رواية بيت جدي الفصل الخامس بقلم جمانه السعيدي
علي....رجعت للبيت وجنت خايف من ردت فعل امي
امي الحد هاي اللحظه صار اكثر من ١٧ سنه ماشايفه صلاح بس بعدها تكرها وماتريد تسمع اسمه
ابد مجاي تكدر تنسى ضربته الها وكسرت رجلي
وتصرفاته السخيفه والغثيثه وياها
وصلت للبيت كعدنا نتغدا اني وياها وسحر
علي....اني باجر اروح البغداد
امي...عندك شغل
علي...لا اروح وياا عمامي ثنيينهم
امي...ليش ياستار شكوووو
علي.....عمي صلاح تعرض الحادث دهس
نقلو للمستشفى وبترو رجله
امي...صليح بعده عايش
علي.....اي اني هم تفاجئت مثلج مزوج وصاير عنده ٣ بنات
امي...لا صدك قبل يصيح عليه ام البنات وهسه هو أبو البنات يعني ماعنده ولد
علي...حسب كلام عمي اسعد ماعنده ولد بس بنات
امي...وهذا يادايخ انطا مره لو عندي جلبه ماازوجها اله
علي...ايجوز بطل سوالفه ايجوز يشتغل
امي... ذيل الجلب ماينعدل
علي...المهم عمامي باجر رايحين يشوفونه
امي...وانت شكووو ذوله خوانه ويردون يرحون يطمنون علي
علي...واني ابن اخووو اروح بمكان ابوي
امي...لا ماتروح
علي...ليش مااروح
امي...هو حتى بفاتحة ابوك ما وصل ولا شفنا احنا مالنا علاقه بي انسا عندك عم
علي...انتي تردين ازغريني كدام عمامي اني كتلهم اروح وياكم وبعد مااكدر ارجع بكلامي جمانه السعيدي
امي...انت نسيت صلاح شسوه بينا شلون تقبل
المفروض تكول هذا مو عمي ولا اعرفه
علي...لو كان ابوي الله يرحمه موجود جان راح وياهم بدون مايفكر لو يتردد
واني هنا بمكان ابوي اني علي فاضل
اسمي على اسم ابوي
بعدين اني مو رايح اطمن علي لو اعرف اخباره
الولد الي دهس عمي طالب كعده عشائريه حتى يفصل عمي
يعني احنا واجهة عمي كدام الناس
امي...انت مالك علاقه بعمامك فهمت لو لا
علي....اسف اذا اكلج اني مراح اسمع كلامج هلمره
اني اريد اروح وياا عمامي اني بمكان ابوي
جمانه السعيدي
علي...عافتني امي وكامت من الاكل يعني زعلت عليه
بس اني لازم اروح بيت عمي لازم اوكف ويا عمامي
بليل حاولت اصالح امي ماقبلت تحجي وياي
الصبح من كعدت اصلي هي كعدت للصلا
علي...امي ادعيلي وياج
امي...انشاء الله يهيدك ويخلي بت الحلال بطريقك
تزوج وارتاح
علي...اني راح ابدل واطلع وياا عمامي
امي...الله وياك بس هاي اخر مره بعد بيت عمك تنساهم
انت ماعندك بس عمام ثنيين
صلاح تنسا للابد
طلعنا اني وعمامي وصلنا البغداد
بعدين بدينا نسئل على المنطقه الي عايش بيها عمي
وصلنا منطقة عشوائيات وبيوت تجاوز
بيوت بلوك واكو بيوت السياج الخارجي عباره
عن تنك دهن ومليان تراب
بقينا نمشي ونسئل
الحد ماوصلنا للبيت
بيت عمي مبني بلوك طابق واحد
دكينا الباب طلع علينا ولد عمرهاتقريبا ٣٥
...تفضلو منو رايدين
اسعد...هذا بيت صلاح
....اي انتم منو
اسعد...احنا خوانه انت منو
...اسف ما اعرفكم ولا زغر بيكم بس اني اول مره اشوفكم
اسعد...انت منو
... اني نسيبه ابو عامر اني اخو زوجته غفران
اسعد ...اهلا وسهلا
ابو عامر...تفضلو اهلا وسهلا
علي...دخلنا اول غرفه بلبيت مخليها استقبال
دخلنا عمي حان ممدد كعد على حيله بس شاف عمامي كام يبجي حقه صار اكثر من ١٧ سنه ماشايف خوانه
حضنو عمي اسعد وعمي عماد خطيه كام يبجي بصوت عالي
اني بقيت واكف شكد متغير عمي صلاح
كبران وسمنان وشعره ابيض لحيته بيضه
كعد اسعد كباله وعماد يم رجلي
علي...شلونك عمي
صلاح.. هله هله بيك عمي هذا ياهوو و
اسعد....هذا علي ابن المرحوم فاضل يعجبك علاوي رجال والنعم منه
صلاح...الله يرحمه هله بيك عمي
علي...دنكت علي بسته براسه
صلاح....صدك الخلف ما مات انت ابن ابوك
ماشاء الله رجال
علي...شكرا عمي سلامتك الف سلامه
صلاح...شلونك خواتك شلونهم امك شلونها
علي.. الحمد لله بخير
صلاح أبو عامر روح صيح البنات يجن يسلمن على عمامهن
أبو عامر.... هسه اي
اسعد...شلونك وين هلغيبه ليش بعد مااجيت
صلاح...اشتغل بركبتي عائله تعرف هنا بنات وبعدهن زغار شلون اعوفهن وحدهن جمانه السعيدي
هاي منطقتنا مو امن هواي بيها حراميه
اخاف عليهم
عماد...شتشغل كل هذا الوكت
صلاح...اول ماوصلت البغداد ماعرفت ششتغل
وطارن نص فلوسي بعدين كمت اشتغل بلزباله
انجمع قواطي بطاله كراتين ونبيع وعايشين
تعرفت على ابو المره أبو غفران يشتغل مثل هاي الشغله كمت اروح ويا البيته اسبح اكل انام
شفت بته عجبتني طلبتها من ابوها ازوجنا
اشتريت هاي الكاع وبنيت عليه هذا البيت
من اول شهر المره حبلت جابلتي نرجس وراها
نور وراها دنيا
كتلها كافي اني مبين خلفتي بس بنات
كافي لايصيرن عشره
الحمد لله بناتي حبابات ومؤدبات
الجبيره خلصت متوسطه وبطلتها ونور السنه ثاني متوسط وذيج سادس ابتدائي
صلاح...وينجن بويه تعالن سلمن على عمامجن
هذوله اهلجن الصدك تعالن
علي...دخل ابو عامر ورا وحده لأبسه حجاب وعبايه بس حلوه
صلاح...هاي غفران زوجتي
اسعد وعماد ...هله خويه هله بيج
علي...شلونج خاله
غفران...اهلا وسهلا هله بيكم زارتنا البركه هله بيكم ومرحبا كل خطوه بالف هلا
هله بيكم من زمان حابين نتعرف عليكم
جمانه السعيدي
تعاي نرجس جيبي ماي وجاي العمامح
كعدت زوجت عمي كبالنا وعمي عرفها علينا واحد واحد
شويه ودخلت وحده
بشرفي ماكدرت انزل عيني من عليها
صلاح..هاي بنتي نرجس الجبيره دنكي على عمامج بوسيهم
علي....البنيه عبالك غزاله كلشي بيها حلو من راسها الرجليه
بيضه وعيونها كبار رموشها عبالك سيوف
شفايفها ورديات
ابتسامتها تخطف الكلب
دنكت علي عماني وباستهم ووصلت اليه وكفت على حيلي
علي...اهلا وسهلا واكف كبالها عبالك مصدوم
نرجس...اهلا وسهلا
صلاح..هذا علي ابن عمج فاضل الله يرحمه
نرجس اهلا وسهلا
قدمتلنا ماي وطلعت راحت جابت جاي
هلمره دخلن خواتها وياها
البنات نور ودنيا نسخه من عمي صلاح ابد مو حلوات
بس هاي مصيبه مو بنبه كلش تشبه امها
رغم هي جانت لابسه ججاب
وثوب عادي مخصر على جسمها وبعدين كلوش
علي..بقيت كاعد وعيني على الباب انتظر ترجع تكعد يمنا
بس هي مجرد ماقدمت الجاي طلعت هي وأخواتها وبعد مارجعت
اتصدكون اذا كتلكم حسيت نفسي احبها ومعجب بيها من زمان ولا كأني صار خمس دقايق من شفتها
كلشي ماسمعت من كلامهم ولا اعرف عليمن يحجون
عيني بقت على الباب
انتظر ترجع حتى اشوفها اريد عيني تشبع منها
طلعت زوجت عمي من الغرفه
صلاح...حضري غده بسرعه خلي نرجس تخبز خبز حار
العمامها
علي...ايست نرجس بعد مارجعت كعدت يمنا
بدو عمامي يحجون عن الفصل وشلون الولدصاحب السياره محبوس
ويحددون موعد للكعده
واني عقلي ابد موعندي
الساعه ١١ سمعت صوت وحده تخبز برا
علي...من رخصتكم اطلع للصحيات
طلعت برا جان اشوفها تخبز رابطه شعرها بالحجاب فوك راسها وجاي تخبز صايره حمره من الحراره
التفت شافتني اباوع عليه
ابتسمت ورجعت دنكت تخبز
اني غسلت ورجعت للغرفه مره ثانيه
بكلبي كلت هاي دعوت امي الصبح الله يخلي بت الحلال بطريقك وتزوج واخلص منك
بس امي شلون اقنعها
يمكن راح ادخل حرب طاحنة وياا امي
الله يستر من الجاي
شكرا لزيارتكم عالم روايات سكيرهوم
