رواية مهجت روحي الفصل الخامس بقلم جمانه السعيدي
مريم....روحي احسه تريد تطلع من جسمي
احس نفسي مصخنه مااكدر اكعد ولا اكوم مااعرف شصار بيه
خطيه اختي واكف بصفي تخاف اسوي بنفسي شي
ياربي اني شسويت
كل شويه اكووول دخلو للغرفه سدو الباب
كعد يمه لزم ايدها باسه
شلون خاف يحبه ويتعلق بيه وينساني
معقوله سيد حسين ينساني
اني الصوج مني اني الي قنعته اني ضغطت علي
مااكدر اوصفلكم حالتي اتعس حاله
المصيبه الوقت مايمشي بطئ واني كاعده على اعصابي
مريم...التفتت على اختي وكتله ماعندج منوم بس كون قوي اريد انام اسبوع يله اكعد
اختي...يمه اسم الله لا حبيبتي تعاي اقرالج آيات قراءانيه
بلكت تهدين شويه
مريم...لا عفيه اني اعرف نفسي مراح ارتاح هيج
كل شويه عيني على التليفون شو مااتصل
التفتت على اختي وكتله شو مااتصل يطمن عليه
جمانه السعيدي
اختي.. اكيد مشغول
مريم.. مشغول بيه اكيد
اختي...تعاي تمددي بلكت تنامين
مريم...رحت تمددت واختي تمسح على شعري وتقرا آيات قرائانبه واني رجعت انفجرت بلبجي
راسا دك التليفون
باوعت سيد حسين
مريم....الوووو مسحت دموعي
حسين...هلو حبيبتي شلون صرتي اذا مو زينه هسه اجي اخذج للمستشفى
مريم...من سمعت صوتك صرت زينه اهي اهي
حسين...جاي تبجين
مريم...مامتعوده انام بعيد عنك
حسين.. هسه راح اجي واجيبج نروح للمشتمل ونبات هناك
مريم...لا وعروستك
حسين...عروستي شعليه ... اهم شي انتي لا اضوجين
يله حضري نفسج
مريم...لا ابقه هسه اخذ حبايه منوم وانام
حسين...اني مااعرف انام اله انتي بحضني
مريم.... عيب من عمتي شتكول عاف عروسته وطلع
حسين..مالج شغل حضري نفسج واني جاي
مريم...طفرت غسلت وجهي باوعت الساعه بلوحده بليل
دك الباب
مو سمعت دكت الباب عبالك مدري شصار بيه
فتحت الباب لا بس دشداشه بيضه
راسا حضني وباسني براسي
شميت بي عطر العروسه
حسين...يله انروح
مريم...يله
طلعنا وهو لازم ايدي ويمشي
مريم....سيد كلشي تمام
حسين...شنو قصدج
مريم...بيك عطر العروسه
حسين...اي كلشي تمام
مريم...شلون طلعت وعفته
حسين...كتله مريم تخربطت وراح اخذه للمستشفى
مريم....خاف تكول اخذته مني ليلة عرسي
حسين...خل تكول اي شي هي اخذتني منج مو انتي اخذتني منه
جمانه السعيدي
مريم....خاف عيب
حسين....رجال وزوجته مايكدرون يتفاركون عشرت سبع سنوات شنو العيب بلموضوع قابل عشيقتي وعفته علمودج
مريم...لا رجعني اني صرت زينه
حسين....وين اكو ارجعج اختج قفلت الباب وطفت الضوا ونامت
وصلنا للمشتمل ودخلنا اني رحت سبحت وبدلت
وهو شغل السبلت وطلع فواكه ياكل
اجيت لكيته ياكل عنب
مشطت شعري وكعدت اكباله
مريم...حلوه عجبتك
حسين...هههه محد تملى عيني وكلبي غيرج ممكن تهدين شويه هياني يمج ومستحيل اتخلى عنج
خل اغسل اديه حتى انام
اخذني بحضنه بس غمض عيونه نام الضاهر تعبان
بس اني بقيت اباوع علي ومامصدكه عاف عروسته بليلة
عرسه واجا حتى يراضيني
وماهان علي يعوفني زعلانه ابد
جمانه السعيدي
الصبح كعدنا الساعه بلسبعه على صوت التليفون
اني فزيت قبله
مريم....صباح الخير سيد جمال
سيد جمال...هلو مريم شلون صرتي اني ماكنت اعرف
انتي مريضه البارحه
هسه عرفت من العلويه شلون صرتي
مريم...احسن الحمد لله
سيد جمال.. هاج العلويه تريد تحجي وياج
مريم...هلو علويه حبيبتي
العلويه...شلون صرتي يمه
مريم...الحمد لله احسن
العلويه....يمه بيتنا تايه من بعدج وكلشي مانندل
فدوه اذا صرتي زينه تعاي بس اليوم لان تجينا ناس
مريم...اي هسه اكعد السيد ونجي سوا
مريم...سيد تكعد يله خل نروح للبيت العلويه تريدنا
حسين...سحبته واني مغمض العلويه شتريد مو عدها جنه
بعد شتريد منا خل نغير جوا
مريم...لا خل نرجع للبيت
حسين...يله كعدت
غسلنا وطلعنا للبيت وصلنا وسلمت على العلويه وسيد جمال شويه ونزلت العروس
غفران...صباح الخيررر شلون صرتي مريم
مريم...الحمد لله احسن
هسه احضر الريوك ونتريك سوا
غفران.. اني اساعدج
دخلنا للمطبخ
غفران...اني مقدره حالتج حقج هذا زوجج وعشرت عمر
بس ولله بعمري مراح امنعه منج
مريم...لا مو الي ابالج بس اني تخربطت البارحه
غفران....سلامتج الف سلامه
حضرنا الريوك وكعدنا كلنا نتريك
ومن كملنا رتبنا البيت اني وغفران
مريم....روحي بدلي حبيبتي خاف يجي احد يباركلج
غفران...لا خل اساعدج
مريم...ماعندي شي خلصت
اليوم تجي الحجيه ومهجه
غفران... مهجه..لا اذكريني بمهجه صار اسبوع متحجي وياي والبارحة قبل الزفه شكد توسلت بيه
بس ماقبلت تصالحني
تكول اله تفركشين العرس وتبقين وياي يله احجي وياج
مريم...غير امه طبعا تغار عليج
هسه تتعود وتنسى وترجع علاقتكم مثل قبل واحسن
خطيه مامفاركتج واليوم هي بمكان وانتي بمكان
تحبين اروح احجي وياها
غفران....لا راح تعاند بلزايد عوفيه ببيته تقنعه
مريم...بقيت طول اليوم بيت عيالي استقبل الناس
وغفران وياي ماعافتني
واني هم بطريقي دليته على غراض المطبخ
وكتله السيد شيحب من اكل
جمانه السعيدي
بليل عمتي وسيد حسين ماقبلو اروح ابات بلمشتمل وحدي
عمتي كالت باتي يمي بغرفتي
وسيد حسين مايعرف يطلب شي من غفران ابد
اسمي مايوكع من السانه ابد
٣ ايام وبدأ الجدول ليله يبات يمي وليله يم غفران
بليلتي يجي من السوك كبل عليه نتعشى سوا
ويبات يمي
وبليلة غفران ابن اختي يبات يمي
بديت اتعود على الوضع الجديد شويه شويه
واني وغفران علاقتنا كلش حلوه
سيدجمال....ياربي سيد حسين شكد مجنص داخلين على بخته زوجاته وحده احسن من الثانيه
مريم استلمت غفران وعلمته على كلشي بلبيت
اما غفران للامانه شكد نضيفه وشغله حلووو
وعلى طول مبتسمه وسلامه حلوووو
تروح تشوف اهله بلاسبوع مره تروح العصر والسيد يرجعه بليل
وامه مااجت غير مرتين او تلاثه
وبته اني ماشايفه ابد
مريم...فات شهر وماكو حمل والشهر الثاني وماكووو
سيد حسين ....مريم تاخذين غفران للدكتوره ليش مجاي تحبل
مريم...انشاء الله
وفعلا رحنا والدكتور أكدت ماكو مانع بس شويه اختلال بلهرمونات
وانطتنا علاج مشت علي شهرين
وطلعت حامل
يعني بعد اربع اشهر زواج يله حملت
رغم اني من سمعت بيه حامل حسيت اكو نقص بيه
بس فرحت الفرحة سيد حسين وعمتي
واتأمل سيد حسين يصير عندا هواي اطفال وينطيني واحد
واسجله باسمي
اما بلنسبه المهجه مستمره بزعله من امه
من تروح امه زياره البيت اهله تقفل عليه الباب وماتشوفه
ابد
مااعرف تعاقب نفسه لو تعاقب امه
