رواية أحزان قمر الفصل السادس بقلم جمانه السعيدي
الايام تمر واني نفس حالتي يوم عن يوم يزيد ضيمي وقهري
ما اكتفت عمتي تخلي بنتي يم عمتها
كامت اتودي ابني هم
يجون بس بلجمعه واول مايدخلون يركضون البيبيتهم والعمتهم واني كنما ماموجوده ابد
اتوسل بيهم اريد بس احضنهم وابوسهم مايقبلون ابد
ولاجني امهم عبالك زوجت ابوهم
طبعا عمتي تفرح من تشوفهم ما يردوني
وتشجعهم يبتعدون عني حتى تكرهم بيه
وبيوم عمتي كالت انريد انسوي شهادة جنسيه للجهال
تروحين انتي ورجل حماتج تسوونها
اني استغربت زوج حماتي شنو علاقته بلموضوع
...ليش مو اني وابوهم
...لا ابوهم عندا شغل
...يفرغ نفسه يوم
...انتي ليش ماتسمعين الكلام رجل حماتج عدا معارف هواي بلدائره ويخلصها بسرعه
...يخابر معارفه ويخلصونها النا
...انتي ماتفتهمين اكلج ترحين ويا وهو يخلصها بسرعه
وفعلا دزت على الجهال جابتهم من عمتهم وحضرت نفسي
وثاني يوم اجه من الصبح
كاشخ والعطر يعط عبالك عريس
صعدنا بلسياره اني والجهال اني كعدت ورا والجهال بلصدر
التفت عليه وكال
...ليش كعدتي ورا ماتجين هنا يمي
...لاشكرا هنا مرتاحه
...بكيفج
شغل السياره ومشينا
من وصلنا هناك سلم اوراقنا وبقينا ننتضر
جمانه السعيدي
جان اجه كعد يمي وكال
...اريد احجي وياج بموضوع وما اريد تفهميني غلط
....تفضل
...انتي حلوه وبت ناس حرامات هذا الجمال يندفن ويه عيالج هذول
الي مايعرفون يقدرونج وزوجج الي هاملج ومايعرف قيمتج
...انت شكاعد تحجي
...احجي الحقيقه اني كلش ضايج عليج ومتئلم على وضعج
واريد تنطيني فرصه حتى اغير حياتج واخلصج من هذا العذاب
حرامات ورده مثلج هيج يصير بيها
...وشلون تخلصني فهمني
...هاج اني جبتلج هذا التليفون وبيه شريحه وهذا رصيد عشرين دولار
خل نحجي اني وياج ونتفاهم
صدكي اذا تسمعين كلامي وطاوعيني ادللج دلال
شكد حسيته ساعتها حقير ونذل
وشكيت بعمتي شكد لحت على هاي الطلعه سويه
...احاجيج شو صفنتي شنو رائيج فكري ورجعيلي خبر
رقمي موجود يمته ماتتصلين تلكيني انتضرج
خطه شيطانيه تريد تورطني حتى تطعني بشرفي
اخذتهن منا وضميتهن بجنطتي
كملنا اوراقنا ورجعنا للبيت
كل الي سوا بيه صلاح واهله بس بعمري ما فكرت بلخيانه
اني متربيه تربيه صحيحه
يمكن عمتي فكرت اني ممكن اخون واوكع بهذا الفخ
حتى تكدر تتخلص مني بسهوله
وصلت للبيت وخليت التليفون والرصيد وكسرت الشريحه وخليته بلمجر
ردت صلاح يشوف هذا الشي بعينه ويتاكد اني ما جنت اتوهم
جمانه السعيدي
طلعت عمتي تحجي براس رجلي اني مشجعه رجل حماتي على الجيه يوميه
اني منطيته وجه وعندي شي وياااا
وطلعت البس واتمكيج والبس لبس ضيك واغري
وعدي علاقه ويا وعدي تليفون سري نتخابر بي
واني اغار من حماتي واريد ابوك رجلها منها
وحجي اشكال ماينحجي
واجا الرجال عيونه بكصته يصيح عليه ويغلط وانتي مو ادميه وزين مني ملفيج
المثلج دايحه بلشوارع ويضرب ويسب ويغلط
كوه خلصت نفسي منه وفتحت المجر اشوفه الموبايل
واصيح هذا السيم كارت كسرته بيش اخابرا
عمتي...تصيح اي شفتينا كشفناج وكسرتي عبالج هاي سوالفج تعبر علينا
وخابرو بابا اجاني ولكاني ابجي
وحجو عني حجي ماينوصف ابد
جمانه السعيدي
بابا كال يله امشي وياي انتي بعد مالج مكان هنا
صعدت ويا بابا بسيارته اني ابجي وبابا يبجي
اول مره اشوف بابا يبجي
يمكن اول مره يحس بلذنب اتجاهي
يحس نفسه هو الي دمر حياتي
لو مساندني من البدايه ماكدرو يستقوون عليه
ماقبلت زوجت ابوي تستقبلني ابيتها اخذني البيت عمي الي ماخذين اختي بقيت عدهم اربع اشهر
اجاني بابا قمر اريد احجي وياج بموضوع
...تفضل بابا
...انتي لازم تطلكين بعد مستحيل تكدرين ترجعين تعيشين وياهم
هلمره اتهموج بعرضج مرت الاخ يدخلون عليج رجال ويكولون لكينا وياها
...واطفالي شلون بيهم
...اطفالج اصلا مايردونج واني ما اكدر اتحمل مسوليتهم
....بكيفك انت اعرف
صحيح وافقت بس بكلبي غصه على جهالي
اني اريد اطلك وما اريد ارجع الهم
بس اريد جهالي
رفعت قضية طلاك بلمحكمه دزولي عيالي خبر اتنازلي عن جهالج واكتبي تعهد ابد ما اطالبين بيهم
والا ماكو طلاك وراح تبقين معلكه لا انتي للسما ولا للكاع
اضطريت اتنازل عن جهالي
حتى اكسب حريتي واخلص منهم
ولله كلبي ينزف دم عليهم بس مابدي حيله ابد
لو اموت ماينطونياهم ابوهم محامي ويعرف كل الحيل
راح يمرمطني بلمحاكم
واحتمال يتهمني بشرفي حتى يكدر يحضر شهود عليه
ماكان كدامي غير حل ابد
حسبي الله ونعم الوكيل عليهم
ضالمين ماكو بكلبهم ذرة رحمه ابد
شكرا لزيارتكم عالم روايات سكيرهوم
