 |
رواية ملاك في حصن عز الفصل الرابع بقلم سلسبيل احمد
نورسين: اية القرف ده البت دي بتعمل اية هنا ؟
عز : انتي مجنونه ولا اية احترمي المكان الى انتى فيه وقبل المكان تحترمي مراتي
نورسين بصدمه وشاورت على ملاك : دي مراتك ؟ دي من الشارع وكانت بتقعد عالرصيف ! انت اتجننت يا عز
عز بزعيق : انتى انسانه مش محترمه اطلعي برا
ادهم جه على صوتهم ومكنش فاهم حاجه!
نورسين مصدومه ومش مصدقه اما ملاك حست ان دموعها هتخونها وتنزل قدامهم فا جريت من المكتب بسرعه اوي
عز بص لنورسين بتحذير : لو فاكره القرف الى عملتيه ده هيعدي تبقي غلطانه ونزل جري وراه ملاك
عز فضل يبص حوليه وقلبه بيدق مش معقول ضاعت !! فضلت يلتفت يمين وشمال زي المجنون ومش لاقي ليها اي اثر ! والدنيا فضلت تلف بيه
"بعد مرور يومين"
في قصر عز
ادهم : عز انا مش عجباني حالتك دي انا عارف انك بتحبها بس مينفعش تفضل كدا احنا بندور واكيد هنلاقيها
عز كان فى حاله صعبه جدا ورافض الكلام
ادهم : اتكلم معايا طيب ؟
عز : ادهم انا مش قادر حقيقي سبني لوحدي بعد اذنك
ادهم : يا عز مش هسيبك
عز : انا بحبها يا ادهم انا حاسس انها ضاعت مني
ادهم : انا عارف بس ان شاء الله هنلاقيها
عز بعصبيه خفيفه : لا مش عارف انا معرفش ، انا نفسي معرفش مبقتش اقدر مشوفهاش ولا ابعد عنها طول الاسبوع الى عرفتها فيه بحارب عشان توافق تتجوزني ورفضت متخيل ان واحده ترفضني وافضل عاوزها وبحارب؟ واجبها لحد هنا واتجوزها ادهم انا حاسس ان روحي اتسحبت مني ده غير ان هي ملهاش حد هي عند مين دلوقتي يا ادهم!
ادهم حضنه بقوة : اهدا اقسم بالله هلاقيها
__________________________
هنرجع شوية بالوقت عشان نعرف حصل اية مع ملاك..
* فلاش باك *
ملاك فضلت تجري وبعدت عن الشركه شوية وكانت بتعدي الطريق وفيه عربيه كانت هتخطبها
- احيييييييييه هو انا مش هبطل حوادث يلهوي
نزلت من العربيه
- انتي كويسة ؟ فيكي حاجه
ملاك وهي بتتحرك : انا كويسة الحمد الله
- استني طيب انتي رايحه فين اوصلك
ملاك بعياط: مش هاروح في حته انا
رفعت وشها ومسحت دموعها وفضلت مركزه فى ملامح البنت كتير : هو انتي اسمك اية ؟
= اسمي كارما ليه
ملاك بخنقه : لا مفيش بعد اذنك
= طيب استني بس انتي بتعيطي ليه
ملاك استغربت سؤالها ولكن قعدت تعيط اكتر
= طب اهدي ممكن تركبي معايا
وركبت ملاك معاها بعد ما اتحاليت عليها كتير اوي
باك *
" في مكان تاني "
- ازيك! وحشتيني والله
= برضو جيتي يا استاذة كارما؟
- اولا قولتلك مسميش استاذة ثانيا احنا بقينا صحاب مجيش ليه بقي واطمن عليكي
= مش كفايه جبتيلي مكان اقعد فيه! انا بجد مش عايزه اي حاجه تانيه
- ماهو المفاجأه ياستي اني لاقيت ليكي شغل كمان
= بجد ؟ فين
- هنروح دلوقتي وتشوفيه
= انا كنت عاوزة اقولك حاجه ، انا ارتحت ليكي معرفش ليه فا عشان كدا هقولك.
- قولي
= انا حكيت ليكي ان مليش اهل ولا اي حد صح
- ايوا
= بس انا متجوزة
- اية !
= كان غصب عني انا محتاجه محامي عشان اطلق انتي تقدري تساعديني؟
- اكيد بس مش فاهمه حاجه ازاي اتجوزتي غصب عنك اهلك يعني
= لا انا معنديش اهل فعلا هو الموضوع .....
ملاك حكتلها كل حاجه ولكن مقالتش تفاصيل ولا انها بتحب عز ولا هربت ليه..
- متقلقيش هساعدك خليكي هنا ثواني وجيالك
_______________________
" اما عند ادهم "
خرج من بيت عز واتجه لمكتب محامي
ركب الاسانسير وفي آخر لحظه دخلت كارما وهي مش مركزة
ادهم بمفاجاه : كارما ؟
كارما بصت جمبها : انت ؟
ادهم : ادهم الى خبطت عربيتك
كارما ضحكت : ازيك
ادهم : انتي الي ازيك اخبارك اية واخبار الجرح اية؟
كارما بابتسامه : خف شوية
الاسانسير وصل
ادهم : طب الحمد الله بعتذر مره تانيه لتكوني شايلة مني ولا حاجه.
كارما: لا صدقني مفيش حاجه
ادهم بفضول : انتي جايه هنا ليه ؟
كارما : محتاجه محامي
ادهم : امممم وانا كمان في محامي كويس جدا اعرفه
كارما : انا عاوزة محامي فى قضيه طلاق
ادهم كان هيعييط حرفيا وقال بصدمه : انتي متجوزة!
كارما ضحكت : لا مش انا ده لصحبتي
ادهم خد نفسه : الحمد الله
كارما : على اية؟
ادهم بتوهان : مخطوبة؟
كارما : اشمعنه
ادهم : يعني
كارما : لاء ، انت بقي جاي هنا ليه ؟
ادهم : ده موضوع كبير بدور على حد ومحتاج المحامي ده عشان عنده علاقات وفاهم يعني
كارما: اها ربنا معاك
كارما دخلت للمحامي وطلب يشوف صاحبه القضيه
نفسها الى هي ملاك عشان يستفهم منها فا خرجت عشان تجبها وادهم كان داخل بعدها
- اية خرجتي بسرعه؟
= طلب صحبتي
- كنت عايز اقولك انه لازم يسمع منها
= مش مشكله هي فالشارع التاني هجبها واجيلهه
- طيب محتاجه حاجه
= لا شكرا
مشيت وادهم فضل باصص عليها: شكلي وقعت انا كمان ياربي
دخل للمحامي وكان صاحبه شوية فا قاله انه بيدور على ملاك وعرفه اوصافها
المحامي : هقول لمعارفي فالقسم انت سالت فالمستشفيات؟
ادهم : يبني سألت فكل حته وعز ساب خبر ليهم فالقسم طبعا وكلم كذا حد بس هي اختفت
المحامي : خير خير ان شاء تلاقيها
" عند عز "
- لو سمحتي يا داده شيلي الاكل ده
= ليه يابني كدة هتفضل على حالك ده
عز بعصبيه : ايوااا
_______________
- انتي فين يبنتي
= اية هنا اهو
- المحامي طلب يشوفك لازم تحكيله
= لازم يعني ؟ اصلي خايفه
- متخافيش هبقي معاكي تعالي يلا بينا
رجعت كارما تاني مع ملاك وادهم كان مستنس في عربيته لانه عايز يشوفها كارما وصلت على باب العماره الى فيها المحامي وملاك خطوتها بقت بطيئه وفجاه وقعت
ادهم كان باصص في موبايله سمع صوت كارما فا خرج بسرعه : حصل اية ؟؟؟ مالها
كارما : معرفش وقعت مني فجأه
لسه هيشلها بص وشها
ادهم بصدمه : ملاك ؟؟؟
كارما : انت قولت اية ؟؟!!!!!
ادهم كان باصص في موبايله سمع صوت كارما
فا خرج بسرعه : حصل اية ؟؟؟ مالها
كارما : معرفش وقعت مني فجأه
لسه هيشلها بص وشها
ادهم بصدمه : ملاك ؟؟؟
كارما : انت قولت اية ؟؟!!!!!
ادهم : مش وقتة يلا نوديها المستشفي
ادهم شالها حطها فالعربيه وهوا فالطريق فضل يكلم عز ولكن عز مش بيرد ولا قادر يتكلم
وصلوا المستشفي وملاك كان سكرها واطي جدا
ادهم شاف دموع كارما نازله زي المطر
- انتي كويسة؟؟ متخافيس هتبقي بخير
كارما بعياط = هو انت قولت ملاك ؟
- ايوا اية ؟ مش فاهم
= يعني هي اسمها ملاك
- ايوا اهدي يا كارما انا مش فاهم حاجه
كارما مسحت دموعها = انت تعرفها
ادهم حاول يكدب لحسن تاخد ملاك وتمشي خصوصا انه عرف انها هي الى كانت هترفع قضيه على عز عشان تطلق
- لا معرفهاش
الدكتور خرج وقالهم ان سكرها واطي
كارما بصدمه اكبر : عندها السكر ؟؟؟؟؟؟؟
الدكتور : ايوا
ادهم : طب انا هنزل اجيب حاجه
ادهم طار بسرعه الصاروخ على القصر عشان يجيب عز اما كارما دخلت لملاك واول ما شافتها حضنتها
ملاك استغربت : انا كويسة متخافيش
- ملاك ؟
ملاك : اية دا عرفتي اسمي منين
- انتي تعرفي واحد اسمه ادهم ؟
ملاك اتنفضت من مكانها : أ.. ادهم!! ادهم مين؟
--------------
ادهم وصل ودخل جري وهوا بينهج عز بصله بستغراب
ادهم وهوا نفسه بيروح - كلمتك خمسين مره
عز : مالك انت كويس؟
- ملاك
عز قام : ملاك !؟ لقتها !
ادهم : ايوا يلا بسرعه وهشرحلك فالسكه
عز خرج معاه بسرعه جدا وكان هو الى سايق وحرفيا بياكل الطريق من كتر السرعه
______________
- ردي ادهم مين ؟
= واحد خبط عربيتي من فترة وشوفته عند المحامي وهوا الى شالك وجابك هنا
ملاك افتكرت اما عز حكالها عن الحدثه الى ادهم عملها مع واحده برقت بعيونها وقامت بسرعه
كارما : اهدي اهدي في اية !! انتي لسه تعبانه !
- راح فين ؟ اكيد راح يجيبه ! انا لازم امشييي
= انا مش فاهمه حاجه يجيب مين
- يلا بس نمشي عشان خاطري يلا
= مينفعش بقولك انتي تعبانه ومحتاجه نظبط السكر بتاعك
- طيب هنجيب العلاج لما ننزل انا عارفه هعمل اية بس يلا
ملاك نزلت وعند باب المستشفي بالظبط كانت شايفه عز بينزل من العربيه اتصمرت مكانها و عز مكنش مصدق انوه شايفها
