رواية المتشردة والغيور الفصل الخامس بقلم مرج البحر
ﺍﻋﺘﺬﺭ ﺍﻟﺒﺎﺭﺕ ﻛﻠﺶ ﺣﺰﻳن
ﺭﻳﺎ ....... ﺭﺣﺖ ﻭﻱ ﺑﺎﺳﻞ ﻟﻠﺴﻮﻙ ﺍﺷﺘﺮﻳﺖ ﻛﻠﺸﻲ ﺍﺣﺘﺎﺟﻪ ﻟﻠﻤﺪﺭﺳﺔ ﻭﻣﻦ ﺭﺟﻌﻨﺎ ﺟﺎﻧﺖ ﺑﻴﺪﻱ ﻫﻮﺍﻱ ﻋﻼﻟﻴﻚ ﻣﻦ ﺷﺎﻓﻨﻨﻲ ﺟﻤﺎﻧﺔ ﻭﻧﻮﺭ ﻇﻠﻦ ﺑﺲ ﻳﺨﺰﺭﻥ ﺑﻴﺔ ﻣﺎﺍﻫﺘﻤﻴﺖ ﺭﺣﺖ ﻟﻤﺎﻣﺎ ﺟﺎﻥ ﻭﻗﺖ ﻣﻐﺮﺏ ﺭﺍﻭﻳﺘﻬﺎ ﺍﻟﻤﻼﺑﺲ ﻭﻫﻲ ﺗﺒﺘﺴﻤﻠﻲ
ﻛﻤﺖ ﺟﺒﺘﻠﻬﺎ ﻣﺎﻱ ﻭﺗﻮﺿﻴﺖ ﻭﻫﻲ ﺗﻮﺿﺖ ﻭﺍﺫﻥ ﻭﺻﻠﻴﻨﺎ ﻃﻠﻌﺖ ﻟﻜﻴﺖ ﺑﺎﺳﻞ ﻛﺎﻳﻞ ﻟﻨﻮﺭ ﺗﺴﻮﻱ ﺷﻮﺭﺑﺔ ﻟﻤﺎﻣﺎ ﻭﻣﺴﻮﻳﺘﻬﺎ ﺭﺣﺖ ﺻﺒﻴﺖ ﻭﺍﺧﺬﺗﻬﺎ ﻟﻤﺎﻣﺎ ﻭﻭﻛﻠﺘﻬﺎ ﻭﺍﻧﻄﻴﺘﻬﺎ ﻋﻼﺟﻬﺎ ﻭﺭﺣﺖ ﺭﺗﺒﺖ ﺍﻟﻤﻼﺑﺲ ﻭﺍﻟﺪﻓﺎﺗﺮ ﻭﺍﻟﺠﻨﻄﺔ ﺑﺎﭼﺮ ﺍﺩﺍﻭﻡ ﻻﺯﻡ ﺍﻛﻌﺪ ﻣﻦ ﻭﻗﺖ
ﺳﻤﻌﺖ ﻣﺎﻣﺎ ﺗﻮﻥ ﺩﺭﺕ ﻭﺟﻬﻲ ﺷﻔﺘﻬﺎ ﺗﺄﺷﺮﻟﻲ ﺍﺧﻠﻲ ﺑﺨﺎﺥ ﺑﺎﻟﺠﻨﻄﺔ ﺍﺑﺘﺴﻤﺖ ﻭﻫﺰﻳﺖ ﺭﺍﺳﻲ ﺭﺣﺖ ﻟﻠﺜﻼﺟﺔ ﻟﻜﻴﺖ ﺑﺲ ﻭﺍﺣﺪ ﻭﺧﻠﺼﺎﻥ ﻣﺎﺑﻲ ﺍﻧﻲ ﻣﻮ ﺩﺍﺋﻤﺎ ﺍﺧﺘﻨﻚ ﻻ ﻧﺎﺩﺭﺍ ﻣﻦ ﺍﺗﻌﺮﺽ ﻟﺸﻲ ﺍﻭ ﺍﺣﺒﺲ ﺍﻟﻨﻔﺲ ﻟﻮ ﺗﺮﺍﺏ ﻟﻮ ﻟﺤﺎﻟﺔ ﻋﺼﺒﻴﺔ ﺍﺧﺘﻨﻚ ﺍﻟﻤﻬﻢ
ﺭﺟﻌﺖ ﻟﻜﻴﺖ ﺑﺎﺳﻞ ﻭﺳﻴﻒ ﻛﺎﻋﺪﻳﻦ ﻳﻢ ﻣﺎﻣﺎ ﺷﻜﺪ ﻳﻔﺮﺣﻨﻲ ﻫﺬﺍ ﺍﻟﺸﻲ ﺑﺪﻭ ﻳﺮﺟﻌﻮﻥ ﻟﺤﻈﻦ ﺍﻣﻲ ﺍﺷﺮﺗﻠﻬﺎ ﻣﺎﻛﻮ ﺳﻴﻒ ﻛﺎﻝ
ﺳﻴﻒ ........ ﺷﻨﻮ ﺍﻟﻤﺎﻛﻮ
ﺭﻳﺎ ....... ﺍﻟﺒﺨﺎﺥ ﻣﺎﻟﺘﻲ ﺧﻠﺼﺎﻥ
ﺳﻴﻒ ........ ﻫﺴﺔ ﺍﻧﻲ ﻃﺎﻟﻊ ﻟﻠﺼﻴﺪﻟﻴﺔ ﺍﺟﻴﺐ ﻋﻼﺝ ﻟﻤﺎﻣﺎ ﻭﻫﻢ ﻋﻼﺝ ﻟﭭﻴﺎﻥ ﻣﺎﻝ ﺍﻓﻼﻭﻧﺰﺓ ﺍﻧﻄﻴﻨﻲ ﺍﺟﻴﺒﻠﺞ ﺑﻄﺮﻳﻘﻲ
ﺭﻳﺎ ....... ﺍﻧﻄﻴﺘﺔ ﺍﻟﺒﺎﻛﻴﺖ ﻣﺎﻣﺎ ﺍﺷﺮﺗﻠﻪ ﻳﺠﻴﺐ ﻫﻮﺍﻱ ﻭﻳﺎ ﻻﻥ ﺍﻧﻲ ﻣﻮ ﺩﺍﺋﻤﺎ ﺍﺷﺘﺮﻱ ﻳﻌﻨﻲ ﻫﺎﻱ ﺍﻟﻮﺟﺒﺔ ﺍﻟﺨﻠﺼﺖ ﺑﺎﺑﺎ ﻫﻮ ﺟﺎﺑﻬﺎ ﺍﻟﻲ ﺍﻟﻤﻬﻢ ﻧﻤﺖ ﻭﻣﺮﻥ ﻳﻮﻣﻴﻦ ﻛﻠﺸﻲ ﺗﻤﺎﻡ ﻃﺒﻌﺎ ﺍﻧﻲ ﺍﺳﺘﻠﻤﺖ ﻧﺘﻴﺠﺘﻲ ﻣﺎﻝ ﺍﻟﺮﺍﺑﻊ ﺍﻟﻠﻪ ﻻ ﻳﺮﺍﻭﻳﻜﻢ ﺩﺭﺟﺎﺗﻲ ﻛﻠﻬﺎ ﺧﻤﺴﻴﻨﺎﺕ ﻭﺳﺘﻴﻨﺎﺕ ﻭﺍﻧﻲ ﺟﺎﻧﺖ ﺍﻗﻞ ﺩﺭﺟﺔ ﻋﻨﺪﻱ ﺛﻤﺎﻧﻴﻨﺎﺕ ﻭﺑﻨﺼﻒ ﺍﻟﺴﻨﺔ ﺍﺻﻼ ﺭﺍﺳﺒﺔ ﻣﻦ 50 ﺑﺲ ﺭﻓﻌﺘﻨﻲ ﺩﺭﺟﺎﺗﻲ ﻣﺎﻝ ﺍﻟﺸﻬﺮﻳﺎﺕ
ﺍﻟﻤﻬﻢ ﺍﺟﺔ ﻳﻮﻡ ﺍﻻﺣﺪ ﻳﻮﻡ ﺍﻟﺪﻭﺍﻡ ﺩﺍﻭﺕ ﻋﺎﺩﻱ ﺻﺪﻳﻘﺎﺗﻲ ﻛﻠﻬﻦ ﺗﻔﺎﺟﺄﻥ ﺑﺸﻜﻠﻲ ﻻﻥ ﺿﻌﻔﺎﻧﺔ ﻭﻭﺟﻬﻲ ﺍﺻﻔﺮ ﻭﺍﻫﻢ ﺷﻲ ﻻﺑﺴﺔ ﺣﺠﺎﺏ ﻋﺒﺎﻟﻬﻦ ﺍﺧﻮﺍﻧﻲ ﻟﺒﺴﻮﻧﻲ ﺑﺲ ﻛﻮﻟﺘﻠﻬﻦ ﺑﻘﻨﺎﻋﺘﻲ
ﻇﻠﻴﺖ ﺍﺩﺍﻭﻡ ﻃﺒﻴﻌﻲ ﻧﻮﺭ ﻭﺟﻤﺎﻧﺔ ﻣﺎﻟﻬﻦ ﺷﻐﻞ ﺑﻴﺔ ﻭﺑﺄﻣﻲ ﻭﺍﺧﻮﺍﻧﻲ ﺯﻳﻨﻴﻦ ﻭﻳﺎﻱ ﻳﺴﺄﻟﻮﻥ ﻋﻠﻰ ﻣﺎﻣﺎ ﻳﺠﻴﺒﻮﻟﻬﺎ ﻋﻼﺝ ﻭﻳﻨﻄﻮﻧﻲ ﻣﺼﺮﻑ ﺣﻤﺪﺕ ﺍﻟﻠﻪ ﻻﻧﻬﻢ ﻣﺘﻐﻴﺮﻳﻦ ﻟﻼﺣﺴﻦ ﻣﺼﺮﻓﻲ ﻋﻠﻴﻬﻢ ﺧﺎﻟﺘﻲ ﻣﻴﻌﺎﺩ ﺍﺭﺑﻌﺔ ﻭﻋﺸﺮﻳﻦ ﺳﺎﻋﺔ ﻳﻤﻨﺎ ﻣﻮ ﺍﻧﺘﻘﻠﻮ ﻻﺭﺑﻴﻞ ﻭﻣﺎﺍﺩﺭﻱ ﺭﺟﻠﻬﺎ ﺍﻟﻔﮕﺮ ﻣﻨﻴﻦ ﺟﺎﺏ ﻓﻠﻮﺱ ﻭﺍﺷﺘﺮﻯ ﺑﻴﺖ ﺑﺄﺭﺑﻴﻞ ﻭﻛﻌﺪ ﻭﺧﺎﻟﺘﻲ ﺩﺍﺋﻤﺎ ﻳﻤﻨﺎ ﻭﻛﻢ ﻣﺮﺓ ﺍﺳﻤﻌﻬﺎ ﺗﻜﻮﻝ ﻟﺠﻤﺎﻧﺔ ﺑﻄﻠﻴﻬﺎ ﺧﻞ ﻫﻲ ﺗﻌﺘﻨﻲ ﺑﺄﻣﻬﺎ ﻟﻴﺶ ﺫﺍﺑﺘﻬﺎ ﻋﻠﻴﻜﻢ
ﻣﻦ ﺳﻤﻌﺘﻬﺎ ﻫﻴﺞ ﻛﺎﻟﺖ ﻛﺮﻫﺖ ﺍﺳﻢ ﺍﻟﺨﺎﻟﺔ ﻭﺍﺳﻢ ﺍﻻﺧﺖ ﻭﺣﻘﺪﺕ ﻋﻠﻴﻬﺎ ﺣﻘﺪ ﻣﺎﺻﺎﻳﺮ ﻫﻦ ﺷﻮﻛﺖ ﺩﺍﻳﺮﺍﺕ ﺑﺎﻟﻬﻦ ﻋﻠﻰ ﻣﺎﻣﺎ ﻫﻦ ﻏﻴﺮ ﺍﻟﺸﻮﺭﺑﺔ ﻛﻠﺸﻲ ﻣﺎﻳﺴﻮﻥ ﺍﻟﻨﺎ ﻭﺣﺘﻰ ﻣﺮﺍﺕ ﻳﺴﻮﻧﻬﺎ ﻣﺎﻟﺤﺔ
ﻣﺮ ﺷﻬﺮ ﻭﺍﻧﻲ ﺍﺩﺍﻭﻡ ﻃﺒﻴﻌﻲ ﺷﻮﻱ ﻣﺴﺘﻮﺍﻱ ﺗﺤﺴﻦ ﺑﺎﻟﺪﺭﺍﺳﺔ ﻭﺩﺧﻠﻨﺎ ﺏ 2016/11/6 ﺑﻬﺬﺍ ﺍﻟﺘﺎﺭﻳﺦ ﺗﺤﺪﻳﺪﺍ ﻣﺎﻣﺎ ﺟﺎﻧﺖ ﻧﺎﻳﻤﺔ ﻛﻌﺪﺕ ﺑﺎﻝ 6 ﺍﻟﺼﺒﺢ ﻣﺘﺤﻠﻤﺔ ﺑﺒﺎﺑﺎ
ﺗﺤﻠﻤﺖ ﺑﺎﺑﺎ ﺍﺟﺔ ﻭﺑﺎﺳﻨﻲ ﻭﺭﺍﺡ ﺳﺄﻟﺘﻪ ﻛﻮﺗﻠﻪ ﻣﺎﻣﺎ ﻭﻳﻦ ﻛﺎﻝ ﺻﻴﺮﻱ ﻗﻮﻳﺔ ﻭﻻﺗﻀﻌﻔﻴﻦ ﺍﺻﻴﺢ ﻣﺎﻣﺎ ﻭﻳﻦ ﻳﺮﺟﻊ ﻳﻜﻮﻝ ﺻﻴﺮﻱ ﻗﻮﻳﺔ ﺑﺎﻻﺧﻴﺮ ﺷﻔﺖ ﺑﺎﺑﺎ ﺻﻌﺪ ﺳﻴﺎﺭﺓ ﺑﺎﻭﻋﺖ ﺑﺎﻟﺴﻴﺎﺭﺓ ﭼﺎﻧﺖ ﻛﻴﺔ ﻣﺘﺮﻭﺳﺔ ﻧﺎﺱ ﻛﻠﻬﻢ ﻻﺑﺴﻴﻦ ﺍﺑﻴﺾ ﻭﻣﺎﻣﺎ ﻛﺎﻋﺪﺓ ﺑﺼﻒ ﺑﺎﺑﺎ ﺭﻛﻀﺖ ﻭﻭﻛﻔﺖ ﺑﺼﻒ ﺑﺎﺏ ﺍﻟﺴﻴﺎﺭﺓ ﻛﻮﺗﻠﻪ ﺑﺎﺑﺎ ﺍﺧﺬﻧﻲ ﻭﻳﺎﻙ ﻟﻴﺶ ﺑﺲ ﻣﺎﻣﺎ ﻛﺎﻝ
ﺑﻌﺪ ﻭﻗﺖ ﻭﻳﻦ ﺭﺍﻳﺤﺔ ﺑﻌﺪﻳﻦ ﺍﻟﺴﻴﺎﺭﺓ ﻣﺎﺑﻴﻬﺎ ﻣﺠﺎﻝ ﻭﻳﻦ ﺗﺼﻌﺪﻳﻦ ﺍﻣﺸﻲ ﺍﺭﺟﻌﻲ ﻟﻠﺒﻴﺖ ﻭﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ ﺍﻣﻲ ﺍﺑﺪ ﻣﺎﺣﺠﺖ ﺑﺲ ﺟﺎﻧﺖ ﻛﻠﺶ ﺗﻀﺤﻚ ﻭﭼﺎﻧﺖ ﺑﻴﺪﻫﺎ ﺳﺒﺤﺔ ﻭﺗﺴﺒﺢ ﺑﻴﻬﺎ ﻛﻌﺪﺕ ﺍﺑﭽﻲ ﻭﻣﺨﺘﻨﻜﺔ ﻣﻦ ﺍﻟﺤﻠﻢ ﺑﺨﻴﺖ ﻣﻦ ﺍﻟﺒﺨﺎﺥ ﺑﺤﻠﻜﻲ ﺷﻮﻱ ﺍﺭﺗﺎﺣﻴﺖ
ﺗﻤﺪﺩﺕ ﻻﻥ ﺟﺴﻤﻲ ﻛﻠﻪ ﺧﺪﺭ ﻇﻠﻴﺖ ﺑﺲ ﺍﺑﭽﻲ ﺑﺒﺴﻜﻮﺕ ﺍﺑﺎﻭﻉ ﻟﻠﺴﺎﻋﺔ ﺏ 7 ﻭﺍﻧﻲ ﻣﺎﺑﻴﺔ ﺍﻛﻮﻡ ﺍﺭﻭﺡ ﻟﻠﻤﺪﺭﺳﺔ ﺻﺎﺩﻑ ﻳﻮﻡ ﺍﺣﺪ ﻇﻠﻴﺖ ﻣﺘﻤﺪﺩﺓ ﻟﻞ 9 ﺗﺬﻛﺮﺕ ﺍﻧﻲ ﺑﺪﻭﻥ ﺻﻼﺓ
ﻛﻤﺖ ﺗﻮﺿﻴﺖ ﻭﺻﻠﻴﺖ ﻗﻀﺎﺀ ﻛﻌﺪﺕ ﻣﺎﻣﺎ ﺗﻔﺎﺟﺄﺓ ﻣﻦ ﺷﺎﻓﺘﻨﻲ ﺍﺷﺮﺗﻠﻲ ﺷﻜﻮ ﻛﻮﻟﺘﻠﻬﺎ ﻣﺎﻛﻮ ﺷﻲ ﺑﺲ ﺍﻟﺘﻌﺐ ﻣﺒﻴﻦ ﻋﻠﻰ ﻭﺟﻬﻲ ﻭﺑﺼﻮﺗﻲ ﻫﻲ ﺍﺷﺮﺗﻠﻲ ﻋﻠﻰ ﺻﺪﺭﻫﺎ ﻋﻮﺩ ﺍﺧﺘﻨﻜﺘﻲ ﻛﻮﻟﺘﻠﻬﺎ ﺍﻳﻴﻲ
ﻫﻲ ﻇﻠﺖ ﺗﺒﺎﻭﻋﻠﻲ ﺑﻘﻬﺮ ﻛﻮﻟﺘﻠﻬﺎ ﻣﺎﻣﺎ ﻭﺍﻟﻠﻪ ﺻﺮﺕ ﺯﻳﻨﺔ ﺑﺲ ﻣﺎﻋﻨﺪﻱ ﺷﻲ ﺍﻟﻴﻮﻡ ﻭﻣﺎﺩﺍﻭﻣﺖ ﺳﻮﻳﺖ ﻣﺜﻞ ﻛﻞ ﻳﻮﻡ ﺍﺧﺬﺕ ﻣﺎﻣﺎ ﻟﻠﺤﻤﺎﻡ ﺳﺒﺤﺘﻬﺎ ﻭﺭﺟﻌﺘﻬﺎ ﻣﺸﻄﺘﻠﻬﺎ ﻭﻛﻠﺸﻲ ﺳﻮﻳﺖ ﺑﺲ ﺍﻳﺪﻳﺔ ﺑﺎﻳﺪﺍﺕ
ﻟﻠﻌﺼﺮ ﻣﺎﻣﺎ ﺻﺎﺭﻥ ﻋﻴﻮﻧﻬﺎ ﺣﻤﺮ ﻭﻛﻮﺓ ﺗﺠﺮ ﺍﻟﻨﻔﺲ ﺗﻔﺎﺟﺄﺓ ﺷﺒﻴﻬﺎ ﺭﻛﻀﺘﻠﻬﺎ ﺍﺣﺎﺟﻴﻬﺎ ﻣﺎﺗﺤﺠﻲ ﺍﻧﻄﻴﻬﺎ ﺍﻟﺘﻠﻔﻮﻥ ﻣﺎﺗﻜﺪﺭ ﺗﻜﺘﺐ ﻋﻴﻮﻧﻬﺎ ﻳﺼﺒﻦ ﺩﻣﻊ ﻭﺣﻤﺮ ﻭﺗﺘﻨﻔﺲ ﺑﺴﺮﻋﺔ ﻭﺭﺍﺳﻬﺎ ﺗﻜﻠﺒﺔ ﻣﻦ ﺟﻬﺔ ﻟﺠﻬﺔ
ﺷﺼﺎﺭ ﺑﻴﺔ ﻇﻠﻴﺖ ﻣﺜﻞ ﺍﻟﻤﺨﺒﻠﺔ ﺑﺲ ﺍﺭﻳﺪ ﺍﻣﻲ ﺗﺤﺠﻲ ﺍﺭﻳﺪﻫﺎ ﺗﻨﻄﻖ ﺑﺤﺠﺎﻳﺔ ﻣﺎﻛﻮ ﻛﻤﺖ ﺍﺻﺮﺥ ﺳﻴﻒ ﻭﻋﺎﺋﻠﺘﻪ ﺑﺒﻐﺪﺍﺩ ﻋﻨﺪ ﺍﺧﻮﺍﻟﻲ ﻭﺑﺎﺳﻞ ﻭﻋﺎﺋﻠﺘﻪ ﻃﺎﻟﻌﻴﻦ ﻳﺘﻮﻧﺴﻮﻥ ﻭﺑﺲ ﺍﻧﻲ ﺑﺎﻟﺒﻴﺖ ﻛﻤﺖ ﺍﺻﺮﺥ ﻭﻣﻦ ﺷﻔﺖ ﺍﻣﻲ ﻣﺨﺘﻨﻜﺔ ﺭﺩﺕ ﺑﺲ ﺷﻲ ﻳﺮﻳﺤﻬﺎ ﺟﺒﺖ ﺍﻟﺒﺨﺎﺥ ﻣﺎﻟﺘﻲ ﻭﺑﺨﻴﺘﻠﻬﺎ
ﻭﺍﺑﭽﻲ ﻭﺍﺣﺎﭼﻴﻬﺎ ﺍﺭﻳﺪﻫﺎ ﺗﺮﺩ ﻣﺎﻛﻮ ﺍﻧﻲ ﺻﺢ ﻋﻨﺪﻱ ﺗﻠﻔﻮﻥ ﺑﺲ ﻣﺎﺑﻲ ﺷﺮﻳﺤﺔ ﻻﺗﺴﺘﻐﺮﺑﻮﻥ ﺗﺮﺓ ﻋﺎﺩﻱ ﻣﻮ ﺷﺮﻁ ﺍﻧﻲ ﻛﺎﻋﺪﺓ ﺑﺎﺭﺑﻴﻞ ﻳﻌﻨﻲ ﺍﻛﻮﻥ ﻣﻨﻔﺘﺤﺔ ﻻ ﻭﺍﻟﻠﻪ ﺻﺢ ﺟﻨﺖ ﺍﻟﺒﺲ ﻭﺑﺮﺍﺣﺘﻲ ﺑﺲ ﻣﺎﻳﻘﺒﻠﻮﻥ ﺍﺑﻮﻱ ﻭﺍﺧﻮﺍﻧﻲ ﻻ ﺷﺮﻳﺤﺔ ﻭﻻ ﻋﻼﻗﺎﺕ ﻭﻻ ﻫﺎﻱ ﺍﻟﺴﻮﺍﻟﻒ
ﺍﻟﻤﻬﻢ ﺍﻣﻲ ﻛﻠﺶ ﺳﺎﺋﺖ ﺣﺎﻟﺘﻬﺎ ﺭﻛﻀﺖ ﻟﺒﺎﺏ ﺍﻟﺒﻴﺖ ﺍﺑﭽﻲ ﺣﺘﻰ ﻣﺎﻟﺒﺴﺖ ﺣﺠﺎﺏ ﻭﺭﺣﺖ ﻟﺒﻴﺖ ﺧﺎﻟﺔ ﺍﻡ ﻭﻋﺪ ﺟﺎﺭﺗﻨﺎ ﺧﻄﻴﺔ ﺍﺟﺮﺕ ﺗﻜﺴﻲ ﻭﺍﺟﺔ ﺍﺑﻮ ﺍﻟﺘﻜﺴﻲ ﺷﺎﻝ ﻣﺎﻣﺎ ﻭﺍﻧﻲ ﻟﺒﺴﺖ ﺣﺠﺎﺏ ﻭﺍﺧﺬﺕ ﺗﻠﻔﻮﻥ ﻣﺎﻣﺎ ﻭﻳﺎﻱ ﻭﺍﺩﻙ ﻋﻠﻰ ﺑﺎﺳﻞ ﺑﺲ ﻣﺎﻛﻮ ﺭﺻﻴﺪ ﺑﺲ ﻳﺮﻣﺶ ﻭﺍﻧﻲ ﺍﺑﭽﻲ ﻭﺻﻠﻨﺎ ﻟﻠﻤﺴﺘﺸﻔﻰ ﺍﺧﺬﻭ ﺍﻣﻲ ﺑﺎﻟﻨﻘﺎﻟﺔ ﻭﺍﻧﻲ ﺧﺎﻳﻔﺔ ﻭﻭﺍﻛﻔﺔ ﻣﺎﺍﺩﺭﻱ ﻭﻳﻦ ﺍﺧﺬﻭ ﺍﻣﻲ ﻣﺎﺭﺣﺖ ﻭﺭﺍﻫﺎ
ﺷﻮﻱ ﻭﺧﺎﺑﺮ ﺑﺎﺳﻞ ﻭﺍﻧﻲ ﻣﻦ ﺍﻻﺭﺗﺒﺎﻙ ﻭﺍﻟﺨﻮﻑ ﻭﺍﻻﺳﺘﻌﺠﺎﻝ ﺳﺪﻳﺖ ﺍﻟﺘﻠﻔﻮﻥ ﻳﻌﻨﻲ ﺭﻓﻀﺖ ﺍﻟﻤﻜﺎﻟﻤﺔ ﺍﺣﺘﺮﻙ ﻛﻠﺒﻲ ﻫﺴﺔ ﺷﺄﺳﻮﻱ ﺍﻟﻠﻪ ﻳﺤﺒﻨﻲ ﻭﺭﺟﻊ ﺍﺗﺼﻞ ﻣﺮﺓ ﺛﺎﻧﻴﺔ
ﻓﺘﺤﺖ ﺧﻂ ﻛﻠﺸﻲ ﻳﺮﺟﻒ ﺑﻴﺔ ﺩﻣﻮﻋﻲ ﻳﻮﻛﻌﻦ ﻋﻠﻰ ﻣﻼﺑﺴﻲ ﻣﺮﻋﻮﺑﺔ ﻭﺧﺎﻳﻔﺔ ﻭﻣﻜﺴﻮﺭﺓ ﺧﺎﻃﺮ ﺣﺠﻴﺖ ﺣﺠﺎﻳﺔ ﻭﺣﺪﺓ ﻛﻮﺗﻠﻪ ﺑﺎﺳﻞ ﻣﺎﻣﺎ ﺗﺮﻳﺪ ﺗﻌﻮﻓﻨﻲ ﺍﻟﺤﻜﻮﻟﻲ ﻫﻮ ﻇﻞ ﻳﻜﻮﻝ ﺷﻜﻮ ﻭﺷﺼﺎﻳﺮ ﻛﻮﺗﻠﻪ ﺍﻧﻲ ﺑﺎﻟﻤﺴﺘﺸﻔﻰ ﺍﻟﻔﻼﻧﻲ ﺗﻌﺎﻟﻲ ﺑﺴﺮﻋﺔ
ﺳﺪﻳﺖ ﺍﻟﺨﻂ ﻭﻛﻌﺪﺕ ﻋﻠﻰ ﺍﻟﻜﺮﺍﺳﻲ ﻭﺍﺑﭽﻲ ﻭﺍﻟﻌﺎﻟﻢ ﺗﺘﻔﺮﺝ ﻋﻠﻴﺔ ﺟﻨﺖ ﻻﺑﺴﺔ ﺗﺮﺍﻙ ﺍﺳﻮﺩ ﻭﺑﻲ ﻣﻦ ﺍﻟﺠﻮﺍﻧﺐ ﺧﻄﻮﻁ ﻣﺜﻞ ﺍﻟﺮﻳﺎﺿﻲ ﺍﻟﺒﺪﻱ ﻣﺎﻟﺘﻪ ﻳﻮﺻﻞ ﻟﻠﺮﮔﺒﺔ ﻭﻻﺑﺴﺔ ﺷﺎﻝ ﺍﺳﻮﺩ ﻭﺍﺑﭽﻲ ﻭﺍﺷﻬﻚ ﻣﺎﺍﻋﺮﻑ ﻭﻳﻦ ﺍﺧﺬﻭ ﺍﻣﻲ ﺑﺲ ﺧﺎﻟﺔ ﺍﻡ ﻭﻋﺪ ﺭﺍﺣﺖ ﻭﻳﺎﻫﻢ ﺷﻮﻳﺔ ﻭﺍﺟﺔ ﺑﺎﺳﻞ ﺷﺎﻓﻨﻲ ﺍﺑﭽﻲ ﻭﻣﻜﺴﻮﺭ ﺧﺎﻃﺮ ﻛﺎﻝ
ﺑﺎﺳﻞ ..... ﻭﻳﻨﻬﺎ ﻣﺎﻣﺎ ﻭﻳﻦ ﺍﺧﺬﻭﻫﺎ
ﺭﻳﺎ ........ ﻣﺎﺍﻋﺮﻑ ﺍﺧﺬﻭﻫﺎ ﺑﺎﻟﻨﻘﺎﻟﺔ ﺑﺲ ﻣﺎﺍﻋﺮﻑ ﻭﻳﻦ
ﺑﺎﺳﻞ ....... ﺍﻧﺘﻲ ﻏﺒﻴﺔﻟﻮ ﺗﺘﻐﺎﺑﻴﻦ ﻏﻴﺮ ﺗﺸﻮﻓﻴﻬﻢ ﻭﻳﻦ ﺍﺧﺬﻭﻫﺎ ﺷﻜﻮ ﺑﺎﻗﻴﺔ ﻫﻨﺎ ﻟﺞ ﺣﻴﻮﺍﻧﺔ
ﺭﻳﺎ ....... ﺑﺎﺳﻞ ﻳﺤﺠﻲ ﻭﻳﻌﻴﻂ ﻋﻠﻴﺔ ﻭﺍﻟﻌﺎﻟﻢ ﺗﺒﺎﻭﻉ ﺧﺰﺍﻧﻲ ﻋﻄﺖ ﺑﻮﺟﻬﻪ ﻛﻮﺗﻠﻪ ﺍﺳﺄﻟﻮ ﻧﻔﺴﻜﻢ ﻫﺎﻣﻠﻴﻨﻬﺎ ﻻ ﻋﺎﻟﺠﺘﻮﻫﺎ ﻭﻻ ﺩﺭﺗﻮ ﺑﺎﻟﻜﻢ ﻋﻠﻴﻬﺎ ﺍﻟﻠﻪ ﺍﻛﺒﺮ ﻭﻟﻜﻢ ﻣﺎﺗﺨﺎﻓﻮﻥ ﻣﻦ ﺍﻟﻠﻪ ﺍﻣﻜﻢ ﻫﺎﻱ ﺍﻟﻌﺎﻟﻢ ﺗﺘﻤﻨﺎﻫﺎ ﺍﻣﻨﻴﺔ ﻭﺍﻧﺘﻮ ﺭﺍﻓﺴﻴﻦ ﻧﻌﻤﺔ ﺍﻟﻠﻪ ﺭﺍﺡ ﻳﺼﻴﺮﻟﻬﺎ ﺳﻨﺔ ﻭﻫﻲ ﻫﺎﻱ ﺣﺎﻟﺘﻬﺎ ﻻ ﻋﺎﻟﺠﺘﻮﻫﺎ ﻭﻻ ﺳﻔﺮﺗﻮﻫﺎ ﻭﺍﻟﺘﻬﻴﺘﻮ ﺑﻨﺴﺎﺑﺘﻜﻢ ﻭﻧﺴﻮﺍﻧﻜﻢ ﺷﺘﻜﻮﻟﻮﻥ ﻻﻟﻠﻪ ﺑﺎﭼﺮ
ﻓﻨﺖ ﻋﻤﺮﻫﺎ ﻭﺷﺒﺎﺑﻬﺎ ﻟﺨﺎﻃﺮﻛﻢ ﻭﺍﻧﺘﻮ ﻋﻔﺘﻮﻫﺎ ﻭﻫﺴﺔ ﺟﺎﻱ ﺗﺤﺠﻲ ﻋﻠﻴﺔ ﺷﻌﺮﻑ ﺍﻧﻲ ﺷﻤﺪﺭﻳﻨﻲ ﺑﺤﻴﺎﺗﻲ ﻻ ﺩﺧﻠﺖ ﻣﺴﺘﺸﻔﻰ ﻭﻻ ﺍﻋﺮﻑ ﺷﻴﺴﻮﻭﻥ ﻫﻮ ﻣﺎﺣﺎﺟﺎﻧﻲ ﺭﺍﺡ ﻣﺪﺭﻱ ﺷﻴﺮﺑﺪ ﻭﺍﻧﻲ ﺍﻓﺘﺮ ﻭﺭﺍﺀﻩ ﻣﻦ ﺻﻔﺤﺔ ﻟﺼﻔﺤﺔ ﻭﺍﺑﺠﻲ ﻭﻫﻮ ﻳﺪﻳﺮ ﻭﺟﻬﻪ ﻭﻳﻜﻮﻝ
ﺑﺎﺳﻞ ..... ﻛﺎﻓﻲ ﺻﺮﻋﺘﻴﻨﻲ ﻻ ﺗﺒﭽﻴﻦ ﻟﻮ ﺑﻴﭻ ﺧﻴﺮ ﺩﺧﻠﺘﻲ ﻭﻳﺎﻫﺎ
ﺭﻳﺎ ....... ﻫﺴﺔ ﺻﺮﺕ ﻣﺎﺑﻴﺔ ﺧﻴﺮ ﻭﻫﻢ ﺑﻴﻬﻢ ﺧﻴﺮ ﺳﺄﻝ ﺑﺎﺳﻞ ﻭﺩﻟﻮ ﻋﻠﻰ ﻏﺮﻓﺔ ﻣﺎﻣﺎ ﻣﺨﻠﻴﻨﻬﺎ ﺑﺎﻟﻌﻨﺎﻳﺔ ﺣﺎﻟﺘﻬﺎ ﺧﻄﺮﺓ ﺍﻟﻀﻐﻂ ﺻﺎﻋﺪ ﻭﺍﻟﺴﻜﺮ ﻋﻨﺪﻫﺎ ﻣﻌﻠﻚ ﻭﺿﺎﺭﺏ ﺍﻟﻜﺒﺪ ﻭﺣﺎﻟﺘﻬﺎ ﺧﻄﺮﺓ
ﺻﻔﻨﺖ ﺑﺄﻣﻲ ﻧﺎﻳﻤﺔ ﻭﻧﻔﺴﻬﺎ ﻋﺎﻟﻲ ﻭﺻﻮﻧﺪﺍﺕ ﺑﺤﻠﻜﻬﺎ ﻭﺑﺨﺸﻤﻬﺎ ﺧﺎﻟﺔ ﺍﻡ ﻭﻋﺪ ﺳﻠﻤﺖ ﻋﻠﻰ ﺑﺎﺳﻞ ﻭﺭﺟﻌﺖ ﺑﺎﺳﻞ ﺍﺳﻤﻌﻪ ﺧﺎﺑﺮ ﺳﻴﻒ ﻛﺎﻟﻪ ﺑﺤﺎﻟﺖ ﻣﺎﻣﺎ ﺍﺣﺴﻬﻢ ﻣﺴﺘﺜﻘﻠﻴﻨﻬﺎ ﻋﺒﺎﻟﻚ ﻣﺜﻞ ﺍﻟﺤﻤﻞ ﻋﻠﻰ ﻇﻬﺮﻫﻢ ﻛﻞ ﺷﻮﻱ ﻭﻳﺘﺄﻓﺄﻑ ﻳﺮﺩﻭﻧﻬﺎ ﺗﻄﻴﺐ ﺑﺪﻭﻥ ﻣﺎﻳﺪﻳﺮﻭﻥ ﺑﺎﻟﻬﻢ ﻋﻠﻴﻬﺎ
ﺑﺎﺳﻞ ﺭﺍﺡ ﻟﻠﺪﻛﺘﻮﺭ ﻭﺍﻧﻲ ﺭﺟﻌﺖ ﺍﺑﺎﻭﻉ ﻋﻠﻰ ﺍﻣﻲ ﺍﺷﻮﻑ ﻛﻠﺒﻬﺎ ﺑﻲ ﺭﻓﺔ ﻣﺜﻞ ﺭﻓﺔ ﺍﻟﺴﻤﭽﺔ ﺍﻟﻤﺨﺘﻨﻜﺔ ﺍﺑﭽﻲ ﺷﺄﺳﻮﻱ ﺑﻴﺶ ﺍﺷﺘﺮﻱ ﺍﻣﻲ ﻭﻣﻨﻴﻦ ﻛﻮﻟﻮﻟﻲ ﻟﻮ ﺑﺮﻭﺣﻲ ﺍﺷﺘﺮﻳﻬﺎ ﺑﺲ ﻛﻮﻟﻮﻟﻲ ﺍﻟﻤﻮﺕ ﻣﻮ ﺷﺨﺺ ﻭﺍﻛﺪ ﻭﺍﺳﻮﻟﻒ ﻭﻳﺎ ﻭﺍﻃﻠﺐ ﻣﻨﻪ ﻳﻌﻮﻑ ﺍﻣﻲ ﻟﻠﻤﻐﺮﺏ ﻭﺍﻧﻲ ﻣﺎﻧﺸﻔﺔ ﺩﻣﻮﻋﻲ
ﺭﺣﺖ ﻟﻤﻤﺮﺿﺔ ﻃﻠﺒﺖ ﻣﻨﻬﺎ ﻏﺮﻓﺔ ﺍﺻﻠﻲ ﺑﻴﻬﺎ ﻣﺎﻟﻲ ﻏﻴﺮ ﺭﺑﻲ ﻫﻮ ﻳﺸﻮﻑ ﺩﻣﻮﻋﻲ ﻭﻳﺸﻮﻑ ﺣﺎﻟﻲ ﺑﺎﻟﻜﻲ ﻳﺴﺎﻋﺪﻧﻲ ﻣﻬﻈﻮﻣﺔ ﻭﻳﺘﻴﻤﺔ ﻭﻏﺮﻳﺒﺔ ﺣﺘﻰ ﺑﻮﺟﻮﺩ ﺍﻗﺮﺏ ﺍﻟﻨﺎﺱ ﺍﻟﻲ ﻭﻳﻦ ﺍﻻﻧﺴﺎﻧﻴﺔ ﺣﺘﻰ ﺍﻻﺑﻦ ﻛﺎﻡ ﻣﺎﻳﻌﺘﺮﻑ ﺑﺄﻣﻪ ﻭﻻ ﺍﻻﺥ ﻳﻌﺘﺮﻑ ﺑﺄﺧﺘﻪ ﺑﻴﺎ ﺩﻧﻴﺎ ﻋﺎﻳﺸﻴﻦ ﺍﺣﻨﺔ
ﺭﺣﺖ ﺻﻠﻴﺖ ﻭﺩﻋﻴﺖ ﺍﻟﻠﻪ ﻳﺸﻔﻴﻠﻲ ﺍﻣﻲ ﻭﻳﻜﻮﻣﻬﺎ ﺑﺎﻟﺴﻼﻣﺔ ﺍﺻﻠﻲ ﻭﺍﺑﭽﻲ ﻣﺎﺍﻋﺮﻑ ﺍﻭﻛﻒ ﺩﻣﻮﻋﻲ ﻛﻞ ﺷﻮﻱ ﺍﻋﻴﺪ ﺻﻼﺗﻲ ﻭﻣﻦ ﺍﺫﻛﺮ ﺍﻟﻠﻪ ﺗﻨﺰﻝ ﺩﻣﻮﻋﻲ ﺍﻧﻲ ﺻﺢ ﺷﻴﻌﻴﺔ ﺑﺲ ﻟﻼﺳﻒ ﻣﺎﺍﻋﺮﻑ ﺍﻫﻞ ﺍﻟﺒﻴﺖ ﺍﻟﻤﻬﻢ ﻇﻠﻴﺖ ﺍﺩﻋﻲ ﻻﻟﻠﻪ ﻭﺍﺗﻮﺳﻞ ﻭﺍﺑﭽﻲ ﻛﻮﺗﻠﻪ ﻳﺎﺭﺑﻲ ﺍﻧﺖ ﻛﻮﻟﺖ ﺍﺩﻋﻮﻧﻲ ﺍﺳﺘﺠﺐ ﻟﻜﻢ
ﺍﻟﻴﻮﻡ ﺩﻛﻴﺖ ﺑﺎﺑﻚ ﻳﺎﺭﺑﻲ ﻭﺍﻧﻲ ﻇﻌﻴﻔﺔ ﻭﺫﻟﻴﻠﺔ ﻭﻣﺎﻟﻲ ﻏﻴﺮﻙ ﻳﺎﺭﺏ ﺩﺧﻴﻠﻚ ﺷﺎﻓﻴﻠﻲ ﺍﻣﻲ ﻭﻋﺎﻓﻴﻬﺎ ﻭﻛﻮﻣﻬﺎ ﺍﻟﻲ ﺑﺎﻟﺴﻼﻣﺔ ﻇﻠﻴﺖ ﺍﺩﻋﻲ ﻭﺍﺑﭽﻲ ﺍﻟﻤﻤﺮﺿﺎﺕ ﻳﻔﻮﺗﻦ ﻭﻳﻄﻠﻌﻦ ﺻﺎﻓﻨﺎﺕ ﻋﻠﻴﺔ ﻃﻔﻠﺔ ﻳﻜﻮﻟﻦ ﺷﻔﻬﻤﻬﺎ ﺑﻬﻴﭻ ﺳﻮﺍﻟﻒ ﻭﺍﻟﻠﻪ ﺍﺣﻨﺔ ﻋﻨﺪﻧﺎ ﺍﻟﺒﻨﻴﺔ ﺗﻜﺒﺮ ﻣﻦ ﻳﺼﻴﺮ ﻋﻤﺮﻫﺎ 18
ﺍﻟﻤﻬﻢ ﻇﻠﻴﺖ ﺍﺑﭽﻲ ﻭﺍﺩﻋﻲ ﻟﻤﻦ ﺣﺴﻴﺖ ﻧﻔﺴﻲ ﺑﻌﺪ ﻣﺎﺍﻛﺪﺭ ﺗﻌﺒﺖ ﻭﺍﻟﻠﻪ ﺗﻌﺒﺖ ﻭﺍﻟﻠﻪ ﻣﺎﻣﺘﻌﻮﺩﺓ ﻋﻠﻰ ﻫﻴﺞ ﺷﻲ ﺍﻧﻲ ﺟﻨﺖ ﻣﺪﻟﻠﺔ ﻣﻼﺑﺴﻲ ﺍﻣﻲ ﺗﻐﺴﻠﻬﻦ ﻣﻨﻮ ﻣﻨﻜﻢ ﺑﻨﻴﺔ ﻋﻤﺮﻫﺎ 15 ﺳﻨﺔ ﺍﻣﻬﺎ ﺗﻐﺴﻞ ﻣﻼﺑﺴﻬﺎ
ﻣﻨﻮ ﻣﻨﻜﻢ ﺑﻨﻴﺔ ﻋﻤﺮﻫﺎ 16 ﺳﻨﺔ ﺑﻴﻀﺔ ﻣﺎﺗﻌﺮﻑ ﺗﻄﻚ ﺍﻧﻲ ﺍﻣﻲ ﻣﺎﺧﻠﺘﻨﻲ ﺍﻟﺰﻡ ﺷﻲ ﻭﻻ ﻋﻨﺪﻱ ﺍﻻﺧﺖ ﺍﻟﺘﺸﻴﻞ ﺣﻤﻞ ﻭﻳﺎﻱ ﻭﺣﺪﻱ ﻭﺻﻐﻴﺮﺓ ﻭﺑﻌﺪﻧﻲ ﻣﻜﺴﻮﺭﺓ ﻋﻠﻰ ﻣﻮﺕ ﺑﺎﺑﺎ ﻭﻛﻤﻠﻬﺎ ﻋﻠﻴﺔ ﻣﺮﺽ ﺍﻣﻲ ﻭﺗﻐﻴﺮ ﺍﺧﻮﺍﻧﻲ ﻋﻠﻴﺔ ﺍﻟﻲ ﻣﺎﺟﺎﻱ ﺍﺷﻮﻑ ﺍﻱ ﺻﻔﺔ ﻟﻼﺧﻮﺓ ﺑﻴﻬﻢ
ﺗﻌﺒﺖ ﻭﺍﻧﻲ ﺍﺑﭽﻲ ﻭﺍﺩﻋﻲ ﻟﺮﺑﻲ ﺑﺎﻻﺧﻴﺮ ﻛﻮﺗﻠﻪ ﻳﺎﺭﺏ ﺍﻗﺒﻞ ﺗﺒﻘﻰ ﺍﻣﻲ ﻣﺮﻳﻀﺔ ﻟﻮ ﻃﻮﻝ ﺍﻟﻌﻤﺮ ﺍﻋﻮﻑ ﻛﻠﺸﻲ ﺣﺘﻰ ﺩﺭﺍﺳﺘﻲ ﺣﺘﻰ ﺍﺣﻼﻣﻲ ﺍﻋﻮﻓﻬﺎ ﻭﺍﻛﻌﺪ ﺍﻗﺎﺑﻠﻬﺎ ﻭﺍﺩﺍﺭﻳﻬﺎ ﺑﺲ ﻛﻮﻥ ﻣﺎﺗﻤﻮﺕ ﻻﻥ ﺑﺲ ﻫﻲ ﺍﻟﻲ ﺑﻬﺎﻱ ﺍﻟﺪﻧﻴﺎ ﺗﻌﺮﻓﻮﻥ ﺷﻨﻮ ﺑﻨﻴﺔ ﺗﻌﻴﺶ ﺑﻼ ﺍﻡ ﻟﻮ ﻣﺎﺗﻌﺮﻓﻮﻥ
ﺑﺎﻭﻋﺖ ﻟﻠﺴﺎﻋﺔ ﺷﻔﺘﻬﺎ ﺏ 9 ﻃﻠﻌﺖ ﻣﻦ ﻏﺮﻓﺔ ﺍﻟﻤﻤﺮﺿﺎﺕ ﻭﺭﺣﺖ ﻟﻠﻌﻨﺎﻳﺔ ﺷﻔﺖ ﺳﻴﻒ ﻭﺑﺎﺳﻞ ﻭﺍﻛﻔﻴﻦ ﻣﻦ ﺷﺎﻓﻮﻧﻲ ﺍﺟﺔ ﺳﻴﻒ ﺣﻈﻨﻨﻲ ﻭﺑﺎﺱ ﺭﺍﺳﻲ ﻭﻣﺴﺢ ﻋﻠﻰ ﻇﻬﺮﻱ ﺧﻮﺏ ﻫﺬﺍ ﺍﻧﻄﻮ ﺑﺲ ﺑﻬﻴﺞ ﻟﺤﻈﺎﺕ ﻳﺼﻴﺮ ﺣﻨﻴﻦ ﻭﺍﻧﻮﺏ ﻳﺸﺒﻌﻨﻲ ﻛﻔﺨﺎﺕ ﻣﺪﺭﻱ ﻋﻨﺪﻩ ﻣﺴﻠﺴﻞ ﻭﺩﺍ ﻳﺼﻮﺭ ﻟﻘﻄﺔ ﻟﻮ ﺷﻨﻮ ﺳﺎﻟﻔﺘﻪ ﻭﺍﻟﻠﻪ ﺑﻌﺪ ﻣﺎ ﺍﺻﺪﻙ ﺣﻨﻴﺘﻬﻢ ﺍﺑﺪ ﻭﺣﺎﻟﺔ ﻣﺎﻣﺎ ﻭﻣﺮﺿﻬﺎ ﺑﺴﺒﺒﻬﻢ ﻭﺧﻄﻴﺘﻲ ﻭﺧﻄﻴﺔ ﺍﻣﻲ ﺑﺮﻛﺒﺘﻬﻢ ﺛﻨﻴﻨﻬﻢ
ﻣﺎ ﺣﻈﻨﺘﻪ ﻭﻻ ﺣﺎﺟﻴﺘﻪ ﻭﺧﺮ ﻋﻨﻲ ﺭﺣﺖ ﺍﺑﺎﻭﻉ ﻣﻦ ﺍﻟﺸﺒﺎﻙ ﺟﺎﻧﺖ ﺍﻛﻮ ﻣﻤﺮﺿﺔ ﻳﻢ ﺍﻣﻲ ﻣﺎﺍﻋﺮﻑ ﺷﺘﺴﻮﻱ ﺑﺲ ﻛﻞ ﺷﻮﻱ ﺗﺤﺎﭼﻲ ﺍﻣﻲ ﺑﺲ ﺷﻔﺖ ﻭﺟﻪ ﺍﻣﻲ ﻳﺎﻟﻠﻪ ﺻﺎﻳﺮ ﺍﺻﺼﺼﺼﻔﺮ ﻟﻴﻤﻮﻧﻪ ﺧﻔﺖ ﺷﺄﺳﻮﻱ ﻳﺎﺭﺏ ﺩﺧﻴﻠﻚ ﺍﺫﺍ ﺍﻛﻮ ﺣﻞ ﺍﻟﻬﻤﻨﻴﺎ ﺑﺲ ﻛﻮﻥ ﺍﺳﺎﻋﺪ ﺍﻣﻲ ﻇﻠﻴﺖ ﺍﺑﭽﻲ ﻋﺒﺎﻟﻲ ﻋﻠﻰ ﺍﻟﺒﭽﻲ ﺍﻟﺒﭽﻴﺘﻪ ﺑﻌﺪ ﻣﺎﻋﻨﺪﻱ ﺩﻣﻮﻉ ﺑﺲ ﻏﻠﻄﺎﻧﺔ ﺩﻣﻮﻋﻲ ﻧﺰﻟﻦ ﺍﻛﺜﺮ ﻭﺍﻇﻌﺎﻑ
ﻃﻠﻌﺖ ﺍﻟﻤﻤﺮﺿﺔ ﺭﺣﺖ ﻛﻮﺗﻠﻬﺎ ﻣﻤﻜﻦ ﺍﺩﺧﻞ ﻳﻢ ﺍﻣﻲ ﺷﻮﻳﺔ
ﺍﻟﻤﻤﺮﺿﺔ ....... ﻻ ﺣﺒﻴﺒﺘﻲ ﻣﻴﺼﻴﺮ ﺍﻟﺪﻛﺘﻮﺭ ﻣﺎﻧﻊ ﺍﻱ ﺍﺣﺪ ﻳﻔﻮﺗﻠﻬﺎ ﻻﻥ ﺣﺎﻟﺘﻬﺎ ﺧﻄﺮﺓ
ﺭﻳﺎ ...... ﺑﺲ ﺍﻧﻲ ﺑﻨﺘﻬﺎ ﻋﻔﻴﺔ ﻭﺍﻟﻠﻪ ﺑﺲ ﺍﺷﻮﻓﻬﺎ ﺑـ ﺑـ ﺑـ ﻫﻨﺎ ﺧﻨﻜﺘﻨﻲ ﺍﻟﻌﺒﺮﺓ ﻭﺑﭽﻴﺖ ﺑﻘﻬﺮ ﺑﺲ ﻛﻤﻠﺖ ﻭﻛﻮﻟﺘﻠﻬﺎ ﺑﺲ ﺍﺑﻮﺱ ﻋﻴﻮﻧﻬﺎ
ﺻﺪﻛﻮ ﺍﻟﻤﻤﺮﺿﺔ ﻣﻦ ﺷﺎﻓﺖ ﺩﻣﻮﻋﻲ ﻇﻠﺖ ﺑﺲ ﺗﺒﭽﻲ ﻛﺎﻟﺘﻠﻲ
ﺍﻟﻤﻤﺮﺿﺔ ....... ﻓﻮﺗﻲ ﺑﺲ ﻋﻔﻴﺔ ﻻ ﺗﺘﺄﺧﺮﻳﻦ ﻻ ﺧﻄﺮ ﻋﻠﻰ ﺻﺤﺔ ﺍﻣﺞ
ﺭﻳﺎ ...... ﻣﺎﺻﺪﻛﺖ ﺩﺧﻠﺖ ﺍﺭﻛﺾ ﺷﻔﺖ ﻣﺎﻣﺎ ﻛﺎﻋﺪﺓ ﺑﺲ ﺗﺒﺎﻭﻉ ﻟﻠﺴﻘﻒ ﻣﻦ ﺷﺎﻓﺘﻨﻲ ﻛﺎﻣﺖ ﺩﻣﻮﻋﻬﺎ ﺗﻬﻞ ﻭﺍﻧﻲ ﺩﻣﻮﻋﻲ ﻭﻳﺎﻫﺎ ﺷﻮﻳﺔ ﻭﻃﻠﻌﺘﻨﻲ ﺍﻟﻤﻤﺮﺿﺔ
ﻭﻇﻠﻴﺖ ﺍﺑﺎﻭﻉ ﻻﻣﻲ ﻣﻦ ﺍﻟﺸﺒﺎﻙ ﻭﻫﻲ ﻋﻴﻮﻧﻬﺎ ﺑﺲ ﺗﺼﺐ ﺩﻣﻊ ﺍﻭﻭﻭﻑ ﻳﺎﻳﻤﺔ ﺷﻜﺪ ﺷﺎﻳﻠﺔ ﺑﮕﻠﺒﭻ ﻋﺘﺐ ﺣﺘﻰ ﻃﻠﻊ ﻫﻴﭻ ﺑﺼﺤﺘﺞ ﺑﺎﺳﻞ ﺭﺟﻊ ﻟﻠﺒﻴﺖ ﻭﺳﻴﻒ ﺑﻘﻰ ﻭﻳﺎﻱ ﻟﻨﺺ ﺍﻟﻠﻴﻞ ﻳﻤﻜﻦ ﺍﻟﺴﺎﻋﺔ ﺏ 1 ﺍﺟﻮ ﻛﺎﻟﻮ ﻣﺎﻳﺼﻴﺮ ﺗﺒﻘﻮﻥ ﺍﻧﻲ ﺭﺣﺖ ﻭﻱ ﺍﻟﻤﻤﺮﺿﺔ ﺍﻟﺨﻠﺘﻨﻲ ﺍﺩﺧﻞ ﻻﻣﻲ ﺍﺧﺬﺗﻨﻲ ﻟﻐﺮﻓﺘﻬﻦ ﻭﻇﻠﻴﺖ ﻫﻨﺎﻙ ﻛﻞ ﺷﻮﻱ ﺍﻟﺒﺲ ﺻﺪﺭﻳﺔ ﻣﺎﻝ ﺩﻛﺎﺗﺮﺓ ﻭﺍﺟﻲ ﺍﺑﺎﻭﻉ ﻻﻣﻲ ﺍﻟﻜﺎﻫﺎ ﻧﺎﻳﻤﺔ ﻭﺍﺭﺟﻊ ﻝ 3 ﻧﻌﺴﺖ ﻭﺭﺣﺖ ﻧﻤﺖ ﺑﺲ ﺑﺎﻟﻲ ﻳﻢ ﺍﻣﻲ
ﻛﻌﺪﺕ ﺍﻟﺼﺒﺢ ﻋﻠﻰ ﺻﻮﺕ ﺍﻟﻤﻤﺮﺿﺎﺕ ﺷﻔﺘﻬﺎ ﺍﻟﺴﺎﻋﺔ ﺏ 6 ﻛﻤﺖ ﺻﻠﻴﺖ ﻭﻃﻠﻌﺖ ﻭﻱ ﺍﻟﻤﻤﺮﺿﺔ ﺭﺍﺳﻲ ﻳﺮﻳﺪ ﻳﻨﻔﺠﺮ ﻣﻦ ﻛﺜﺮ ﻣﺎﺑﭽﻴﺖ ﺍﻟﻤﻤﺮﺿﺔ ﻣﺎﻧﻄﺘﻨﻲ ﻋﻼﺝ ﻛﺎﻟﺖ ﻣﻮﺯﻳﻦ ﺟﺎﺑﺘﻠﻲ ﭼﺎﻱ ﺷﺮﺑﺘﻪ ﻭﺍﻧﻲ ﻛﺎﻋﺪﺓ ﻭﺍﺑﺎﻭﻉ ﺍﻟﺪﻛﺘﻮﺭ ﻳﻔﺤﺺ ﺑﺄﻣﻲ ﻭﻳﭽﻴﻚ ﺍﻻﺟﻬﺰﺓ
ﺷﻮﻱ ﻭﺍﺟﻮ ﺍﻟﻮﻟﺪ ﺳﻴﻒ ﻭﺑﺎﺳﻞ ﻭﻇﻠﻮ ﻭﺍﻛﻔﻴﻦ ﻳﻤﻲ ﻋﻔﺖ ﺍﻟﭽﺎﻱ ﺑﻲ ﻧﺺ ﻭﺍﺻﻼ ﻣﺎﺷﺮﺑﺖ ﻫﻮﺍﻱ ﻃﻠﻊ ﺍﻟﺪﻛﺘﻮﺭ ﻭﺟﻬﻪ ﻣﻜﻠﻮﺏ ﻭﻣﺎﻳﺒﺸﺮ ﺑﺨﻴﺮ ﺧﻔﺖ ﻭﻋﻴﻮﻧﻲ ﻏﺮﻏﺮﺕ ﻭﻣﺜﻞ ﺍﻟﻤﺮﻭﺭﺓ ﺻﺎﺭﺕ ﺑﺤﻨﺠﺮﺗﻲ ﻭﺧﻔﺖ ﻭﺑﻜﺖ ﻃﻦ ﻫﻮﺍﺀ ﺑﺎﺳﻞ ﻛﺎﻝ
ﺑﺎﺳﻞ ..... ﺑﺸﺮ ﺩﻛﺘﻮﺭ ﺷﻠﻮﻧﻬﺎ ﺣﺎﻟﺔ ﺍﻣﻲ
ﺍﻟﺪﻛﺘﻮﺭ ....... ﻫﺎﻱ ﺍﻟﺒﻨﻮﺗﺔ ﺑﻨﺖ ﺍﻟﻤﺮﻳﻀﺔ
ﺭﻳﺎ ....... ﺍﻟﺪﻛﺘﻮﺭ ﻳﻘﺼﺪﻧﻲ ﺍﺑﺘﺴﻤﺖ ﻭﻏﺼﺔ ﺑﻴﺔ ﺧﺎﻧﻜﺘﻨﻲ ﻛﻮﺗﻠﻪ ﺍﻳﻴﻲ ﺍﻧﻲ ﺑﻨﺘﻬﺎ
ﺍﻟﺪﻛﺘﻮﺭ ...... ﻭﺍﻧﺘﻲ ﻳﺎﺑﻨﺘﻬﺎ ﻣﺎﺗﺮﻳﺪﻳﻦ ﺗﺸﻮﻓﻴﻦ ﺍﻣﺞ
ﺭﻳﺎ ....... ﺻﺪﻙ ﻭﺍﻟﻠﻪ ﺍﻛﺪﺭ ﺍﻓﻮﺕ ﻳﻤﻬﺎ
ﺍﻟﺪﻛﺘﻮﺭ ....... ﺍﻳﻴﻲ ﻓﻮﺗﻲ ﺑﺎﺑﺎﺗﻲ ﺣﺒﻴﺒﺘﻲ
ﺭﻳﺎ ....... ﺩﺧﻠﺖ ﻭﺍﻧﻲ ﻓﺮﺣﺎﻧﺔ ﺭﺍﺡ ﺍﺷﻮﻑ ﺍﻣﻲ ﻇﻞ ﺍﻟﺪﻛﺘﻮﺭ ﻳﺴﻮﻟﻒ ﻭﻱ ﺍﺧﻮﺍﻧﻲ ﻣﺎﻋﺮﻓﺖ ﻫﻮ ﻓﻮﺗﻨﻲ ﺣﺘﻰ ﻳﺼﺮﻓﻨﻲ ﻋﺒﺎﻟﻲ ﺣﻦ ﻋﻠﻴﺔ ﺩﺧﻠﺖ ﻣﺎﻣﺎ ﻛﺎﻋﺪﺓ ﺑﺴﺘﻬﺎ ﻭﺟﻬﻬﺎ ﺻﺢ ﺍﺻﻔﺮ ﻣﺜﻞ ﺍﻟﻜﺮﻛﻢ ﺑﺲ ﻋﻴﻮﻧﻬﺎ ﻣﻔﺘﺤﺎﺕ ﻭﺍﻟﺼﺪﻣﻨﻲ ﺗﺤﺠﻲ ﻛﻠﺶ ﻓﺮﺣﺖ
ﻛﻮﻟﺖ ﺑﮕﻠﺒﻲ ﺍﻟﺪﻛﺘﻮﺭ ﺷﺒﻲ ﮔﺎﻟﺐ ﺧﻠﻘﺘﻪ ﻭﺍﻟﻠﻪ ﻳﺎﻟﻠﻪ ﻏﻴﺮ ﻣﺎﻣﺎ ﻭﺟﻬﻬﺎ ﻣﻔﺘﺢ ﻭﻣﺘﺤﺴﻨﺔ ﻭﺟﺎﻱ ﺗﺤﺠﻲ ﻛﺎﻟﺖ
ﻧﻐﻢ ...... ﺭ ﺭ ﺭﻳﻴﺎ
ﺭﻳﺎ ...... ﻳﺎﻋﻴﻮﻥ ﺭﻳﺎ ﻳﺎ ﺭﻭﺡ ﺭﻳﺎ
ﻧﻐﻢ ....... ﻣـ ﺷﺘﻬﻴﺔ ﻋﺼﻴﺮ
ﺭﻳﺎ ....... ﺳﻮﺩﺓ ﺑﻮﺟﻬﻲ ﺍﺟﻴﺒﻠﺞ ﺍﺣﻠﻰ ﻋﺼﻴﺮ ﻭﺍﻟﻠﻪ
ﻃﻠﻌﺖ ﻛﻮﻟﺖ ﻟﺴﻴﻒ ﻳﺠﻴﺐ ﻋﺼﻴﺮ ﺭﺍﺡ ﻫﻮ ﻭﺑﺎﺳﻞ ﺩﺧﻞ ﻭﻇﻞ ﻳﺴﻮﻟﻒ ﻭﻱ ﻣﺎﻣﺎ ﻣﻦ ﺷﺎﻓﺘﻪ ﺷﻠﻮﻥ ﻳﺴﻮﻟﻒ ﻭﻳﺎﻫﺎ ﻭﻳﻄﻨﻬﺎ ﺍﺭﺗﺎﺣﺖ ﺷﻮﻳﺔ ﺭﺩﺕ ﺍﻛﻮﻡ ﺻﺎﺭﺕ ﺍﻳﺪﻱ ﻋﻠﻰ ﺭﺟﻠﻬﺎ ﺍﺷﻮ ﺑﺎﺭﺩﺓ ﺛﻠﺞ ﻛﻮﻟﺘﻠﻬﺎ ﻣﺎﻣﺎ ﺍﻧﺘﻲ ﺑﺮﺩﺍﻧﺔ
ﻫﺰﺗﻠﻲ ﺑﺮﺍﺳﻬﺎ ﻛﻌﺪﺕ ﺍﺩﻓﻲ ﺭﺟﻠﻴﻦ ﻣﺎﻣﺎ ﺑﺄﻳﺪﻳﺔ ﺷﻜﺪ ﻣﺎﺍﻋﺼﺮ ﻣﺎ ﺗﻨﻄﻲ ﺭﺩﺓ ﻓﻌﻞ ﻋﺒﺎﻟﻲ ﻣﺮﺗﺎﺣﺔ ﺷﻮﻳﺔ ﻭﺍﺟﺔ ﺳﻴﻒ ﺟﺎﻳﺐ ﻋﺼﻴﺮ ﻭﺩﺧﻞ ﺍﻟﺪﻛﺘﻮﺭ ﺭﺩﺕ ﺍﺷﺮﺑﻬﺎ ﺍﻟﻌﺼﻴﺮ ﺍﻟﺪﻛﺘﻮﺭ ﻛﺎﻝ
ﺍﻟﺪﻛﺘﻮﺭ ....... ﻫﺎﻱ ﺷﻨﻮ ﻣﺎﻳﺼﻴﺮ ﺗﻨﻄﻮﻫﺎ ﻫﻴﺞ ﺍﺷﻴﺎﺀ ﺍﻟﻜﺒﺪ ﻣﺘﺄﺫﻱ
ﻧﻐﻢ ...... ﺩ ﺩﻛﺘـ ﻭﻭﺭ ﺍﺭﻳﺪ ﺍﻟﻌﺼـﻴـ ﻳـﺮ
ﺍﻟﺪﻛﺘﻮﺭ ...... ﻣﺎﺷﻲ ﺍﻧﻄﻮﻫﺎ
ﺭﻳﺎ ....... ﺍﻟﺪﻛﺘﻮﺭ ﻃﻠﻊ ﻭﺳﻴﻒ ﻭﻻﺳﻞ ﻃﻠﻌﻮ ﻭﻳﺎ ﺍﻧﻲ ﺷﺮﺑﺖ ﺍﻟﻌﺼﻴﺮ ﻟﻤﺎﻣﺎ ﻭﻓﺮﺣﺎﻧﺔ ﺑﻴﻬﺎ ﺍﻟﻴﻮﻡ ﺯﻳﻨﺔ ﻭﺗﺤﺠﻲ ﺍﻛﻴﺪ ﺗﻌﺎﻓﺖ
ﻫﻲ ﺗﻤﺴﺢ ﻋﻠﻰ ﺧﺪﻱ ﻭﺍﻧﻲ ﺍﺑﻮﺱ ﺑﺄﻳﺪﻫﺎ ﺗﻘﺮﻳﺒﺎ ﺳﺎﻋﺔ ﻭﻣﺤﺪ ﻛﺎﻝ ﺍﻃﻠﻌﻲ ﻣﻮ ﺯﻳﻦ ﻭﺍﻧﻲ ﻛﻴﻔﺖ ﺍﺑﺎﻭﻉ ﺳﻴﻒ ﻭﺑﺎﺳﻞ ﻭﺍﻛﻔﻴﻦ ﺑﺮﺓ ﻭﻋﻴﻨﻬﻢ ﺣﻤﺮ ﻣﺎﺍﻋﺮﻑ ﺷﺒﻴﻬﻢ ﺍﺭﺟﻊ ﺍﺳﻮﻟﻒ ﻭﻱ ﻣﺎﻣﺎ ﺷﻮﻱ ﻛﺎﻟﺖ
ﻧﻐﻢ ....... ﺭﻳﺎ ﺻـ ﺻـ ﻧﺪﻭﻭﻙ ﺍﻟﺬﻫـ ﻫﺐ ﻭ ﻭﻳﻦ
ﺭﻳﺎ ....... ﺍﻧﻲ ﺿﺎﻣﺘﻪ ﺑﺲ ﻣﺎﺩﺍﻡ ﺗﺤﺴﻨﺘﻲ ﺭﺍﺡ ﺍﻧﻄﻲ ﻟﻠﻮﻟﺪ
ﺑﺲ ﻛﻮﻟﺖ ﻫﻴﺞ ﺍﻣﻲ ﻋﺼﺮﺕ ﺍﻳﺪﻱ ﻗﻮﻱ ﻭﻛﺎﻟﺖ
ﻧﻐﻢ ...... ﺩ ﺩﻳﺮﻱ ﺑﺎﻟﺞ ﻻ ﻻﺗـ ﺗﻨﻄﻴﻨﻪ ﻣـﻤﺎﺷـﺸﻲ
ﺭﻳﺎ ....... ﺍﻧﺼﺪﻣﺖ ﺑﺲ ﻫﺰﻳﺖ ﺭﺍﺳﻲ
ﻭﻣﺎﻣﺎ ﺩﺍﺭﺕ ﺭﺍﺳﻬﺎ ﻟﻠﺠﻬﺔ ﺍﻟﺜﺎﻧﻴﺔ ﺑﺎﻭﻋﺖ ﻟﻠﺸﺒﺎﻙ ﺳﻴﻒ ﻭﺑﺎﺳﻞ ﻣﺎﻛﻮ ﻃﺎﺣﺖ ﻋﻴﻨﻲ ﻋﻠﻰ ﺍﻟﺴﺎﻋﺔ ﺷﻔﺘﻬﺎ ﺏ 9 ﺍﻟﺼﺒﺢ ﺣﺴﻴﺖ ﺍﻣﻲ ﺗﺘﻨﻔﺲ ﺑﺴﺮﻋﺔ ﺑﺎﻭﻋﺘﻠﻬﺎ ﻓﺰﻳﺖ ﻣﻦ ﺷﻔﺖ ﺻﺪﺭﻫﺎ ﻳﺼﻌﺪ ﻭﻳﻨﺰﻝ
ﻭﻧﻔﺴﻬﺎ ﺳﺮﻳﻊ ﺩﺭﺕ ﻭﺟﻬﻬﺎ ﻋﻠﻴﺔ ﺑﺜﻨﻴﻦ ﺍﺩﻳﺔ ﻭﺍﺩﻙ ﻋﻠﻰ ﺧﺪﻭﺩﻫﺎ ﻭﺍﺣﻈﻨﻬﺎ ﻭﺍﺑﭽﻲ ﻣﺎﺻﺪﻛﺖ ﻃﻠﺒﺖ ﻛﻤﺖ ﺍﺻﻴﺢ ﻣﺎﻣﺎ ﻣﺎﻣﺎ ﺷﺒﻴﺞ ﺍﻛﻌﺪﻱ ﻣﺎﻣﺎ ﺍﻟﻠﻪ ﻋﻠﻴﺞ ﻣﺎﻣﺎ ﻣﺎﻣﺎ ﻻﺗﻌﻮﻓﻴﻨﻲ ﻣﺎﻣﺎ
ﻫﻲ ﺑﺎﻭﻋﺘﻠﻲ ﻭﻛﺎﻟﺖ
ﻧﻐﻢ ....... ﺭﻳﺎ ﺍﺩﻋﻲ ﺍﻟﻠﻪ ﻳﺪﺯﻟﺞ ﺍﻟﻴﺴﺎﻋﺪﺝ ﻭ ﻭ ﻭﻳﺨﻠﺼﺞ ﻣﻦ ﻇﻠﻢ ﺍﺧﻮﺍﻧﺞ ﺍﻟﻠﻬﻲ ﺑـ ﺑـ ﺑﺤـ ﻕ ﻣﺤـ ﺣﻨﺘﻲ ﻳـ ﻳﺎﻟﻠﻪ ﺍﻟﻠﻬﻲ ﺍﺩﻋﻮﻙ ﺑﺄﺧﺮ ﻟﺤﻈﺔ ﻭﺍﻃﻠﺐ ﺍﻟﺮﺟﺎﺀ ﻣﻨﻚ ﺍﻟﻠﻬﻲ ﺧﻠﺺ ﺑﻨﺘﻲ ﻣﻦ ﻣﺮﺿﻬﺎ ﻳﺎﺍﺍﺍﺭﺏ ﺍﺍﺍﺍﻩ ﺭﻳﺎ ﺍﺍﺍﺍﺍﻩ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ ﻣﺎﻣﺎ
ﺭﻳﺎ ....... ﺍﺧﺮ ﺷﻲ ﻭﺻﺘﻨﻲ ﻣﺎﻣﺎ ﻭﺗﺸﺎﻫﺪﺕ ﺍﻧﻲ ﺗﺨﺒﻠﺖ ﻛﻤﺖ ﺍﻋﻴﻂ ﺑﻜﻞ ﺻﻮﺗﻲ ﻣﺎﻛﻮ ﺍﺩﻙ ﻭﺍﻟﻄﻢ ﻭﻛﻠﺸﻲ ﻣﺎﻣﺎﻛﻮ ﺩﺧﻠﻮ ﺩﻛﺎﺗﺮﺓ ﻃﻠﻌﻨﻨﻲ ﺍﻟﻤﻤﺮﺿﺎﺕ
ﺍﻧﻲ ﺍﺻﺮﺥ ﺳﻴﻒ ﻭﺑﺎﺳﻞ ﻇﻠﻮ ﻻﺯﻣﻴﻨﻲ ﻭﻳﺒﺠﻮﻥ ﻣﺎﺗﺨﻴﻠﺖ ﺍﻧﺤﻂ ﺑﺎﻟﻤﻮﻗﻒ ﻧﻔﺴﻪ ﻣﺮﺗﻴﻦ ﻗﺒﻞ ﻛﻢ ﺷﻬﺮ ﺟﻨﺖ ﺑﻨﻔﺲ ﺍﻟﺤﺎﻟﺔ ﻭﻓﻘﺪﺕ ﺑﺎﺑﺎ ﻭﻫﺴﺔ ﻓﻘﺪﺕ ﻣﺎﻣﺎ ﺑﺲ ﺣﺎﻟﺘﻲ ﻫﺴﺔ ﺍﺗﻌﺲ
ﻋﺎﻻﻗﻞ ﻣﻦ ﻓﻘﺪﺕ ﺑﺎﺑﺎ ﺟﺎﻧﺖ ﻣﺎﻣﺎ ﻳﻤﻲ ﻭﺟﻨﺖ ﻣﻔﻜﺮﺓ ﺍﺧﻮﺍﻧﻲ ﺭﺍﺡ ﻳﻌﻮﺿﻮﻧﻲ ﺑﺲ ﻫﺴﺔ ﻻ ﻓﻘﺪﺕ ﻣﺎﻣﺎ ﻭﺍﻋﺮﻑ ﺷﻨﻮ ﻃﻴﻨﺔ ﺍﺧﻮﺍﻧﻲ ﻳﻌﻨﻲ ﺗﺤﻄﻤﺖ ﺗﻤﺎﻣﺎ ﻇﻠﻴﺖ ﺍﻋﻴﻂ ﺑﻜﻞ ﺻﻮﺗﻲ ﻭﺍﺑﭽﻲ ﻓﻘﺪﺕ ﻭﺍﻧﻲ ﺍﺷﻮﻓﻬﻢ ﻳﻐﻄﻮﻥ ﻭﺟﻪ ﺍﻣﻲ ﺍﻟﻤﻨﻈﺮ ﺍﻟﻜﺮﻫﺘﻪ ﻃﻮﻝ ﻋﻤﺮﻱ ﺍﺷﻮﻑ ﺍﻟﻤﺴﻠﺴﻼﺕ ﻫﻴﺞ ﻳﺼﻴﺮ ﺑﻴﻬﺎ ﻭﺍﻇﻞ ﺍﺑﭽﻲ
ﻭﺍﻧﻲ ﺍﻟﻴﻮﻡ ﺻﺎﺭﺕ ﺣﻴﺎﺗﻲ ﺍﻛﺒﺮ ﻣﺴﻠﺴﻞ ﻭﻣﺮﻳﺖ ﺑﺄﻛﺒﺮ ﻣﺸﻬﺪ ﻣﺮﺗﻴﻦ ﻟﻴﺶ ﻳﺎﺩﻧﻴﺎ ﻟﻴﺶ ﺍﻟﻨﺎﺱ ﻋﺎﻓﺖ ﻇﻴﻤﻬﺎ ﻭﻗﻬﺮﻫﺎ ﻭﺍﺟﻮ ﻳﺒﭽﻮﻥ ﻋﻠﻰ ﺣﺎﻟﻲ ﺍﻟﺪﻛﺎﺗﺮﺓ ﺳﺤﺒﻮ ﺍﻣﻲ ﺑﺎﻟﻨﻘﺎﻟﺔ ﻛﺪﺍﻣﻲ ﻭﺍﻧﻲ ﺍﺻﺮﺥ ﻭﺍﺧﻮﺍﻧﻲ ﻻﺯﻣﻴﻨﻲ ﻣﺎﻳﻘﺒﻠﻮﻥ ﻳﻌﻮﻓﻮﻧﻲ ﻣﺎﺍﻋﺮﻑ ﻭﻳﻦ ﺍﺧﺬﻭ ﻣﺎﻣﺎ
ﻳﺘﺒﻊ .
ﻭﺍﻟﻠﻪ ﻣﺎﺍﻛﺪﺭ ﺍﻛﺘﺐ ﺑﻌﺪ ﻭﺍﻟﻠﻪ ﺍﻛﺘﺐ ﻭﻣﺎﺍﺷﻮﻑ ﺍﻟﺤﺮﻭﻑ ﻭﺍﻟﻠﻪ ﺩﻣﻮﻋﻲ ﻣﺎﺍﺳﻴﻄﺮ ﻋﻠﻴﻬﻦ
