رواية علي ذمة اخوين الفصل الخامس بقلم جمانه السعيدي
ليث كعدت الصبح لكيت نجلاء تحضر ريوك
وامي وابوي كاعدبن
ليث صباح الخير
الكل صباح النور
امي اكعد تريك
ليث مااشتهي طلعت من البيت طبعا ودي ماارجع بعد
فكرت زواجي من نجلاء مضوجتني
مو لان نجلاء موزينه بلعكس حلوه وزغيره ومودبه
بس شلون اني ازوجه
واذا رفضت اكيد راح تسافر وتأخذ امير وياها
وامي راح تموت اكيد من الحزن
وابوي شلون
ابد ماكنت احب انحط بهيج موقف
نجلاء بعمري مافكرت بليث يكون زوج اليه صحيح اني احبه واستلطفه وتعجبني سخصيته
بس شلون يكون زوجي
اذا رفضت وسافرت حرام عليه احرمهم من امير
واذا رفضت وبقيت يمهم راح ابقه بصفتي شنوووو بهذا البيت
زوجة المرحوم
جمانه السعيدي
اكيد ليث راح يتزوج ويستقر ويشوف حياته
واني وابني شلون راح نعيش اني لا موضفه ولا غيث الله يرحمه موضف
ايجوز مااكدر اتجاوز كل الضروف وحدي
بس شلون نزوج اني وليث ماجاي اكدر اتقبل الفكره ابد
نجلاء الكل كان ساكت اهلي يلحون عليه وافقي
وخل ابنج يربى ويكبر بين أهله وناسه
وخالتي وعمي منتضرين الموافقه مني
فات شهر واني ساكته
وماجاي اكدر اقرر
إلى أن يوم ابني تخربط كلش بس يتقيئ ومصخن
لكفه ليث وراح يركض بي للمستشفى
واني وياااا
وعمي وخالتي اجو ورانا
بعد التحاليل طلع عنده نوع حمى يسببله اسهال وتقئ
هاي الحمى جانت منتشره كلش بلعراق
الدكتور صمم ينام مستشفي
لان لازم يبقى تحت العنايه
اتفاجئت هواي اطفال نفس حالته
الدكتور سجل علاج نص من المستشفى ونص برا
راح ليث جاب العلاج
وشكلوله كانونه عمي وخالتي رجعو
واني وليث بقينا وياااا
اول ليله حالته كلش موزينه وصحته بلنازل
واني تخبلت من شفته تخربط مكابلته وابجي
ليث لا تبجين كولي يالله
نجلاء ليث ابني موزين راح يروح مني
ليث لا امير سبع هسه يصير زبن لا تخافين انتي بس ادعيله
نجلاء اوليدي اموت إذا صاربي شي
ليث ارجعي للبيت ارتاحي انتي راح تتمرضين من الخوف علي
نجلاء شلون اروح للبيت واعوفه
ليث زين اسكتي لاتبجين يشوفج تبجين ويخاف
جمانه السعيدي
بقينا كاعدين ويااا ثنيبنه عمي رجع اجانا وجابلنا اكل
ليث خاله بحضنه وحاير بي
حتى تقئ علي
بس عادي ولا همه يمسح بحلكه وحاضنه
هذا الموقف حسسني ليث فعلا هو أصلح واحد يكون اب الابني
ماتتخيلون شلون خايف علي
ليث انتي نامي واذا احتاج شي اكعدج
نجلاء اني من البجي راسي يوجعني حيل
السرير الي بصفه فارغ اتمددت علي ونمت
نمت ساعه وكعدت لكيت ليث حاضنه ونايم
نجلاء ليث تعال نام بمكاني انت تعبت هواي
ليث ماللج شغل روحي نامي اني مرتاح
خليت ايدي اشوف حرارة امير
ليث اطمني زينه حرارته قبل شويه نزلت
نجلاء الله يحفظك
ليث روحي نامي مالج شغل
رجعت تمددت واني اباوع على ليث شلون حاضنه ونايم
ايجوز هاي اشاره من رب العالمين
يريد يشوفني وين الصح ويهديني للطريق الصحيح
يارب اذا هذا القرار بصالحي سهله عليه
جمانه السعيدي
بقينا يومين بلمستشفى وليث ماعافنه ولا دقيقه
حاير بينا اني وامير
طلعنا للبيت وليث مايقبل يداوم مكابل امير وكاعد
جابله حلويات ولعب
يلاعب بي ويضحكه
شويه تحسنت حالة ابني
امي كل شويه تتصل حتى تطمن علي
من عرفت ليث حاير بي ومكابله وكاعد رجعت تحجي عليه
امي شوفي ليث انسب واحد يكون بمكان ابو امير
هذا عمه ومستحيل بتخلى عنه ابد
اني الصراحه اقتنعت كل المواقف الي مريت بيه تأكد اني بلمكان الصح
وهذا البيت انسب مكان يعيش بي ابني
رجعت خالتي فتحت هذا الموضوع وياي مره ثانيه
وبينتله موافقتي بس بعد ماتكمل سنة غيث
وهم ليث يتخرج
بهاي الفتره انشغل ليث بلامتحانات هاي السنه الاخيره
لازم يشد حيله حتى ينجح
لان الكل منتضر نجاحه وتخرجه
وهاي العائله بلكامل امانه بكربته
عمي تعب وبعد مايكدر وخصوصا موت غيث حيل اثر علي
وعلى نفسيته
طبعا احنا هاي الفتره كله عايشين من فلوس غيث الي عافهن بلاضافه إلى راتب عمي
الحمد لله ماشيه الحياة وماناقصنا اي شي
جمانه السعيدي
كنت أحاول اساعد ليث بهاي الفتره لان حسيته كلش قلق
بسبب الامتحانات
يعني اغسل ملابسه واحضرهن
واذا يسهر يقرا اسويله حلويات لو عصاير
وارتب غرفته
واغير الجراجف واعطره
حسيت اكو حواجز هواي بينا انكسرت بهاي الفتره
وهو كان دائما يتشكر مني ويمدح بيه ويذكرني بلخير
الحد ماخلص امتحانات ودارت سنة على وفاة غيث
تفاجئت بي يوم كال تعاي اريد احجي وياج بموضوع مهم
بيومها عمي كان طالع وخالتي نايمه
كعدنا بلصاله اني ويااا وامير جان بحضني
ليث اعرف قرار الزواج هذا انفرض عليج بس اني مااقبل نزوج وانتي ماموافقه ابد
الزواج عشرة عمر لا يوم ولا يومين
انتي حلوه وبعدج زغيره والف واحد يتمناج ومن حقج تزوجين وتعيشين حياتج مثل ماانتي تردين
اذا كنت ماموافقه على هذا الزواج كولي
واني راح اوكف وياج واساعدج
اهلي لازم يتقبلون موت غيث انتي مامسوله عن موته
اني اعرف انتي ماكنتي سعيده وياااا
ومااريدج تستمرين بهذا الوضع وياي
من حقج دورين سعادتج
وتعيشين مثل ماانتي تردين
نجلاء ممكن اسئلك سوال قبل لا اجاوبك
ليث ممكن
نجلاء انت مقتنع بهذا الزواج لو لا انت شاب والحياة كله كدامك تكدر تختار وحده غيري
وحده ماسبق اله الزواج قبل
ليش تشيل مسوليتي اني وابني
جمانه السعيدي
ليث اني اعرفج زين واعرف اخلاقج ومستحيل الكه وحده مثلج تكون شريكة الحياتي
نجلاء يعني انت مقتنع لو هاي تضحيه علمود امير
ليث اكيد مقتنع اتمنى اكدر اسعدج واحافظ على امير
نجلاء خلاص اني موافقه
ليث تمام من باجر نبدي نجهز كلشي
نجلاء انشاء الله
ليث طلعت رحت الامي وبشرته راسا هلهلت وحضنتني
وبقت تبوس بيه
بعت غرفة النوم القديمه جان لونه جوزي واشتريت وحده بيضه وغيرت البرده
والغرفه الثانيه جهزته الامير
قررنا عرسنا يكون حفله بسيطه كلش
بس الاهل والاقارب
نجلاء اشتريت فستان اوف وايت بسيط كلش
ورحت للصالون عدلت شعري صار هواي مرايحه للصالون
اكثر من سنه
وحفيت طلبت مكياج بسيط
كملت واتصلت بليث يجي ياخذني
خله السياره باب الصالون طلعت لابسه برنص
دخلت وكعدت بصفه
رفع البرنص شويه وكال مبروك
نجلاء الله يبارك بيك
وصلنا ولكينا الشيخ جاي قبلنا عقدلنا وطلع
الحفله كانت خاليه من الهلال والموسيقى والركص
حفله بسيطه كلش
كملت الحفله والأقارب كلمن رجع البيته
خالتي كالت امير ينام عندي اليله
صعدت اني قبل ليث للغرفه
