رواية دعني احطم غرورك الفصل الثاني والسبعون والاخير
بدأت حفلة عقد القران في الانتهاء والجميع كان يشعر بالسعادة ويشاركون العروسين فرحتهما ما عدا ،،،
-جانا: ازاي يا آنكل تسمحله يعمل كده؟؟
-يوسف: يا بنتي عز والله اتغير
-جانا: لأ هو زي ماهو
-حسين: أنا لو مكونتش متأكد ان عز اتغير والله ماكنت خليته يقرب منك
-جانا: انتو نسيتو عمل فيا ايه ؟؟ نسيتو ازاي جه عليا بدون شفقة ولا رحمة ؟؟؟
-يوسف: والله يا بنتي هو مظلوم زيه زيك .. اللي حصل برضوه يخلي أي حد يصدق انه حقيقة
-حسين: معلش يا بنتي هو برضوه معذور أي حد في مكانه كان جايز يتصرف كده
-جانا: معذور ومظلوم !!! تيجي ازاي
-يوسف: حاولي بس تفهمي وتربطي الأحداث ببعضها
-جانا: خلاص كلكم بقيتو معاه . محدش حس بيا ، محدش فكر في لحظة مشاعري ايه وقتها ؟؟
-يوسف: انتي بس لو تعرفي اللي حصل والله ما هتصدقي
-جانا: مش عايزة أعرف حاجة
-حسين: يا بنتي اسمعي
-جانا: أنا عاوزة أسيب مصر
-يوسف: ايه ؟
-حسين: نعم ؟؟؟
-جانا: زي ما سمعتوا
-عز مقاطعاً: مش هينفع يا هانم !!
-جانا: انت بتكلم معايا ليه ؟؟ أنا موافقتش ارجعلك هو غصب يعني ؟؟؟؟
-عز: لأ مش غصب .. بس مينفعش تقرري انك تسيبي البلد فجأة
-جانا : أنا أعمل اللي انا عاوزاه ومحدش هيقدر يمنعني ، أنت فاهم !!
-عز: طيب اهدي .. محدش هيمنعك .. بس متنسيش انك بقيتي مراتي تاني ، ومينفعش تسافري بدون موافقتي
-جانا: الكلام ده تبله وتشرب ميّته ، أنا معايا جنسية وأقدر ألجأ للسفارة البريطانية !! أظن كلامي واضح مش محتاج تفسير !!!!
-حسين: خلاص يا ولاد .. خلونا نروح الوقتي وبعد كده نتكلم
-يوسف: أنا شايف كده برضوه
-حسين: شوف يا عز العرايس خلصوا ولا لسه ناويين يباتوا في القاعة
-عز: لأ انا لسه مخلصتش كلامي
-يوسف: عز اسمع كلام عمك ، وروح دلوقتي
-عز بتأفف : ماشي .. لسه لينا كلام
-جانا: أنا عاوزة أمشي مش هستنى أكتر من كده
-حسين: يا بنتي الصبر حلو .. خلاص هنقفل الليلة وكلنا هنتوكل على الله
-يوسف: استهدي بالله وان شاء الله خير
-عز لياسين: هتفضل كده كتير
-ياسين: في ايه يا عم سيبني اهيص شوية
-عز: انجز في سنتك ، بدل ما هتلاقيها ضلمت
-ياسين: ضلمت .. طالما قولت كده يبقى في كارثة
-عز: هاروح أقول للدي جي يختم
-ياسين: ماشي .. آآآه بس عاوز أقولك ضربة معلم اللي عملتها يا عز
-عز: أها ..
-ياسين: لا بجد متوقعتش انك تعمل كده .. عشان تعرف وشي حلو عليك
-عز باستهزاء : انت هتقولي .. نحسسسس من يومك !!
-دينا: بيقولك ايه
-ياسين: ده بس بيباركلي
-دينا: أها
-ياسين: أه كنت عاوز أسألك ؟
-دينا: what ؟
-ياسين: هو انتي ليكي في الفن التشكيلي
-دينا: ليه ؟
-ياسين: أصل كنت عاوز أشكيلك وانتي تشكيلي ونقعد سوا للصبح نشكي لبعض
-دينا: ههههههههههه ده انت فايق بقى
-ياسين: هو أنا هيجني نوم .. ما تجيبي بوسة
-دينا: عيب مايصحش
-ياسين: هو أنا بطلب حاجة غريبة ؟؟ ده انتي مراتي
-دينا: No
-ياسين: ايه ده بصي هناك مش دي امك
-دينا : فين ؟
-ياسين وهو يقبلها على خدها: عليكي واحد
-دينا: الله ! كده ينفع
-ياسين: ينفع ونص وتلاتربع !!
-سهير: ماشاء الله حلوين وزي القمر
-عايدة: ربنا يحميهم يا سهير هانم
-سهير: الله أميييين .. الصراحة عز فاجئنا النهاردة
-عايدة: ربنا يهدي سره مع جانا
-سهير: ياااا رب ويكرمهم ويكفيهم شر العين
-عايدة: يااا رب
.........
في منزل حازم ،،،،
-حازم بدهشة شديدة : بتقول ايه ؟
-فؤاد: زي ما سمعت
-حازم: أنت أكيييد بتخرف ؟
-فؤاد: والله أبداً ، ده لسه الخبر جايلي حالاً
-حازم: طب ازاي ؟؟؟؟
-فؤاد: الواد فاجيء الكل وخدها ع خوانة
-حازم بعصبية : مش حازم اللي يضحك عليه
-فؤاد: ناوي على ايه يا كبير؟
-حازم: الليلة هيحصل اللي اتفقنا عليه ...!
-فؤاد: بس...بس
-حازم: من غير بس .. انا جايلك !
-فؤاد: بس يا زوما.. آآآ...
-حازم: سلام
-حازم لنفسه : مش هيحصل يا عز الكلب انك تاخد جانا مني ، مش بعد كل اللي عملته ده تاخدها لوزة مقشرة .. ده هيبقى أخر يوم في عمرك !!!!!
.........
في خارج قاعة الفرح ،،،
-حسين: عز ، عــــز !!
-عز: ايوه يا عمي
-حسين: ماتخدش ع كلام جانا
-عز: لأ بالعكس أنا عاوزها تقول ع اللي جواها كله ، عاوزها ترجع تثق فيا تاني ، والأهم من ده كله تسامحني
-حسين: متنساش انها لسه متعرفش انه كان ملعوب من امها وجوز امها
-عز: ما أنا عارف ، ونفسي تصدقني قبل ما تعرف ده
-حسين: اصبر شوية وربنا هيجبها جمايل من عنده
-عز: ان شاء الله
-حسين: طب بص اركب انت مع العرسان ووصل دينا للبيت ، واحنا هنركب العربية بتاعتنا وراكو عشان نزفهم
-عز: طب وجانا ؟؟
-حسين: هشوفها هتعمل ايه ، هي واقفة مع سهير هكلمها وأرجعلك ، بس لو مرضتش خلاص هسيبها براحتها
-عز: اوك يا عمي ، أنا منتظر
-يوسف: يالا بينا احنا يا ديلة عشان نلحق نركب ونزفهم
-عايدة : اوك .. الف مبروك يا سهير هانم .. ربنا يتمم فرحتنا ع خير
-سهير: الله يبارك فيكي يا عايدة هانم
-حسين: يالا يا سهير عشان نركب احنا كمان العربية
-سهير: حاضر
-حسين: اومال فين جانا ؟
-سهير: واقفة مع هالة أختي وعيالها
-حسين: أها .. طيب شوفيها ان كانت هتركب معانا ولا مع العرسان
-سهير: طيب
-هالة: الصراحة مفاجأة غير متوقعة من جوزك
-جانا: أها
-هالة: كل البنات في الفرح كانوا بيحسدوكي ع اللي حصل
-جانا: عادي
-كريم: جوجو انتي كده بقيتي جوزة زي دودي
-هالة: ايه جوزة دي اسمها ، متجوزة
-جانا: هههههههههههه لأ مش جوزة ولا معسل يا كيمو
-آسر: يالا بقى مامي تعبت
-هالة: حاضر يا أسورة ، دادي بس يجيب العربية وهنركب
-سهير: يالا يا جوجو .. هتركبي مع مين ؟
-جانا: لسه مش عارفة
-سهير: طب فكري بسرعة احنا كلنا مستنينك
-جانا: حاضر ، هطمن ع أنطي هالة وولادها وهحصلكم
-سهير: طب يالا
-جانا: أوك
وفي نفس الوقت توجه أحد الأشخاص إلى حيث تقف جانا ليتحدث معها ،،،،
-فؤاد: مدام جانا ؟
-جانا: أيوه
-فؤاد: حضرتك انا من العاملين بالقاعة جوه ، والظاهر ان في حد من أهل العروسة نسى أنسيال دهب جوه أو وقع منه
-جانا: بتقول ايه ؟
-فؤاد: واحنا مش عارفين بتاع مين ، فاذا سمحتي ممكن تيجي معانا تستلمي الانسيال
-جانا: اه طبعا .. لحظة واحدة
-فؤاد: أنا مش هعطل حضرتك ، احنا بنقفل القاعة بس عشان مايضعش وتحصل بعد كده مشكلة
-جانا: ممم.. طيب أنا جاية معاك
-فؤاد: اوك يا فندم
-جانا وهي تتحرك معه إلى الداخل : وحضرتك لاقيت الانسيال ده عند أي تربيذة تحديداً
-فؤاد: هو حضرتك كان موجود في الناحية دي
-جانا: فين ؟؟
وجدت جانا من يقيد حركتها ويكمم فمها بقوة ،،،
-فؤاد: أنا أسف يا جانا ، بس مضطر اعمل كده
ثم ظهر شخص ما من حيث الظلام لم تكن تتوقع جانا وجوده ،،،
-حازم: حبيبة قلبي
جانا: مممممممممممممم...
-فؤاد: أنا كده خلصت اللي عليا ، تمام يا ريس
-حازم: تمام ، وأدي حسابك
-فؤاد: عاش يا كبير .. أسيبك أنت مع البونبوناية تاكلها براحتك !!
-حازم: وحشتني أوي يا جانا .. معلش سامحيني ع اللي هعمله معاكي بس مينفعش أسيبك للزفت عز
-جانا وفي عينيها رعب شديد : ممممممممممم..
خبط حازم رأس جانا بكل قوة لتسقط مغشية عليها ويحملها حازم إلى حيث توجد سيارته بالشارع الجانبي ويضعها بكل رفق في المقعد الخلفي ويغطيها ثم قاد سيارته إلى منزله ...
-حازم: كلها شوية يا حبيبتي ونكون سوا ، انتي لما هتصحي تاني هتلاقي نفسك في حضني ومنورة بيتي
........
في سيارة عز الدين ،،،
-ياسين: مش يالا بقى يا عز ، احنا حمضنا
-عز: اصبر شوية ، انا مش عارف انت مستعجل على ايه !
-ياسين: يا بني عاوز أخد البُونية وناكل لقمة بره
-عز: هو انت ماشبعتش من كتر اللغ في الفرح
-ياسين: لأ ده كان مسح زور
-عز وهو ينظر حيث كانت تقف جانا: استنى دقيقة ...!!
-ياسين: بولي كاتا .. اني جائع
-عز: يووووه ، زهقتني ، خلاص أديني طالع
وبالفعل قاد عز الدين السيارة وهو يعتقد أن جانا مازالت تقف بجوار عائلتها يتحدثون ،،،
-عز لنفسه: شكلها مصممة متركبش معايا ، يالا مش مشكلة ، هفضل وراها لحد ما تسامحني ، وهو أنا ورايا حاجة إلا مراتي حبيبة قلبي
-ياسين لدينا: هتاكلي احلى أكل يا دندون
-دينا: هتأكلني ايه ؟
-ياسين: تقاطيع
-دينا: ايه ؟
-ياسين: وفشة ومومبار ولسان وحاجات ايييييييه ماتتخيليهاش !
-دينا: Yacky ، يعع ، ايه القرف ده
-ياسين: قرف .. ده انتي عبيطة ومش فاهمة حاجة
-دينا: لأ أنا مش عاوزة الحاجات دي
-ياسين: اومال عاوزة ايه
-دينا: ممم.. بيتزا بالماشروم ، أو بالسي فوود أو ممكن نطلب ماكس جريل
-ياسين: ودول أجيبهم من صيدناوي ولا بانزيون
-دينا: بطل بقى
-ياسين: خلاص أنا هوديكي عند مطعم أخر ألاجة
-عز: اتفقتوا ع ايه ؟
-ياسين: اطلع آعـــز ع مطعم الشِعب
-دينا مستفهمة : مطعم ايه؟
-عز: انت متأكد ؟
-ياسين: ييس !
-دينا: وده بيعمل ايه ؟
-ياسين: هبهرك
-عز ضاحكاً : من ناحية هتنبهري فهو فعلاً هيبهرك ، ههههههههههههه الله يكون في عونك يا دينا
..................
في نفس الوقت ،،،،
في سيارة يوسف الكيلاني ،،،
-يوسف: الله !! ده عز طلع بالعربية
-عايدة: اه ، طب يالا احنا كمان وراه
-يوسف: اوك
.....
في سيارة حسين الدمنهوري ،،،،
-حسين: ده عز طالع بالعربية اهوو
-سهير: الظاهر ان جانا ركبت معاهم
-حسين: باين كده ، بس هي مش كانت واقفة هناك ؟
-سهير: اه هي كانت واقفة مع هالة من شوية ، بس هالة أنا شايفاها ركبت مع جوزها
-حسين: ربنا يهديها ويصلح حالها
-سهير: يا رب
..............
في سيارة هالة ،،،
-هالة: اقعد يا كيمو عدل
-كريم: أنا ببص ع جوجو
-هالة: هي هتركب مع أنطي سهير
-كريم: لأ مركبتش معاهم ، هي راحت هناك
-هالة بابتسامة: أها ، يبقى مع جوزها
-آسر: ابعد ثوية يا كيمو أنا آاوز أعد جمب الثباك
-هالة: سيب أخوك يقعد شوية يا كيمو
-كريم: مامي بس استني أنا بشوف حاجة
-هالة: يوووه بقى مش هنفضل طول اليوم كده
وبالفعل انطلقت السيارات كلها خلف العروسين ولم يدري أحد أن جانا ليست موجودة بأي سيارة ..بل الأخطر أنها خُطفت ....
....................
في نفس الوقت تقريباً في فيلا رامز ، حيث كان يجلس يحتسي الخمر ، فسمع صوت الجرس فذهب ليفتح الباب ليجد أن الطارق هو .... ،،،،
-رامز: مش معقول !!
-دارين وهي تدلف لداخل الفيلا: هو ايه اللي مش معقول ؟
-رامز: ماتوقعتش انك تجي هنا
-دارين بدلال: ليه ؟
-رامز: يعني بعد أخر مرة وانتي خدتي في وشك واختفيتي
-دارين: أها .. ما أنا كنت بعمل بنصيحتك
-رامز بدهشة: نصيحتي
-دارين: شوور ، خلاص اتخلصت م الجنين
-رامز: بجد .. برافو عليكي .. تصدقي كده أحسن
-دارين: اووه ييس .. وأريح !
-رامز وهو يحتضن دارين: بس تصدقي وحشتيني أوي
-دارين : وانت أكتر
-رامز: هتفضلي الوحيدة اللي بتعرفي تظبطيني
-دارين: كويس
-رامز: رغم ان انا كنت حاطط زمان عيني ع جانا ، بس انتي طلعتي أجدع منها
-دارين: ازاي
-رامز ويداعب خصلات شعرها: بتعرفي فين مصلحتك وتعمليها
-دارين: اها .. وايه كمان
-رامز بنظرات ماكرة : وبتسمعي الكلام و..و.. انتي فاهمة بقى !
-دارين: هه .. طيب مش هتظبطلنا الأعدة
-رامز: كله جاهز
-دارين: شوف أنا جايبلك ايه معايا
-رامز: ايه ؟
-دارين: Champaign (نوع من أنواع الخمر الفاخر )
-رامز باعجاب : واو .. شمبانيا
-دارين: ييس ، ومن النوع الفاخر كمان .. special order for you dear .. مخصوص عشانك
-رامز: لأ بجد انتي amazing
-دارين: ثانكس .. مش يالا بقى
-رامز: يالا يا بيبي
وبالفعل أفرغت دارين زجاجة الشمبانيا في كأسين و ....
-دارين: معندكش حاجة تتاكل يا رامز ولا أطلب ديلفيري
-رامز: عيب عليكي .. التلاجة مليانة
-دارين: اوك .. طب دوق ال، champaign عقبال ما أجهزلنا romantic dinner ..
-رامز: اهو ده الكلام ولا بلاش .. مش بقولك يا دونا انتي اللي بتعرفي تظبطي مزاجي
-دارين: ولسه يا رامز
بدأ رامز في احتساء الشمبانيا ، بينما أعدت دارين مائدة الطعام ووضعت بها الشموع وأضاءتها ، ووضعت الأطباق ولكن لشخص واحد فقط .... ،،،،
-رامز وهو يتذوق الشمبانيا: مممم... طعمه ...ممم... مميز
-دارين: أكييييد
-رامز: بس..بس في حاجة غريبة
-دارين: ايه هي؟
-رامز: مش عارف
-دارين: ازاي متعرفش وانت خبير
-رامز: قصدك ايه ؟
-دارين: ده انا حاطتلك فيه fatal poison
-رامز وقد ألقى الكأس من يده: ايييييه؟؟ سم ؟؟؟
-دارين وهي تتناول الطعام: شوور .. اومال كنت مفكر اني هاسيبك تفلت باللي عملته فيا
-رامز وقد بدأ يعاني أثار السم: انتي ..انتي اتجننتي..آآآآآآآآآه.. ازاي تعملي كده ؟؟؟ آآآآآه
-دارين: ممم. الأكل طعمه تحففة
-رامز: آآآآآآآآآآآه.. الحقيني يا دارين
-دارين: ألحقك؟ وانت مفكرتش تلحقني م المصيبة اللي وقعتني فيها ؟؟ اشرب بقى يا باشا
-رامز: آآآآآه
-دارين: ماتخفش هتموت بالبطيء ..أه صح نسيت أقولك أنا اللي بلغت عنك البوليس بس للأسف طلعت انت منها ولبستها لمراتك ، يا خسارة كان نفسي تتعفن في السجن ، بس ملحوقة انت هتموت مسموم .. ممم.. أنا خلاص شبعت
-رامز: آااااه.. اااه
-دارين: Opps .. شوفت كنت هنسى .. أنا سبت الغاز مفتوح وشوية وهتلاقي الفيلا بقت On fire .. Enjoy يا بيبي
-رامز: لألألألألأ...آآآااااااه
-دارين: See you in HELL .. باي
وما ان خرجت دارين من الفيلا بلحظات حتى وقع انفجار ضخم نتيجة تسرب الغاز واشتعاله بسبب ضوء الشموع
-دارين وعلى وجهها ابتسامة شيطانية : Burn in hell رامز ، ولسه الدور جاي عليك يا.. يا ..............................
أخذت دارين سيارتها وتوجهت نحو .............. !!!
وصل عز الدين بالعروسين إلى مطعم الشعب ،،،،
-عز: وصلنا
-دينا: احنا فين
-ياسين: في مطعم الوحدة العربية ، مطعم الأمة ، مطعم الشعب ...!
-دينا: ده بتاع ..بتاع
-ياسين: قولي متكسفيش ، ده بتاع فول وطعمية وفلافل .. ايه رأيك بقى؟
-دينا وهي تضرب ياسين في كتفه: You're silly
-ياسين: لأ مش عنده البتاع ده
-عز ضاحكاً: مش قولتلك هتنبهري
-ياسين: طب تحبي ناكل كشري
-دينا: بس بقى مش عاوزة أكل ، خليني أروح عند دادي
-ياسين: لأ يا حلوة ، من النهاردة مافيش دادي .. أنا دادي
-عز: خف ع دينا شوية
-ياسين: بدل ما تقف جمبي يابونسب
-دينا: يرضيك اللي بيعمله فيا يا عز
-عز: الصراحة ..لأ
-ياسين: سمعتيه أهو بيقولك أه غشان تصدقيني !!
-دينا: انت اوفر
-ياسين: اوفر ازاي ، ده انا شاحن قبل مانزل
-دينا: يوووه
-عز: انتي مش هتخلصي النهاردة منه
-ياسين: طب انزل هاتلي أعز شقتين فول وطعمية وطبق بتنجان مقلي
-دينا: كمان
-ياسين: أتسلى فيهم لحد ما أوصلك
-عز: أحب أبشرك أن جوزك ده مفجوع
-دينا بتهكم: ماهو واضح
-عز وقد ترجل من السيارة: حاجة تانية
-ياسين: والمخلل الله يكرم أصلك عشان يزوء
-عز: لأ انا كده مش هخلص ،انجز في يومك
-ياسين: كفاية كده أعز وأما هروح أشوف هبقى اجيب ايه تاني
....
في نفس الوقت في سيارة يوسف الكيلاني ،،،
-يوسف: هما العيال رايحين فين؟
-عايدة: مش عارفة
-يوسف: الله مش ده مطعم فول وطعمية
-عايدة: الظاهر انهم جعانين
-يوسف: لأ دول مجانين ، في حد ياخد عروسته مطعم فول في ليلة فرحهم
-عايدة: طالما سينو في الليلة يبقى أي شيء جايز
-يوسف: على رأيك
....
في سيارة حسين الدمنهوري ،،،،
-حسين: شوفتي العيال نزلوا عند ايه يا سهير
-سهير: عند مطعم الفول ههههههههههه تصدق أنا نفسي في طعمية سخنة
-حسين: بس كده ، ده انا أجيبلك المقلاية بحالها
-سهير: يخليك ليا ياااا حاج حسين
-حسين: طيب خليكي انتي أعدة في العربية وأنا نازل أشتري طعمية سخنة
-سهير: طيب ، وبالمرة اطمن ع دينا وياسين وجانا
-حسين: ايوه
.....
توجه عز الدين ناحية مطعم الشعب ولحق به حسين ،،،
-عز: ايه ده يا عمي انت كمان هتجيب شُقق
-حسين: لأ أنا هاجيب طعمية بس
-عز: مين بقى اللي عاوز ياكها حضرتك ولا طنط ولا جانا
-حسين باستغراب : جانا !! مش هي راكبة معاكو يا بني ؟
-عز: لأ يا عمي ، جانا مش معانا في العربية ، ده انا مفكر أنها راكبة مع حضرتك
-حسين: لأ مش في العربية ، مافيش إلا انا وسهير
-عز: الله اومال جانا راكبة مع مين ؟؟؟
-حسين: استنى كده أما أسأل يوسف
جرى كلاً من حسين وعز بسرعة ناحية سيارة يوسف الكيلاني ليستفسرا منه عن جانا ،،،
-عز بلهفة: بابا هو جانا مركبتش معاك العربية؟
-يوسف: جانا ، وايه اللي هيجبها تركب معانا ، مش هي كانت واقفة أخر مرة معاكو
-حسين: جانا مركبتش معايا العربية ، أومال راحت فين؟؟؟
-عز: هي كانت واقفة مع طنط سهير وقريبتكم باين
-حسين: ايوه هالة ، يمكن خدتها معاهم في العربية .. لحظة كده أما أسأل سهير
توجه حسين نحو سيارته ،،
-سهير: ها يا حاج جبت الطعمية
-حسين: طعمية ايه الوقتي ، جانا مش مع عز في العربية
-سهير: بتقول ايه ؟
-حسين: اللي سمعتيه ، هي مش كانت واقفة معاكي ومع اختك هالة
-سهير: ايوه وقالت هتحصلني ، تكونشي ركبت مع هالة
-حسين: طب كلمي هالة بسرعة واعرفي منها
-سهير: على طول يا حاج ، ثانية بس اطلع الموبايل !!
طلبت سهير رقم اختها هالة لتستفسر منها عن جانا ،،،
-سهير: الووو
-هالة: ايوه يا أم العروسة ، وصلتوا يا حبيبتي ولا لسه ؟
-سهير: هي جانا معاكو ؟
-هالة باستغراب: جانا ؟ ودي ايه اللي هيجبها معانا ؟
-سهير: يعني مركبتش العربية معاكو توصلوها
-هالة : لا والله مشوفتهاش ، ده هي حتى قالتلي انها هتركب معاكي انتي والبشمهندس حسين
-كريم مقاطعاً: مامي جوجو حد جه كلمها ومشت معاه
-هالة: ثواني كده يا سهير ، بتقول ايه يا كريم
-كريم: جوجو كانت واقفة بتكلمني وبعدين جه واحد كلمها وراحوا جوا القاعة
-هالة: كريم بيقولي يا سهير ان جانا جالها حد يكلمها وبعد كده راحت معاه جوا القاعة
-سهير: واحد مين ده ؟
-هالة : مش عارفة
-سهير: طب أنا هبلغ الحاج حسين
-هالة: طمنيني يا سهير عن جانا أما تعرفوا حاجة عنها أو توصلولها
-سهير: ان شاء الله ..مع السلامة
-حسين: خير يا سهير قالتلك هالة ايه ؟؟ جانا معاها صح؟ العيال شبطوا فيها وهي روحت معاهم صح ؟؟
-سهير: لأ هي مش معاهم
-عز بعصبية : يعني ايه الكلام ده ؟؟؟ اومال راحت فين؟؟؟؟ تكونش نفذت وعدها وراحت ع المطار !!!!
-سهير: هالة بتقول ان كريم شاف واحد جه كلم جانا وبعدين اخدها ودخلوا القاعة تاني
-عز: واحد !!
-حسين: مين ده ؟؟
-عز مسرعاً: يبقى لازم نروح القاعة فوراً ونشوف جانا ممكن تكون لسه هناك
-حسين: يووه شوف من اللبخة احنا نسينا نطلبها ع الموبايل
-عز: طب يالا ياعمي كلمها اوام واعرف منها هي فين
-حسين: لحظة يا بني
طلب حسين هاتف جانا ولكنه وجد أن الهاتف مغلق ،،،
-حسين: بيقولي الهاتف المطلوب مغلق
-عز: مغلق !! .. انا رايح القاعة
-حسين: وانا جاي وراك
-يوسف مقاطعاً: وصلتوا لايه ؟؟؟
-حسين: جانا مش لاقينها
-يوسف: بتقول ايه ؟
-حسين: مركبتش أي عربية من اللي تبعنا ، والواد كريم ابن اخت سهير بيقول شافها اخر مرة عند القاعة بتكلم مع واحد وبعدين خدها ودخلوا جوا !
-يوسف: ان شاء الله خير
-حسين: جيب العواقب سليمة يا رب
-يوسف: أنا هحصلكم ع القاعة
-حسين: طيب
....
ركب عز الدين سيارته وأدار عجلة القيادة بطريقة مفاجئة وقادها بسرعة جنونية في اتجاه القاعة ،،،
-ياسين: جبت الشقق يا عز
-عز: وده وقت اكل يا زفت ، استنى أما نشوف النصيبة اللي حصلت
-دينا: مصيبة ايه ؟
-عز: جانا مش لاقينها !!!
-دينا: بتقول ايه ؟
-ياسين: ازاي ده ؟
-عز: أهوو اللي حصل ، واحنا راجعين ع القاعة نشوفها هناك
-ياسين: طب هدي السرعة شوية
-عز: اسكت الوقتي ، أنا دماغي مش فيا
-ياسين: ابوس ايدك اهدى شوية لأحسن هتتقلب بينا العربية ولا هنحصل جانا ولا عفريتها وبدل ماندخل دنيا هنتخرج نهائي للآخرة ....!!
-دينا: OMG
-ياسين: تصدقي آدودي مافيش مرة تقوليها إلا وتحصل كارثة
-دينا: وانا ايه ذنبي
-ياسين وهو يغني : اه وأنا ايه ذنبي وأنا ايه ذنبي لابسالي الفستان البمبي ♫ .. حسرة عليا وعلى شبابي !!!!!!!!!!
-عز: انت هتعملي فيها ريا .. اسكت خالص مش عاوز أسمع حسك
-ياسين: يعني أموت وأنا محسور !!
-عز بضيق واضح : ياااااااااااااااسين !!!
-ياسين: بس بقى يا دينا خلي الراجل يركز في السواقة !!!
-دينا: أنا برضوه
-ياسين هامساً : شششش .. ماتوقعينش في الغلط
...............
في شقة حازم ،،،
استغل حازم الهدوء في المنطقة التي يسكن بها ، فحمل جانا وصعد بها إلى شقته ، ثم وضع جانا بهدوء على الفراش وقيد كلاً من يديها وقدميها وكمم فمها ،،
-حازم: نورتي بيتك يا عروسة ، الشقة من غيرك كانت ضلمة ، شوية وراجعلك
نزل حازم من شقته ليحضر بعض الطعام قبل أن تفيق جانا ...
..............
وصلت السيارات الثلاث إلى قاعة الفرح ، وترجل عز الدين من السيارة وتوجه نحو المسئول عن القاعة ليستفسر منه عن جانا ولحق به حسين ويوسف بينما انتظر ياسين ودينا وسهير وعايدة في السيارات بناءاً على طلب الأخرين منهم ،،،
-عز: فين مدير القاعة ؟؟؟
-أحد العاملين: الاستاذ وفيق ؟
-عز: فينه ؟؟؟
-أحد العاملين : هناك في مكتبه يا بيه
-يوسف: يالا يا عز
-حسين: استرها يا رب
اقتحم عز الدين مكتب الاستاذ وفيق مدير القاعة ،،،
-وفيق: في ايه يا استاذ؟؟ في حد يدخل المكتب بالشكل ده ؟؟؟
-عز: فين جانا ؟
-وفيق: جانا مين
-حسين: جانا بنت اخويا اللي كانت معانا في الفرح
-وفيق: والله أنا معرفش انتو بتكلموا عن مين؟
-عز وقد أمسك ياقته: أنا مش خارج من المكتب ده غير لما أعرف فين جانا...!
-يوسف: اهدى يا عز
-وفيق: لو سمحت حضرتك تنزل ايدك وإلا هيبقالي معاك تصرف تاني
-عز: هات أخرك معايا
-حسين: بس يا عز ، معلش يابني اعذرنا.. بنتنا ضاعت واحنا مش لاقينها وأخر مرة اتقالنا انها كانت هنا في القاعة
-وفيق: حضرتك القاعة مقفولة من نص ساعة ومافيهاش حد
-عز: تقصد ايه ؟؟؟
-وفيق: اقصد حضرتك ان مافيش حد موجود في القاعة الوقتي ، وتقدروا تشوفوا ده بنفسكم
-حسين: معلش يابني عشان نتأكد
-وفيق: اتفضلوا معايا
وبالفعل توجهوا نحو القاعة ولم يجدوا بها أي أحد
-عز: طب ازاي ؟؟ اومال هتكون راحت فين ؟
-يوسف: الغايب حجته معاه
-حسين: طب أدور عليها فين
-عز: يالا بينا ع المطار ممكن تكون راحت هناك
-حسين: هتروح ازاي يا بني هي لامعاها فلوس ولا تذاكر والباسبور بتاعها معايا
-عز بعصبية: اومال هتكون فين فييييييييين ؟؟
-يوسف: طب ممكن طلب وأتمنى انك مترفضهوش يا استاذ وفيق
-وفيق: خير
-يوسف: هو حضرتك مش مركب كاميرات مراقبة هنا
-وفيق: اكيييد
-يوسف: طب ممكن نشوف أخر حاجة الكاميرات سجلتها
-وفيق: للأسف ماينفعش لازم تصريح من النيابة بده
-حسين :عشان خاطري يا بني ، دي بنتي وضاعت واحنا بنحاول نلاقيها ، ربنا يكرمك يابني ساعدنا ، طب شوف انت عاوز ايه وأنا اديهولك ، طب ابوس ايدك
-وفيق: لأ مش للدرجادي يا فندم ..
-عز متأثراً: مراتي ضاعت وأنا عاجز عن اني الاقيها ، طب أدور عليها فين ؟؟
-وفيق: طب أنا هساعدكم بس رجاء شخصي محدش يجيب سيرتي
-حسين: يبقى كتر خيرك يا بني ، واحنا والله ما هننسالك الجميل ده ابداً
-يوسف: ربنا يحميك لشبابك يابني ، انت مش عارف انت ممكن باللي بتعمله ده بتنقذ روح
-وفيق: طب تعالوا ورايا ..
اتجه الجميع نحو غرفة المراقبة والتي يوجد بها كاميرات مراقبة في زوايا عديدة ، بدأ الجميع في متابعة الشرائط المسجلة لساعتين مضت ، وبالفعل شاهدوا جانا تتحدث إلى شخص ما وجهه غير واضح يصطحبها للداخل ولكنه هجم عليها من الخلف وقيد حركتها وظهر شخص أخر معه ثم اختفت جانا وعاد الشخص الأول إلى خارج القاعة وهذه المرة كانت صورته تقريباً شبه واضحة .... ،،،،
-عز: بس ثبت الكاميرا ع كده !!
-وفيق: الظاهر ان في حد كان مراقب المدام
-حسين: هيكون مين ؟؟
-يوسف: يارب ما يكون اللي في بالي
-عز: الوش ده مش غريب عليا ، انا شوفته قبل كده .. بس يا ترى فين !!
-حسين: ركز يابني الله لا يسيئك
-وفيق: لو تحبوا حضراتكم أبلغ الشرطة
-يوسف: يا ريت ، دي حالة خطف واضحة
-وفيق: لحظة وراجع
-يوسف: الشرطة أكيد هتساعدنا في معرفة مين اللي خطفها ولو اني شاكك في حد
-عز: مين ؟
-يوسف: أنا شاكك مش متأكد يا عز
-حسين: اوعى يكون آآآ...
-عز: انتو بتكلموا عن مين ما تفهموني ؟؟؟
............
عودة مرة اخرى إلى منزل حازم حيث بدأت جانا تستعيد وعيها تدريجياً وأصابتها حالة من الرعب حينما رأت الحالة التي توجد عليها ،،،،
-جانا: ممممممممم...
-جانا لنفسها: أنا ايه اللي جابني هنا .. أنا أخر مرة كنت في القاعة وكان في واحد بيقولي انسيال ضايع وبعد كده هجم عليا ، بس مش فاكرة حاجة ، يارب نجيني ، أنا مش عارفة أنا فين ولا أنا بعمل ايه هنا
وفجأة سمعت جانا صوت باب يُفتح من الخارج ، فحاولت جانا الصراخ لتستنجد بأي أحد لكن فمها مكمم ،،،
-جانا بكل جهدها: مممممممممممممم...
بدأت جانا تسمع أصوات الأقدام تقترب من الغرفة التي توجد بها ، ثم سمعت صرير باب الغرفة يفتح لتتفاجيء بـ......
-دارين: مش معقول ، جانا !!!!!!!!
-جانا بدهشة : مممممممممممم...
-دارين: انتي ايه اللي جابك هنا ؟؟
-جانا: مممممممممممم...
-دارين: أها انتي مش عارفة تكلمي عشان بؤك ، طب لحظة هشيل الكمامة من عليه !
نزعت دارين الكمامة من على فم جانا وتركت يديها وقدميها مقيدين ،،،
-جانا بسرعة: الحقيني يا دارين ، انا مش عارفة مين الي جبني هنا و..
-دارين: بتعملي ايه في شقة حازم !!
-جانا: مين ؟؟ بتقولي ايه ؟
-دارين: ايه ماسمعتنيش ، بقولك بتعملي ايه في شقة حازم
-جانا: شقة حازم ؟؟؟ أنا معرفش حاجة ، أنا كل اللي فاكراه اني كنت في فرح دينا وبعد كده آآ.....
-دارين مقاطعة: مش هتفرق كتير
-جانا: طب بليز دارين ساعديني ، فكيني خليني أخرج من هنا ، بسرعة بس قبل ما اللي اسمه حازم ده يجي !!
-دارين: تؤ
-جانا باستغراب شديد : اييييه ؟
-دارين: تعرفي يا جانا أنا محظوظة كتير !
-جانا: مش وقته يا دارين فكيني وبعد كده نتكلم
-دارين وهي تتجاهل جانا تماماً وتدور حول الفراش: أنا بجد واحدة So lucky .. النهاردة هقدر أحقق الانتقام اللي بحلم بيه من زمان
-جانا: بتقولي ايه
-دارين: النهاردة بس هاقدر أحرق قلب عز
-جانا: مش فاهمة
-دارين: وأنا هفهمك يا لوكال ، انا طول عمري queen ، أي حاجة بطلبها وحتى قبل ما اطلبها بتيجي لحد عندي ماعدا عز !!!
-جانا: عز
-دارين: تخيلي عز الوحيد اللي قال لدارين لأ .. وده خلاني أتمسك بيه أكتر واكتر ، وكل ما يقول لأ ليا ، أنا أصمم أكتر اني أملكه
-جانا: طب وأنا ذنبي ايه ؟؟
-دارين: ذنبك ؟؟؟ ازاي مش عارفة ، ذنبك ان عز فضلك عليا وحبك ، ذنبك ان عز اختارك واتجوزك
-جانا: طب ما أنتي كنتي قدامه ، يعني لو كان عاوزك كان اختارك
-دارين: كان هيختارني لو مكونتيش انتي ظهرتي في حياته
-جانا بتردد وخوف : أنا..أنا ... مش عاوزاه..ده.. ده واحد شكاك
-دارين بضحكة شيطانية : شكاك ههههههههههههههههه ، بجد ههههههههههههههه .. تعرفي أنا حاولت أفرق بينكم عشان يكون عز ليا ، يا جانا أنا اللي بعت الفيديو المتفبرك عنك لعز ، عارفة كانت مين اللي في الفيديو هه ؟؟ كانت أنا ، حتى الصور اياها برضوه دي كانت أنا
-جانا: ايه بتقولي ايه؟
-دارين: بعت نفسي بالرخيص لحازم ولرامز عشان أقدر أدمر علاقتك بعز ، وكنت خلاص فكرت اني نجحت ، لولا ان عز مكنش شايف إلا انتي ، ده غير مشكلة الـ pregrancy بتاعتي ، بس دي كانت ممكن تتحل بعملية لكن للأسف كل اللي خططتله باظ
-جانا: يعني ده كان ملعوب منك ؟؟
-دارين: هو مش مني تحديداً ده كان ملعوب مشترك من your mom & your step-dad وانا وحازم كنا بنفذه
-جانا: امي وجوزها كانوا وراه ؟؟؟؟
-دارين: طبعاً .. عيلتك كانوا مستعدين يعملوا اي حاجة عشان خاطر الفلوس
-جانا بحسرة : مش ممكن
-دارين: أنا خسرت كل حاجة حتى نفسي
-جانا: بس انتي في ايدك تساعديني و..
-دارين مقاطعة : أساعدك عشان ترجعي لعز .. وزي الأفلام تعيشوا في تبات ونبات وتخلفوا صبيان وبنات .. مستحيل .. No way
-جانا: حرام عليكي ، اعملي حاجة واحدة صح في حياتك
-دارين: أنا اللي هعمله فيكي يدوب يشفي غليلي
-جانا: انتي مجنونة !
-دارين: انتي لسه مشوفتيش الجنان اللي على أصله .. زي ما عز حرق قلبي واتجوزك ، أنا قولت هاحرق قلبه واطلعك خاينة
-جانا: لألألألأ
-دارين: بس للأسف عز تقريباً اتأكد انك بريئة ومظلومة ، وتعبي راح هدر .. لأ والكلب حازم كان مفكر اني هسيبه يتهنى بيكي هو التاني بعد ما خدني لحم ورماني عضم .. يقولي هتجوز جانا .. نفسي أعرف بتعملي للرجالة ايه؟؟؟
-جانا ببكاء : بليز دارين
-دارين: ده حتى رامز قبل ما يولع برضوه كان بيتكلم عليكي !!!
-جانا بقلق : ايه؟ يولع ؟؟؟؟ انتي تقــ.. تقصدي ايه ؟؟
-دارين: انتي متعرفيش ، مش أنا ولعت فيه بعد ما سممته ، موتة فظيييييعة
-جانا: لأ حرام .. ليييييه ؟؟؟؟؟
-دارين: ممم ، بس انا فكرت انا هخلص عليكي وبالمرة ع حازم
-جانا: بليز No
-دارين: تخيلي العناوين بكرة هتكون ايه ، زوجة خائنة مقتولة في أحضان عشيقها ، واو ، هيبقى عنوان تحفة
-جانا: اسمعيني .. !
-دارين: اوووه ، أنا مش مصدقة ،، ممممم... طيب أموتك ازاي بقى ، بس الصراحة مكونتش أتخيل ان حازم بالغباء ده يجيبك هنا وهو عارف ان معايا المفتاح !
-جانا: اهيء ... اهيء
-دارين: كان مفكرني stupid ومش هعرف انتقم منه ولا حتى هاعرف هو هيخبيكي فين
-جانا: حرام عليكي ، سيبني
-دارين: I am still Dona ..................... !!!
Flash Back لما حدث من قبل ،،،
◘◘◘ -حازم: انتي .. انتي دخلتي ازاي ؟
-دارين: you forgot .. أنا معايا لسه المفتاح
-حازم: طب هاتيه بقى يا حلوة
-دارين: ليه ؟
-حازم: أصل ميصحش واحدة لا مؤاخذة يعني تخش شقة شباب عُذاب ، وخصوصاً إني داخل ع جواز
-دارين : نعم ؟؟ جواز ؟؟
-حازم: طبعااااا
-دارين : طب مش هتساعدني في المشكلة اللي أنا واقعة فيها
-حازم: ماليش فيه ، رامز يخلصك منها .. ولا هو يوسخ وأنا لا مؤاخذة أنضف مكانه !!!
-دارين: انت انسان قذر !
-حازم بحدة: لأ يا قطة ، احترمي نفسك معايا بدل ما ادفنك مطرحك
-دارين: كلكم زي بعض ، كلاب
-فؤاد: بالراحة شوية يا زوما ، دي برضوه دونا حبيبة القلب
-حازم: لأ كان في وخلص !!!
-دارين بتوعد: بكرة تندم يا حازم
-فؤاد: استني يا دونا ، متمشيش وانتي كده ، انا جاي أوصلك
-حازم: خد ياض أنا لسه مخلصتش كلامي معاك
-فؤاد بغمزة : ياعم فكك مني الوقتي ، أنا عاوز أعطف وألطف .. سلام
نسى حازم أن يأخذ المفتاح من دارين وانشغل بالحديث عن خططه المستقبلية عن الزواج ، ولكن دارين في نفسها كانت تتوعد بالانتقام ، وبدأت بالفعل في تنفيذ مخططتها باستدراك فؤاد ،،،،،،
◘◘◘ في فيلا دارين ،،،
-فؤاد: ايه المهلبية دي كلها
-دارين بخبث: يعني أعجب
-فؤاد: ده انت تعجب الباشا يا باشا
-دارين: طب اشرب الكاس ده
-فؤاد: ده انا أشرب المحيط عشانك
-دارين: بس مقولتليش صاحبك ناوي يتجوز مين؟
-فؤاد وهو يحتسي الخمر: البت دي اللي اسمها.. اسمها جانا باين
-دارين: أها قولتلي .. بس اللي اعرفه انها مش بتحبه
-فؤاد: لأ هو..هو.. هيخطفها وهيتجوزها غصب
-دارين: بجد .. طب مبروك ، وعقبالك
-فؤاد: عقبالي ايه بس وانا في اليَغمة دي
-دارين بخبث: طب اشرب اشرب
....
◘◘◘ في قسم الشرطة ،،،،
-دارين: حضرتك دي أوراق لشركات وهمية باسم رامز عبد الشكور وزوجته سيلين ، ودول أوراق لصفقات مشبوهة برضوه تابعة ليهم ، ده غير ان الظرف ده فيه صور لصالة قمار بيديرها رامز في فيلته
-الضابط وهو يراجع الأوراق: تمام ، انا هعمل محضر بالكلام ده
-دارين: بس يا ريت يا فندم متجبش اسمي لاحسن دول ناس أشرار ممكن ينتقموا مني
-الضابط: متخافيش ، احنا هنعمل التحريات المطلوبة وهنتخذ الاجراءات القانونية ضدهم
-دارين بمكر: ياريت يا فندم لأحسن دول أضروا بالصالح العام
-الضابط: ياريت لو في البلد فعلاً مواطنين شرفاء زي حضرتك يخافوا عليها ، كان زمان الحال انصلح من زمان
-دارين: أنا عملت واجبي
-الضابط: اطمني يا هانم واحنا مش هنسيب الناس دي من غير عقاب
-دارين: اوووه ، يا ريت !!!
-دارين بعد أن خرجت من القسم: البس بقى يا رامز، عشان تعرف ان مش دارين اللي يضحك عليها ولا يتلعب بها الكورة ، نهايتك هتكون على ايدي !!!!
◘◘◘ ثم علمت دارين من فؤاد بأمر خروج رامز من السجن ،،
-دارين: انت متأكد انه خرج ؟؟؟
فؤاد وهو في حالة سكر: ايوه ..زي..زي ما أنا شايفك قدامي بالظبط .. اثبتي بقى
-دارين: يعني سيلين هي اللي لبست الليلة كلها
-فؤاد: اه
-دارين: طب مين قالك؟
-فؤاد: حازم
-دارين: حازم !!! وهو لسه ع علاقة برامز ومراته
-فؤاد: لأ ..خــ..خلاص .. هو نهى ..كل..كل حاجة وهـ..هيتجوز
-دارين: وماله ، اشرب يا فؤش
-فؤاد: طب ما تيجي بقى ................... ◘◘◘
..............
عودة مرة اخرى للوقت الحالي ،،،،
-دارين: حاولت أكتر من مرة اديله فرصة يعيش بس خلاص رصيده نفذ
-جانا: انتي مش طبيعية
-دارين: الدور جه عليكي وع حازم !!!
-جانا: حرام عليكي سيبني
........
عودة للقاعة مرة أخرى ،،،،
-يوسف: الشرطة أكيد هتساعدنا في معرفة مين اللي خطفها ولو اني شاكك في حد
-عز: مين ؟
-يوسف: أنا شاكك مش متأكد يا عز
-حسين: اوعى يكون آآآ...
-عز مقاطعاً: انتو بتكلموا عن مين ما تفهموني ؟؟؟
-يوسف: احنا بنتكلم عن حازم
-عز بدهشة: مين ؟؟ حـــازم؟؟
-حسين: أصله..أصله يا بني كان..كان ..اتعرض قبل كده لجانا في الـ.....
-عز: في النادي ؟؟ أنا عرفت بده
-حسين: لأ في الشركة عندي ، يوم ما اغمى عليها في الاصانصير
-عز: نعم ؟؟؟ وازاي محدش قالي؟؟؟
-يوسف: احنا متوقعناش انه ممكن يتعرضلها تاني
-عز: الكلب الجبان ، اه لو مسكته بايديا
-حسين: احنا مش عاوزين تهور ،احنا عاوزين ندور ع جانا ونعرف هي فين
-يوسف: مش لازم نستبعد احتمال تدخل حازم أو رامز في الموضوع
-عز: بس أنا متأكد ان الواد اللي طلع في الفيديو شوفته قبل كده ، بس فيييين مش عارف !!
-حسين: حاول تفتكر
-عز مردداً : انا متأكد ان شوفته قبل كده
-يوسف: طب ركز يابني
-عز: استنى أما أنده الزفت ياسين يمكن يكون عارفه
أسرع عز الدين لسيارته ليطلب من ياسين الحضور فوراً معه إلى داخل الغرفة الخاصة بالمراقبة ،،،
-ياسين بعد أن رأى الصورة المثبتة على الكاميرا : ايوه ، الواد ده انا عارف اسمه ده صاحب حازم .. افتكر يا سينو كان اسمه ايه
-عز: ها يا زفت افتكرت؟؟؟
-ياسين: يا عم ادييني فرصة افكر ..
-عز: مش وقتك خالص
-ياسين: ايوه افتكرت ده اسمه فؤش
-عز: يعني انت عارفه ؟
-ياسين: مش أوي
-عز: طب عارف هو بيقعد فين ؟
-ياسين: اه في ماخور
-يوسف: نعم ؟؟؟
-ياسين: في Night Club
-عز: طب يالا نروحله
-ياسين: وده كلام يا عز ؟؟ بقى في عريس في ليلة فرحه يروح بمراته كباريه !!!
-يوسف مقاطعاً: خد عربيتي يا بني وروحله
-عز لياسين: برضوه هتيجي معايا
-ياسين: هو اليوم اضرب خلاص ، يالا بينا
-حسين: أنا هحصلك يا عز
-عز: لأ يا عمي ، انتو خليكوا هنا واستنوا البوليس وبلغوه باللي حصل واحنا لو وصلنا لأي حاجة هنبلغكم فوراً
-يوسف: ربنا يعَتّركم فيها ويحفظكم
-عز: يا رب
استقل عز الدين وياسين سيارة يوسف وتوجها نحو الملهى الليلي الذي يجلس فيه فؤاد ،،،،
-عز استناني في العربية يا سينو
-ياسين: هو أنا مش هدخل معاك؟
-عز: لأ .. اجهز بس لأي حاجة
-ياسين: انت ناوي على ايه ؟؟ اوعى تكون هتفجر المكان
-عز: مش بعيد ، بس لازم أوصل لجانا
-ياسين: ان شاء الله تلاقيها
في الداخل ،،،
بحث عز الدين بعينيه عن فؤاد بين الحاضرين ، وبالفعل وجده يجلس على البار ، فتوجه إليه وعلى وجهه علامات الغضب ...،،،،
-عز بحدة: انت فؤاد
-فؤاد: لأ فؤش
-عز: يعني انت صاحب الزفت حازم
-فؤاد: ايييه يا عم انت داخل عليا حامي كده ليه
-عز وقد لكمه في وجهه :فين حازم ؟
-فؤاد: معرفش !
-عز وقد ضربه مرة أخرى: بقولك فين حازم
-فؤاد: آآآآه .. ده دم ؟؟ أنا...
-عز: هفضل أضرب فيك لحد ما تتكلم
-فؤاد: حازم..حــازم في شقته
-عز: وشقته دي فين ؟؟؟
-فؤاد: معرفش !!
-عز وقد لكمه بلكمة قوية : فييييييييين ؟؟؟
-فؤاد: في الـ ((........))
-عز وقد جذبه بشده من ياقته : هتيجي معايا
-فؤاد: مش خلاص عرفت اللي انت عاوزه ، سيبني بقى
-عز: مش هاسيبك يا ديل الكلب
-فؤاد: طيب بالراحة
أخذ عز الدين فؤاد معه في السيارة بالقوة بعد أن أبرحه ضرباً وتوجه الجميع إلى حيث يقطن حازم ،،،،
-ياسين: ده انت عدمته العافية
-عز: الواد النجس ده يستاهل أكتر من كده ، لولا اني عاوزه عشان اوصل لجانا كان زماني خلصت عليه
-ياسين: طب بالراحة وانت سايق ، عاوزين ننقذ جانا مش عاوزين نموت
-عز: أنا عاوز اوصلها قبل ما الكلب التاني يعمل فيها حاجة ... !!!
..........
عودة مرة أخرى إلى منزل حازم ،،،
-دارين وقد أحضرت سكيناً من المطبخ : وجه الدور عليكي يا لوكال
-جانا: بلاش تضيعي نفسك يا دارين عشان واحدة زيي
-دارين : أنا كده كده ضعت .. بس مش هضيع لوحدي لأ هضيعكوا كلكوا معايا
في نفس الوقت كان حازم قد عاد من الخارج بعد أن أحضر بعض المأكولات ، فسمع صوتاً يأتي من داخل الغرفة الموجودة بها جانا ، فتسلل بهدوء حتى رأى ....،،،،،،
-حازم: دارين ؟؟؟ بتعملي ايه هنا ؟؟
-دارين بسخرية: اهـــــــلا بعريس الغفلة !!!
-حازم: انتي دخلتي هنا ازاي ؟؟؟
-دارين: ماهو انت نسيت تاخد مني المفتاح ، وصاحبك العبيط كان مفكر انه بيشتغلني وعرفت منه كل حاجة ، بس تصدق كويس انك جيت عشان تشوف عروستك وهي بتموت
-حازم: دارين ، اعقلي ..
-دارين: معدتش فيا عقل خلاص
-حازم: سيبي جانا هي مالهاش دعوة
-دارين بعصبية: جاااااااااااانا !! مش هسيبهااااااا ، هي السبب في كل حاجة حصلتلي ، هي دمرت حبي لعز ، وخليتك تبيعني بعد ما كنت بتتمنى تبوس التراب اللي بمشي عليه ، ده حتى رامز جوز أمها خدعني و..
-حازم مقاطعاً: يا دونا ، ده انا زوما حبيبك يرضيكي تعملي فيه كده
-دارين بضحكات شيطانية: ههههههههههههههههه حبيبي ؟؟ كان زمان ، أنا محبتش حد إلا عز ، وهمّوت أي حد يوقف في طريق حبي ليه
-جانا: حرام عليكي يا دارين
-دارين: انتي تخرسي خاااااااااالص مش عاوزة أسمع صوتك ، انتي السبب و...
استغل حازم انشغال دارين بالصريخ في جانا حتى هجم عليها وحاول أن يمسك بالسكين ويفلته من يدها
-حازم: مش هسيبك يا دارين تموتيها
-دارين: آآآآآآه.. اوعى، وانا مش هسيبها تعيش
-حازم وقد نجح في أخذ السكين منها وألقاه بعيداً : اللي لازم يموت هو انتي يا دارين
قام حازم باحكام قبضتي يديه على رقبة دارين وحاول خنقها بكل قوة و ..غل ،،،،
-حازم: كفااااااية بقى ذل فيا ، كفاااااية بقى أذية ليا ، انتي لازم تموووووتي عشــــان كلنا نرتااااااح
-دارين وهي تختنق: آآآآآ...لأ... آآآآآ
-حازم: سنين بحاول أخليكي تشيلي عز من دماغك وانتي مصممة عليه ، ويوم ما خلاص قررت أخد مراته ليا جاية تخديها مني .. مش هتعيشي يا دارين ، هتموووتي
-دارين وقد ازرق وجهها: آآآآ........
-جانا بصريخ: سيبها يا حازم متموتهاش ، لأ .. سيبها هتتخنق في ايدك !!!!
-حازم: انتي واقفة في طريقي مووووووتي بقى يا شيخة
-دارين وقد فاضت روحها :................................
-جانا: حرام عليك يا حازم البت بتتخنق
-حازم: موووووووووتي
-جانا: لألألألألألأ ...
ترك حازم رقبة دارين بعد أن تأكد من موتها !!
-جانا ببكاء : ليه عملت كده ؟؟ لييييييه ؟؟؟
-حازم: كانت واقفة في طريق سعادتي يا جانا ، كانت هتمنعني منك يا حبيبتي.
-جانا بهيستريا : بسسسس ، اســــــكت مش عاوزة اسمع حاجة ، انت مجرم .. قاتل سفاح وهي مجرمة زيك ، كلكم مجرمين
-حازم: شششش يا جانا، اهدي ،، هي خلاص ماتت مش هتقدر تعملنا حاجة
-جانا: ابعد عني !
-حازم: خلاص احنا هنتجوز
-جانا: نتجوز؟؟؟ انت مجنون ؟؟؟ نتجوز ازاي وأنا متجوزة أصلاً
-حازم: مش هيحصل ، انتي بتاعتي وبسسسس !!!
.........
في نفس التوقيت كان عز الدين وياسين قد وصلوا إلى العنوان الذي يقطن به حازم
-عز: انت متأكد انه ساكن هنا ؟؟؟؟
-فؤاد: ايوه
-عز: خد بالك منه يا سينو ، أنا هطلع اشوف الحيوان اللي فوق
-ياسين: عز خلي بالك ، متتهورش
-عز: متخافش
-ياسين: أنا هبلغ الجماعة بمكانا
-عز: طيب ، وشوف هما وصلوا لايه مع البوليس
-ياسين: ماشي
صعد عز الدين إلى حيث يوجد حازم ، حاول أن يسترقي السمع ليتأكد من وجود أحد في الشقة فـ..... ،،،،
-جانا من الداخل : ابعد عني يا مجرم
-حازم: انتي بتاعتي وبسسسسس
لم يتحمل عز الدين أن يستمع إلى استغاثات جانا فحاول تحطيم الباب، ونجح في هذا ،،،،
-عز وهو يبحث بعينيه عن جانا : جاااااااااانا ، جاااااااااااااانا !!!
-حازم من داخل الغرفة: الظاهر ان حبيب القلب مقدرش يصبر ع بعادك
-جانا: عز الحقني
-عز وقد دلف إلى الغرفة يحاول تحريرها : جااااااااانا .. انتي كويسة
-جانا : حاااااااسب يا عز !!
لم ينتبه عز الدين إلى حازم الذي اختبيء خلف الباب واستغل انشغاله بالاطمئنان على جانا فهجم عليه ليضربه بكل قوة ،،
-عز متآلماً : آآآآه
-حازم: انت جيت لقضاك برجليك
-عز وهو يصد الضربات: اه يا وا** بتخطف مراتي يا جبان
-حازم: مش مراتك ، هتكون مراتي
-عز: أنت بتحلم !!!!!!!!!!!!
-حازم: والحلم هيبقى حقيقة لما أخلص عليك وتحصل دارين
-عز: دارين ؟؟؟
انتبه عز الدين إلى جثة دارين الملقاة على الأرض بجوار الفراش ،،،
-عز: انت عملت فيها ايه ؟؟؟
-حازم: هي اللي عملت في نفسها كده لما دخلت بيني وبين جانا
-عز: انتو أكيد ناس مجانين !!
-حازم: مجانين !! يبقى ليس ع المجنون حرج في اللي بيعمله
-جانا: حاااااااااااسب يا عز ، خلي بالك
-عز: ماتخافيش يا جانا
-حازم لجانا : أنا هموتلك حبيب القلب
-جانا وقد حررت يديها : ابعد عن جوزي يا مجرم
-عز باستغراب : قولتي ايه يا جانا ؟؟
-جانا وهي تحرر قدميها من الوثاق : مش وقته يا عز !
-عز: أمانة عليكي يا شيخة لتقوليها تاني
-جانا: ركز في اللي قدامك !!!
-حازم: جوزك هقتله ، وهتبقى أرملة واتجوزك
-عز: مش هيحصل !!
تبادل كلاً من عز الدين وحازم اللكمات والضربات المميتة ، فتارة يطرح عز الدين حازم أرضاً ، وتارة أخرى يضرب حازم عز الدين بكل شراسة .. إلى أن سقط حازم اثر لكمة قوية من عز الدين بجوار الـ......
-حازم وهو يحمل السكين: نهايتك قربت
-جانا برعب: خد بالك يا عز منه ، ده معاه سكينة
-عز: سيب يا حازم السكينة وبلاش تهور
-حازم والشرر يتطاير من عينيه : هخلص عليك
-عز وهو يتراجع للخلف : اعقل يا حازم ، متضيعش نفسك !
-حازم: ههههههههه أنا سمعت الكلام ده كتير ، حتى من المرحومة دونا
-جانا: حاااااسب يا عز
وجّه حازم السكينة نحو صدر عز الدين ليقتله ، ولكن أمسك عز الدين يديه بكل قوة ، فاستغلت جانا الفرصة وبحثت عن شيء لتضرب به رأس حازم ، وبالفعل وجدت الأباجورة ،،،
-جانا وهي تضرب رأس حازم بشدة: قولتلك سيبوه يا حازم ، ايييه مابتسمعش .. طااااااااااااااااااااااااخ
-حازم متآلماً : آآآآآآآآآآآآآه
-عز وقد أمسك بالسكين ومن ثم لكمه بقسوة: أما مراتي تقول كلمة يبقى تسمع خــــــــــــــد ..!
سقط حازم على الأرض من شدة الضربات ، فقام عز الدين والجانا بتقييده جيداً ،،،
-جانا: اتأكد انك ربطته كويس لأحسن يفك الحبل.
-عز: ليه هو حـــاوي ؟؟
-جانا: برضوه مانضمنش
-عز: لأ اطمني ولا عشرة هيعرفوا يفكوه
وفي نفس الوقت كان ياسين قد صعد وبصحبته الشرطة وبقية أفراد العائلة ، قامت الشرطة باتخاذ الاجراءات اللازمة ضد فؤاد وحازم ، وتم اخذ جثة دارين ووضعها في سيارة الاسعاف وإخطار أفراد عائلتها بما حدث لها ،،،،
-الضابط: حضراتكو هتيجوا معانا القسم عشان ناخد أقوالكم ونقفل المحضر وبعد كده هيتم استدعائكم للنيابة
-جانا: اوك
-عز: حاضر يا فندم
وبعد أن انتهوا من اتخاذ الاجراءات القانونية ،،،
-ياسين: أنا بلغت الناس كلها والصراحة محدش كدب خبر وجوم كلهم ، بس انت عارف آعـــز الشرطة عندنا عاملة زي الأفلام القديمة بتيجي بعد الفيلم ما يخلص
-حسين: بس يا سينو بدل ما تبات في الكراكون وفي التخشيبة كمان
-ياسين: كراكون !
-يوسف: قصده القسم
-ياسين وهو يتحسس قفاه : آآآآه ، وانا عارف ايدهم طويلة لأ وممكن يبعتولي فرج يزفني بما اني عريس
-يوسف: ههههههههههه ايوه وانت عارف فرج ..!
-ياسين: ربنا يكفينا شره
-حسين وهو يحتضن جانا: حمدلله ع سلامتك يا جانا
-جانا: الله يسلمك يا آنكل
-يوسف: الحمدلله انك بخير يا بنتي ، مين كان يتصور ان كل ده يحصل
-جانا: الحمدلله
-عز: سيبولي مراتي شوية
-حسين: يابني مش نطمن عليها
-يوسف: هنسيبهالك بعد كده بس نطمن باقي العيلة صح ولا ايه يا سحس
-حسين: ايوه
-ياسين: مش كفاية ليلتي اللي باظت
-عز: متقولش باظت ده بس كان فيها شوية اكشن
-ياسين: اكشن؟؟ ياعم قول مطاردات وقتل وخطف ورعب وختمت بالقسم يعني كولكشن مُعتبر
-عز: عشان تفضل طول عمرك فاكرها
-ياسين: وهي دي ليلة تتنسي
-حسين: مش يالا بينا بقى
-يوسف: يالا يا ولاد
-حسين: محدش كان عارف ان رامز وسلين يطلعوا بالشر ده
-جانا: أهوو رامز خد جزائه
-حسين: ايوه
-جانا: بس..بس صعبان عليا مامي.. هي برضوه مكانتش تستاهل ده
-حسين: هي اللي اختارت يا جانا ، فلازم تتحمل نتيجة اختيارها ، وياما نصحها أبوكي وأنا من بعده ، لكن هي أصرت !
-يوسف: بس يا جانا مامتك محتاجاكي الفترة دي معاها
-جانا: هه..
-يوسف: زي ما سمعتيني ، محتاجة تحس ببنتها واقفة جمبها ، حتى لو كنتي مش راضية عن اللي هي عملته ، سانديها
-جانا: ربنا يسهل
-عز مقاطعاً: لأ بقى .. كده كتير والله ، أنا عاوز أستفرد بالمدام شوية ، هو أنا ردتها شفوي بس .. عاوز أكمل العملي بتاعي
-يوسف: عيب يا ولد الكلام ده
-عز: سوري يا بابا ، بس محدش سأل فيا خالص
-حسين ضاحكاً: هههههههههههه الصبر جمييييل ياعز يابني
-عز لجانا: يابنتي فهميهم أن احنا ورانا مباحثات ومشاورات ومداولات مؤجلة من أشهر
-جانا: عـــز !!
-عز برومانسية: عيون عز
-جانا: لينا بيت نتكلم فيه ، مش ينفع كده
-عز: طالما in public ومافيش feelings يبقى so what ؟؟؟
-جانا: وده من امتى ان شاء الله
-عز: من زمـــان بس الحلو كان تقلان
-جانا: لا والله
-عز: أه والله
وبينما هم يتوجهون نحو سيارتهم ليستقلوها ، سمع عز الدين من يناديه فأدار رأسه ليرى ..... ،،،
-عز: عمر !! ايه اللي جابك هنا
-عمر وهو يحتضن عز : حمدلله ع سلامة مدام جانا
-عز وقد شعر فجأة بآلم شديد يمزق أحشائه : الله يسلمك يااااااا.. آآآآآآآآآآآآآآآآه
-جانا بفزع: لألألألألألأ
-يوسف: عــــــــــــــز ، ابني !!!
-حسين: عــــــــــز !!
-عمر وقد طعن عز في معدته: نهايتك جت ع ايدي يا عز
-عز متآلماً وهو يسقط على الأرض : طب لييييييه .. آآآآآآآآآآه
-جانا برعب وببكاء : عملت كده ليه ؟؟؟
-عمر: عشان خاطر ابويا
-حسين: ليه كده يا بني ، عملت كده ليه ؟؟؟
-عمر: أنا عمر .. عمر رامز عبد الشكور
-جانا : بتقول ميييييييييييين ؟؟؟
ألقت الشرطة القبض على عمر الذي كان سعيداً بطعنه لعز الدين ،،،
-عمر: أيوه أنا عمر ابن رامز جوز امك يا جانا، كنت بحاول أنفذ خطة أبويا في اني استدرجك وأوقعك في حبي بس للأسف فشلت بسبب عز ، وأبويا في الأخر مات محروق ، هااااااااااه ، سمعاني ماااات محروق وأنا قولت لازم أحرق قلبكم ع ابنكم زي ما حرق قلبي على ابويا وحرمني منه !!!!!!!!!!
-حسين: ده انا وثقت فيك ؟؟
-عمر: وأنا أبويا ضاع بسببكم
-حسين: بس دارين يابني هي اللي قتلته ، ليه تعمل كده؟؟؟
-عمر والشرطة تصطحبه لداخل القسم : انتو السبب ..انتو السبب ، وأنا كده ارتحت وخدت بتاري !!!
-يوسف: اطلبوا الاسعاف بسرعة
-جانا وهي تحتضن عز: عـــــز .. حبيبي ، خليك معايا متسبنيش ، أنا بحبك يا عز والله بحبك
-عز: آآآآآ..أنا..أنا لو هموت الووقتي هاكون..هاكون سعيد اني..اني.. في..حضنك
-جانا: حبيبي .. متكلمش ، الاسعاف جاي ، انت هتعيش
-عز وقد تثاقل نطقه للكلمات:آآآآ..أخيراً يا ...يا جانا..أخيراً..قولتي انك بتحبيني...آآآآ
-جانا: والله بحبك من زمان يا عز ، انت حبيبي وجوزي وعشقي وحياتي ومسمحاك عن اي حاجة عملتها أيوه والله مسمحاك ومن قلبي .. بس.. بس ماتسبنيش ، حبيبي .. سامعني .. عـــــــــــز !!!!!!
-جانا بصريخ: عــــــــــــــــــــــز .. لأ !!!
.........
بعد يومين في المستشفى ،،،،
-جانا ببكاء هيستري: لألألألألألألألألأ .. أنا عاوزة عز .. هاتولي عز
-الممرضة: اديها حقنة مهدئة
-الممرضة الأخرى: ناخد رأي الدكتور الأول
-الطبيب بعد أن جاء: مدام جانا ، سمعاني .. مدام جانا ، اهدي واسمعيني من فضلك
-جانا بعصبية: فين عز ؟؟؟
-الطبيب: اطمني يا مدام جوزك بخير ، هو والله كويس وحالته مستقرة
-جانا: انت كداب ، جوزي مات وانتو بتكدبوا عليا ، هاتولي عز ، انا عاوزة عز
-عز وقد دخل غرفة جانا مستنداً على ياسين: صويتك جاب التايهين
-جانا: انت عز ؟
-ياسين: لأ فوتوشوب
-عز وقد جلس على طرف الفراش : أيوه أنا يا جانا
-جانا وهي تتحس وجهه: انت بجد ؟
-عز: اه والله
-ياسين: اسيبكو انا بقى واطلع للولية الغلبانة مراتي اللي واقفة بره
-جانا: انت... انت ماموتش ؟؟ طب ازاي ؟؟؟
-عز: الله اكبر يا شيخة .. لأ لسه عايش وبسبع أرواح
-جانا: لأ بقوا ستة الوقتي
-عز: بلاش أر
-جانا: طب ازاي ؟؟ انت كنت بتفرفر
-عز: بفرفر.. الملافظ سعد ! ... يا ستي كل الحكاية ان سي عمورة بتاعك لمـ...
-جانا مقاطعة: متقولش زفت بتاعي
-عز: ماشي يا ستي ، لما الزفت ده ضربني بالمطواة في بطني ، المطواة دخلت في توكة الحزام وبفضل الله نجاني ويدوب بس جزء من المطواة دخل فيا ، فأنا قولت أعمل الشوية دول عليكي يمكن تحني عليا وتقولي ع اللي جواكي .. بس الصراحة فاجئتيني وقولتي بزيادة وبعد كده اغمى عليكي واتنقلنا المستشفى سوا .. انتي كان عندك انهيار عصبي والدكاترة حاولوا معاكي كتير ...
-جانا وهي تضرب صدره: تصدق انك واحد معندوش دم
-عز مكملاً: بس الصراحة يا جانا متخيلتش انك بتحبيني أوي كده
-جانا: انت ازاي تعمل فيا كده ؟؟
-عز وهو يحتضن جانا ومحاولاً تهدئتها : غصب عني والله ، بس أنا أسف .. بحبك يا مراتي يا قلبي
-جانا: أنا لأ
-عز: بتقولي ايه ؟
-جانا: بقولك لأ
-عز مدعياً الآلم: آآآآآه
-جانا: ايه مالك ؟
-عز: أصل كلمة لأ بتوجع قلبي متقوليهاش تاني
-جانا: يا سلام
-عز: وحياة عبد السلام !
-جانا: مين عبد السلام
-عز: اسألي ياسين وهو يقولك
-جانا: طيب ! أنا هاروح أسأله
-عز: آآآآه.. الجرح باينه شادد
-جانا: بيوجعك ؟
-عز: آآآه
-جانا: طب فين ؟؟ وريني
-عز وقد أشار إلى جنبه : هنا
-جانا وقد مالت قليلاً ناحية عز : هنا؟
-عز: لأ هنا
وهنا جذبها عز الدين وضمها إليه ..
-عز: قلبي اللي وجعني من كتر بعادك عنه ... مش احنا كان عندنا يا جانا مباحثات ومشاورات مؤجلة
-جانا: مباحثات برضوه يا عز
-عز: أيوه
-جانا: وده ينفع برضوه هنا
-عز بخبث: أهو ده المكان الوحيد اللي هعرف أخد راحتي فيه ... بس استني أما أزنق الباب بالكرسي عشان أعرف أخلص المشاورات بدون مقاطعة
-جانا: بقى كده
-عز وهو يغلق الباب : اللهم جنبنا الشيطان وجنب الشيطان ما رزقتنا .....
-جانا: بتقول ايه يا عز؟
-عز: بدعي ربنا يجنبنا الشيطان ..
-جانا: كويس أوي
-عز: بسم الله نبدأ الجلسة الافتتاحية
-جانا بدلع : لأ يااا عــز
-عز: بقولك ايه مش وقت لأ خالص ، جدول الأعمال مليان وأنا عاوز أدي لكل جلسة حقها ، هه ! فهماني طبعا .............................................. !!!
تمت بحمد الله
