رواية المتمرد والصغيرة الفصل الثاني والخمسون 52 بقلم رسل

_____

سؤال انتَ منو ؟

- أنا المتعبينة الـ بحجة نحبك باگو سنينة 

اي يعني منو ؟

- وياك ابو الوگفات الردوهن عليهْ سچينة سچينة 

گلبك مالة واهس ؟

- گلبي چان بخير بس الـ ينطگ يحير بنياشينية 

على گلبك اسم الله 🥺♥️

- اسم الله ع العافو فدوة الهم و اذا دگاتة مو زينة ؟ 

______

- اروحلچ فدوا انتي ويا 

.. رجعنة للبيت گال كليلهم گالت ممبين بعدة گتلهم صدگو صعدت بدلت و نمت هوَ طلع كعدت على ايدة تمشي على بطني 

- هسة مو نايمة 

- هسة انا وياج جاي احچي وي ابني 

- هاي بعدة مجاي و هيچ تفضلة علية 

- دنچبي لچ ياهو مفضلة چا هو منو امة 

- اكلك شي بس متصيح 

- لا اصيح نامي ماريد اي موضوع 

- دوخر يلا 

- احچي شتردين يلا 

- ماريد بعد يلا كلشي ما احچي 

- اذا مشتهية كتلة گولي بدون مقدمات ترى اعرف دروبج 

- اي دمد ايدك و شوف 

.. لزمني من زندي و گعدني هزني حيل 

- اي بوية ششوف 

اديان : عود ردت ابوسك شبيك 

ابو فهد : هههههههههه دباعي وجهج الصار اصفر گومي غسلي وجهج شو گومي 

.. وخرت من يمة و رحت للمغسلة غسلت وجهي ورجعت بس سويت روحي ضايجة حتى متحصرني الضحكة 

ابو فهد : شو بلة باوعيلي لا لا شوية احسن 

اديان : هسة لتاكل راسي غير عبالي راح تضربني 

ابو فهد : و انتي اذا مو گدها و تدرين بروحچ تنضربين ليش تطولين لسانچ 

اديان : اذا متسد الموضوع والله اطلع هسة 

ابو فهد : انچبي و تعاي نامي يلا 

.. مد ايدة و حطيت راسي عليها 

- شردتي تحچين 

- بعدين اگلك 

.. كعدت الصبح لگيتة نازل غسلت وجهي و نزلت ستوهم يردون ياكلون گعدت يم فدعة 

فدعة : صح النوم حبيبة 

.. ابتسمتلهة 

فدعة : چا ما تعرفين تردين بحچاية حلوة يالعوبة 

اديان : مادري شگول 

.. گامو يضحكون .. 

سليمة : چا شو خوالچ بعد ما بينو 

اديان : و انتي شعليچ 

الحجي : هسة هي شحچت وياچ هم على كيفچ بوية 

اديان : ما اطيقها گوة 

ابو فهد : كافي سدو الموضوع 

.. دگ عليه تليفونة 

الوو .. هلا بعد اخوك .. لا اله الا الله يلا بالريش خوية خو ما تأذيتو .. سلامات بوية سلامات ...ها اي هلا بيكم .. لالا البيت بيتكم صدگ چذب .. لا بوية انا اطلع و انتو تبقون شتحچي انتة .. الله وياك 

زيد : خير خويةً

ابو فهد : امشو بيت حجي داوود محترگ بيتهم 

الحجي : لااا ميستاهلون والله 

.. الظهر خابرني 

- ها بوية شونج 

- زينة و انتة 

- زين بعد ابوج بس اطيني ام سراب 

- اي هسة 

.. اخذت التليفون و انطيتة الها 

ها خوية .. اي صار .. صار صار تدلل 

اديان : شيريد 

بشرى : يكول فرغي الغرفتين الي بالطابق الثالث و فتحي الغرفة مالة افراح ذولة المحترگ بيتهم راح يگعدون يمنة چم يوم 

اديان : شنو ماكو غير بيتنة 

بشرى : هو اكبر بيت بالسلف و ميصير يخليهم يرحون يأجرون چا الدنيا مواقف و يعتبروهة عيب واحد يروح يأجر و اهلة كلمن كاعد ببيتة 

اديان : هااا 

.. صعدت هي و سليمة ينضفن الغرف الفوگ و اني ضليت كاعدة يم فدعة ورا شوية اجوي زلم تلاثة و مرة چبيرة مثل فدعة و اربع نسوان و اثنين ولد صغار .. 

بشرى اخذت البنات و صعدتهن و الزلم طلعو بالديوان و الحجية كعدت يم فدعة قدمتلها مي و چاي و اجة زيد اخذ للديوان مي و چاي صعدت فوگ لگيت بشرى و سليمة يسولفن وي البنات 

طبيت لغرفتي ضليت العب بالتليفون ورا شوية اندگ الباب فتحتة طلع فهد 

- ابوية يگول لتنزلين هو يجيبلج غدة 

- ماشي 

شوية و هم اندگ الباب اجة فهد جايبلي لفة و ببسي اخذتهن من عندة اكلتهن و اجيت انام انفتح الباب و دخل هوَ 

ابو فهد : شونج ابوية انتي 

اديان : زينة بس ليش ما خليتني انزل 

ابو فهد : مو چانو الولد گاعدين بالصالة ويانة

اديان : شو اني ذولة مشايفتهم قبل 

ابو فهد : لج هم هَم ابوهم الله يرحمة ابن عم ابوية بس ذولة فقرة حتى ما ينسمعلهم صوت بس هي توگع بالفقير دومها 

اديان : وهاي اني اضل ما اطلع شنو 

ابو فهد : تحملي هن اكثر شي اسبوعين 

اديان : لعد مو هاي بشرى و سليمة يطلعن 

ابو فهد : اي انا ما ارضة انتي تطلعين 

اديان : مو سالفة هاي ترى 

ابو فهد : بدون لغوة هسة طفي الضوة خل ننطمرلنة ساعة 

اديان : عود تتغير انتة لا والله لو مدري منو يجي 

ابو فهد : يعني الا اضربج و اخليها كلها تضحك عليچ 

اديان : اول شي ما عاش اليضحك علية شي ثاني تريد تضرب اضرب ما خايفة منك 

ابو فهد : الصبرررر يهل الصبر انهمدي بوية والله اقسي وياچ 

.. عفتة و تغطي ونمت العصر كعدت هو نايم عدلت شالي و نزلت لگيتهن كلهن كاعدات بالصالة سلمت عليهن و كعدت يم بشرى 

حسينة : حليوة مرت الشيخ الله يحرسها بس نويعمة 

فدعة : چا هي صغيرة توهة طبت العشرين 

غفران : چا ليش قبلت بي 

سليمة : فصلية حبيبة فصلية 

بشرى : چا ما سامعة گبل 

غفران : لا سامعة بس نسيت 

حسينة : بيچ وليد لو بت يحبوبة 

اديان : ممبين خالة بعدة 

حسينة : الله يتممهة عليج ان شاء الله 

.. شوية و دخل رجال هيج اصغر من ابو سراب 

عادل : السلام عليكم 

.. كعد يتشاقة وي امة و فدعة ورا شوية دخلو اثنين زلم بعد ووياهم زيد و ابو سراب اني گلت خل اصعد لا انكتل اول ما صعدت اول درجة هو نزل باوعلهم من المحجر و اشرلي تعالي 

تشاهدت و صعدت وصلت يمة لزم ايدي و دخلني للغرفة 

ابو فهد : لججججججج انتي والله سا*** من اگلج شغلة ممنوعة هيج هيج لازم بالعناد تسويها متكدرين تلزمين روحج 

اديان : ستوهم دخلو والله 

ابو فهد : بت الگو**يد مو گتلچ ماريدهم يشوفوچ كتلج لو لاااااا 

اديان: كتلي 

.. ضربني راشدي 

اديان : ديلا ارتاحيت وخر 

ابو فهد : اني ادري بيچ شتريدين تعلميني بيچ 

.. راح للكنتور طلع الكلبچة سحبني من ايدي للشباك عاد بية هذيچ المأساة 

اديان : ترى ماسويت شي والنبي ليش هاي الحقارة 

ابو فهد : ضلي على هاي گعدتچ و من تردين عود دگي علية 

اديان : الله ياخذ عمري و يخلصني منك ان شاء الله 

.. طلع و قفل الباب هسة اني شسويت هي بس نزلت شنو سجن خو ما سجن لحد الليل بقيت كاعدة نوب جوعانة و ماگدر ادگ عليه احس كرامتي تطيرر 

لحد التسعة بعد ما تحملت دگيت عليه اول مرة ما جاوب بعدين هو دگ 

ابو فهد : هااا

اديان : اكرهككككككك 

ابو فهد : هسة داگة على هاي 

.. سديتة بوجهة 

كلت هسة يجي ما اجة رجعت دكيت عليه 

ابو فهد : فضيني 

اديان : امشي طلعني يلااااااا 

- راح انعل والديج نصي صوتچ 

- امشي يلا طلعني تعبت 

- تكسرين الحچاية بعددد 

- ايييييييييي 

سد الاتصال ورا شوية سمعت باب الغرفة انفتح 

دخل لازم علاگة حطهة على الميز 

و اجة گعد بمستواي 

ابو فهد : هسة تكسريها لو لا 

اديان : اي اكسرهااا 

ابو فهد : چا خوش بعد ابوچ 

.. دخل يسبح و طلع ينشف بشعرة نزلت راسي بعد ما باوعتلة 

اجة رفع وجهي .. ما تخسرين شي ترى و انتي الرايدتها لروحچ 

باوعتلة و ضليت ابچي 

ابو فهد : هاي اخر مرة تكسريها لو لا 

.. هزيت راسي ب لا 

ابو فهد : من الاول و صيري هيج عاقلة 

فتح ايدي و رفعني من الگاعد حطني على الچرباية 

اديان : جوعانة 

ابو فهد : ادري 

راح جاب العلاگة انطاني لفة همبرگر و فنگر 

ابو فهد : طالع فد ساعة و اجي اذا شفتچ نازلة تعرفين ما داعي احچي 

.. تعشيت و سبحت و نمت مر اسبوعين ميخليني اطلع من الغرفة بس من يطلعون ذولة الزلم و همَ ميطلعون هواي 

انطاهم فلوس يرممون بيتهم اني حتى على البنات الجايات وياهم ما تعرفت اصلا ما حبيتهن مبينات عگارب بس حبيت الحجية 

ضلو يمنة شهر كامل و رجعو لبيتهم و اخيراً خلصت 

زيد : يا يابة اديان حتى مشتاقيلچ ادري وين مختفية 

الحجي : صدگ بوية ابو فهد انتة شني بطلت من دوامك 

ابو فهد : اي عفتة مالي خلگ بعد و وكت ماعندي قدمت استقالة 

ابو سراب : خوية بس على طاري الزواج 

ابو فهد : ام سراب انتي راضية بوية 

بشرى : اي خوية حگة 

ابو فهد : هايهية فدعة خطبيلة وحدة من بنات عمي امجد 

الحجي : اختهن مو ناهبة 

ابو فهد : جااااا هنَ شلهن غرض اختهن ادبسزززز 

.. ثاني يوم راحن سليمة و فدعة و بشرى يخطبنها راح تخبلني بشرى شنو من قابلية عدها و گالو موافقة البنية وراح عقد عليها و سوالهم ابو فهد يوم واحد حنة و عرس البنية عمرها 23 بس بشرى احلى منها بهواي 

.. چنة گاعدين على الغدة 

الحجي : بوية اضنكم ناسين اخوكم علي من اخذ مرتة لبغداد لليوم محد منكم ذكرة 

ابو فهد : احنة الكبار لو هوَ غير ابنك مطي يمشي ورة مرتة شتگلهة يگللهة تم و مرات يخابرني على فلوس هو بس على المصالح يسئل 

زيد : انا ويا نتخابر دوم و يسئلني عليكم 

اديان : اني حتى ستوني تذكرت عدكم اخو والله 

ابو سراب : ههههههههه هو هذا من چنة صغار ما يحبنة مو النوب من كبر و تزوج 

.. صرت بالشهر التاسع و اني شكلي يضحك زهراء جابت بنية و حوراء هم بيها بنية و مرت ابو سراب فاطمة حامل 

ابو فهد : حضري روحچ اليوم العصر اخذج جهزي الطفل 

.. صدگ العصر رحنة جهزت ملابس الطفل و اشتريت الي ملابس و رجعنة 

اديان : زين اكلك شي بس متصيح 

ابو فهد : كولي يابة 

اديان : زيد ليش ميتزوج 

ابو فهد: ماراح اخليها بگلبچ بس اذا طلعت اكسرچ وروح امي

اديان : لا والله ما اكول 

ابو فهد : قبل لا تجين انتي للبيت بسنة هو چان بالخارج ف مرة اندعم هناك و شهر اني اربع الدنيا علمود اعرف عنة خبر بعدين دزيت جماعة الة گالو نايم بالمستشفى مكسرة ايدة و رجلة

و اني سافرت ورحتلة صار زين و گام على حيلة بس الدكتور گالة تنسى شي اسمة جهال و هواي حاولت ويا بس ما قبل گال ما اخذ بنية و اضلمها وياي 

بس متزوج اثنين متعة لسة ما طلگ وحدة منهن عاجبتة السالفة 

اديان : عزا حتى اثنين مو وحدة 

ابو فهد : ههههههههه اي 

اديان : بس خطية والله 

ابو فهد : بعد الله كاتب هيچ 

.. رجعنة للبيت ورا يومين جنت نايمة بالليل گعدت على وجع ببطني 

مديت ايدي على صدرة اكعدد بي 

.. راح طلع صاح على بشرى و اجتي يمي حطت العبا على راسي و اخذني للمستشفى و اجتي هيفاء شكد اتمنيت امي بهاي اللحضة جانت اصعب لحضات بحياتي بس نسيتهن من سمعت صوت الطفل 

ابو فهد سمى صگر ما اعترضت او شي على الاسم لان اني هم عجبني طلعت من المستشفى و اني احس ملكت الدنيا صار عندي طفل و سند للمستقبل 

كامو يجون خطار و كل شوية جاي زيد شايلة و مطلعة يكول يردون يشوفو و يرجع منين ما الزمة متروس فلوس ههههه 

و فهد فرحان بأخو كل شوي و يجي يگلي بعد شكم سنة و يسجل بالاول 

صار عمر صگر شهرين خليتة يم بشرى و رحت وي هيفاء