت
بس سياره وحده راجعه للحله
خليت ابني بحضني وكمت ادعي
يارب الخاطر هذا الطفل يارب ابعد عنه كل مكروه
خالتي اتخبرطت
عمي ضل يفتر ويسئل ومارجع ابد
حتى ليث طلع يسئل ومارجع
للصبح واحنا كاعدين ماخلينا مكان ماسئلنا بي
بحيث المنطقه كله عرفت غيث مختفي
عمي وليث بعد صلاة الصبح وطلعو البغداد بعد ماجابو عنوان الشركه الي راح اله غيث
جمانه السعيدي
اني كل شويه اتصل
وخالتي حالته اسوء حاله ابد مانامت ولا غمضت عينه
وصلو للشركه واكدولهم انو غيث فعلا اجه
وسلم الأوراق وطلع
كال اني راجع الاهلي وبعد مايعرفون عنه أي شي
عمي صاير عصبي وكام يصيح عليهم
انتم بعتو اكيد بعتو للعصابات اني راح اشتكي عليكم
وفعلا عمي وليث رايحين مشتكين على صاحب الشركه
بس صاحب الشركه عنده شهود وعنده كامرات اتاكد ان غيث طلع من الشركه
رجع عمي وليث ايد ورا وايد كدام بعدا مابلغو بااكثرمن مركز عن اختفاء غيث
وعممو مواصفاته بكل مكان
كنا متوقعين انخطف ومتحضرين باي ساعه ان يجي اتصال يطلبون فديه حتى يرجعونه
ساعته بس حسيت اهلي عدهم حق من عافو العراق وسافرو
ثاني يوم عمي راد يرجع البغداد
بس ليث كاله خل ننتضر اليوم ونشوف بلكت نحصل خبر عنه
الله لايراويكم حال عمي وخالتي
وليث الي جان الضحكه ماتفارك وجه عابس وقلق
محد يقبل ياكل ولا يشرب
خالتي كاعده على سجادة الصلا وتبجي
كلما يدك التليفون نكول غيث
حاله من القلق والخوف ماتنوصف ابد
جمانه السعيدي
ثالث يوم اجانا اتصال من مركز الشرطه بغداد
على طريق المحموديه
لاكين جثه ملامحه مو واضحه بس القمصله الي على الجثه بيه هويه باسم غيث
عمي ماكال ولا حجه اي شي كدام خالتي اخذ ليث وطلع
من شفت الخوف بوجه عمي عرفت صاير شي موزين
كمت ابجي من الخوف
يارب سترك يارب سترك
راسي صدع هذا اليوم الثالث واني مانايمه ولا مغمضه عيني ابد
اتصل على ليث وينطيني رفض
اتصل بعمي وجهازه مغلق
النوب اخاف عليهم الوضع مو تمام ابد
ليث اجانا اتصال لاكين جثه على طريق المحموديه
وشاكين بيه جثة غيث
طلعنا اني وابوي بسيارتي واني اكول بكلبي
لا لا غيث على بختك صدك تعوفنا ياخوي وينك وين الموت امي شراح اكلله
ابنك من يسئلني عنك شراح اجاوبه
نجلاء اهله عافوها امانه عندك شلون تقصر وياها
الامانه وصااا بيه رب العالمين
انت شهم وغيور ومستحيل تعوفنا
لا يبعد اخوك اني ضامك ضخرررر
منو يزفني بيوم عرسي منو يوكفلي
انت حزام ضهري لا تعوفني
جمانه السعيدي
اما ابو غيث ماكو على السانه غير الدعاء
ياغياث المستغيثين اغثنا يالله
وصلنا واخذونا الشرطه للمستشفى حتى نتعرف على الجثه
اباوع ابوي يقدم خطوه ويرجع خطوه
خايف لا يطلع غيث صدك مقتول
واني لازم كلبي بايدي
بلبدايه سلمونا قمصلته وبيه هويته وساعته وتليفونه
بعدين فتحو الثلاجه
ودي اغمض عيوني واعبر هذا الوقت الصعب
صعب تشوف انسان عزيز عليك ميت
تقدمت الجثه مشوها بلكامل وملامحها مابينه
راسه مسحوك بسياره
عمت عيني عليك ياخويه
انت الحلو تموت هيج موته
ابوي بس شافه كعد بلكاع وكام يصرخ
يصرخ مثل النسوان اول مره اشوف ابوي بهاي الحاله
مدري اواسي مدري اواسي نفسي
كعدت يمه وكمت ابجي
فوك فراك اخوي حالة ابوي الي تكسر الخاطر
بعمري ماشايف ابوي هيج مكسور
بدو يحققون ويانه اذا كان عنده اعداء او جايه تهديد
غيث كان مسالم لاعنده اعداء ولا يكره احد
بعد التحقيق بلعشره الصبح بليوم الرابع الاختفائه
سلمونا الجثه
كانت اصعب لحضات تمر علينا
بوقته اتقبلت موت غيث بس كلبي خايف على ابوي
ابو ي حالته حاله
خفت لايصير بي شي
رجعنا للبيت واحنا شايلين غيث جثه
امي بس شافته وكعت
ونجلاء ملخت نفسه
جمانه السعيدي
ليث على كيفكم وياي اني حالي من حالكم كلبي خلصان
مااعرف أسند ابوي
لو اخذ امي للمستشفى
لو اواسي نجلاء
ياناس الفقد صعب
ابوي طلع جناز بغيث طلعو ويااا عمامي وخوالي
واني اخذت امي للمستشفى ضربته جلطه
ونجلاء بقت بلبيت تون وتنوح الجوارين التمو عليه
الفاتحه نصبوها ولد عمي واني كاعد بالمستشفى ويه امي
اركض منا وارجع منا
بليل من تخلص الفاتحه يجوني كلهم للمستشفى
وبلنهار ملتهين بلفاتحه
تلث ايام وطلعنا للبيت بس امي حالته صعبه
ماتقبل تاكل ولا تحجي
عايشه على المغذي
البيت كله حزين كلشي بي حزين ويبجي على غيث
جمانه السعيدي
امي حالته صعبه ومحتاجتنا كلنا نداريه ونوكف وياها
مانريد نفقده مثل مافقدنا غيث
رحنا وسئلنا عن العده الشرعيه
بما ان هي عدها طفل زغير واهله مسافرين شلون ممكن تقضي العده
اكد النا الشيخ ان نجلاء ممكن تعيش ويانه
عادي بس ممنوع عليه تتبرج او تتعطر او تزوج قبل انتهاء العده
خطيه حالته حاله ماتسر لا حبيب ولا عدو
اشتريتله ملابس اسود محتشمه وحجابات
بعد فقد غيث أصبحت حزينه ومكتئبه
كلما ادخل الكاها تبجي
ليث لا تبجين البجي بعد مايفيد
نجلاء خل يرجع ليث بعد مااحجي علي ولا الومه ابد
اني يمكن جنت مضوجته اللح على هواي
وهواي ازعل
بس اني احبه هو اماني بهاي الدنياااا
شراح اكول الابنه من يكبر
عقلي مايقبل يصدك بعد مااشوفه
كلما ينفتح الباب اكووول غيث رجع
ليث استغفر الله اسكتي فدوه كلبي بعد مايتحمل اكثر
جمانه السعيدي
كل همنا بهاي الفتره امي تطلع من حزنه
بلنهار نجلاء تكعد يمه حتى تمارين تسويله
وبليل اني انام يمه لان نجلاء تتعب
وابنه يتعبه بليل وهم تريد ترتاح شويه
بعد الأربعين بدت حالة امي الصحيه شويه تتحسن
كل الوقت حاضنه امير وتبوس بي
تكول هذا من ريحة غيث
نجلاء من تحسنت حالة خالتي الصحيه يله جرينا نفس شويه
كنا خايفين عليه بشكل مو طببعي
بس اني شنو مصيري
والمن باقيه بهذا البيت قبل علمود غيث
وهسه غيث راح
اني لازم اسافر ورا اهلي
بعد مااكدر ابقى هنا هذا البيت أصبح مو بيتي
اكيد اجرائات السفر محتاجه وقت
وهم لازم تخلص العده حتى اكدر اسافر
ولله ماهاين عليه اعوف خالتي وعمي
وخصوصا بعد مانكسرو على فراك غيث
بس اني بعد وجودي بهذا البيت ماله داعي
رغم كلهم يعاملوني احسن معامله وابني شايلينه شيلالبارت الخامس
على ذمة اخوين
جمانه السعيدي
نجلاء خلصت العده وحالة خالتي تحسنت مو مثل قبل
يعني احسن بهواي صحيح مراح ترجع مثل قبل
بس الحمد للة على كل حال
قررت اتصل بأهلي
يبدون يحضرون إجراءات سفري
بعد اني ماليه مكان هنا ابد
قررت افتح هذا الموضوع ويه عمي وخالتي حتى لا يكولون
انت مااخذتي رائينا
او تتصرفين بكيفج
خصوصا همه بعدهم مفجوعين بخبر وفاة غيث
بس اني ولله حزينه اكثر منهم
فقد غيث مو هين عليه ابد
خصوصا واني بركبتي طفل وراح اشيل مسوليته
واهلي يكولون الحياة هناك صعبه
واحتاج وكت يله اتعود
خوب امي تبجي بجي على العراق
تكول الغربه مو حلوه
اربد ارجع للعراق بس بابا مايقبل وخصوصا بعد مقتل غيث تمسك بلعيشه هناك اكثر واكثر
يخاف على اخواني
جمانه السعيدي
شفت خالتي وعمي كاعدين
دخلت عليهم
نجلاء خاله اني عندي موضوع مهم اربد احجي بي وياكم
واتمنى تفهموني وتقدرون حالتي
عمي ياستار شكوووو
نجلاء اني اتصلت على اهلي اريدهم يبدون يحضرون باجرائات سفري اريد اسافر وراهم اني بعد ماابقه بلعراق
بعد غيث وراح اني المن باقيه
خالتي ضربت على صدره وكالت يايمه تردين تاخذين امير من عدنا
عمي ليش احنا ضوجناج بشي
نجلاء لا ولله حشاكم انتم اهلي واحسن من اهلي بعد
بس المره تسكن وين مايكون زوجه
واني زوجي راح شنو ضلتي هنا بعد
خالتي اذا مااشوف امير اموت اني كتلج وخطيتي بركبتج هذا الشي الباقي الوحيد من ريحة غيث
نجلاء اسم الله عليج حبيبتي عمرج طويل
بس اني مااكدر ابقه هنا بعد
الشي الوحيد الي جان يربطني هو غيث وغيث راح
جمانه السعيدي
عمي يابويه اني مااكدر اجبرج تبقين يمنا غصبا عنج
بس ولله اني حاسبج بنتي الي ماخلفته
شاهد الله معزتك من معزت غيث وليث
نجلاء فدوه اروحلك واني حاسبتكم اهلي
من يوم سافرو اهلي ابد ماحسيتهم بعيدين ابد
لان انتم سدبتو مكانهم وازود
خالتي لا يمه نجلاء فدوه لا تعوفينا حبيبتي
نجلاء ولله باخاله فراككم صعب عليه
عمي فكري زين بنتي احنا مراح انقص عليج شي ابد
نجلاء طبعا عمي وخالتي صعبو الموضوع عليه اكثر
اني اريد اسافر بس مااريد اعوفهم ابد
وابني متعلق ببهم حيل
واخاف رب العالمين يعاقبني لان احرمهم من امير
ياربي لا تحيرني اكثر حله من عندك يالله
جمانه السعيدي
ليث رجعت لكيت امي حيل صايجه وابوي شكله ضايج
...خفت على امي حيل لان الدكتور اكد لازم تبتعد عن الازمات النفسيه لان تأثر عليه
ليث شبيه ست الحبايب ليش زعلانه
امي يايمه نجلاء تريد تاخذ امير وتسافر ورا اهله
ليث ليش اكو احد ضوجه
ابوي لا تكول من بعد غيث اني المن باقيه هنا
ليث يعني بعد مانشوف امير
امي ولله هلمره اكتل روحي هم غيث وهم ابنه
ليث والحل شنو برائيكم
امي اني اكول انت تزوجه حتى تبقى هي وابنه هنا
ليث انتي شكاعد تكولين ازوج نجلاء زوجت اخوي
ابوي اي ولله خوش فكره هذا احسن حل
ليث لا مستحيل شلون ازوج زوجت اخوي
امي اذا اني امك وعزيزه عليك تسمع كلامي لا اضيع غيث من عدنا مرتين
ليث يمه انتي منيبن جبتي هاي الفكره خليه تعوف امير عدنا وتسافر
ابوي شلون تعوف طفل عمره سنه وتسافر مستحيل طبعا
ليث اني مااكدر هاي الخطوه مستحيل اخطيه ابد
ابوي اذا احنا اهلك وتعزنا صدك تسوي الي اكلك علي
نجلاء خوش بنيه واخلاقه حلوه
وماشفنا منه شي موزين ابد
قابل انت راح تزوج وحده احسن من عدها
جمانه السعيدي
وانت لازم تفكر باخوك وابنه زين
نجلاء بعدها زغيره وحلوه والف واحد يتمناها
اكيد راح تزوج وتعيش حياته
واذا كانت بلخارج مستحيل راح نكدر نشوف امير بعد
اصلا العمر مابقه بي وقت نعيش ونشوف
اذا تحبنا والنا خاطر عندك تزوج نجلاء
ليث مااكدرت اسمع باقي كلامهم رحت الغرفتي كعدت وسديت الباب
شلون ازوج زوجت اخوي
الخبر اجاني مفاجئ حيل ومامتوقعه ابد
ام غيث قررت تتصل بام نجلاء وتطلب ايدها الليث
ام غيث شلونج عيوني ام علي
...الحمد لله انتي شلونج شلون صرتي
...الحمد لله اليوم اريدج تساعديني
...بعيوني
...سالمات عيونج اكيد نجلاء اتصلت عليج تريد تسافر
...اي ولله تكول مابقالي شي بلعراق
بس ولله الغربه صعبه حيل وماكو مثل العراق ابد
...اني على هذا الموضوع اتصلت نجلاء بتنا وصار له اكثر من سنتين عدنا
وماشفنا منه اله كل خير والنعم منكم ومن تربيتكم
ام علي والنعم من اصلج ولله هي هم بس تحمد بيكم
ام غيث اني بلنسبه اليه مااكدر افارك امير ابد
وهي تربد تاخذه وتسافر وبعد مااشوفه ابد
اريد اطلب ايده منكم اريده الليث ليث بس السنه ويخلص كليه
وإنشاء الله يتعين وانتم تعرفونه وتعرفون اخلاقه زين
ام علي ولله اني موافقه نجلاء بتكم وماتلكه ناس احسن منكم
اني الصراحه خايفه عليه حيل بعدها زغيره وعدها طفل والحياة صعبه حيل اتمنى تبقى عدكم
انتم اهله وراح أأمن عليه عدكم
ام غيث اريدج تحجين وياها وتقنعيه فدوه اروحلج
اريد هاي الشغله منج
ام علي صار اني راح احجي وياها اخلي ابوها هم يحجي وياها
جمانه السعيدي
نجلاء كاعده بغرفتي ومحتاره شلون راح احل هاي المشكله راسا اتصلت عليه امي
نجلاء هلو امي شلونج
...الحمد لله كلشي تمام
...بابا شلون اخواني
...بخير اريد احجي وياج بموضوع مهم كلش
...خير شكووو شصاير
....بيت عمج يكولون احنا مانكدر نعوفه تاخذ امير وتسافر بي
...اي اعرف اني حجيت وياهم بهذا الموضوع ومااعرف شنو الحل
...الحل هم يردونج الليث
....شنو ليث مافتهمت
..يردون يخطبونج الليث وتبقين بيتهم ومايفاركون حفيدهم
....لا طبعا لا مستحيل
...شنو هو إلا مستحيل انتي بعدج زغيره وحلوه ومراح تكدرين تعيشين بهاي الدنيا وحدج ابد
لازم تزوجين اذا مو أليوم باجر
وذوله اهلج وتعرفيهم زين وعايشه وياهم وليث تعرفينه
وتعرفين اخلاقه زين
نجلاء مااكدر
....لا تكدرين لو انتي تعرفين شي عن ليث احنا مانعرفه
....لا ولله ليث والنعم منه اخلاق وادب وترببه ومثقف
...بعد شنو قابل تاخذين واحد احسن منه
...يمه شلون ازوج ليث
...مثل العالم والناس هذوله الناس مشترينج
وخالتج مريضه اذا حرمتيه من حفيده اكيد راح تنجلط وتموت وانت ساعته تتحملين كلشي
وراح تعيشين بذنبه طول العمر
فكري حبيبتي هذا احسن حل
نجلاء انتم جاي تخلوني بخيار صعب
امي الله يهديج وينور طريفج حبيبتي
نجلاء سديت التليفون جنت حايره مره صرت حايره الف مره منيين طلعو بهاي الفكره
شلون نزوج اني وليث
ولله شغله صعبه عليه حيل
