رواية علي اليتيم الفصل الثامن بقلم جمانه السعيدي
علي....بعدها امي تحجي دخل مهدي جايب عشى وسيت مي شرب ومنشفه وترمز جاي
مهدي...بعد تحتاجون شي
علي...لا سلامتك هواي هذا
مهدي...لا مو هواي واني ابات اليله هنا
علي...ما يحتاج امي بعد شويه تضرب ابره وتنام
واني هم انام
مهدي...اني ابقى يمها هي هم امي وانت روح ارتاح
علي...اني ارتاح من اشوف امي مرتاحه
مااعرف انام بمكان امي ماموجوده بي روح واني من احتاجك اتصل عليك
مهدي...تمام اني هم اتصل عليك
بس طلع مهدي رنت عليه ربحانه اليوم رنت اكثر من خمس مرات وما جاوبتها
علي...هلو ريحانه
ربحانه...هلو علي ليش ماجاوب قلقتني عليك
صاير شي ابوي زعلك بشي
علي...ابوج معدل ابد ما زعلني بس امي مريضه
وصار يومين داخله مستشفى واني وياها
ريحانه...سلامتها الف سلامه
علي...الله يسلمج
ريحانه...تحتاج شي
علي...لا ما محتاج شي الحمد لله بس محتاج دعائج
حتى امي تكوم بلسلامه
ريحانه...الله يشافيها ويعافيها
علي...امانه ادعيلها
ريحانه...شنو اكو شي الموضوع يخوف
علي....لا بس محتاجين الدعاء اني من افرغ اتصل عليج وافهمج
ريحانه...تمام الله وياك
جمانه السعيدي
علي...كعدت امي تعشت وشربت جاي
واني اكلت وياها شويه
امي...اريد اكمل قصتي اخاف يصير عليه شي
علي...لا تكولين هيج تردين تعوفيني
امي...لو بيدي مااعوفك ابد
علي....انشاء الله تصيرين احسن
امي...خل اكمل
كل يوم كنت اروح وياا امي تخبلت على محمد
مااشوف شي غيره بلدنيا
وهذا التصرف كان اكثر تصرف غبي سويته بحياتي
يعني الشغله مبينه وواضحه وضوح الشمس
اني ووين وهمه وين
اني وامي وابوي نشتغل خدام عدهم
شلون اجا بعقلي ممكن واحد مثل محمد يحبني
ويتعلق بيه لمجرد ببتسلمي لو يسلم عليه
شكد غبيه
اكثر شي اكل كلبي وتندمت علي هاي الشغله
كنت عايشه دور الحبيبه
وهو اصلا وحده مثلي ماتجي بعقله ابد
كل ليله انام واحلم يزوجني واعيش بهذا البيت الجبير
حالي حال جنتهم زوجت امجد
واصير غير انسانه
اصراري على التواجد بقربه وتمسكي بدور الحبيبه
شجعه حتى يتمادى عليه
اول مره من نضفت غرفته كان ماموجود
ثاني مره كان موجود ويوجهني شنو اسوي
ثالثه مره كان معجب بشغلي وترتيبي الملابسه
اكو مرات اروح بس مااشوفه لو نايم لو طالع
شكد اضوج اذا مااشوفه
فاتن ٣ اشهر واني عقلي وكلبي مشغولات بي واتخيله هو يحبني مثل مااحبه
كان حاسس بحبي اله وحب يستغل هاي الشغله الصالحه
حب يتسلى بيه
بخلص وقت براسي
اول مره كال تعرفين انتي شكد حلوه
بوقتها من سمعت ذني الكلمتين وكانما ملكني الدنيا
اجيت اموت من الفرحه
كلبي يدك على السريع وكانما واحد يركض وراي
لزم ايدي واني فقدت تركيزي
محمد...هاي شبيج ليش هيج وجهج صار اصفر
امل...ماكدرت احجي ولا كلمه
محمد...اكعدي
كعدني على السرير وجابلي مي هو شربتي بنفسه
بدا يفرك بايدي ويهديني
حاول يبوسني ما قبلت راسا كمت من مكاني
طلعت من الغرفه ونزلت الدرج ورحت كعدت بصف امي
ساعته كنت كلش خايفه
على فرحانه على متوتره كل المشاعر الحلوات والموحلوات هجمن عليه
بحيث مااكدر احدد اني فرحانه لو لا
كنت فرحانه وخايفه بنفس الوقت
شويه ونزل وراي راسا صعد السياره وطلع من البيت
جمانه السعيدي
حسيت بلحظته زعل مني
تندمت حيل رغم اعرف تصرفه غلط بس تندمت
شلون منعته
هو يحبني ويريد ببوسني اكيد يحبني لان مامجبور يسوي هيج شي وياي
اكيد يحبني ومتعلق بيه
البنات الي وياا بلجامعه كافيات علي
ليش يباوعلي اذا مايريدني
بقا يومين زعلان وما يفتح غرفته ولا يكول تعاي نضفيها
ولا يسلم عليه
من يشوفني يدير وجها عني
حسيت نفسي راح اضيعه من ايدي بهذا التصرف
لو ما يحبني مجان زعل عليه
ثالث يوم اتاكدت هو نايم فوك كان يوم جمعه
صعدت وبقيت منتضرته
لمن يكعد بس فتح باب الغرفه
وكفت بوجه وكلته اني اسفه
جان توه كاعد من النوم وبعده ما مصحح حيل
لابس شورت طويل اسود وفانيله تعلاكه بيضه
باوع عليه نزل حواجبه
محمد.. على شنو
امل...لان ذاك اليوم يعني صديتك
محمد...هااا اني نسيت تعاي نضفي غرفتي
طلع من الغرفه واني دخلت انضفها
شويه ورجع عليه غاسل وجها ومبلل شعره
باوع عليه نضره غريبه ماعرفت افسرها
حسيتها نضرت حب
بس هي كانت نضرت الصياد
راد ينزع الفانيله واني ردت اطلع من الغرفه
راسا لزمني من ايدي
محمد....ووين رايحه
امل...بدل براحتك
محمد...بس انتي راحتي سحبني وكعدني على السرير
تعرفين اني احبج
امل...ابتسمت ودنكت ما مصدكه
محمد...احب خجلج احب برائتج احب كلشي بيج
اني اعرف هواي بنات بس انتي تختلفين عنهن
انتي حلوه ونضيفه وطبيعه
امل...اني هم احبك واموت عليك
محمد...كنت اعرف انتي تحبيني اني عندي خبره
واكدر اقرا العيون
وانتي عيونج دمار
حاول يبوسني هلمره استسلمت
بس من شفته بدا يجاوز عليه ابتعدت عنه
محمد....ليش خايفه مني اني احبج
امل....بس هذا الشي غلط
محمد...وين الغلط واحد هو وحبيبته
امل...بس لازم تخطبني
سحبني من ايدي وكعدتي بصفه
محمد...اكيد اخطبج بس اني بعدني طالب غير اتخرج
وبعدين اخطبج ونزوج
امل...يعني تزوجني
محمد.. اليه الشرف ازوجج اني وين الكه وحده مثلج
امل.. تحجي صدك
محمد...انتي ما واثقه بيه
امل...اكيد واثقه بيك واحبك اموت عليك
محمد...شنو يرضيج اني حاضر
امل...تقسم برب العالمين اني راح اكون زوجتك
قسم كدامي برب العالمين اني زوجته ومراح يتخلى عني
وراح يزوجني كدام العالم
امل... كول رب العالمين شاهد عليه مااخون
محمد...رب العالمين شاهد عليه مااخون كون يصير بيه
عاهه مستديمه طول عمري
اذا خالفت هذا العهد
امل...اني بلحظته كنت واثقه من كلامه
لان رب العالمين كان شاهد علينا
محمد...كولي زوجتك نفسي على سنة الله ورسوله
امل....رددت ورا واني فرحانه
هذا الكلام بمثابة عقد بينا ورب العالمين شاهد علي
جمانه السعيدي
وهاي اللحظه ازوجنا اني ويااا
ماكنت خايفه لان كنت واثقه بكلامه واني صرت زوجته كدام رب العالمين
اني من جهتي رب العالمين شاهد على زواجنا
وهو من جهته كان يلعب عليه
بس نسا رب العالمين الشاهد الوحيد على هاي الزواجه
من بعدها كنا نتواعد اني وياا
كل يوم بيتهم وبغرفته جابلي شكد هدايه
كنت ما مصدكه نفسي
اكثر من مره اجيت احجي الامي
اريد اكله اني جنتهم اني زوجت محمد
بس هو كان منبه عليه مااحجي اي شي لمن هو يقررر
يعلن هذا الزواج
بعد شهرين ونص من هاي العلاقه طلعت حامل
اني طبعا مااعرف اعراض الحمل ولا سامعه عنهن
بس اختي احلام اجت تبشرنا بحمله
بدت تحجي تفاصيل عن غياب الدوره والوحم
هنا اني انتبهت
نفس الأعراض الي عندي
يمه بسلا حامل ابوي يموتي يااا شلون بيه
ثاني يوم امي ماراحت الببت ابو محسن لان احلام عدنا
وهم هم ماعدهم شغل قوي
اليوم الي بعدا ام محسن وجنتها راحن سفره
بقنا ٣ ايام يله رجعن
واني عقلي يجيب ويودي شلون بيه شلون اذا طلعت حامل حسبت صار شهرين والدوره ماكو
بعدها ام محسن دزت علينا لان البيت متروك صار اربع ايام
حتى انضف رحنا اني وامي
بيومها مالكيت محمد
طالع سفره وياا جماعته
اسبوع كامل وهو ماكووو ماراجع للبيت
احسب يوم يوم شلون بيه الضاهر صدك اني حامل
خلص نص الشهر الثالث
بس اني ابد ماعندي وحم عاديه كلش
اكل كلشي ونفسي زينه
رجع اجا محمد صعدت بحجة انضف البيت من فوك
كعد من النوم بس ماكدرت احجي وياا لان زوجت امجد صعدت فوك وكالت تعاي ساعديني انضف غرفتي
وهو سوا نفسه مايعرفني اصلا
من شافني راسا نزل حتى ما سلم عليه
من كملنا تنضيف غرفتها مالكيته طالع
اليوم الي بعدا امي ماقبلت نروح عليهم
بس اني كاعده على نار شلون بيه لازم محمد يستعجل
ويعلن زواجنا لان راح انفضح
اليوم الي بعدا كعدت اقنع امي حتى نروح عليهم
كوه اقتنعت
رحنا اني وامي عليهم
امي التهت تعجن وتخبز واني صعدت فوك
دكيت الباب علي كان نايم
فتحت الغرفه ودخلت وكفت يم راسه
امل...محمد محمد اكعد فدوه
فتح عيونه وبين علي الانزعاج رجع غمض عيونه
محمد...شتريدبن شكووو شعندج
امل...محمد الحكلي فدوه اني حامل
فتح عيونه حيل باوع عليه كعد
محمد...شنو
امل...حامل
محمد...انتي حامل
امل... اي
محمد...واني شنو دخلي
امل...شلون شنو دخلك اني حامل منك
محمد....شنو مني انتي اكيد تخبلتي شوفي وياا منو نمتي
لا صيرين شريفه براسي
امل...لا ولله اني محد قربلي غيرك
محمد...اطلعي اريد تكمل نومتي واذا سمعت هذا الكلام مره ثانيه
ما تلومين اله نفسج مو بس انتي اطردج
انتي وامج وابوج عوزي بعد بس الخدامه
للحكايه بقيه تفاعل حلو مثلكم
