رواية كيد الرجال الفصل السابع بقلم جمانه السعيدي
لطيف...رجعت للبيت اعرفها كاعده بس سوت نفسها نايمه طبعا هي كله تنام بغرفة الجهال
وابد ماتجي يمي
بحجة يكعدون يبجون بليل رغم أعمارهم ٣ سنوات
وتعدو هاي مرحلة يكعدون بليل
المهم اني بس دخلت سوت نفسها غافيه
خاف اطلب منها شي
بوست الجهال وطلعت
كمت اكرها شكد.رخيصه الخاطر الله
شكد جنت مخدوع بيها
طبعا هاي الخيانات صارت بعد ماصار مصطفى وايه
قبل جانت شويه احسن
بس من حست نفسها مسيطره بعد مااجوا الاطفال كامت ادور علاقات صرت اني مااعجبها
المهم غسلت ونمت
الصبح اني اكعد واطلع ابد ماتكعد ولا تحضرلي ريوك
او الاصح لا ريوك ولا غدا ولاوعشى
خلص اني تعودت خلاص
رحت للدوام الساعه بلعشره ونص اتصل علي
علي...هلو لطيف جاي تراسلني
لطيف...اي احجي وياها بس اثكل عليه خليها تركض وراك بدون ماتندل دربها
علي..تمام
سحر....صباح الخير
علي...صباح الخير
دزيتلها الصوره لمن الخدامه خلت الجاي كدامي
علي.....وهاي منير الحارس صورني واني اشرب الجاي
يكول حتى تبقى ذكرى خاف ترجع الامريكا
هاي الصوره من قلب الحدث وانتي شجاي تسوين ياحلوه
جمانه السعيدي
هي شافت المكان والخدامه وهي تخبلت
سحر...هذا بيتك
علي....شنو بيتي هاي الفلا الي ساكن بيها
سحر...الله حلوه
علي...انتي الحلوه
سحر....الله عليك عجبتك
علي...احجي الصدك مراح اجاملج
سحر...اي
علي....ابد مامتوقع اكو وحده بلعراق هلكد حلوه الصراحه البارحه انبهرت بس
سحر...بس شنو
علي...مع الأسف مرتبطه
سحر...اني مجبوره على هذا الزواج ومقرره قبل لا اتعرف عليك انفصل بس ايه ومصطفى شلون
علي...جهالج ايه ومصطفى
سحر...اي
علي...يشبهونج لو يشبهون ابوهم
سحر...البنيه تشبهني والولد يشبه ابو
علي...اني مقدر وضعج بس غلط الي جاي نسوي
مو اكلج اني عصامي وماعندي علاقات
بس علاقات وياا بنات مامزوجات
وحظي بيوم ماحبيت احب وحده مزوجه
سحر...مو كلنا راح انفصل
علي....راح تنفصلين الضاهر هذا كلام لان اذا فعلا مقرره تفصلين شنو منتضره مثلا
سحر...مو هذا الحيوان مراح يقبل بهلسوله
علي...من رخصتج عندي شغل
سحر...من تفرغ نحجي
علي...تمام
صورت المحادثه ودزيتها اللطيف
بعد ساعه
علي....لطيف سحر جاي تتصل عليه هلمره اتصال
مو مراسله
لطيف...احجي وياها مكالمه بس لا تفتح كامرا شوف اي حجه لا تكشف المكان
علي...تمام
اتصلت مرتين والمره الثالثه رديت
سحر...ليش ماترد عليه
علي.. عندي شغل ممكن تتصلين وقت ثاني
سحر...بس تخلص شغل اتصل عليه
علي..تمام
سحر...انتضرك
رجعت اتصلت العصر وماجاوبت عليه تلعب نفسي منها
شكد رخيصه الخاطر الله
بليل رجعت اتصلت لطيف كان موجود
لطيف...جاوب اطلب منها موعد لازم تشوف الخير بعيونها حتى تصدكك
علي.. شلون موعد ووين مثلا
لطيف....مالك شغل اطلب منها موعد وبس
علي.....الووو
سحر...ليش هيج تجاهلني
علي...لا مااجاهلج بس كتلج اني مشغول عندي شغلي
لازم انتبهله يعني اليوم من اتصلت عليه
كانت عندي صفقه مهمه مستحيل اعوف شغلي والملايين وارد عليج
طبعا هي مجرد تسمع طاري الفلوس تفقد حتى ماتركز بكل التفاصيل تركز شلون راح توصل الهاي الملايين
هي سلاحها جمالها وبس
تحاول تغري علي بجمالها حتى تسيطر علي
مثل مسيطره على لطيف قبل
سحر...اني الصراحه تعلقت بيك
علي...لا تنسين انتي مزوجه
سحر...خبصتني مزوجه مزوجه واذا مزوجه
علي.. اي لازم تشوفين حل بسرعه
سحر...اليوم بس يرجع لطيف اطلب منه الطلاك
علي...اذا وافق عود راسليني
سحر...تمام
علي..بس عندي سوال
سحر...اي
علي...اذا ماتحبي شلون ازوجتي
سحر...اهلي غصبوني علي
علي...حرامات وحده مثلج كون اتصيف بروسيا
وتشتي بماليزيا كون كل شهر بدوله
كون الخدم والحشم تركض كدامج
انتي انخلقتي حتى تعيشين اميره ملكه
مو خدامه الواحد مايفتهم وجهال وشغل شنو هذا لعبان النفس
سحر....اوووف اوووف لا تهيج عليه الوجع
لطيف...اشرتله يطلب منها موعد
علي...شوفي اني الكلام بلتليفون مايفيدني
اريد اشوفج وجه الوجه
سحر....مااكدر
علي...خلاص انسي الله وياج
سحر...لا اوكف لا تزعل باجر احاول أدبر وكت نطلع اني وياك
علي...اي تمام لا تتوقعين اني اريد شي منج لا سامح الله
بس اريد اعرفج حق المعرفه
سحر...باجر
جمانه السعيدي
لطيف.....رجعت بليل كاعده منتضرتني
يوميه نايمه بس اليوم كاعده
سحر... منتضرتك
لطيف...يالله منتضرتني لازم اشتاقيتلي
سحر...لا بس باجر اريد اطلع العصر
لطيف...ووين
سحر...عندي التهابات واريد اروح للدكتوره
لطيف...والجهال
سحر....تكدر تبقى يمهم
لطيف...خليهم يم اختي ام يحيى
( اختي ام يحيى اكبر وحده بعائلتنا ارمله عدها بنات ٣ ثنيبن ازوجن ووحده بعدها تدرس )
سحر...اريد فلوس
لطيف ...ومنيلي فلوس على ايدج الراتب اول ماستلمه
اخذتي ومابقالي منه شي
سحر...خلاص اجيب من امي ومن نستلم الراتب نرجعهن
لطيف...انتي رجعيهن اني مالي شغل
سحر...هاي شبيك تغيرت
لطيف...اني تغيرت لو انتي حتلو عندي طابعه مال فلوس مالحك عليج
سحر...خلاص ماكو داعي الهذا الكلام
لطيف...ثاني يوم رحت اجرت سياره احدث موديل
وعلي راح كشخ كل قوته وتعطر
طلبنا من سلام يجي ويانا حسبت ساعه
يشتغل سايق سياره
طبعا بلبدابه اتردد بعدين الله هدا وافق
هم اجا كاشخ
جمانه السعيدي
طلعت السياره سلام السايق وعلي المدير
اتصل عليها اتفق وياها على مكان وارح جابها بلسياره
طبعا هي ساعتين كدام المرايه حارت شسوي وشخلت
العطر وصل السابع جار
لبست ثوب اسود مقسم جسمه وتقسيم
وحذاء عالي وجنطه سوده
طلعت غير وحده
لطيف...اخذت الجهال دزيتهم الاختي حيل فرحت بيهم
جمانه السعيدي
بقيت على تواصل وياهم
علي...نزلت من السياره هلو سحر
سحر...عينها على السياره اهلا وسهلا
علي...تشرفت بمعرفتج
سحر...اليه الشرف
علي...وين تحبين نروح
سحر...بكيفك بس مو اتأخر لان الجهال عفتهم يم حماتي
علي...انت احلى هووواي هوووواي بلحقيقه
سحر....شكرا
علي...بلاول خلي اشوفج وين اسكن اذا رب العالمين قسم النا نصير البعض راح نسكن بلعراق بلفلا
بس اني مااكدر ابقى بلعراق اكثر من شهرين
الحياة هناك تختلف حياة ثانيه
اكيد هلمره راح ارجع وايدي بايدج اني لكيت جوهره ومستحيل افرط بيها
علي...اخذتها للسكن الي بي الفلل فتنا من كدام الفلا
شوفي هاي الفلا الي دزيلتج صوره من داخلها
وبعد عندي ثنيين
وناوي اشتري الثالثه الي تعرفنا اني وياج بسببها
تحبين تدخلين اشوفين المكان من جوا
بهاي الأثناء وصلنا كبال الفلا وسلام دك هورن المنير
الحارس والحارس رفع ايدا يسلم علينا
سحر...اي اتمنى اشوف الفلا من جوا
علي...عدلت الستره اريد انزل بعدين كتله اوكفي
هي تريد تنزل من السياره
علي...مااكدر اخليج تدخلين الفلا اله عروسه
مااريد باجر الخدم والحارس ياشرون عليج ويكولون هاي جانت تجي وياا هنا هاي شكد رخيصه
اريدج تدخلين هنا انتي عروسه لابسه ثوب العرس
والكل ينحني كدامج لان انتي سيدة هذا القصر
علي انفخ بيها واكول بكلبي بسلا تصمم ندخل الفلا
ساعته كتلنا يصير دفرات منير يموتني تموت
راسا رجعت عدلت كعدته مبين الكلام جاب فايده
سحر....اي كلامك صحيح اني هم ماأحب ارخص نفسي
علي....شكد كبرتي بعيني الصراحه الصراحه
لو موافقه تدخلين وياي للفله جان اخذت عليج غير نضره
جمانه السعيدي
سحر....لا لا مااقبل هيج تكول
اني بعمري ماطالعه وياا احد غيرك هاي اول مره اطلع هيج
حتى الكامرا
ماافتح كامرا ابد بس انت ساحر
خربطت كياني عششت جوا كلبي اني نسيت نفسي وجهالي
من تعرفت عليك
انت احلى شي صار بحياتي كلها
علي...انتي الي ماكو احلى منج ابد
اشرت للسايق اطلع مشينا بلشارع كبل
اشرتله على فلتين ليكدام وكتله ذني اليه وهاي الفلا الي اريد اشتريه
عاد تصير باسم منو الله اعلم غمزتلها وضحكت
سحر...اكيد راح تصير باسمي واني اذا كلت كلام لازم يصير
كلما نوصل الفلا سلام يدك هورن للحارس
كلهم يعرفونا لان يجي يعدل الحديقه
وهي متوقعه لان اني صاحب الفلا يسلمون علينا
مو اكلكم الفلوس عمت عينها عن الحقيقه
علي...ننزل نشرب شي
سحر...لا خاف احد يشوفني ويحجي اللطيف وساعتها راح يعاند اكثر وما يطلكني
رجعني للبيت
رجعتها للبيت ماقبلت تنزل بنفس الشارع نزلت بلشارع الثاني
نزلناها ورحنا رجعنا السياره
واتشكرنا من سلام فعلا الصديق وقت الضيق
لطيف اتصلت على علي
علي...خلص كلشي تم مثل ما اتفقنا
لطيف....من توصل دزلها تصوير الفلا من جوا خلي يطير عقلها
علي..تمام
علي...دزيتلها تصوير الفلا وكتبت
لان مادخلتي وشفتي المكان من جوا حبيت اصوره اللج
حتى تشوفينه
حبيبتي اشتاقيتلج وجودج بحياتي غير هواي اشياء
كل عمري رافض فكرة الزواج
لان عندي عملي وحياتي الخاصه
بس وجودج غير توازن حياتي
انتي لغيتي الكل وتربعتي ب ❤
اشكر الصدفه الحلوة
