رواية جارتي الفصل الرابع بقلم جمانه السعيدي
رنده...استمرت علاقتي بحنيين معتنيه بيه اكثر من
خواتي
اي شي احتاج بس اتصل عليها
حتى استغنيت عن امي
هي خادمتني
حتى راحت وياي اخذت سونار طلعو ولد ثنيينهم
بس طلعت من العياده اتصلت على احمد بشرته
وبعدين اتصلت على امي وخواتي
يافرحة احمد ماتنوصف
كل شويه متصل لاتعبين نفسج لا تتحركين
خلي حنيين يمج خاف تحتاجين شي
بس اكو شي تغير بحياتي ومااعرف السبب شنو
احمد مو مثل قبل كلما تجي رساله يكمز
لازم تليفونه ٢٤ ساعه
احسه قلق ما مطمن
اسئله شبيك يكول ماكو شي تعبان عدنا ضغط بلعمل
وتعبان
مرتين لزمت تليفونا من يدخل للحمام بس لكيته مغير الرمز
يعني ماكدرت افتهم شنو الموضوع
رنده...احمد حبيبي ممكن افتهم شبيك
احمد...شبيه مثلا
رنده...متغير حيل مو مثل قبل من تكعد يمي عبالك
بغير عالم
احمد...مابيه شي بس شوية ضغط عمل وهم قلق عليج
ماعاجبني وضعج هذا
صايره ثكيله
رنده...صح اني تعبانه بس امي وحنيين ماعايفاتني
بس وضعك قالقني
احمد....مابيه شي لا تخافين محتاج شوية وقت وارجع طبيعي مثل قبل واحسن
رنده...براحتك حبيت اطمن عليك
احمد....بس تخلص مدة الإيجار ننتقل منا بعد خمس اشهر وتخلص المده
رنده...ليش ننتقل خوش مكان
احمد...احاول ادور بيت يم اهلج حتى اكون مطمن عليج اكثر
رنده....براحتك
جمانه السعيدي
رنده....احمد اريد هديه حلوه الحنيين واكفه وياي وجاي تساعدني
احمد...مثل شنو
رنده...مااعرف كون شي حلو ومميز لان مااجازيها
لو اختي ما توكفلي هيج وكفه
احمد...شوفي شنو تردين واني راح اعوفلج فلوس
لو تنتظرين من اجي نهاية الأسبوع واخذج نطلع نشتري اي شي تردي
رنده...اني صايره كلش ثكيله حتى رجلية مرمات
احمد...حبيبتي ارتاحي حاولي ترفعين رجليج
خلي مخده جواهن
بلكت يخف الورم لو تردين اخذج الدكتورتج
رنده....خليها نهاية الأسبوع من تنزل
حنيين...شو ضايجه شكوووو
رنده...وضع احمد ماعاجبني يكول من تخلص مدة الإيجار ننتقل يم اهلج
حنيين...يعني تكعدون بيت اهلج
رنده...لا ناجر بيت يم اهلي
حنيين...ليش
رنده...ماادري هليام وضعه حيل ماعاجبني دوم شارد ويصفن ولازم تليفونه
حنيين.. زين شوفي تليفونه
رنده....مغير الرمز
حنيين...مغير الرمز يعني مو خالي
رنده...شلون يعني
حنيين...يعني عنده وحده ليش غير الرمز
رنده...يااا عود صدك
حنيين...اذا ماعنده شي ليش غير الرمز
رنده...اي ولله تليفونه بايده ومايعوفه ابد
بس شلون هو ماغير معاملته وياي ابد نفس الحب والاهتمام ويخاف عليه
من يروح للدوام كل ساعه يتصل ويحجي وياي ولا مره اتصلت وطلع مشغول جمانه السعيدي
حنيين...ولو ليش غير الرمز
رنده...ايجوز يخاف على تليفونه بلدوام وغير الرمز
حنيين...من يجي اطلبي تليفونه بحجت تخابرين امج وشوفي اذا اكو شي يقلق بلموضوع
رنده...انتي جاي تشككيني بي واني واثقه منه
حنيين...اني مالي علاقه اني كتلج التحليل المناسب الحالة زوجج اني مااريد اخرب بيتج
بلاخير هذا زوجج وانتي تعرفي اكثر مني
على العموم إذا كلامي يضايقج بعد لا تحجين بهذا الموضوع وياي
رنده....شلقصه زعلتي شنوووو
حنيين...لا مازعلت على شنو ازعل
رنده...بيني وبين نفسي قررت اسوي مثل ماكالت حنيين
ادور تليفون احمد
بس اني مااريدها تعرف اني شاكه بزوجي
مهمه يكون هي غريبه واذا كانت صديقتي هم لازم
احافظ على علاقتي بزوجي
بقيت منتضره احمد لمن نزل
بلبدايه خليته نام وحاولت اكثر من عشر محاولات
حتى افتح تليفونه بس ماكدرت
بعدين من كعد كتله تليفونه صاير صوته ناصي
حيل اذا واحد يتصل عليه مااسمع زين
اريد تليفونك اتصل على امي
احمد ...جيبي تليفونج وجيبي ابره لو دبوس اني انظف السماعه اكيد داخل بيها تراب
رنده...اي اجيبلك تليفوني بس علما تنظفه اريد تليفونك
انطيته تليفوني وهو انطاني تليفونه
رنده...افتحه
اني جنت كاعده مقابيله على الجربايه ماكدرت اشوف الرمز
انطيت اتصال وطلعت برا الغرفه
طلعت من الاتصال ودخلت على الواتس كلشي مالكيت
بس اكو رقم محضور بي رسالتين ممسوحات
رجعت على الماسنجر
اكو صفحه باسم السماء الزرقاء دازه كم رساله
هو ماسح الرسايل ومنطي الرقم حظر
احمد...رنده تعاي تليفونج كمل
رجعت للغرفه انطيته تليفونه بس كلشي ما حصلت
مو معقول اسئله ليش حاضر هذا الرقم
وليش ماسح الرسايل
ايجوز شخص عادي ايجوز واحد مزعج
مادام مالكيت شي ليش اخرب حياتي احمد زين وياي
بعد مااسمع كلام حنيين
حنيين ضايجه من التجربتين الفاشلات الي مرت بيهن
وتشك بكل الزلم
اختفت حنيين مثل كل مره من ينزل احمد
من رجع للدوام
رجعت اجت عليه
كلما نحجي عن احمد تحاول تشككني بي اجيبلي قصص على الخيانات الزوجيه
وكانما متعمده تزرع الشك بنفسي
بسببها كمت اراقب احمد اكثر واكثر
كمت اشك خاف صدك جاي يخوني بس المشكله
اذا يحب وحده غيري ليش مجاي يتغير عليه
يعني من ينزل من الدوام لمن يروح مكابلني وكاعد
بس يطلع يجيب مسواك
لو نطلع اني ويااا بس تجي رسايل على طول
وتليفونه بايده واحس فكره شارد
جمانه السعيدي
هلمره من وصلت الشهر الثامن حيل اتاذيت
كمت مااكدر اوكف ورجليه حيل ورمن رحت يم امي
حتى ابقى نايمه مااتحرك
اتصلت عليه حنيين انطيتها عنوأن بيت اهلي
اجتني البيتهم تطمن عليه
مره جابلتي كليجه ومره حلاوه
منا لمن دخلت اول يوم بلتاسع احمد اخذني للدكتوره
كالت وضعها حيل تعبان لازم عمليه بسرعه
حتى نحافظ على حياتها وحياة أطفالها
حنيبن...هااا رنده شكالت الدكتوره
رنده...كالت عمليه باجر الصبح عمليتي
حنيبن...تردين اجي وياج
رنده...لا مااريد اتعبج وياي احمد وامي واختي
حنيين...زين اذاتحاتجين شي اتصلي عليه
رنده...دخلت العمليات اول مااخذت المخدر ماادري بلدنيا وين ماوين الحد مافتحت عيوني شفت احمد كدام
بس بعدني مو واعيه كلش
احمد.. الحمد لله على السلامه ام علي وابراهيم
رنده...وين اولادي
احمد...بلخدج بس اطمني وضعهم مايخوف
راسا رن التليفون
احمد...هاي حنيين تتصل عليج
رنده...رد عليها طمنها
احمد....الوووو الوووو حنيين الووووو انسد الخط
رنده...هااا
احمد......يمكن ماتسمع صوتي لان ماردت عليه
رنده...اني اتصل عليه بس اتحسن شويه خطيه يمكن قلقه عليه ايجوز ما تصبر هسه تجي وراي
شكرا لزيارتكم عالم روايات سكيرهوم
