رواية علي ذمة اخوين الفصل السابع بقلم جمانه السعيدي
طبعا عمي بعد ست اشهر من وفاة غيث بدا يشتغل بمعاملة
غيث لان سمع يسجلونه من ضحايا الإرهاب
واكو راتب وقطعة ارض يسلموه الاهل الضحيه
واذا كان الضحيه مزوج يكون الراتب زين
عمي يكول اني امشي بهاي المعامله لان زوجته وابنه أولى بهذا الراتب يعيشون منه
هسه نرجع اليلة عرس ليث ونجلاء
صعدت للغرفه ماانكر جنت متوتره حيل وخايفه
هاي التجربه ابد مو سهله عليه
شويه وصعد ليث
لكاني كاعده وافرك باديه ومبين عليه التوتر حيل
ليث دخلت لكيته كاعده وتفرك باديه
اجيت كعدت بصفه
ليث مبروك
نجلاء الله يبارك بيك
ليث خايفه
نجلاء هزيت راسي اي
ليث ليش خايفه
نجلاء صعب عليه هذا الموقف
ليث لا تخافين مستحيل أقرب عليج اذا ماتكونيبن مرتاحه ومطمئنه
عادي خل نحسبه هاي اليله ليلة تعارف
نجلاء تمام
ليث تغيرين ملابسج
نجلاء اي هسه كمت طلعت دسداشه قصيره وربع ردن حمره وردت اروح للحمام ابدل
ليث لا بدلي هنا وأخذي راحتج اني راح اجيب عشى واجي
طلع ليث واني نزعت الفستان وبدلت وفتحت التسربحه
وخليت معطر
شويه وصعد شايل امير وامير يبجي
ليث اموري يبجي عليج ممكن تسكتينه
ليث اباوع عليه لابسه ثوب احمر قصير لازك على جسمه
وفتحت الصدر جبيره
الثوب عبالك مفصل عليه تفصيل
نجلاء اخذت امير بحضني ونطيته مميه وليث فتح الكنتور وطلع تراك لبس بعدين نزل نص ساعه وصعد جايب عشى وجاي
طالب اكل جاهز
ريحة الاكل كلش طيبه
خله الصينيه بلكاع وكال تعاي اكلي
نجلاء خل امير ينام
ليث مو يبرد تعاي اكعدي واني اوكلج
اجيت كعدت مقابيله وامير بحضني وجاي يرضع ممه
اول شي سوه لفه زغيره وكال هاج
اجيت اخذه كال من ايدي
اكلت من ايده
بعدين يخلي لكمه بحلكه ولكمه بحلكي
نجلاء كافي شبعت
ليث انتي مااكلتي شنو شبعتي
نجلاء قابل مستحيه شبعت
كمت اخذت امير ينام بغرفته
نومته ورجعت لكيت ليث منزل الصينيه جوه
رحت فرجت اسناني ومسحت المكياج
ورجعت للغرفه
رجع صعد كال تنعسين
نجلاء لا ماانعس
ليث تعاي نتفرج هذا الفلم يخبل
شغل التلفزيون وجاب كرزات وكعدنا
شويه واندمجنا ويه الفلم وهو حيل متحمس
سمعت امير يبجي
رحت الغرفته جبته واجيت
ليث تعاي فاتتج احلى لقطه بلفلم كام يسولف على الفلم
واني خليت امير بحضني وتمددت
خلص الفلم وطلع ليث يغسل ورجع للغرفه
اتمدد بلجه الثانيه
يعني امير صار بلنص واني من جه وليث من الجه الثانيه
ليث حلمي اتعين حتى اكدر اعيشج انتي واموري احسن عيشه
نجلاء انشاء الله تتعين
اجيت اشيل امير ارجعه الغرفته
ليث لا عوفي ينام هنا اليله
نجلاء كل شويه يبجي خاف يضايفك
ليث لا مايضايقني انتي ماتعرفين اني شكد احبه
نجلاء هذا اهم سبب خلاني اوافق على هذا الزواج
لان حسيتك تحب امير ومتعلق بي
ليث اكيد اني مامتوقع وافقتي على هذا الزواج لان تحبيني بس انشاء الله راح اخليج تحبيني
وراح نكون اسره سعيده
نجلاء انشاء الله
بعدها طفينا الضوا ونمنا
كعدت على صوت امير يحوس ويبجي
لكيت نفسي بصف ليث وامير عابر للجهه الثانيه همزين ماوكع من الجربايه
شلته وطلعت برا غسلت الممه وسويت وحده جديده
ورحت الغرفته بلكت يرجع ينام لان بعد وكت
خليته بلجربايه وخليتله الممه وادك على ضهره بلكت يرجع ينام
ماحسيت اله ليث حاضني من ورا ومندك على امير
ليث ليش جبتي هنا
نجلاء يبجي خفت يكعدك من النوم
ليث مبين شبع نوم وراح يطلع كلبج جيبي للغرفه خل نلعب اني ويااا شويه
دنك على امير هااا حبيبي نلعب اني وياك
شاله بحظنه ورجعه الغرفة النوم
بقو يلعبون هو وياااا
طبعا امير اول كلمه نطقه بابا يصيح الليث بابا
باوعت الساعه سبعه ونص الصبح
خالتي صاحت من جوه
كعد امير جيبو اريد اشوفه اشتاقيتله
اخذه ليث ونزل جوه
واني غيرت ملابسي ورتبت الغرفه ونزلت وراهم
نجلاء صباح الخير
عمي وخالتي صباح النور مبروك
نجلاء الله يبارك بيكم
ليث شنو رائيكم نطلع نتغده برا
عمي وخالتي اخذ نجلاء وروح اتغده غير مره ونروح وياكم وحتى امير عوفي عدنا
نجلاء ليش لا كلنا نروح نتغده برا
ليث اي كلنا نطلع
عمي غير مره ونروح وياكم
نجلاء نضفت المطبخ وطلعت دجاج نكعته بليمون ووصيت خالتي تخلي بلفرن
صعدت بدلت وليث دخل سبح وبدل
وطلعنا بسيارة ليث نفتر
من ننزل من السياره يكمش ايدي ويبقى يسولف عليه
حسيت نفسي طفله زغيره
فرحان بيه بكد مااني فرحانه بي واكثر
كعدنا بلمطعم ناكل وبعدين طلعنا اكو مول مفتح جديد
يخبل
بقينا نفتر بي اشترالي فستان كلش حلووو وعطر
بعدين كعدنا شربنا عصير ورجعنا للبيت
وصلنا لكينا عمي وخالتي نايمين واموري نايم
صعدنا الغرفتنا
اني دخلت سبحت وطلعت لابسه روب قصير ولا فه شعري بمنشفه
لكيت ليث لابس برمودا وكاعد على الجربايه
سحبني وكعدني بحظنه الله ريحتج طيبه
سحب المنشفه وشمرها
بعدها تم زواجنا اني وياااا
بهاي الفتره عشت احلى ايام عمري
كنت احس ويااا اني طفله يعاملني احلى معامله
من يجي من برا يدور عليه
اذا واكفه بلمنطبخ يجي يحضني ويبوسني
ويساعدني بلطبخ
اذا انضف يساعدني بلتنضيف
كل يومين لازم نطلع نفتر شويه ونرجع
حتلو نشتري مواد منزليه
لو غذائيه اله ياخذني ويااااا
وامير لازكله لزك
بهاي الفتره كملت معاملة غيث ونطونا تعويض ١٠ ملايين
وقطعة ارض وراتب شهري
هذا التعويض نقذنا لان فلوس غيث خلصت
وراتب عمي مايكفي
عمي فتح حساب باسم امير وخله بي فلوس التعويض
اما الراتب كان عمي يقسمه بيني وبينهم بلنص
بدا ليث يدور شغل علما يطلع تعيينه كام يشتغل ويه واحد صاحب كوزمتك وكماليات
كلما تجي بضاعه جديده لازم يجيبلي منه
لو سيت نوم لو عطر لو مكياج لو تراك لو ثوب قصير
كل الي عشته ويه غيث مايسوه يوم واحد ويه ليث
لا مو يوم مايسوه لحظه وحده
ابد ماتندمت على هذا الارتباط
بلعكس كنت خايفه هو يندم
انتضره مثل الطفله بلباب وكل شويه اتصل علي
بعد شهرين من زواجنا طلعت حامل
اكثر واحد فرح ليث بهذا الحمل مامصدك طاير من الفرح
وخالتي تكول واخيرا امير راح يصير عنده اخوووو
