رواية زين وليلي الفصل السادس بقلم سلسبيل احمد
- متتكلميش مع حد عارفه يا ليلي لو حصل حاجه زي بتاعت المره الى فاتت
= عيب عليك يا زين
- المهم جدو احتمال يجي انهارده و ياريت بجد عشان عايز اتجوز بسرعه
= هتتجوز مين؟
- هتجوز بنت الجيران يا ليلي في اية!! ما اكيد انتي بلاش غباوه
= مين قالك اني موافقه
زين قرب بسرعه منها = عيونك قالتلي
- يخربيتك ابعد كفايه الى عملته الصبح
= عملت اية (باسها ) كدا !؟
- تؤ تؤ تؤ انا نازله كدا كتير عليا
زين ضحك وهي نزلت وكان باصص عليها واول ما دخلت شاف احمد بيروح ناحيتها وبيقرب منها
- ليلي لو سمحتي
= بعد اذنك عندي محاضره
وقف قدامها - استني
ليلي اتحركت بتوتر و خوف = لا وسع لو سمحت !
احمد اتجرا ومسك ايدها - استني يا ليلي هنتكلم!
وفجاه ايد زين كانت نازله على وشة وبيزقه و وقع بيه عالارض وكمل ضرب فيه
ليلي بسريخ - زيييييييييين !
زين بص وكانه فاق على صوتها وهي مصدومه من الى عمله عمرها ما تتخيل انوه عصبي لدرجه دي
وحست انها شايفه حد متعرفوش عينيها كانت مدمعه وبتبص على زين الى قام والناس اتلمت على الولد قومته وهو سحب ليلي وراه وهي بتعيط وركبها
مشي بالعربية مسافه بعيد عن الجامعه وبعدين وقف بعصبيه ونزل من العربية
ليلي نزلت وراه
كان مديها ضهره فا حطت ايدها على كتفو وهو بعد بغضب
- ادخلي العربيه
= زين
زين بزعيق - انا مش قادر اتكلم متقفيش قدامي دلوقتي !!!
ليلي اتنفضت من صوته نزلت راسها للارض وبعدين قربت بخوف و حضنته بعد ثواني زين حس انوه هدي واعصابه ارتخت فا رفع ايده وحاوطها بيها
- انا اسف انا مقدرتش اتحكم في اعصابي
ليلي بدموع = محصلش حاجه لكل ده مكنش هيأذيني
زين بعصبيه خفيفه خالص - انا مش هستني لما يأذيكي ليه بتجرا ويمسك ايدك انا اتكلمت معاه مره بالزوق
اتنهد بتعب - انا محبتش اعملك مشاكل
ليلي قربت وحضنته مره تانيه = انا فاهمه اهدا محصلش حاجه انا معاك يا زين
- ليلي انا مش هطيق حد يبصلك انا .. انا بحبك اوي
ليلي كانت فهماه مع ان طول عمرها بتكره المشاكل وبتحافظ على منظرها و زين بهدل الدنيا لكن هي جمبه و فاهمه انوه بيغير وبيخاف عليها..
= انا عارفه انا كمان بحبك
باست خده هي المره دي وابتسمت - خلاص؟ دلوقتي هاروح الجامعه وانت هتروح الشركه وحاول تهدي لحد ما نرجع ونتكلم ماشي؟
زين هز راسه - ماشي بس اوعديني لو حصل اي موقف صغير تكلميني وتعرفيني
= اوعدك يلا بينا بقا
ركبوا العربية و وصلها ليلي اول ما دخلت الجامعه اتكلمت مع بنت صديقه مشتركه بينها هي واحمد وعرفتها ان زين بيخاف عليها ومش بيحب حد يكلمها وقالتلها تقول الكلام ده لاحمد وتعرفه ملهوش اي دعوه بيها .
وفالشركه زين كان متعصب بس كان بيفتكر ليلي و يهدي..
- مستر زين
= ايوا خير
- جد حضرتك بيتصل بيك هو على التلفون اتفضل
- الو يا جدو
= اية يابني هو انت مش بترد ليه
- مانا فالشغل الموبايل سايلنت حقك عليا
= اية ياولد الادب ده
- ده انت بالك رايق
= طبعا مبروك مقدما ولما اجي هشمت فيك زي ما قولتلك
زين اتفاجئ وقال في سره : ماشي يا بتاعت جدك يفتانه
- هي ليلي لحقت تقولك يا جدو!
= اها يا حبيب جدك انا حددت الفرح كمان وكلمت مامتها عرفتها
- طب م كنت جوزتنا بالمره
= مانا جايلكم بليل نشوف الموضوع ده
- انا عن نفسي موافق ياريت دلوقتي
ضحك بفرحه = اختي اختي ها
زين ضحك بصوته كله - طيب يا جدو هستاذن انا
= روح .. روح كمل شغل اوعي بس يبوظ من تفكيرك فيها
- لا خلاص بقي يعني كفايه امال لما تيجي هتعمل اي
= هتعرف يلا سلام
- باي
زين خلص شغل و هوا جواه فرحان مجرد ما حس انه هيتجوز ليلي اسرع وبعدين راحلها واول ما خرجت ابتسم
- ازيك
= الحمد الله انتي حد دايقك او هو كلمك تاني
- لاء يا زين محصلش اي حاجه خلاص بقي
= طيب يعني انتي كويسه
- ايوا
= طيب هخدك فحته مفاجأه
ليلي بأبتسامه - ماشي
دور العربية وطلع على مطعم عالبحر وكان حاجز الجزء الي فالدور الى فوق كله ليهم..
- اية ده يا زين!! ده حلو اوي!!! هو ازاي فاضي كدا اصلا
= اتفضلي بس اقعدي كدا
شد ليها الكرسي وقعدها
= انا حجزت المكان فوق كله واتفقت معاهم على كل الاكل الى بتحبيه وجبتلك الهديه دي عشان مش عاوزك تزعلي مني
ليلي اتفاجئت جدا وبصتله بعيون بتلمع وحب : زين انا بحبك اوي ينفع اقولك حاجه؟
= اية
- احضني
زين ضحك وقام وقف وضمها لي - بحبك
= انا مش زعلانه ابدا انا هفضل جمبك فكل وقت وفي اي حاله مش عايزه عن الموضوع بس صدقني انا عمري ما هبص لحد غيرك مهما حاول
زين بهدوء - هو ياريت منتكلمش عن الموضوع اية رأيك تفتحي الهديه
ليلي فتحتها وكانت خاتمين واحد دبله مكتوب عليه ليلي و خاتم مكتوب عليه زين
مد ايده وخد الخاتم : انتي هتلبسي الخاتم ده
ليلي ابتسمت : اممم اسمك
- بالظبط لبسيني الى بأسمك بقي
ليلي لبسته الدبله ومسكت ايده
= عارف اني بفسد اللحظه اللطيفه دي بس حبببتي مش هتبطلي إرشاد
- ايه؟
= ايه؟ جدو الى قريتي لي بكل حاجه
- يعني اخبي!
= يا ليلي هو انا كنت هخبي كنت هقوله!
- متزعلش بس كنت فرحانه وهو عرف من صوتي سألني ليه وقولتله
زين ابتسم وغمزلها = فرحانه ها؟
- زين!
= قلب زين والله
- انا ب ح ب ك
= انا بموت فيكييييييي!
- طب مش هنروح بقي
= اية ده اية ده؟
- اصل جدو هيجي وكدا
= طب ناكل ونمشي
مشيوا بعد ما خلصوا اكل وبعد ما وصلوا الفيلا بساعه عبد العزيز وصل وبعد سلامات كتير قعد معاهم
- قولتيلي بقي يا ليلي وقع ازاي
= احم رد يا زين
- لا يختي مش انتي الى بتفتني ردي انتي
= فالح بس اختي و بعاملها عادي
- بص يا جدو انا كدا كدا عامل حسابي اشمت براحتك
الجد ضحك = لا هنام عشان تعبان وعايز اروح الشركه بدري المهم بس الفرح الاسبوع الجاي
ليلي بصدمه - اية !
زين بفرحه - اية؟
= انت فرحان! ده كدا بدري اوي وبعدين فين الشقة
- ليلي الفيلا بأسمك انتي و زين تقدروا تقعدوا فالجناح الى فوق كله براحتكم وبعدين تجهزوا فيلا يا حببتي او اخدلكم فيلا جاهزه جمبي
- طب والله يا جدو انت كفاءه وجدع
ليلي - بس انا حاسه انه كدا بسرعه طب خليها بعد امتحاناتي
= خلاص يحببتي زي ما تحبي اهم حاجه تبقوا مبسوطين ولو الواد ده زعلك عرفيني تصبحوا على خير
طلعوا و زين قعد جمبها : امتحاناتك هتقعد حوالي 21 يوم هعدهم بالساعه
- تفتكر نقعد مع جدو؟
= الى انتي عاوزاه انا معنديش مشكله بس بقول نشتري فيلا فحته تانيه ونقعد فالاتنين اية رأيك
- فكره حلوة اوي بجد!
= تحبي تبقي فين
- في اي حته المهم اني هبقي جمبك
= انا حبي بيزيد ليكي كل ما بتتنفسي يا ليلي
ليلي ضحكت : وانا كمان كدا كدااا
فات 21 يوم وحرفيا اليوم 22 زين كان مرتب انه الفرح ومجهز كل حاجه حتي الفستان فضل يلف ويوري ليلي اشكال كتير لحد ما اختارت واحد
" وجه اليوم المنتظر اخيرااااا "
- ليلي؟
= احم ايوه يا جدو
- جاهزه؟
= انا متوتره اوي
- انا كنت عايز اقولك حاجه
= اية؟
- انتي غيرتي زين يا ليلي حقيقي انا فخور بيكم
= غيرته؟ ازاي
- ليلي زين عنده اضطرابات نفسيه وكان شبه مكتئب بسببها
ليلي اتصدمت = هو حضرتك عارف !!
عبد العزيز بستغراب- هو انتي عارفه؟
= انا عرفت من تاني يوم حضرتك سافرت تعب وكان مخنوق وبيحلم ب كوابيس و ثانيه بس وانت عرفت منين زين مقاليش انوه قالك
- انتي فكراني عبيط يابنت؟
= جدو بجد عرفت منين
- انا عيني على كل واحد منكوا مش معني ان زين بيوصلك اني مثلا معرفش بيحصل اية ولا معرفش موضوع الخناقه انا عارف كل ده
= بتراقبنا؟
- لا بطمن لاني عارف مشكله زين والدكتور الى بيروحله شرحلي كل حاجه وكنت بسمعه بليل واقوم اهديه بس بيقولي انها مجرد كوابيس لقيت الموضوع حساس بالنسباله محبتش افاتحه فيه فا بقيت اعرف تحركاته مش اكتر
= طيب وليه حضرتك بتقولي
- لاني فعلا شوفت تغيره للاحسن بكتير وقولتلك عشان لو جه يوم اعصابه فلتت تقدري ده وتبقي فاهمه
= جدو انا بحبك اوي
- وانا بحبك يا حبيبت قلبي انتوا اغلي اتنين عندي فالدنيا يا ليلي ، ومع اني مستغرب ازاي مجتيش حكتيلي لما عرفتي بس مبسوط انوه قالك
= انا خوفت حضرتك تقلق وانا كنت جمبه ساعتها وكمان هو قالي ان محدش يعرف والموضوع فعلا حساس بالنسباله بسبب مامته الله يرحمها وعمي محمود زين بيكره اوي يا جدو
- عنده حق والله ما علينا النهارده فرحكم
سمعت صوت زين من بره : اية يا جدو!!!! هو انت هتتجوزها انت ولا اية ولا ختها وهربتوا
عبد العزيز ضحك : استني اصبر شوية
= خلاص يجدو حرام انا جاهزه
خرجت ليلي مع جدها لي زين الى اول ما شافها عيونه دمعت من كتر حبه ليها حضنها بقوة وهو حاسس خلاص انها هتبقي معاه دايما
الفرح بدء وكان كبير جدا والكل مبسوط وبيبارك ليهم
- زين .. زين
= وطي صوتك مش كفايه الدي جي ده طرشني
- قوم رقصني يلا انت هتفضل مرزوع ورزعني جمبك
= بس بدل ما اديكي بضهر ايدي رقص اي وكلام فاضي اية
- زيييين !
= هنرقص حاضر يلا بينا
ليلي ضحكت - طب يلا
خدها وراحوا يرقصوا سلو على موسيقي هاديه ضمها لي وحط ايده في وسطها
- زين زين
= ارغي يا ليلي
- بيقولوا اية فاللحظه دي؟
= بيقولوا بحبك
- وانا كمان بحبك
= لا ده هما الى بيقولوا
ضربته في كتفه جامد بغيظ وشالت ايدها فا ضحك وشدها بسرعه : الناس يمجنونه يمتخلفه انا بهزر !
- متهزرش معايا تاني !
زين بضحك = اسف خلاص وبعدين مين قال اني بحبك احنا قولنا عديت المرحله دي ممكن نقول بقي واقع في دباديبك بعشقك الكلام ده
ليلي ابتسمت : بجد بتحبني اوي
= اوي اوي اوي
و وسط ما بيرقصوا وبيتكلموا زين عينه بتثبت فى مكان معين وبطلع شرار على الشخص الى واقف وليلي بتبص وبتتصدم!!!!
زين بصوت كله غضب : محمود
ليلي مسكت ايده جامد عشان يهدي و عبد العزيز قرب منهم : زين اهدي انا هتصرف روح اقعد
خديه يا ليلي!
= زين عشان خاطري اقعد تعالي معايا
زين واقف مش بيتحرك سنتي ساب ايدها وبدء يمشي خطوات
محمود مسك كتفه : زيين الناس موجوده
زين بصله وابتسم ابتسامه مزيفه : انا هتكلم معاه ده حتي واحشني بقالي كام سنه مشفتوش ؟ اها عشر سنين بعد اذنك
راح ناحيته بهدوء و برود شديد وكان مكان مدراي شوية عن الانظار
زين بص في عينه وليلي واقفه متوتره جدا اما عبد العزيز بيحاول يمشي الفرح عشان محدش يلاحظ
- كبرت يا زين وبتتجوز
= انت جاي ليه ؟
- مش عاوزاني احضر فرح ابني الوحيد؟
زين ضحك = ابنك ؟ لا معلش فين ابنك ده عرفني؟
بص انا معنديش ادني فكره انت جاي ليه بس انا متوقع اي حاجه زبا***له عادي
محمود بعصبيه : انت نسيت اني ابوك!!!!! ازاي تتكلم كدا
زين وصوته بدأ يعلي اضعاف : لا اسمع بقي انت مش ابويا انا معرفكش ومش عايز اعرفك واوعي تفكر تقرب مين حياتي وامشي من هنا ولا عايز تيجي و وراك شوية بلطجيه ؟؟ والمره دي بقي يقت***لوا مين ؟ انا و لا مراتي ولا جدي؟
محمود بدء يتهز من مكانه : انا عمري ما كنت اتخيل ان كل ده يطلع منك انا ابوك!!
- بطل تقول ابويا وبعدين متخيل اي؟ انا بقالي عشر سنين بتعذب بسببك امي ما** تت بسببك؟ مستني اخدك فحضني
ولا ايه تبقي بتحلمم!!!
= امك ما***تت عشان ده نصيبها !!!!!! وكل الى حصل ده غصب عني مليش ذنب
- اسكت !
= طول عمري بحاول اقرب انا بحبك مش بكرهك!
- بقولك اسكت
= مش هسكت انت لازم تعرف الحقيقة هي الى خلتنا نتورط في ده!! هي السبب فكل الى حصلك وحصلي انت كنت فاكرها بتحبك ولا اية!!!
زين قبض ايده وضربه بالبونيه جامد جدا
ليلي راحت لعنده بسرعه وشدته : زين!!
زين بصلها بعيون زي النا.*ر وكان فاقد كل ذرة عقل
ليلي خافت من شكله فا عبد العزيز وصل ودخله الفيلا لان الفرح كان فالجنينه وللاسف الناس مشيت والجو مكنش لطيف
- انت ازاي تيجي لحد هنا اطلع برا بيتي
= يا بابا انا
- برااااا مش عايز امد عليكي واوعي تقول بابا دي امشي من قدامي واوعي تنطق كلمه بابا دي تاني انا معرفكش
محمود مشي وليلي دخلت عند عبد العزيز ومعاها امها
- اية الى حصل ده ؟ الفرح باظ شكلنا اية دلوقتي؟
= اهدي يا لمياء يابنتي نصيبهم كدا
- يعني هو مكنش عارف يمسك نفسه يا حمايا
ليلي بدموع - هو راح فين
= مش عارف
ليلي طلعت اوضتها بضجر
- انا مش فاهمه حاجه ؟؟ كدا يكسر فرحتها؟؟
= انتي عارفه ان في مشاكل بين زين و ابوه!
- ايوا يا حمايا بس مش لدرجه يبوظ الفرح
= النصيب منه لله محمود ابني يارب ابعده عننا يارب
- انا هطلع ل ليلي
ومامت ليلي طلعت وباتت معاها و زين لسه مختفي
مامتها مشيت الصبح بعد محاولات ليلي انها تطمنها
اول ما مشيت عبد العزيز قعد مع ليلي
- انتي كويسة
= مشي يا جدو واتصرف بطريقه مش قادره افهمها
- كله بسبب ابوه الله يسامحه صدقيني زين بيحبك
= عارفه! وده الى تاعبني انا مش عارفه لو ظهر دلوقتي هقوله اية ومش عارفه هو فين اصلا!
- اهدي يا ليلي هيرجع اعذريه يابنتي ابوه ظهرله فجأه بقاله عشر سنين مش بيطيقه وبيهرب منه
= لدرجه كمان انه يضربه؟؟ جدو ده مد ايده على ابوه
- اعصابه فلتت وانا متأكد ان محموود استفزه وانتي عارفه حاله زين هو انا الى هقولك!
ليلي قعدت شوية وبعدين راحت الشركه مع عبد العزيز وبرضو زين مش بيرد عليهم ولا ظهر روحت الفيلا بليل واليوم عدا عادي طلعت الاوضه وفضلت تعيط لحد نامت..
- ميين!!
= اهدي .. انا .. ز زين
شكرا لزيارتكم عالم روايات سكيرهوم
