رواية حارة العاشقين الفصل الواحد والستون
شقة 'عائلة الجبالي'
ارتسمت الدهشة علي ملامح وجه 'زين' يسأله :
-كل ده حصل و أنا في العمليات
قهقه 'عمر' يخبره :
-باشا مش عايز حد يقرب من بناته
تنهد بضيق :
-أنا مش عارف هشوفها ازاي
رفع 'زين' حاجبه الأيمن عالياً :
-دي مراتك يا أهبل حد يعيش في مكان و مراته في مكان
أومأ 'عمر' برأسه :
-أنا مش جرئ زيك أنت مش بتفكر في عواقب اللي هتحصل أنت بتعمل اللي يعجبك و بس
لو اتسرعت خايف اخسر نور و خصوصاً أنها حامل
احتضنه 'زين' يربت علي ظهره :
-ألف مبروك يا عمر
أبتعد عنه يسأله :
-و أيه حكاية جواز محمود و مريم
قهقه 'عمر' يخبره :
-خطيبة محمود قالت أنه سابها بسبب مريم مش علشان كانت بتلاغيني بصراحة الواد محمود دافع عن مريم قال أن قاري فاتحتها علشان الفضايح فكان الحل أن أبوك يكتب كتابهم
و طنط عائشة مش طايقاه بعد كتب الكتاب طلبت من الشيخ عبد الرحمن يطلقهم لحد ما رست علي أن هو يفضل في اوضة و هي في اوضة لحد ما يروح الجيش
سأله 'زين' :
-و هو فين
قرع باب الغرفة استأذن الواقف بالخارج للدخول :
-انا محمود ممكن أدخل
تبسم 'زين' يطلب من 'عمر' فتح الباب
-
في 'المستودع'
مد 'سليم' يده اليمني يرحب به :
- أهلاً و سهلاً اتفضل اقعد أسمك أيه
تبسم 'حمزة' يرد عليه :
-اسمي حمزة
أخرج 'سليم' علبة السجائر من جيب بنطاله يمد يده إليه تبسم 'حمزة' يأخذ واحدة يضعها تتوسط شفتيه يسأله :
-أسمك أيه
نفث 'سليم' دخان سيجارته يجيبه :
-اسمي سليم و عايز أفهم كل حاجة
سأله 'حمزة' :
-باشا قال أن في شقة هعيش فيها في عمارة الجبالي
-
أنتهيت 'ذهبية' من إستلام ذبائح الماشية طلبت من 'القصاب' الإنتظار لتسديد الدفعة الأخيرة من الدين :
-أبويا أول ما يخرج من السجن هيدفع لك الباقي
زم 'القصاب' شفتيه :
-خلاص هاخدهم من المعلم صخر لما يرجع
طلبت منه الإنتظار حتى تكمل ما تبقي من تسديد الدفعة الأخيرة :
-هو أنت مش بتفهم بقول لك أصبر عليا
فصل حديثهم سؤال 'باشا الصغير'
-في حاجة يا معلمة ذهبية
طلبت منه عدم التدخل :
-مفيش حاجة يا باشا
اجابه 'القصاب' فقد نفذ صبره :
-المعلمة ذهبية اخدت حقها و أنا مخدتيش حقي
وضعت 'ذهبية' يدها اليمني حول ياقة قميصه :
-يا راجل يا ضلالي عايز تاخد مني فلوس و أبويا مرمي في الحجز
بينما هز 'القصاب' جسدها سقطت 'ذهبية' على الأرض ركض 'باشا الصغير' متوقف أمام 'القصاب' ينهال عليه بالضرب
صرخت 'ذهبية' تطلب منه التوقف :
-كفاية يا باشا
ما أن استمع 'سليم' أصوات تأتي من الشارع خرج من المستودع يتبعه 'حمزة' ارتسمت الدهشة علي ملامح وجه رؤيته 'باشا الصغير' يتشاجر مع 'القصاب' تارة
نزول الجزارين من سيارة المواشي يحملون بين أيديهم أسلحة يدافعون عن صديقهم تارة أخرى
شقة 'عائلة الجبالي'
سألت 'نجوي' عن الأصوات التي تأتي من الشارع :
-مين اللي بيتخانق في الشارع
ما أن توقفت في شرفة المنزل لطمت علي صدرها تخبرهم :
-ده باشا و سليم بيتخانقوا مع الجزارين ألحقوا أخوكم
توقفت 'صافي' في شرفة غرفة نومها متمتمة :
-سليم مش هيرتاح غير لما يموت في خناقة زي دي
سألت 'الحاجة فاطمة' عن 'صخر' :
-صخر فين
تبسم 'الحاجة عائشة' تخبرها :
-مهما مش لوحدهم محمود نزل معاهم
شقة 'عائلة درويش'
ما أن رأت زوجة 'حامد' أبنها 'محمود' متوقف بجوار 'أولاد الجبالي' صرخت بأولادها :
-كان نسب أسود بيتدخل في خناقاتهم ليه انزلوا مع أخوكم
-
"دقائق من الوقت"
في 'الحارة' توقفت سيارة الشرطة لينزل منها رئيس المباحث 'أرغد المصري' يأمر بمحاصرة حارة 'الجبالي' و القبض على الجميع :
-لموا السلاح ده كله و ارميهم كلهم في العربية
-
شقة 'عائلة الجبالي'
دمعت عيناي 'صافي' :
-أرغد قبض عليهم كلهم هيباتوا الليلة في الحجز و يتعرضوا يوم الأحد علي النيابة لأن الجمعة و السبت إجازة عاجبك كده يا جيهان
زمت 'جيهان' شفتيها عاقدة ساعديها فوق صدرها
-
