رواية أحببت غريبا الفصل الخامس بقلم منة محمد
تيم مسك عمر مهتمش للناس: قتلتها ، قتلتها للللى أنت عارف أنك كذاب لى عملت كدده
&ملكش فيه أنا مقتلتهاش هي اللي وقعت وانفتحت
_أنا واثقة أنك السبب
بدأ تيم يضرب عمر بشكل جامد والناس اتلمت وبدأت تحوش
-تيم
بصيت ليها بحزن:نعم يا نور
-حبيتها؟
&هي مين ؟
-أنت عارف أنا قصدي على مين يا تيم
&كنت شبه مشوش ومعرفتش أرد أقول إيه: معرفش يا نور معرفش بس كنت بحس بحاجة غريبة وهي هنا، بحس أني فرحان لمجرد وجودها، كان عندي أمل حتى تتخلص منه بس. . . بس كل ده اتبخر يا نور
-حضنت أخوها: هي كانت تتحب أوي يا تيم، هي هتوحشني أوي أه كنا مختلفين تماما ورغم أن اللي يشوفها يقول بنت غريبة بس كان في إمكانية أنها تتغير وكنت بدأت أقنعها بالحجاب يا تيم. . . . كانت هتتحجب يا تيم وهتبقى كويسة كان نفسي. . . .
&بدأت الدموع تنزل مني غصب : حقك عليا يا حبيبتي حقك عليا أنا مفيش في أيدنا غير الدعاء يا نور
-طب وحقها!
&مقدرش أدخل يا نور غصب عني، النار بتكويني بس عاجر معرفش هعمل إيه
-أرجوك حاول حاول علشاني يا تيم
&أوعدك هحاول
____________
&لو سمحت اسمعني طيب
+يا أستاذ تيم اللي بتطلبه ده مستحيل
&بس أنا متأكد أن ليه يد في موتها
+مقدرش ، يعني إيه أجيبه واضغط عليه يعترف، والطب الشرعي مطلع أن سبب الوفاة خبطه
&يا حضرة الضباط ارجوك
+بعتذرلك يا أستاذ تيم، اتفضل. . . .
-ها يا تيـم
&رفض زي اللي قبله يا نور
-خلاص يا تيم أنا تعبتك فات سنتين واحنا اللي بنحاول لوحدنا وبعدين خلاص، يمكن كنت بتحبها بس خلاص يا تيـم فوق لحياتك وعيشتك يا حبيبي
& مش عاارف مش عاارف ياريتني قادر أنساها بس أنا فعلا مش قادر أنساها ومش قادر أتخطى وفاتها يا نور
-طب أخطب. . .
&لا يا نور هظلمها معايا
-علشان تعرف تتخطى يا تيم أرجوك ماما متأثرة جامد
&يا ستي لا والبركة فيك خلاص فرحك كمان كام يوم وجيبيلها الحفيد يا ستي
-يا تيم حياتك
&لااا يا نور لا يعني لاا
"مكنتش عارف أني بحبك كده و وجودك فارق في حياتي بالشكل ده، صدقوا حين قالوا: أعتقد أن قلب الإنسان لا يُشفى حين يفقد أحد أحبائه.. يبقى ناقصًا إلى الأبد."
قفلت النوت اللي بكتب فيه كل يوم عن ألم الفراق ، فراق أتنين قصتهم ملحقتش تبدأ علشان تنتهي أصلا. . . . .
____________
&أيوة يا نور مش ناسي يا حبيبتي لا لا متخافيش هعدي هعدي على الحلواني أقوله
كنت ماشي وبأكد على نور علشان السبوع بتاع ابنها، بقيت خاال هيييح حياة الخال صعب. . . إيه ده
لقيت طفل بيجري وماسك في رجلي وبيضحك
&يا عسل ، بس ابن مين ده في الشركة. ؟
_يونس تعالى يا حبيبي
"إيه ده؟! هو ده صوتها ولا تشابه!! ولا أنا بقيت بهلوس"
رفعت راسي ببطء و وقفت في حال صدمة وأنا مبرق
_قولتلك متروحش بعيد عني يا يونس. . . معلش هو. . . إيه ده؟
&سديم
_نعم سديم مين يا فندم لا لا، يلا يا يونس
&سديم لا سدديم أنا عارفك
_بعد أذنك حضرتك ، مجنون ده ولا إيه. . . !
"بس أنا حسيت نفس الإحساس تاني! أنا حاسس أن في حاجة غلط هو أنا انجننت! "
&الحقيني يا نور
-في إيه برااحة هتصحي محمود
&حاسس بحاجة غلط يا نور حاسس. . حاسس أني فرحان وزعلان
-أنت اتهبلت يا تيم؟
&أنا شوفت سديم
-نور اتسمرت مكانها:سديم مين يا تيم أنت تعبان؟
&بس أنا حاسس أن هي
-اتكلمت بعصبية:تيم حالتك خطر لازم تخطب بجد أنا
بدأت اقلق، سديم ماتت مااتتت يا تيم فوق
&بس أنا قابلت حد النهاردة
- تييييم لو سمحت هات الحاجة، وأنا هتصرف قبل ما الموضوع يزيد
&يا نو. . .
-تيم بعد اذنك اقفل الموضوع
"لم أكن أعلم كيف حدث هذا، ولكن ما أعلمه أن ذلك القلب لا يتخيل ولا يخدع، وأنه ينبض باسمك. . باسمك أنت فقط"
________
+صباح الخير يا أستاذ تيم
&صباح النو يا عم عز، صحيح يا عم عز في حد هنا شغال في الشركة ومعاه طفل، طفل اسمه يونس
+ ضحك: يونس العسل ربنا يحفظه لأمه أستاذة لينا
&هي معانا هنا في قسم إيه
+قسم العلاقات العامة
&اممم.. طب امسك دول يا عم عز هاتلي بيهم حلويات شكولاته ومصاصة وشيبسي والكلام ده وهاتهم ليا معلش
+ حاضر
&تسلم يا عم عز تعبتك معايا
+ولا تعب ولا حاجة يا أستاذ تيم تحت أمرك
&امسك دول
+إيه دول
&إيه يا عم عز مش أنت اللي جايب الحلويات بنفسك
+ضحك: أيوة يعني أعمل بيهم إيه
&فرح عيالك وادعيلي دعوة حلوة
+ربنا يجبر خاطرك يا ابني جبر يتعجب منه أهل السماء والأرض
&يا رب
"قولت أفرحه، سمعت أن (من جَبر جُبر) يارب فرحني برؤيتها ومطيلعش توهم"
&احم احم
_تيم اتفضل
&وقفت وأنا مبرق: وحضرتك عرفتي اسمي منين
_اتلجلجت في الكلام: ااااا. . . ماا. . ماهو مكتوب على ID
& طيب . . فين يونس
_يونس في الحضانة في حاجة؟
&مديت إيدي بالكيسة: كنت عايز أديله دول
_باستغراب:إيه دول
&شوية حلويات ليه
_طيب شكرا
_________
&بس أنا حاسس أنها هي يا إياد
°متوهمش نفسك يا صاحبي
&أنتوا ليه مش مصدقين
° اللي بيموت مبيرجعش يا تيم فوووق بقى
&اتعصبت : ما وااارد تكون مماتتش أصلا. . ثانية إيه ده. . . أنا عرفت أنا هعمل إيه. . . .
احم احم 😌توقعوا بقى هيعمل إيه؟
شكرا لزيارتكم عالم روايات سكيرهوم
