رواية زهور بنت سلسبيل الفصل الخامس والخمسون
احلام تجول بالشقه ذهابا و إيابا تفرك ايديها بتوتر
تجلس تارة وتقف أخرى تحدث نفسها بعتاب.
أحلام / ياتري هو ال انا عملته صح ولا غلط طيب تسرعت بالرد ولا لا حالته دي وال حصله ده انا السبب فيه ولا الصدمة هي السبب هعمل ايه بس ياربي ياتري هو دلوقتي لسه مصدوم
ولا فاق يارب ساعدني يارب فينك يا زهور تجي تخرجني من الحيرة دي.
هنا تذكرت قد تاخرت عن موعد وصولها لتنظر علي الساعة المغلقة بالحائط
تجدها تجاوزت السادسة لتمسك بهاتفها تتصل عليها بقلق
وتوتر تضع الهاتف على اذنها تحدث نفسها
ياتري ايه ال اخرك يا زهور كدة استرها يارب هي كانت قايله انها هترجع من الجامعه علي اربعه ونص بالكتير ربنا يجعله خير
يارب ابعد عنها كل شر ووفقها دي تعبت كتير أوي.
انتهى الاتصال ولم تجيب لتعاود مرة أخري
بعد قليل وتقوم بالاتصال مرة أخرى،تخرج للشرفة بعد ما تم تجاهل الاتصال
تنظر بالطريق تتأكد من قرب وصلها .
زهور أجرت مقابلة العمل وعادت إلي الحارة برفقة إلينا
طوال الطريق شاردة لما تلك الروحنيه التي شعرت بها بهذا المكان الاسم المشابه لاسمها ذلك الاسم النادر عندما بحثت
عنه لم تجد سوى قله قليله يحملون علي مستوى العالم تتساءل
زهور/ مش عارفه ليه قلبي بيدق وايه الراحه ال كنت فيها
وانا بالفندق سهولة المقابلة والتعين بسرعه والاتفاق علي سعات العمل اربع ساعات بس اكون مسئوله عن جناح
خاص بس من كل الفندق وبعدها ارجع البيت.
إلينا تحدثها /زهور زهور سرحانه في ايه بقالي كتير
بكلمك وانتي مش هنا.
تنظر لها زهور دون رد لتكمل إلينا
يلا وصلنا الحارة وردي علي تليفونك
ال مش مبطل رن بقاله ساعه.
ترجلتا من السيارة تخرج زهور هاتفها من حقيبتها.
زهور/دي ستي بتتصل بقلك يا إلينا لو سألت ليه رجعين مع بعض قوللها اننا اتقابلنا اول الحارة بلاش تعرف دلوقتي موضوع الشغل وربنا يسامحني علي الكذبة دي لحد ما ابلغها وحده وحده لتضغط علي زر انهاء الاتصال ترفع عينها تجاه
المنزل تجد أحلام تقف في شرفة الشقة تنظر للطريق.
أحلام فور رؤيتها لزهور تقترب من المنزل برحت مكانها متوجهه ناحية باب الشقة تفتحه بلهفة
زهور صعدت سريعا الدرج وخلفها إلينا تجد احلام واقفه عند
الباب.
زهور /السلام عليكم واقفه كده ليه ياستي.
احلام /قلقت عليكي اتاخرتي اوي المفروض تكوني هنا من ساعتين او اكتر.
زهور/ بتهته كل يوم هتاخر كده المحاضرات اتغيرت موعدها وكل محاضرة هتكون تلات ساعات وفي عملي
وكده.
آلينا / إزيك يا خالتي أحلام شفاف انا ولا وخده بالم مني زهور بس ال تكلميها إلينا هواء ولا كأنها وقفه بقالها ساعه تقولك ازيك يا خالتي.
أحلام /ازيك يا إلينا معلش بقي دماغي مش فيه بس غريبة يعني راجعين مع بعض ي ايش لم الشامي على المغربي.
إلينا / بتهتها اهلا يا خالتي ال واخد عقلك يتهانابوا ولا شامي ولا حاجه اتقابلت مع زهور أول الحارة وجنا سوى. عن اذنكم انا ميته من التعب يدوب
اخد شاور وانام.
زهور / شور شور يابنتي عيشي عيشت اهلك قولي هستحمه لكن شور ده مش لايق عليكي خالص
ما يبقاش العشا بصارة وشلولوا وتقولي شاور.
إلينا / استحمه بقي إلينا ماجد تقول استحمه
لا شاور شاور شاور.
زهور /ابقي ابعتلي طبق بصارة اغطس فيه.
لتدخل إلينا شقتهم واحلام وزهور التي تعالت اصوات ضحكاتهم.
احلام / ادخلي غيري وتوضي وصلي وأنا هجهز الأكل
تلاقيكي على لحم بطنك من الصبح.
زهور/فعلا ما دقتش الاكل لو كنت صمت كان أحسن
احلام تركت زهور وتوجهت تعد طعام العشاء.
زهور ذهبت الي غرفتها أبدلت ملابسها وخرجت للمرحاض
لتنعم ب حمام لتنتعش وتوضاءت وخرجت تجد أحلام أعدت
الطعام علي الطاوله.
تجلس زهور موجها لاحلام تتناول الطعام بشراهه
لترفع عينها تحدث احلام لتزهل من احلام الشارده تتلاعب بالطعام ولم تتناوله.
زهور / تسلم ايدك يا ستي الواحد هياكل صوابعه
وراه.
احلام / بنفس حالتها تحدثها الف هنا وشفا علي بدنك يا حبيبتي.
زهور / مالك يا ستي مبتكليش ليه انتي تعبانه
ومالك كده متوترة وحاسه في كلام عوذة تقوليه.
احلام / وضعت الملعقه من يدها اخذت نفس عميق اخرجته ببطء محتارة وقلقانه ومش عارفة اعمل ايه
هحكيلك كل حاجه حصلت معايا وقوليلي رايك
اعمل ايه واتصرف ازاي.
زهور وضعت ما بيدها ووقفت تحمل الاطباق متوجهه للمطبخ
زهور/الحمد لله انا شبعت هدخل الاطباق المطبخ واعملنا كبايتين شاي يعمروا الدماغ واجي نحكي للصبح ونشوف ال شاغل جميلة الجميلات الملكة
أحلام واجي هواه.
أحلام ابتسمت علي كلمات زهور تحدثها نفسي تكلمي كلمتين جد علي بعض
زهور بالمطبخ سمعاكي يا أحلاموا
انتهت زهور من جلي الاطباق وعمل الشاي وخرجت تحمل بيدها طبق تقديم عليه كوبان من الشاي تقوم بتقلبيهم تجلس علي الأريكه بجوار أحلام.
زهور تمد يدها بكوب الشاي/اتفضلي الشاي يا ستي
احكيلي إيه ال شغل بالك وقلقك كده.
احلام ارتشفت عدة شرفات من الكوب ووضعته امامها /واعتدلت بجلستها وبداءت تقص كل شئ
لزهور منذ صغرها حتي طلب يحي الزواج منها وما ردت عليه به.
احلام / هو انا إسرعت بالرد وكنت فكرت وبعت
الرد مع أبو بولس.زي ما قال ولا إيه رايك.
زهور / لا مسرعتيش بقي يا مفترية الراجل يقولك هنتظر ردك تقومي تصدمية بالشكل ده يفرفر بين ايديكي
وبدل ماتخليكي جنبه تسبيه وتجي. طيب اعقدي شوية جنبة بالمستشفي.لما بفوق اهو ترد فيه الروح.
أحلام / أهو أنا مكنتش خايفة غير من نقوزتك بالكلام اهو زي ما فكرت بتتنقوزي عليا.
زهور / بس انت قلقان يا جميل وباين عليكي الخوف
طيب ما احنا فيها اهو قومي غيري وانا كمان ونروح نطمن عليه.
احلام / شف البنت بتقول ايه مستشفي ايه ال عوزانا
نروحها السعادي احنا قربنا علي نص الليل.
زهور / يعني لو مكنتش قربت علي نص الليل كنتي وافقتي اننا نروح.
احلام /شف البت بتوقعني بالكلام ازاي انا ال غلطانه ال بتكلم مع عيلا.
زهور /ههههههه خلاص يا ست العرايس نكلم جد بقي المفروض نتطمن عليه وخصوصي انك سبتيه
في المستشفي لوحده ومشيتي مش عاوزة تطمني عليه.
احلام / انا قايمه اخوش اوضتي انا ال استاهل اني عملت كبيرة وباخد رايك.
زهور/ بجديه بس انا مش بهزر فعلا مكنش ينفع تسبيه لوحدة وتمشي المفروض كنتي استنتيه يفوق وتشفي الدكاترة هيقولوا ايه وااقل حاجه كنتي اتصلتي بعم ماحد رحله..
احلام /بخوف وتوتر ما انا فضلت قاعده شويه لحد ما إبنه جه ومشيت من غير ما يشفني اتحرجت وكمان هقعد ازاي وباي وش هقبله.
ليصمتوا علي صوت خبطات عاليه علي الباب واحد ينادي علي احلام بصوت عالي لتجزب زهور حجابها وتذهب خلف أحلام التي تقف عند باب
الشقة تفتح فاها.
زهور /ستي وقفه كده ليه لتقف بصدمة مما تري يحي يقف وجوارة ثلاث رجال واحد منهم يشبه لحد ما والاخر بدير والثالث ممسك بدفتر وخلفه عائلة ابو بولس .
يحي يقطع الصمت .
يحي/ قلت أجيب الماذون والشهود ونكتب الكتاب
قبل ما تغيري رايك.
زهور تمسك يد أحلام المتسمرة مكانها تنظر الي يحي بإستغراب وتبتعدا عن الباب. وترحل به وبمن معه
زهور/ اتفضل اتفضل ياعم يحي اتفضلوا يا جماعه
يحي يدخل اولا وهو يشير لمن معه بالدخول
يقترب من احلام يهمس لها مقدرتش اصبر لو عليا
كنت جيت من بدري بس الدكتارة ما وفقوا يخرجوني و بدير وصل وقومت
المأذون من النوم .
احلام تتركه وتخطوا مهرولة لغرفتها
بتوتر تجلس علي حافه الفراش ممسكه به كان احد
سيخطفها.
تدخل زهور الغرفه / ستي انتي لسه ملبستيش يلا
الراجل قاعد علي نار برة كل ده وانا ال بقول بتغير هدومها .
احلام / هو ال انا فيه ده حلم ولا علم ويحي برة هو والماذون ولا بيتهيقلي.
زهور /ستي ابوس ايدك ركزي معايا مش الراجل يفوق انتي تفرفري يلا البسي بسرعه وتعالي المأذون مستعجل وبيقول عم يحي شاله هيله بيله من علي
السرير ال بلحق فين بطاقتك اوديهاله لحد ما تجي.
أحلام تشير علي جزلانها دون ان تتحدث بكلمه.
لتذهب زهور وتاخذها.
زهور/ متتأخريش هوديها واجي القيكي غيرتي اللبس.
اومت احلام لها وظلت مكانها تتصبب عرقا
زهور ستي يلا معتش وقت.
زهور اعطت المأذون بطاقة أحلام وذهبت تقف بجوار إلينا يهمسا معا ويضحكان علي كلام الماذون.
الماذون / اقسم اني لم اري مثل تلك الزيجه الماذون
يحمل من فوق فراشه بملابس نومه والعروس تصدم بعقد قرانها والشهود ابناء العروسان.
ليضحك الجميع بما فيهم احلام التي خرجت من الغرفة فور وقوع عين يحي عليها ليهب واقفا يخطوا اليها قاطع المسافه في خطوه واحدة كانه
يسبق الريح.
يمد يده لها لتضع احلام يدها بتوتر و بخجل من نظرات الجميع المصوبه عليها.
يخطوا يحي بها ويجلسها بجوار المأذون وهو يجلس من الناحيه المقابله.
يحي اتفضل اكتب الكتاب يا شيخ.
ليبداء المأذون في قول خطبه قصير ليقطعه يحي
اخلص يا شيخ واكتب علي طول عشان تلحق تكمل نوم.
الماذون / التف لاحلام ليزهل مما يري بسم الله ما شاء الله ليك حق يا معلم يحي انك تصمم علي الزواج ليحدث احلام.
الماذون / معندكيش اخت تجوزهالي ينوبك فيا ثواب.
لينفجر الجميع في الضحك وخجل احلام وكسر نظرها للاسفل.
يحي بعصبيه / خبراية يا شيخ محمود خالصنا واكتب الكتاب وروح كمل نومك الله لا يسيئك.
المأذون / وعينه علي احلام رددي ورايا يا ست الستات.
يحي /استغفرالله الله ما طولك يا روح إنجز يا شيخ واكتب الكتاب واتكل علي الله بدل ما تتكل علي الاخرة.
بدير /بضحكه صبرت سنين مش قادر تتحمل عشر
دقايق .
يحي / انا اصبر العمر كله بس عجبك كلامه ال يفور
الدم.
ابن يحي ماجد / وهو عينه علي احلام ماهو معزور يا حج ماهو مافيش حد يشوف الجمال ده كله وميكلمش.
يحي/ ولا اعقل ال والله اتصل علي مرتاتك يجوا
يقندلوا عشتك.
ماجد الابن / وعلي إيه خلصنا يا شيخ
خالينا نرجع سلام لبيوتنا.
الماذون / حوط ايدك يامعلم في ايد الست احلام منديل يا جماعه.
رددي خلفي يا ست احلام.
الشيخ / قولي زوجتك نفسي علي كتاب الله وسنه
رسوله وعلي الصداق المسمى بيننا.
رددت احلام خلفه.
الشيخ قول ورايا يا معلم يحي . قل وانا قبلت زواجك علي كتاب الله وسنه رسوله.
الشيخ بارك لكم وبارك عليكم وجمع بينكم بخير.
لينتهي عقد القران وتقوم نفين ووالدة ماجد باطلاق
زغاريت وخلفهم زهور تطلق زغروته عالية ليتف لها
الجميع ومنهم ابن يحي ينظر لها بفاه مفتوح وعيون
جاحظه يقترب منها كالمغيب.
زهور انهت ذالك الصوت فور إقتراب ابن يحي منها لتقف خلف إلينا. زهور/ يالهوي الحقيني يا الينا ابعد يا عم.
الماذون بعد اذنك يا معلم يحي تخلي ولدك يقوم بأيصالي للمنزل.
يحي / ماجد وصل الشيخ لبيته وروح لبيتك.
ابن يحي / طيب عرفونا طيب مين القمر.
احلام / دي زهور بنت بنتي.
ليلتف لها ماجد الابن / ماهو النحلة بالحلاوة دي
أكيد النتاج يكون عسل.
يحي/ امشي يابن العبيط بدل ما اخذألك عنيك
وطمن جدك اني كتب الكتاب خلاص.
استاذن بدير ايضا بالرحيل
