 |
رواية مابين العشق والانتقام الجزء الثاني (مازلت احبك) الفصل الخامس والفصل السادس بقلم يوكا
نروح عند حور /
حور / كانت نايمه وكان باين عليها بتحلم بكابوس وكان حلم مزعج جدا
حور / لا يا ابي لا
في الحلم
ابو / حور ياخساره يا حور مقدرتيش تنفذي وعدي وبتعذب بسببك يا خساره يا بنتي
حور / لا يا ابي كفايه عذاب ونبي مش قادره استحمل اكتر من كده انا بتعذب
الاب/ انا بتعذب بتعذب بسببك مقدرتيش تكوني قد كلمتك
حور / ابي مش هقدر ابعد عنه انا بموت فيه
الاب/ يا خساره انا مش هسامحك مش هسامحك يفضل يقول كده لحد ما الصوت يختفي
حور / تقوم مفزوعه. ابي لا وتأخذ نفس بصعوبه وتنزل دموعها لا يا ابي ونبي لا تحكم عليا تاني حرام عليك مش شايف عذابي وتعبي واحتياجي لوجود ادم جنبي بلاش عذاب تاني انا تعبت من العذاب والفراق انا وعدته عمري ما اسيبه لانه بعده عني انتحار يا ابي وتنزل دموعها بقوة وحزن شديد تقوم حور تقف قدوم المرايا وتفضل كلمه ابوها في دماغها مش هاسامحك يابنتي مش هاسامحك يابنتي
حور / تحط أيدها علي دماغه وتغلق عيونها بوجع لا كفايه بقا نار الفراق كفايه وجع الحب كفايه عذاب لحد امتا افضل اعذب فيه وفيا لحد امتا نعمل في بعض كده ونعذب بعض طالما بنحب بعض ليه كل اللي بيحصل ده ليه كل الصعوبات دي ذنبي اي غير اني عايزه اكون معاه وفي حضنه ذنبي اي اني حبيته والقلب دايب فيه ذنبي اي انه دون عن كل الناس عشقته بكل جبروتي انا عملت اي عشان يحصلي كل ده انا طول عمري بحب الخير لناس ابي سامحني مش هقدر ابعد عنه مره تانيه يا ابي كفايه حرام
تدخل الام
حور / تمسح دموعها بسرعه
رغد / مش هاتقدري تبعدي عن مين
حور / هاه كابوس يا امي وتترمي في حضنها
رغد / ترتب علي شعر بنتها ابوكي صح
حور / تنظر في عيون امها عرفتي منين
رغد / لأنه بقاله كام يوم في احلامي واشتكي منك ليه مش عارفه بيقولي مش مرتاح
حور / تتوجع وفي سرها معقول ابي بيتعذب بسببي ياربي اي الاختيار الصعب ده
الام / انتي بتعملي اي عشان زعلان منك
حور / معملتش حاجه
رغد / رجعتي لي ادم صح
حور / تبعد عن امها يووه سيبوني في حالي بقا انا تعبت والله العظيم عايزين مني اي
رغد / تمسكها من دراعها لما اكلمك متمشيش وتسبيني ولما امك تكلمك تردي بأدب ياست حور
حور / تنظر في الأرض اسفه امي
رغد / قوليلي الحاجه من غير كذب لسه معاه رجعتي إليه
حور / تغلق عيونها بوجع وتحط أيدها علي دماغها كفايه بقا وتسيب امها وتخش التواليت تفتح الدش وتنزل عليها المياه وهيه بهدومها ودموعها بتنزل منها ليه كل ما افرح الحزن يخبط علي الباب ليه كده ياربي ليه انا تعبت والله انا مقدرش انفذ وعد ابي وفي نفس الوقت مش عايزه ابي يكون بيتعذب بسببي ده ابي وده حبيبي اه اختيار صعب والفرق ما بينهم زي السما والارض زي الموت والحياه ياربي نورليا طريقي انت العالم بيا وبحالي يا الله انت عالم بحبي إليه قد اي انت اللي عالم اني من غيره بموت ومش عايشه انت العالم بحالي بحبي انت عالم بكل ما في قلبي يا الله تخرج حور التواليت وتنشف شعرها من الماء وتبص لنفسها في المرايا تحس حور أن حد واقف في الشباك المجاور لها وبينظر عليها تفتح حور الشباك وتبص لكن متلقيش حد
حور/ هو انا بقا فيا عقل اصلا وتبتسم عندما تفتكر ادم
حور / اه انت قادر يا حبيبي مجرد ذكره ليك تفرح قلبي مجرد كلمه منك بطير عقلي ودواء لجروحي نظره من عيونك هيه دواء بتاعي انا حاجه كده دخلت حياتي بس عشان تفرحني عمري ما زعلت منك بالعكس أنا اللي كنت السبب في زعلك وكسره نفسك يوم فرحنا اللي كانوا نفسنا فيه لكن مش عارفه الدنيا هتروح بينا لفين ولفين هتلف وتلعب بينا لحد امتا وتأخذ نفس طويل بوجع وتجهز نفسها حتي تروح الشركه وتشوف اخبار الشركه اي تلبس حور بنطلون جينز مقطع وعليه تشيرت ابيض وتلبس بوط طويل وتسيب شعرها يأخذ حريته وتلبس شنطه لون الطقم وتأخذ تلفونها والمفاتيح وتنزل تلاقي عاصي قاعد مع امها
حور / بابتسامة تخطف القلب صباح الخير عاصي
عاصي / بسرحان في ذلك الجمال وذلك الحلاوه وعيونها الساحره اللي مثل الساحره الشريره الذي تخطف اي حد من غير ما يحس بنفسه
عاصي / صباح الجمال علي اجمل عيون
حور / تبتسم بخجل شكرا
رغد / تشوف نظرات عاصي الي بنتها علي فين يا حور
حور / رايحه اشوف اخبار الشركه والحسابات بتاعت الشركه والسيوله أثناء فتره السفر اي
رغد / بخبث اي رأيك تخدي معاكي عاصي
حور / تجز علي أسنانها من أفعال امها يمكن وراه شغل يا مامي
عاصي / بسرعه ولا اي حاجه بالعكس اهوه ندردش مع بعض
حور / تكتم غضبها تمام يلا بينا
ويقوم عاصي يمشي جنب حور التي كان متابع كل حركه منها بعينه وكان منبهر بذلك الجمال الجذاب
حور / هروح بعربيتي
عاصي / لا اكيد سيارتي انا مش هيكون معايا ملاك كده واخليه يسوق
حور / تبتسم انا اصلا بحب العربيات والسباق والخيل مش بزهق من الحاجات دي بالعكس بلاقي نفسي فيها
عاصي / اسمحيلي المره دي اتشرف انا بتوصيلك يا حور
حور / تمام يفتح عاصي الي حور الباب تركب حور وعاصي يركب السياره ويبدأ يقود سيارته علي الشركه ولا نفطر مع الاول
حور / تنظر من الشباك الشركه
عاصي / ويرضيكي اكون علي لحم بطني
حور / تأخذ نفس عميق لا ازاي خلاص نفطر علي السريع مع بعض
عاصي / هيكون فطار مميز تحبي نروح فين
حور / اي مكان بسيط يكون بيعمل سندوتشات شاورما كده
عاصي / يبتسم بنت زيك عايزه تروح مكان بسيط وتأكل سندوتشات شاورما
حور / ترفع حاجبها اي يعني بنت زي هو انا مش بشر ولا اي مافيش اجمل من البساطه واعيش عيشه عاديه مش عيشه الرفاهيه دي لا احسن حاجه البساطه عشان نحس بالناس اللي عايشه علي قد حالها هنعرف ازاي هما عايشين ازاي من غير ما نجرب ونشوف هما ازاي عايشين البساطه احلي حاجه
عاصي / بانبهار من كلامها عندك حق يبقي نروح مطعم عادي في وسط البحر
حور / مع اني مش عايزه بس تمام احسن يحصلك حاجه ويكون ذنبك في رقبتي وعلي اي
عاصي / يضحك ويرجع يقود سيارته الي مطعم اللي في وسط البحر ينزل يفتح الي حور الباب تنزل حور من العربيه وكان شعرها عمال يطير وعاصي كان سرحان فيها وفي عالم تاني يطلع الاول علي اليخت يمد ايده الي حور لم تمسك في ايده وتتطلع لأنها لم تقبل أن أيدها تلمس ايد غير ادم لم تقبل انها تحط أيدها في ايد شخص تاني هو حبيبها وبس التي تمد أيدها اليه وتكون مطمئنه علي نفسها موافقه تديلوا عمرها كله ولم تعترض
عاصي / يتحرج لكن يبتسم في سره ويقعد علي طاوله هو وحور ويطلبون شاورما اللحم مع شراب البيبسي وتبدأ تأكل حور وتغلق عيونها يسلام هو ده الاكل مش اكل الخواجات اللي عندنا ده
عاصي / يضحك عليها ويفضلوا يتكلمون مع بعض عن السفر وكان السفر عامل ازاي ويستمتع عاصي بكل كلامه طالعه من حور
حور / يلا بقا عايزه الحق اروح الشركه كانت حور طول فتره كلامها مع عاصي كانت سرحانه في العاشق بتاعها وكانت شايفه ضحكته صوته الدافئ قدوم عيونها وصوته بيردد في ودنها
وتنزل حور من المركب وترجع تركب السياره مع عاصي ويروحوا الشركه تدخل حور وكان كل الموظفين عيونهم علي حور وعلي جمالها لم تعطي حور اي اهتمام وتدخل مكتبها وتتطلب من السكرتيرة بتاعتها الملفات والحسابات تجيب السكرتيره الي حور كل ما طلبته حور وتبدأ تشوف الحسابات وتلاحظ أن من ساعه ما سفرت الشركه السيوله بتكبر فيها وأن ادم.كان السبب في ده وحال الشركه أصبح حاله احسن مما كان منصور عايش
حور / في سرها شوفت يا ابي اللي انت خايف منه كبر شركتنا ازاي
عاصي / يقطع حبل افكارها شكلك شاطره جدا
حور / تبتسم الحمد لله لان الفاشون ده شئ حلو وبحب الشغل عليه انت شركاتك عن اي
عاصي / مباني
حور / جميل جدا
عاصي / جربتوا تخشوا مشاريع عن المباني وكده
حور / الصراحه لا ابي جرب يخش مشروع لكن محبش الموضوع مع اننا كلنا مهندسين واخي يوسف مهندس معماري لكن جوا الفاشون عجبني والموضه انا بقا عكسهم انا فنون جميله برسم التصميمات كلها وهما يشتغلوا عليها بحب الرسم
عاصي / انا قولت كده
حور / قولت اي
عاصي / أن واحده جميله زيك لازم تكون فنون جميله حتي حركه ايدك تدل انك رسامه بتحبي التفنن تسريحات شعرك تدل انك فعلا فنون جميله
حور / ترفع حاجبها يسلام
عاصي / مش عارفه قيمه نفسك
حور / بثقه لا عارفه طبعا قيمه نفسي وتفضل حور تشتغل وعاصي بيتفرج عليها
_______________________________________
نروح عند ليله
ليله / تصحي من النوم مبتسمه لان كان في أحلامها ذلك الحبيب المحتل عرش قلبها تفتح ليله عينيها تلاقي مايا ويوسف قدومها
تتعدل بسرعه / وتخجل صباح الخير
مايا / يوسف / في صوت واحد كل ده نوم الفطار برد
ليله / تبتسم عليهم هيه الساعه كام تنظر في الساعه ما لسه بدري اهوه انا بحسب العشاء قربت تأذن
يوسف / يصطنع الحزن وعمايل ايدي تقعد لحد العشاء
ليله / تبتسم إليه بحب لا طبعا ازاي يعني ده انا اصحي من الفجر كمان
يوسف / بغمزه كنتي نازله ابتسامات وانتي نايمه كنتي بتحلمي بحد ولا اي
ليله / بخجل هاه لا مش عارفه
مايا / يوسف يضحكوا علي شكل ليله مرتبك
مايا / كل شويه تتوتري ليه يا ليله
ليله / تشد مايا في حضنها وتفضل تبوس فيها عشان بشوف قدومي قمر كده
يوسف / يصطنع الحزن وانا ليست قمر
ليله / تبرق ليوسف هشش
يوسف / يضحك يلا بقا عشان نفطر مع بعض انا عصافير بطني بتصوصو سامعه
ليله / يالحوي لازم نحلق عصافير بطنك احسن تهجم علينا انا والمسكينه دي ويضحكون كلهم بقوة
تتعدل ليله ويبدأون الفطار مع بعض وعين ليله ويوسف متعلقه بعيون بعض ومايا عماله تتفرج عليهم وتتضحك ويخلصوا فطار
يوسف / كده عصافير بطني ارتاحت
ليله / طب الحمد لله كنت خايفه علي نفسي
يوسف / ينظر لها بقا كده ويأخذ المخده اللي جنبها ويحدفها في وشها
ليله / تتضحك كده طب اهوه وتحدفه هو الآخر بالمخده
مايا / مجانين
ليله / تحدف مايا بالمخده بحنان ويطلع الريش من المخده وفضلوا يرشوا علي بعض ريش المخده وكانوا عاملين يضحكوا بقوة وصوتهم مسموع تيجي ام مايا ورغد ويبصوا من بعيد ويبتسموا لبعض
ام مايا / رغد / ربنا يسعدهم
رغد / انا عارفه انك حزينه عشان بنتك وترتب علي كتف ام مايا
ام مايا تبتسم/ انا مبسوطه علفكرة مش زعلانه لكن ليله بنت تستاهل كل خير انا عارفه انها بتحب يوسف من قبل ما بنتي تجوزه مايا حكتلي. كل حاجه والصراحة ليله تستاهل كل خير كفايه انها كانت لمايا ام مش مجرد واحده عاديه عملت حاجات مع مايا لو امها كانت عائشه مكانتش عملت كده معاها ومن ساعه فراق بنتي وانتو خلتوني فرد من العيله مع اني علاقتنا كانت متوتره
رغد / تبتسم انتي اصبحتي فرد مهم واختي كمان يا سماح
سماح / تبتسم وانتي كمان اختي يا رغد
رغد / بابتسامة احنا كلنا جنبك وعيالي عيالك وعيالك هما عيالي يا سماح
سماح / تبتسم يوسف كان فعلا ونعمه الابن وليله بنت جدعه اوي تحضن سماح رغد ويتمنوا ليهم السعاده الدائمه دائما ويبعد عنهم الحزن والغم
يفضلوا يلعبون بالريش مع ضحكاتهم اللي تخطف القلب وتريح القلب الحزين ومرحهم وهزارهم مع بعض
ليله / تتطلع لسانها الي يوسف كسبنا عليك
يوسف / يقرب من ليله عشان يمسكها
ليله / تجري منه ويجري وراها يوسف حتي يمسكها كانت ليله هتقع قبل ما ليله تقع يجري عليها يوسف يمسكها بسرعه ويحاوطها بأيده تتعلق ليله في رقبته وتنظر في عيونه ويتبادلون النظرات والمشاعر الصادقة التي لم يعرف بيها الآخر نظره العيون التي لا تكذب نظره العيون لا تعرف يعني اي خداع نظره العيون صدقه ولم تكذب لأنها بتكشف اللي قدومك إذا كان نيته خير ليكي أو شر تكشف ليكي إذا كان يحبك فعلا ولا مجرد اعجاب مجرد فتره وبعدين يسيبك ويجرح قلبك الذي ممكن لما يحب من قلبه بجد ويتجرح بقوه ميقدرش يحب تاني ها يخاف هيفقد إحساسه بالامان هايتبني مكانه احساس خوف انك خايفه تقعي في حب حد اخر بجرحك ويكسر قلبك اللي حبه أحسنوا اختياركم بلاش السرعه في الاختيار ده مش اختيار يوم ولا اتنين يابنت حواء اختاري صح حتي تكوني مطمئنه وانتي جنبه انك جنب راجل ها يحافظ عليكي في غيابك قبل وجودك ميقدرش يخونك ولا عيونه تنظر علي غيرك يبقي شايف أن انتي ست البنات كلهم يا بنت حواء انتي جوهره ولازم تعرفي قيمه نفسك اوعي ثقتك بنفسك تروح عشان خاطر مراهق كسر خطرك وثقتك لا انتي غاليه اوي ده رب العالمين وصي عليكي يا بنت حواء انتي مخلوقه عشان تكوني مبسوطه وي وشك بيضحك مش عشان الاهانه والجرح والخدع انتي مخلوقه عشان عينك تلمع من الفرحه وليست من الحزن والدموع المتكونة في عيونك وبتتضحكي عشان تخبئ ذلك الدموع الكل فاكر أن اللي بيضحك ده انسان سعيد في حياته وعايش حياته ميعرفوش أن أكتر ناس بتتضحك هما اكتر ناس من جواهم بيموتوا ولو حد حاول يتكلم معاهم من قلبه هيعرفوا قد اي هما موجوعين احنا كتير بنضحك عشان مش نعيط بنضحك. عشان نخبي واجعنا وليه كل ده ليه مش من الاول نختار صح عشان نرتاح بعد كده ليه مش من الاول نشوف هل ده هيكون البيت والسند هل ده هيكون حمايه ليكي واب اختاري استني اصبري متقوليش انا سني كبر قطر الجواز فاتني لا بالعكس ده ربنا بيختبر صبرك ومستني يدهش قلبك بشئ مكنتش تتوقعيه اصلا بشئ كان اخرك تحلمي بيه بس الصبر مفتاح الفرج يا حبايبي تاني يابنت حواء اوعي الحزن يأكل كل حاجه حلوة جواكي الحزن هيسيب جواكي السراب وبس كل حاجه هتصبح سراب واللي يهون عليه زعلك هتهوني عليه في كل حاجه بعد كده اللي ينيمك زعلانه مش هيسأل عنك وقت ما تكوني محتاجه وجوده الكل بيبان وقت الشده فكروا قبل اي حاجه قبل اي خطوه العقل ده عشان نفكر بيه ونلحق نفسنا قبل الوقوع في الغلط
ليله /يوسف يفضلوا يبصوا في عيون بعض وسرحانين في بعض
مايا / تبتسم وتسقف انا حاسه اني قاعده في فيلم رومانسي
ليله / يوسف يفوقوا وتبعد عن يوسف بخجل يوسف يضحك علي خجلها وي وجهها الذي مثل الدم
مايا / انتو حلوين اوي مع بعض
ليله / تبص الي يوسف وتبتسم ويبص إليها ويبتسم
مايا / انا ممكن اقولك يا ماما
ليله / قلبها يدق بقوة البرق وتبص الي يوسف التي كان مبتسم عندما قالت كده
ليله / تقرب منها ودمعه هاربه تنزل من عيونها عايزه تقوليلي مامي
مايا / اه عشان انتي مامي يا ليله انا كتير عايزه اقولك كده وخايفه تزعلي مني لكن انا عايزاكي مامي
ليله / تبتسم وتحضن مايا ممكن طبعا انتي بنتي اصلا يا مايا
مايا / تحضن ليله وتبتسم انا بحبك اوي يا مامي اوي
ليله / دموعها تنزل وانا بحبك اوي يا عيون مامي
مايا / تشد يوسف وتحضنهم هما الاتنين انا محظوظه عشان عندي بابي ومامي حلوين زيكم
ليله / قلبها عمال يدق بقوة لدرجه حاسه أنهم سامعين صوت قلبها
يوسف / ينظر إلي ليله ويبتسم إليها تبتسم ليله ومكانتش مصدقه انها تقولها كده كانت نفسها اه تقولها مامي لكن فرحت اوي عندما نطقت ذلك الكلمه التي خليت ليله فرحانه من قلبها
مايا / هو انتي وبابي ممكن تجوزوا بعض
ليله / تتسع عيونها وقلبها بيدق بقوة وعلي وشك الانفجار وتنظر الي يوسف بخجل يدق قلب يوسف بقوه ويتوتر وينطق بابتسامة ليه لا
مايا / تنطط يسلام بابي ومامي هيتجوزوا يسلام هذا هو الكلام
ليله / تتسع عيونها من الفرحه مصدومه مش مصدقه عايزه انها عايزه تعيط من كتر الفرحه معقول حلم السنين هيتحقق كانت عاوزه تلف وتقول بصوت عالي بحبك يا يوسف
يوسف / ينظر إلي ليله التي كانت فرحانه لدرجه لا تتوصف كانت عيونها بتنطط من كتر الفرحه كان حاسس ان قلبها بيرقص من الفرحه والدنيا مش سايعه فرحتها وعايزه تقول باعلي صوت انا مبسوطه مبسوطه
يوسف / يبتسم إليها معرفتش رأي العروسه
ليله / تبلع ريقها بصعوبه مين انا
يوسف / هو في عروسه غيرك يعني معانا مكنش انا
ليله / تتضحك مش هقولك رأي دلوقتي علفكرة
يوسف / يصطنع الحزن واهون عليكي يا مفتريه
ليله / بابتسامة بسيطه اهوه بقا انا العروسه ومن حقي اخذ وقتي في التفكير اديني سنه اتنين افكر
يوسف / يرفع حاجبه وبصوت خشن نعم ياختي سنه اتنين هو لسه في سنه اتنين كمان
ليله / تضحك علي شكل يوسف
مايا / قولي اي يا مامي
ليله / تبتسم سيبي مامي علي راحتها مش هقولك كده غير في حاله واحده
يوسف / اي
ليله / اول ما تأكد من حاجه
يوسف / يبتسم إليها حقكك ياقمر ومن حق الجميل يدلع اصلا
ليله / تخجل وتنظر في الأرض
يوسف / حلاوتها وهيه بتكسف كده
مايا / علفكرة معاكم طفله صغيره هنا
ليله / يوسف يبصوا لبعض هيه فين الطفله دي
مايا / تصطنع الحزن كده
ليله / تحتضنها اجمل طفله في العالم كمان ياروحي
________________________________________
نروح عند نور
نور / تصحي من النوم تلاقي رقم بيرن تفتح نور وبصوت نعسان الوو مين
فهد / صوتك حلو وانتي نايمه علفكرة
نور / تفضل تقفل وتفتح عينيها انا مش لسه نايمه صح
فهد / تؤ صاحيه
نور / قول والنعمه
فهد / يضحك بقوة عليها والنعمه
نور / تخجل من نفسها وتتعدل بسرعه صباح الخير اولا
فهد / صباح الورد ياستي
نور / بارتباك هو في حاجه
فهد / اه فيه يا نور
نور / بفضول في اي
فهد / ممكن اشوفك دلوقتي
نور / ليه وبتاع اي تشوفني اصلا
فهد / يبتسم مش وقته كلامك ممكن ولا اي
نور / امري لله ممكن
فهد / طيب في انتظارك في الكافيه اللي جنب الفيلا
نور / ربع ساعه واكون عندك
فهد / في انتظارك وتغلق الخط معاه وتقوم تنطط علي السرير بقوة يسلام وتفضل تنطط علي السرير بفرحه وتنزل تدخل تأخذ شاور وتخرج تفضل واقفه قدوم الدلاوب البس اي البس اي
نور / الفستان ده هيكون حلو كان فستان طويل ومحترم كان لونه ذهبي ومن ورا عمال زي السمكه تلبس نور الفستان وتجيب شعرها علي كتفها وتحط بعض الميك اب البسيط خليها اميره فعلا تنزل نور تأخذ تاكسي وتوصل الي الكافيه تنزل من التاكسي تتوجهه الي فهد وكان كل العيون عليها اول ما فهد يشوفها يسرح فيها وفي البساطه اللي هيه فيها وأنها جميله جدا فعلا نور وهيه فعلا تنور حياه اي حد تقرب نور من فهد
فهد / بانبهار يمد ايده الي نور تمد أيدها ويطبع قبله بسيطه علي أيدها مما خلي نور تحس قلبها هيقف خلاص وجسمها بيترعش حاسه انها اتجمدت مكانها
نور / تشيل أيدها بخجل
فهد / يمسك الكرسي الي نور وتقعد نور ويقعد قدومها علطول
نور / بفضول قولي بقا
فهد / اولا ياستي نفطر مع بعض
نور / هاه لا شكرا
فهد / مافيش الكلام ده ويطلب فطار ليهم ويبدأون الفطار مع بعض وكانت نور بتأكل بخجل من فهد
فهد / ليه كل الخجل ده
نور / لا مافيش خجل ولا حاجه كنت عايز اي
فهد / فضوليه بصي ياستي بقا
نور / اي
فهد / محتاجك جنبي ممكن انا ارتحت اليكي وعايزك جنبي
نور / تتسع عيونها من الفرحه لكن انا اخذت بالي انك
فهد / يغلق عيونه بوجع اني بحب ليله لكن زي ما انتي شايفه قلبها ولا عقلها معايا اصلا قلبها مع ذلك الحبيب المحتل عرش قلبها وانا ولا هنا وانا محتاج اني اعيش من غيرها محتاج فرصه وأخذت بالي من نظرات عيونك وشايف انك انسانه جدعه وطيبعه ورقيقه وبسيطه محترمه انسانه جميله فعلا هادئه
نور / تبتسم عايزني جنبك ازاي بظبط
فهد / عايزك تخليني انسي ليله عايز احب يا نور عايز اجرب طعم الحب عايز يكون في تبادل مش احساس من طرف واحد فقط عايز احس اني في حد خايف عليا اني مهم في حياه حد اني ليا قيمه عند حد مش اني وجودي وعدمه واحد تقبلي كده
نور / تدمع عيونها لأنها أحببته من اول نظره لم تحس انها حبيته لكن الحقيقه ان قلبها اتعلق بيه من غير ما تعرف اصلا مين هو وإذا كان في حد في حياته ولا لا قلبها دق لي من غير ما يشوف هل هذا الشخص مناسب إليها ولا لا تهز نور دماغها موافقه
فهد / يمسك أيدها تقدري تخليني اعشقك واموت فيكي انتي وتكون صورتك قدوم عيوني كل ما اقفل عيني تقدري تخلي قلبي يدق بقوة اول ما اسمك يجي علي بالي تقدري يا نور ولا صعب عليكي
نور / مافيش حاجه صعبه يا فهد ده الحديد بيلين يبقي اي الصعب واللي معندوش قلب ممكن يقع في الحب بكل قوه احنا بنصعب الموضوع شايفين كل حاجه مستحيله واصلا كل حاجه في حياتنا ليها حل مافيش حاجه مستحيله كل شئ لي حل يا فهد وان شاء الله هقدر لكن لازم يكون في مساعده منك
فهد / يبتسم وانا هعمل كل ما في أيدي حتي اقدر اعيش عشانك لان شوفت فيكي حنيه مش في حد شوفت خوفك عليا اللي اول مره اشوفه في عيون حد اصلا يا نور
نور / تخجل وتنظر في الأرض
فهد / يضحك عليها انتي فعلا جميله
نور / ليه منقولش أن عيونك هما الحلوين
فهد / والعيون الحلوة بتشوف الناس الحلوة بس
نور / احكيلي عن نفسك عايزه اعرفك
فهد / وانا عايز اعرفك ويحكون عن حياتهم لبعضهم لبعض وكل من الاخر مستمتع بالحديث مع الآخر
________________________________________
نروح عند ادم
ادم / أن شاء الله هنعرف مين اهلك يا وعد
وعد / تبتسم أن شاء الله مش عارفه اشكرك ازاي بجد انت انسان كويس اوي
ادم / بابتسامة بسيطه مافيش داعي لشكر اصلا يا انسه
وعد / تنظر الي ادم وتنظر الي عيون ادم اللي تخطف القلب ونظره عيونه اللي كلها رجوله صوته الدافئ المليان برجوله شكله عضلاته طوله كل شئ في يخطف القلب شعره الناعم تنظر الي وتستغرب من نفسها اي مالي
يرن تلفون ادم وكان من القسم
ادم / الوو
الشرطه / كنت حضرتك قايل اي حد يعمل بلاغ نقولك في واحد عامل بلاغ أن بنته مختفيه من ثلاث ايام
ادم / بفرحه طيب جاي حالا مع البنت
ادم / في حد عامل بلاغ علي اختفاء بنته
وعد / بابتسامة طب يلا بينا تخرج معاه ويروح الي القسم يدخل ادم مع البنت كانت خايفه مسكت في دراع ادم حتي تتطمن ادم اتعصب لانه لم يريد أن حد يلمسه غير حبيبته وبس هيه اللي من حقها تلمسه وبس
ادم / فين حضرتك الراجل اللي عامل بلاغ
يشاور الشرطي علي شخص يلف الشخص تجري عليه وعد انت ابي صح
الراجل / مين انتي دي مش بنتي
وعد / تحزن وتقف جنب ادم بحزن
الراجل / أن شاء الله تلاقي اهلك يابنتي لان اكيد حالتهم زي حالتي
وعد / تهز دماغها بحزن أن شاء الله
ادم / بحزن طيب ياريت اي جديد تقولي
الشرطي / أن شاء الله يخرج ادم مع وعد من القسم
وعد / شكل مافيش امل
ادم / ليه اليأس من الاول كده ده انتي لسه مش بقالك ثلاث ايام
وعد / تفتكر ماليش أهل
ادم / ياستي لو ملكيش احنا اهلك لحد ما ترجع ذكرتك بردوا احنا اهلك
وعد / تبتسم من كلامه مش عارفه اشكرك ازاي بجد
ادم / مش عايز شكر عايزك تكوني مبسوطه بس وان شاء الله يكون عندك أهل
وعد / أن شاء الله
ادم / ينظر إلي هدومها الغير مرتبه اي رأيك نروح نشتري هدوم
وعد / بخجل شكرا انت ملكش ذنب تشيل همي
ادم / اركبي العربيه يلا تركب معاه ويقود السياره ويروح مول ملابس كبير ويخلي وعد تشتري كل ما عايزاه
وعد / دول يعتبر دين عليا لحد ما ارجع ليك فلوسك
ادم / ماشي ياستي ويرجع وعد البيت حتي تقعد مع أمه
ادم / اسيبكم انا بقا هروح المزرعه يا امي
وعد / بحزن انا عارفه انك مش هنا بسببي
ادم / لا انا متعود اقعد في المزرعه ويبتسم عندما يفتكر حوريته مش برتاح غير هناك هناك رحتي وفرحتي
وعد / بابتسامة انت تستاهل كل خير
الام / طب ما تأكل حاجه معانا الاول يابني
ادم / هأكل هناك ما انتي عارفه ويغمز لها
الام / تبتسم ربنا يسعدك يا ابن بطني
ادم / يبوس أيدها يارب يا امي
الام / بابتسامة يارب ياحبيبي ويخرج ادم من البيت يروح الي المزرعه ويبعت رساله الي حور
ادم / وحشتيني كتير حوريه قلبي وحشتيني جدا ياروح قلبي في انتظارك حوريتي
حور / تشوف الرساله وتظهر على وجهها ابتسامه واسعه وانت كمان حبيبي حاضر جايه
حور / الي عاصي لازم امشي
عاصي / طيب يلا
حور / بزهق رايحه عند صديقه ليا
عاصي / طيب اوصلك
حور / لا شكرا انا هروح إليها عن اذنك وتمشي حور بسرعه قبل اي رد من عاصي وتروح الي المزرعه الي ادم
____________________________________________
نروح عند جميله
جميله / ماشيه مع ابنها وفجاه تقرب منهم سياره سودا فخمه كبيره تشد فيها جميله ومحمد ويغدروا كل من محمد وجميله ويروحوا بيهم الي المكان المطلوب ويحطوا جميله ومحمد علي السرير وكانوا تحت تأثير المخدر لسه
عند مراد يوجعه قلبه ويتصل علي جميله ولم ترد يفضل يرن كذا مره ولم ترد يمتلك قلبه القلق والخوف علي محبوبته
بعديها يوصل الي مراد رساله
يفتح الرساله ويتصدم عندما يلاقي ؟
ياتري هيحصل اي معاهم ؟
________________________________________
نرجع عند حور وادم كانوا قاعدين مع بعض وظاهر علي حور التعب وي وشها المصفر
ادم / مالك ياحبيبتي
حور / ماليش حبيبي لكن مش عارفه انام من امبارح ممكن عشان كده
ادم / ليه
حور / كوابيس ورا بعض
ادم / يخدها في حضنه طب نامي حبيبتي
حور / تحط دماغها علي صدره وتنام وتحس بالامان فعلا اول ما تحط دماغها في حضن ادم تحس بالامان وتنام وتروح في النوم بعد قليل يبدأ حور وجهه يعرق ويصفر
ادم / بقلق حور
حور / يتنفض جسمها بقوة
فجاه ؟
__________________________________________
نروح عند ام مايا تتطلب يوسف وليله حتي تكلم معاهم تقعد ليله قدوم يوسف
ام مايا ..عايزه اتكلم معاكم
ليله / ويوسف اتفضلي يا امي
ام مايا ..انا ؟
ياتري هتقول ؟
____________________________________________
في مكان آخر في جانب آخر خالص
شخص ...يمسك التلفون ويرن علي حد ..عرفت حاجه عنها يا شويه بهايم
شخص ..بخوف مش عارف هيه فين ..
الشخص ..انتو شويه بهايم كنتو زمانكم قتلتها
شخص ..أن شاء الله أوصل إليها
الشخص ..هنشوف
