رواية المتمرد والصغيرة الفصل الثالث والخمسون بقلم رسل
_____
انا الك للشيب
لايام المصايب
انا الك دنيا و حبايب
_____
2019 شهر الثاني گعدت الصبح ابو فهد نايم يمي و صگر بيناتنة
كعدت غسلت وجهي و حطيت مخدة بمكاني حتى صگر ميوگع و نزلت لگيت بشرى و سليمة يسون ريوگ
اديان : صباح الخير
بشرى : هلا حبيبة
... شوية و طلعت سليمة الحية راحت تكمل نومتها حتى احنة نصيحلها على الريوگ
اديان : اني بس اريد اعرف شلون قنعچ و قبلتي تبقين ويا و هو متزوج
بشرى : خية حقة چا يريد واحد يشيل اسمة
اديان : وسراب لعد
بشرى : خايبة يريد ولد ولد يسمو ابو فلان مو ابو فلانة
اديان : شنو هاي التفرقة و شبيهن البنات
بشرى : الله موجود خية و هو هم ما مقصر وياي لا حشة والله
فدعة : خايباااات ياهي الگاعدة اريدن كلاص امية
.. اخذتلها مي ورحت
فدعة : خايبة كعدت فحطانة ابوي هم اجاني بالحلم
اديان : شيريد منج ههههه
فدعة : كوميني شو كوميني عساها بحظ ابوي هاي الهبطة
.... كعدتها بالمطبخ و صعدت لگيت ابو فهد يلعب وي صگر و يدغدغة
اديان : يلا تعال تريگ
ابو فهد : هاچ ابنچ خل اغسل
.. اخذتة و نزلت لگيتهم خربانين ضحك
فدعة : ولكم كامشني من ايدي اگلة بوية هدني ما اريد يگلي امشي امچ تريدچ هسة انا ما اريدكم شني چلبتو
زيد : ههههههههه روحي وياهم خطية اهلچ ذولة
فدعة : من انعلبوك لابو اهلي لابو الساعة الاجيت بيها
ابو فهد : ها ها يا ستار
زيد : فدعة ابوها جايها بالحلم يسوحل بيها
ابو فهد : ادري هذا ما يهدچ شني سالفتة هههه
فدعة : نغ* ابن نغ* چا هو لو ما نغ* ما يسوحل بية يمهم يريدني اموت
...ابو فهد گام يگح و زيد و ابو سراب طگوها ضحكة
سليمة : من رخصتك ابو فهد نريد نحول انا و الحجي بغرفة افراح القديمة و هاي نسويها للكعدة
اديان : لا والله عذريني اني اريد اكعد على اشياء حلوة مو افتح باب الغرفة و الگاچ گبالي
زيد : مشتاگين وعلي
ابو فهد : لا يابة ضلو بغرفتكم عينكم على البيت جوة
فدعة : وهذا وين بي حيل صعدة و نزلة الدرج ما تشوفي گاضي لو براسچ شغلة يحبوبة
زيد : هلا يابة هلا
ابو فهد : انتة انچب ما دگلي شعدك حاشر روحك بسوالف النسوان
فدعة : چا غير محسوب من عدنة خلة يتدخل خلة
زيد : وانتي ياهو گالچ مرة حتى انتي زلمة
.. ضلو زيد و فدعة يتعاركون و احنة نضحك عليهم
راح هوَ للشركة و صعدت اخذت صگر گعدتة على الچرباية و اني انضف الغرفة
صار رمي قوي و قريب على بيتنة اخذت صگر و ركضت جوة لگيتهن كلهن وجوهن صفرر
- شنو شكو
بشرى : شمدرينة خية
.. ورا شوية دخلو زلم مسلحين ولابسين غترّ و وياهم بنية و رجال چبير صار صياح و الگراج انترررس زلم
ابو فهد : اول شي عيييييب على شواربكم تدگون السلف و حگ هاي الدگة اخذة مربع منكم احچي بوية شني قصتك
: بوية هاي بتي رجلها شهيد يصير اخوهم مسجل البيت بأسمها هو خمسين متر يريد واحد منهم يتزوجها حتى ياخذون بيتها
- البيت بيت اخوية و احنة النة حق بيت اخونة
ابو فهد : رجلها مسجلة بأسمها انتة ياهو مالتك
- اني اتزوجها مالك غرض خليك بعيد
ابو فهد : اطلع من السلف بكرامتك و جيب عمامك و تعال لا اطلعكم بعبي والله
- خوش رايحين بس هاي ما ينسكت عليها
ابو فهد: جايني تهدد شنيي بوية انتة و الوياك ازين شواربكم بالقندرة
.. طلعو بقو ولد عمهم و البنية دخلت للصالة حلوة و عمرها بالعشرين هيچ كعدت يم فدعة و فدعة تسئل بيها
الظهر تغدو بالمضيف وي الرجال و البنية كعدت يمنة شوية و دخلو همَ
ابو فهد : يابة ابوچ يريدچ بالديوان
.. راحت و هم كعدو بالصالة
فدعة : شني هاي الطرگاعة الله يساعد البت
اديان : خل يتزوجها حماها يرادلهة روحة للقاضي لو هم تريد تصير نادر ترى حافضيهن
ابو فهد : لا اله الا الله ردينة
زيد : لا لچ ميصير نطيها صارت دخيلة عد الشيخ هي و ابوها
الحجي : چا شتسوي يبوية
ابو فهد : مادري مادري دايخ
الحجي : اعقد عليها و خلها تحول البيت بأسمك و من تشوف الوضع يهدة رجعلها البيت و طلگها
اديان : ويعني هسة حليتها مووو صرت شريف يعني تزوج بالعالم بكيفك متزوجها لمحمد لو لزيد لو تخافون بس هاي اديان يابة ياهي شاردة و ميت رجلها تنشمر براسها بعدين يتزوجها و يطلكها شسويتو هم يرجعون عليها ياخذون البيت
ابو فهد : راح اكوم انعل والديج و علي
اديان : الله ينتقم منك و منكم ان شاء الله اذا سويتها صدگ والله مابيكم و لا واحد شريف تنقهرون على العالم و اني متنقهرون علية و ابني يبقة الي و انتة خلي هاي تجيبلك طفل
.. لزمتني بشرى من ايدي و صعدتني للغرفة
بشرى : ولج انتي شبيج ثولة تضيعين حقج بيدج اكو وحدة دكول لرجلها مو شريف مو تدرين بي من يعاند يسوي الشغلة غصباً ما على راسج يمعودة ستري علينة
.. ضليت ابچي و حتى صگر عفتة جوة ما صعدتة ورا شوية دخل هوَ و شايلة
اديان : جيب ابني يلا و امشي اطلع تلعب نفسي منك گامت
.. ضربني راشدي وگعت على الچرباية ضليت لازمة خدي خلة صگر بالچرباية مالتة و قفل الباب و اجة علية
ابو فهد : ماردت اهينچ گدامهم اني مو شريف مو
اديان : اي مو شريف و ولا واحد بيكم شريف يومية جايبلي مرة للبيت هاي بس انتة صرت شيخ بس انتة بس وحق الله انتحر و حق الله
ابو فهد : محد يخسر غيرج و غير ابنچ يصير يتيم
اديان : زين اني بيمن مقصرة و ياك و تتزوج
ابو فهد : لججج غير دخيلة عندي و بيتي شلون اكللهم مالي غرض چا شني وجودي انا مو شيخ
اديان : خلي واحد من اخوتك لو ولد عمك مثل ذيج المرة
ابو فهد : هايي سالفة ما تشبه ذيج حتى ادعبلها براس ياهو الچان هاي مو ياهو اليجي يتحمل اليصير بعدين يجوز انكتل
اديان : عادي موووت بس متتزوجها والله متتزوجها
ابو فهد : كافي هسة باچر نشوف شلون تنحل
اديان : يعني يجوز تتزوجها
ابو فهد : يجوز
.. حضنتة حيل .. عليك القران لتتزوج انتة كلبك مينكسر علية
ابو فهد : لج وروح امي مو بيدي كل عقلج انتي اجيب وحدة فوگاچ و انا راضي بس مجبور اخطي هيج خطوة لان السالفة صارت ثارات
اديان : لا متتزوج والله متتزوج اني ادري متتزوج
ابو فهد : لا اله الا الله ربييييي الصبرررر
.. عفتة ورحت نيمت الطفل و هو نام غطيت راسي و ضليت ابچي يربي سوي شغلة يخلي ميتزوجها اني وين اروح اذا صدك صارت و روحي متعلقة بأبني اوووف يربي شوكت ارتاح
لحد الليل يلا نزلت بس ما احچي وياهم كلهم وكلت ابني و صعدت حتى ما غسلت مواعين العشة سبحتة و ضليت العب ويا لحد العشرة نام اخذت التليفون ضليت العب بالتليفون لحد ما نمت
كعدت على حركة ايدة تمشي على خصري و خرتهة
اديان : وخرررررر يلا
ابو فهد : صوتج لا افلش سنونچ بحلگچ
اديان : هي بس هاي الفالح بيها
.. لزمني من ايدي و دار وجهي الة ضربني راشدي
اديان : وخررررررر
.. لزم خصري منا و منا و ضغط عليه حيل شاغت روحي
اديان : اخخخخخ وخررر
ابو فهد : ليش متتأدبين
اديان : وخررررررر يلا الله ينتقم منك ان شاء الله فددد اكرهك
... ضربني على حلگي و طلع من الغرفة
ضليت للصبح ما نايمة و حتى للريوك مانزلت ب 11 سمعت صوت زلم باوعت من الشباك دخلو شيوخ كومة
نزلت جوة شوية و اجة زيد گال للبنية يردوچ
اديان : راح يعقد عليها مو
زيد : لا
اديان : لعد شنو
زيد : مادري بعدهم ممتصافين
... راحت البنية و صار صياح بالگراج
زيد : چاي بساع راح يرحون
.. بشرى انطتة الچاي .. دخلت البنية ورا شوية دخلو كلهم
اجة علية لزمني من ايدي و طلعني للديوان
ابو فهد : باعي و روح امي ما اتقربلهة بس تخلص فترة الزواج و اطلگها مو بيدي و داعت عيونچ
اديان : عادي و اذا شيخ و من حقك
ابو فهد : شنو شبيج
اديان : مابية رجلي تزوج قابل شكو بيها
.. عفتة و طلعت من الديوان اخذت السچينة ضربت ايدي من يم الوريد بعد ما حسيت بشي ...
فتحت. عيوني اني بالمستشفى ايدي ملفوفة و بيها كانونة و مغذي فوگ راسي
هيفاء : ولچ ليش لو ميتة چان شحصلتي .. تعالو گعدت
زيد : شبيج اديان جاهلة شنو تنتحريييييين
.. هوَ واگف وجهة احمرر و عاقد حواجبة ما حچة شي
- محاولة انتحار مو
ابو فهد : تعال انا اوضحلك
.. طلعو برة و گالت الدكتورة يخلص بطل المغذي يلة تطلع
ساعة و رجعنة للبيت يربي لو تنصفني لو تاخذني يمك عفتهم و صعدت فوگ اجتني هيفاء
هيفاء : شجاج حبيبة هيج روحج رخيصة تدرين بي مجبور و تدرين بي يحبج و تدرين راح يطلگها و تدرين ما عندچ غيرة
اديان : ماكو جديد نفس الشي ترى هم وگفتي وي اخوچ ليش تحسسوني الزواج لعبة اذا عدچن عادي اني لا مو عادي
هيفاء : ولج والله وياج انا مو ضدچ بس تحملي شتسوين جبتي هاي الاربع سنين صابرة عليه و على ضربة ما تتحملين ست اشهر
اديان : خلي يطلگني ما اريدة
هيفاء : بطرانة حبيبة شو نامي دنامي يا بعد بيتي
لحد الليل ما نزلت بس اجة فهد جايبلي لفتين فتحت الباب و نزلت لگيتهم كاعدين بالصالة
اديان : وين ابني
ابو فهد : يا ابن هذا
اديان : ابنيييييي وين
.. اجة علية سحبني من ايدي و صعدني للغرفة
اديان : ابني وين
ابو فهد : چا من انتحرتي ما فكرتي بأبنچ
اديان : كلة من وراك انتحرت والله من وراك اريد ابني يلا
ابو فهد : من اشوفج تأدبتي و تمشين عدل و الصوت يگصر افكر اردلچ ابنچ لو لا
اديان : لا عليك القران اريد ابني زين وين هوَ هسة
ابو فهد : يم انتصار الانتحرتي من وراها
اديان : لعد فوگ ما تزوجت علية تعاقبني بأبني والله ما صايرة هاي قبل
ابو فهد : ضيعتي حگچ بعد ابوچ انتي هم لو ميتة چان هي ربتة يعني شي ميستاهل ترى
اديان : ما اسوي شي والله بعد بس رجعليا
ابو فهد : مو هسة من تتأدبين وعد زلم اردة الچ
اديان : لا والقران يتعود عليها شبيك حباب اريد ابني
ابو فهد : چان فكرتي بعد ابوچ محد جابرچ
.. طلع و قفل الباب من برة
اسبوع و ما فتحلي الباب و لا شفت ابني بس يحط الاكل على الميز و يروح
دگيت عليه
- ها جوعانة
- عليك الله لتسوي بية هيج والله ما اعيدها بعد اريد ابني انتة مو تحبني
- جنتتت احبج هسة لا بوية
- عادي لتحبني بس رجعلي ابني بروح امك متحس بية انتة صارلي اسبوع مشايفتة
- ابنج بالحفظ و الصون لتخافين
.. سد التليفون
خلص شهر و اني نفس الحالة احس صارت بية حالة نفسية من الكعدة وحدي
جنت كاعدة بالليل العب بالفون انفتح الباب دخل هوَ ركضت حضنتة
اديان : عليك الله مشتاقة لابني والله راح اموت
ابو فهد : ما بقة شي ما بقة
.. وخرني من حضنة و دخل سبح و نام على الچرباية
سحبني لصدرة
ابو فهد : مليتي مو
.. گمت ابچي
- اشششش اشششش كافي يلة
- حباب جيبة الي والله بعد ما اسوي شي
- اسبح و اجيبة الچ
... ضل يبوس بوجهي و رگبتي شگد حسيتة مشتاقلي لعد ليش هيج يسوي .. وووووو
دخل سبح و اني دخلت ورا طلعت ما لگيتة فتحت الباب لگيتة مقفول دگيت عليه
- هااااا
- يلا وين ابني
- بعدني شايل عليچ من احس روحي ارتاحيت اجيبة الج
- لك شنو هاي الحقارة فوك ما تزوجت علية تحرمني من ابني من يا طينة الله خلقكككك فهمتي
- اعتبري روحچ انتحرتي و متي مو هذا الردتي لو انا غلطان
- غلطت والله بعد ما اعيدها
- ميخالف ميخالف هسة نامي و ارتاحي
.. انفتح الباب الصبح
دخل هو شايل صگر ركضت حطيتة بحضني نام على متني
ضليت ابوس بي ممصدگة
ابو فهد لزمني من وجهي يريد يبوسني درت وجهي ضغط على وجهي ودارة الة و باسني و طلع
سبحتة و بدلتلة و نزلت
فدعة : خايبة تعاي بسدي مشتاگتلچ عساها بحظك و بختك شلك عليها
.. سلمو علية كلهم ما جاوبت و لا واحد
رحت للمطبخ سويت بيضتين الي و لصگر و گعدتة على الكاونتر اوكل بي البنية ماهيَ ما شفتها و ياهم
خلصت و طلعت للحديقة نلعب اني و صگر ..
زيد : حياهم الله بوية
.. ماجاوبتة
زيد : بوية قافل الغرفة عليچ چا احنة شبدينة
اديان : مو يوم العلم اني اوگف وياچ و كلشي و لاتحطون گبالي بنية يتيمة
زيد : هو حلف ما يضربچ بعدين تستاهلين غير انتحرتي
اديان : ديلا هسة شعندك هنا
زيد : دباعي ابو فهد راح يطلگها بعد چم شهر و يبيع البيت و يسفرهم لسوريا
اديان : عسى ما لجهنم اني شكو
زيد : انخوك مو صوچچ صوچ اليجيبلچ اخبار بيها حظ
اديان : كلكم مابيكم حظ
زيد : هاي منتهين منها بعد اخوچ
.. طبيت جوة هو يحچي وي فدعة اجتي بشرى حضنتني گدامهم
بشرى : حبيبة و الله مو بيدنة رجلج حاط كامرات
اديان : العتب مو عليچ حياتي صعدت شفت البنية تگود بأبوها من غرفة افراح
عفتها و دخلت للغرفة الظهر دخل للغرفة هوَ
ابو فهد : و هاي خلصتي منها
اديان : ترى مو فلم هندي هوَ تحبسني و تحرمني من ابني شهر نوب تگلي خلصتي منها مو جاهلة كدامك حتى تضحك علية بحچايتين
ابو فهد : اول شي انا حددتلها وكت ينتهي بي الزواج هي و ابوها و انتي سويتچ چبيرة و فهمتچ اجيتي مثل الجهال اخذتي السچينة علمود تنتحرين بت الكلب اني لو ميتة چان شحصلت
اديان : باع هاي السالفة كلها ما دخلت براسي تطيني دليل انتة مطلگها مو عبالك زعطوطة
ابو فهد : جاي ناكل نعل خلينة نكمل بت الگو**يد
نهيتها گدام الشيوخ اعقد عليها و تصير مرتي و عقدت عليها ووافقت صارت لغوة و طلعو يصيحون بس ماضربناهم لان ضيفوف السلف و مايصير الضيف ينطگ
على اساس اعقد عليها محكمة بس اذا اعقد محكمة ست اشهر تبقة على ذمتي ماكدرت لان ادري بيج تموتين حسمتها وياهم اشتري البيت منها و اسفرهم لسوريا
اديان : لعد ليش طولت شهر
ابو فهد : چا هوسة محاكم و جيب و ودي و هم ردت اكسر راسچ
اديان : خوب هي ما راحت للشرطة لو فيكات لازم
ابو فهد : يضلون يلحگوها لازم شيوخ حتى تنسد السالفة من الجذر
اديان : وهسة تقنعني ميرحون يلحگوها
ابو فهد : عليمن يلحگوها هو البيت و اشتريتة
اديان : و اني هم اريد اتطلگ
ابو فهد : ههههههه انتي ليش متبطلين تحلمين بوية
من ذيچ دگايگچ ما طلگتچ
اديان : لعد من تحبسني شهر مثل الحيوان و ابني ما اشوفة و اضل اتوسل بيك هاي متفكر بيها بس تفكر ب اديان من انتحرت
ابو فهد : والله انقهر عليچ من اضربچ صاير و ما ردتچ تشوفيها بالبيت حتى ماا تردين لذيچ المأسات
اديان : يا مأساة منهن هن هواي ترى منك
ابو فهد : المهم ما عندچ غيري بعد ابوچ
اديان : شكد اناني والله فلا احبك
ابو فهد : ابنچ مني و تگولين ما احبك چا لو تحبيني شلون
اديان : اريد اكمل دراسة
ابو فهد : تؤ تؤ بعد ابوچ شذكرچ واصلة للثالث نعمة ما بيها شي
اديان : خارجي شبيك
ابو فهد : گطنة و شيليها من اذانچ و لا تجيبيلي طاري بعد
اديان : ديلا اطلع لعد
ابو فهد : مشتاگلچ
اديان : ما اريد اطلع لتلزگ
ابو فهد : هاااااه و من اجيب فوگاچ مرة تنتحرين
اديان : ما انتحرت علمودك انتحرت من الضيم الشفتة منكم
ابو فهد : لا وحگ علي انتي مو مال رحمة
اديان : اي ديلا
.. لزمني من حلگي
ابو فهد : چم مرة گايلچ بطليها هاي الحچاية چم مرة هااااا
اديان : ما ابطلها يلا
ابو فهد : سرررررراب
.. شوية و اجتي
- ها عمي
- شيلي صگر و نزلي جوة
- صار
.. اخذتة و طلعت هو قفل الباب
ابو فهد : هم تردين كتلة ترى وحق محمد ادري بيچ تعودتي
اديان : طبعاً اتعوددد من گد الضرب مالتك هسة اني راح يصيرلي خمس سنوات يمك ششفت منك غير الضرب و بس فالح تجيب نسوان عود صاير حلال المشاكل يعني
ابو فهد : متعود انا كل ما اتعارك وياج تعدين بالشينات لج اني شوكت ضاربج بدون سبب
اديان : كل المرات
.. فتح ايدة .. لچ والقران عطشان عليچ و ادري بروحي قسيت وياچ بس ما شفتي شكلي من شفتچ واكعة على طولچ يعني لو جاية الضربة گبل بالوريد چا هسة انا دافنچ و انتي تدرين شكثر اعشگچ
اديان : ماريد والله اني مليت منك
ابو فهد : لتكفريني منييييين مليتي غلطتي و عاقبتچ لو تردين هيچ اعديها الچ
اديان : ديلا هسة
.. اجة علية باسني من راسي .. وروح امي ما اريد اضربچ
حضنتة و نام على الچرباية نمت يمة
اديان : بس ما اريد
ابو فهد : هايهية بوية بس انهمدي
العصر نزلت جوة لگيت صگر نايم بحضن فدعة هو شوية و نزل هم هَم نزلو
فدعة : والله حرنة وياكم تتعاركون شهر تتصالحون بيوم
زيد : هسة دعوفيهم لخاطر الله اذا الله الة خاطر يمچ
فدعة : هم حچت الحرمة دخيلك يا ابا الحسن
زيد : والله مرة رچلچ نازلة بالگبر ناصبة سيطرة للرايح و الجاي
فدعة : مو طامة سوالف لا تخليني اكتهن
زيد : لا بعد بيتي البيت بيتچ تدخلي بين كل اثنين
سليمة : هالايام راسي يوجعني فدعة ما تقريلي عليه شوية
فدعة : حبيبة الله يساعد راسچ من الحچي على الوادم و السوالف السگط
الحجي : شني شجاج يمة يا سوالف
فدعة : لا تخاف بعد بيتي ما تطردك من الغرفة لا تخاف
طگوها ضحكة ...
____________
اديان مواليد 1999
شكرا لزيارتكم عالم روايات سكيرهومت
