رواية دار الايتام الجزء الثالث (اللقاء المنتظر) الفصل السادس
..............
الحب والمشاعر الصادقه من المستحيل ان تُترجم بالكلمات.
الأفعال فقط هي التي تثبت ذاك الشعور الداخلي النابع من أعماق القلب👌 فالكلام نطقه سهل علي اللسان اما الفعل صعب علي اي شخص إلا الأصيل..👌
دائماً المواقف الصعبه
خير دليل لكشف معادن الاشخاص من حولنا فإن صادفك موقف صعب فتمسك بصاحب الفعل وأترك صاحب الكلام يرحل إلي الجحيم👌
.........
وصلت روكا في الڤيلا عند ريم
روكا...و أدينى وصلت ياست ريم اهو و عربيتك راكنه يعني انتي جوه وليلتك طين معايا عي المرمطه اللي انتي عملاها فيا.انتي وباقي الجزم دول
كل شويه روكا والنبي شوفيلي سيلا و نوني فين روكا و النبي عدي علي سما خديها من عند مامتها عربيتها بايظه روكا اتنيلي وشوفي ست ريم في انهي داهيه😡 والله لو باخد منكم فلوس كنتوا أحترمتوني اكتر من كده
خدت شنطتها ونزلت دخلت جوه
وهي متعصبه وعايزه تتخانق مع ريم قربت من الباب وفضلت ترن الجرس.
روكا...افتحي يا جزمه ياللي ممرمطاني و مخلياني اسيب شغلي افتحي يا ام الزنان😡
فضلت روكا تخبطت بس مكانش حد بيرد حست روكا بالقلق.
روكا...هي البت دي راحت فين فضلت تقرب من الشبابيك وتضلل بأيدها عشان الصوره توضح لكن مكانش في اي حد.
اتصلت روكا علي سيلا.
سيلا...ايوه يا روكا ايه وصلتي
روكا...اه يا سيلا انتي فين.
سيلا...انا داخله عليكم اهو كانت فين الجزمه دي.
روكا...كانت فين ايه انا بخبط ومحدش بيرد يا سيلا وعربيتها راكنه انا أبتديت اقلق.
سيلا...بقلق طيب ايه بصي طيب من الشبابيك.
روكا...بصيت مفيش حد والدنيا هاديه انا بجد ابتديت اقلق اكلم يوسف ولا أعمل ايه.
سيلا...بقولك صحيح شوفتي نسخه المفاتيح اللي بيحطوها فوق الباب.
روكا....اه صح طيب هشوفها ويلا أنجزي.
سيلا...اوك يلا روحي بسرعه انا دقايق وابقي عندك
روكا ..اوك باي.
قفلت روكا وراحت جابت كرسي من الجنينه ووقفت عليه وفضلت تمشي ايدها فوق الباب لحد ما لمسته وسمعت صوته بسرعه مسكته بين ايدها ونزلت فتحت وهي من جواها خايفه.
دخلت روكا من الباب بهدوء وبدات تنادي بصوت مهزوز.
روكا...ريييم رييييم انتي فين.
هدوء تام مفيش اي صوت خالص
روكا...بقلق ريييييم
وقفت روكا قدام السلم اللي بيطلع علي الأوض مسكت براحه الخشب وفضلت تطلع براحه وهي بتنادي .
روكا...رييييم ريم انتي فوق.
رن الموبايل لاقيته عامر فتحت بسرعه وهي في نص السلم.
روكا...ايوه يا عامر.
عامر...بقلق في ايه يا روكا مال صوتك ريم فيها حاجه ولا ايه.
روكا....عامر انا لاقيت عربيتها ورنيت عليها كتير مفتحتش سيلا فكرتني بالمفاتيح طلعت جبتها وفتحت وبنادي ومفيش حد بيرد انا خايفه اوي.
عامر...بعصبيه وانتي ازاي تدخلي لوحدك لا يكون في حاجه مش تكلميني ولا تكلمي يوسف
روكا...يعني اسيبها لوحدها وبعدين سيلا جايه قالتلي دقايق وتيجي وانا بصراحه مش عايزه اقلق يوسف قاللي انه عنده اجتماع مهم.
عامر...طيب اخرجي بسرعه من عندك مفهوم انا جايلك حالا.
روكا...اخرج ايه انت بتهرج لا مش هخرج احسن يكون فيها حاجه.
عامر...بعصبيه انتي بتحرقي كلام كتير ليه انا قولتلك اطلعي بره بسرعه يبقي تطلعي 😡
روكا...بالله عليك مش وقت عصبيه انا اصلا مش قادره اتلم علي اعصابي خليك معايا طيب بالله عليك.
عامر...ياروكا أسمعى الكلااااام بقولك يلا اخرجي انا ركبت العربيه خلاص وهاجي بسرعه
روكا كانت بتطلع براحه وهي بتكلمه و ماشيه وهي مرعوبه لحد ما وصلت قدام اوضتها كان الباب مقفول حطت ايدها علي اوكره الباب ولفته براحه.
عامر....روكا سمعاني الوووووو روكاااا.
فجأه سمع صرخه روكا.
روكا....ريييييييم.
اول ما فتحت روكا الباب لقت ريم واقعه علي الارض و جمبها كريم
نايم من غير لبس خالص والفوطه بتاعته واقعه وواضح انها كانت بتديله شاور وخارج من كريم شهقات مع نفسه واضح انه فضل يعيط كتييير اوي.
عامر....في ايه ياروكا.
روكا....الحقني يا عامر ريم واقعه عالارض هي وكريم.
عامر....فيها حاجه حد معاها.
روكا...بانهيار جريت علي ريم وهي بتبص في الاوضه بخوف وقربت منها تشوف نفسها.
روكا....مفيش حد يا عامر تقريبا مغم عليها تعالي بسرعه والنبي.
عامر....انا جاي حالا
قفل معاها عامر وطار بالعربيه رمت روكا شنطتها و تليفونها علي السرير وجريت علي الارض تفوق فيها.
روكا...بدموع ريم ريم اصحي والنبي ريم فيكي ايه ريييييم
أنتبهت روكا علي كريم اللي واقع في الارض من غير هدوم و التكييف شغال و متلج الأوضه
سابت ريم وجريت بسرعه علي كريم لفيته في الفوطه واول ما شالته من الارض فتح عينه وبدأ يصرخ بفزع.
في الوقت ده وصلت سيلا ركنت عربيتها وجريت علي جوه وفضلت تنادي.
سيلا....رييييم. روكااااا.
روكا....سيلاااااا ألحقيني ياسيلا.
وقفت سيلا للحظه مصدومه من صوت صريخ روكا وبسرعه جريت علي فوق واول ما شافت روكا قاعده عالارض شايله كريم وحاطه راس ريم علي رجلها صرخت وجريت عليهم.
سيلا...رييييم رييييم في ايه مالها ياروكا.
روكا...معرفش معرفش انا دخلت لقتها واقعه عالارض ومش بتفوق وكريم واقع جمبها ومن غير هدوم خالص معرفش كانت بتغيرله ولا بتحميه.
سيلا...بدموع طيب هي كويسه والنبي.
روكا....مش عارفه يا سيلا معرفش التكييف كان شغال والولد واقع جمبها من غير هدوم جسمه زي التلج وواضح انه بيعيط بقاله كتير.
سيلا....فين لبسه طيب الولد في ايه ده لون جسمه متغير
روكا...بدموع تقريبا بقاله كتير واقع بالشكل ده.
جريت سيلا تجيب برفيوم وبدأت تفوق في ريم بس مكانش في اي أستجابه ومكانتش بتفوق.
سيلا...وبعدين يا روكا دي مش بتفوق
روكا....استر يارب حطيلها مخده تحت راسها خليني اقوم الولد قلبه وجعه.
جريت سيلا جابت مخده وحطتها تحت راسها.
قامت روكا وهي بتلف بكريم في الاوضه بتحاول تسكته بس مفيش اي فايده
روكا...اعمل ايه الولد قلبه هيقف وصوته رايح من العياط خالص.
سيلا...انا هكلم بدر يلحقنا او نكلم يوسف.
روكا...عامر جاي وبلاش يوسف الوقت.
سيلا...طيب فين لبس كريم
روكا...روحي دوري في الدواليب بسرعه.
جريت سيلا علي اوضه كريم تطلع اي لبس ليه طلعتله بچامه وتيشرت داخلي وجابتله بامبرز وجريت بره الاوضه واول ما خرجت صرخت لما لقت عامر في وشها ورمت كل حاجه من ايدها
عامر...بس بس اهدي متخافيش
سيلا...عامر الحق ريم والنبي.
عامر...هي فين.
سيلا...جوه في الاوضه😭
عامر...طيب لابسه.
سيلا...ايوه ادخل. خدت الحاجه من الارض بسرعه وجريت وراه.
دخل عامر اتصدم.
عامر...في ايه ياروكا مالها
روكا...بدموع معرفش يا عامر انا دخلت لقتها واقعه هي وكريم عالارض هي مغم عليها وهو نايم من كتر العياط و مكانش لابس خالص و التكييف كان شغال والولد جسمه متلج ومزرق خالص
سيلا....تقريبا كانت بتحميه.
قعد عامر علي ركبه وبدأ يضربها بهدوء في وشها.
عامر...ريم ريمم اصحي يا ريم.
لازم نوديها حالا المستشفي محدش فيكم عارف بقالها قد ايه كده.
روكا...لا لما يوسف كلمني جيت علي طول بس هو بيقول انها من بدري مش بترد
عامر...طيب لبسوا الولد بسرعه
هو كويس.
سيلا...صوته رايح خالص من العياط.
روكا....عامر الولد كان جسمه متلج خالص كان واقع فوق الفوطه وجسمه كله باين😢
عامر...خير خير لبسيه بس بسرعه
حطته روكا عالسرير و بدأت تلبسه هي وسيلا بسرعه وهو بيصرخ في ايدهم حاولت روكا تلبسه البامبرز معرفتش بصت لسيلا وهي كمان معرفتش محدش فيهم جرب الأحساس ده قبل كده بصوا لبعض بحيره.
فهم عامر ان الاتين مش عارفين قرب بسرعه منهم وحاول يساعدهم.
عامر...هنا في لزق لبسوله اي حاجه وخلاص الولد هيموت من العياط.
بسرعه كانوا لبسوه بطريقه سريعه
عامر...يلا بسرعه قرب من ريم رفعها من الارض و شالها ونزل بيها وهما وراه
خرجوا بره عند الجنينه.
عامر...سيبوا العربيات بتاعتكم هنا و تعالوا معايا.
جريوا بسرعه ركبت سيلا ورا وحط عامر معاها ريم وركبت روكا قدام وهي شايله كريم.
جري بسرعه بالعربيه علي اقرب مستشفي.
سيلا....ريم ريم حبيبتي قومي فيكي ايه.
روكا...اهدي يا حبيبي قلبك وجعك من العياط.
عامر...حاولي تسكتيه يا روكا صوته راح خالص.
روكا...مش راضي ياعامر مش عارفه اعمل ايه.
فجأه سيلا أفتكرت انها سابت موبايلها في الشنطه في بيت ريم.
سيلا....روكا معاكي تليفونك.
روكا...لا شنطتي نسيتها هناك هي والموبايل.
سيلا...وانا كمان واكيد بدر هيقلق ممكن موبايلك يا عامر اعرفه.
عامر.....امسكي ياسيلا فهميه ميعرفش يوسف الوقت
سيلا...حاضر.
اتصلت سيلا علي بدر.
بدر....ايه ياعم عامر
سيلا...الوووو ايوه يابدر انا سيلا.
قام بدر وقف اول ما سمع صوتها و عياطها حس ان قلبه وقع.
بدر...سيلا في ايه انتي بتعيطي
وبتكلميني من عمد عامر ليه انتي مش روحتي لريم.
سيلا...اهدي يا بدر متقلقش بس
ريم تعبانه وروكا وصلت قبلي وعرفت عامر وهو جه بسرعه واحنا رايحين بيها عالمستشفي انا نسيت الموبايل هناك بعرفك بس عشان متقلقش.
بدر...طيب انتوا فين.
سيلا...معرفش عامر رايح علي اقرب مستشفي.
بدر...اديني عامر.
سيلا...كلم ياعامر بدر.
عامر...ايوه يابدر.
بدر...رايحين علي فين.
عامر....هبعتلك اللوكيشن.
بدر...طيب بسرعه انا جاي حالا وراكم
عامر...متعرفش يوسف اي حاجه ولو مشغول خليك انت.
بدر...لا مش مشغول انا كنت قاعد مستني بس دياب يوصل عشان اقابله و أوصله للبيت
عامر...طيب تمام.
بدر...متنساش اللوكيشن
عامر...تمام سلام.
بدر...سلام. قفل بدر وهو بيتحرك بسرعه
مهاب...في ايه يا بدر.
حكاله بدر بسرعه اللي حصل
وثواني وكانوا خرجوا بسرعه راحوا وراهم.
مهاب...انا هركب معاك.
بدر...بس انا هروح بعد كده لدياب
مش هعرف أرجعك.
مهاب....متشلش هم يلا بس.
بدر...يلا بينا.
ركبوا و اتحرك بدر بسرعه .
.......
خرج يوسف من الاجتماع عشان يطمن علي ريم.
اتصل بي روكا كذا مره مكانتش بترد حس بقلق اتصل علي ريم يمكن ترد مفيش فايده تليفونها أتقفل من كتر الاتصال
اتصل علي سيلا يمكن تكون عارفه اي حاجه لقاها هي كمان مش بترد بدأ يتوتر دخل بسرعه أعتذر من المندوبين اصحاب الشركه الاجنبيه وقالهم ان في مهندس صاحبه هيكمل بداله وهو هيرد عليهم وبسرعه خرج لم حاجته وخرج من الشركه بسرعه ركب عربيته عشان يروح عالبيت.
وهو في الطريق اتصل بسما يمكن تعرف حاجه.
.......
إبراهيم...سما ياحبيتي انا هطلع اريح فوق شويه في الاوضه.
سما...ماشي يا هيما اطلع نام انا خلصت كل اللي ورايا ومستنيه تيمو يصحي عشان أكله.
إبراهيم...ماشي يا حبيبتي بعد اذنك.
سما...أتفضل يا حبيبي.
طلع إبراهيم وراحت سما فتحت التلفزيون وفضلت تقلب فيه بملل
مسكت موبايلها تتصل علي سيلا
مردتش .قفلت عشان تتصل ترغي مع روكا بردو مردتش.
سما....ماشي يا جزم الحق عليا اني بعبركم انا مليش غير ريم حييبتي هي اللي هترغي معايا وتفضل طول المكالمه تشتم في كريم يلا امري لله اتصل ارخم عليها شويه.
اتصلت سما لاقت موبايلها مقفول
سما...🤨🤨حتي انتي يا جزمه والله ما هعبركم تاني.
اتصلت علي مهاب تطمن عليه هو كمان مردتش.
سما...هو في ايه ده اليوم العالمي لعدم الرد🤔.
فجأه شافت موبايلها بيرن و لاقته يوسف. أستغربت في البدايه
لكن ردت بسرعه.
سما...الوووو يوسف.
يوسف بصوت باين عليه القلق.
اذيك يا سما.
سما...الحمد لله يا چو في حاجه ولا ايه.
يوسف....سما بقولك ايه ريم او روكا او سيلا حد فيهم كلمك انهارده.
وقفت سما بقلق لا يا يوسف في حاجه ولا ايه انا لسه حالا كنت بتصل عليهم سيلا وروكا مش بيردو وريم موبايلها مقفول ده حتي مهاب مش بيرد في ايه.
حكالها يوسف بسرعه.
ريم....طيب انت فين الوقت.
يوسف...انا رايح عالڤيلا بسرعه.
ريم....طيب انا جايه وراك بقولك ايه طيب كلمت عامر اكيد روكا عرفته انها راحت.
يوسف...ايوه صح طب اقفلي انا هكلمه.
سما...تمام وانا هكلم بدر اسأله علي مهاب واشوف يمكن يعرف حاجه.
يوسف....اوك سلام.
قفل معاها واتصل بعامر كتير لحد ما فصل هو كمان مردش فضل يوسف يضرب عالدريكسيون بعصبيه عشان مش عارف يوصل لحد و اتأكد ان كده في حاجه
اما سما اتصلت علي بدر .
.....
بدر....سما بتتصل.
مهاب...اتصلت عليا بردو
بدر ..طيب ايه ارد ولا ايه.
مهاب....لو عرفت هتيجي ومش هتعرف تسوق بتيم لوحدها.
بدر...بس كده هتقلق رد وقولها متجيش واحنا نطمنها.
مهاب...طب هات الموبايل.
فتح مهاب الخط.
سما...ايوه يابدر.
مهاب...ايوه يا سما.
سما...مهاب انت فين ومش بترد ليه قلقتني.
مهاب...متخافيش يا حبيبتي انا كويس الموبايل بس سايلنت.
سما...طيب اسمع يا مهاب يوسف لسه قافل معايا...وبدأت تحكيله
مهاب...بقله حيله عارف يا سما
سما...😳😳عارف ايه؟
مهاب...سما هقولك بس بالله عليكي بلاش جنان.
سما...بعصبيه وخوف ما تنطق يا مهاب في ايه.
حكلها مهاب اللي عرفه
سما...انت بتقول ايه يعني يوسف ما يعرفش حاجه.
مهاب...لا ميعرفش.
سما....انتوا بتهرجوا ده رايحلها عالڤيلا ولو راح ملقاش حد هترعبوه اكتر ماهو مرعوب اقفل يا مهاب انا جايه حالا.
مهاب...سما متجيش وانا هطمنك مش هتعرفي تسوقي بتيم.
سما....مجيش ايه انت بتهرج انا جايه حالا طبعا ابعتلي اللوكيشن.
مهاب...بقله حيله طيب سوقي براحه عشان خاطري.
سما...حاضر يلا بسرعه وحد فيكم يكلم يوسف بسرعه انا مش هقدر اقوله.
مهاب...انا هكلمه يا سما يلا سلام.
سما....سلام.
دقايق بسيطه وخرجت سما بسرعه نيمت تيم في الكرسي بتاع العربيه ورا وجريت علي الكرسي بتاعها وخرجت من الڤيلا.
...........
مهاب...اعمل ايه يابدر.
بدر...لازم يعرف طبعا كلمه قبل ما يوصل.
مهاب...بقولك ايه كلمه انت انا مش هعرف.
بدر...اتصل عليه طيب و اديهولي.
.................
وصل عامر بسرعه المستشفي
نزل شال ريم ودخل بيها وسيلا وروكا وراه بسرعه دخلوا بيها علي غرفه الطوارئ.
الدكتور...خير مالها.
حكيتله روكا بسرعه اللي حصل لريم وكريم.
الدكتور....بقلق الولد فضل كده قد ايه.
روكا...معرفش معرفش انا لما جوزها كلمني روحت لقيتهم علي حالتهم دي بس غالبا بقالهم كتير
الدكتور...للمرضه خدي الولد وتعالي ورايا فورا
دخل بسرعه الدكتور في الاوضه اللي فيها ريم وفضلوا التلاته واقفين.
سيلا...بدموع انا خايفه اوي🥺
روكا...انا مش قادره أتلم علي أعصابي.
عامر...أهدوا ان شاء الله كله هيبقي تمام أقعدوا شويه لحد ما يخرج الدكتور.
سيلا...يارب🥺
...................
اتصل مهاب علي يوسف ومد ايده بالتليفون لبدر.
بدر....الوووو.
يوسف....ايوه يابدر بدر ورحمه ابوك قولي انت عارف اي حاجه عن ريم وكريم في حاجه حصلتلهم صح.
بدر...أهدا اهدا اسمعني
يوسف...وقف العربيه بخوف حصل حاجه صح قولي يابدر.
بدر....والله ولا حاجه ريم بس اللي تعبت شويه
يوسف...😳😳 تعبت ازاي انا سايبها كويسه ريم فيها ايه يابدر.
بدر...يا ابني اديني فرصه😡 روكا راحت لقتها تعبانه و اغم عليها وسيلا كمان كانت رايحالها ولما اغم عليها روكا اتصلت بعامر وهو لحقهم بسرعه واحنا رايحنلهم عالمستشفي.
يوسف...مستشفي😳 بدر انت بتكدب عليا صح.
بدر...والله ما بكدب عليك
يوسف...طيب مبيردوش عليا ليه مش عايزين يقولولي ايه يابدر.
بدر...يا بني ادم والله ما في حاجه هو ده اللي حصل و روكا وسيلا ناسين تليفوناتهم عندكم في الڤيلا وسيلا بلغتنى انهم رايحين المستشفي من تليفون عامر انجز يلا وتعالي هبعتلك اللوكيشن انا تحت المستشفي خلاص.
يوسف...تمام يا بدر.
قفل بدر معاه و بعتله اللوكيشن وطلع هو ومهاب علي فوق.
دقايق وكانوا وصلوا.
عامر...بدر ومهاب وصلوا.
بدر...ايه الاخبار.
عامر...جوه لسه.
بدر....ايه اللي حصل بالظبط.
سيلا...بدموع ريم تعبانه يابدر اوي🥺🥺
بدر...اهدي اهدي ياسيلا خير ان شاء الله
مهاب....هما فين وفين كريم.
عامر...جوه في الاوضه
مهاب...انا مش فاهم في ايه ما تقولوا ايه اللي حصل.
عامر...يخرجوا بس بالسلامه يا مهاب ونطمن عليهم انا مش قادر اتلم علي اعصابي و قلقان علي كريم.
بدر...هو في حاجه ولا ايه متقلقنيش انت كمان.
روكا...بدموع الولد كان مرمي جمبها عالارض يا بدر من غير لبس شكلها كانت بتحميه جسمه مزرق خالص وكان متلج انا مش عارفه انسي شكله لما مسكته وجسيت جسمه فكرته جراله حاجه وانهارت في العياط
خدها عامر في حضنه.
عامر...بس ياروكا اسكتي هيبقوا كويسين ان شاء الله.
الوقت كان بيمر بصعوبه عليهم محدش عارف حاجه ولا حد فاهم حاجه روكا وسيلا قاعدين يعيطوا
والكل متوتر وصل يوسف في الوقت ده تحت المستشفي.
وفي نفس الوقت ده خرجت ممرضه من الاوضه وهي بتجري بسرعه
سيلا....بدموع وخوف في ايه في ايه.
مسك بدر ايدها ووقف ساكت حاسس ان في مصيبه.
ثواني و الدكتور خرج بسرعه هو كمان.
عامر ..طمننا يا دكتور.
الدكتور...معلش أدونى وقت بسيط و هرجعلكم بس خير اطمنوا سيبوني اشوف شغلي
و هطمنكم علي طول.
مشي بسرعه الدكتور وهما واقفين
مش عارفين بيحصل ايه.
روكا....يارب يارب والنبي طمن قلبنا.
طلع يوسف في الوقت ده وهو باين عليه القلق والخوف والغضب
جري عليهم اول ما لمحهم.
يوسف...روكا روكا ريم فيها ايه ياروكا
و ابني فين؟
بدر...اهدأ يا چو خد نفسك.
عامر...أطمن يا چو متقلقش هما لسه جوه بس محدش خرج
يوسف...طيب في ايه انتوا بتعيطوا ليه و كمل بعصبيه وصوت عالي ما حد يقولي في ايه.
مهاب....يا چو اهدي مينفعش كده احنا منعرفش والله في ايه أحنا زينا زيك.
يوسف....لا يا مهاب انتوا مش زيكم زيي.
محدش فيكم كلمني ليه يا مهاب هااا ؟؟مكلمتنيش ليه ياروكا لما روحتي و لقيتي ريم تعبانه؟ اتصلتى علي عامر وسيلا و سبتيني قاعد هتجنن ليه؟
وانتي ياسيلا كلمتي بدر و مقولتليش ليه؟
وانت ياعامر معرفتنيش ليه لما روكا كلمتك؟ وانت يابدر لو انا مكنتش كلمتك كنت هتكلمنى؟
عامر...ما تهدي يا چو هو احنا وانت ايه ما كلنا واحد.
يوسف...حط نفسك مكاني يا عامر لو روكا في الموقف ده مش هتزعل لما تكون اخر واحد عارف انها تعبانه.
بدر...يوسف روكا قالت انك كان عندك إجتماع مهم مع شركه أجنبيه ومكانش ينفع نخليك تسيب شغلك احنا هنا مكانك.
يوسف..بعصبيه يتحرق الشغل عاللي فيه يعني هو انا كده ماسبتش شغلى و جيت ولا أنتوا كمان مسبتوش شغلكم.
بدر....طيب ممكن تهدأ شويه من فضلك.
يوسف...انا عايز أعرف ابني فين ريم تعبانه واغم عليها ابني جوه معاهم ليه.
جات سما في الوقت ده وهي شايله تيم و بتمد بيه بسرعه
سما....مهاب روكا ايه اللي حصل مالها ريم وكريم ماله.
مهاب شال منها تيم اهدي خير ان شاء الله.
يوسف...بعصبيه ما حد يرد علياااا😡
في الوقت ده جالهم الدكتور تاني.
كان دكتور استشاري كبير
الدكتور...من فضلكم الصوت
يوسف...بلهفه دكتور مراتي وابني فيهم ايه انا مش عارف حاجه.
الدكتور...بعمليه خير المدام افضل شويه بس هي للاسف حالتها مش أفضل حاجه عملنالها شويه تحاليل الأنيميا بتاعتها 7 في نقص كتير في الحديد والكالسيوم وڤيتامين د الضغط بتاعها كان واطي جداً 65/50 و الانسولين ناقص جداً في الدم
روكا....بس هي معندهاش سكر.
الدكتور....ده مؤقت نتيجه أهمال مش اكتر.
هي بدأت تفوق ركبنالها محاليل و هتحتاج تركب محاليل حديد عشان الأنيميا ترفع أسرع شويه للأسف في إهمال شديد جداً في صحتها
و محتاجه رعايه فقدانها الوعي بسبب هبوط حاد و إضطراب أعصاب هي كانت مضايقه او حاجه زعلتها.
يوسف....بحزن لأ خالص انا سايبها الصبح كويسه والمفروض انها كانت خارجه بس هي تعبانه جداً تقريبا مش بتنام ولا بتاكل كويس وبتعمل مجهود مع ابنها لانه بيعيط كتير جداً طول الوقت تقريباً مش بيسكت لا بينام ولا حتي بينيمها.
الدكتور.....بخصوص الولد للأسف هو حالته مش حلوه خالص
يوسف...بخوف ابني في ايه يا دكتور.
الدكتور....اولا كده هبعد عن موضوع العياط المستمر ده عشان ده قصه كبيره لوحده خليني الاول اشرح لحضرتك الحاله اللي الولد جه عليها
يوسف...حاله ايه هي مش مامته بس اللي تعبانه انا مش فاهم حاجه.
الدكتور....شاور علي روكا المدام قالت انها لما وصلت البيت لقت المريضه والطفل واقعين عالارض هي مغم عليها والولد نايم جمبها عالارض من غير ملابس خالص وان مامته يعني تقريبا كانت بتديله الحمام بتاعه فا طبعا هي وقعت والولد وقع منها وطبعا هي تقريبا فقدت الوعي حوالي من ساعتين ونص لتلاته والولد فضل من غير لبس بعد الحمام في التكييف.
جحظت عين يوسف برعب😳
الدكتور....وطبعا دي فتره طويله جداً الولد جاي لون جسمه متغير وده نتيجه إنخفاض درجه حراره الجسم ولو لاقدر الله مكانش جه في الوقت المناسب محدش عارف كان ممكن يحصله أيه اكتر من كده.
بدر...طيب هو ممكن نعرف ايه الضرر اللي حصل ليه.
الدكتور...للأسف عنده إلتهاب رئوي بسبب التكييف انا عرضته لأشعه ضوئيه عشان تساعد في تدفئه الجسم والحمد لله بدأ جسمه يرجع للونه الطبيعي مع بعض الحقن والادويه.و طبعاً الألتهاب الرئوي ده قصه تانيه هيحتاج علاج وجلسات لان فتره عياطه كانت كبيره جداً واضح انه كان بيعيط كتير و يتعب ويرجع ينام ويقوم يكمل عياط الأحبال الصوتيه عنده تعبانه جداً وكتر العياط تعب صدره والنفس عنده مش متظبط هو الوقت بياخد جلسات أكسچين عشان تساعده يتنفس بسهوله.
يوسف...بصدمه و توهان انا ابني كده ضايع.
الدكتور....اطمن أحنا هنحتاج شويه وقت بس هيبقي افضل متقلقش بخصوص بقي العياط المستمر اللي حضرتك بتقول عليه واللي كان سبب في تعب الام.
هو عمره قد ايه.
يوسف....هيتم سنه بعد شهر.
الدكتور...طيب موضوع العياط ده من امته بالظبط.
يوسف...هو تقريباً من يوم ما أتولد لكن كان اللي هو العياط العادي يعني كان ياكل ياخد شاور
بتاعه يهدي وينام لكن العياط الفظيع ده كان تقريبا تم خمس شهور او اربعه مش فاكر اوي.
الدكتور...عرضوته علي دكتور.
يوسف....انا عرضته علي دكاتره كتير جداً مش دكتور واحد.
الدكتور....وكانوا بيقولوا ايه.
يوسف...يعني شويه إلتهاب في زوره شويه برد شويه إلتهاب في الأذن الوسطي شويه مغص عشان اللبن وشويه يقولوا ان دي طبيعه
لحد ما احنا أتأقلمنا علي أنها فعلا طبيعته كده بيزن كتير وكل ما هيكبر هيهدأ.
الدكتور....طيب تمام اولا كده مفيش حاجه أسمها طفل زنان بطبعه يمكن اسهل حاجه عند الاطفال للتعبير هي العياط جعان بيعيط عايز ينام بيعيط عايز يغير بيعيط خايف من الدوشه بيعيط بيتألم من حاجه بيعيط وطبعاً دي بتبقي حاجه صعبه علي الام انها تكتشفها خصوصا لو طفلها الأول.
وبما انك بتقول ان العياط ده لما كمل الاربع شهور فا كده نقول ان اللي عنده ده مش حاجه وراثيه
هو اتعرض لاي عدوي وهو صغير.
يوسف....لا او مش متذكر اوي هو ممكن أتعدي من والدته قبل كده وجاله نزله برد شديده. جاله الحصبه لما أتولد كان عنده الصفرا
يعني الحجات اللي بتيجي للاطفال.
الدكتور....طيب هو غالباً لو نزله البرد اللي خدها من والدته كانت شديده يبقي هي سبب اللي احنا فيه الوقت
يوسف...هو فعلا وقتها تعب جداً وحتي الجيوب الانفيه عنده كانت بايظه وفضل يتعالج اسابيع.
كويس...كويس جداً يبقي احنا عرفنا السبب.
بدر...هو عنده ايه يا دكتور انا مش فاهم برده.
الدكتور....الولد مصاب بال
((مايو كلينك)) او بالعربي كده الصداع العنقودي.
يوسف....يعني ايه.
عامر....صداع هو في طفل في سنه بيجيله صداع.
الدكتور....طبعاً الاطفال زي الكبار بالظبط لكن المشكله ان النوع ده من الصداع الالم بتاعته حاده جداً ميستحملهاش الشخص البالغ والمشكله الاكبر ان ده نوع نادر جداً من الصداع اصلا ومش شائع عشان كده محدش عرف يشخص حالته كويس ولان الصداع ده بيصيب الاطفال من عمر عشر سنين في الحقيقه انا يمكن اول مره اصادف الحاله دي في السن الصغير ده.
روكا...طيب ايه أعراضه يا دكتور.
الدكتور...اولا هو مرض بيصيب الذكور اكتر من الإناث.
اعراضه قويه جداً بيجي الصداع من غير إنذار او حتي بوادر للالم
بيبقي عباره عن هجمات بتصيب المريض وغالبا في جانب واحد من الوجه بيشبه شويه الصداع النصفي واللي للأسف اغلب الدكاتره بيشخصوه علي انه صداع نصفي بيصاحبه ألم كبير في العين اللي في نفس الجنب المصاب بالصداع بيحصله غثيان
سيلان في الانف أحتقان دائم تورم في جفن العين وإحمرار دائم. وزي ما بيجي من غير مقدمات بيختفي بسرعه من غير مقدمات مش زي الصداع العادي بيخف تدريجياً وبتختلف اعراضه بين همدان في الجسم او حاله هياج زي اللي بتحصله كده
الهجمات اللي بتصيبه دي بتبقي عباره عن نوبات للصداع بتحصل في اليوم من مره لحد 8 مرات
والمره الواحده ممكن تقعد من ربع ساعه لحد 3 ساعات بيحصله حاله هياج وممكن توصل لتشنجات وده بيحصل لما النوبه دي بتجيله ووقتها انتوا مش عارفين الولد في ايه طبعا الألم بيزيد اكتر من الصوت والضوء.
وكل ده انتوا معرضينه ليه عادي لانكم مش فاهمين حالته فا بالتالي هو حالته بتسوء.
مهاب...طيب معلش يا دكتور سؤال
الدكتور...اتفضل طبعاً.
مهاب...حضرتك بتقول هجمات ونوبات والم حاد كل ده بيحصل لطفل عنده سنه هل كل ده ممكن يكون أثر علي دماغه او عمله مشكله.
الدكتور....مبدأياً كده
(المايو كلينك ) مش مرض سهل زي ما قولت ده الم حاد بيصيب الدماغ واكيد انتوا عارفين الالم لوحده بتاع الصداع بيعمل ايه فينا احنا ككبار مابالك بقي بصداع مصنف انه من اكتر انواع الصداع الام عموما رداً علي سؤالك هو حالياً الولد الحمد لله ظاهرياً انا شايفه طبيعي يعني لا عنده نوبات صرع ولا تشنجات وده بفضل ربنا طبعاً وكمان انا شخصت حالته مبدأياً بسبب الاعراض اللي انا شايفها لكن طبعاً هنطمن اكتر لما اعمله أشعه مقطعيه علي المخ عشان نتأكد اكتر انه (مايو كلينك)
طبعاً هياخد علاج يمشي عليه فتره طويله لحد ما الصداع يبدأ يختفي تدريجياً
بدر...يعني هو بيخف منه خالص.
الدكتور....ايوه الحالات المصابه بالمايو كلينك بتبقي بتخف في حاله عدوي صابته وهو صغير او وقعه علي الدماغ عملت ندوبات او كلكعه يعني في الدماغ بتبقي ملحوظه وطبعا وجود الكلكعه دي هي اللي بتعمل الصداع وطبعا لو وراثي وفي الحاله دي بيبقي ملهوش علاج للأسف.
عموما هو هيبقي بخير ان شاء الله هيقعد معانا شويه والمدام كمان هتقعد يومين نطمن عليها
بس الولد هيقعد معانا شويه الاول هنظبط اللي حصله بسبب التكييف ونظلط النفس والالتهاب الرئوي اللي حصله و في الوقت ده هنكون عملنا الاشعه المقطعيه مع اني انا خلاص متأكد انه مايو كلينك بس زياده تأكيد وبعد كده هنبدأ مرحله العلاج وفي شويه حجات كده هتمشوا عليها فتره
في البيت ودي هتساعد اكتر في سرعه علاجه يعني ميتعرضش لصوت عالي علي قد ما تقدروا ميتعرضش لضوء قوي يعني يكون خافت علي قد ما تقدروا
شويه رياضه.
روكا....رياضه؟
الدكتور...ايوه شويه تمارين كده خفيفه هتساعده يتخلص من الالم زي تدليك للرأس وشويه حجات كده هنعملها مع بعض مع العلاج طبعاً و كمل كلامه بأبتسامه المهم مش عايزك تقلق تقريباً كل ده حصل عشان تكتشف المرض اللي عنده وتعرف انه مش طفل زنان ولا دي طبيعه طفل اصلاً
عامر...يعني هيبقي كويس يا دكتور.
الدكتور...اطمنوا هيبقي كويس وزي الفل كمان.
يوسف...بحزن طيب هو انا ينفع اطمن عليهم يا دكتور.
الدكتور....تقدر تطمن علي المدام هي اكيد فاقت وبقت احسن هنجهزلها بس غرفه تقعد فيها عشان نكمل مع بعض العلاج هي هتفضل معانا يومين لحد ما تشد حيلها واطمن انها بقت افضل لكن الولد مش هينفع الوقت ممكن شويه كده وتطمن عليه بس هيكون من ورا الزجاج عشان النفس غلط عليه وهو تعبان كده.
هز يوسف راسه بحزن وابتسم بضعف للدكتور شكراً جداً لحضرتك مش عارف اقولك ايه
الدكتور...ولا اي حاجه ده شغلي ربنا يطمنك عليهم بعد اذنكم.
الجميع...أتفضل.
روكا...بحزن كل ده في الولد واحنا منعرفش وفاكرينه زنان.
عامر...هيبقي كويس وزي الفل ان شاء الله
بدر....خير يا يوسف اطمن
يوسف...بحزن اطمن ايه يا بدر انت مسمعتش الدكتور قال ابني بيحصل فيه ايه بقاله فتره واحنا منعرفش مسمعتش ريم حاصل فيها ايه
مهاب...وحد الله يا چو ربنا مابيعملش حاجه وحشه شويه تعب بسيط عند ريم والعلاج والڤيتامينات هتظبطها اما كريم بقي يمكن اللي حصل ده كله حصل عشان نعرف ان الولد تعبان واحنا مش حاسين.
سما....بحزن فعلا يا يوسف اللي الدكتور بيقوله ده كتير علي طفل في سنه.
روكا...الكبير مش بيستحمل الصداع يا يوسف ما بالك طفل عنده صداع نادر اصلا..ده انا اول مره اسمع عنه ولو كل ده مكانش حصل مكانش حد فينا هيعرف وهو كان هيفضل تعبان بيعاني يا حبيبي واحنا منعرفش في ايه
عامر...روكا معاها حق يا يوسف الولد عياطه مكانش طبيعي وانا قولتلكم كده مكانش مجرد زن ده كان صريخ متواصل نتيجه الصداع.
يوسف...بحزن ريم السبب في كل ده
بدر ...سبب ايه انت عبيط ماهي راقده جوه وحالتها زي الزفت
يوسف...قولتلها كتير يا بدر اجيبلها شغاله ترحمها مكانتش بتوافق قولتلها نجيب بيبي سيتر تشيل كريم شويه عنها قالت لا مش مضمونين واهو النتيجه انها راقده زي ما بتقول والولد لو روكا مكانتش لحقته كان مات.
روكا...بعد الشر متقولش كده
عامر...ياعم بعد الشر الولد زي الفل ومحصلوش حاجه
يوسف...كل ده ومحصلوش حاجه ابني واقع 3 ساعات في الارض من غير لبس في التكييف بعد ما استحمي ولون جسمه اتغير و بتقولي محصلوش حاجه كان ناقص ايه أروح الاقي ابني متخشب جمبها بسسب عندها ورفضها في اني اريحها هي وهو.
بدر....يوسف اللي انت بتقوله ده مش وقته خالص الولد هيبقي كويس والندم مش هيفيد ربنا مش بيعمل حاجه وحشه زي ما قولنا انتوا لفيتوا بيه كتير عند الدكاتره ومحدش عرف يشخص حالته ولولا اللي حصل ده مكناش هنعرف هو في ايه احمد ربنا يا يوسف.
سما...وبعدين الدكتور قال ان حراره جسمه بقت افضل ولونه رجع هو بس هيظبط النفس و هيديله علاج وجلسات للالتهاب اللي عنده و هيتحسن
سيلا...بدموع انا عايزه ادخل لريم.
روكا....يلا يايوسف تعالي نطمن عليها ونطمنها علي كريم اكيد هي قلقانه عليه وخايفه من غيرنا
بدر...استنوا لما يبلغونا انها أتنقلت في الأوضه الأول.
وقفوا كلهم وفضل يوسف ساكت و الحزن باين عليه وعليهم كلهم
بعد وقت بسيط خرجت ريم و نقلوها اوضه لوحدها ودخلولها كلهم عشان يطمنوا عليها😢
...........
