رواية خائنه الفصل السادس بقلم جمانه السعيدي
نيران... شويه اندكت الباب
اني اعرف شمران بلباب منووووو
شمران....اني ولو اصير زحمه عليكم اريد بهارات
طبخنا ونسينا ماعدنا بهارات
نيران....اي هسه تدلل
دخلت وخليتله من كل البهارات الي عندي كميه جبيره
وجبت صندوق مال مخضر فارغ وخليت بي
كلشي عندي طماطه وبتيته وجزر وبيذنجان وتفاح وبرتقال وليمون ترسته ترس
فتحت الباب وخليته كدامه
واني صرت ورا الباب تفضل
شمران...هذا شنو هذا كله النا
نيران....اي اخذه مديت بس ايدي هاي البهارات
هاي البهارات زينه مو تخلي منها هواي على كد خاشوكه
شمران....ممنون منج انتم احسن جيران شكرا
اخذ الصندوق كوه شاله لان ترسته ترس
ورجع الجماعته
اني دخلت حتى اسمع شراح يكولون
علي....شنو هذا ولك جايب السوق كله
شمران....ولله ذوله احسن جيران بلدنيا انطوني بهارات
شوف شكد هذا سعره اكثر من الفين
وهم مخضر وفواكه
حسن....اي هيج الجيران لو ماينرادون
شمران....هاي مو مره اطير العقل
حسن...عينك ياولد لا يطردونا من المشتمل
جمانه السعيدي
نيران...اني سمعته كال عليه مو مره اطير العقل
واني تخبلت اتخيلت نفسي ماكو مني بلكون
صار عندي هوس اسمعهم من يرجعون من الدوام
واسمع حجيهم
واذا اجت العطله وراحو الاهلهم احس الدنيا وحشه
عليهم وخاصه شمران
مرات اراقبهم من شباك الهول
بيوم سمعت شمران يحجي وياهم
شمران....ياولد ولله مشتهين دوامه وكون حامضه
هلمره من ننزل الاهلنا كل واحد يجيب وياا جدر دولمه
ملينا من هذا الاكل نريد طبخ بيت
مو طبخ عزابيه مثلنا يلعب النفس
نيران...اني سمعتهم يحجون عن الدولمه
رحت طبخت جدر دولمه شكبره
من من الدوام
دكيت الشباك عليهم
اتعجبو شمران هااا محتاجه شي
نيران بدون ماافتح الشباك حجيت وياااا
طبخت دولمه تعالو اخذو حصتكم
شمران...ايييبي جنج كاعده بكلبي
راسا اجا خليت شال على راسي وانطيته الجدر
شمران...تسلمين كلج ذوق فدوه الاديج
اسمعهم ياكلون ويتغزلون بلدولمه
بعد اول شهر سكن حسن عافهم ورجع للقسم
بقا بس علي وشمران بلمشتمل
اني من كد ماعايشه فراغ كمت اطبخ وادك الشباك عليهم
يجون ياخذون اكل اطبخ بواهس واتفنن حتى اسمعهم يستطعمون بلاكل
طبعا من غير مايعرف ياس
لان اكيد مراح يقبل تكون عندي علاقه بيهم لو احجي وياهم
جمانه السعيدي
من خلص الشهر الثاني علي عاف الجامعه ابو اتوفا
ماعدهم بلبيت غيره هو الجببر
عاف الجامعه حتى يشتغل بمكان ابو
هاي التفاصيل كلها اعرفها لان اسمع حجيهم
بقا بس شمران
اجا دك الباب عليه
نيران...منو
شمران...اني شمران شلونج نيران
نيران...الحمد لله
شمران...اني جماعتي عافوني وحدي وهذا الاجار هواي عليه راح ادور سكن ارخص
لو ارجع للقسم مااعرف شويه وضعي تخربط
نيران...اني انزلك من الاجار وابقى بي
شمران...مااعرف
نيران...احسبلك ٢٠٠ وابقى
شمران...اني هذا الشهر باقي بس شهر الي يجي مااعرف
شنو ضروفي
نيران...لا عفيه اتعودت عليكم اني طول النهار وحدي
وانتم صوتكم تارس البيت عليه
شمران...خل اشوف طلاب غيرهم بلكت الكا احد يشاركني السكن وابقى
نيران...انشاء الله
كلش ضجت مااريده يعوف السكن
اني تعلقت بي وجوده بلبيت شي كلش مهم بلنسبه اليه
مااريده يطلع وارجع وحدي مثل قبل
كنت مستعده حتى ماأخذ منه الاجار
بس يبقى قريب عليه طبعا هو حس بااهتمامي بي
وبدا يستغل هاي النقطه الصالحه
بيوم كلش بارده سمعته يغسل بلملابس ويدردم
اجا يجففهن المجفف مايقبل يشتغل
شمران....استغفر الله شنو من عيشه هاي
اني ووين وهاي المسؤليه وين انعل ابو الدراسه
شنو من وضع تعبان هذا
نيران....من سمعته كلش ضجت خفت يعوف المكان ويروح اني تعلقت بي روحيا
حتى الأكلات الي يحبهن اطبخهن علموده
وكمت مااتعارك وياا ياس ولا الي شغل بي
حتلو يتأخر عليه
كل النهار افكر بشمران شاب وحلو ومرتب
عقلي كام يقارن بينه وبين ياس
فرق العمر والشكل وطريقة الكلام
وتواجده كل يوم بلبيت
اسمع صوته طول الوقت واتخيله يحجي وياي
الفراغ الي جنت عايشه بي طول الوقت
اختفى كل وقتي واني مشاعري واهتمامي رايحات
بتجاه شمران
رجعت اشوف عيوب ياس واضوج منه
من سمعته ضاج من الملابس
دكيت الشباك علي
نيران.....شمران جيب ملابس اني اغسلهن واجففهن بلمجفف
لا اضوج
خليت شال على راسي وفتحت الشباك
شمران...مااريد اسوي عليج زحمه
اليوم اني ضايج شويه
اني مدلل بيت اهلي هنا هواي شغلات متعبتني
والدنيا بارده وضجت على جماعتي
مجاي الكه شباب يقبلون يسكنون وياي
نيران....ولا يهمك اني راح اساعدك
واطبخلك لا تشغل بالك ابد كل يوم راح تلكه الاكل
جاهز بس اليوم الي يكون بي ياس هنا
مااكدر لان اخاف يفتهم الموضوع غلط
يوميه راح افتح هذا الشباك وانزل علاقه فواكه وخضر
وخبز
انت عوف ملابسك الوصخه هنا
واني اخذهن اغسلهن الك
جمانه السعيدي
راسا كام يباوع عليه نضرات غريبه عجيبه
حسيته يحبني او معجب بيه عيونه كلهن انبهار
هاي النضرات زادتني تعلق بي كنت مستعده اسوي اي شي بس يبقى قريب عليه
وما يعوفني مثل ماغصون عافتني
اذا ياس هنا ابد مااقرب على الشباك
واذا طلع ياس ادك الشباك على شمران
انطي اكل لو نكعد نسولف اني ويااا هاي اللحظات
البسيطه كل يوم كانت بلنسبه اليه
لحظات مهمه انتضرها بفارغ الصبر
انتضره منا لمن يرجع من الدوام
تبادلنا اني وياا الأرقام
اذا ياس موجود نبقى نتراسل بسكوت
اصلا ياس مايعرف الدنيا وين ماوين بس يوصل من التعب
يخلي راسه على المخده
صوت الشخير يوصل السابع جار هلكد ما تعبان
الشيطان عمه عيوني
غشى على عقلي كمت ماتهتم بياس ولا الي شغل بي
اكثر اهتمامي بشمران
اكثر من مره ياس يلكه ملابسه وصخات
بس هو ما يحجي عليه مايريد يزعلني
بينما ملابس شمران اغسلهن اول بااول واكويهن
وصل بيه الحال اسئله شنو الاكل الي مشتهي واحضره اله
شمران عرف يستغل حبي احسن استغلال
كان عايش على طبخي ابد مايشتري شي
وملابسه حاضرات
بدا يقرأ بااذني كلام حب وغزل مو كلام عادي
كان ينزل مثل السحر على مسامعي
تعلقت بي بشكل مو معقول مااشوف غيره
..
ياس بده يحس بتغير من جهتي لان لا اسئله وين جنت
ولا ليش اتاخرت ولا انتضره مثل قبل
من يدخل ينام بلغرفه اطلع اكعد برا حتى نحجي اني وشمران بلتليفون براحتنا
هملته كلش
ياس...حبيبتي اكو شي هاي اكثر من مره الكه ملابسي ما مغسولات
نيران....هم تحاسبني كل الوقت محبوسه وروحي طالعه
وانت هسه جاي تحاسبني
حاسب نفسك بيش مقصر وياي يله تحاسبني
مزين صابره وكاعده ومتحمله
ترا الحياة مو بس اكل وشرب الحياة اهتمام
واني مجاي احصل منك اي اهتمام
كل الوقت بلشغل وعايفني وحدي
كنت احجي بتكير ونزعاج ولا مبلا اريده بس يضوج ويبتعد عني لان لكيت البديل عنه
وهو المسكين مايعرف جاي يصرف من فلوسه وتعبه
على شمران
كنت اكثر من حقيره بهاي الفتره
ابد مارحمت حال هذا المسكين
جمانه السعيدي
والأكثر حقاره مني شمران الي كاعد يستغلني ابشع
استغلال
حتى الاجار مايدفعه يضغط عليه لان يعرف اني احبه
شمران...اني يمكن هذا الشهر اعوف المشتمل
نيران...يااا ليش تحجي صدك
شمران...ضروفي صعبه ومااكدر ادفع الاجار
نيران...لا تدفع الاجار بس ابقى هنا فدوه لا تعوفني
شمران...حبيبتي اني اموت اصلا اذا اعوفج
انتي احلى شي صار وياي بهاي الدنيا
اني مااتخيل يوم يمر عليه ومااشوف هذا الوجه الحلو
نيران...اي ابقى لا تروح اني مااكدر بدونك ابد
شمران...إلى متى راح نبقى نحجي من هذا الشباك
مثل المساجين
نيران....مااكدر اجيك من الباب الجوارين يشوفوني وخاف يوصل خبر الياس
ولا اكدر اخليك تجيني من الشارع نفس الشي
شمرن......هذا الباب ماله مفتاح
نيران...مااعرف اني من اجيت هو مقفول
شمران... شوفي المفتاح وين
وافتحي الباب راح نلتقي اني وياج
بعد مااكدر اتحمل اشوفج من الشباك اريد احضنج
واشم ريحتج الطيبه
شيطان يتحكم بمشاعري وعقلي وكدر يوكعني بفخ
الاستغلال من كل النواحي
واني اغبى وحده بهذا العالم كنت امشي ورا مثل العميه
نسيت اهلي وزوجي وسمعتي
نسيت حتى نفسي
