رواية المتمرد والصغيرة الفصل الخامس والخمسون بقلم رسل
اسويها يعني الا اكتلج خلاص و من يطبكن عندي اسويها لا تستصعبيها
اديان : لا والله بعد ما اسوي اي شي
ابو فهد : ههههههههه متكدرين بوية الميت ميتي و انا اعرفة
اديان : بس ضجت منك البارحة
ابو فهد : انا هم انقهرت عليج بس من تذكرت سوايتج كلت لا حيل
.. ضليت ساكتة و هو يباوع لعيوني لزم وجهي بأثنين اديه و باسني من عيوني .. احبهن و احب ابجيهن ما اعرف ليش
حضني حيل و ضل يشم بركبتي و نفسة حاااار
اديان : لا ماريد متوجعة من البارحة والله
ابو فهد : اخذج للدكتورة
اديان : لا لا ماريد
ابو فهد : هايهية بوية نامي نامي
.. نمت على ايدة العصر كعدت على صوت صكر يبجي نزلتة يم فهد
فهد : راح اخذة اشتريلة
اديان : بكيفك بس دير بالك عليه
.. صعدت فوك لكيت دشاديشة كلهن ممكويات اوففف هسة شيكويهين سحبت الميز و كعدت اكوي بيهن يمكن 15 وحدة
ابو فهد : ههههه و الله تلوكلج الندارة
اديان : حتى متكول اديان مقصرة
ابو فهد : شعندي غيرج اني احبل اجيب اوكعلي جاهل
اديان : هسة كافي
ابو فهد : يلا كافي يابة فدوا الج
.. بدل و لف الغترة و وكف يلبس بالساعة و المحابس
- فهد اخذة يشتريلة
- بعد لتطلعي السلف مليان ناس مو خوش و ناس حاقدة
- يمة خوفتني خل انزل اشوفهم
.. نزل هو وطلعت قفلت الغرفة و نزلت ويا لكيتهم كاعدين بالصالة ارتاحيت و صكر بحضنة حلويات كومة
ابو فهد : هلا بحزام ظهر اخو
فهد : يابة شيشوف يجلب بي ضام الفين تالي كلهن اشترة بيهن
ابو فهد : ههههههههههه هسة اطيك بدالهن
فهد : كثر كثر يابة
ابو فهد : ترى بالنعال
فهد : لا يلة بس الفين عادي
زيد : اخو نعال انتة جا شكو اخذتة اذا تريد فلوسك
فهد : عبالي يشتري بربع
.. راح ابو فهد و اني ضليت كاعدةة يم فدعة شوية و نزلت بشرى و فاطمة و طلعت سليمة من غرفتها
سليمة : دريتن
بشرى : يا ستار شكو
سليمة : علي اخوهم خابر الحجي راح يجون يعيشون هنا
فدعة : جا توة ذكر صدك يو كال ابو فهد كلكم تحبوني على المصلحة
سليمة : جا حتى انتي
فدعة : حتى انا جا قابل انا خيرة
سليمة : يبو مرت علي بت حجي فاخر شكد حية فلا اطيقهة
فدعة : تتوالمن بعد بيتي
.. بالليل اجوي على العشة و صدك الحجي كاللهم
ابو فهد: هلا بي طاردة قابل انا بس ما دريت شنهو السبب
الحجي : كال انا من ارد اكللكم
ابو فهد : فرغولهم غرفتي الفوك و اذا جهالة كلش كبرانين خل البت يم سراب و الوليد يم فهد
زيد : ذاك الشهر جنت يمهم البنية جبيرة بس الولد صغير
ابو فهد : بلة بشرفكم ولد اخوي و ماعرف شكد عمرهم كبل خمس اشهر من شفتهم بس هو ذاك الشهر شفتة
فدعة : طبة وجع هو دافن رويحتة بالحياة مرتة تريد تصير مثقفة و ما تعرف شلون عبالهم الثقافة بس عد بغداد
اديان: شنو ماخذها على حب
فدعة : لا حبيبة بس الفلوس فلوسها جارتة من اذانة
ابو فهد : طبة سبعييييين الف مرض جم مرة كتلة ابقة هنا و اشتغل بالشركة لو افتحلك باب رزق بس دك رجل الا يعيش ببغداد و هسة من طكهم الفكر ردولي
الحجي : يلا بوية هم اخيك هذا
ابو فهد : ادري بي اخوي بس انا الغاثني ما سمع كلامي و كسر جلمتي بالديوان و هسة ردلي جي يدري محد غيري يلفي
فدعة : يمة دومك احسن منهم لا تكدر خلكك خلة يولي
الحجي : بوية اذا ما تريدة اشوفلة صريفة كلشي و لاتضوج
ابو فهد : ما ضايج بوية بس مقهور بس يروح و يرد يبقى اخوي و مو زلمة اليشمر اخو و يتبرة منة ذولة انا ربيتهم
.. زيد كام باس جتف ابو فهد .. الروح ترخصلك جا غير ابو فهد انتة
ابو فهد : تجايتي انتة
.. فدعة كامت تبجي .. يا والغسل عيوني دمعت انا روحي رهيفة ما تتحمل
زيد : وانتي يا هو يمج
.. ضربتة بالجداحة ضل لازم راسة .. اشتعلوووو
فدعة : وشعلت ابوي من كب و طفة
.. طكوها ضحكة كلهم
.. اخذت صكر و صعدت نيمتة و نمت ورا بعد ما حسيت بشي كعدت الصبح نفس الروتين نزلت جوة هو اتأخر ما نزل صعدت لكيتة جاي يتعطر
اديان : صباح الخير
ابو فهد : ......
اديان : شنو زعلان
.. عافني و نزل هذا شبي قفلت الغرفة و نزلت
زيد : يعني غداهم هنا
ابو فهد : اي
.. كمل ريوك و طلع زعلان مادري عليمن طلعت ورا
- بس احجي وياك
- شتردين
- ليش متحجي وياي
- اتذكري البارحة و عيدي حساباتج
- شنو
.. دار وجهة وراح والله يا الله يدور زعلات ضليت اتذكر شسويت البارحة ما
سويت شي بس عفتة و نمت بس لا على هاي زعلان
صعدت خابرت هيفاء مشتاقتلهة
- هلاو شلونج
- هلا حبيبة هم صايرة بذات عدوج الجماعة
- لعد متسئلين انتي
- دنجبي انا الجبيرة غير انتو تسئلون علية
- يلة هسة مو سئلت اني
- اليوم يجي اخوي علاوي لو باجر
- لا اليوم
- جا يمكن اسير عدكم العصرية
- اي حتى تاخذيني للصالون
- كميييي ام المصالح
- ههههههه اشاقة شبيج
.. سمعت هوسة جوة نزلت لكيت اخوهم علي و مرتة واثنين جهال عرفتهم بس متغيرين اخر مرة شفتهم بفاتحة سهام ام فهد سلمت عليهم و صعد رجلها شايل الجنط ..
شوية و اجوي كلهم ضلو يسولفون و سليمة كاعدة وي البنية اسمها رحاب ضلن بس يسولفن
فدعة : ها حبيبة مو كتلج تتوالمن
.. صبو غدة و كعدو كلهم ياكلون هو راح يم للممر مال الحمام علمود يغسل رحت ورا
- شنو لان نمت زعلان
- متعودين بوية قابل من كاعدة محصلين شي
- جنت تعبانة والله
- منين بوية
... ضليت صافنة صدك شكلة منين هو اني شغل ما اشتغل بسرعة كتلة
هااااا مو البارحة كويتلك الدشاديش
- هههههههه دوخري لا افلش وجهج هسة
- راحت الطنكورة و اخيراً
.. بسرعة لزمني ايدي بس حاصرتة الضحكة
ابو فهد : لج هو منو يطنكر غير المطي بت النعال
اديان : لعد انتة مو جنت تكلي
ابو فهد : امشي طايحة الحظ فلتانة هالايام كلش يرادلج ضب
اديان : الله و ايدك
ابو فهد : الععععععععب مو تدللين
اديان : هو شنو
ابو فهد : ها صرتي فقيرة مو دمشي نيمي صكر عندي حجاية وياج شاغلة بالي هالايام
اديان : شنية
ابو فهد : لتلحين كتلج من اصعد
.. اخذت صكر و صعدت باوعتلة من يم الدرج يباوعلي و يبتسم خررررب شكد احبة بس اكرهة من يضربني
ضليت انيم بصكر هو شوية و دخل للغرفة نزع ملابسة و تمدد بس عاقد حواجبة حطيت صكر بفراشة و رحت كعدت بصفة
اديان : شنو السالفة و شبيك ضايج
ابو فهد : تدرين عمامج و خوالج
... صار وجهي اصفر مادري ليش خفت ... شبيهم
بسرعة صار فوكاي و كاتم ضحكتة
ابو فهد : فد ناس كو**يد
اديان :و هسة على هاي
ابو فهد : اي والله على هاي
اديان : دوخر يلا
ابو فهد: اهوووووووو وعلي فد خلصان من هاي الحجاية
اديان : و الله ماكدر ابطلها
ابو فهد : هو غير اني جلبت بلساني
اديان : خنكتني وخر
ابو فهد : جا بوية جنج فارة ها كدج دكلي سمني لخاطر ربج
اديان : اي حقك انتة جماعتك كلهن بقرات اني ما اصرف عندك
ابو فهد : ههههههههههههه لا يا بت الكو**يد
.. وخر من يمي و حط ايدة على عيونة و يضحك بستة من شفتة لزم وجهي بأثنين اديه لحد ما اختنكت عافني
اديان : اخخخخخ اسم الله حتى بوستك توجع
ابو فهد : ههههه دمشي غسلي جاي تجري دم
... بسرعة مسحت شفتي انترست ايدي دم طفرت للمغسلة شفتها مجروحة من جوة رحت يمة لزمني من حنجي باسني على كيف
ابو فهد : فقدت ما ادري
اديان : حتى بوستك مو مثل العالم
ابو فهد : هسة لتجفصين انجبي
اديان : انتة شيخ و تعرف الاصول طلعت دمي هاي عليها فصل لو لاع
ابو فهد: لاع بوية هههه
اديان: شوف اكلك شغلة صغيرونة
ابو فهد : كولي بوية
اديان : اريد غير هاي الغرفة
ابو فهد : شتردين يا هي جا
اديان : يعني اريد غرفة بس غير هاي
ابو فهد : زين ليش
اديان : ما اريد عمي بطلت
ابو فهد : ههههههه بالليل اشوفلج الصفحة مال الغرف و اختاري التعجبج
اديان : خوب نروح لمحلهم
ابو فهد : تؤ
... نام و نمت يمة العصر كعد فهد اخذتة و طلعت لكيت سليمة و هاي رحاب ينضفن بالغرفة مال افراح و يسولفن لكيت بشرى مسوية حلاوة حليب ريحتهة تجنن وكلت صكر شوية و ماراد يمكن ميحبها
شوية و نزل هو كاشخ وكف على اخر درجة و صاحلي
- ها
- تضلين خوثة انتي امشي قفلي غرفتج
- هسة صاعدة غير جنت انتة نايم
.. طلع هو و فدعة صاحتلي اقرالها الدوة و رحت يم صكر لان عفتة كاعد على الكاونتر بعديييين يلة تذكرت الغرفة صعدت رتبتها و طفيت الاضوية و قفلتها و نزلت
زيد : خايبة ماريد اتزوج لا تلحين رحمة للاسلام
فدعة : ولك يالاغم جم دوب تضل بدون زواج
زيد : للتالي للتالي
فدعة : يا و طبك عرج فوك عرج
... لحد الليل اجوي تعشو نزلت رحاب لابسة تراك وردي و هي جسمها ضخم من يمي استحيت جسمها كلة مبين
ابو فهد : استغفر الله
... كلهم نزلو روسهم و رجلها يأشرلها عود كومي و هي تهز بأيدها عود ما
فدعة : شني حبيبة وين كاعدين عد الانكليز
رحاب : وياي خالة
فدعة : جا يمة اكو انكليزية غيرج كاعدة شني هذا البس احموينج كاعدين كومي غيري
رحاب : خالة متعودة هذا لبسي احنة لبسنة كلة هيج
فدعة : لا حبيبة اضنج ما فاهمة عدل كل ضنج الفاهمين و المثقفين يلبسون بجايم لا حبيبة ما تنقاس بالهدم
رحاب : لا خالة ما اقصد هيج بس متعودة و اسئلي علي هذا كدامج
ابو سراب :ميخالف خوية بس حالج حالهن احنة نستحرم جنتي كاعدة بيتج وحدج هسة كلنة كاعدين سوة
رحاب : هففففففف كايمة اخي
... مادري ليش حصرتني الضحكة و ضحكت
رحاب : شنو اليضحك .
اديان : مو وياج
رحاب : اي عبالي
... دارت وجهة و صعدت هم بدو ياكلون بس ابو فهد و ابو سراب ضايجين و زيد يلعب بشواربة و يضحك هي نزلت لاابسة دشداشة حصر كملو عشة و بديت اغسل بالمواعين و هم يسولفون اجتي فاطمة ساعدتني
اديان :بيا شهر صرتي
فاطمة :بالسابع
اديان : تكومين بالسلامة
فاطمة :الله يسلمج بس اكلج هاي ام قاسم شبيها شنو تكرهم
اديان : والله مادري اني مشايفتها صار اربع سنوات
فاطمة : جا اني و لا مرة شايفتهة
.. خلصت المواعين لكيتة طالع اخذت صكر و صعدت سبحت و عفتة يلعب بالمكعبات دورت على تليفوني كلت اشوف هيفاء ليش لسة ما اجتي
دورت عليه ما لكيتة استغربت ..
