رواية كيد الرجال الفصل السادس بقلم جمانه السعيدي
لطيف...دخلنا جووووا شنو هاي موفلا
ضيم مثل البيوت الخليجيه بلمسلسلات وبعدا ارقى
الخدامه...بسرعه قبل لا ينكشف امري
لطيف....خويه علي أصحاب هذا المكان شنو يشتغلون
علي...اسكت وخليها هاي الناس املاك لاتعد ولا تحصى
اصلا مايجون هنا غير كل سنه مره
حياتهم كلها بلخارج
اخذنا كم صوره وصورنا الفلا من المدخل على الصاله الغرفة النوم
سلام اتصل
علي...شكو
سلام ...اطلعو الحارس شك بيكم راح تصير مشكله
طلعنا من الباب الخلفي على الحديقه بس طلعنا اجانا الحارس
...ليش اجيتو هنا
لطيف...اسفين راح نطلع
طلعنا شويه واجا ورانا سلام
سلام...الحارس كام يحجي يكول اني شاك بامرهم ذوله خاف عصابه اذا صار شي على الفلا احملكم المسوليه
علي....خل يطير يحملنا المسوليه هنا كم صوره
رحنا للفلا الثانيه كان الحارس متساهل اكثر من منير
صورنا بكيفنا
بس الفلا الثالثه الحارس ماقبل ندخل حتى سلام ماقبل يدخل يكول اني شاك بامركم
المهم احنا اخدنا مايكفي من الصور
صورنا حتى الشارع من دخلنا علي هذا المكان
صورنا كم فله من برا شكلهن كلش حلو
رحنا حجزنا دعاية مكتبيه هيج خشبه زغيره وكتبنا عليه اسم علي الجديد واسم شركة استيراد وتصدير
جمانه السعيدي
خلص الصبح رحنا كعدنا بمطعم تغدينا
اتصلت عليه سحر
لطيف...نعم
سحر...نعمله عليك من البارحه لاحس ولا خبر
لطيف...انتي البارحه منتبها النفسج من رجعت ماسئلتيني وين جنت تريد عشى لا
سحر. اهو رجعنا الهاي الاسطوانه اني بيا حال
جهالك متعبيني وانت الك خلك
لطيف...خلصيني شتريدين عندي شغل
سحر.. اليوم جمعه اي شغل هذا
لطيف...بلمكتب عندي شغل
سحر...اريد كلنس وشوربة للجهال وجيبلنا اجبان وياك وقشطه وصمون
لطيف.. ميخالف من ارجع راسا طبكت التليفون
حتى صوته مجاي اتحمل اسمعا
تحجي وياي وكانما اشتغل عدها
هانت مابقى شي
كملنا غدا ورحنا كم معرض سيارات
ماعجبنا شي نريد معارض تكون السيارات بيها احدث موديل
أجلنا باقي الشغل الباجر
رجعت للبيت جبت مسواك ورجعت
بس دخلت
لطيف... هاج هاي الأشياء الي طلبتيها
سحر...اريد رصيد
لطيف...ماعندي فلوس
سحر....اي روح جيب من تستلم سدد
لطيف...مااكدر اشتري رصيد بلدين قفلت حسابي
بعد ماكو شي اسما نشتري بلدين
عدنا فلوس نشتري ماكو مانشتري
شسوين بالرصيد اتصلي على الشبكه
سحر.. امي رايحه للزياره واريد اتصل اطمن عليها
لطيف...اتصلي على اختج وهي اطمنج
سحر...شو انت مدري شلون تحجي ويأي
لطيف...تعبان وانتي بطرانه اني داخل انام تعبان
دخلت الغرفة النوم حتى الجرجف مامغيرته صاير وصخ
النهار كله نايمه وبليل تخابر
وبيتها جايف الله ياخذج سحر الله يحرك كلبج مثل ماحركتي كلبي
سحبت الجرجف شمرته ونمت على المندر بدون جرجف
جمانه السعيدي
ثاني يوم كعدت بدلت وطلعت بدون ريوك
وصلت للدوام للساعه عشره طلبنا ريوك اني وجماعتي وتريكنا
اتصل عليه علي مسوي صفحه بالاسم الجديد
بدينا نختار اني وياا موضيع ماليه ننشرها عن التجاره
والربح
نشر اول منشورين
حتى الصفحه تتاكد وتصير معروفه
بعدين رجع اتصل عليه اكو مول حلو يشتغل بي ولد صديقه رايح ماخذ بي كم صوره على اساس
هذا المكان ملكه
اكو مكتب حجوزات صاير بالطابق الخامس بس المكتب شيك كلش ومرتب
متفق وياا الولد يخلي القطعه الدعائيه باسمه على المكتب ويكعد ياخذ كم صوره
على اساس هاي شركة الاستيراد والتصدير الي يملكها
بس ولله طالعه الصوره حلوه تخبل عبالك صدك
اني مااعرف شلون راح اجازي علي شكد جاي بتعب علمودي
خلصت دوام طلعت رحت العلي حتى نفتر على المعارض
لكينا معرض بي سيارات ثنيبن كلش توب
اتفقنا ناجرهن كل وحده نص ساعه
اخذنا كم صوره وبعدين صورته وهو يمشي بلشارع بلسياره
صور نفسه سلفي داخل السياره
هيج تمام كلشي تمام هسه نبدي المرحله الثانيه
بدينا نزل صور على صفحته طبعا مو كلهن
كم صوره بس
بعدين بدت المرحله الثالثه
علي يدخل على صفحته على اساس مخربط بلاسم
يتعرف عليها ويطلع من الصفحه
هي راح تدخل صفحته حتى تشوف منو هذا وصحيح مخربط لو لا
من راح تشوف صوره بلصفحه
وهو داخل الفلا والسيارات الفخمه راح تركض ورا
مثل الجلب من يركض ورا عظم
يمكن تكولون شنو هاي الدوخه عليمن كل هذا التعب
صحيح احنا هواي اشتغلنا بس لازم نكون مقنعين
حتى تعوف كلشي وتطلع من حياتي لازم تقتنع
١٠٠/١٠٠
شويه تعب مقابل كلشي اخذته مني يرجع
بدا علي بلخطه بليل كاعدين اني وياا ودزلها
علي....العفو سحر ياسين اسف دخلتلج خاص
بس ردت اسئل على الفلا بعدج عارضتها للبيع
اني مستعجل اريد اشتريها قبل لا اسافر
اريد اخلص أوراقها بسرعه
ممكن تردين عليه بأسرع وقت ممكن
شويه شافت الرساله طبعا هي اسمها سحر منعم
بس احنا دخلنا عليه بهاي الحيله حتى نجر رجلها
اني متأكد من قرأت الرساله دخلت على صفحة علي حتى تشوف منو هذا مبين من كلامه مريش
احنا نزلنا كم صوره العلي من داخل الفلا
والسياره والصوره الرئيسيه الصفحته وهو كاعد على المكتب ومكتوب اسما الوهمي واسم شركة الاستيراد والتصدير
جمانه السعيدي
راسا دزت
سحر..... عليكم السلام
كلت العلي اوكف لا ترد بسرعه رجال الأعمال يكون وقتهم مزدحم مايريدون بسرعه
انتضرنا راسا دزت اوكي
سحر...العفو يمكن انت غلطان
انتضرنا شويه لازم تتحمس اكثر
ربع ساعه رد عليه علي
علي....شنو غلطان تبيعين لو لا لان اني مستعجل
واي مبلغ اطلبي اني حاضر
سحر...انت عراقي
علي.. طبعا عراقي
سحر....وين عايش بلخارج
علي...بامريكا ليش اسئلين
سحر.. اني ماعندي فلا للبيع
علي...ليش غيرتي رائيج اني راح ادفع اي مبلغ تردي
مايهمج اني اهم شي عندي الفلا عجبتني
سحر...لا احجي جديات اني ماعندي فلا بس عندي كلب خالي يتمنى يلكه واحد يحجي وياا ويفهما
علي...انتي ناصبه عليه
سحر...لا احجي من كل كلبي شوف اني مااعرفك
بس كلبي ارتاحلك
علي....يعني شنو
سحر....بس اوكف لا تستعجل اريد تشوف شي وبعدين احكم
علي....شنو
سحر...دقيقه اصبر هاي شببك مستعجل
علي...لان اني مشغول ماعندي وقت
سحر...دقيقه
علي...زين ارد على الاميلات واجي احجي وياج
سحر...ارجوك لازم تبقى وياي
علي...خمس دقايق وارجعلج بس لايكون مقلب
لان انتم العراقيين معروفين بلمقالب
سحر...اني حياتي كله مقلب وكلبي يكول انت الانسان الي راح تفهمني
جمانه السعيدي
لطيف... كنت اشوف ردودها وكلبي يغلي شكد حقيره
الخاطر الله
تقريبا ٧ دقايق بلضبط وتصلت على علي اتصال
اني كتله لاترد اوكف خليها تستوي
رجعت اتصلت
المره الثالثه رد عليه
تحجي بصوت ناعم وتتنغوص
علي...الووو
سحر...هلوووو وتحسرت
علي...الله شنو هالصوت الحلو
سحر....بعدك ماشفت شي
علي...شنو اشوف مثلا
سحر....افتح كامرا حتى تشوفني واحجيلك على وضعي
علي...كامرا هيج بسرعه
سحر.. مو كتلك اني كلبي تطمن الك حتى واني ماشايفتك
بس ارجوك لا تفهمني غلط
اني اول مره بحياتي ارتاح هيج الشخص
بحيث كلبي مطمن ومستعده امشي وراك واني مغمضه
شوف اني كلبي مااطمن الأحد مثل مااني اطمنتلك هسه
انت يمكن ملاك مو بشر
لطيف...طفرت طفيت كل الاضويه حتى لا تشوف المكان
ووننكشف
مو مره تعبد الفلوس عباده
علي...افتحي انتي بلاول خاف مقلب
راسا فتحت الكامرا لابسه ثوب احمر دلع نص صدرها طالع وبلا ردن
لازك على جسمها
والمكياج والشعر وهي منا تخبل
علي....واوووو صدك واوووو شنو هذا الجمال
انتي متاكده عراقيه
سحر.. اي
علي...شنو هذا الجمال شنو هذا الحسن سبحان الله
انتي سحر واسمج عليج
لطيف.. اني كباله ااشرله حتى يتغزل بيها اكثر
سحر.... شنو فايدت هذا الجمال واني مدفونه
علي.. مدفونه انتي تعرفين اذا هذا جمالج بلخارج
الناس كلها تركض وراج
حقيقتا اني مصدوم اكو هيج جمال بلعراق
ليش اني من انزل للعراق مااشوف هيج شي
انتي شنو حوريه
سحر... مو كتلك محد راح يفهمني غيرك اول مره التقي بشخص يثمن جمالي هذا
علي....انتي ووين اني لازم اشوفج واحجي وياج
بس لا تكولين مرتبطه ارجوج
سحر... اي مرتبطه
علي...لا لا لا موخوش خبر
سحر....انسان مستفز لا شغل ولا عمل دمرني
تدمير عايشه حياتي حجيم ويااا
علي...انفصلي بأسرع وقت ممكن واني مستعد اجي اتقدملج
انتي جوهره حرامات هيج مدفونه
سحر....ياريت بس عندي اطفال ثنيين منه
لو خوش انسان مجان صار عندي اطفال بس مكتوب عليه لازم اتعذب ويااا
اني وجهاله صار يومين بلا اكل وهو نايم لا شغل ولا عمل
علي...شكد مجرم هذا
سحر...اهلي متكفلين بعيشتي اني وجهالي وهو كل النهار نايم
واذا احجي وياا راسا يضربني
اني امي دعتلي اليله اكيد
لان كنت كاعده ومهمومه وادعي رب العالمين يدزلي شخص يفهمني ويقدرني
علي.... لا تتوقعين اني عايش بلخارج ومااعرف رب العالمين
لا اني انسان متربي صح
اذا انتي مزوجه وعندج اطفال اني اسف
مااكدر اقتحم حياتج حرام مايصير
جمانه السعيدي
سحر.... ارجوك لا تتخلى عني اني ماصدكت لكيتك
علي...لازم نلكه حل
سحر...يعني تساعدني
علي...اكيد اساعدج تستاهلين واحد يساعدج
سحر....تمام
علي...من رخصتج اني جاي ادير شغلي من المكتب
ولازم ارد على الاميلات
سحر.. ممكن اتصل بيك اطمن عليك
علي...اني الي مراح اكدر استغني عن هذا الوجه الحلو
انتهت المكالمه
علي....الله يساعدك وزين وصابر عليه شكد حقيره
مجرد ماسمعت اكو فلوس بلموضوع
دخلت وفتحت كامرا كبل
لطيف....حرامات اكتشفت هذا الشي متاخر
بس وين تروح مني طمعها وكعها بشر اعمالها
شكرا لزيارتكم عالم روايات سكيرهوم
