رواية بنت الحرام الفصل الثامن 8 بقلم جمانه السعيدي

جمانه:::

خلاني بحضينه ونام..شفت انفاسه هدأت وغفة..ادنيت شويه بقيت اباوع عليه..واحجي وية نفسي..ياربي هو هذا ضرار..اليخوف والناس..ترجف من صوته صدقه لعمرة شلون نايم مثل الطفل..شعره اسود فحم..ع المخدة..وشواربه مرتبات واللحيه..تجنن..والكصه تضوي..اويلي..والعيون مغمضات..ورموشهن ثخان ومكلوبه..جسمه معضل ولونه خمري..خو..الشعر الي بصدره سالفة ثانيه..غمضت عيوني عبالك اريد احلم من جديد اريد اتذكر شكد جان هاديء ورقيق..وياي..شكد حلوة نظرته من يفتح عيونه ع النص ويبتسملي..بعدين يبوسني ويحضني..واديه دافيات..وحنينات..صافنه..بوجهه..سبحان الي خالقة..شكد شكلة كيوت وشخصية..هيج..نظيف يلمع عبالك سابح بالحليب..شكد جنت اخاف منه واكرهة بس اليوم صدمني..برقته ورومنسيته..يعني شخصيته..تختلف..اختلاف السمه عن الكاع..بره هذه الغرفة يزمخ وينتر..ومينجرع..وهنا عبالك واحد من الملائكة..اوف هسه اني شبيه هيج افكر..راح احسد نفسي..ممصدكة هذا صدوك زوجي ..هسه..صدوك..جان كاتل نفسه عليه حتى يحصلني..بنفس الوقت بكلبي خوفه..

بكد الدنيا واهلها..اخاف..يعوفني..اخاف..يمل مني ويطلكني ربي مروتك..لتخلي يعوفني..ليلة وحده ويا..خلتني تعلقت بيه لعد شلون اذا عشت وياه فترة اطول..يمكن اعشكة عشك..مصاير ولاداير..مروتك..ربي خلي يحبني وميتخلى عني..ابد..اريد ابقه زوجته..اريد احس بحنانه..اكثر واكثر..جنت..اباوع عليه وافكر شفته فتح عيونه..وباوع عليه:

ليش متنامين يروحي..

هاا..اي هسه انام..

رجع حضني وباسني ع شعري..غمضت..وغفيت بحضنه...ساعة بالسته الصبح كعدت هو..حس بيه اريد اكوم لزم ايدي:

وين رايحة

ضرار..الشمس طلعت..وامك..تكعد يوميه..بالسبعة لازم انزل..

بعد ساعة كدامنه..

لا انزل هسه..

تعالي انطيني حضنه وبوسه ونزلي..

ادنيت يمه باسني..بوسه حلوة..دافيه وحضني..بعدين وخرني ضل يباوع بوجهي..كتله:

ضرار..فدوة لتعوفني!

ليش هالفكرة ابالج!؟

اخاف تمل مني وتطلكني..

هههه..مادام انتي راضيتني ومريحتني ما اعوفج!

و..وشلون ابقه راضيتك..ومريحتك حتى متمل مني!

هههه..لا ..يافطيرة ع السؤال..ماشي..اشرحلج..مثلا..البارحة صعدتيلي بالاسود..بس اني مشيتها..كلت..خليها..اول يوم وبعدها مرتبكة..بس اليوم خلص الخوف الارتباك.صرتي الي..يعني باختصار ديري..بالج عليه!

فهمت..قصدة..يعني يريدني اعتني بنفسي وابدل..فكتلة:

ماشي..فهمت!..بس احتاج كم شغله اشتريها..

مثل شنو!؟

يعني شغلات مال نسوان..انت متعرفهن!

ههه..كولشي..اعرف..معليج..الظهر من اجي اجيبلج كولشي وكلاشي وياي..

بكيفك..

ضرار..انت..انت..ليش..م..

هااا..ليش سكتي كملي!

قصدي..راح ابقه اصعد لغرفتك..بالبوكات..اخاف اهلك يحسون علينا.و..

معليج..باهلي..اني اعرف شدا اسوي..وبعد لتفتحين هالموضوع وتضوجيني!

حسيت بيه حيل ضاج من جبت طاري اهله فكتله:.

ماشي..ماشي بعد ما احجي بيهم...لتضوج صدقه لعمرك

اي..هيج صيري..عاقلة وتعودي عليه وعرفي اليريحني..واليضوجني!

ماشي..بعد ما اضوجك..والله..

بعدين..نزلت..دخلت الغرفة البنات..لكيتهن نايمات..فكرت اذا ابقة انام يم البنات..واصعد راح يحسن عليه..لازم ارجع انام بالغرفة الي..جنت انام بيها حتى اكدر ابدل لو ارتب نفسي..رجعت صعدت لكيته رجع نام..ادنيت:

ضرار..ضرار..اكعد شويه..

فتح عيونه..

ها..يروحي..

اكولك فدوة من تنزل خلي..يرجعون جربايتي للغرفة الي جنت..انام بيها!

صار..

شكرا..

ردت..امشي خطوة لزم ايدي:.

شبيج مستعجلة؛

انزل هسه احسن..

سحب ايدي باسها..مرتين..

نزلت..كلبي يدوك..عقلي طيره..شهالرومانسية من الصبح

دخلت لغرفة البنات سويت نفسي نايمة..صارت الساعة بالسبعة الاربع كعدت سلسبيل..

كعدن يبنات خلي..نسوي ريوك..راح تصير بالسبعة..

كعدت..هديل اني هم كعدت كولمن رتبت فراشها..وطلعنا هديل سوت جاي..وحليب واني رتبت الطاوله بعدين كعدو..تريكو..ومرت الصبحية عادية..ومن اجه وقت الغده جوي ضرار..وعمو من المحل ضرار..بيده علاكتين..صعد بيهن لغرفته..وبعدين نزل يتغدة ويه امه..

وعمو..ورة الغدة سويت جاي..جان ضرار..يكولي:

جمانه صيحي البنات!

اي هسه اصيحهن!

صحتهن..جني يركضن..شكو ليش..صاحنا شيريد!.

ما اعرف بس كال صيحيهن!

الله يستر!

اول مدخلن..كلهن..

رجعن جربايه..جمانه لغرفتها..ونقلن غراضها لغرفتها!

فامه كالت:.

اي بعد احسن..4جرابي بالغرفة هوسه.

فكالن:

اي صار..نرجعها..

طلعنا من المطبخ تكابلنا ع الجرباية رجعناها..واني نقلت ملابسي..للكنتور الي بالغرفة..اي هيج احسن..

خلصو جاي..ام ضرار..وعمو دخلو لغرفتهم..وضرار..صعد...لغرفته متعود ينام ساعة لو ساعتين الظهر..وبعدين يروح للمحل..اني ويه البنات تغدينا ونظفنا..بعدين هنه دخلن لغرفتهن واني هم دخلت لغرفتي..بس تمددت انفتحت باب غرفتي..شفته واكف بالباب..ابتسملي:

اكو..شغلات الج بغرفتي..اي شي ميعجبج شمري..بالزبل..

بعدني..ممجاوبته سد الباب وراح.

وره ساعتين طلعو هو وعمو..ام ضرار..اخذت سلسبيل.

وراحن ع بيت ام سلام بقينا بس اني وهديل شفتها دخلت للحمام تسبح صعدت فوك لغرفة..ضرار..ادور وين مخليهن..شفت كنتوره معلكة بيه المفاتيح فتحته..شفت العلاكتين الي جابهن الظهر..اي اكيد هنه..فتحتهن..من شفت..علبه المكياج..عرفت.اي هنه..اخذتهن ونزلت..لغرفتي قفلت الباب عليه فكرت اخاف هديل تطلع من الحمام..وتشوفني اكلب بيهن اقفل الباب احسن..فتحت..العلاليك..لكيت علبه مكياج كاملة كولشي..بيها صح اني ما اخلي مكياج من اطلع حتى من جنت بالكليه ما احب اتمكيج...مثل البنات بس اني اعرف اتمكيج..لان جنت دائما اجرب..بمكياج ماما وتعلمت..باوعت شفت بعد شكو بالعلاكة..هاي شنو..ملابس نوم و داخليه ستيانات وشورتات..الوان تخبل..باوعت ع قياس الستيان..يااااا..هذا شلون عرف قياسي..طلعت باقي الغراض معطرات مال جسم..وبودرة..ملمع جسم..عزززة حتى مكينه براون مشتري..وعلب مال شيره..هذا شمعرفه بهالسوالف..شامبو ومكيف شعر..وكريم شعر..وبعد كومه شغلات..تعجبت..هو..ولد شلون يعرف شغلات البنات..خليتهن بالكنتور..بس..فتحت الباب شفت هديل طلعت اخذت ملابسي وغراضي وفتت...للحمام..نظفت جسمي كوله رغم اني ابد مبيه شعر..جسمي ناعم واملس..بس..هدب..لونه اصفر ناعم..وطلعت من الحمام..مشطت وخليت كريم معطر..شعري حلو ممحتاج سشوار..ومن خليتله الكريم..

حتى القراصة بعد متلزم بيه..اباوع ع نفسي بالمرايه..ممصدكة دا ارتب نفسي اله..بس بقيت بنفنوفي الاسود..فكرت..عود من يصير الليل ابدل..ملابس نوم..اي والبس فوكاهن دشداشه حتى محد يحس عليه..وصار الليل..واجه ضرار..حسيت كلبي يرفرف من شفته دخل بسيارته..من الباب...الرئيسي..وتعشه وصعد..يتصرف طبيعي...ولا يبين عليه شي..مو مثلي مرتبكة واحس اهل البيت كولهم ديراقبوني..صارت ساعة 12..كولهم نامو..اني بدلت وخليت شويه مكياج..طبعا..قبل لا البس ملابسي استخدمت بودرة..الجسم عطرها يجنن..وتخلي الجسم مثل المرمر...ولبست..دشداشه فوك ملابسي وصعدت دكيت الباب:.

فوتي..

فتت..شافني..بالدشداشه:.

اهوووو..هم اسود!.

اصبر دقيقة هسه انزعها..

نزعتها..شافني لابسه ملابس نوم..اختاريت..واحد لونه..شونذري..يخبل..ع جسمي..كال:

هالله..هالله ليلتنا..حمره بأذن الله..تعاليلي..

جيت..كعدت ع..طرف الجرباية..

تعالي..تعالي وين كاعدة بعيد..مكانج بحضيني..

ادنيت يمه..حضني..

وكال:

اويلي ع النعومة والعطر..اي هيج حسي ع نفسج مو..

البارحة صعدتيلي بالاسود!

اباوع بوجهه وادعي بكلبي ياربي بلكي يحبني وبعد ميعوفني..

شبيج..يروحي بعيونج الحلوات حجي..

تذكرت هو كلي لتضوجيني فكتلة!

لا..لا كولشي ماكو..

بده..يبوس بيه ويحضن بيه..بعدين دغدغني..اني حيل اغار..من الدغدغة..بقيت اضحك..حيل واتهزم منه:

لا...لا..فدوة كولشي ولا ادغدغني ما اتحمل..

لا..لا فدوة..هو هم يضحك مثلي..شويه وصفنت..

شبيج صفنتي:.

ضرار..يصير ابوسك!

هههههه...شنو!

يصير..اني ابوسك!

ولج..يصير..ويصير..ويصير...هذا شلون سؤال من البارحة واليوم اني ابوس..واعضعض وهسه..ضرار..يصير ابوسك..بوسي..بوسي..بعد خالج.بوسي.والهوه..بظهرج!

ادنيت بسته ع خده

ههههه...بوسه مال جهال بس..ماشي..مقبولة العافيه درجات؟؟؟

يحجي ويبتسم..شفت شعرايه طويلة بشاربه الحلو مديت ايدي ردت اكطعها..بس وخرت ايدي..لا..لا..اخاف يصير عصبي..

هااا..شبيج..ليش وخرتيها ايدج!..

هااا..لا ماكو شي..بس اكو شعرايه طويلة ..ردت اكطعها

ولبش بطلتي!.

مو..كلت اخاف تعصب..مني..

ههههه..ولج...اني..ملكج..كولي الج...من ايدج هاي لايدج..هاي..من ندخل اني وانتي لهاي الغرفة يعني دخلنا لعالمنا..الخاص..اني ملكج..وانتي ملكي..كطعي شعري..بوسي..لعبي بيه طوبه..اني الج وانتي الي!

صدوك..يعني..بعد مااخاف..

لا..متخافين..هنا..بمملكتنا..ماكو..خوف..انتي..روحي..واني روحج...يصير واحد يخاف من روحه!

شوف انت..تحجي هيج..واني لحد هاللحظة ممصدكة انت ضرار..اخاف..اني دا احلم..

احلمي..يروحي..احلمي شكد متكدرين...

وحضني..حيل..وعشنا..احلى ليلة..

ومر...اسبوع واللاخ..واحنا كل ليلة نعيش بعالمنا..دنيا ثانيه كولها حب وغزل..خبلني..عقلي اخذه مني..كمت اموت عليه..من صدوك..عشكته..برغم كول هذا..هو يخوف. لان عايش شخصيتين..بره الغرفة ضرار الاولي الي..نظراته مثل نظرات الصكر..يتأمر. ويزمخ..وبيناتنا..لطيف..وحباب مثل الطفل..رغم خايفه منه واتوقع ساعة الساعة اطخ بعقلة ويكولي هاي هيه شبعت منج..ومليت بس اني حبيته موبيدي والله..هو خلاني احبه..حتى طبعه العصبي..هم حبيته..حتى خبالاته حبيتهن.شلون بيه شسوي اذا عافني..لو..طلكني يمكن..

يمكن انصدم صدمة عمري..وره..هالاسبوعين..كلي:

باجر..رايح لتركيا عندي شغل ابقه كم يوم..

انقبض كلبي!

هااا..يعني...يعني...كم يوم تبقى!

اربع..خمس..ايام!

يعني ضروري..تروح!

اي..ضروري..ولتحاسبيني جمانه..هذا تحذير..ما احب تتدخلين بشغلي!

ماشي...

شبيج..شو كلبتي خلقتج!

مبيه شي..بس اشوف الممثلات التركيات حلوات..لازم اكو بنات حلوات هناك!

خرررب...خرررب..ههههه..ولج ضحكتيني..تغارين عليه!

ليش..ما اغار..ليش اني شعندي غيرك..لا اب..ولا ام..ولا اهل..انت..كل اهلي..

صدوك..معتبرتني اهلج..

رأسا دمعت..

اهووووو...لتبجين..جمانه يعني هاي وداعيه..كتلج باجر مسافر..تودعيتي بالبجي..انشالله اموت..بالطريق..

لا..لا لتكول هيج..عفيه ..لتجيب طاري الموت..

لعد لتبجين..هسه مكلتي شأجيبلج..وياي!

انته!

شنو!

انته..ما اريد شي..بس ارجعلي انته..

هالله..هالله..شهالحجي الحلو!

هذا موحجي ضرار..هذه حقيقة..اني ما اريد من الدنيا بس انت..لتضحك ع عقلي..بس..اني..احبك!

اي ليش متحبيني..كل البنات..تحبني!

ايباااااه..شكد مغرور!

وداعتج..ماكو بنيه متحبني..لج اني ضرار..مو ياهو الجان

ماشي..لعد روح للبنات الي يحبنك..

لج..شبيج...غيارة..واذا حبني!! البنات..متكيفين..حبيبج..مميز والبنات تحبه..

لا ما اكيف..اصلا الي..تباوع عليك..اشلعهن لعيونها..

ههههه..

اي..اضحك...اضحك..واحرك..بكلبي!

سلامة كلبج..يروحي..تعالي بحضيني..خلي انام.ورايه سفر.الفجر!

خلي احظر جنطتك..

لا..مو هسه..اني اكعد بالاربعة..الصبح احضرها..

تعالي..خلي احضنج...وانام..نعسان

ونمنا..الفجر..راح..سافر..حبيبي..

من اول يوم..اشتاقيتلة..اووف شيخلصها سفرته..ويرجعلي.يعني ضروري يروح..هو صايغ شنو شغله بتركيا..بين فترة وفترة يروح..ومرن يومين..يا الله حتخبل..هالكد مشتاقيتله وفوكاها معندي لارقم تليفون..لاحساب ماسنجر..لا واتس اكدر اتصل بيه..كلبي..احسه حيطوك...

احسب..ساعة ساعة حتى يخلص اليوم..ويجي اليوم الي وراه حتى تخلص سفرته ويرجع..وخامس..يوم.المغرب.اجه..حسيت روحي رجعتلي..عادي امه باسته وابو اخواته..سلمن عليه اني سلمت عليه سلام عادي كدام اهله...انتظر..شوكت يصير الليل حتى اصعد لغرفته واحضنه..واكوله مشتاقتلك!

وصار الليل..بدلت..ورتبت نفسي وصعدت..مدكيت الباب بسرعه..فتت..ركضت حضنته؛

هلااااو..شلونج..يروحي!

بخير..مدام شفتك..حبيبي!

اخخخ...اليوم حبيبي..

شنو قابل..اجذب..عمي..احبك..والله..احبك..تريدني اطلع للشارع..واصيح احبك..مشتاقتلك..معندي مانع

باسني..وبسته هيج..بوسات مال اشتياق..ولهفة..وعشنا..لحظات تخبل..بعدين..كلي..تعالي اشوفج شنو جبتلج!

جبتلي احلى ما بالدنيا وهي شوفتك.حبيبي!

ههههه..لج..ملعونه..كافي...موتعبت..خلي ارتاح..نعسان..تعالي شوفي شنو جبتلج.وياي..

فتح..الجنطة جايبلي شغلات تخبل ملابس وعطور ومكياج...بعدين فتح علبه زغيره...طلعلي منها..كلادة..كلي؛

شوفي..هذه..الكلاده..ذهب..بداخلها..الماسه..بيها اسمج...نقشها الي..نقاش تركي..واني..صغتلج..عليها.

المدالية بيدي هناك!..يعني هاي قطعة مصنوعة خصيصا الج..يعمري.

.دمعت..عيوني                                                                        

كلي اووف ليش دمعتي..غير تفرحين..تعرفين شكد تعبتني..ليلتين..اثبت بيها..

انت بقيت ليلتين تصوغها:.

اي والله لان بيها حفر اتعب!

شبكته..وكتله..:.شكرا حبيبي..شكرا..انت..هديتي..والله

البسيها..

لا..ما البسها..اخاف البنات يسألني منيلج!

كتلج..البسيها..

ماشي.

.لبستها..                                                         

تخبل..ع ركبتج..الحلوة..

ومرت الايام..تقريبا..شهر..ونص..عايشه وياه احلى..من عيشه الاحلام..احبه..وفرحانه باهتمامه...بيه..واحس الدنيا..كولها ملكي الى ان اجه اليوم الي نغص حياتي..وخرب سعادتي..وطير النوم..من عيني..

الفصل التاسع من هنا