.jpeg "Knight of novels"){kind=small}
رواية جارتي الفصل السابع بقلم جمانه السعيدي
رنده...كلبي كلش محترك ومااريد اواجه احمد بلتليفون
اريده يجي واشوفه وهو يحجي وياي
هذا الكلام مو سهل
اذا عنده زوجه قبلي او حبيبه وعنده طفل ليش ماحجه من البدايه
ليش يضحك عليه ومسوي نفسه ماكو منه
لا ويكول اريد وحده حلوه وسمعتها طيبه
وسمعتك الزفت ليش ماذكرتها
ايجوز بعد ضام عليه شي شمدريني
بهاي اليله حنيين بقت وياي لان امي ماتكدر تجي
ماكدرت انام
الجهال يبجون ثنيبنهم
كمت اعيط عليهم اس اسكتو انعل ابوكم
مليت تعبت
حنيين...بسم الله الرحمن الرحيم شبيج ليش تعيطين عليهم همه شمفهمهم
جمانه السعيدي
اخذت حنيين علاوي بحظنها وكانت تحضر ممه
واني اخذت ابراهيم اريده يسكت
حنيين خلت علاوي بلجربايه وخلت بحلكه المميه ورجعت اخذت ابراهيم لان مايقبل يسكت
غيرت حفاضته وسوتله مميه بقت شايلته شويه
سكت وخلته بلجربايه وخلت الممه بحلكه
حنيين...طولي بالج بعدهم زغار ليش تعيطين عليهم
رنده...اني ماضايجه منهم بكد ما ضايجه من احمد
حنيين...شبي احمد
رنده...البارحه اجتني رساله من وحده يحجون هو وياها وتهدده تفضحه
حنيين...شلون يعني تفضحه تفضح علاقته بيها
رنده...لا لا ولج راح اموت وراسي يوجعني يمكن
ضغطي صعد
حنيين...اسم الله راح اعصرلج ليمون
رنده...كلشي متوقعه الا هاي ما متوقعتها
حنيين...شنو غير اعرف
رنده...احمد عنده علاقه بوحده وعنده ولد منها
حنيين....يااا عزا صدك توقعت يعرف وحده بلتليفون
يعني مراسلات وهيج شي
بس توصل اكو بينهم طفل
رنده...تكوله ابنك يسئل عنك يعني جبير يفتهم
حنيين...ايجوز تجذب
رنده...لا احمد راد عليها شكد ادفعلج وطلعين من حياتي
حنيين...يااا مسكينه اني من شفت زوجج
كلت هذا مبين مو راحه اصلا انتي لا يمه ولا قرباه
رنده...راح اموت من القهر
حنيين...واجهي
رنده...مااريد بلتليفون ويضحك عليه بكلمتين
اريد اشوف ملامح وجها
حنيين...لا تسكتين وتصيرين كدامه وحده مغفله
خلي يعرف انتي كشفتي
لاتصدكين بس هاي بحياته
الي يسوي هيج وتوصل الحد العلاقه خافي منه
رنده...وهي هيج بعد مااسكت ابد لان هو مستغفلني
وعايش الدور ومسوي نفسه ماكو منه
حنيين...عفيه هاي رنده الشجاعه الي ما تضيع حقها ابد
رنده...بس خل ينزل باجر اني اعلمه
جمانه السعيدي
بقت حنيين الحد الضهر وبعدين رجعت البيتها
لليل نزل احمد
احمد...شلونج رنده
رنده...مارديت علي
احمد...شبيج حبيبتي بعدج زعلانه ترا من خوفي على الجهال حجيت هيج
لحظة عصبيه وعدت
رنده...فتحت التليفون وخليت الرساله بوجها
اخذ التليفون من ايدي هااي شنو الرساله
قرها بقه ساكت حسيته ارتبك
احمد...وانتي صدكتي مو
رنده...ليش مااصدك مثلا
احمد...لان هاي رساله مفبركه واذا ما تصدكين هاج تليفوني
رنده.. ايجوز ماسحها مبين شاطر بهاي السوالف
احمد...انتي متغيره جاي تصدكين اي شي عليه
اني تعبان اريد اسبح وارتاح مو فارغ السوالف الجهال هاي
رنده...واني اريد اطلك
احمد...شنو تطلكين علمود رساله انتي تردين اضحكين الناس علينا
رنده...هاي مو رساله عاديه وتعاملك وياا الموضوع كأنما مومهم او شي عادي
هذا يااكدلي حقيقة الموضوع
احمد...رنده لا تخربين حياتنا بهاي الخرابيط
مبينه هاي الي دزت الرساله تريد تخرب بينا
كبري عقلج وفكري بجهالج
رنده....ليش ما حجيتلي قبل لا نتزوج
احمد...بابا جذب تعرفين شنو جذب ماكو هيج شي
بعدين اني اذا عندي هيج شي
ليش اضم عليج اني رجال واذا انتي ما وافقتي على الزواج
غيرج توافق قابل راح ابقى بدون زواج
رنده....اني مصدكه هذا الكلام لان انت من كامت تجيك رسايل على التليفون وانت حالك كله تغير
احمد...اي مو كتلج واحد يهددني لان عنده معامله يمي واني ماخلصتها اله
وهو مسنود كام يهددني مو كتلج دزلي صورة جهالي
رنده...واني ما مصدكه
احمد...ممكن ما نتناقش بهذا الموضوع هسه لان اني تعبان
واريد ارتاح
اني راح اقدملج كل الادله هذا الكلام موصحيح
اذا تردين تبقين زعلانه بكيفج
بس اني اكلج اني احبج واحب جهالي ومراح اسكت الاي احديحاول يفرق بينا
جمانه السعيدي
رنده...عافني وراح دخل سبح وراح نام بلغرفه الثانيه
واني كمت اغلي
ليش هيج يتعامل وياا الموضوع برود
معقوله يكون هذا المسج مكيده معقوله اكون غلطانه
بس هيج مواضيع مابيها غلط
ماكدرت انام ولا كدرت اغمض عيوني
اتواصلت وياا حازم يجي ياخذني بيت اهلي
لان رد احمد عليه ماعجبني ومااكدر اتحمل ابقى وياا بنفس المكان بعد
شويه واجا حازم جايب سياره وجاي
تقريبا الساعه عشره بليل اخذت شي قليل من الملابس
وطلعت حازم شايل علي واني شايله ابراهيم
بس وصلت بيت اهلي كمت ابجي
امي...ليش تبجين
رنده....احمد ما مهتم للموضوع ولا كأنما هذا الموضوع مس كرامتي راح نام بلغرفه الثانيه
بعد مااكدر ارجع للبيت
امي...خاف زعلتي
رنده...منو المفروض يزعل اني لو هوووو
امي...ارتاحي نامي والصبح يحلها حلال
رنده...مستحيل اكدر انام
امي...اني راح اجيبلج منوم واني اسهر وياا الجهال
رنده....اخذت حبابه وبقيت تقريبا ساعتين احوس هلكد ما مقهوره يله نمت
بليل سمعت الجهال يبجون
بس مااكدر اكعد الهم امي بقت كاعده للصبح
الصبح الساعه ثمانيه رن تليفوني اسمعه بس مااكدر اكعد
طبعا اني صار فتره من ولدت لليوم ما شبعانه نوم
عبالك هاي الحبايه نزلت عليه من السما
اريد بس انام
امي ردت على التليفون
امي.. هله يمه احمد
احمد...صباح الخير خاله
امي...صباح الخير
احمد....رنده والجهال عدكم
امي...اي عدنا بس رنده حيل تعبانه من الجهال
ونايمه
احمد...خليها نايمه الساعه عشره اجي عليها
امي...اهلا وسهلا
رنده...بقيت نايمه للعشره همزين الجهال نايمين
لان اليل كله كاعدين امي بقت كاعده وياهم
رنده...حسيت واحد يلعب بشعري فتحت عيوني
شفته احمد دنك عليه وباستي
درت وجهي منه
احمد...صباح الخير حبيبتي
رنده...مارديت علي
احمد....احبك حتى من تزعل واتاني تعود يااول عشك كلبي بهوا موعود
هاي اغنيه ياس خضر لو حسين نعمه
حبيبتي اني اسف بس من رجعت البارحه جنت حيل تعبان
وانتي اول مادخلت جبتي التليفون وخليتي بوجهي
رنده...كعدت ولميت شعري
رنده...وانت شسويت كبل عفتني ورحت نمت
مو عبالك احجي وياك عبالك جلبه تنبح
احمد..... حشاج انتي مو جلبه انتي ورده واحلى ورده
رنده...بعد ما تضحك عليه بكلمتين اني اريد اطلك
احمد....يمه اموت ولا اسمع هاي الكلمه
وخاصتا منج لو يعلكوني على حبل المشنقه مااطلكج
غير انتي حبيبتي جمانه السعيدي
رنده...والرساله شنو موضوعها
احمد...جذب بابا جذب وحده تريد تخرب بينا
رنده...زين رجع الرسايل الي حاذفهن من الواتساب
والماسنجر
احمد...انتي وين شفتي الرسايل
رنده...شفتهن رجعهن اقراهن واني اصدكك
احمد...بيني وبين جماعتي
رنده...وليش ماسحهن اذا مابيهن شي
احمد.... حبيبتي عوفي موضوع الرسايل وتعاي نبدي من جديد وواعدج بعد مراح تتكررهيج رسايل
رنده...اي وبعدين اتفاجئ وحده ادك الباب عليه وياها طفل
تكول هذا ابن احمد
احمد...ماعندي اطفال ماعندي اطفال تفهمين لو لا
ماعندي غير علي وابراهيم
رنده...رجع الرسايل خل اقراهن واني اسكت
احمد...لا انتي حيل مكبره الموضوع
اني اعوفج ترتاحين بيت اهلج وبعدين ارجعلج
طلع احمد سوه نفسه زعلان لان حس اني راح اكشفه
ولأن شافني مصممه اقرا الرسايل المحذوفة
اتصلت عليه حنيين
حنيين...شلونج شلون صرتي اليوم بقا بالي يمج
رنده...اجيت بيت اهلي ارتاح
حنيين..تعاركتي انتي واحمد
رنده...اي لان نكر كلشي
حنيين...ولله حيال نكر كلشي لاتصدكين بي
رنده...مراح ارجع اله يرجع الرسايل المحذوفه واقراهن
حنيين...زين تسوين بي خلي يضوك شويه من عذابج صار
كم يوم وانتي عايشه بقلق
رنده....وين يروح لازم يرجع علمود جهاله
حنيبن...اي رنده صايره خطيره
رنده...اني مو غبيه بس اسامح واعدي هواي بس هلمره
مراح اسامحه ابد
حنيين....صدكي الزلم يستغلون المره الفقيره واذا عرف هي تحبه يلعب بيها طوبه
رنده...اي صدك هذا الحجي كلشي توقعت بس احمد عنده طفل من غيري مامصدكه
حنيين...ايجوز تكتشفين بعد اشياء اكثر
لاترجعين بسهوله اشلعي كلبه حتى يتوب من صدك
رنده...مستحيل ارجعله
طلع خاين وماله امان
شكرا لزيارتكم عالم روايات سكيرهوم
.jpeg "Knight of novels")
